سن، منیم ایچیمده

« حسن ریاضی» ( ایلدیریم )

سن
منیم ایچیمده اویویان بولوت‌سان؛
اویاناندا
تورپاق یاشیللانار،
اویویاندا
سونبول‌لر، گول‌لر یانار.

سن
منیم ایچیمده اویویان حسرت‌سن؛
اویاناندا
باخیش‌لاریم مفتیل‌‌لری قیریب کئچر،
اویویاندا
دورنالار قارانقوش‌لار له‌لک تؤکر.

سن
منیم ایچیمده اویویان فیرتیناسان؛
باغیرسان داغ‌لار دیسکینر،
سوسان دنیزلر کوسر.

سن منیم ایچیمده اویویان آرزوسان؛
اویانسان
اوشاقلار قوشلارا قوشولوب اوچوشار،
دونیا باشقالاشار.

سن
منیم ایچیمده اویویان من‌سن؛
اویانسان
هردوداقدان بیر نغمه قوپار،
هر باخیشدان بیر گؤیرچین اوچار،
سؤزلرده بولاق‌لار جوشار.

سن اویاناندا،
آغ کاغیذدان
شعرلر
منه ساری
بویلانار!

https://t.me/Adabiyyatsevanlar

«نیما یوشیج»

آی آدم ها
آی آدم ها که بر ساحل نشسته شاد و خندانید
یک نفر در آب دارد می سپارد جان
یک نفر دارد که دست و پای دائم می زند
روی این دریای تند و تیره و سنگین که می‌دانید
آن زمان که مست هستید از خیال دست یابیدن به دشمن
آن زمان که پیش خود بیهوده پندارید
که گرفتستید دست ناتوانی را
تا توانایی بهتر را پدید آرید
آن زمان که تنگ می بندید
بر کمرهاتان کمربند
در چه هنگامی بگویم من ؟
یک نفر در آب دارد می کند بیهوده جان قربان
آی آدمها که بر ساحل بساط دلگشا دارید
نان به سفره جامه تان بر تن
یک نفر در آب می خواند شما را
موج سنگین را به دست خسته می کوبد
باز می دارد دهان با چشم از وحشت دریده
سایه هاتان را ز راه دور دیده
آب را بلعیده در گود کبود و هر زمان بی تابیش افزون
می کند زین آبها بیرون
گاه سر. گه پا
آی آدم ها
او ز راه دور این کهنه جهان را باز می پاید
می زند فریاد و امید کمک دارد
آی آدم ها که روی ساحل آرام، در کار تماشائید!
موج می کوبد به روی ساحل خاموش
پخش می گردد چنان مستی به جای افتاده، بس مدهوش
می رود نعره زنان. وین بانگ باز از دور می آید:
آی آدم ها…
و صدای باد هر دم دلگزاتر
در صدای باد بانگ او رساتر
از میان آب های دور ی و نزدیک
باز در گوش این نداها
آی آدم ها…
 
https://t.me/Adabiyyatsevanlar

‏آذربایجان طنازلاری دوکتور«علسگرعزیزپورون» گوروشوند.
بیرینجی بولوم

آپاریجی:« کریم قربانزاده»

زمان: جومه 1401/4/24
ساعات: 22

https://t.me/Adabiyyatsevanlar

آذربایجان طنازلاری دوکتور «علسگر عزیز پورون» گوروشونده.1401/4/24

بیرینجی بولوم
آپاریجی:«کریم قربانزاده»

https://t.me/Adabiyyatsevanlar

سس و سوز:«ابراهیم صدری»


https://t.me/Adabiyyatsevanlar

آرخایینجا

✍ مسعود(یاشار) فروغی

💧
آرخایینجا
آرخایین؛
آی آنا گول
اورمو
جئیقاتی ایله تاتائودان
آشکلاریمی
دامجی_ دامجی
سئل اوولار
سن اوچون
یوللویاجاخام
ساچی؛
بوتون سانئیلاریمدا
سنی
خزر دنیزینه گیبی
دوب_ دولو
سئللر کیمی
آخار_داشار
داشار_ آخار
ائتدییب؛
اولا بیر داها
دورنالار اوچوشوندا
خزره چاتدیراجاخام
💦
1401~4~22

🔹سوزجوکلر:
👇👇👇
🔹جئیقاتی ایله تاتائو:👈 آذربایجاننین بویوک
چاییلاری قوشاچای اوروندان(شَهَریندن) اورمو
گولونه توکولور؛ جئیقاتینین سویو اَن دیازلانییب؛ تاتائونوندا سویو داها قورویوبدو. آنجاق بو قوشا
_چاییلارین سویو اوز آدلاریینا اولان دلتالاریینا اورمو گولونده چاتماییرللار؛ چاتا بیلسه لر منیم سایینلار _ ساغلاملاریمی(سالاملاریمی) اونلارا یئتیره بیلرسینیز!؟/
🔹آشک_آشگ:👈اَشکییده دئییرلیر_گوز یاشی_
بو سوزجوک آشکانلی تورکلرین آدی _سانیلاریینا باغلی ایدی/
🔹سانئی:👈 فیکیر_ دوش_خئیال_ دالماق/
🔹خزر:👈 خزر دنیزی آدین_ سانین بویوک خزر تورکلریندن آلییب ایدی/

https://t.me/Adabiyyatsevanlar

تبریک لر اوغورلار
«شخصی بیر اوتاق» ایشیق اوزو گوردو

یازار:«ویرجینییا وولف»
ترجمه :«سئوینچ پاشایئوا»
کؤچورن :«سعیده حسن‌پور»
انتشارات سونا
سونا نشریاتی
رقعی / شومیز
130 صفحه
1000 تیراژ
چاپ 1401
قیمت : 47000 تومن
ساتیش مرکزلری:
سونا انتشاراتینین دفتری
قادین‌لارین آراسیندان نییه شئکسپیر کیمی یازیچی چیخماییب؟ نه اوچون جینس‌لردن بیری بو قدر زنگین ایکین دیگری چوخ یوخسول‌دور؟ یوخسوللوقدان ادبیاتا تاثیری نه‌دیر؟ بو سوال‌لارا جاواب آختاران ویرجینییا وولف-ون «قادین‌لار و ادبیات» مقاله‌لری اساسیندا یازیلمیش «شخصی بیر اوتاق» کیتابی 1929- جو ایلده، اینگیلتره‌ده قادین‌لارا سئچکی حوقوقو وئرن قانونون قبولوندان بیر ایل سونرا چاپ ائدیلیب. مؤللیف اثرده اون آلتینجی عصردن بری قادین جمعیتده‌کی سوسییال مؤوقعیینی، ادبیاتداکی رولونو آراشدیریر، موباحیثه‌یه سبب اولان سوال‌لاری جاوابلاندیراراق «قادینا یازماق اوچون پول و شخصی اوتاق لازیم‌دیر» قناعتینه نئجه چاتدیغینی ایضاح ائدیر. مؤوضویا ایکینجی درجه‌لی مسئله کیمی یاناشمایان یازیچی، قادین‌لارا چیخیش یولو گؤسته‌ریر..

https://t.me/Adabiyyatsevanlar

اولن دنیز...
ایفا: منصور زامان

https://t.me/Adabiyyatsevanlar

«دومان_بختیاری»

آدیمی یازاندا شعر اوتاغیندا،
آلا گؤزلرینین قاراسیندا یاز!
آپار پاییزلایان بوش اللریمی،
ساری ساچلارینین آراسیندا یاز!

اونوتما دردیمیز قوشا یازیلمیش
یازیمیز قانادسیز قوشا یازیلمیش
بلکه ده پاییزا،‌ قیشا یازیلمیش
بو دردی بیر غزل چاراسیندا یاز!

دره‌نین آجیسین، داغین نیفرتین،
سس‌سیزجه یاشاماق چتین دیر، چتین
گونش ائلچی‌سینین آغ محبّتین
قورخما... اوره ییمین پاراسیندا یاز!

داریخیب بیلیرم غزللیک‌لرین
نیسگیله بویانیب گوزللیک‌لرین
عؤمرونده یاشایان خزللیک‌لرین،
دردینی گوللرین یاراسیندا یاز!

«دومان»ی یازگینان گول نفسینده!
یاز اوچوب، داغیلیب گولل‍ه سسینده
داریخیب شعرینین پنجره‌سینده
گوناهی گؤزونون قوراسیندا یاز...!

https://t.me/Adabiyyatsevanlar

«کریم قربانزاده»

یازدا یاغیش-
قیش دا تونقال-
قوربتده وطن-
وطن ده سفر-
ساواشدا باریش
و قارانلیقدا ایشیم- ایشیم ایشیلتی کیمی
سئویرم سنی!
من سوکوتون ان درینلیگینده
ایکیجه سئوگی سؤزو کیمی‌سئویرم،
سئویرم سنی!
۲
بئینیمین قاپ باجاسینی آچاجاغام
سیل سوپور ائده‌جه‌یم قارانلیق دالان‌لاری،
اپریمیش دوشونجه‌لری
یالنیز و یالنیز
بیر اتک یاغمور
و بیر قوجاق گونش ساخلایاجاغام-
سنی سئومک اوچون.
۳
بیر آز آغاجلار آییلسا
بیر آز اللریمیز بیر- بیرینه اوزانسا
و بیر آز گونش قیزدیرسا جانیمیزی
یاز دؤیر قاپینی؛
پنجره چیچک‌لره آچیلار
و تار ائیواندا چالینار.
۴
منی ساچلارینا هؤر
گؤزلرینه دولدور
کؤینه‌یینه دویمه‌له
من سنده یاشاماق
سنده اؤلمک ایسته‌ییرم.
۵
خوشبختلرین بیریسی‌یم:
بیر جوت قوش
بیر خوروز
نئچه پیشیک
و بیر شاعیر دوستوم وار.

قایناق:«ایشیق سایتی»

https://t.me/Adabiyyatsevanlar

«ناصر داوران»

اؤلدورورلر

بیر آز سو گتیرین
بیر آز سورمه
بو دوزلو قیزین نه واختی‌دیر آخی؟
بخت ائوینه یولو دوشمه‌میش
سون منزله‌می گئتمه‌لی؟

بولود نه بیلیر اؤگئی - دوغما فرقینی؟
اؤیره‌دن وار اونو.
بیر گون‌ده دئیه‌جکلر
آراز اؤزون اؤلدوروب.

میلیون- میلیون قباله گتیرین
حیاتینیزدان
غضبینیزدن
بو گؤل قورتارماسا قورتاراجاق
گونو گوندن سویا گئدیر سویو
نانجیب ال‌لر ایسه
دوز سپیر یارالارینا
سوسوزلوغونا.

آناسی‌نین گؤز یاشی نئیله‌یه‌جک
دیلی ده یوخ دانیشسین باری
حاکیم قرار وئریب
دیلی ده سویو کیمی...

قوزغون آدلی بیر قوش
بئینینده جمدک تابلوسو
چیرمالانیب بایرام ایشینه.

https://t.me/Adabiyyatsevanlar

عدالت...

https://t.me/Adabiyyatsevanlar

« مارک_دو_پلو»
كتاب خواندن در پاریس حسابی حرص آدم را در می آورد. هر کس را می بینی، یک کتاب در دست دارد و تند تند مشغول مطالعه است. سن و سال هم نمی شناسد، سیاه و سفید و مرد و زن و بچه هم نمی شناسد. انگار همه در یک ماراتن عجیب گرفتار شده اند و زمان در حال گذر است. واگنهای مترو گاهی واقعا آدم را یاد قرائت خانه می اندازند، مخصوصا اینکه ناگهان در یک مقطع خاص کتابی گل میکند و همه مشغول خواندن آن می شوند...فضای پاریس هیچ بهانه ای برای مطالعه نکردن باقی نمیگذارد. شاید برای همین است که پاریسیها معنای انتظار را چندان نمی فهمند، آنها لحظه های انتظار را با کلمه ها پر میکنند.

https://t.me/Adabiyyatsevanlar

«قوشلارین قبری»

«علی تقی زاده» لاریجان

سرین پاییز آخشامیدی. کوچری قوشلار شمال اوکیانین اطرافیندا گئجه یوخوسونا حاضیرلاشیردیلار.بیردن آجی بیر کولک باشلادی. شمال قیشین خاطیرلادان بیر کولک. قوجا تجروبه لی دورنا ، سانکی یوخوداایمیش ، اوزونه گلدی. دسته سین باشینا توپلاییب دئدی: بو کولک ، جنوبه دوغرو کوچمک اعلانیدی. بیر بیریزه سویکه نین . هم قیزینین همده یاخشیجا یاتین، دینجه لین. سحر گونش دوغان کیمی اوچمالییق .
قوشلار دسته سینه بیر هیجان ، های کوی دوشدی. تزه پروازلانان بیرجوت دورنا بالاسی سئوینجک اویناییردیلار. آتا آنالاری اونلاری گوروب موبهم خیالا دالمیشدیلار. آنا دورنا دئدی: سنجه اوشاقلار بو اوزون سفره حاضیردیلار؟
آتا دورنا: هه. آرخایین اول . بو سون هفته لر چوخ دقت ایله میشم . ساغلام ، جسارتلی همده چئویک گورونورلر. آتا دورنا بو سوزلری تمکینله دئسه ده ، اورکدن آرخایین دگیلدی.
قوشلار جومالاشیب یاتدیلار. آنجاق آتا دورنا قوطبون شفقیه باخیب درین فیکره گئتمیشدی. آنا دورنا اوزون اونا یتیریب ، هئچ نه دئمه دن یانیندا دوروب گوزلرین شفقه زیلله دی. نئچه دیقه دینمه دن ، بیر بیرینه باخمادان اوزاقلارا گوز تیکمیشدیلر. آنا دورنا دیله گلدی : سنده من دوشوننی دوشونورسن؟ آتا دورنا: هه .سن اوشاقلارحاقدا سوروشاندا ، یاز کوچونده ، اورمو گولونون سماسیندا دئدیگین سوزلر یادیما دوشدی.
اوندا من دئدیم : گوزلنیلمز قادا بالادان قورتارساق ، جنوبا قاییدان باش ، دورد بئش دورنا اولاجیق . بو گوزل گولون ساحلینده هر ایل سایاغی سیر ائدیب دینجه لیب ، بیر گون سورا کوچه داوام وئره ریک . سن سمادان گوله باخیب دوروخدون. دئدین: یامان قورخورام . بئله کی بو گول قورویور ، پاییزا قالاسی دئییل.
آنا دورنانین گوزلری یاشاردی . دئدی : نئچه گوندی بو فیکیر باشیمدان چیخمیر. اوره ییمه دامیب کی قاییدان باش او گولدن بیر اثر قالمیاجاق . گول قوروسا ، نئجه اولاجاق ؟ بیزلر تجروبه اوزره سونکی دوشرگه یه قدر داوام گتیریب ، بیر باشا اوچا بیلریک . آنجاق تزه پروازلانان قوشلار او اوزون مسافه نی اوچاماغا طاقت لری اولارمی؟.
سحر ائرته دن دورناقاطارلاری ، قی وورا وورا جنوبا دوغرو کوچه باشلادیلار. او گون کی آخشام چاغی اورمو گولونده قونمالی دیلار، گولده آنجاق دوزلی بوغاناق گورونوردی . ینی یتمه پروازلانان دورنالارین چوخی ،همده بعضی طاقتی توکنمیش قوجا دورنالار، دسته دن اوزولوب اورموگولونه ( دوز فیرتیناسینا) دوشوردولر. قانادیندا طاقتی قالان قوشلار اوچماغا داوام وئریردیلر. ابدی آیریلیق دان ایدی ، هاواداکی دوزدانیدی ، بلکه ده گوله ینی حیات وئرمک اوچون ، اوچان قوشلارین گوز یاشیدا گوله یاغیردی. اورموگولو،قوشلارین قبرینه چئوریلدی.
https://t.me/Adabiyyatsevanlar

«ائلیارپولاد»

گونئی اوخوجوسو مشهور یازیچی کامال عابدوللانی اؤنجه‌دن مؤحتشم تئرولوگییا یعنی «سئحیربازلار دره‌سی» «یاریمچیق ال‌یازما» و «اونوتماغا کیمسه یوخ» رومانلاری ایله تانییر. بیر بیری ایله سیخ علاقه‌ده اولان بو اوچ اثرین شوبهه‌سیز یازیچی‌نین دیلی و اوسلوبو، میف و افسانه‌لر دونیاسینا فرقلی بیر یئنی دؤنوش عئینی شکیلده حقیقی معنادا اسکی متن‌لرین قورولوش سؤکومو ایله اوخوجوسونو بویوله‌یه‌رک اثرلرینین سونونا قدر آردینجا چکمیشدیر.

بو او درجه‌ده اوغورلو اولموش و کامال عابدوللا بونو تام باجاریقلا یئرینه یئتیرمیش‌ کی دونیا ادبیات تنقیدچی‌لری او جومله‌دن اومبئرتو ائکو کیمی تانینمیش تئوریچی‌ بئله، اونون یارادیجیلیغی باره‌ده موباحیثه ائتمیشلر.
«سیرلرین سرگذشتی» بو یازیچی‌نین بو گونه قدر سون رومانی و اسکی اوچ اثری ایزله‌ین و عئینی شکیلده تاماملایان بیر اثردیر. اثر دیگر اوچ اثرده‌کی گیزلی قالان نؤقطه‌لره فرقلی بوجاقلاردان یاناشیب آیدینلیق گتیرمکله یاناشی، اؤز موستقیل خطینی ده ایتیرمه‌میش، عئینی حالدا سیرلی بویولو میفلر، افسانه‌لر، تاریخی روایتلر دونیاسینی چاغداش زامانیمیزا داشیمیشدیر. حسن معللیم ، حسن آغا سییاحین چاغداش ...

واریانتی‌دیر دئسم یانیلمامیشام. بو فروید دیلی ایله خاراکتئر دییشمه‌سی‌دیر و داها دوغروسو عئینی خاراکتئرین ایکی چؤهره‌سی. سیرلرین اوستونو آچان میرزا حسن آغا سییاح، چئوره‌سینده‌کی اینسانلاردان مجبور آیریلماغی، موعاصیر دونیادا، حسن معللیمین آلزایمئر توتماغی ایله عئینی‌لشیر.
کیتابی حادیثه‌لرینی و اوبرازلارینی داها آرتیق اوستونو آچمادان بوتون دوستلاری بو مؤحتشم اثری اوخوماغا چاغیریرام.

https://t.me/Adabiyyatsevanlar

شهرین بیرگونو منیم گوزومدن
یازار:«سحر خیاوی»

https://t.me/Adabiyyatsevanlar

شَهَرین بیر گونو منیم گؤزومدن
✍:«سحرخیاوی»

دان یئری گؤیریر. گونش یاواش- یاواش داغلارین دالیندان چیخماق ایسته‌ییر. شَهَر آغیر یوخودان آییلان آداملار کیمی گَرنَشیر. دامارلارینی سیندیریر و یاشامین یئنی بیر قالابالیق گونونو یاشاماغا حاضیرلاشیر.
ایلک منه آددیم قویانلار بلدیه‌لر اولور. اونلار یولاقلاری سوپوروب، زیبیل‌لری گؤتوروب، بعضن ده اللرینده کی بئلین اوجویلا، سو یولونا زیبیل تؤکنلره لعنت اوخویا- اوخویا آرخلاری تمیزله‌ییرلر.
اونلاردان سونرا ایش آختاران فهله‌لر، هره‌سی بیر توربادا ایش پالتاری اللرینده مئیدانا ییغیشیرلار.
ایش صاحیبلری چوخلوق ماشینلا فهله آپارماغا گلیرلر. هر ماشین گلدیکجه اونلار فهله شیغییب،"ارباب منی... منی آپار"-- دئییرلر.
اربابلار مال آلان کیمی موشتری گؤزو ایله فهله‌لرین ائنینی- اوزونونو اؤلچوب، ان گنجینی، ان جانلیسینی سئچیرلر.
گون یاییلاندا یئرده قالانلاری سویو سوزولموش، الی بوش، مٵیوس مئیداندان قاییدیرلار.
شَهَر اویاندیغجا توکانچیلار توکانلارینی آچیرلار. چؤره‌ک خانالارین قاباغی قالابالیقلاشیر.
بیرآزدان سونرا آل- وئر قیزیشیر. بازارچیلار یالان آندلاردان ایچیب موشتریله نئچه برابر قیمته جینس ساتیرلار. کیمیسی آلیر، کیمیسی پولو اولمازکن یالنیز حسرتله باخیر، کئچیر.
بیر اوشاق یوخسوللوغو دوشونمه‌یرکن آناسیندان نوبار میوه ایسته‌ییب اونو هامینین قاباغیندا شرمنده ائدیر. آناسی سورویورسه ده اوشاق میوه توکانلاری قاباغیندا آیاق دیره‌ییر. بیر چوخونون کارتی چکیلنده" موجودی کافی نیست" یازیر.
ایکی ماشین توققوشور، سوروجولر ماشیندان ائنیب، یاخالاشیب، هر بیریسی باشقاسینی سوچلو بیلرکن یامانلاییر. اونلاری آییراندان چوخ، موبایل ایله فیلیم چکن‌لر اولور!!
بیر دَلی اؤلو اعلامیه‌لرینه باخارکن، اللرینی اووشدوروب، "ماشاللاه...نه چوخالیبلار. حالوا یئیه‌جم"-- دئییر.
بیر قادین پاساژین ناساز پیلله‌لریندن هرله‌نیر. یانیندا کی قیز اوشاغی شاشقینجا گولَن جماعته باخیر!
بیرینین پیادا یولونون چالا- چوخوروندا آیاغی بورخولور، حیرصلی" بو خارابادا ائششک ییخیلسا دیشی سینار"-- دئییر.
بیر قوجا کیشی‌نین آیاغی استاندارد اولمایان دمیر کؤرپونون آراسینا گیریر. الینده آلدیغی یئرآلما- سوغان یئره توکولوب، پرن- پرن اولور. بیری آتش‌نشانی‌یه خبر وئرین دئییر. جماعت بیر شکیل قیچینی دمیرلرین آراسیندان چیخاریرلار. آمما سانکی قیچی سینیب، دوختورلوق اولور.‌‌..
الینده ایکی اوچ بسته ساققیز ساتان اوشاق گلیب-گئدنلرین اته‌ییندن آسلانیر،" عمی.... خالا.... نه اولار... نه اولار.... بونلاردان آلین...".
اؤز یاشامینین دولانباجلاریندا فالینی اودوزان اوغلانجیق، اؤزگه‌لره فال ساتیر...
آداملارین پولو یوخدو دییه، باشماق آلا بیلمیرلر، اودور کی پیادا یولوندا دالدالانان پینه‌چی عمی‌نین ایشی چوخدور!
شهرین بو قدر سینیق- سالخاغینی گؤرن مامور، یالنیز قادینلارین اؤرتوگونه پالتارینا گیر وئریر... گنجلری سوروتله‌ییب ماشینا باسیر...

هله یولداشلاریمدان ائشیدیرم اونلارین دا وضعی منه تایدی.
شهره سفر ائدنلر ده شهری اوزلرینه اوگئی سانیب، نعمتلریندن یئییب- ایچیب، طبیعتینده گزیب، آغاجلارینی سیندیریرلار، زیبیل‌لرینی طبیعته توکوب گئدیرلر، بیر سوزده دوز یئییب، دوز قابی سیندیریرلار!!


شافاق قارالینجا باشیم او قدر مصیب‌لر چکیرکی...
الیمدن هئچ زاد گلمه‌ین کیمی ناچار بیر کونجه قیسیلیرام، سیگاری سیگارا توتورام. اوزون ایللردیر خیسیلتیلی نفسیمی، اؤسکورکلی سسیمی کیمسه ائشیتمیر. کیمسه یاراما ملحم قویمور. یارالاریم او قدر درینله‌شیب اونلاردا شهرین ناکام آغاجلارینی اکمک اولار. گوجوم اولسایدی یارالاریمی موخبیرلرین کامئراسینا گوسترردیم بلکه اوتانمایانلار اوتانسین یارالاریمدان.

یادیما کیمسه‌لرین بو شهره باشچی یازیلدیقلاری گونلر دوشور.
بویالی، گولوشلو شکیل‌لر دیوارلاریمی بزه‌میشدی. یاغلی- بوغلو شعارلار هر طرفیمه یازیلمیشدی. هرکس اوزونو بو شهره ان اوره‌ک یاندیران گوستریردی. یولاقلار دا اونلارین تبلیغ کارتلاری ایله دولموشدو. یازیق بلدیه‌لر کار- کاغیذ سوپورمکدن یورولموشدولار.
کئشکه اَلیم اولسایدی او ریاکار گولوشلو شکیل‌لری جیریب زیبیل دولونا باساردیم. وئردیینیز وعده‌لر شَهَرین شاققیلداقلی دیزینده گؤرونور دییردیم.
آیاغیم اولسایدی توو دابانا بو قارغانمیش شَهردن قاچیب آرخاما بئله باخمازدیم.
حئییف کی نه الیم وار نه آیاغیم. یالنیز گؤروب کَرَم کیمی الیشیرام. حیرص یئییرم. سوندا بو حیرص الیمه ایش وئره‌جک بیلیرم. یا انفارکتدان اؤله‌جم ، یا ال قومباراسی کیمی یالانچیلارین اوزونه پارتلایاجام، پارچانلانمیش جنازه‌م الینیزین اوستونده قالاجاق!!
بیلدینیز من کیمم؟ سیزه غریبه دئییلم. من بو شَهَرین "آزادلیق" خیاوانی‌یام!!
"آز آدلیق" خیاوانی"!!
https://t.me/Adabiyyatsevanlar

‌‏آذربایجان طنازلاری دوکتور«علسگرعزیزپورون» گوروشوند.
ایکینجی بولوم

آپاریجی:« کریم قربانزاده»

زمان: جومه 1401/4/31
ساعات: 22

https://t.me/Adabiyyatsevanlar

اوشاق ادبیاتی

اوشاق ادبیاتی هرهفته پنجشنبه گونو ادبیات سئونلر کانالیندا .
اوشاق ادبیاتینا دایر یازیلارینیزی بیزه گوندرین .

https://t.me/Adabiyyatsevanlar

اوشاق ادبیاتی
بابا و نوه
«خالده حاصیلووا»
کؤچورن:«ذکیه ذولفقاری»

کندین کناریندا ایری بیر سؤ ­ یود آغاجی واردی. یایین ایستی آیلا ریندا- او هر طرفه قول­بوداق آتیب سرینلیک یاییردی. اوزاق یولدان گلن‌لر بو آغاجین کؤلگه‌سینده دینجل‌مه‌میش کنده گیرمه زدیلر. اوزوم سالخیملاری کیمی ساللانمیش بوداقلار آز قالا یئره دَ‌ییردی. با شیندا دا هر یای ساغساغانلار یو وا تیکردی. او قدر هوندور ایدی کی کندین یئددی کیلومِترلیییندن ده اونو گؤرمک اولوردو. بو آغاج نه واخت اکیلمیشدی؟ بونو هامیدان یاخشی جلال بیلیر دی. جلالین جمعی دوققوز یاشی وار دی. آغاجین تاریخینی ایسه اونا قوجا باباسی نوصرت دانیشمیشدی. نوصرت بابانین یاشی سکسنی اؤتموشدور.
آنجاق او ساغلام بدنلی، قدّ­قامتلی بیر کیشی ایدی. او، باغبان ایدی. کندین بوتون مئیوه‌ باغلاری اونا تاپشیریلمیشدی. او، همیشه خوصوصیله، یای آیلاریندا جلالی اؤزو ایله مئیوه‌ باغلارینا آپاریر، آغاجلاری اونا گؤسته‌ریر، اونلارا نئجه قوللوق ائتمه‌یی نوه سینه اؤیره‌دیردی. بیر گون اونلار مئیوه‌باغلاریندان کنده،قاییدارکن دینجلمک اوچون یولون کنارینداکی سؤیود آغاجی‌نین کؤلگه سینده اوتوردولار . قوجا باشینی قالدیریب آغاجین قول­بوداقلارینا باخدی، سونرا اوزونو نوه سینه توتدو:
–جلال ،گؤرورسنمی بو، کندده اَن قوجا آغاجدیر. او مندن آزجا کیچیکدیر. جلال باباسی‌نین سؤزله رینی یاخشی باشا دوشمدی . چونکی اونا ائله گلیردی کی، کندده، بلکه ده، دون یا دا باباسیندان قوجا آدام یوخدور.
– نه اوچون سندن کیچیکدیر؟ – دئیه جلال تعجبله سوروشدو.
– اونو من اکمیشم . اوندا من سن یاشدا اولاردیم... باباسی بو سؤزلری دئییب فیکره گئتدی. گؤزله رینی قیییب دئدی:
– منیم بابام دا سنین بابان کیمی باغبان ایدی. منه آغاج اکمیی اؤیرتمیشدی. او زامان کندیمیزده آغاج آز ایدی. بو یئرلر ائله ایستی اولوردو کی، آدامین نفسی توتولوردو . بیر گون بابام منه دئدی کی، “نوصرت بورادا آغاج اَکَک...” آخی او هر شئیی منه اؤیرتمیشدی. ایندی گؤردویون بو آغاجی، بیر ده یولون او طرفیندکی آغاجی اؤز اَلیمله یئره باسدیردیم. اونلارا قوللوق ائله دیم. بیری توتدو، بیری ایسه قورودو. قوجا سؤزونو قورتاردی و قوروموش آغاجین یئرینی گؤستریب آه چکدی:
–یوخسا ایندی قوشا سؤیود اولاجاقدی! باباسی سوسدو . سؤیودون یارپاقلاری یئنیجه باشلایان کولکدن اسمیه باشلادی. جلال گؤزلرینی باباسی‌نین گؤزلرینه زیلّه‌ییب سوروشدو:
– ایندی داها اکمک اولماز؟ قوی او طرفده ده اولسون .
– نه اوچون اولمور، بالا! قوی او دا سنین آدینلا اولسون!.
– بس داها قورومازمی؟
–یوخ بالا، او زامانلار چوخدان کئچدی. ایندی سویوموز بولدور .
بو صؤحبتدن دوز بیر ایل سونرا یئکه سؤیودون یانیندا بیر سؤیود تینگی یارپاقلادی. .قوللو­بوداقلی قوجا سؤیودون یانیندا اونون ظریف یاشیل یارپاقلاری ایپک کیمی پاریلداییردی. بیر ایل ده کئچدی.
کؤرپه سؤیود یئکلدی . کندین گیرجه‌یینده سؤیودلر کؤلگه سالدی. نوصرت بابا نوه سی‌نین اکدییی آغاجا باخدیقجا فخر ائدیردی . کندین بؤیویو ده، کیچییی‌ده، بو سؤیود آغاجلارینا " بابا ونوه" دئییردیلر .

https://t.me/Adabiyyatsevanlar