آنجاق بونون اوچون قارشیندا اوزون بیر یول وار. داریخماماق اوچون بو یولو داریخماغا قویما. ائشیدیرسن؟ نییه جاواب وئرمیرسن آی خانیم قیز؟
آیچیل تومورجوق بویدا آغزی ایله اَسنه‌ییب باشینی آغاجین گؤوده‌سینه سؤیکه‌دی.
قوردجوق دا ائنلی بیر یارپاق تاپیب، اونون اوستونو اهمالجا اؤرتدو.

۱) اکواتور خطی: خط استوا
۲)اییول: تیرین اونو تا مردادین اونو. ژوئیه. جولای
۳)گوبره: کود

https://t.me/Adabiyyatsevanlar

اوشاق ادبیاتی
گونه باخانلار

یازار:« اسماعیل بیلگین»
چئویریب سسلندیرن:«آیسو زنگانلی»

https://t.me/Adabiyyatsevanlar

اوشاق ادبیاتی
کارتون
قار قیزی...

اوشاق ادبیاتی هرهفته پنجشنبه گونو ادبیات سئونلر کانالیندا .
اوشاق ادبیاتینا دایر یازیلارینیزی بیزه گوندرین .

https://t.me/Adabiyyatsevanlar

«مسعود آذر»
بیز یاشاییریق

بیز یاشاییریق
یاشایاجاغیق
ایسته‌سه‌لرده،
ایسته مه سه لرده؛
آخی اونلارین –
ایسته‌مه‌دیکلری بیزیم نه وئجیمیزه.

بیز یاشاییریق
حیاتلا برابر،
حیاتلا یاناشی
حیاتی اوزه‌ن ایتیم‌لره قارشی.

بیز یاشاییریق
سونبولده، چیچکده،
تورپاقدا، بیتگی‌ده
قوزولارین ایچدییی بیر اووج سودا؛
اولور کی بیر سینیق اورکده.

بیز یاشاییریق
کئچمیشیمیزله،
کئچمیشیمیزده دایانمادان
صاباحا دوغرو یورویه‌رک.
من اولماسام دا او گون
اینانیرام
یاشایاجاغیق
نورلو گله‌جکده.

https://t.me/Adabiyyatsevanlar

اوخویور:«آغاخان_عابدولایئف»

https://t.me/Adabiyyatsevanlar

«علی اکبر ترابی» (حاللاج اوغلو)
توزلو سازیم


اوخومورسان داها بو ائللره آی سوزلو سازیم!
غم لریم دیرمی قونوب تئللره آی توزلو سازیم؟!


بیر عؤمور گلمه دی بیر کلمه یالان سؤز دیلینه!
سحر- آخشام اوخویاردین نه اوره کدن ائلینه؟!
نه گولردین اوجا سسله ال آتاندا تئلینه؟!


سسلیرم بس نییه دینگیلده میسن سؤزلو سازیم؟!
داغ کیمی بس نیه جینگیلده میسن توزلو سازیم؟!


سس وئره ردین نه گوزلجه، سسیمه، آوازیما،
دوغروسو اقبال ایدین، بولبول ایدین شن "یاز"یما،
آغلاییرسان بیلیرم قلبیده ایندی "یازی" ما،


گیزله نیرسن داها شعریمده منیم، سؤزلو سازیم!
گؤروسن قیشدی هله، یوخ چمنیم، توزلو سازیم!


اومودوم وار هله ده عشقیمه ایمداد ائده سن،
باشینی سینه‌مه قویماقلارینی یاد ائده سن،
دینه سن، دیندیره سن، "آشیق"ینی شاد ائده سن،


بوشلاییبسان هله لیک "زیر له بمی" سؤزلو سازیم!
سیلمه ییرسن اوره گیمدن بو غمی، توزلو سازیم!


"حاللاج"-ام پامبیق آتاندا باخ اوره کده هاییما،
بیر تئل ایله هله ده سس وئریر، آلقیش "یای" یما،
باخما او شاختایا، باخ قلبیده کی یاز- یاییما،


قوی گله ایستی گونش، بیر تازا آی، سؤزلو سازیم!
سیلکه لن! پارلا! اوخو بیر داها، آی توزلو سازیم!

https://t.me/Adabiyyatsevanlar

حسن ریاضی « ایلدیریم »
ترجمه:« علی آغ گونئیلی»


بدون تو با من « سنسیزلی، من لی »


آسمانها را می نگرم ، آسمانهارا
بدون تو
آسمانها همان آسمانها ست:
با ستارگان و ماهش

گستره زمین را می‌نگرم ، زمین را
بدون تو
زمین همان زمین است :
با کوه ها و دریا هایش

کوه ها را می نگرم کوه هارا
بدون تو
کوه ها همان کوه هاست :
مه آلوده وابری

راه هارا می نگرم راه ها را
بدون تو
راه ها همان راه هاست :
بدون تو ، با من....

🌹🌹🌹


« سنسیزلی، من لی»

گؤی لره باخیرام، گؤی لره
سنسیز
گؤی لر او گؤی لر دیر :
آیلی، اولدوز لو.

یئرلره باخیرام ، یئرلره
سنسیز
یئرلر او یئرلردیر :
داغلی، دنیزلی.

داغلارا باخیرام ، داغلارا
سنسیز
داغلار اوداغلاردیر:
دومانلی، چنلی،

یول لارا باخیرام، یول لارا،
سنسیز،
یول لار او یول لاردیر:
سنسیزلی، من لی....

https://t.me/Adabiyyatsevanlar

«آتیلا کیشی زاده»

بابک

چنلی باخیشیندا جاناوار قورسا دا گردک
ایت‌لر یورودو گؤزلری‌نین سئیرینه بابک

دؤنمزدی داها نیسگیله جمهور قالاجیق‌لار
ائل بیر کلاشینکوف اله سالسایدی سنین تک 

گؤزلرده موغول‌لار چاپا- چاپ، آت یورودورلر
ال‌لرده‌سه بارماق لاری هؤرمکده، هؤرومجک

یوخ! بیز جاناوار ائولادی‌ییق ائنمه اوجال، داغ
سنده یولاجاق، بوز قاری‌لار ساپ- ساری بیرچک

نسلین، قیلیجی سندن آلیب قیندا چوروتدو
ایندییسه او قیندان جوجَرَن توپ‌لارا باش چک

چارتلات قالانی داش‌لارا سیلدیرلارا سیغما
قان تانریسی، قان تانریسی، قان تانریسی بابک!

https://t.me/Adabiyyatsevanlar

«قیسمت_رستم_اوو»

قوجا شَهر یاتیب سا،ساعات اوچو کئچیب سه
داریخانلار اوردوسو سنی باشچی سئچیب سه
باش گؤتوروب قاچیبسا گؤزلرینین یوخوسو
ایچینی یاندیریرسا کیمسه سیز لیک دویغوسو

یئنه کولکلر کیمی سر سری سنسه اگر
کدَر ساتان گئجه یه مشتری سن سه اگر
بیر فوتونون اؤنونده یوز فیکره گئتمیسَن سه
دؤزمه یین کؤینه یینی مین تکه ائتمیسه نسه

آستا یاغیش یاغیر سا ،ایت هورورسه کوچه ده
کولکلر داها اَسمیر،سنه کؤکس اؤتورورسه
سن ییغان نومره لری بو غریبه گئجه ده
ائله جه تکرار -تکرار ،سس سیزلیک گؤتورورسه

گؤزلرین سولانیرسا تک لییین ظولمتینده
اوره یین سیخیلیرسا، دؤزورسن سه بیر تَهَر
بو چاره سیز گئجه ده کول قابی دولتینده
سیگارت سویقیریمی تؤروه دیرسن سه اگر
بولود لارین عشقینه، کولک لرین خطرینه
ایشیغی توکنمه یه ن اؤلکه لرین خطرینه

یاخین اوتور قولاق آس:
بیر ایت هورور کوچه ده،سسی دوشور گئجه یه
ائله بیل کی داریخیر، کؤمک ایسته ییر کؤمک
ایسته ییرم بویلانیم پنجره دن کوچه یه
بیر آغیزدا من هوروم،
داریخماسین او کؤپک....

https://t.me/Adabiyyatsevanlar

صلح ماهنیسی
ایفا ائدیر: علی نوروزی

https://t.me/Adabiyyatsevanlar

«میرحسین_دلداربناب»
✍ یالقیزلیق

اؤلچویه گلمه‌ین سون‌سوز یالقیزلیق
ایچیمه جالانیب یازیق تانری تک
دهشتلی، جان‌سیخان، سویوق سوسقونلوق
بورویوب ایچیمی گؤيدن یئره دک

هیچقیریر یوخومدا اؤکسوز بیر اوشاق
قوراقلیق چاغلاییر، یوخسول گؤزلری
دانیشماق ایسته‌ییر، دیل‌سیز آغیزلا
دئییلمز قالیبدیر، اورک سؤزلری!

یالقیزلیق یارانیب تانری بویوندا
نه یئره یئرله‌شیر نه‌ داغا_ داشا
گؤمولوب اوره‌یین کؤورک قاتینا
ساریلیب وارلیغا آیاقدان باشا

کؤک سالیب ایللردیر اورک داغیندا
سو ایچیر گؤوده‌سی، گؤزوم یاشیندان
یئمیشی داریخماق، نیسگیل، کدردیر
آشیبدیر دونیانین سویو باشیندان

بیتمه‌ین یوللارین یالقیز یولچوسو
یول گئدیر بئنیمده، آی‌سیز گئجه‌لر
داریسقال یوللاری، بوروق یوللاری
یورویور، یورویور، سای‌سیز گئجه‌لر

سورونور قیچلاری، گلمیر آیاغی
یورولوب یوللاردان، بئزیب دارلیقدان
جان آتیر قورتارسین، بلکه بیر گئجه
اؤزونو ایچی‌بوش، یالان وارلیقدان...

  https://t.me/Adabiyyatsevanlar

‏آتالار دئمیشکن «هرنه توکسن آشیوا چیخا جاق قاشیقیوا»

https://t.me/Adabiyyatsevanlar

«حوسین عاریف»

گل چیخاق سئیرینه اوجا داغلارین،

چمن اولان یئرده، خالچا نه لازیم؟!

گؤزوندن سو ایچک بوز بولاق‌لارین،

لیل‌پار اولان یئرده دولچا نه لازیم؟!

نه کامان گؤتورک، نه تار، نه قاوال

اوردا نغمه ده وار_نغمه‌کار دا  وار.

یاریب بولودلاری دینه‌نده قارتال،

او سسه برابر بیر سس هاردا وار؟!

گاهدان یاغیش یاغیب، کولک اسسه ده،

قورودار چارداق‌لی قایالار بیزی

اطرافی چَـن توتوب دومان کسسه ده 

بلدچی جیغیرلارا آپارار بیزی.

تورپاغین عطرینی فیکیرلشنده،

ایپک تئل‌لرینه چیچک تاخارسان.

سحرلر یادینا گوزگو دوشنده،

مارال باخان گؤله سنده باخارسان.

تیتره‌مه سویوغا، یانما سازاغا

اوشوسَـک اوت‌لاردان یورغان ایستریک

داش_کسسک توخونسا أله _ آیاغا،

لقمان چیچک‌لردن درمان ایستریک.

ظلمت گئجه‌لرده پارلایان شیمشک

یول اوسته گؤز قیرپان مایاک دئییل‌می؟!

گلین طبیعتی بیزده دوشونک

او اؤزو هر شئیی دوشونن کیمی.


https://t.me/Adabiyyatsevanlar

«حبیب ساهیر»

گونشدن قوورولوب، سورونوب يئرده
ياری چوروموشم، ياری يانميشام
خيال ايسه آليب سيرمالی پرده
تدريجی اؤلومو حيات سانميشام

گلين آ دوستلاریم، طیلسیمی قيرين!
بوگون اؤلمزسم ده، اؤله‌رم يارين
آه… يئتر چورومك، منی يانديرين!
كولومو سووورون چؤكَركن آخشام

كولومو سووورون، سووورون گئتسين!
هر بير ذرره‌سی اود، گونشه يئتسين
قارا گونلریمين دستاني بيتسين
يوخومدو ابدی حياتا اينام

باسديرمايين مني تورپاغا، دوستلار!
بو قارا تورپاقدان مگر نه چيخار؟
ايسته‌مم تورپاغيم گوللـنسين باهار
باهارلا شن لنمز غملی سرانجام

منی بو دونيادا اولورسا سئون،
«سورخاب» داغلارينا اولورسا گئدن،
گئجه ياريلاری يانديرسين گوَن
من قيزيل آلووون ايچينده وارام

توی ـ دويون اولورسا آذر ائلينده
ايسترم ياشايام ائللر قلبينده
شئعريم ازبر اولسون خالقين ديلينده
ايسترم خاطيردا ابدی قالام.

https://t.me/Adabiyyatsevanlar

یادداشت- حئکایه. آدم
✍:«نیظامی حوسئین اُو»
کوچورن:«سحر خیاوی»
حاضیرلایان:«ادبیات سئونلر»

گونون یورغونلوغونو آتماق اوچون گزینتی‌یه چیخماق، بیرآز هاوا آلماق ایسته‌ییردیم. 88d آپاراتینا داخیل اولدوم. اوّلجه ساتورنداکی لاواندا پلانتاسیاسیندا گزدیم، سونرا عنوانی ژینوس قالاکتیکاسیندا کی گوگول پلانتینه دییشدیم. زامان سورعتلندیریجیده واختی 1/1024 ائتدیم. یاریم ساعات دا بورادا قالدیم، آنجاق ذوق آلا بیلمه‌دیم. گوگولا ایکینجی گلیشیم ایدی، ایلک سفریمده بیندیییم قیرمیزی قصبه‌لر ایندی بوغوق رنگ آلمیشدی، چوخ گومان کی، داشقین اولموش، بورالار لیللی سودان چیخمیشدی.
بیر ساعاتا یاخین 88d ده قالسام دا، ذوق آلا بیلمیردیم. سونرا " آدامین اوز ائوی کیمیسی یوخدور" دئییب یئره گلدیم.
خزر دنیزینین ساحیللرینی سئچیب زامانی 150 ایل اوّله 2022 یه قوردوم.
دنیزین ساحیلی ایله گزدیم. آیاغیمی یاندیران قوم، دنیزین سَرین سویو، ساحیلده اوینایان اوشاقلار، قورخمادان سویا گیرنلر...ائه... ایندی کیم ریسک ائدیب سویا گیرر، تورپاغا آیاق قویار؟!
سونرا آمازونو سئچدیم...
بویازینین آردینی ادبیات سئونلر کانالیندا اوخویون.
https://t.me/Adabiyyatsevanlar

یادداشت- حئکایه. آدم
✍:«نیظامی حوسئین اُو»
کوچورن:«سحر خیاوی»
حاضیرلایان:«ادبیات سئونلر»

گونون یورغونلوغونو آتماق اوچون گزینتی‌یه چیخماق، بیرآز هاوا آلماق ایسته‌ییردیم. 88d آپاراتینا داخیل اولدوم. اوّلجه ساتورنداکی لاواندا پلانتاسیاسیندا گزدیم، سونرا عنوانی ژینوس قالاکتیکاسیندا کی گوگول پلانتینه دییشدیم. زامان سورعتلندیریجیده واختی 1/1024 ائتدیم. یاریم ساعات دا بورادا قالدیم، آنجاق ذوق آلا بیلمه‌دیم. گوگولا ایکینجی گلیشیم ایدی، ایلک سفریمده بیندیییم قیرمیزی قصبه‌لر ایندی بوغوق رنگ آلمیشدی، چوخ گومان کی، داشقین اولموش، بورالار لیللی سودان چیخمیشدی.
بیر ساعاتا یاخین 88d ده قالسام دا، ذوق آلا بیلمیردیم. سونرا " آدامین اوز ائوی کیمیسی یوخدور" دئییب یئره گلدیم.
خزر دنیزینین ساحیللرینی سئچیب زامانی 150 ایل اوّله 2022 یه قوردوم.
دنیزین ساحیلی ایله گزدیم. آیاغیمی یاندیران قوم، دنیزین سَرین سویو، ساحیلده اوینایان اوشاقلار، قورخمادان سویا گیرنلر...ائه... ایندی کیم ریسک ائدیب سویا گیرر، تورپاغا آیاق قویار؟!
سونرا آمازونو سئچدیم، سونرا جنوبی آفریقا رئسپوبلیکاسینا گئتدیم. زامانی اوچ میلیون ایل اوّله قوروب سئسیتورلارلا گزدیم، آتالاریمیزین اوونو ایزله‌دیم. چیی اَت یئدیم(دادی چوخ پیس ایدی).
اکراندا سیاحت بالانسیمدان ‌50% استفاده ائتمه‌ییمله باغلی خبردارلیق گؤرنده"بو گونلوک بسدیر" دئییب چؤله چیخدیم.
هوجئیره یئنیله‌میه پروسه‌دورونا باشلایاندا نئچه یاشیمدا اؤله‌جه‌یم، نئجه قوجالاجاغیم باره‌ده هئچ بیر تصووروم یوخ ایدی. اورتالاما اینسان عؤمرونون 70دن200-180یه کیمی قالخاجاغی ایناندیریجی دئییلدی. آمما 180 یاشیمدا هله اوزون ایللر ده یاشایاجاغیمی دوشونوب سئوینمه‌مک اولموردو. بعضن چوخ سیخیجی گونلر اولسا دا، هله کی انتحار باره‌ده دوشونموردوم. گؤزوم کونجده کی کپسولا ساتاشدی. بیزیم کیمی اینسانلار اوچون "انتحار کپسولو" مجبوری دیر. موطلق اوتاقدا اولمالی دیر. استفاده اولماسا دا، بو کپسولون اولماسی یاشاماغی داها دا یونگوللشدیریر.
بعضن نییه کپسولدان استفاده ائتمه‌دییمی دوشونوردوم. یقین کی سئوه بیلمه‌سیدیم، چوخدان بو آپاراتدا کوله دؤنموشدوم.
دوشونجه‌لردن دیواردا یانیب- سؤنن سیقنال ایله آیریلدیم. 6ینجی
نسیلدن نوه‌م 6 یاشلی هستیا زنگ ائدیردی.
" آچیل" کومانداسی ایله نوه‌می دیواردا گؤردوم. قوجاقلاشدیق، گونلردیر نییه زنگ ائتمه‌دیینی سوروشدوم. " پره‌دن اکسکورسیایا گوندریب‌لر. دؤرد گوندور کی بورداییق"-- دئدی. سونرا هیجانلا داوام ائتدی:
-بابا، بوتون بابالاریمی ییغمیشام، اونلارین قورشاقلاریندا ایش ساعاتی بیتمه‌ییب، یا دا یوخو ماشینیندادیرلار، اونا گؤره هئچ بیری جاواب وئرمه‌دی.
منه کؤمک لازیم دیر.
-- نه کؤمک؟-- سوروشدوم-- بیرآز آراملا دئه، بیرلیکده باجاراریق.
-- باخ بابا، بو آرخادا گؤردیون آیدا یئرین سِروری دیر. 800 هکتارلیق اراضیده اولان قوروقلاردا یئرده‌کیلر اوچون یادداشت سروری.
-- هه، هستیا، بونو بیلیرم، اوردا اولموشام، بونو منه نییه دانیشیرسان؟
-- هه، اساس مسئله‌یه گله‌ک. سرورلرده یئر آزالیر. اینسانلار هر جور معلوماتی گرکسیزجه دئپولاییرلار. یاخین گله‌جکده سرورده یئر قالمیاجاق، تزه سرورین قورولماسی ایسه چوخ واخت آلاجاق. یاخین20 ایلین ان گلوبال پرابلئمی یادداشت قیتلیغی دیر.
-- هستیام، عاغیللی بالام، نه ائتمه‌لیییک؟
-- من 10000 نفرین آرشیوینی 50% آزالتماغا ایناندیرمالییام. معللیم بو تاپشیریغی یئرینه یئتیرمک اوچون دؤرد گون واخت وئریب.
-- آیدین دیر. من سنه کؤمک ائده‌رم، ایناندیراریق. آرخایین اول.
-- آفرین سنه، مممم...
-- تیمور.
-- هه،-- گولومسه‌دی،-- تیمور بابام.
هله‌لیک سنه آی پامیدورو گتیره‌جم.
آدیمی دا یاددا ساخلامیر، ائه او قدر باباسی وار، منی نئجه یاددا ساخلاسین؟
دوشوندوم کی ایشه باشلاماق واختی دیر. ان یاخشیسی وولوقدا جانلی یاییم آچیم، ایزله‌ییجی‌لریمه اؤز آرشیویمین 50% ینی سیله‌جه‌ییمی دئییم. هر کسی بو چلنجه قوشولماغا دعوت ائدیم.
او قدر ایزله‌ین وار، هر 100 کیشی‌دن بیری قوشولسا 10000 دوزه‌لیر. ایلک اؤنجه آرشیویمه داخیل اولدوم. 440 یوتابایت. دئمه‌لی ان آزی 220 یوتابایت سیلمه‌لی‌یم. 88d ایله باغلی بوتون آرشیوی بیر پاپکایا آییردیم. تکجه بو 100 yb یه یاخین ائتدی. سونرا ماهنیلارا کئچدیم. هئچ واخت دینلمه‌دیییم ماهنیلاردان1 پتابایت3 آییردیم. مئساژ آرشیوی، فیلملر، سندلر بوتون فایللاری گزیب 222yb صاف زیبیل چیخاردیم.
بیر ده توخونولماز قوولوغوم وار ایدی. آرادا هر گونون کامئرالاردا کی قئیدینی ساخلامیشدیم، سئوگیلیمله- منه 132 ایل یولداشلیق بیردنم له باغلی هر شئی اوردا ایدی.

ایلک تانیشلیغیمیزین شکیل‌لری، هله قاپالی حیاتدا کئچید ائتمه‌دییمیز گونلرده کی گزیشمه‌لریمیز، ایلک دفعه ال- اله توتماغیمیز، ایلک اؤپوش، ایلک سئویرم سؤزو، ایلک ائو، ایلک اوشاق، بیر مرحله‌دن سونرا هر گون، هر ثانیه ، بیرلیکده یاشادیغیمیز هر شئی. بو آرشیو 180 yb یاخیندی. دیگرلری ده واجیب اولان بیر نئچه سند.
یادداشت کارتیمی ایکی یئره آییردیم، بیرینین آدینی"اؤنملی1"، ایکینجیسی‌نین آدینی"اؤنملی2" قویدوم.
ساعات 14ده جانلی یاییم آچدیم. یاییمین آدینی" یادداشیمین 50% نی سیلیرم" قویدوم. بیر آندا یاییما ماراق یاراندی. هرکس دعوت گؤندریب یاییما قوشولانلارین سایینی آرتیردی. اساس اکراندا هستیانین دا یاییم آچماسینی ایسته‌دیم. اوّلجه سؤزو هستیایا وئردیم. آلتی یاشلی هستیا سرورلرده کی پرابلئمدن، یادداشتی آزالتماقدان و قناعتله استفاده‌دن دانیشدی. ایللر اؤنجه هاوا و سودان دوزگون استفاده ائدیلمه‌مه‌سی نتیجه‌سینده یارانان پرابلئملردن، قاپالی حیاتا کئچمزدن اوّلکی آزادلیقلاریمیزدان دانیشدی، هرکس دویغولاندی، سونرا سؤزو یئنیدن منه وئردی.
-- عزیز ایزله‌ییجی‌لریم، بو گون هستیا اوچون بو آددیمی آتیرام و هم گله‌جه‌ییمیز، هم اؤزونوز، هم هستیا، هم ده بوتون دونیامیز اوچون سیزدن خواهیش ائدیرم. یادداشینیزی سیلین، سیزه هئچ بیر فایداسی اولمایاجاق فایللاری تاپین، اونلاری حیاتینیزدان چیخارین، دونیامیزی قورویاق.
سونرا "اؤنملی2" فایلینی سئچدیم. "سیل" امرینی وئردیم. فایللار سیلینمه‌یه باشلادی. 1%...2%...7%... ثانیه‌لر سونرا اکراندا یالنیز بیر فایل" اؤنملی1" قالدی. جانلی یاییم شخصی ایزلنمه‌یه رکوردونا چاتدی. بینمه یاغیشی...قوشولاجاغلیق، بیز ده سیلیریک... افاده‌لری ایله شرح بؤلمه‌سی دولدو.
جانلی یاییمی ساخلاییب آیاغا قالخدیم. اؤزومده بیر راحاتلاما، یونگوللوک حیس ائتدیم. سان کی چیینیمده داشیییرمیش کیمی بیر یوکدن خلاص اولموشدوم. ایندی اصل استراحت واختی ایدی. بوزلو کوفه‌دن ایچیب یئریمده اوزاندیم.
بیردن قریبه ناراحاتلیق ایچیمی بورودو. آیاغا قالخیب اکرانا " آچیل" امری وئردیم. تئز یادداشتا داخیل اولدوم. "اؤنملی1" قوولوغونو آچدیم. ایچینده کی قوولوغون آدینی گؤرنده منی سویوق تر باسدی-- 88d. ایکینجی قوولوغدا "ماهنیلار"، اوچونجوسونده " فیلم‌لر".
قورخو، هیجان، کدر، اوزونتو-- بوتون پیس حیسلری عینی آندا یاشادیم. یانلیش فایلی سیلمیشم، بوتون خاطیره‌لریم، اونونلا کئچیردیییم هر شئی سیلینیب. گئری قایتارماغین یوللارینی آختاردیم. تانیدیغیمit مهندسلرینه زنگ ووردوم. عالمی بیربیرینه قاتدیم. هئچ بیر خئیری اولمادی. آی سروری اوزره نماینده‌لیک‌لردن کومک ایسته‌دیم، گونلرله مکتوب گؤندردیم، زنگ ووردوم، هر جور علاقه‌نی ایشه سالدیم، آنجاق مومکون اولمادی.
ایلک گونلر ایچیمده جیددی اینام وار ایدی، اینانیردیم کی قاییداجاق، آمما... هفته‌لر کئچدیکجه اومودومو تام ایتیردیم، هر کس بیر معنالی شکیلده "یوخ" دئدی.
ایشدن چیخدیم، گونلرله آنجاق بیر مسئله‌نی دوشونمه‌یه باشلادیم، گاه اؤزومو قینادیم، گاه اونون قارشیسیندا نه قدر اوتاندیغیمی دوشوندوم. اونونلا باغلی هر شئیی ایتیرمک اونو ایتیرمک قدر آغیر گلیردی.
و بو گون یاشاماغیما هئچ بیر سبب قالمادیغینی آنلادیم. انتحار کپسولو منی گؤزله‌ییر.
بو اوتاغین یئنی ساکینی کیم اولاجاقسا، اوندان خواهیش ائدیرم مکتوبومو هستیایا چاتدیرار. الوداع.
***
هستیا اوتاغا داخیل اولاندا باباسینی گؤره بیلمه‌دی. حاماما گئتدی. 88d یه باخدی. آمما باباسینی تاپمادی. گؤزو کونجده کی کپسولا ساتاشدی. قاپاغی باغلی ایدی. هستیا هر شئیی باشا دوشدو. باباسی‌نین کپسولون ایچینده اولدوغونو، کیم بیلمیر نئچه گون اوّل انتحار ائتدییینی قبول ائتدی. ارکانین قارشیسیندا کی مکتوبو اوخودو. اؤزونو باباسی‌نین اؤلومونده گوناهکار بیلدی. هؤنکورتو ایله آغلادی. کپسولون یانینا گلیب" بابا، باغیشلا، منیم سهویم ایدی" دئدی.
آتاسینا زنگ ووروب معلومات وئردی. 30 دقیقه سونرا آتاسی، دیگر قوهوملاری، باباسینی تانییانلار اوتاغا گلدیلر.
ائرته‌سی گون یاشام اداره‌سیندن ایکی امکداش اوتاغی تحویل آلماق اوچون گلدیلر. یئنی ساکنین هله قیرخ یاشی اولدوغو اوچون انتحار کپسولونو اوتاقدان چیخاردیلار.
کپسولو یئریندن اویناداندا نه ایسه دیغیرلانیب یئره دوشدو. هستیانین باباسی اوچون گتیردییی آی پامیدورو چورومه‌یه باشلامیشدی.

https://t.me/Adabiyyatsevanlar

 «ناظم حکمت»
 
بولودمو اولسام
 
دنیزین اوستونده آلا بولود
اوزونده گوموش گمی
ایچینده ساری بالیق
دیبینده ماوی یوسون
ساحیلده بیر چیلپاق آدام
دورموش دوشونور...
بولود اولوم؟
یوخسا گمی؟
بالیق اولوم
یوخسا یوسون؟
نه او، نه او، نه او،
دنیز اولمالی، اوغلوم،
بولودویلا، گمی سی ایله، بالیغییلا، یوسونویلا...

https://t.me/Adabiyyatsevanlar