آه آنه فرنک!
سنه یازیرام
بو اوزگون غزلیمی
بو سینیق قصیدهمی
سنی پوزسالاردا 1945 ده
نازی-نین قیریلمیش اللری...
آه آنه فرنک!
یاشین دوز 13دور 1942ده
و یاشیم دوز 13دور 1981ده
هاراسی دیر 2017 دیر هله!
گؤروشه بیلدیک بلکه ده!
کیلاسیزداکی او اوغلانلارین بیرییم
سنه او وورغونلارین بترییم
اووجومدا گوزگو قیریغی
اوغرون اوغرون
باخیرام سنه
بیلیرم بیلمیرسن
یوخ! بیلمیرم
قیسقانیرام
بوتون اوووجلاردا
بوتون گوزگولرده اوغلانلارا گولومسهدیگیندن
لاپ دلی اولورام
بیر شئی دئییم سنه آنه:
گولنده گول اولورسان
اینجه اولورسان
اینجی اولورسان!
آدیم محمد دیر
سوی آدیم عابدین پور
مرندده یاشیرام
سنی اوخویوب عاشیق اولموشام
دلین اولموشام
قوی هامی بیلسین
باخ!
گوزگوده گؤز وورورام سنه
آه آنه آنه آنه!
دومان اولور بیردن
یوخ اولورسان
گوزگو قیریقلارین ایچیندن
اوچورسان
ایتیرسن
اووجوموزدان سیلینیرسن بیردن
سیخیلیرام
سیخیرام گوزگونو
قانینی چیخاریرام
آجیر اووجوم
آجیییر اووجوم
آجیشیر اووچوم...
قایناق: بئش داش
https://t.me/Adabiyyatsevanlar
سنه یازیرام
بو اوزگون غزلیمی
بو سینیق قصیدهمی
سنی پوزسالاردا 1945 ده
نازی-نین قیریلمیش اللری...
آه آنه فرنک!
یاشین دوز 13دور 1942ده
و یاشیم دوز 13دور 1981ده
هاراسی دیر 2017 دیر هله!
گؤروشه بیلدیک بلکه ده!
کیلاسیزداکی او اوغلانلارین بیرییم
سنه او وورغونلارین بترییم
اووجومدا گوزگو قیریغی
اوغرون اوغرون
باخیرام سنه
بیلیرم بیلمیرسن
یوخ! بیلمیرم
قیسقانیرام
بوتون اوووجلاردا
بوتون گوزگولرده اوغلانلارا گولومسهدیگیندن
لاپ دلی اولورام
بیر شئی دئییم سنه آنه:
گولنده گول اولورسان
اینجه اولورسان
اینجی اولورسان!
آدیم محمد دیر
سوی آدیم عابدین پور
مرندده یاشیرام
سنی اوخویوب عاشیق اولموشام
دلین اولموشام
قوی هامی بیلسین
باخ!
گوزگوده گؤز وورورام سنه
آه آنه آنه آنه!
دومان اولور بیردن
یوخ اولورسان
گوزگو قیریقلارین ایچیندن
اوچورسان
ایتیرسن
اووجوموزدان سیلینیرسن بیردن
سیخیلیرام
سیخیرام گوزگونو
قانینی چیخاریرام
آجیر اووجوم
آجیییر اووجوم
آجیشیر اووچوم...
قایناق: بئش داش
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
«عمادالدین نسیمی»
من بو جهانه سیغمازام
منده سیغار ایکی جهان، من بو جهانه سیغمازام،
گؤوهری لامکان منم، کؤن و مکانه سیغمازام
عرشله فرش و کاف و نون، منده بولوندو جمله چون،
کس سؤزونووو ابصم اول، شرح و بیانه سیغمازام
کؤن و مکاندیر آیتیم، ذاتی دورور بدایتیم،
سن بو نیشانلا بیل منی، بیل کی، نیشانه سیغمازام
کیمسه گمان و ظن ایله اولمادی حق ایله بیلیش،
حقی بیلن بیلیر کی، من ظن و گمانه سیغمازام
صورته باخ و معنی نی صورت ایچینده تانی کیم،
جسم ایله جان منم ولی، جسم ایله جانه سیغمازام
هم صدفم، هم اینجییم، حشرو صراط اسینجییم،
بونجا قوماش و رخت ایله من بو دکانه سیغمازام
گنجی-نهان منم من اوش، عئینی-عیان منم، من اوش،
گؤوهری-کان منم من اوش، بحرو و کانه سیغمازام
گرچی محیطی-اعظمم، آدیم آدمدیر، آدمم،
دار ایله کون فکان منم، من بو مکانه سیغمازام
جان ایله هم جهان منم، دهر ایله هم زامان منم،
گؤر بو لطیفئیی کی من، دهرو زمانه سیغمازام
انجم ایله فلک منم، وحی ایله هم ملک منم،
چک دیلینی و ابصم اول من بو لیسانه سیغمازام
ذره منم، گونش منم، چار ایله پنج و شش منم،
صورتی گؤر بیان ایله، چونکی بیانه سیغمازام
ذات ایله هم صفاتیله، قدریله هم براتیله،
گل شکرم هم نباتیله، بسته دهانه سیغمازام
شهد منم، شکر منم، شمس منم، قمر منم
روح روان باغیشلارام روح و روانه سیغمازام
ناره یانان شجر منم، چرخه چیخان حجر منم،
گؤر بو اودون زبانه سین، من بو زبانه سیغمازام
گر چی بو گون نسیمی یم، هاشمی یم، قریشی یم
مندن اولودور آیتیم، آیته شانه سیغمازام.
https://t.me/Adabiyyatsevanlar
من بو جهانه سیغمازام
منده سیغار ایکی جهان، من بو جهانه سیغمازام،
گؤوهری لامکان منم، کؤن و مکانه سیغمازام
عرشله فرش و کاف و نون، منده بولوندو جمله چون،
کس سؤزونووو ابصم اول، شرح و بیانه سیغمازام
کؤن و مکاندیر آیتیم، ذاتی دورور بدایتیم،
سن بو نیشانلا بیل منی، بیل کی، نیشانه سیغمازام
کیمسه گمان و ظن ایله اولمادی حق ایله بیلیش،
حقی بیلن بیلیر کی، من ظن و گمانه سیغمازام
صورته باخ و معنی نی صورت ایچینده تانی کیم،
جسم ایله جان منم ولی، جسم ایله جانه سیغمازام
هم صدفم، هم اینجییم، حشرو صراط اسینجییم،
بونجا قوماش و رخت ایله من بو دکانه سیغمازام
گنجی-نهان منم من اوش، عئینی-عیان منم، من اوش،
گؤوهری-کان منم من اوش، بحرو و کانه سیغمازام
گرچی محیطی-اعظمم، آدیم آدمدیر، آدمم،
دار ایله کون فکان منم، من بو مکانه سیغمازام
جان ایله هم جهان منم، دهر ایله هم زامان منم،
گؤر بو لطیفئیی کی من، دهرو زمانه سیغمازام
انجم ایله فلک منم، وحی ایله هم ملک منم،
چک دیلینی و ابصم اول من بو لیسانه سیغمازام
ذره منم، گونش منم، چار ایله پنج و شش منم،
صورتی گؤر بیان ایله، چونکی بیانه سیغمازام
ذات ایله هم صفاتیله، قدریله هم براتیله،
گل شکرم هم نباتیله، بسته دهانه سیغمازام
شهد منم، شکر منم، شمس منم، قمر منم
روح روان باغیشلارام روح و روانه سیغمازام
ناره یانان شجر منم، چرخه چیخان حجر منم،
گؤر بو اودون زبانه سین، من بو زبانه سیغمازام
گر چی بو گون نسیمی یم، هاشمی یم، قریشی یم
مندن اولودور آیتیم، آیته شانه سیغمازام.
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
«ثریا_خلیق_خیاوی»
🔷اورامی! ببار
...آه اورامی!
سنگ از من روییده است
من از سنگ روییدهام
من؛
ترانهی زندهی شهر هزاران ساله
گاه در داغ زیستهام
گاه در باغ
میبینی؟
شعری خشک میگویم
پوسته پوسته شدن پوست شعر را میبینی؟
صدای ترک خوردن آب را میشنوی؟
آتش دنبالم کرده است
چگونه دل به دریای خاکی بزنم؟
اورامی!
لبانت را آرام ارام
به لبان خشک دریاچهی ارومیه برسان
میگویند بعضی بایدها را نباید گفت
آیا میتوان با شعر گریست؟
اینجا تمام نمکدانهای خالی دنیا را
میشود پر کرد
به معلمهای علوم خواهم آموخت
آب در نمک حل میشود
گورها راه می روند
دست و پا دارند
چه شتاب تلخی است
بلعیدن نفس
زمانی که قبرها
قبل از مرگ خرید و فروش میشوند
نبض دریا را گرفتم
نبض دارد
پنهان
پنهان!
ساعدی!
چوب به دستهای ورزیل را فراموش کن
از کویر به دستان بیچوب بنویس!
صمد! آب تورا تمام نکرد
اب از تو آغاز شد
ماهی سیاه کوچولو را به دریا برسان
اورامی!
ببار
بگو تبریز ببارد
بگو ارومیه ببارد
بگو آذربایجان ببارد
بگوانسان ببارد
قسم به کوه سبلان
نمکها را کفن کردند برای دریا
مردم اذربایجان!
دوستتان دارم
کاش بذرآب داشتم!
کاش بذر آب داشتم!
برادرم
شاخهی درختی را به درخت دیگر پیوند میزند
به شاخههای بریده جان میدهد
میشود آبهارا به لبان خشک دریا پیوند بزنیم؟
احساس میکنم شعر در لبانم ترک میخورد
باید دل به سنگ بزنم
کوه بزرگ!
سنگم کن
سنگم کن؛
اگر آب زنده خواهد شد.
« میمند، اورامی، وراوی، بشکین از نامهای قدیمی مشکینشهر یا خیاو کنونی»
https://t.me/Adabiyyatsevanlar
🔷اورامی! ببار
...آه اورامی!
سنگ از من روییده است
من از سنگ روییدهام
من؛
ترانهی زندهی شهر هزاران ساله
گاه در داغ زیستهام
گاه در باغ
میبینی؟
شعری خشک میگویم
پوسته پوسته شدن پوست شعر را میبینی؟
صدای ترک خوردن آب را میشنوی؟
آتش دنبالم کرده است
چگونه دل به دریای خاکی بزنم؟
اورامی!
لبانت را آرام ارام
به لبان خشک دریاچهی ارومیه برسان
میگویند بعضی بایدها را نباید گفت
آیا میتوان با شعر گریست؟
اینجا تمام نمکدانهای خالی دنیا را
میشود پر کرد
به معلمهای علوم خواهم آموخت
آب در نمک حل میشود
گورها راه می روند
دست و پا دارند
چه شتاب تلخی است
بلعیدن نفس
زمانی که قبرها
قبل از مرگ خرید و فروش میشوند
نبض دریا را گرفتم
نبض دارد
پنهان
پنهان!
ساعدی!
چوب به دستهای ورزیل را فراموش کن
از کویر به دستان بیچوب بنویس!
صمد! آب تورا تمام نکرد
اب از تو آغاز شد
ماهی سیاه کوچولو را به دریا برسان
اورامی!
ببار
بگو تبریز ببارد
بگو ارومیه ببارد
بگو آذربایجان ببارد
بگوانسان ببارد
قسم به کوه سبلان
نمکها را کفن کردند برای دریا
مردم اذربایجان!
دوستتان دارم
کاش بذرآب داشتم!
کاش بذر آب داشتم!
برادرم
شاخهی درختی را به درخت دیگر پیوند میزند
به شاخههای بریده جان میدهد
میشود آبهارا به لبان خشک دریا پیوند بزنیم؟
احساس میکنم شعر در لبانم ترک میخورد
باید دل به سنگ بزنم
کوه بزرگ!
سنگم کن
سنگم کن؛
اگر آب زنده خواهد شد.
« میمند، اورامی، وراوی، بشکین از نامهای قدیمی مشکینشهر یا خیاو کنونی»
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
«سحر خیاوی»
پنجرهم
آاااخ... چیرکابلی باخیشلار
اوغورلادیلار مندن بولاق گؤزلو پنجرهمی
هئرهسینده دَن تؤکوردوم مونجوق گؤزلو سئرچهلره
دوپ- دورو آیناسیندا باخیردیم گونَش ایله گونهباخان سئویشمهسینه
سونبول ساچلاریم، آغاجلارلا بیرگه،
سَرین یئلده رقص ائدیردی چرچیوسینده
سارماشیقلار گؤوهنیردی اونونلا قونشولوغا
یاغیش اؤونوردو گؤیچک اوزونو یوماغا
پنجرهمین اورهیی او قدر گئنیش ایدی کی؛
اونا گؤی ده سیغیشیردی، گؤیرچین ده
مگر ایلک کره چرپلنگلر اوچاندا،
اوچوش ذؤوقونو او سالمادیمی بئینیمه؟!
هردن قونشونون قیزجیغازی گولوردو،
هر دن قادینی پالتار سَریردی رمکهسینده
قیسقانج باخیشلار چوخ گؤردو اونو منه؛
ایندی ایسه قاپی- قاپی هارادان آختاریم من آینا گؤزلو پنجرهمی؟!
قیللی اللردن قاچیب آسفالت اوزرینده ماشینلار آلتینا دوشسه؟!
چیلیک-چیلیک سینسا؟!
ایتی تیلیشکهلری خائین اللری کسهجک می؟!
نارین سینیقلاری یئنه ده منی گوسترهجک می؟!
ائه...
نه قدر چارپاشیق، پیرتلاشیق فیکیرلره گؤمولور اینسان،
قریبهدیر سئومک....
https://t.me/Adabiyyatsevanlar
پنجرهم
آاااخ... چیرکابلی باخیشلار
اوغورلادیلار مندن بولاق گؤزلو پنجرهمی
هئرهسینده دَن تؤکوردوم مونجوق گؤزلو سئرچهلره
دوپ- دورو آیناسیندا باخیردیم گونَش ایله گونهباخان سئویشمهسینه
سونبول ساچلاریم، آغاجلارلا بیرگه،
سَرین یئلده رقص ائدیردی چرچیوسینده
سارماشیقلار گؤوهنیردی اونونلا قونشولوغا
یاغیش اؤونوردو گؤیچک اوزونو یوماغا
پنجرهمین اورهیی او قدر گئنیش ایدی کی؛
اونا گؤی ده سیغیشیردی، گؤیرچین ده
مگر ایلک کره چرپلنگلر اوچاندا،
اوچوش ذؤوقونو او سالمادیمی بئینیمه؟!
هردن قونشونون قیزجیغازی گولوردو،
هر دن قادینی پالتار سَریردی رمکهسینده
قیسقانج باخیشلار چوخ گؤردو اونو منه؛
ایندی ایسه قاپی- قاپی هارادان آختاریم من آینا گؤزلو پنجرهمی؟!
قیللی اللردن قاچیب آسفالت اوزرینده ماشینلار آلتینا دوشسه؟!
چیلیک-چیلیک سینسا؟!
ایتی تیلیشکهلری خائین اللری کسهجک می؟!
نارین سینیقلاری یئنه ده منی گوسترهجک می؟!
ائه...
نه قدر چارپاشیق، پیرتلاشیق فیکیرلره گؤمولور اینسان،
قریبهدیر سئومک....
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
حئکایه
اللهوئردینین آرزوسو
یازار:«آنار قاسیماوو»
کوچورن:«ویدا حشمتی»
حاضیرلایان:« ادبیات سئونلر»
دئییرم واللاه، اینسانینکی گتیرمهینده
گتیرمیر. نئیلهییرسن ائله یاغیشین اوجوندان توت چیخ گؤیه، خئیری یوخدو. گتیرمهینده گتیرمیهجک. رحمتلیک اللهوئردی کیشینین ده بختی بئلجه گتیرمهدی یازیق. آدام دوشوننده اورک دؤزمور، نئیلهیهسن. حیات بئلهدی بیرینه یاخشی، بیرینه پیس.
بو بختیقارا اللهوئردی کیشی 15 ایل بوندان اؤنجه ائو آلیب بیزه قونشو اولموشدو. شهرده قوللوقدا ایشلهییردی. عائلهسینی بئش اولادینی بیر یاخشی بیر پیس دولاندیریردی. حیاتدا خوش گونلر ده اولور، ناراحاتلیقلارلا دولو آنلار دا. اللهوئردی کیشیگیلین عائلهسینده ده حیاتین بو "قانونو" اؤزونو محکمجه گؤستریردی. بونونلا بئله "عائله قایغیسیز عؤمور سوروردو". دئمک مومکون ایدی یئمکلرینه-ایچمکلرینه کورلوق وئرمزدیلر، تا کی باشلارینا بیر بدبختلیک حال-قضيّهسی پئیدا اولاناجان. حادثه بئله جریان ائتمیشدی. اللهوئردی کیشی و آروادی قنداب خالانین بیر عجایب خاصيّتلری وار ایدی. اونلار قونشولاریندان هئچ گئری قالماق ایستمزدیلر (کیم گئری قالماق ایستهیر کی!؟). بو حال-وضعيّت اونلاردا هم ده سونرادان پئیدا اولموشدو. اوّللر بئله دئییلدیلر. آمّا ایندی ديیشیلمیشدیلر. تزه مودا اونلاری دا اؤز آغوشونا آلمیشدی. ائولریندهکی صحبتلرینین اساس موضوعلاری دا، بئلهلیکله قونشولارینین یئنی وضعيّتلری ایله باغلی اولوردی: حسنگیل تزه ائو قاپیلاری آلیب، ائله گؤزلدی... قیزبسدی بیر دنه دیوان-کرئسلو سیفاریش وئریب، کاش بیزده ده ائلهسیننن اولاردی... گؤرورسن نظامیگیل پنجرهلرینی تزلهییرلر، دئییرلر او نیکولایدان قالما پنجرهلرین واختی کئچیب، ایندی هامی معاصر پنجره آلیر. بیزیمکی ائله کؤهنه حامام، کؤهنه طاس. ائلهبیر آند ایچیبسن کی، عاریفین باباسیندان قالان بو ائوی نئجه آلیبسان، ال وورمایاسان. ائلجه ده قالاجاق...
بو سؤزلری دئیه-دئیه اللهوئردی کیشیله قنداب خالا بیر نئچه ایل بوندان اوّل وجده گلدیلر کی، ائولرینی دوزلتمهیه باشلاسینلار. بئلهلیکله، بیر خئیلی بورجون آلتینا گیریب ائولرینی دوزلتمهیه اوز قویدولار. قاپی-پنجره آلدیلار. اؤزوده کی، نظامیگیلین قاپیلاریندان پلاستیک پنجرهلریندن. ایکی ایل یئمهدیلر-ایچمهدیلر بورجلارینی وئریب قورتاردیلار. اللّه زمانهنی باتیرسین. هر گون یئنی بیر مودا چیخیر، دب یارانیر. ار-آرواد قرارا گلدیلر کی، ائو اشیالارینی دا بوتؤولوکله ديیشسینلر. بو دفعه یئنه بورجلولوق صنعتینه قول قویدولار. ائو اشیالارینی یئنی دبه اویغون آلدیلار. اوچ ایل ده بئله کئچدی. یئمه-ایچمه بورجونو اؤده... دئییرم، کند ائولری ایندی شهر ائولریندن داها دا معاصر اولماغا باشلاییب. هر شئی شهر ائولریندهکی کیمی، ائوین داخیلینه کؤچورولور. اللهوئردیگیل ده قرارا گلدیلر کی، دوکانچی خلیلگیل کیمی حامام اوتاغینی، سانیتار قووشاغی ائوین ایچینه کؤچورسونلر. "خلیلگیلدن نهلری اسکیک ایدی کی...". الغرض ائولری داها دا گؤزللشدی. ائله بیل، شهر ائوی ایدی. اوچ ایل ایکی آی دا بئلهجه بورجو اؤدهمکله اؤتوب، کئچدی.
کند حیاتیندا اینکیشاف اولدوقجا آوروپا مدنيّتی ائولرده اؤزونو داها گوجلو گؤستریردی. ایکی-اوچ ایل ایدی کی، کنده تزه دب ده گلیب، چیخمیشدی. هامی آوروپا قاپیلاری آلیر، اللهوئردی و قنداب خالا دا قرارا گلدیلر کی، ائولرینه آوروپا قاپیلاری آلیب، سالسینلار. سحر دوروب، حاضرلاشدیلار. شهره قونشولوقدا یاشایان "تاکسی عاکیف"ین ماشینیندا یوللاندیلار...
دئییرم، اینکیشاف ائتمیش آوروپالیلارین عاغیللاری هئچ یوخدو. اؤزلرینه ائو-ائشیک ده تیکمیرلر. گاه بو شهرده، گاه او کندده یاشاییب، عؤمورلرینی باشا وورورلار. ائوسیز-ائشیکسیز ایشلری -گوجلری یئییب-ایچمک، گزیب-دولاشماقدی. اولاد دا کی، اون سککیزینی تاماملادی "خوش گئتدین، بئش گئتدین. گئت اؤزونه گون آغلا" دئییرلر. بیزیم احمد ایسه نوهسینه ائو تیکیر ائئ، نوهسینه. هر نه ایسه... اللهوئردی کیشی ایله قنداب خالا آوروپا قاپیلارینی دا آلیب ائولرینی اصل سارایا چئویردیلر. آدام قییمیردی کی، آیاق قویسون. سانکی جنّت گوشهسی ایدی. آمّا بونون بیر عوضی ده واردی. ایل یاریم دا بئلهجه بورج اؤدهمکله کئچدی. واخت او یئره گلیب چاتدی کی، اون ایل بویونجا بورج اؤدهمک مجبوریّتینده قالان اللهوئردی کیشییه بو دفعه آدینین عکسینه اولاراق اللهوئرمهدی. کیشی خستهلندی. اؤزو ده برک آزارلادی. بو حادثه هم ده بدبختلیکدن اونلارین سون بورجلارینی وئردیکلری گوندن بیر هفته اؤنجه باش وئردی. دوز بیر هفته اللهوئردی کیشینی بو خستهخانا منیم، او خستهخانا سنین، آپاردیلار. خئیری اولمادی.
اللهوئردینین آرزوسو
یازار:«آنار قاسیماوو»
کوچورن:«ویدا حشمتی»
حاضیرلایان:« ادبیات سئونلر»
دئییرم واللاه، اینسانینکی گتیرمهینده
گتیرمیر. نئیلهییرسن ائله یاغیشین اوجوندان توت چیخ گؤیه، خئیری یوخدو. گتیرمهینده گتیرمیهجک. رحمتلیک اللهوئردی کیشینین ده بختی بئلجه گتیرمهدی یازیق. آدام دوشوننده اورک دؤزمور، نئیلهیهسن. حیات بئلهدی بیرینه یاخشی، بیرینه پیس.
بو بختیقارا اللهوئردی کیشی 15 ایل بوندان اؤنجه ائو آلیب بیزه قونشو اولموشدو. شهرده قوللوقدا ایشلهییردی. عائلهسینی بئش اولادینی بیر یاخشی بیر پیس دولاندیریردی. حیاتدا خوش گونلر ده اولور، ناراحاتلیقلارلا دولو آنلار دا. اللهوئردی کیشیگیلین عائلهسینده ده حیاتین بو "قانونو" اؤزونو محکمجه گؤستریردی. بونونلا بئله "عائله قایغیسیز عؤمور سوروردو". دئمک مومکون ایدی یئمکلرینه-ایچمکلرینه کورلوق وئرمزدیلر، تا کی باشلارینا بیر بدبختلیک حال-قضيّهسی پئیدا اولاناجان. حادثه بئله جریان ائتمیشدی. اللهوئردی کیشی و آروادی قنداب خالانین بیر عجایب خاصيّتلری وار ایدی. اونلار قونشولاریندان هئچ گئری قالماق ایستمزدیلر (کیم گئری قالماق ایستهیر کی!؟). بو حال-وضعيّت اونلاردا هم ده سونرادان پئیدا اولموشدو. اوّللر بئله دئییلدیلر. آمّا ایندی ديیشیلمیشدیلر. تزه مودا اونلاری دا اؤز آغوشونا آلمیشدی. ائولریندهکی صحبتلرینین اساس موضوعلاری دا، بئلهلیکله قونشولارینین یئنی وضعيّتلری ایله باغلی اولوردی: حسنگیل تزه ائو قاپیلاری آلیب، ائله گؤزلدی... قیزبسدی بیر دنه دیوان-کرئسلو سیفاریش وئریب، کاش بیزده ده ائلهسیننن اولاردی... گؤرورسن نظامیگیل پنجرهلرینی تزلهییرلر، دئییرلر او نیکولایدان قالما پنجرهلرین واختی کئچیب، ایندی هامی معاصر پنجره آلیر. بیزیمکی ائله کؤهنه حامام، کؤهنه طاس. ائلهبیر آند ایچیبسن کی، عاریفین باباسیندان قالان بو ائوی نئجه آلیبسان، ال وورمایاسان. ائلجه ده قالاجاق...
بو سؤزلری دئیه-دئیه اللهوئردی کیشیله قنداب خالا بیر نئچه ایل بوندان اوّل وجده گلدیلر کی، ائولرینی دوزلتمهیه باشلاسینلار. بئلهلیکله، بیر خئیلی بورجون آلتینا گیریب ائولرینی دوزلتمهیه اوز قویدولار. قاپی-پنجره آلدیلار. اؤزوده کی، نظامیگیلین قاپیلاریندان پلاستیک پنجرهلریندن. ایکی ایل یئمهدیلر-ایچمهدیلر بورجلارینی وئریب قورتاردیلار. اللّه زمانهنی باتیرسین. هر گون یئنی بیر مودا چیخیر، دب یارانیر. ار-آرواد قرارا گلدیلر کی، ائو اشیالارینی دا بوتؤولوکله ديیشسینلر. بو دفعه یئنه بورجلولوق صنعتینه قول قویدولار. ائو اشیالارینی یئنی دبه اویغون آلدیلار. اوچ ایل ده بئله کئچدی. یئمه-ایچمه بورجونو اؤده... دئییرم، کند ائولری ایندی شهر ائولریندن داها دا معاصر اولماغا باشلاییب. هر شئی شهر ائولریندهکی کیمی، ائوین داخیلینه کؤچورولور. اللهوئردیگیل ده قرارا گلدیلر کی، دوکانچی خلیلگیل کیمی حامام اوتاغینی، سانیتار قووشاغی ائوین ایچینه کؤچورسونلر. "خلیلگیلدن نهلری اسکیک ایدی کی...". الغرض ائولری داها دا گؤزللشدی. ائله بیل، شهر ائوی ایدی. اوچ ایل ایکی آی دا بئلهجه بورجو اؤدهمکله اؤتوب، کئچدی.
کند حیاتیندا اینکیشاف اولدوقجا آوروپا مدنيّتی ائولرده اؤزونو داها گوجلو گؤستریردی. ایکی-اوچ ایل ایدی کی، کنده تزه دب ده گلیب، چیخمیشدی. هامی آوروپا قاپیلاری آلیر، اللهوئردی و قنداب خالا دا قرارا گلدیلر کی، ائولرینه آوروپا قاپیلاری آلیب، سالسینلار. سحر دوروب، حاضرلاشدیلار. شهره قونشولوقدا یاشایان "تاکسی عاکیف"ین ماشینیندا یوللاندیلار...
دئییرم، اینکیشاف ائتمیش آوروپالیلارین عاغیللاری هئچ یوخدو. اؤزلرینه ائو-ائشیک ده تیکمیرلر. گاه بو شهرده، گاه او کندده یاشاییب، عؤمورلرینی باشا وورورلار. ائوسیز-ائشیکسیز ایشلری -گوجلری یئییب-ایچمک، گزیب-دولاشماقدی. اولاد دا کی، اون سککیزینی تاماملادی "خوش گئتدین، بئش گئتدین. گئت اؤزونه گون آغلا" دئییرلر. بیزیم احمد ایسه نوهسینه ائو تیکیر ائئ، نوهسینه. هر نه ایسه... اللهوئردی کیشی ایله قنداب خالا آوروپا قاپیلارینی دا آلیب ائولرینی اصل سارایا چئویردیلر. آدام قییمیردی کی، آیاق قویسون. سانکی جنّت گوشهسی ایدی. آمّا بونون بیر عوضی ده واردی. ایل یاریم دا بئلهجه بورج اؤدهمکله کئچدی. واخت او یئره گلیب چاتدی کی، اون ایل بویونجا بورج اؤدهمک مجبوریّتینده قالان اللهوئردی کیشییه بو دفعه آدینین عکسینه اولاراق اللهوئرمهدی. کیشی خستهلندی. اؤزو ده برک آزارلادی. بو حادثه هم ده بدبختلیکدن اونلارین سون بورجلارینی وئردیکلری گوندن بیر هفته اؤنجه باش وئردی. دوز بیر هفته اللهوئردی کیشینی بو خستهخانا منیم، او خستهخانا سنین، آپاردیلار. خئیری اولمادی.
آتالاریمیز "یاتان دئییل، یئتن اؤلر" دئمیشلر. اللهوئردی کیشینینکی باخ بئله بیر حال-قضيّه ایدی. بورجون قورتاردیغی همین او گون بختیقارا اللهوئردی کیشی، حاق درگاهینا اوز توتدو. کیشینین نعشینی، دونیاسینی ديیشدییی گونون صاباحینا ساخلاماق ایستهدیلر. اونا گؤره کی، قارداشلاری قریب یئردن گلهجکدیلر. اونلاری گؤزلهملی ایدیلر. کندین مولّاسی ایسه تأکید ائتدی کی، جنازهنی ساخلاماق اولماز. هاوا ایستیدی. بی علاج همین گون اللهوئردی کیشینی تورپاغا تاپشیردیلار. یازیق، اونا بیر گون او جنّتمکان ائوده راحت عؤمور سورمک نصیب اولمادی. حیاتین بو آغیر طرفینی موشاهیده ائدن کندین آغساققالی عادیل کیشینین دیلیندن بو سؤزلر غئیری اختیاری سوزولدو: "حیاتی بادا وئرمک اولماز. عؤمرون و صحّتین ال وئریرسه، گرک یاشاماغی بیلهسن. بوغازیندان کس نهلردن قیس کی، ائو-ائشیک دوزلدهسن. بو، واللاه دوز دئییل. بیر ده گؤزونو آچیرسان کی، قوجالیبسان دونیادان کؤچورسن...".
https://t.me/Adabiyyatsevanlar
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
اؤیکوجوک
پلیس و کیشمیش عاراغی
✍:«ایلقار موذنزاده»
ایکینجی پئیک ایدی. دادین بیلمهییم دئیه بورنومو سیخدیم. باشیما چکدیم. یاغ کیمی سوزدو. تورشو تیکهلرینی مزه ائتدیم. دوداغیمی سیلدیم.
ماشینی بدنسازی باشگاهینین یانیندا ساخلامیشدیق، دوستوملا برابر. سَرین دوشموشدو، تَرلیایدیک. شیشهنی چکمیشدیم. دوستوم گؤز آلتی باخیب گولومسهدی. «بو نه مدل ایچمک؟ اؤزوو ساریبسلان؟ آدام کیمی ایچ! تورشو ندی؟»
«مزاجیم چکمیر»
«چکمیر ایچمه»
«ایچیرم اؤلدورور، ایچمهسم اؤللم» دئدیم.
ترانهیه سس وئردیم. یولداشیم جیبیندن گوشیسینی گؤتوردو.
«ایچه بیلمیرسن قورص آت، چوخ راحات».
«قورصنان آرام یوخدو».
ماشینین شیشهسی چالیندی. اَلیمدهکی پارا ایچگی اوستومه داغیلدی. پلیس ایدی. شیشهیه بارماغینین دالینداکی اوزوگو ایله تاپدادی: «وئر آشاغی گؤروم».
بارماغیمی شوشهنین دوکمهسینه دایادیم، پلیس شوشهنی یوموروقلادی. نقدر باسدیم آچیلمادی. سویوق تَره بوروندوم. دوکمهنی برعکس باسیردیم. شوشهنی آشاغی وئردیم.
«گؤروم الیندهکین»
«گه»
«قیچون آلتینداکین دا»
منی گولمک توتدو. تزه باشا دوشوردوم. قاققیلدادیم. غضبلندی، «هیریلداییرسان هه؟» قابی ایییلهدی. دالینداکی سرباز گولومسهدی. بیربیریمیزه باخیب گولدوک. پلیس غضبلی باخیشی ایله ایچگی قابینی اوستومه آتیب باشینی چئویردی. گولوشلریمین قاباغینی آلا بیلمهدیم. دیزیمه ووروب شاققیلدادیم. «چوخ سئوینیردین عاراق توتوبسان؟ یا دا نفت دَکلیندن زاددان؟ بدنسازی پروتئینیدیر، بودا باشگاهیمیز؛ مزاجیم چکمیر دئیه تورشینان ایچیرم.»
پلیس اوزاقلاشدی. «گه دال کابوتا دا باخ» سسیم ماشینلارین آراسیندا ایتدی. سوروب گئتمیشدی...
https://t.me/Adabiyyatsevanlar
پلیس و کیشمیش عاراغی
✍:«ایلقار موذنزاده»
ایکینجی پئیک ایدی. دادین بیلمهییم دئیه بورنومو سیخدیم. باشیما چکدیم. یاغ کیمی سوزدو. تورشو تیکهلرینی مزه ائتدیم. دوداغیمی سیلدیم.
ماشینی بدنسازی باشگاهینین یانیندا ساخلامیشدیق، دوستوملا برابر. سَرین دوشموشدو، تَرلیایدیک. شیشهنی چکمیشدیم. دوستوم گؤز آلتی باخیب گولومسهدی. «بو نه مدل ایچمک؟ اؤزوو ساریبسلان؟ آدام کیمی ایچ! تورشو ندی؟»
«مزاجیم چکمیر»
«چکمیر ایچمه»
«ایچیرم اؤلدورور، ایچمهسم اؤللم» دئدیم.
ترانهیه سس وئردیم. یولداشیم جیبیندن گوشیسینی گؤتوردو.
«ایچه بیلمیرسن قورص آت، چوخ راحات».
«قورصنان آرام یوخدو».
ماشینین شیشهسی چالیندی. اَلیمدهکی پارا ایچگی اوستومه داغیلدی. پلیس ایدی. شیشهیه بارماغینین دالینداکی اوزوگو ایله تاپدادی: «وئر آشاغی گؤروم».
بارماغیمی شوشهنین دوکمهسینه دایادیم، پلیس شوشهنی یوموروقلادی. نقدر باسدیم آچیلمادی. سویوق تَره بوروندوم. دوکمهنی برعکس باسیردیم. شوشهنی آشاغی وئردیم.
«گؤروم الیندهکین»
«گه»
«قیچون آلتینداکین دا»
منی گولمک توتدو. تزه باشا دوشوردوم. قاققیلدادیم. غضبلندی، «هیریلداییرسان هه؟» قابی ایییلهدی. دالینداکی سرباز گولومسهدی. بیربیریمیزه باخیب گولدوک. پلیس غضبلی باخیشی ایله ایچگی قابینی اوستومه آتیب باشینی چئویردی. گولوشلریمین قاباغینی آلا بیلمهدیم. دیزیمه ووروب شاققیلدادیم. «چوخ سئوینیردین عاراق توتوبسان؟ یا دا نفت دَکلیندن زاددان؟ بدنسازی پروتئینیدیر، بودا باشگاهیمیز؛ مزاجیم چکمیر دئیه تورشینان ایچیرم.»
پلیس اوزاقلاشدی. «گه دال کابوتا دا باخ» سسیم ماشینلارین آراسیندا ایتدی. سوروب گئتمیشدی...
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.