اوشاق ادبیاتی
ایکی عالم صدف اولسا ، اونا گوهردی آنا
خلقتین فخـر مـباهــاتینه جـوهـردی آنا
خوش دانیشدیر یوزونی قویما گوره رنج و محن
اوپ اَلین حوـرمتـیلن قیمتی یوخ زردی آنا
https://t.me/Adabiyyatsevanlar
ایکی عالم صدف اولسا ، اونا گوهردی آنا
خلقتین فخـر مـباهــاتینه جـوهـردی آنا
خوش دانیشدیر یوزونی قویما گوره رنج و محن
اوپ اَلین حوـرمتـیلن قیمتی یوخ زردی آنا
https://t.me/Adabiyyatsevanlar
This media is not supported in your browser
VIEW IN TELEGRAM
اوشاق ادبیاتی
سن یاشا آذربایجانیم
اوشاق ادبیاتی هرهفته پنجشنبه گونو ادبیات سئونلر کانالیندا .
اوشاق ادبیاتینا دایر یازیلارینیزی بیزه گوندرین .
https://t.me/Adabiyyatsevanlar
سن یاشا آذربایجانیم
اوشاق ادبیاتی هرهفته پنجشنبه گونو ادبیات سئونلر کانالیندا .
اوشاق ادبیاتینا دایر یازیلارینیزی بیزه گوندرین .
https://t.me/Adabiyyatsevanlar
Forwarded from ادبیات سئونلر
اوشاق ادبیاتی
آذربایجان افسانه لری
سؤیله ین: صمد بهرنگی - بهروز دهقانی
چئویرن: منیژه جمنژاد
سن ده صبیر قولچاغیم، منده صبیر قولچاغیم
🪡بیری واریدی، بیری یوخودو. بیر ار آرواد واریدی، فاطمه خانیم آدیندا بیر قیزلاری واریدی. فاطمه خانیم هر یول چشمه باشینا، سو دولدورماغا گئدنده، چشمه دن بیر سس دئیردی: فاطمه خانیم وای سنه، وای منه! فاطمه خانیمین داها تابی قورتولدو، حال قضیه نی آناسینا دئدی. آنا آتایا دئدی: کیشی، داها الیمیز قولوموز باغلی اوتوروب باخا بیلمریک. قیزیمیز الدن گئدیر. گل آیری بیر یئره گئده ک. وار یوخلارینی ساتیب، باشقا بیر یئره گئتمک اوچون یولا دو٘شدلر. گو٘ن باتان چاغی بیر باغا یئتیشدیلر. او٘چو ده سوسوز ایدیلر. دووارین چاتیندان باخیب گؤردولر باغدا دوم دورو بیر سو آخیر، آتا باغین قاپیسینی ترپتدی، آچیلمادی. آنا زورلادی، آچیلمادی.
بو یازینین آردینی ادبیات سئونلر کانالیندا اوخویون.
https://t.me/Adabiyyatsevanlar
آذربایجان افسانه لری
سؤیله ین: صمد بهرنگی - بهروز دهقانی
چئویرن: منیژه جمنژاد
سن ده صبیر قولچاغیم، منده صبیر قولچاغیم
🪡بیری واریدی، بیری یوخودو. بیر ار آرواد واریدی، فاطمه خانیم آدیندا بیر قیزلاری واریدی. فاطمه خانیم هر یول چشمه باشینا، سو دولدورماغا گئدنده، چشمه دن بیر سس دئیردی: فاطمه خانیم وای سنه، وای منه! فاطمه خانیمین داها تابی قورتولدو، حال قضیه نی آناسینا دئدی. آنا آتایا دئدی: کیشی، داها الیمیز قولوموز باغلی اوتوروب باخا بیلمریک. قیزیمیز الدن گئدیر. گل آیری بیر یئره گئده ک. وار یوخلارینی ساتیب، باشقا بیر یئره گئتمک اوچون یولا دو٘شدلر. گو٘ن باتان چاغی بیر باغا یئتیشدیلر. او٘چو ده سوسوز ایدیلر. دووارین چاتیندان باخیب گؤردولر باغدا دوم دورو بیر سو آخیر، آتا باغین قاپیسینی ترپتدی، آچیلمادی. آنا زورلادی، آچیلمادی.
بو یازینین آردینی ادبیات سئونلر کانالیندا اوخویون.
https://t.me/Adabiyyatsevanlar
اوشاق ادبیاتی
آذربایجان افسانه لری
سؤیله ین:«صمد بهرنگی - بهروز دهقانی»
چئویرن:«منیژه جمنژاد»
سن ده صبیر قولچاغیم، منده صبیر قولچاغیم
🪡بیری واریدی، بیری یوخودو. بیر ار آرواد واریدی، فاطمه خانیم آدیندا بیر قیزلاری واریدی. فاطمه خانیم هر یول چشمه باشینا، سو دولدورماغا گئدنده، چشمه دن بیر سس دئیردی: فاطمه خانیم وای سنه، وای منه! فاطمه خانیمین داها تابی قورتولدو، حال قضیه نی آناسینا دئدی. آنا آتایا دئدی: کیشی، داها الیمیز قولوموز باغلی اوتوروب باخا بیلمریک. قیزیمیز الدن گئدیر. گل آیری بیر یئره گئده ک. وار یوخلارینی ساتیب، باشقا بیر یئره گئتمک اوچون یولا دو٘شدلر. گو٘ن باتان چاغی بیر باغا یئتیشدیلر. او٘چو ده سوسوز ایدیلر. دووارین چاتیندان باخیب گؤردولر باغدا دوم دورو بیر سو آخیر، آتا باغین قاپیسینی ترپتدی، آچیلمادی. آنا زورلادی، آچیلمادی. سونوندا فاطمه خانیم الینی قاپیا ووردو، آچیلدی. فاطمه خانیم ایچری گیردی، آرخاسیندا قاپی باغلاندی. آتا آنا دووارین اوتاییندا قالدیلار، فاطمه خانیم بو تاییندا. هرنه ائتدیلر قاپی آچیلمادی. آغلییب زاریدیلار، فایداسیز ایدی. دیبده آتا آنا دئدیلر: بودا بیزیم آلینیمیزین یازیسی ایمیش! گئتدیک، آللاه آمانیندا! قویوب گئتدیلر. بویاندان فاطمه خانیم چوخ آغلایاندان سونرا ، دوروب او٘زونه سو ووروب، باغی دولانماغا باشلادی. بیردن گؤزو بیر اوتاغا دو٘شدو. تلسیک اؤزونو یئتیردی. اوتاقدا بیر جوان اوزانمیشدی. گؤوده سی ایینه سانجاق لا دولویدو. کؤکسونده بیر لوحه ده یازیلمیشدی: کیمسه بو لوحه نی اوخویوب ایینه سانجاقلاری چیخاریرسا قیرخ گو٘نون باشی بو جوان دیریلر. فاطمه خانیم جوانین یانیندا اوتوروب، دعا اوخویوب، ایینه سانجاق لاری چیخارماغا باشلادی. گئجه به گو٘ندوز دعا اوخویوب، آغلییب، سانجاقلاری چیخاریردی. اوتوز دوقوزونجو گو٘ن، کوچه دن بیر سس گلدی. بیر قاراواش ساتیردیلار. فاطمه خانیم اؤز اؤزونه دئدی: جوان دوروب اوتاغی بئله تؤر توکونتولو گؤرسه، مندن آجیغی گلر. گئدیم قاراواشی آلیم، الیمین آلتیندا اولسون، ائوی ییر یغیش ائدیم. بو نیت له دوروب داما چیخدی. پول کیسه سین آشاغی آتدی، قاراواشی آلیب چکدی او٘سته. دئدی: من گئدیرم ال او٘زومو یویام. من گلینجه ده سن ائوی تمیزله. قاراواش اوتاغا گیرنده جوانی گؤرونجه نه وار نه یوخو آنلادی. جوانین یانیندا اوتوروب تئز - تئز ایینه لری چیخاردی. قورتولونجا جوان آسقیریب دوروب اوتوردو. قاراواشی باشی او٘سته گؤروب دئدی: سنه من قوربان اولوم. سن قیرخ گو٘ندو منیم باشیم او٘سته اوتوروب بدنیمین ایینه سانجاق لارین چکیرسن؟ قاراواش دئدی: هه، به نمنه؟ جوان قاراواش لا ائولندی. بویاندان فاطمه خانیم باش گؤزونو یویوب، تمیز له ییب، ایینه سانجاق لارین قالانینی چیخارماغا اوتاغا گلدی. گؤردو جوان دوروب قاراواش لا خوش خوش دانیشیر. بیلدی ایش ایشدن کئچیب. دا ال آیاقلارینا دولاشمادی. او گو٘ندن قاراواش اولدو ائوین خانیمی، فاطمه خانیم دا اولدو قوللوقچو. نئچه گو٘ن دن سونرا اوغلان دئدی: گئدیرم شهره. او٘رهییز نه ایستیر آلیم سیزه؟ قاراواش سو٘زدوره- سو٘زدوره، ناز لا دئدی: منه بیر الماس او٘زوک آل. اوغلان فاطمه خانیما دئدی: سنه نمنه؟ فاطمه خانیم دئدی: منه بیر صبیر قولچاغی. اوغلان شهره گئتدی ایشلرین گؤردو، خانیمینا الماس او٘زوک آلدی، صبیر قولچاغی آلماغا گئتدی. ساتان دئدی: داداش، بو قولچاغی ایسته ین، دردلی آدامدی. گرک بیر یئرده گیزلنیب سوزلرینه قولاغ آسیب دردی نه دیر بیلسن. سونرا گرک چیخیب قولچاق پاتلاسین دئیه اونو توتاسان، یوخسا او اؤزو پاتلایاجاق. اوغلان قولچاغی گتیریب فاطمه خانما وئردی. گئجه فاطمه خانیم قولچاغی گؤتوروب اوتاغینا گئتدی. اوغلان دا یاواش گئدیب پرده دالیندا گیزلندی. فاطمه خانیم قولچاغی قاباغینا قویوب دانیشیب درد لشمه یه باشلادی:
بیری واریدی بیری یوخودو. بیر فاطمه خانیم واریدی. آتا آناسینین بیری بیر داناسی ایدی. سنده صبیر قولجاغیم، منده صبیر قولچاغیم!
آردی وار...
https://t.me/Adabiyyatsevanlar
آذربایجان افسانه لری
سؤیله ین:«صمد بهرنگی - بهروز دهقانی»
چئویرن:«منیژه جمنژاد»
سن ده صبیر قولچاغیم، منده صبیر قولچاغیم
🪡بیری واریدی، بیری یوخودو. بیر ار آرواد واریدی، فاطمه خانیم آدیندا بیر قیزلاری واریدی. فاطمه خانیم هر یول چشمه باشینا، سو دولدورماغا گئدنده، چشمه دن بیر سس دئیردی: فاطمه خانیم وای سنه، وای منه! فاطمه خانیمین داها تابی قورتولدو، حال قضیه نی آناسینا دئدی. آنا آتایا دئدی: کیشی، داها الیمیز قولوموز باغلی اوتوروب باخا بیلمریک. قیزیمیز الدن گئدیر. گل آیری بیر یئره گئده ک. وار یوخلارینی ساتیب، باشقا بیر یئره گئتمک اوچون یولا دو٘شدلر. گو٘ن باتان چاغی بیر باغا یئتیشدیلر. او٘چو ده سوسوز ایدیلر. دووارین چاتیندان باخیب گؤردولر باغدا دوم دورو بیر سو آخیر، آتا باغین قاپیسینی ترپتدی، آچیلمادی. آنا زورلادی، آچیلمادی. سونوندا فاطمه خانیم الینی قاپیا ووردو، آچیلدی. فاطمه خانیم ایچری گیردی، آرخاسیندا قاپی باغلاندی. آتا آنا دووارین اوتاییندا قالدیلار، فاطمه خانیم بو تاییندا. هرنه ائتدیلر قاپی آچیلمادی. آغلییب زاریدیلار، فایداسیز ایدی. دیبده آتا آنا دئدیلر: بودا بیزیم آلینیمیزین یازیسی ایمیش! گئتدیک، آللاه آمانیندا! قویوب گئتدیلر. بویاندان فاطمه خانیم چوخ آغلایاندان سونرا ، دوروب او٘زونه سو ووروب، باغی دولانماغا باشلادی. بیردن گؤزو بیر اوتاغا دو٘شدو. تلسیک اؤزونو یئتیردی. اوتاقدا بیر جوان اوزانمیشدی. گؤوده سی ایینه سانجاق لا دولویدو. کؤکسونده بیر لوحه ده یازیلمیشدی: کیمسه بو لوحه نی اوخویوب ایینه سانجاقلاری چیخاریرسا قیرخ گو٘نون باشی بو جوان دیریلر. فاطمه خانیم جوانین یانیندا اوتوروب، دعا اوخویوب، ایینه سانجاق لاری چیخارماغا باشلادی. گئجه به گو٘ندوز دعا اوخویوب، آغلییب، سانجاقلاری چیخاریردی. اوتوز دوقوزونجو گو٘ن، کوچه دن بیر سس گلدی. بیر قاراواش ساتیردیلار. فاطمه خانیم اؤز اؤزونه دئدی: جوان دوروب اوتاغی بئله تؤر توکونتولو گؤرسه، مندن آجیغی گلر. گئدیم قاراواشی آلیم، الیمین آلتیندا اولسون، ائوی ییر یغیش ائدیم. بو نیت له دوروب داما چیخدی. پول کیسه سین آشاغی آتدی، قاراواشی آلیب چکدی او٘سته. دئدی: من گئدیرم ال او٘زومو یویام. من گلینجه ده سن ائوی تمیزله. قاراواش اوتاغا گیرنده جوانی گؤرونجه نه وار نه یوخو آنلادی. جوانین یانیندا اوتوروب تئز - تئز ایینه لری چیخاردی. قورتولونجا جوان آسقیریب دوروب اوتوردو. قاراواشی باشی او٘سته گؤروب دئدی: سنه من قوربان اولوم. سن قیرخ گو٘ندو منیم باشیم او٘سته اوتوروب بدنیمین ایینه سانجاق لارین چکیرسن؟ قاراواش دئدی: هه، به نمنه؟ جوان قاراواش لا ائولندی. بویاندان فاطمه خانیم باش گؤزونو یویوب، تمیز له ییب، ایینه سانجاق لارین قالانینی چیخارماغا اوتاغا گلدی. گؤردو جوان دوروب قاراواش لا خوش خوش دانیشیر. بیلدی ایش ایشدن کئچیب. دا ال آیاقلارینا دولاشمادی. او گو٘ندن قاراواش اولدو ائوین خانیمی، فاطمه خانیم دا اولدو قوللوقچو. نئچه گو٘ن دن سونرا اوغلان دئدی: گئدیرم شهره. او٘رهییز نه ایستیر آلیم سیزه؟ قاراواش سو٘زدوره- سو٘زدوره، ناز لا دئدی: منه بیر الماس او٘زوک آل. اوغلان فاطمه خانیما دئدی: سنه نمنه؟ فاطمه خانیم دئدی: منه بیر صبیر قولچاغی. اوغلان شهره گئتدی ایشلرین گؤردو، خانیمینا الماس او٘زوک آلدی، صبیر قولچاغی آلماغا گئتدی. ساتان دئدی: داداش، بو قولچاغی ایسته ین، دردلی آدامدی. گرک بیر یئرده گیزلنیب سوزلرینه قولاغ آسیب دردی نه دیر بیلسن. سونرا گرک چیخیب قولچاق پاتلاسین دئیه اونو توتاسان، یوخسا او اؤزو پاتلایاجاق. اوغلان قولچاغی گتیریب فاطمه خانما وئردی. گئجه فاطمه خانیم قولچاغی گؤتوروب اوتاغینا گئتدی. اوغلان دا یاواش گئدیب پرده دالیندا گیزلندی. فاطمه خانیم قولچاغی قاباغینا قویوب دانیشیب درد لشمه یه باشلادی:
بیری واریدی بیری یوخودو. بیر فاطمه خانیم واریدی. آتا آناسینین بیری بیر داناسی ایدی. سنده صبیر قولجاغیم، منده صبیر قولچاغیم!
آردی وار...
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
Media is too big
VIEW IN TELEGRAM
اوشاق ادبیاتی
کارتون
اوشاق ادبیاتی هرهفته پنجشنبه گونو ادبیات سئونلر کانالیندا .
اوشاق ادبیاتینا دایر یازیلارینیزی بیزه گوندرین .
https://t.me/Adabiyyatsevanlar
کارتون
اوشاق ادبیاتی هرهفته پنجشنبه گونو ادبیات سئونلر کانالیندا .
اوشاق ادبیاتینا دایر یازیلارینیزی بیزه گوندرین .
https://t.me/Adabiyyatsevanlar
باش ساغلیغی
کئشگه بیرده چؤنوب بیر اوشاق اولام
مئهریبان قوینونا یئنه سیخیلام
الللری الیمده غمسیز یوخلایام
آییلجاق گورم کی اویاق دیر آتام...
تأسوفله آلدیغیمیز آجی خبر اساسیندا تانینمیش شاعیر، ادبیات سئونلرین سئویملی اؤیهسی «جعفرتانیش» جنابلارینین مئهریبان آتاسی تبریزده آغیر خستهلیکدن سونرا حیاتا گؤز یومدو.
«ادبیات سئونلر» بو آجی آیریلیغی سایین «آروینی، عباس زاده» عاییلهلرینه «خلیل» عمینین سئونلرینه قوهوم-اقرباسینا باش ساغلیغی وئرریر.
امینیک خلیل عمینین خاطیرهلری خالقیمیزین یادداشیندا ابدی یاشایاجاق.
ادبیات سئونلر: 1401/3/26
https://t.me/Adabiyyatsevanlar
کئشگه بیرده چؤنوب بیر اوشاق اولام
مئهریبان قوینونا یئنه سیخیلام
الللری الیمده غمسیز یوخلایام
آییلجاق گورم کی اویاق دیر آتام...
تأسوفله آلدیغیمیز آجی خبر اساسیندا تانینمیش شاعیر، ادبیات سئونلرین سئویملی اؤیهسی «جعفرتانیش» جنابلارینین مئهریبان آتاسی تبریزده آغیر خستهلیکدن سونرا حیاتا گؤز یومدو.
«ادبیات سئونلر» بو آجی آیریلیغی سایین «آروینی، عباس زاده» عاییلهلرینه «خلیل» عمینین سئونلرینه قوهوم-اقرباسینا باش ساغلیغی وئرریر.
امینیک خلیل عمینین خاطیرهلری خالقیمیزین یادداشیندا ابدی یاشایاجاق.
ادبیات سئونلر: 1401/3/26
https://t.me/Adabiyyatsevanlar
آذربایجان باشین ساغ اولسون.
ولی شاه محمدی«گولدورلی ولی» حیاتا گوز یومدو
https://t.me/Adabiyyatsevanlar
ولی شاه محمدی«گولدورلی ولی» حیاتا گوز یومدو
https://t.me/Adabiyyatsevanlar
آذربایجان باشین ساغ اولسون.
گلدی گئدر دونیادان بیر شاعیر کوچدو.
قاراداغین سئویملی اوغلو، شاعیر اوغلو، شعیرینین بزهیینی داغلارین زیروهسیندن آلان شاعیر، ناتورالیست باخیشلی، قارتال قانادلی شاعیر، صابیر ادبی انجومنینین ادوار مودیره هئیتینین دیرلی عضوو، شاعیر ولی شاهمحمدی «گولدورلی ولی» بوگون 1401/3/26 تهراندا امام حسین خستهخاناسیندا حیاتا گؤز یومدو.
«گولدورلی ولی» 1334_جی ایلین مرداد آییندا شاعیرلر، عاشیقلار... مسکنی اولان قاراداغین گولدور کندینده آنادان اولدو. گنج یاشلاریندان آنا یوردونون سحیرلی، طراوتلی طبیعتیندن ایلهام آلاراق، شعیر یازماغا باشلادی، ائله گنج ایکن باشقا یئرلیلری کیمی ایش تاپماق اوچون تهرانا کؤچمک مجبوریتینده قالدی. تهراندا اوزون ایللر گولر اوزیله نقاشلیق صینفینده شهرداشلارینین، وطنداشلارینین ائولرینی بزهدی، عینی زماندا نقاشلار صینفینین (اتحادیه صنفی نقاشان تهران)ده فعال بیر عضو کیمی چالیشدی. «شاعیر ولی» صابیر انجومنینین تأسیسیندن نئچه
ایل سونرا صابیر انجومنینه قوشولدو، عاشقلار ایله گئنیش ارتباطدا اولدوغو اوچون صابیر انجومنینین موسیقی بؤلومونه مسئول سئچیلدی. عینی زماندا انجومنین مودیره هئیتینین سئچگیسینده صابیر انجومنینین مودیره هئیتینه سیچیلدی. «شاعیر ولی» اون ایلدن آرتیق کؤنولو اولاراق بو مسئولیتده چالیشدی. ائل آراسیندا بئله بیر سوز وار "آدام گئدر، آدقالار" بوگون «گولدورلی ولی» بیزدن آیریلسادا، اونون خاطیرهلری، اونودولماز شعیرلری، شعیرلرینه بستهلنن ماهینلاری ابدی اولارلق خالقیمیزین یاداشیندا یاشایاجاق.
«گولدورلو ولی»دن بئش کیتاب یادیگار قالیب:
1-آغلی داغ
2-قارتال قایناغی
3-حسرت گوزگوسو
4-لامپاسیز اوتاق
5-دیوان «گولدورلی ولی»
و بیر سیرا شعیرلر کی هله ایشیق اوزو گؤرمهییبلر.
ادبیات سئونلر ادبیاتمیزین سماسیندا واختسیز-وعدهسیز آخان شاعیرین آجی آیریلیغینی ائلیمیزه، «گولدورلی ولی»نین عاییلهسینه، صابیر انجومنینه، ادبیات سئونلره، شاعیرین قلمداشلارینا، قوهوم اقرباسینا اورک ائویندن باش ساغلیغی وئریر.
ادبیات سئونلر: 1401/3/26
https://t.me/Adabiyyatsevanlar
گلدی گئدر دونیادان بیر شاعیر کوچدو.
قاراداغین سئویملی اوغلو، شاعیر اوغلو، شعیرینین بزهیینی داغلارین زیروهسیندن آلان شاعیر، ناتورالیست باخیشلی، قارتال قانادلی شاعیر، صابیر ادبی انجومنینین ادوار مودیره هئیتینین دیرلی عضوو، شاعیر ولی شاهمحمدی «گولدورلی ولی» بوگون 1401/3/26 تهراندا امام حسین خستهخاناسیندا حیاتا گؤز یومدو.
«گولدورلی ولی» 1334_جی ایلین مرداد آییندا شاعیرلر، عاشیقلار... مسکنی اولان قاراداغین گولدور کندینده آنادان اولدو. گنج یاشلاریندان آنا یوردونون سحیرلی، طراوتلی طبیعتیندن ایلهام آلاراق، شعیر یازماغا باشلادی، ائله گنج ایکن باشقا یئرلیلری کیمی ایش تاپماق اوچون تهرانا کؤچمک مجبوریتینده قالدی. تهراندا اوزون ایللر گولر اوزیله نقاشلیق صینفینده شهرداشلارینین، وطنداشلارینین ائولرینی بزهدی، عینی زماندا نقاشلار صینفینین (اتحادیه صنفی نقاشان تهران)ده فعال بیر عضو کیمی چالیشدی. «شاعیر ولی» صابیر انجومنینین تأسیسیندن نئچه
ایل سونرا صابیر انجومنینه قوشولدو، عاشقلار ایله گئنیش ارتباطدا اولدوغو اوچون صابیر انجومنینین موسیقی بؤلومونه مسئول سئچیلدی. عینی زماندا انجومنین مودیره هئیتینین سئچگیسینده صابیر انجومنینین مودیره هئیتینه سیچیلدی. «شاعیر ولی» اون ایلدن آرتیق کؤنولو اولاراق بو مسئولیتده چالیشدی. ائل آراسیندا بئله بیر سوز وار "آدام گئدر، آدقالار" بوگون «گولدورلی ولی» بیزدن آیریلسادا، اونون خاطیرهلری، اونودولماز شعیرلری، شعیرلرینه بستهلنن ماهینلاری ابدی اولارلق خالقیمیزین یاداشیندا یاشایاجاق.
«گولدورلو ولی»دن بئش کیتاب یادیگار قالیب:
1-آغلی داغ
2-قارتال قایناغی
3-حسرت گوزگوسو
4-لامپاسیز اوتاق
5-دیوان «گولدورلی ولی»
و بیر سیرا شعیرلر کی هله ایشیق اوزو گؤرمهییبلر.
ادبیات سئونلر ادبیاتمیزین سماسیندا واختسیز-وعدهسیز آخان شاعیرین آجی آیریلیغینی ائلیمیزه، «گولدورلی ولی»نین عاییلهسینه، صابیر انجومنینه، ادبیات سئونلره، شاعیرین قلمداشلارینا، قوهوم اقرباسینا اورک ائویندن باش ساغلیغی وئریر.
ادبیات سئونلر: 1401/3/26
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
اطلاعیه
به اطلاع میرساند مراسم تشییع و تدفین جناره زنده یاد «ولی شاه محمدی» گولدورلی ولی شاعرنامدار آذربایجانی رور جمعه: 1401/3/27 ساعت ده ازصبح در غسالخانه بهشت زهرای تهران برگزار خواهد شد.
ضمنا مراسم ختم آن عزیز همانروز ساعت18الی19/30در تهران- خیابان گرگان شمالی-ایستگاه روشنایی-مسجد اراکی ها برگزار می گردد.
https://t.me/Adabiyyatsevanlar
به اطلاع میرساند مراسم تشییع و تدفین جناره زنده یاد «ولی شاه محمدی» گولدورلی ولی شاعرنامدار آذربایجانی رور جمعه: 1401/3/27 ساعت ده ازصبح در غسالخانه بهشت زهرای تهران برگزار خواهد شد.
ضمنا مراسم ختم آن عزیز همانروز ساعت18الی19/30در تهران- خیابان گرگان شمالی-ایستگاه روشنایی-مسجد اراکی ها برگزار می گردد.
https://t.me/Adabiyyatsevanlar
«میرحسین_دلداربناب»
✍ ایچیمده اولان قالابالیق شهر
ایچیمده بیر قالابالیق شهر وار!
اوردا تر گوللری یئللر آپاریر!
اپریمیش قاریلار یاشام سورورلر
سارای گلینلری سئللر آپاریر!
گئجهسی جانسیخان، گونلری قارا ساعاتلار ایشلهمیر، زامان دایانیب فصیللر پاییزدیر، باهار کؤچوبدور
چیچکلر هامیسی قینیندا یانیب
هاواسی دومانلی، چیسکینلی، چنلی
بولوددان یاغیش یوخ، کدر چیلهییر
کؤرپهلر قوجالیر آنا قوینوندا
گنجلر یاشام یوخ، اؤلوم دیلهییر
نه شنلیک بیلن وار نه توی نه دویون!
هامینین ایچینده کرب و بلادیر
یئتمیش ایکی یارا بیر جانا دییب
بو نئجه بیر درددیر، نئجه بلادیر؟!
ایللردیر دوستاغام بو شهرده من
نه آختارانیم وار، نه آرایانیم
سانکی ناغیللاردا دوغولان قیزام
نه ساچ داراغیم وار، نه قورویانیم
ایچیمده بیر قالابالیق شهر وار
بوغور منی اوردا چکدیییم هاوا
آداملار خور باخیر بیر بیرلرینه
آواوا، آواوا، آواوا، آوا...
ایشیغین، گؤزوندن دوغور قارانلیق
کاغیذدان اولان قوش قالخیر اوچماغا!
سحرین قاپیسی باغلی، قیفیللی
گلهجک بیریسی، اونو آچماغا؟!
۱۴۰۱/۰۳/۲۶
https://t.me/Adabiyyatsevanlar
✍ ایچیمده اولان قالابالیق شهر
ایچیمده بیر قالابالیق شهر وار!
اوردا تر گوللری یئللر آپاریر!
اپریمیش قاریلار یاشام سورورلر
سارای گلینلری سئللر آپاریر!
گئجهسی جانسیخان، گونلری قارا ساعاتلار ایشلهمیر، زامان دایانیب فصیللر پاییزدیر، باهار کؤچوبدور
چیچکلر هامیسی قینیندا یانیب
هاواسی دومانلی، چیسکینلی، چنلی
بولوددان یاغیش یوخ، کدر چیلهییر
کؤرپهلر قوجالیر آنا قوینوندا
گنجلر یاشام یوخ، اؤلوم دیلهییر
نه شنلیک بیلن وار نه توی نه دویون!
هامینین ایچینده کرب و بلادیر
یئتمیش ایکی یارا بیر جانا دییب
بو نئجه بیر درددیر، نئجه بلادیر؟!
ایللردیر دوستاغام بو شهرده من
نه آختارانیم وار، نه آرایانیم
سانکی ناغیللاردا دوغولان قیزام
نه ساچ داراغیم وار، نه قورویانیم
ایچیمده بیر قالابالیق شهر وار
بوغور منی اوردا چکدیییم هاوا
آداملار خور باخیر بیر بیرلرینه
آواوا، آواوا، آواوا، آوا...
ایشیغین، گؤزوندن دوغور قارانلیق
کاغیذدان اولان قوش قالخیر اوچماغا!
سحرین قاپیسی باغلی، قیفیللی
گلهجک بیریسی، اونو آچماغا؟!
۱۴۰۱/۰۳/۲۶
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
«اومود ياشار اوغوز جان»
چئویرن:«بهروز صدیق«
سن قوم نه دير بیلمزسن
دنیز گؤرمه دین کی.
یوم گؤزلرینی،زامانی دوشون
دنیز بیر گؤزونده
قوم بیر گؤزونده دیر.
سن داش نه دیر بیلمز سن
داغا چیخمادین کی
یورو اوفوقلارا دوغرو
داغ بیر آیاغیندا
داش بیر آیا غیندا دیر.
سن کول نه دیر بیلمزسن
آتش یاخمادین کی
اوزات اللرینی گؤی اوزونه
آتش بیر الینده
کول بیر الینده دير
سن قان نه دیر بیلمزسن
اؤلمه دین،اؤلدورمه دین کی
یات تورپاغا بویلو بویونجا
اؤلوم بیر یانیندا
قان بیر یانیندا دیر
سن عشق نه دیر بیلمز سن
منی سئومه دین کی
آغلا،آغلایا بیلدیگین قدهر
بوتون گؤزللیک لر سنده
عشق منده دیر.
https://t.me/Adabiyyatsevanlar
چئویرن:«بهروز صدیق«
سن قوم نه دير بیلمزسن
دنیز گؤرمه دین کی.
یوم گؤزلرینی،زامانی دوشون
دنیز بیر گؤزونده
قوم بیر گؤزونده دیر.
سن داش نه دیر بیلمز سن
داغا چیخمادین کی
یورو اوفوقلارا دوغرو
داغ بیر آیاغیندا
داش بیر آیا غیندا دیر.
سن کول نه دیر بیلمزسن
آتش یاخمادین کی
اوزات اللرینی گؤی اوزونه
آتش بیر الینده
کول بیر الینده دير
سن قان نه دیر بیلمزسن
اؤلمه دین،اؤلدورمه دین کی
یات تورپاغا بویلو بویونجا
اؤلوم بیر یانیندا
قان بیر یانیندا دیر
سن عشق نه دیر بیلمز سن
منی سئومه دین کی
آغلا،آغلایا بیلدیگین قدهر
بوتون گؤزللیک لر سنده
عشق منده دیر.
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
ادبیات سئونلراوستاد دوکتور«صدیقین» گوروشونده.
اوستاد دوکتور«صدیقین» کیتابخاناسیندا 12000جلد کیتاب ساخلانیر اوستادین دئدیینه گور اوستاد بو دیرلی کیتابخانانی تبریزین ملی کیتابخاناسینا اهدا ائدیبلر.
جومه: 1401/3/27
https://t.me/Adabiyyatsevanlar
اوستاد دوکتور«صدیقین» کیتابخاناسیندا 12000جلد کیتاب ساخلانیر اوستادین دئدیینه گور اوستاد بو دیرلی کیتابخانانی تبریزین ملی کیتابخاناسینا اهدا ائدیبلر.
جومه: 1401/3/27
https://t.me/Adabiyyatsevanlar
عارف(علی) پاینده ابدیته قووشدو
علی پاینده
ایران و آذربایجانین تانینمیش و بؤیوک حؤرمته صاحب اجتماعی سیاسی شخصیتی، فداکار انسان، دونیا زحمتکشلرینین دوستو، «عارف(علی) پاینده»نین سئودالی اورهیی دؤیونمکدن دایاندی.
«علی» آدی ایله دوستلار آراسیندا تانینان «عارف پاینده» ۱۳۲۱نجی ایل خرداد آیینین ۱۵ده اردبیل ماحالینین سلوط کندینده مهاجر بیر عائلهده دونیایا گؤز آچمیش، کیچیک یاشلاریندان عائلهسیله بیرلیکده تهرانا کؤچموش و ۸۰ یاشینا کیمی بو شهرده یاشامیش و خرداد آیینین ۲۷ده بو شهرده اورهک انفارکتی سببیندن حیاتینی ایتیرمیشدیر.
هله یئنییئتمهلیکدن بشری آماللار اوغروندا اجتماعی و سیاسی مبارزهیه اوز گتیرهن علی پاینده، عؤمرونون بوتون حصهسینی اجتماعی عدالت، آزادلیق، خالقلار دوستلوغو، صلح و امین آمانلیق و بو کیمی بشری آماللار اوغروندا صرف ائتمیش و بونون اوچون ده بیر چوخ عذاب- اذیتلره معروض قالمیش و عؤمرونون اون ایلدن آرتیغینی آزادلیقدان محروم ائدیلمیشدیر.
علی پاینده آذربایجان ادبیاتی و مدنیتینین صمیمی و صداقتلی حامیسی اولماسیلا برابر، ایران انقلابینین غلبهسیندن سونرا، خصوصیله ده کئچن ایگیرمی ایلده آذربایجان ادبیاتی و مدنیتینین چیچکلنمهسینده الیندن گلنی اسیرگهمهمیشدیر. بو مهربان، صداقتلی و شرفلی اینسانین سیماسی بیر چوخ آذربایجان یازیچی، شاعر و مدنیت خادیملرینین یادداشیندا، سئویلن صمیمی بیر اینسان و اینسانلیغی تمثیل ائدهن حؤرمتلی بیر اجتماعی سیاسی شخصیت کیمی یاشایاجاقدیر.
علی پاینده ایستر شاهلیق دؤرو استبداد زندانلاریندا اولارکن، ایسترسه ده انقلابدان سونرا، دائیما آذربایجانین ملی قهرمانی «صفرخان قهرمانی»نین ان یاخین آرخاداشی و یول یولداشی اولموش، و صفرخانین عؤمرونون سونونا قدهر بو یولداشلیق و آرخا دورما داوام تاپمیشدیر. سون ایللرده علی پاینده اؤز خاطیرهلرینی قلمه آلمیش و ۱۳۹۹نجی ایل «آنچه بر من گذشت» (منیم باشیما گلنلر) عنوانی آلتدا اختران انتشاراتی طرفیندن نشر ائدیلمیشدیر.
«ایشیق» -آذربایجان ادبیات و اینجه صنعت سایتی- امکداشلاری آدیندان عؤمرونون سونونا قدهر بشری آماللارینا صادق قالان، اؤز خالقی و وطنینین سعادتی اوغروندا مبارزهدن گئری چکیلمهین شرفلی اینسان عارف(علی) پایندهنین ایتگیسینی اونون حؤرمتلی عائلهسینه، یولداشلارینا، دوست-تانیشلارینا و سئونلرینه باش ساغلیغی وئریر، شرفلی خاطیرهسینه عشق اولسون دئییریک.
قایناق «ایشیق» -آذربایجان ادبیات و اینجه صنعت سایتی
۲۸/۰۳/۱۴۰۱
https://t.me/Adabiyyatsevanlar
علی پاینده
ایران و آذربایجانین تانینمیش و بؤیوک حؤرمته صاحب اجتماعی سیاسی شخصیتی، فداکار انسان، دونیا زحمتکشلرینین دوستو، «عارف(علی) پاینده»نین سئودالی اورهیی دؤیونمکدن دایاندی.
«علی» آدی ایله دوستلار آراسیندا تانینان «عارف پاینده» ۱۳۲۱نجی ایل خرداد آیینین ۱۵ده اردبیل ماحالینین سلوط کندینده مهاجر بیر عائلهده دونیایا گؤز آچمیش، کیچیک یاشلاریندان عائلهسیله بیرلیکده تهرانا کؤچموش و ۸۰ یاشینا کیمی بو شهرده یاشامیش و خرداد آیینین ۲۷ده بو شهرده اورهک انفارکتی سببیندن حیاتینی ایتیرمیشدیر.
هله یئنییئتمهلیکدن بشری آماللار اوغروندا اجتماعی و سیاسی مبارزهیه اوز گتیرهن علی پاینده، عؤمرونون بوتون حصهسینی اجتماعی عدالت، آزادلیق، خالقلار دوستلوغو، صلح و امین آمانلیق و بو کیمی بشری آماللار اوغروندا صرف ائتمیش و بونون اوچون ده بیر چوخ عذاب- اذیتلره معروض قالمیش و عؤمرونون اون ایلدن آرتیغینی آزادلیقدان محروم ائدیلمیشدیر.
علی پاینده آذربایجان ادبیاتی و مدنیتینین صمیمی و صداقتلی حامیسی اولماسیلا برابر، ایران انقلابینین غلبهسیندن سونرا، خصوصیله ده کئچن ایگیرمی ایلده آذربایجان ادبیاتی و مدنیتینین چیچکلنمهسینده الیندن گلنی اسیرگهمهمیشدیر. بو مهربان، صداقتلی و شرفلی اینسانین سیماسی بیر چوخ آذربایجان یازیچی، شاعر و مدنیت خادیملرینین یادداشیندا، سئویلن صمیمی بیر اینسان و اینسانلیغی تمثیل ائدهن حؤرمتلی بیر اجتماعی سیاسی شخصیت کیمی یاشایاجاقدیر.
علی پاینده ایستر شاهلیق دؤرو استبداد زندانلاریندا اولارکن، ایسترسه ده انقلابدان سونرا، دائیما آذربایجانین ملی قهرمانی «صفرخان قهرمانی»نین ان یاخین آرخاداشی و یول یولداشی اولموش، و صفرخانین عؤمرونون سونونا قدهر بو یولداشلیق و آرخا دورما داوام تاپمیشدیر. سون ایللرده علی پاینده اؤز خاطیرهلرینی قلمه آلمیش و ۱۳۹۹نجی ایل «آنچه بر من گذشت» (منیم باشیما گلنلر) عنوانی آلتدا اختران انتشاراتی طرفیندن نشر ائدیلمیشدیر.
«ایشیق» -آذربایجان ادبیات و اینجه صنعت سایتی- امکداشلاری آدیندان عؤمرونون سونونا قدهر بشری آماللارینا صادق قالان، اؤز خالقی و وطنینین سعادتی اوغروندا مبارزهدن گئری چکیلمهین شرفلی اینسان عارف(علی) پایندهنین ایتگیسینی اونون حؤرمتلی عائلهسینه، یولداشلارینا، دوست-تانیشلارینا و سئونلرینه باش ساغلیغی وئریر، شرفلی خاطیرهسینه عشق اولسون دئییریک.
قایناق «ایشیق» -آذربایجان ادبیات و اینجه صنعت سایتی
۲۸/۰۳/۱۴۰۱
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
باش ساغلیغی
ادبیات سئونلر ائلیمیزین سئویملی اوغلو، بوتون عومرونو، وارلیغینی خالقیمیزین سعادت اوغروندا حسر ائدن اوغلو عارف«علی پاینده نین» آیریلیغینی سایین« پاینده» عایله لرینه،« دوسلارینا اوره ک ائوینده باش ساغلیغی وئریر
عشق اولسون علی معللیمین ابدی خاطیره سینه.
ادبیات سئونلر: 1401/3/29
https://t.me/Adabiyyatsevanlar
ادبیات سئونلر ائلیمیزین سئویملی اوغلو، بوتون عومرونو، وارلیغینی خالقیمیزین سعادت اوغروندا حسر ائدن اوغلو عارف«علی پاینده نین» آیریلیغینی سایین« پاینده» عایله لرینه،« دوسلارینا اوره ک ائوینده باش ساغلیغی وئریر
عشق اولسون علی معللیمین ابدی خاطیره سینه.
ادبیات سئونلر: 1401/3/29
https://t.me/Adabiyyatsevanlar
آدام گئدر، آد قالار.
بو گون 1041/3/29 تهراندا آدی قالارقی شاعیر اوستاد ولی شاهمحمدی «گولدورلی ولییه» خاطیره گئجهسی کئچیریلدی. بو مجلیسده «ادبیات سئونلر» «صابیر» «نباتی» «قارا داغ» انجمنلرینین اؤیهلری شاعیرین عاییلهسینین حضوروندا شعیر اوخویوب، ائل شاعیری «گولدورلی ولی» حاقیندا دانیشدیلار.
بو مجلیسده عاشیق احد علیشاهی، شاعیر ائللر، عظیم آقایی، درد اوغلو، عدالت امی «دومان»، کرم محمدپور، شکاری، اصغر ساعی، محمدرضا فراغی، ممد آغلار، محمد احمدی... شعیر اوخویوب، خاطیره سویلهدیلر.
مجلیسین سونوندا مجلیسین آپاریجیسی «کریم قربانزاده» عاشیق «احد علیشاهی»نین یانیق کرمیندن سونرا بیرداها اوستاد «گودورلو ولی»نین وفاتینی اوستادین عاییلهسینه، قلم داشلارینا، سئونلرینه باش ساغلیغی وئرییب، عایله عضولرینین «بهنام» و «پیرمحمد شاه محمدی»نین صحبتی ایله مجلیسی بیتیردی.
مجلیسین دیگر قوناقلاریندان ( ابراهیم مسعودنیا، صادق کرمزاده...)دن کی برنامهنین واقتینین قوتاردیغی اوچون دانیشیق نوبتی چاتمادی صمیم قلبدن عوذر ایستهییب، تشکور ائدیریک.
https://t.me/Adabiyyatsevanlar
بو گون 1041/3/29 تهراندا آدی قالارقی شاعیر اوستاد ولی شاهمحمدی «گولدورلی ولییه» خاطیره گئجهسی کئچیریلدی. بو مجلیسده «ادبیات سئونلر» «صابیر» «نباتی» «قارا داغ» انجمنلرینین اؤیهلری شاعیرین عاییلهسینین حضوروندا شعیر اوخویوب، ائل شاعیری «گولدورلی ولی» حاقیندا دانیشدیلار.
بو مجلیسده عاشیق احد علیشاهی، شاعیر ائللر، عظیم آقایی، درد اوغلو، عدالت امی «دومان»، کرم محمدپور، شکاری، اصغر ساعی، محمدرضا فراغی، ممد آغلار، محمد احمدی... شعیر اوخویوب، خاطیره سویلهدیلر.
مجلیسین سونوندا مجلیسین آپاریجیسی «کریم قربانزاده» عاشیق «احد علیشاهی»نین یانیق کرمیندن سونرا بیرداها اوستاد «گودورلو ولی»نین وفاتینی اوستادین عاییلهسینه، قلم داشلارینا، سئونلرینه باش ساغلیغی وئرییب، عایله عضولرینین «بهنام» و «پیرمحمد شاه محمدی»نین صحبتی ایله مجلیسی بیتیردی.
مجلیسین دیگر قوناقلاریندان ( ابراهیم مسعودنیا، صادق کرمزاده...)دن کی برنامهنین واقتینین قوتاردیغی اوچون دانیشیق نوبتی چاتمادی صمیم قلبدن عوذر ایستهییب، تشکور ائدیریک.
https://t.me/Adabiyyatsevanlar
«نبی خزری»
اوْدلاردا دوْغولان
کئچیب آستا-آستا
داغیْ درهنی
بلکه تئز گلهجک
گؤزلهدیگیم گۆن.
دوستلار!
من اؤلنده
یاندیْرین منی
اوْدلاردا دوْغولان،
اوْدلاردا سؤنسون.
قاییقدیم
من اؤزوم
آراز، کۆر بوْیو.
گولـلهیدیم
آچیْلدیم دَیدیم هر دفه.
اوْنسوزدا یانمیْشام
من عمر بوْیو
قوی یانیْم دنیادا
سوْنونجو دفه.
نگران-نگران
گلدیم جهانا
بیلدیم نگرانلیق
تا اؤلونجه وار،
فقط یئر اۆزونده
اوْندان اوْیانا
نه کدر
نه عذاب
نه شکنجه وار.
کۆلومدن بیر چیمدیک
سَپین خزره
چئوریلسین خزرده
آغ لپهلره
گئییمیم بیاضدان
ماویدن اوْلسون
هر دالغا قوْی منیم
آبیدَم اوْلسون.
کۆلومدن بیر چیمدیک
آرازا آتیْن
آرازلا اَل چاتماز
دنیاما چاتین.
ائله بیر دنیا کی
اوْرا تلهسدیم
دنیامی گؤرمک چۆن
دنیانی گزدیم.
کَـپَــزه بیر چیمدیک
سَپین کۆلومدن
قوْی گۆنش یانیندا
زیروهلهشیم من
گۆنشدن دوْغولان
بیر ذره کیمی
قالیْم یئر اۆزونده
خاطره کیمی.
دوستلار!
اوُنوتمایین اۆرک دئیهنی
بو دنیا تَزه دیر
بو دنیا قدیم.
دوستلار!
من اؤلنده
یاندیْرین منی
اوْدلارلا گلمیشدیم،
اوْدلارلا گئدیم.
https://t.me/Adabiyyatsevanlar
اوْدلاردا دوْغولان
کئچیب آستا-آستا
داغیْ درهنی
بلکه تئز گلهجک
گؤزلهدیگیم گۆن.
دوستلار!
من اؤلنده
یاندیْرین منی
اوْدلاردا دوْغولان،
اوْدلاردا سؤنسون.
قاییقدیم
من اؤزوم
آراز، کۆر بوْیو.
گولـلهیدیم
آچیْلدیم دَیدیم هر دفه.
اوْنسوزدا یانمیْشام
من عمر بوْیو
قوی یانیْم دنیادا
سوْنونجو دفه.
نگران-نگران
گلدیم جهانا
بیلدیم نگرانلیق
تا اؤلونجه وار،
فقط یئر اۆزونده
اوْندان اوْیانا
نه کدر
نه عذاب
نه شکنجه وار.
کۆلومدن بیر چیمدیک
سَپین خزره
چئوریلسین خزرده
آغ لپهلره
گئییمیم بیاضدان
ماویدن اوْلسون
هر دالغا قوْی منیم
آبیدَم اوْلسون.
کۆلومدن بیر چیمدیک
آرازا آتیْن
آرازلا اَل چاتماز
دنیاما چاتین.
ائله بیر دنیا کی
اوْرا تلهسدیم
دنیامی گؤرمک چۆن
دنیانی گزدیم.
کَـپَــزه بیر چیمدیک
سَپین کۆلومدن
قوْی گۆنش یانیندا
زیروهلهشیم من
گۆنشدن دوْغولان
بیر ذره کیمی
قالیْم یئر اۆزونده
خاطره کیمی.
دوستلار!
اوُنوتمایین اۆرک دئیهنی
بو دنیا تَزه دیر
بو دنیا قدیم.
دوستلار!
من اؤلنده
یاندیْرین منی
اوْدلارلا گلمیشدیم،
اوْدلارلا گئدیم.
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.