دولان گل!
« ائلدار موغانلی»
دولان گل دولانباج یوللارین آیریجیندان
حسرتی گؤزونده قالسین آیریلیغین!
دولان گل!
ایتیرمه دولایلاردا
قارانقوشا توخودوغون یاز نغمهلرینی!
کؤکسونده دومانی،
گؤزونده یووا قورموش گومانی اریت یوللار بویونجا،
آرینسین دولانباج یوللارین سینهسی-
باخیشلارا سانجیلان تیکانلاردان!
دولان گل
یوللارینا اوچسون یاز نغمهلی قارانقوشلار،
باخیشلارینا بویانسین چیچک بویالی اوچوشلار!
سحر- سحر
سوت گؤلونده یویونسون
آرزولارین سوت امر کؤرپهلری،
چال- چاغیرا چاغیرسین بنؤشهلر سحری.
دولان گل!
اوغلان چاغیدی سحرین؛
قویما ایلغیملارین گؤرونوشونده-
سوسوزلوغونو سویونسون سولغون باخیشلار،
پرن-پرن اولسون گونش آرغاجلی ناخیشلار!
دولان گل
آزماسین قارانقوشلار-
دولایلاریندا دولانباج یوللارین!
دولان گل
حسرتی گؤزونده قالماسین
قانادلانان قوللارین!
اردیبهشت ۱۴۰۰- تهران
https://t.me/Adabiyyatsevanlar
« ائلدار موغانلی»
دولان گل دولانباج یوللارین آیریجیندان
حسرتی گؤزونده قالسین آیریلیغین!
دولان گل!
ایتیرمه دولایلاردا
قارانقوشا توخودوغون یاز نغمهلرینی!
کؤکسونده دومانی،
گؤزونده یووا قورموش گومانی اریت یوللار بویونجا،
آرینسین دولانباج یوللارین سینهسی-
باخیشلارا سانجیلان تیکانلاردان!
دولان گل
یوللارینا اوچسون یاز نغمهلی قارانقوشلار،
باخیشلارینا بویانسین چیچک بویالی اوچوشلار!
سحر- سحر
سوت گؤلونده یویونسون
آرزولارین سوت امر کؤرپهلری،
چال- چاغیرا چاغیرسین بنؤشهلر سحری.
دولان گل!
اوغلان چاغیدی سحرین؛
قویما ایلغیملارین گؤرونوشونده-
سوسوزلوغونو سویونسون سولغون باخیشلار،
پرن-پرن اولسون گونش آرغاجلی ناخیشلار!
دولان گل
آزماسین قارانقوشلار-
دولایلاریندا دولانباج یوللارین!
دولان گل
حسرتی گؤزونده قالماسین
قانادلانان قوللارین!
اردیبهشت ۱۴۰۰- تهران
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
Media is too big
VIEW IN TELEGRAM
مژده اولام ایستکلیسی ایته نه
چشمه اولام سوسوز یئرده بیته نه
چراغ اولام ایشیق سالام وطنه
اوندا شیرین اولار بو حیات منه
بیر اود اولام جهالتی یاندیرام
قانمایانی دوشوندورم، آندیرام
یول هانسیدیر، ارکان ندیر قاندیرام
اوندا شیرین اولار بو حیات منه
گونش اولام هرنه بوز وار اریدم
بولبول اولام بایقوشلاری سوسدورام
بیر سؤز اولام اوره کلرده اوخونان
اوندا شیرین اولار بو حیات منه
🔲 ترجمه ی آزاد
مژده کسی باشم که دلداده اش را گم کرده است
چشمه ای برای کسی که در کویر روئیده است
و چراغی که روشنائی بخش وطنش باشد
آندم است که زندگی برایم شیرین خواهد شد
آتش سوزاننده ی جهل و نادانی باشم
تنویرگر ذهن نادانان و نافهمان
و نمایاننده ی راه و ارکان زندگانی مردمان
آندم است که زندگی برایم شیرین خواهد شد
خورشید ذوب کننده ی هر نوع یخ زدگی، جمود و انجماد فکری باشم
بلبلی که با آوازش هر جغدآوائی را در انزوای سکوتش کشانم
و سخن دل هر انسانی شوم
آندم است که زندگی برایم شیرین خواهد شد
https://t.me/Adabiyyatsevanlar
چشمه اولام سوسوز یئرده بیته نه
چراغ اولام ایشیق سالام وطنه
اوندا شیرین اولار بو حیات منه
بیر اود اولام جهالتی یاندیرام
قانمایانی دوشوندورم، آندیرام
یول هانسیدیر، ارکان ندیر قاندیرام
اوندا شیرین اولار بو حیات منه
گونش اولام هرنه بوز وار اریدم
بولبول اولام بایقوشلاری سوسدورام
بیر سؤز اولام اوره کلرده اوخونان
اوندا شیرین اولار بو حیات منه
🔲 ترجمه ی آزاد
مژده کسی باشم که دلداده اش را گم کرده است
چشمه ای برای کسی که در کویر روئیده است
و چراغی که روشنائی بخش وطنش باشد
آندم است که زندگی برایم شیرین خواهد شد
آتش سوزاننده ی جهل و نادانی باشم
تنویرگر ذهن نادانان و نافهمان
و نمایاننده ی راه و ارکان زندگانی مردمان
آندم است که زندگی برایم شیرین خواهد شد
خورشید ذوب کننده ی هر نوع یخ زدگی، جمود و انجماد فکری باشم
بلبلی که با آوازش هر جغدآوائی را در انزوای سکوتش کشانم
و سخن دل هر انسانی شوم
آندم است که زندگی برایم شیرین خواهد شد
https://t.me/Adabiyyatsevanlar
«کامیل_قهرمان_اوغلو»
داشلارا سوواشان اولدوز ایشیغی
ساغیر بنؤوشه دن قارانلیق ایچیر
آچیر گؤزلريمده قان سارماشیغی
گئجه نین قاتاری اوستومدن کئچیر
آلوولو خئیمه ده گیزله نیب کولک
اوجاقلار اوشویور آغیر شاختادا
یئتیم ماهنی لارا اوچور کپنک
دورنالار چکیلیب دارا آینادا
یاخامدان یاپیشیب ساری ماهنی لار
لئشلرین اوستونه توفنگیم قوسور
بئینیمده اولاییر یالقیز جاناوار
اؤزونده آغلاییر، اؤزونده سوسور
دویغودان دوغولان پینتی پلمه لر
یاز گولوشو کیمی منده اسیردیر
قارا سئللولوندا دونان کلمه لر
اینان دوداغیمدا قبیر-قبیردیر
اوره ییمده یئنه بیر خارابالیق
اوچوق دووارلاری داخمالار واردیر
و پاییز اینیمه سالیب آرخالیق
قیش یولو الیمده هامار-هاماردیر
ماویلر بورونوب ماوی اورپه یین
گؤيلرده قارغالار گلین آپاریر
قانلی اوفوقلره دوشن دیدرگین
تورپاقدا کسیلمیش اله یالواریر.
https://t.me/Adabiyyatsevanlar
داشلارا سوواشان اولدوز ایشیغی
ساغیر بنؤوشه دن قارانلیق ایچیر
آچیر گؤزلريمده قان سارماشیغی
گئجه نین قاتاری اوستومدن کئچیر
آلوولو خئیمه ده گیزله نیب کولک
اوجاقلار اوشویور آغیر شاختادا
یئتیم ماهنی لارا اوچور کپنک
دورنالار چکیلیب دارا آینادا
یاخامدان یاپیشیب ساری ماهنی لار
لئشلرین اوستونه توفنگیم قوسور
بئینیمده اولاییر یالقیز جاناوار
اؤزونده آغلاییر، اؤزونده سوسور
دویغودان دوغولان پینتی پلمه لر
یاز گولوشو کیمی منده اسیردیر
قارا سئللولوندا دونان کلمه لر
اینان دوداغیمدا قبیر-قبیردیر
اوره ییمده یئنه بیر خارابالیق
اوچوق دووارلاری داخمالار واردیر
و پاییز اینیمه سالیب آرخالیق
قیش یولو الیمده هامار-هاماردیر
ماویلر بورونوب ماوی اورپه یین
گؤيلرده قارغالار گلین آپاریر
قانلی اوفوقلره دوشن دیدرگین
تورپاقدا کسیلمیش اله یالواریر.
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
شعیر :«آیسئل فیکرت»
کؤچورمه:« مرجان منافزاده»
اینسان
اینسان دوغولمور.
دونیا اوزونه داغیلیر.
ایندی بیلدیم.
یئر اوزونه دوشمور تکجه
بیر باخیشی کیمینسه نظرینه،
سئوینجی کیمینسه اوزونه،
کدری کیمینسه تورپاغینا دوشور.
من ده دوشدوم.
بیر اورکده اونودولماغا،
بیر دیلین آجی سؤزونه،
بیر جاهیلین اوزونه کؤلگه کیمی دوشدوم.
بیر قوجانین قیبلهسینه دوعا
کیمی!
بؤلوندوم، دیله، دیشه، وردیشه، نوازیشه،
دوشدوکجه لاپ یئرین دیبینه،
تورپاغین ان آلت قاتینا قدر
دوشدوم.
گونهشین ان اوجا ایشیغینا قدر دوشدوم
لاپ گؤیون اوزونه، بولودون گؤز یاشینا، دوشدوم
کیمینه آنا، کیمینه اؤولاد،
کیمینه سئوگیلی دوشدوم،
اینسان دوغولمور.
اینسان دونیا اوزونه داغیلیر.
گئدیشیندن سونرا
هر ذرّهسی مین آجییلا ییغیلیر یئر اوزوندن.
اؤزو تورپاغا دن دوشور
آجیسی دونیادا دولاشیر کابوس کیمی.
اینسان دوغولمور.
دونیا اوزونه داغیلیر.
ایندی بیلدیم.
https://t.me/Adabiyyatsevanlar
کؤچورمه:« مرجان منافزاده»
اینسان
اینسان دوغولمور.
دونیا اوزونه داغیلیر.
ایندی بیلدیم.
یئر اوزونه دوشمور تکجه
بیر باخیشی کیمینسه نظرینه،
سئوینجی کیمینسه اوزونه،
کدری کیمینسه تورپاغینا دوشور.
من ده دوشدوم.
بیر اورکده اونودولماغا،
بیر دیلین آجی سؤزونه،
بیر جاهیلین اوزونه کؤلگه کیمی دوشدوم.
بیر قوجانین قیبلهسینه دوعا
کیمی!
بؤلوندوم، دیله، دیشه، وردیشه، نوازیشه،
دوشدوکجه لاپ یئرین دیبینه،
تورپاغین ان آلت قاتینا قدر
دوشدوم.
گونهشین ان اوجا ایشیغینا قدر دوشدوم
لاپ گؤیون اوزونه، بولودون گؤز یاشینا، دوشدوم
کیمینه آنا، کیمینه اؤولاد،
کیمینه سئوگیلی دوشدوم،
اینسان دوغولمور.
اینسان دونیا اوزونه داغیلیر.
گئدیشیندن سونرا
هر ذرّهسی مین آجییلا ییغیلیر یئر اوزوندن.
اؤزو تورپاغا دن دوشور
آجیسی دونیادا دولاشیر کابوس کیمی.
اینسان دوغولمور.
دونیا اوزونه داغیلیر.
ایندی بیلدیم.
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
«اوسیپ ماندلشتام»
اَلیمی قیریبسیز دِنیزدن
قاچماق اوچون بیر یئردن
اوچماق اوچون آچیقلیقدان
آیاقلاریمی،
زورلاما بیر اؤلکَه یَه قانداللایبسیز
نه لری قازانیبسیز؟
دوداقلاریمی نئجه؟
سوسدورماغی باجاریبسیز؟
****
محرومم کردهاید از دریا
از مکانی برای دویدن
فضایی برای پریدن.
پاهایم را به سرزمینی تحمیلی
زنجیر کردهاید.
چه به دست آوردهاید؟
لبانم را چه؟
توانستهاید از جنبش بازدارید؟
شاعر شهیر روس در قرن بیستم
و از پایه گذاران جنبش شعری آکمهایسم
https://t.me/Adabiyyatsevanlar
اَلیمی قیریبسیز دِنیزدن
قاچماق اوچون بیر یئردن
اوچماق اوچون آچیقلیقدان
آیاقلاریمی،
زورلاما بیر اؤلکَه یَه قانداللایبسیز
نه لری قازانیبسیز؟
دوداقلاریمی نئجه؟
سوسدورماغی باجاریبسیز؟
****
محرومم کردهاید از دریا
از مکانی برای دویدن
فضایی برای پریدن.
پاهایم را به سرزمینی تحمیلی
زنجیر کردهاید.
چه به دست آوردهاید؟
لبانم را چه؟
توانستهاید از جنبش بازدارید؟
شاعر شهیر روس در قرن بیستم
و از پایه گذاران جنبش شعری آکمهایسم
https://t.me/Adabiyyatsevanlar
«هادی قارا چای»
نه شیرین
نه موبارک!
اودوملو آیاقلاریندا باش ایمک.
گلیملی گئدیملی دونیانین
قالاسی بالاسیسان آنام.
بئیرهکین بوش گردهیینین
قازانین یایینین
بابکین قیلینجینین
شیخ ممدین سیندیریلمیش دیشلرینین ورثهسی.
نه گؤزهل
نه شیرین
سنین
اسدیردییین بایراقدا اسمک.
بوغدای قوخولو آلنیندا
توت آغاجلاریندان
قوپوز سسی گلر
و هر اوجقار بؤلگنده اینسان نفهسی.
نه موتلو
نه خوش
قوربت یورغونلوغویلا قاپینا گلمک
و زحمت اینسانلارینین آیاقلاریندا یاتان
دولو دؤشلریندن ماجال درمک
https://t.me/Adabiyyatsevanlar
نه شیرین
نه موبارک!
اودوملو آیاقلاریندا باش ایمک.
گلیملی گئدیملی دونیانین
قالاسی بالاسیسان آنام.
بئیرهکین بوش گردهیینین
قازانین یایینین
بابکین قیلینجینین
شیخ ممدین سیندیریلمیش دیشلرینین ورثهسی.
نه گؤزهل
نه شیرین
سنین
اسدیردییین بایراقدا اسمک.
بوغدای قوخولو آلنیندا
توت آغاجلاریندان
قوپوز سسی گلر
و هر اوجقار بؤلگنده اینسان نفهسی.
نه موتلو
نه خوش
قوربت یورغونلوغویلا قاپینا گلمک
و زحمت اینسانلارینین آیاقلاریندا یاتان
دولو دؤشلریندن ماجال درمک
https://t.me/Adabiyyatsevanlar
چالینمامیش واغزالی(حئکایه)
✍:«رقیبه غواص»
کوچورن:« سحر خیاوی»
حاضیرلایان:«ادبیات سئونلر»
دان یئری یئنیجه آغارمیش، خوروزلارین سسی بیربیرینه قاریشمیشدی. اللی ایللیک عائیله حیاتینی بیر دام آلتیندا یاشایان لطیف بابا ایله زیور ننه چوخدان اویانمیشدی. هر ایکیسی گؤزلرینی عینی نوقطهیه زیللهییب سوسموشدو. هاوا آچیلدیقجا ائوین پنجرهسیندن اوتاغا دوشَن ایشیق بیر نوقطهیه زیللنمیش گوزلرین سمتینی آیدینجا گؤستریردی.
بو گؤزلر دوز 24 ایل ایدی کی، گونده بیر نئچه دفعه سلیقه ایله چرچیوهیه سالینیب دیواردان آسیلمیش بیر گنج عسگرین شکلینه تیکیلیب قالیردی. بو شکیل لطیف بابا ایله زیور ننهنین قاراباغ محاربهسینده ایتکین دوشموش یگانه اوغلو خودونون شکلی ایدی.
محاربه باشلایاندا خودو اؤز مکتبلرینده تاریخ فنینده درس دئییردی. او ایکی آی ایدی کی ابتدایی صینیف معللیمی گولر ایله نیشانلانمیشدی. یای تعطیلینده تویلاری اولمالی ایدی. اوغول تویونا حاضیرلاشان آتا- آنانین سئوینجدن آیاغی یئره دَیمیردی. بو او واختلار ایدی کی اللرینه داها چوخ اراضی کئچیرمک عشقینه دوشَن ارمنیلر قاراباغی گؤز آلتی ائتمیشدیلر. همین گوندن یوزلرله آذربایجان اوغلو قاراباغین مدافعهسی اوغروندا دؤیوشلره قاتیلدی. خودو معللیم ده همین اوغوللارین سیراسیندا ایدی. آغیر دؤیوشلرین بیرینده یارالی حالدا ارمنیلره اسیر دوشَن خودو معللیم حاققیندا داها هئچ بیر خبر اولمادی. ائله او گوندن ایندییه قدر بارماغیندا نیشان اوزویو گزدیرن گولَر معللیمهنین، لطیف بابانین و زیور ننهنین گؤزلری خودونو آپاریب آنجاق گئری قایتارمایان یوللارا تیکیلیب قالمیشدی...
حیطدن گلن سس لطیف بابا ایله زیور ننهنی خیالدان آییردی. سس قونشو کریمین اون یاشلی اوغلو سامیرین سسی ایدی. او آستا- آستا لطیف بابانی چاغیردی. یای تعطیلی اولدوغونا گؤره هر گون سحر اوشاقلارلا قویون- قوزونو اوتارماغا گئدن سامیر لطیف بابانین بئش- آلتی قویونونو دا اؤزو ایله اوتارماغا آپاریردی.
لطیف بابا قالخیب حیطه دوشدو.
-- صاباحین خئییر، لطیف بابا.
-- صاباحین خئییر آی اوغول.
او سامیرین باشینی سیغاللادی.
-- آللاه کومهیین اولسون.
قونوم- قونشو اولماسایدی بیز کیمسهسیز قوجالار نه ائدردیک؟ بو قویونلاری سیزین حسابینیزا ساخلاییرام.
یوخسا من قویون اوتاران حالدا دئییلم.
لطیف بابا دانیشا- دانیشا قهلین قاپیسینی آچدی. قویونلاری چؤله اؤتوردو. سامیر الینده کی چُماقلا قویونلاری دَهمرلهییب کوچه قاپیسیندان چؤله چیخاردی. آرخادان زیور ننهنین سسی گلدی:
-- آی سامیر دایان.
سامیر آیاق ساخلادی. زیور ننه الینده کی بوکولونو سامیره اوزاتدی.
-- آل آی اوغول، شیرین کلوچهدی، اوشاقلارلا یئیَرسینیز.
سامیر الینی اوزادیب بوکولونو آلدی.
-- چوخ ساغ اولون زیور ننه.
زیور ننه سامیرین باشینی سیغاللاییب اوزوندن اؤپدو. آروادی قَهَر بوغدو. او بوغازیندا کی قهری اودماغا چالیشدی.
سون واختلار چوخ کؤورک اولان زیور ننه اؤزونو زورلا اله آلیب الینی سامیرین چیینینه قویدو.
-- سیز ساغ اولون آی بالا، دادیمیزا ییتیشیرسینیز، قولوموزدان توتورسونوز، بوتون قونوم- قونشودان چوخ راضیییق. اوشاق اولاندا نه اولار، سیز کی بیزیم کیمی کیمسهسیز قوجالاری تک قویمورسونوز، آللاه سیزدن راضی اولسون.
او یایلیغینین اوجو ایله یاشارمیش گؤزلرینی سیلدی. باخیشلاری چوخدان چیخیب گئتمیش سامیرین گئدرکن کیپ اوتوردویو قاپیدا ایلیشیب قالدی. سان کی خیال بیر آنلیغا اللری قوینوندا چارپازلاشیب قالمیش زیور ننهنی گؤتوروب چوخ اوزاقلارا آپاردی. قاپینی اؤرترکن دؤرد بارماغی قاپینین آراسیندا قالیب قانامیش بئش یاشلی خودونونون گؤینهیه- گؤینهیه آغلایان سسینی ائشیتدی. " جان بالا"- دئییب قاپییا طرف آددیملادی. قوللارینی آچیب یانا- یانا آغلایان اوغلونو قوجاقلاماق ایستهدی. بایاقدان یئرینده دونوب قالمیش زیور ننهنین بو قریبه حرکتی لطیف بابانین گؤزوندن قاچمادی. یاواشجا آروادینی سسلهدی:
-- سنه نه اولوب آی زیور، هارا گئدیرسن؟
زیور ننه لطیف بابانین قفیل سسیندن دیکسینن کیمی اولدو. چاشیقین حالدا گاه قاپییا، گاه دا لطیف بابایا باخدی. قاپینین آغزیندا دایانیب دایانان خودونون سسی خیرپ کسیلدی. سلیقهلی، تر- تمیز گئیینمیش اوشاغین صیفتی گؤزلرینده چیلیک- چیلیک اولوب یوخا چیخدی. ائله بیل آروادین اوستونه سویوق سو تؤکدولر.
زیور ننهنین بو حرکتیندن قورخویا دوشَن لطیف بابا اوزو قبلهیه دایانیب الینی حاققین درگاهینا قالدیردی. "ایلاهی سن بیزی سونرا کی عاییبیمیزدان قورو. بیزه صبر عطا ائله. آغلیمیزی الیمیزدن آلما".
✍:«رقیبه غواص»
کوچورن:« سحر خیاوی»
حاضیرلایان:«ادبیات سئونلر»
دان یئری یئنیجه آغارمیش، خوروزلارین سسی بیربیرینه قاریشمیشدی. اللی ایللیک عائیله حیاتینی بیر دام آلتیندا یاشایان لطیف بابا ایله زیور ننه چوخدان اویانمیشدی. هر ایکیسی گؤزلرینی عینی نوقطهیه زیللهییب سوسموشدو. هاوا آچیلدیقجا ائوین پنجرهسیندن اوتاغا دوشَن ایشیق بیر نوقطهیه زیللنمیش گوزلرین سمتینی آیدینجا گؤستریردی.
بو گؤزلر دوز 24 ایل ایدی کی، گونده بیر نئچه دفعه سلیقه ایله چرچیوهیه سالینیب دیواردان آسیلمیش بیر گنج عسگرین شکلینه تیکیلیب قالیردی. بو شکیل لطیف بابا ایله زیور ننهنین قاراباغ محاربهسینده ایتکین دوشموش یگانه اوغلو خودونون شکلی ایدی.
محاربه باشلایاندا خودو اؤز مکتبلرینده تاریخ فنینده درس دئییردی. او ایکی آی ایدی کی ابتدایی صینیف معللیمی گولر ایله نیشانلانمیشدی. یای تعطیلینده تویلاری اولمالی ایدی. اوغول تویونا حاضیرلاشان آتا- آنانین سئوینجدن آیاغی یئره دَیمیردی. بو او واختلار ایدی کی اللرینه داها چوخ اراضی کئچیرمک عشقینه دوشَن ارمنیلر قاراباغی گؤز آلتی ائتمیشدیلر. همین گوندن یوزلرله آذربایجان اوغلو قاراباغین مدافعهسی اوغروندا دؤیوشلره قاتیلدی. خودو معللیم ده همین اوغوللارین سیراسیندا ایدی. آغیر دؤیوشلرین بیرینده یارالی حالدا ارمنیلره اسیر دوشَن خودو معللیم حاققیندا داها هئچ بیر خبر اولمادی. ائله او گوندن ایندییه قدر بارماغیندا نیشان اوزویو گزدیرن گولَر معللیمهنین، لطیف بابانین و زیور ننهنین گؤزلری خودونو آپاریب آنجاق گئری قایتارمایان یوللارا تیکیلیب قالمیشدی...
حیطدن گلن سس لطیف بابا ایله زیور ننهنی خیالدان آییردی. سس قونشو کریمین اون یاشلی اوغلو سامیرین سسی ایدی. او آستا- آستا لطیف بابانی چاغیردی. یای تعطیلی اولدوغونا گؤره هر گون سحر اوشاقلارلا قویون- قوزونو اوتارماغا گئدن سامیر لطیف بابانین بئش- آلتی قویونونو دا اؤزو ایله اوتارماغا آپاریردی.
لطیف بابا قالخیب حیطه دوشدو.
-- صاباحین خئییر، لطیف بابا.
-- صاباحین خئییر آی اوغول.
او سامیرین باشینی سیغاللادی.
-- آللاه کومهیین اولسون.
قونوم- قونشو اولماسایدی بیز کیمسهسیز قوجالار نه ائدردیک؟ بو قویونلاری سیزین حسابینیزا ساخلاییرام.
یوخسا من قویون اوتاران حالدا دئییلم.
لطیف بابا دانیشا- دانیشا قهلین قاپیسینی آچدی. قویونلاری چؤله اؤتوردو. سامیر الینده کی چُماقلا قویونلاری دَهمرلهییب کوچه قاپیسیندان چؤله چیخاردی. آرخادان زیور ننهنین سسی گلدی:
-- آی سامیر دایان.
سامیر آیاق ساخلادی. زیور ننه الینده کی بوکولونو سامیره اوزاتدی.
-- آل آی اوغول، شیرین کلوچهدی، اوشاقلارلا یئیَرسینیز.
سامیر الینی اوزادیب بوکولونو آلدی.
-- چوخ ساغ اولون زیور ننه.
زیور ننه سامیرین باشینی سیغاللاییب اوزوندن اؤپدو. آروادی قَهَر بوغدو. او بوغازیندا کی قهری اودماغا چالیشدی.
سون واختلار چوخ کؤورک اولان زیور ننه اؤزونو زورلا اله آلیب الینی سامیرین چیینینه قویدو.
-- سیز ساغ اولون آی بالا، دادیمیزا ییتیشیرسینیز، قولوموزدان توتورسونوز، بوتون قونوم- قونشودان چوخ راضیییق. اوشاق اولاندا نه اولار، سیز کی بیزیم کیمی کیمسهسیز قوجالاری تک قویمورسونوز، آللاه سیزدن راضی اولسون.
او یایلیغینین اوجو ایله یاشارمیش گؤزلرینی سیلدی. باخیشلاری چوخدان چیخیب گئتمیش سامیرین گئدرکن کیپ اوتوردویو قاپیدا ایلیشیب قالدی. سان کی خیال بیر آنلیغا اللری قوینوندا چارپازلاشیب قالمیش زیور ننهنی گؤتوروب چوخ اوزاقلارا آپاردی. قاپینی اؤرترکن دؤرد بارماغی قاپینین آراسیندا قالیب قانامیش بئش یاشلی خودونونون گؤینهیه- گؤینهیه آغلایان سسینی ائشیتدی. " جان بالا"- دئییب قاپییا طرف آددیملادی. قوللارینی آچیب یانا- یانا آغلایان اوغلونو قوجاقلاماق ایستهدی. بایاقدان یئرینده دونوب قالمیش زیور ننهنین بو قریبه حرکتی لطیف بابانین گؤزوندن قاچمادی. یاواشجا آروادینی سسلهدی:
-- سنه نه اولوب آی زیور، هارا گئدیرسن؟
زیور ننه لطیف بابانین قفیل سسیندن دیکسینن کیمی اولدو. چاشیقین حالدا گاه قاپییا، گاه دا لطیف بابایا باخدی. قاپینین آغزیندا دایانیب دایانان خودونون سسی خیرپ کسیلدی. سلیقهلی، تر- تمیز گئیینمیش اوشاغین صیفتی گؤزلرینده چیلیک- چیلیک اولوب یوخا چیخدی. ائله بیل آروادین اوستونه سویوق سو تؤکدولر.
زیور ننهنین بو حرکتیندن قورخویا دوشَن لطیف بابا اوزو قبلهیه دایانیب الینی حاققین درگاهینا قالدیردی. "ایلاهی سن بیزی سونرا کی عاییبیمیزدان قورو. بیزه صبر عطا ائله. آغلیمیزی الیمیزدن آلما".
او آغیر- آغیر آددیملارلا آروادینا یاخینلاشدی. الینی اونون چیینینه قویدو:
-- اوزونو اله آل آی زیور.
زیور گؤزلری یاشلا دولموش حالدا دیللندی:
-- اوشاغین سسی قولاغیما گلدی آی لطیف. باخ اوردا دایانیب آغلاییردی. یادیندادیر بالاجا اولاندا بارماقلاری قاپینین آراسیندا قالیب قانامیشدی؟ عینی گؤرکمده گؤزومه گؤروندو. همین بوی- بوخوندا، همین پالتاردا...
زیور لطیفین تعجوبله اونا باخدیغینی گؤروب هیجانلاندی:
--واللاه دلی اولمامیشام آی لطیف. اوشاق اولدوغو کیمی گؤزومه گؤروندو. اؤزومو اونوتدوم.
زیورین سسی یاواشیدی. ائله بیل او دا اوزوندن خوفلانماغا باشلادی. بونو حیس ائدن لطیف بابا آستادان دیللندی:
-- گئدک چای ایچک. چؤرهک ده یئمهمیشیک.
-- قوی من هینین قاپیسینی آچیم تویوقلار آج قالیبلار. سن کئچ ائوه، من ده گلیرم.
او، هینه ساری گئدیب تویوق- جوجهنی حیطه بوراخدی. هینین اوستونه قویولموش باکدان بیر قاب دَن گؤتوروب یئره سَپدی. دوتی- دوتی-- دئییب او یان- بویانا داغیلیشماق ایستهین تویوقلاری دَنه ساری چاغیردی. بیردن ائله بیل بوتون حَیَط باشینا فیرلاندی. الینی هینین یانیندا کی هئیوا آغاجینا آتدی. آغاجدان یاپیشیب یاواش- یاواش یئره چؤمبلدی. آرالیدا کؤتویون اوستونده اوتوروب پاپیروس چکن لطیف بابا آیاغا قالخیب الینده کی پاپیروسو یئره آتدی. زیوره ساری گلیب الینی اونا اوزاتدی:
-- الیمدن یاپیش سنی ائوه آپاریم. گئدیم حمید حکیمی گتیریم، سنی یوخلاسین. نئچه گوندور ناسازلامیسان. ایینه- درمان یازسین آلیم. دئییرلر بو آخشام چاغی پنسیالاریمیز دا کؤچهجک.
او زیور ننهنین قولوندان یاپیشیب، بیر تهر ائوه آپاردی. یاتاغینا اوزاندیردی. آروادین حالی یاخشی دئییلدی. ائله بیل ائو باشینا فیرلانیردی. بدنی تامام گوجدن دوشموشدو.
لطیف بابانین گؤزلری یاشلا دولموشدو. او رنگی سولموش آروادینا باخیب دیللندی:
-- گوجلو اول آی زیور، منی تک قویما. آخی بیز بیربیریمیزه سوز وئرمیشیک. خودو گلمهیینجه اؤلمیهجه ییک.
حالی اؤزونده اولمایان زیور ننهنین یاری یومولو گوزلریندن یاش سوزولوب یاستیغا دوشدو. لطیف بابا الینی اونون آلنینا قویدو:
-- سن بیر آز صبیرلی اول، گئدیم صنوبری چاغیریم. هم ده حکیمین دالینجا آدام گؤندریم.
زیور ننه زورلا دیللندی:
-- قورخما آی لطیف، منه هئچ نه اولماز. بیرآز باشیم آغریییر، کئچیب گئدهجک.
لطیف بابا نیگاران حالدا قاپییا طرف یؤنلدی:-- حکیم دالینجا آدام گؤندریب قاییدیرام. سن بیرآز توختاق اول. لطیف کیشی یاشینا یاراشمایان بیر جلدلیکله حیطه دوشدو. قونشو ایله اؤز آرالاریندا کی چپره یاخینلاشیب یاشیدی خان اوغلانی سسلهدی:
-- خان اوغلان، آی خان اوغلان...
حیط سوپورن صنوبر سسه چپره ساری گلدی. خاصیتینه اویغون آستاجا دیللندی:
-- صاباحین خئییر لطیف عمی.
-- صاباحین خئییر آی بالا. خان اوغلان هاردادیر گوزومه دَیمیر.
-- داییم حیوانلاری ناخیرا اؤتوروب دوکانا گئتدی. ائوه بیر- ایکی خیردا- پارا لازیم ایدی. ایندیلرده آلیب قاییدار. لطیف عمی نه ایسه دئمک ایستهییردین؟
-- هه، قیزیم، بیزیم قاری ناسازلاییب حکیم گتیرمک لازیم دیر. ائوده تک قویا بیلمیرم.
-- بس بونو منه بایاقدان نییه دئمیرسن؟ اوشاقلار یاتیبلار. من زیور خالانین یانیندا قالارام. سن تئز حکیمین دالینجا گئت.
او الینده کی سوپورگهنی ائوین داشینا سؤیکهدی. تلسیک زیور خالانین یانینا یوللاندی. ائله کوچه قاپیسیندان چیخمیشدی کی قایینآتاسینین گلدییینی گؤردو. آددیملارینی یاواشیدیب کیشینین گلمهیینی گوزلهدی. بوتون گونو سیل- سوپورله، بیش- دوشله، اوشاق- موشاقلا کئچیرن صنوبرین بیردن- بیره کوچهده گؤرونمهسی خان اوغلانی ناراحات ائتدی:
گلینه چاتان کیمی تعجوبله سوروشدو:
-- خئییر اولا آی صنوبر، سالاماتلیق دیر؟
-- لطیف عمی سنی سوروشدو. دئییردی زیور خالا خستهلنیب. ائوده تک دیر اؤزو حکیم دالینجا گئتدی. من ده اورا گئدیرم.
-- هه گئت، یوبانما. من ده الیمده کینی آپاریم ائوه قویوم، گلیرم. دئییرم آخی، لطیف سحر- سحر هارا گئدیر. قاپیدان ائله چیخدی کی، هئچ منی ده گؤرمهدی.
خان اوغلان اؤز- اؤزونه دانیشا- دانیشا کوچه قاپیسیندان ایچری گیردی: " تیفاغین داغیلسین ارمنی. قاپین چیرپیلسین ارمنی. جاماعات مین بیر اومودلا عزیز تبرریک اوشاق بؤیودوب کی، یوردوندا یوردچو اولسون. ایندی نه اؤلوسونو تاپیر کی، باسدیریب قبرینین اوستونده آغلاسین، نه ده دیریسینی تاپیر کی قوجاسینا، خستهسینه صاحیب چیخسین.
آدامین مالی ایتر، پولو ایتر، دییرسن باشینا- گؤزونه تصدق اولسون. یوخسا آدامین دا بالاسی ایتر؟!
بئله ده درد اولار؟ بئله ده ظولوم اولار؟
-- اوزونو اله آل آی زیور.
زیور گؤزلری یاشلا دولموش حالدا دیللندی:
-- اوشاغین سسی قولاغیما گلدی آی لطیف. باخ اوردا دایانیب آغلاییردی. یادیندادیر بالاجا اولاندا بارماقلاری قاپینین آراسیندا قالیب قانامیشدی؟ عینی گؤرکمده گؤزومه گؤروندو. همین بوی- بوخوندا، همین پالتاردا...
زیور لطیفین تعجوبله اونا باخدیغینی گؤروب هیجانلاندی:
--واللاه دلی اولمامیشام آی لطیف. اوشاق اولدوغو کیمی گؤزومه گؤروندو. اؤزومو اونوتدوم.
زیورین سسی یاواشیدی. ائله بیل او دا اوزوندن خوفلانماغا باشلادی. بونو حیس ائدن لطیف بابا آستادان دیللندی:
-- گئدک چای ایچک. چؤرهک ده یئمهمیشیک.
-- قوی من هینین قاپیسینی آچیم تویوقلار آج قالیبلار. سن کئچ ائوه، من ده گلیرم.
او، هینه ساری گئدیب تویوق- جوجهنی حیطه بوراخدی. هینین اوستونه قویولموش باکدان بیر قاب دَن گؤتوروب یئره سَپدی. دوتی- دوتی-- دئییب او یان- بویانا داغیلیشماق ایستهین تویوقلاری دَنه ساری چاغیردی. بیردن ائله بیل بوتون حَیَط باشینا فیرلاندی. الینی هینین یانیندا کی هئیوا آغاجینا آتدی. آغاجدان یاپیشیب یاواش- یاواش یئره چؤمبلدی. آرالیدا کؤتویون اوستونده اوتوروب پاپیروس چکن لطیف بابا آیاغا قالخیب الینده کی پاپیروسو یئره آتدی. زیوره ساری گلیب الینی اونا اوزاتدی:
-- الیمدن یاپیش سنی ائوه آپاریم. گئدیم حمید حکیمی گتیریم، سنی یوخلاسین. نئچه گوندور ناسازلامیسان. ایینه- درمان یازسین آلیم. دئییرلر بو آخشام چاغی پنسیالاریمیز دا کؤچهجک.
او زیور ننهنین قولوندان یاپیشیب، بیر تهر ائوه آپاردی. یاتاغینا اوزاندیردی. آروادین حالی یاخشی دئییلدی. ائله بیل ائو باشینا فیرلانیردی. بدنی تامام گوجدن دوشموشدو.
لطیف بابانین گؤزلری یاشلا دولموشدو. او رنگی سولموش آروادینا باخیب دیللندی:
-- گوجلو اول آی زیور، منی تک قویما. آخی بیز بیربیریمیزه سوز وئرمیشیک. خودو گلمهیینجه اؤلمیهجه ییک.
حالی اؤزونده اولمایان زیور ننهنین یاری یومولو گوزلریندن یاش سوزولوب یاستیغا دوشدو. لطیف بابا الینی اونون آلنینا قویدو:
-- سن بیر آز صبیرلی اول، گئدیم صنوبری چاغیریم. هم ده حکیمین دالینجا آدام گؤندریم.
زیور ننه زورلا دیللندی:
-- قورخما آی لطیف، منه هئچ نه اولماز. بیرآز باشیم آغریییر، کئچیب گئدهجک.
لطیف بابا نیگاران حالدا قاپییا طرف یؤنلدی:-- حکیم دالینجا آدام گؤندریب قاییدیرام. سن بیرآز توختاق اول. لطیف کیشی یاشینا یاراشمایان بیر جلدلیکله حیطه دوشدو. قونشو ایله اؤز آرالاریندا کی چپره یاخینلاشیب یاشیدی خان اوغلانی سسلهدی:
-- خان اوغلان، آی خان اوغلان...
حیط سوپورن صنوبر سسه چپره ساری گلدی. خاصیتینه اویغون آستاجا دیللندی:
-- صاباحین خئییر لطیف عمی.
-- صاباحین خئییر آی بالا. خان اوغلان هاردادیر گوزومه دَیمیر.
-- داییم حیوانلاری ناخیرا اؤتوروب دوکانا گئتدی. ائوه بیر- ایکی خیردا- پارا لازیم ایدی. ایندیلرده آلیب قاییدار. لطیف عمی نه ایسه دئمک ایستهییردین؟
-- هه، قیزیم، بیزیم قاری ناسازلاییب حکیم گتیرمک لازیم دیر. ائوده تک قویا بیلمیرم.
-- بس بونو منه بایاقدان نییه دئمیرسن؟ اوشاقلار یاتیبلار. من زیور خالانین یانیندا قالارام. سن تئز حکیمین دالینجا گئت.
او الینده کی سوپورگهنی ائوین داشینا سؤیکهدی. تلسیک زیور خالانین یانینا یوللاندی. ائله کوچه قاپیسیندان چیخمیشدی کی قایینآتاسینین گلدییینی گؤردو. آددیملارینی یاواشیدیب کیشینین گلمهیینی گوزلهدی. بوتون گونو سیل- سوپورله، بیش- دوشله، اوشاق- موشاقلا کئچیرن صنوبرین بیردن- بیره کوچهده گؤرونمهسی خان اوغلانی ناراحات ائتدی:
گلینه چاتان کیمی تعجوبله سوروشدو:
-- خئییر اولا آی صنوبر، سالاماتلیق دیر؟
-- لطیف عمی سنی سوروشدو. دئییردی زیور خالا خستهلنیب. ائوده تک دیر اؤزو حکیم دالینجا گئتدی. من ده اورا گئدیرم.
-- هه گئت، یوبانما. من ده الیمده کینی آپاریم ائوه قویوم، گلیرم. دئییرم آخی، لطیف سحر- سحر هارا گئدیر. قاپیدان ائله چیخدی کی، هئچ منی ده گؤرمهدی.
خان اوغلان اؤز- اؤزونه دانیشا- دانیشا کوچه قاپیسیندان ایچری گیردی: " تیفاغین داغیلسین ارمنی. قاپین چیرپیلسین ارمنی. جاماعات مین بیر اومودلا عزیز تبرریک اوشاق بؤیودوب کی، یوردوندا یوردچو اولسون. ایندی نه اؤلوسونو تاپیر کی، باسدیریب قبرینین اوستونده آغلاسین، نه ده دیریسینی تاپیر کی قوجاسینا، خستهسینه صاحیب چیخسین.
آدامین مالی ایتر، پولو ایتر، دییرسن باشینا- گؤزونه تصدق اولسون. یوخسا آدامین دا بالاسی ایتر؟!
بئله ده درد اولار؟ بئله ده ظولوم اولار؟
خان اوغلان دئیینه-دئیینه آلدیغی ارزاقلاری مطبخده کی ایستولون اوستونه قویدو. سونرا آستاجا اوشاقلار یاتان اوتاغین قاپیسینی آچیب اوچ یاشلی چنگیزین و دونیاسینی چوخدان دَییشمیش آروادینین آدینی داشییان بئش یاشلی نسانین آچیلمیش اوستلرینی اورتدو.
اوشاقلاری سوزوب گولومسوندو: " آللاه ساخلامیشلارین یاتیشلاری دا نادینج دیر. بیر اوستونلوکلری وار کی، سحرلر بیرآز یاتیرلار".
او ساکیتجه قاپینی اؤرتوب حیطه دوشدو. آرتیق نئچه گون ایدی کی، بوتون کَند زیور ننهنین آغیر خسته اولدوغو خبری ائشیتمیشدی. بو چتین گونلرده قونوم- قونشولار بو کیمسهسیز قوجالاری تک قویموردولار. دفعهلرله تکلیف و تاکید ائدیلمهسینه باخمایاراق هله ده عائیله حیاتی قورماییب، بارماغیندا خودو معللیمین نیشان اوزویونو گزدیرن ساچلاری آغارمیش گولر معللیمه ده بو خبری ائشیدیب سارسیلمیش، اونلاری اوغولسوز، یوردلارینی صاحیبسیز قویان ارمنیلره لعنتلر یاغدیرمیشدی. آتا- آناسینین اؤلوموندن سونرا قارداشی ایله یاشایان گولر معللیمه دفعهلر اؤز- اؤزونه گئدیب زیور ننهنی و لطیف بابانی گؤرمک، اونلارلا بیر یئرده یاشاماق قرارینی وئرسه ده سون آندا اونو "واغزالی" صدالاری ایله او حیطه آپارمایان طالعیندن اوتانمیش، حیا ائتمیشدی.
آنجاق زیور ننهنین بو آغیر گونونده بارماقیندا گزدیردییی اوزویون صاحبینه صداقت تمثالی اولاراق لطیف بابا گیله باش چکمهیی بیر عائیلهنین عضوی کیمی اؤزونون معنوی بورجو حساب ائدیردی. گولر معللیمه اؤزونو توپلاییب قایین آتاسی گیله گئتمهیی قرارا آلدی.
زیور ننهنین وضعیتی گئتدیکجه آغیرلاشیردی. اونون ساغالماسی اوچون الیندن گلهنی اسیرگمهین حمید حکیم ده گونده ایکی دفعه لطیف بابا گیله باش چکیب، خستهنین معالجهسینی نظارتده ساخلاییردی. دونیانین گئدیشاتیندان خبردار اولان لطیف بابا بیر آن دا اولسون عؤمور- گون یولداشیندان آیریلمیردی. یاناقیندان سوزولن ایستی گؤز یاشلاری آغ- آپ- آغ آغارمیش ساققالینی ایسلادیردی. دیوار بویو جرگه ایله دؤشکچه اوستونده اوتورموش کندین یاشلی قادینلاری گؤزلرینی اؤلو کیمی اوزانمیش زیور ننهیه زیللهمیشدیلر. زیور ننهنین دوداقلارینی نعلبکی ایچینده کی ایلیق سویا آتیلمیش پامبیقلا ایسلادان صنوبر ده خیسین- خیسین آغلاییردی. بوتون عائیلهسینی 1992- ینجی ایلین ییرمی بئشدن، ییرمی آلتیا کئچن گئجهنین فئورالیندا خوجالیدا ایتیرن صنوبر، خان اوغلان کیشینین ائوینه گلین گلن گوندن مهرینی قونشولوقدا یاشایان، اؤزو ایله همدرد اولان بو ایکی قوجایا سالمیشدی. ایپک کیمی یومشاق خاصیتلی زیور ننه ده التی یاشیندا آتا- آناسینی ایتیرمیش صنوبره اؤز دوغما بالاسی کیمی یاناشمیش، بیلمهدیکلرینی اؤیرتمیش، آغیر ایشینین قولپوندان یاپیشمیشدی.
صنوبر گؤزلرینی سون اومودو اولان زیور ننهیه زیللهییب ساققالی اوزونو یاش تؤکن لطیف بابا باخدیقجا، اوغول تویو، گلین آرزوسو، نوه حسرتی ایله یاشایان بو ایکی قوجانین نیسگیل یوکونون آغیرلیغینی درک ائتدیکجه اورهیی گؤینهییب، گؤز یاشلارینی ساخلایا بیلمیردی. صنوبر آغلادیغجا لطیف بابا ایله زیور ننهنین حسرتله گؤزلهدییی چالینمامیش واغزالینین سسی آلتیندا او مدهش گئجهنین وهملی سسینی ائشیدیب ، بیربیرینین آردینجا کتییین اتهیینه سپیلن آتا- آناسینین، باجی- قارداشینین، قونوم- قونشولارین ناله دولو فریادینی خیالیندا جانلاندیریردی. صنوبر حیاتلا- اؤلوم آراسیندا چیرپینان زیور ننهیه باخدیقجا ان دوغما آدامینی ایتیرمیش کیمی کؤورهلیب، اونو باغرینا باسیب دوز کیمی یالاماق ایستهییردی. او سان کی بیر آندا آلتی یاشیندا ایکن اوشاقلیغینا سون قویوب، اونو بویودن 25 فئورال گئجهسینده اولدوغو کیمی باغرینا باسماغا ماجال تاپا بیلمهدییی دوغمالارینی ایتیردییی دویغو ایله گؤینهییر، سیزیلداییردی. زیور ننه ده سون آنیندا اؤز یگانه اوغلونو باغرینا باسا بیلمهدی.
صنوبر نعلبکیده کی سویو تزهلهییب زیور ننهنین دوداقلارینی ایلیق سو ایله ایسلاتدی. بیردن زیور ننهنین اوچ گوندن بری آچیلمایان گؤز قاپاقلاری تیترهدی. آلت چنهسی سَیریدی. گؤزلری زیور ننهیه زیللنمیش لطیف بابا یئرینده قورجالاندی. اؤز- اؤزونه پیچیلدادی: " آللاه سن اؤزون کؤمک اول".
دیوار بویو اوتورموش آروادلاردان بیر نئچهسی آیاغا قالخیب زیور ننهیه یاخینلاشدی. سَلَمه آرواد اَییلیب دیققتله اونو سوزدو. باشینی ییرغالاییب دیللندی: " شوکور آللاها سالاماتلیق دیر. رنگی- روحو دا اوستونده دیر".
او الینی زیور ننهنین آلنینا قویدو. ائله بونا بند ایمیش کیمی آرواد گؤزلرینی آچدی. سَلَمه سئوینجک اونون اللرینی الینه آلیب دئدی: " شوکور آللاها، دییهسن اویاندین".
اوشاقلاری سوزوب گولومسوندو: " آللاه ساخلامیشلارین یاتیشلاری دا نادینج دیر. بیر اوستونلوکلری وار کی، سحرلر بیرآز یاتیرلار".
او ساکیتجه قاپینی اؤرتوب حیطه دوشدو. آرتیق نئچه گون ایدی کی، بوتون کَند زیور ننهنین آغیر خسته اولدوغو خبری ائشیتمیشدی. بو چتین گونلرده قونوم- قونشولار بو کیمسهسیز قوجالاری تک قویموردولار. دفعهلرله تکلیف و تاکید ائدیلمهسینه باخمایاراق هله ده عائیله حیاتی قورماییب، بارماغیندا خودو معللیمین نیشان اوزویونو گزدیرن ساچلاری آغارمیش گولر معللیمه ده بو خبری ائشیدیب سارسیلمیش، اونلاری اوغولسوز، یوردلارینی صاحیبسیز قویان ارمنیلره لعنتلر یاغدیرمیشدی. آتا- آناسینین اؤلوموندن سونرا قارداشی ایله یاشایان گولر معللیمه دفعهلر اؤز- اؤزونه گئدیب زیور ننهنی و لطیف بابانی گؤرمک، اونلارلا بیر یئرده یاشاماق قرارینی وئرسه ده سون آندا اونو "واغزالی" صدالاری ایله او حیطه آپارمایان طالعیندن اوتانمیش، حیا ائتمیشدی.
آنجاق زیور ننهنین بو آغیر گونونده بارماقیندا گزدیردییی اوزویون صاحبینه صداقت تمثالی اولاراق لطیف بابا گیله باش چکمهیی بیر عائیلهنین عضوی کیمی اؤزونون معنوی بورجو حساب ائدیردی. گولر معللیمه اؤزونو توپلاییب قایین آتاسی گیله گئتمهیی قرارا آلدی.
زیور ننهنین وضعیتی گئتدیکجه آغیرلاشیردی. اونون ساغالماسی اوچون الیندن گلهنی اسیرگمهین حمید حکیم ده گونده ایکی دفعه لطیف بابا گیله باش چکیب، خستهنین معالجهسینی نظارتده ساخلاییردی. دونیانین گئدیشاتیندان خبردار اولان لطیف بابا بیر آن دا اولسون عؤمور- گون یولداشیندان آیریلمیردی. یاناقیندان سوزولن ایستی گؤز یاشلاری آغ- آپ- آغ آغارمیش ساققالینی ایسلادیردی. دیوار بویو جرگه ایله دؤشکچه اوستونده اوتورموش کندین یاشلی قادینلاری گؤزلرینی اؤلو کیمی اوزانمیش زیور ننهیه زیللهمیشدیلر. زیور ننهنین دوداقلارینی نعلبکی ایچینده کی ایلیق سویا آتیلمیش پامبیقلا ایسلادان صنوبر ده خیسین- خیسین آغلاییردی. بوتون عائیلهسینی 1992- ینجی ایلین ییرمی بئشدن، ییرمی آلتیا کئچن گئجهنین فئورالیندا خوجالیدا ایتیرن صنوبر، خان اوغلان کیشینین ائوینه گلین گلن گوندن مهرینی قونشولوقدا یاشایان، اؤزو ایله همدرد اولان بو ایکی قوجایا سالمیشدی. ایپک کیمی یومشاق خاصیتلی زیور ننه ده التی یاشیندا آتا- آناسینی ایتیرمیش صنوبره اؤز دوغما بالاسی کیمی یاناشمیش، بیلمهدیکلرینی اؤیرتمیش، آغیر ایشینین قولپوندان یاپیشمیشدی.
صنوبر گؤزلرینی سون اومودو اولان زیور ننهیه زیللهییب ساققالی اوزونو یاش تؤکن لطیف بابا باخدیقجا، اوغول تویو، گلین آرزوسو، نوه حسرتی ایله یاشایان بو ایکی قوجانین نیسگیل یوکونون آغیرلیغینی درک ائتدیکجه اورهیی گؤینهییب، گؤز یاشلارینی ساخلایا بیلمیردی. صنوبر آغلادیغجا لطیف بابا ایله زیور ننهنین حسرتله گؤزلهدییی چالینمامیش واغزالینین سسی آلتیندا او مدهش گئجهنین وهملی سسینی ائشیدیب ، بیربیرینین آردینجا کتییین اتهیینه سپیلن آتا- آناسینین، باجی- قارداشینین، قونوم- قونشولارین ناله دولو فریادینی خیالیندا جانلاندیریردی. صنوبر حیاتلا- اؤلوم آراسیندا چیرپینان زیور ننهیه باخدیقجا ان دوغما آدامینی ایتیرمیش کیمی کؤورهلیب، اونو باغرینا باسیب دوز کیمی یالاماق ایستهییردی. او سان کی بیر آندا آلتی یاشیندا ایکن اوشاقلیغینا سون قویوب، اونو بویودن 25 فئورال گئجهسینده اولدوغو کیمی باغرینا باسماغا ماجال تاپا بیلمهدییی دوغمالارینی ایتیردییی دویغو ایله گؤینهییر، سیزیلداییردی. زیور ننه ده سون آنیندا اؤز یگانه اوغلونو باغرینا باسا بیلمهدی.
صنوبر نعلبکیده کی سویو تزهلهییب زیور ننهنین دوداقلارینی ایلیق سو ایله ایسلاتدی. بیردن زیور ننهنین اوچ گوندن بری آچیلمایان گؤز قاپاقلاری تیترهدی. آلت چنهسی سَیریدی. گؤزلری زیور ننهیه زیللنمیش لطیف بابا یئرینده قورجالاندی. اؤز- اؤزونه پیچیلدادی: " آللاه سن اؤزون کؤمک اول".
دیوار بویو اوتورموش آروادلاردان بیر نئچهسی آیاغا قالخیب زیور ننهیه یاخینلاشدی. سَلَمه آرواد اَییلیب دیققتله اونو سوزدو. باشینی ییرغالاییب دیللندی: " شوکور آللاها سالاماتلیق دیر. رنگی- روحو دا اوستونده دیر".
او الینی زیور ننهنین آلنینا قویدو. ائله بونا بند ایمیش کیمی آرواد گؤزلرینی آچدی. سَلَمه سئوینجک اونون اللرینی الینه آلیب دئدی: " شوکور آللاها، دییهسن اویاندین".
زیور ننه یورغون- یورغون اطرافینداکیلاری سوزدو. باخیشلارینی دولاندیریب لطیف بابایا زیللهدی. یورغون گؤزلری یاشلا دولدو. بیر دری، بیر سوموک اولان الینی لطیف بابایا طرف اوزاتدی. لطیف اللی ایللیک عؤمور- گون یولداشینین آچیلان گوزلرینه باخیب سئوینجدن کؤورلدی. آناسیندان یتیم قالمیش اوشاق کیمی هؤنکور- هؤنکور آغلادی. سان کی کیمسهسیزلیک چؤکموش قارانلیق کومهسینه ایشیق ساچان اومود قاپیلاری آچیلمیشدی.
آروادلار کیریمیشجه اوتورموشدولار. لطیف بابا چارپایینین قاباغیندا دیزی اوسته چؤکوب زیورین تیترهین اللرینی اووجلارینین آراسینا آلدی.
-- سنه نه اولوب آی زیور، هاران آغریییر؟
زیور ننهنین دولموش گؤزلریندن آخان یاش داملالاری یاستیغا سوزولدو.
گوجله ائشیدیلهجک بیر سسله دیللندی:
-اورهییم آغریییر آی لطیف.
او تنگنفس اولدو. صنوبر پامبیقلا اونون گؤیرمیش دوداقلارینی ایسلاتدی.
"سو وئریم ایچیرسن؟"-- دییه سوروشدو.
زیور ننه یونگولجه باشینی ترپتدی. صنوبر اونا بیر نئچه قاشیق سو ایچیرتدی. ائله بو واخت کوچه قاپیسی آستاجا دؤیولدو. اوزوم چارداغینین آلتیندا اوتورموش بئش- آلتی کیشی قاپییا طرف بویلاندی. خان اوغلان قالخیب قاپییا طرف گئتدی. گلن گولر معللیمه ایدی. قاپی آچیلان کیمی اونسوز دا هیجانلی اولان گولر معللیمه اؤزونو ایتیردی. اورهیی شیددتله دؤیونمهیه باشلادی. دیلی توپوق ووردو:" من گلدیم کی...".
او، سؤزونون آردینی گتیره بیلمهدی. گوزلری یاشلا دولدو. باشینی آشاغی سالدی. ائله خان اوغلان کیشی ده چاش- باش قالمیشدی. او دا اؤزونو توپلادی:" خوش گلیبسن قیزیم، لاپ یاخشی ائلهییبسن. بوردا دایانما، ایچری کئچ".
گولر معللیمه اوتانا- اوتانا حیطه گیردی. اونو گؤرن کیمی اوتورانلارین هامیسی اختیارسیز آیاغا قالخدیلار. هامی لال- دینمز باشینی آشاغی سالیب دایاندی. خان اوغلان کیشی-- گَل قیزیم، گَل، زیور خالا ایچریده دیر"-- دییه دیللندی. او کؤورلمیش حالدا لطیف بابانی سسلهدی:" آی لطیف، بیر چؤله چیخ، گؤر کیم گلیب".
لطیف بالکونا چیخدی. گولر معللیمهنی گؤروب یئریندهجه دونوب قالدی. سئله دؤنموش گؤز یاشلارینا حاکیم اولا بیلمهدی. قوللارینی آچیب قیزا طرف یئریدی:" بیزی باغیشلا قیزیم، سنی گلین هاواسی ایله بو حیطه گتیره بیلمهدیک. بیز سنین قارشیندا گوناهکاریق".
گولر معللیمه هؤنکوروب اؤزونو اوشاق کیمی قایینآتاسینین اوستونه آتدی.
لطیف بابا 24 ایل یولونو گؤزلهدییی گلینینی باغرینا باسدی. آغارمیش ساچلارینی سیغاللاییب آلنیندان اؤپدو:
-- یوردون صاحیبسیز قالسین ارمنی، نییه یوردومو صاحیبسیز قویدون؟-- دئییب هؤنکوردو.
حیطده کی کیشیلر گلین سلیقه- سهمانینا، نوه آیاقلارینا حسرت قالان، سوکوت چؤکموش بو حیط، باجایا، ساققالی اوزونو یاش تؤکن بو تنها قوجایا باخدیغجا کؤورهلیب، بیربیریندن گیزلین گؤز یاشلارینی سیلیردیلر.
لطیف بابا گلینینین الیندن یاپیشیب ایچری کئچدی: " گَل ایچری قیزیم، قوی زیور آنان سون نفسینده سنی گؤرسون".
او گولری زیور آنانین چارپاییسینین یانینا گتیردی. اهمالجا آروادینی سسلهدی:" آی زیور، گوزلرینی آچ گلینیمیز گلیب. گولر سنی گؤرمهیه گلیب".
زیور ننهنین حرکتسیز بدنی گَریلدی. گؤزلرینی آچیب گولره باخدی. باشینی قالدیرماق ایستهدی. گوجو اولمادی. زورلا ائشیدیلهجک بیر سسله دئدی:" جان بالا. سنین آغارمیش ساچلارینا اؤله بیلمهین جانیم قوربان".
گولر اَییلیب قایین آناسینین اوزوندن اؤپدو. هر ایکیسینین گوز یاشلاری بولاق کیمی قایناییردی. زیور ننه یئنه نه ایسه پیچیلدادی. آنجاق اونون نه دئدیینی هئچ کس باشا دوشمهدی. دوز ایکی ساعات ایدی کی او، گؤزلرینی خودونون دیواردان آسیلمیش شکلینه زیللهمیشدی.
آروادلار زیور ننهنین چکدییی عذابین سببینی بیلیردیلر. "اؤله بیلمهییر یازیق. بالاسینی گؤزلهییر. گلینی ده گلدی، یئنه ساکیتلشمهدی. آغیر درد دیر نئیلهسین؟ بیرجه بالا اولا، او دا ایتگین دوشه. گؤزلرینین قاباغیندا گلینی قاریییب قوجالدی".
آروادلار گؤزلرینین یاشینی سیله- سیله پیچیلداشیر، سَلَمه آرواد ایسه لال دینمز قولاق آسیردی. بیردن او یاواشجا آیاغا قالخدی. گئدیب خودونون دیواردان آسیلمیش شکلینی گتیریب زیور ننهنین سینهسینین اوستونه قویدو. اللرینی چارپازلاییب شکیله سویکهدی. بونو حیس ائدن زیور ننه الینی چتینلیکله شکیله توخوندوردو. ائله بیل اورهیی تلاطمه گلدی. سینهسی آرامسیز قالخیب- ائنمهیه باشلادی. شکیلی کؤکسونه سیخدی. سونرا شکیلی طاقتدن دوشموش اللرینه آلیب قوروموش دوداقلارینا یاخینلاشدیردی.شکیلی دوز کیمی یالاماغا باشلادی.
ائله بیل بدنینه گوج گلدی. باشینی یاستیغدان قالدیردی. هامینین ائشیدهجهیی بیر سسله فریاد ائتدی:" هاردا قالدین آی اوغول؟ داها گؤزلمهیه گوجوم قالماییب، منی باغیشلا".
زیور ننهنین جانسیز بدنی چارپایییا دوشدو.
https://t.me/Adabiyyatsevanlar
آروادلار کیریمیشجه اوتورموشدولار. لطیف بابا چارپایینین قاباغیندا دیزی اوسته چؤکوب زیورین تیترهین اللرینی اووجلارینین آراسینا آلدی.
-- سنه نه اولوب آی زیور، هاران آغریییر؟
زیور ننهنین دولموش گؤزلریندن آخان یاش داملالاری یاستیغا سوزولدو.
گوجله ائشیدیلهجک بیر سسله دیللندی:
-اورهییم آغریییر آی لطیف.
او تنگنفس اولدو. صنوبر پامبیقلا اونون گؤیرمیش دوداقلارینی ایسلاتدی.
"سو وئریم ایچیرسن؟"-- دییه سوروشدو.
زیور ننه یونگولجه باشینی ترپتدی. صنوبر اونا بیر نئچه قاشیق سو ایچیرتدی. ائله بو واخت کوچه قاپیسی آستاجا دؤیولدو. اوزوم چارداغینین آلتیندا اوتورموش بئش- آلتی کیشی قاپییا طرف بویلاندی. خان اوغلان قالخیب قاپییا طرف گئتدی. گلن گولر معللیمه ایدی. قاپی آچیلان کیمی اونسوز دا هیجانلی اولان گولر معللیمه اؤزونو ایتیردی. اورهیی شیددتله دؤیونمهیه باشلادی. دیلی توپوق ووردو:" من گلدیم کی...".
او، سؤزونون آردینی گتیره بیلمهدی. گوزلری یاشلا دولدو. باشینی آشاغی سالدی. ائله خان اوغلان کیشی ده چاش- باش قالمیشدی. او دا اؤزونو توپلادی:" خوش گلیبسن قیزیم، لاپ یاخشی ائلهییبسن. بوردا دایانما، ایچری کئچ".
گولر معللیمه اوتانا- اوتانا حیطه گیردی. اونو گؤرن کیمی اوتورانلارین هامیسی اختیارسیز آیاغا قالخدیلار. هامی لال- دینمز باشینی آشاغی سالیب دایاندی. خان اوغلان کیشی-- گَل قیزیم، گَل، زیور خالا ایچریده دیر"-- دییه دیللندی. او کؤورلمیش حالدا لطیف بابانی سسلهدی:" آی لطیف، بیر چؤله چیخ، گؤر کیم گلیب".
لطیف بالکونا چیخدی. گولر معللیمهنی گؤروب یئریندهجه دونوب قالدی. سئله دؤنموش گؤز یاشلارینا حاکیم اولا بیلمهدی. قوللارینی آچیب قیزا طرف یئریدی:" بیزی باغیشلا قیزیم، سنی گلین هاواسی ایله بو حیطه گتیره بیلمهدیک. بیز سنین قارشیندا گوناهکاریق".
گولر معللیمه هؤنکوروب اؤزونو اوشاق کیمی قایینآتاسینین اوستونه آتدی.
لطیف بابا 24 ایل یولونو گؤزلهدییی گلینینی باغرینا باسدی. آغارمیش ساچلارینی سیغاللاییب آلنیندان اؤپدو:
-- یوردون صاحیبسیز قالسین ارمنی، نییه یوردومو صاحیبسیز قویدون؟-- دئییب هؤنکوردو.
حیطده کی کیشیلر گلین سلیقه- سهمانینا، نوه آیاقلارینا حسرت قالان، سوکوت چؤکموش بو حیط، باجایا، ساققالی اوزونو یاش تؤکن بو تنها قوجایا باخدیغجا کؤورهلیب، بیربیریندن گیزلین گؤز یاشلارینی سیلیردیلر.
لطیف بابا گلینینین الیندن یاپیشیب ایچری کئچدی: " گَل ایچری قیزیم، قوی زیور آنان سون نفسینده سنی گؤرسون".
او گولری زیور آنانین چارپاییسینین یانینا گتیردی. اهمالجا آروادینی سسلهدی:" آی زیور، گوزلرینی آچ گلینیمیز گلیب. گولر سنی گؤرمهیه گلیب".
زیور ننهنین حرکتسیز بدنی گَریلدی. گؤزلرینی آچیب گولره باخدی. باشینی قالدیرماق ایستهدی. گوجو اولمادی. زورلا ائشیدیلهجک بیر سسله دئدی:" جان بالا. سنین آغارمیش ساچلارینا اؤله بیلمهین جانیم قوربان".
گولر اَییلیب قایین آناسینین اوزوندن اؤپدو. هر ایکیسینین گوز یاشلاری بولاق کیمی قایناییردی. زیور ننه یئنه نه ایسه پیچیلدادی. آنجاق اونون نه دئدیینی هئچ کس باشا دوشمهدی. دوز ایکی ساعات ایدی کی او، گؤزلرینی خودونون دیواردان آسیلمیش شکلینه زیللهمیشدی.
آروادلار زیور ننهنین چکدییی عذابین سببینی بیلیردیلر. "اؤله بیلمهییر یازیق. بالاسینی گؤزلهییر. گلینی ده گلدی، یئنه ساکیتلشمهدی. آغیر درد دیر نئیلهسین؟ بیرجه بالا اولا، او دا ایتگین دوشه. گؤزلرینین قاباغیندا گلینی قاریییب قوجالدی".
آروادلار گؤزلرینین یاشینی سیله- سیله پیچیلداشیر، سَلَمه آرواد ایسه لال دینمز قولاق آسیردی. بیردن او یاواشجا آیاغا قالخدی. گئدیب خودونون دیواردان آسیلمیش شکلینی گتیریب زیور ننهنین سینهسینین اوستونه قویدو. اللرینی چارپازلاییب شکیله سویکهدی. بونو حیس ائدن زیور ننه الینی چتینلیکله شکیله توخوندوردو. ائله بیل اورهیی تلاطمه گلدی. سینهسی آرامسیز قالخیب- ائنمهیه باشلادی. شکیلی کؤکسونه سیخدی. سونرا شکیلی طاقتدن دوشموش اللرینه آلیب قوروموش دوداقلارینا یاخینلاشدیردی.شکیلی دوز کیمی یالاماغا باشلادی.
ائله بیل بدنینه گوج گلدی. باشینی یاستیغدان قالدیردی. هامینین ائشیدهجهیی بیر سسله فریاد ائتدی:" هاردا قالدین آی اوغول؟ داها گؤزلمهیه گوجوم قالماییب، منی باغیشلا".
زیور ننهنین جانسیز بدنی چارپایییا دوشدو.
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
چالینمامیش واغزالی(حئکایه)
✍:«رقیبه غواص»
کوچورن:« سحر خیاوی»
حاضیرلایان:«ادبیات سئونلر»
دان یئری یئنیجه آغارمیش، خوروزلارین سسی بیربیرینه قاریشمیشدی. اللی ایللیک عائیله حیاتینی بیر دام آلتیندا یاشایان لطیف بابا ایله زیور ننه چوخدان اویانمیشدی. هر ایکیسی گؤزلرینی عینی نوقطهیه زیللهییب سوسموشدو. هاوا آچیلدیقجا ائوین پنجرهسیندن اوتاغا دوشَن ایشیق بیر نوقطهیه زیللنمیش گوزلرین سمتینی آیدینجا گؤستریردی.
بو گؤزلر دوز 24 ایل ایدی کی، گونده بیر نئچه دفعه سلیقه ایله چرچیوهیه سالینیب دیواردان آسیلمیش بیر گنج عسگرین شکلینه تیکیلیب قالیردی. بو شکیل لطیف بابا ایله زیور ننهنین قاراباغ محاربهسینده ایتکین دوشموش یگانه اوغلو خودونون شکلی ایدی.
محاربه باشلایاندا خودو اؤز مکتبلرینده تاریخ فنینده درس دئییردی. او ایکی آی ایدی کی ابتدایی صینیف معللیمی گولر ایله نیشانلانمیشدی. یای تعطیلینده تویلاری اولمالی ایدی. اوغول تویونا حاضیرلاشان آتا- آنانین سئوینجدن آیاغی یئره دَیمیردی.
بویازینین آردینی ادبیات سئونلر کانالیندا اوخویون.
https://t.me/Adabiyyatsevanlar
✍:«رقیبه غواص»
کوچورن:« سحر خیاوی»
حاضیرلایان:«ادبیات سئونلر»
دان یئری یئنیجه آغارمیش، خوروزلارین سسی بیربیرینه قاریشمیشدی. اللی ایللیک عائیله حیاتینی بیر دام آلتیندا یاشایان لطیف بابا ایله زیور ننه چوخدان اویانمیشدی. هر ایکیسی گؤزلرینی عینی نوقطهیه زیللهییب سوسموشدو. هاوا آچیلدیقجا ائوین پنجرهسیندن اوتاغا دوشَن ایشیق بیر نوقطهیه زیللنمیش گوزلرین سمتینی آیدینجا گؤستریردی.
بو گؤزلر دوز 24 ایل ایدی کی، گونده بیر نئچه دفعه سلیقه ایله چرچیوهیه سالینیب دیواردان آسیلمیش بیر گنج عسگرین شکلینه تیکیلیب قالیردی. بو شکیل لطیف بابا ایله زیور ننهنین قاراباغ محاربهسینده ایتکین دوشموش یگانه اوغلو خودونون شکلی ایدی.
محاربه باشلایاندا خودو اؤز مکتبلرینده تاریخ فنینده درس دئییردی. او ایکی آی ایدی کی ابتدایی صینیف معللیمی گولر ایله نیشانلانمیشدی. یای تعطیلینده تویلاری اولمالی ایدی. اوغول تویونا حاضیرلاشان آتا- آنانین سئوینجدن آیاغی یئره دَیمیردی.
بویازینین آردینی ادبیات سئونلر کانالیندا اوخویون.
https://t.me/Adabiyyatsevanlar
Forwarded from ادبیات سئونلر
«سحرخیاوی»
قزئت
ناهار چاغی فهلهلرین باشچیسی باغ اوزونو قیی ووروب، میوه درنلری ناهار یئمهیینه چاغیردی.
فهلهلر خورهک یئمهیه معین اولان یئره توپلاشدیلار.
ارباب ناهار یئمهیینه فهلهلرین ساییجا پیتی آلمیشدی.
تزه ایستی سنگگین گوزل قوخوسو، شوربا اییسینه قاریشیب بایاقدان ایشلهمکدن قابیغدان چیخان فهلهلری اشتهایا گتیرمیشدی. آجلاریندان اؤلوردولر.
فهله باشچیسی، بیر ایکی فهلهنین یاردیمی ایله پیتیلری، کاسا- قاشیقلاری، سوغانلاری فهلهلرین آراسیندا بؤلوشدوردو.
فهلهلر اربابدان ایذین آلیب اوخونموش گون قزئتهسینی سوفرا عنواندا قارشیلارینا سَردیلر. شوربانین سویونو کاسالارینا تؤکدولر، سو آز اولدوغونا بعضیلری دویماریق دئیه، شوخلوقجا اوجاغین اوستونده قاینایان یئکه قارا چایداندان شوربالارینین اوستونه داغ سو توکدولر. دئیه- گوله هرهسی بیر کاسا اَتین سویونو دوغراییب شیرین- شیرین سوغانلا یئدیلر.
یوسف فهلهلرین بیری و اَن جاوان ایدی. شوربانی یئیهندن سونرا دیبینی ده بیر تیکه چورهک ایله سیویردی، بیر پارا سوغانلا آغزینا قویدو، سونرا اللرینی قووزاییب شوکور ائتدی.
پیتینین آغزینی اَتی یئمک اوچون آچدی، لاپبادان عائیلهسی و ایکی آج بالاسی گؤزونون اؤنونه گلدی. نئچه آی اولاردی یئتیریب عائیلهسینه اَت آلا بیلمیردی. بوغازی بیچیلدی. داها او اَت اونا زَهریمار اولاردی. یئیه بیلمیهجکدی. قَهَر بوغازینی کسیردی. اوجاغین توستوسونو بهانه ائدیب، یولداشلاریندان اوزونو یان توتوب گؤزونده گیلهلنمیش یاشی اَلینین آرخاسی ایله سیلدی. اؤزونه توختاقلیق وئریب یولداشلارینا یالاندان:
-- شوربانین سویو چوخ ایدی منی توتدو.-- دئدی.
بیر حالدا کی او آز خورهک ایشلک گنجین یالنیز دیشینین دیبینده قالمیشدی. هئچ دویمامیشدی.
شوربانین اَتینی همیشه چانتاسیندا اولان آغزی باغلی قابا تؤکوب، سلیقه ایله چانتاسینا قایتاردی. اونو شام اوچون کورپه بالالارینا آپاراجاقدی.
باشقا فهلهلر ده خورهکلرینی یئدیلر. بعضیلری ده اونا تای اتلرینی گؤتوردولر. قاب- قاشیغی ییغیشدیریب بیر طرفه قویدولار. سونرا اؤزلرینه چای سوزوب، سیگارت چکنلری سیگارئتلرینی آلیشدیردیلار.
اوجوزلو سیگارئتلرین کولونو قزئتهنین اوستونه توکوب، یئربه یئر یالانچی سیاستچیلرین، اختلاسچیلارین، اوغرولارین ساققالینی، آلینلاریندا کی ریا مؤهور یئرینی اودا چکیب، دلیک- دلیک ائلهدیلر و بو ایشه اؤز آرالاریندا بیر سیرر اولان کیمی اوغرون- اوغرون گولدولر.
سوندا یانمیش قزئتهنین کولو توزلانماسین دئیه بوکوب باغدا اولان یئکه زیبیل دولونا باسدیلار.
آج قارینلیلارا، عائیلهسینین گوندهلیک یاوان چؤرهیینی چتینلیکله تاپان اینسانلارا، قزئتهنین یالان- یارغانی یامان- یووزدان پیس ایدی، یارالارینین اوستونه دوز سَپیردی. او یالانلارین، او ریاکار یالانچیلارین، اوغرولارین یئری آرتیق زیبیل دولو ایدی.
اونلار یالنیز آخشام چاغینی و اَلی دولو ائوه دؤنمهیی دوشونوردولر. بوگونلری ده بئله کئچهجکدی. بس صاباح و یاشامین سایسیز صاباحلاری نئجه اولاجاق؟!
گؤرهسن فهلهلرین بو عصیانجیل ایشی، یاخیندا کی قابارلی اللرین، دمیر یوموروقلارین، آج قارینلارین، آیاق یالینلارین آجیق و عوصیان موشتولوقچیسی ایدی می؟!
https://t.me/Adabiyyatsevanlar
قزئت
ناهار چاغی فهلهلرین باشچیسی باغ اوزونو قیی ووروب، میوه درنلری ناهار یئمهیینه چاغیردی.
فهلهلر خورهک یئمهیه معین اولان یئره توپلاشدیلار.
ارباب ناهار یئمهیینه فهلهلرین ساییجا پیتی آلمیشدی.
تزه ایستی سنگگین گوزل قوخوسو، شوربا اییسینه قاریشیب بایاقدان ایشلهمکدن قابیغدان چیخان فهلهلری اشتهایا گتیرمیشدی. آجلاریندان اؤلوردولر.
فهله باشچیسی، بیر ایکی فهلهنین یاردیمی ایله پیتیلری، کاسا- قاشیقلاری، سوغانلاری فهلهلرین آراسیندا بؤلوشدوردو.
فهلهلر اربابدان ایذین آلیب اوخونموش گون قزئتهسینی سوفرا عنواندا قارشیلارینا سَردیلر. شوربانین سویونو کاسالارینا تؤکدولر، سو آز اولدوغونا بعضیلری دویماریق دئیه، شوخلوقجا اوجاغین اوستونده قاینایان یئکه قارا چایداندان شوربالارینین اوستونه داغ سو توکدولر. دئیه- گوله هرهسی بیر کاسا اَتین سویونو دوغراییب شیرین- شیرین سوغانلا یئدیلر.
یوسف فهلهلرین بیری و اَن جاوان ایدی. شوربانی یئیهندن سونرا دیبینی ده بیر تیکه چورهک ایله سیویردی، بیر پارا سوغانلا آغزینا قویدو، سونرا اللرینی قووزاییب شوکور ائتدی.
پیتینین آغزینی اَتی یئمک اوچون آچدی، لاپبادان عائیلهسی و ایکی آج بالاسی گؤزونون اؤنونه گلدی. نئچه آی اولاردی یئتیریب عائیلهسینه اَت آلا بیلمیردی. بوغازی بیچیلدی. داها او اَت اونا زَهریمار اولاردی. یئیه بیلمیهجکدی. قَهَر بوغازینی کسیردی. اوجاغین توستوسونو بهانه ائدیب، یولداشلاریندان اوزونو یان توتوب گؤزونده گیلهلنمیش یاشی اَلینین آرخاسی ایله سیلدی. اؤزونه توختاقلیق وئریب یولداشلارینا یالاندان:
-- شوربانین سویو چوخ ایدی منی توتدو.-- دئدی.
بیر حالدا کی او آز خورهک ایشلک گنجین یالنیز دیشینین دیبینده قالمیشدی. هئچ دویمامیشدی.
شوربانین اَتینی همیشه چانتاسیندا اولان آغزی باغلی قابا تؤکوب، سلیقه ایله چانتاسینا قایتاردی. اونو شام اوچون کورپه بالالارینا آپاراجاقدی.
باشقا فهلهلر ده خورهکلرینی یئدیلر. بعضیلری ده اونا تای اتلرینی گؤتوردولر. قاب- قاشیغی ییغیشدیریب بیر طرفه قویدولار. سونرا اؤزلرینه چای سوزوب، سیگارت چکنلری سیگارئتلرینی آلیشدیردیلار.
اوجوزلو سیگارئتلرین کولونو قزئتهنین اوستونه توکوب، یئربه یئر یالانچی سیاستچیلرین، اختلاسچیلارین، اوغرولارین ساققالینی، آلینلاریندا کی ریا مؤهور یئرینی اودا چکیب، دلیک- دلیک ائلهدیلر و بو ایشه اؤز آرالاریندا بیر سیرر اولان کیمی اوغرون- اوغرون گولدولر.
سوندا یانمیش قزئتهنین کولو توزلانماسین دئیه بوکوب باغدا اولان یئکه زیبیل دولونا باسدیلار.
آج قارینلیلارا، عائیلهسینین گوندهلیک یاوان چؤرهیینی چتینلیکله تاپان اینسانلارا، قزئتهنین یالان- یارغانی یامان- یووزدان پیس ایدی، یارالارینین اوستونه دوز سَپیردی. او یالانلارین، او ریاکار یالانچیلارین، اوغرولارین یئری آرتیق زیبیل دولو ایدی.
اونلار یالنیز آخشام چاغینی و اَلی دولو ائوه دؤنمهیی دوشونوردولر. بوگونلری ده بئله کئچهجکدی. بس صاباح و یاشامین سایسیز صاباحلاری نئجه اولاجاق؟!
گؤرهسن فهلهلرین بو عصیانجیل ایشی، یاخیندا کی قابارلی اللرین، دمیر یوموروقلارین، آج قارینلارین، آیاق یالینلارین آجیق و عوصیان موشتولوقچیسی ایدی می؟!
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
Forwarded from ادبیات سئونلر
اوشاق ادبیاتی
اوشاق ادبیاتی هرهفته پنجشنبه گونو ادبیات سئونلر کانالیندا .
اوشاق ادبیاتینا دایر یازیلارینیزی بیزه گوندرین .
https://t.me/Adabiyyatsevanlar
اوشاق ادبیاتی هرهفته پنجشنبه گونو ادبیات سئونلر کانالیندا .
اوشاق ادبیاتینا دایر یازیلارینیزی بیزه گوندرین .
https://t.me/Adabiyyatsevanlar
اوشاق ادبیاتی
«توفیق ماحمود» ون اوشاق شعرینده طبعیت
یازار:«متانت واحید»
کوچوروب حاضیرلایان:«مرجان منافزاده»
https://t.me/Adabiyyatsevanlar
«توفیق ماحمود» ون اوشاق شعرینده طبعیت
یازار:«متانت واحید»
کوچوروب حاضیرلایان:«مرجان منافزاده»
https://t.me/Adabiyyatsevanlar
اوشاق ادبیاتی
توفیق ماحمودون اوشاق شعرینده طبیعت
یازار : متانت واحید
کوچوروب حاضیرلایان:«مرجان منافزاده»
توفیق ماحمودون تئماتیکا و ژانر رنگارنگلییی استیلیستیک حللی ایله سئچیلن اوشاق پوئزییاسی بدیعی دوشونجهنین، اؤزونه مخصوصلوغو ائموسیونال زنگینلییی ایله یاددا قالیر. " شعر نه دیر" سؤالینا "گؤزومدهکی، ایشیقدیر، کؤنلومدهکی نغمه دیر،" جاوابینی وئرن توفیق ماحمودون شعرلری اوشاقلارین کؤنول نغمهسینی، دیللهندیرمک، اورهیینده گونش دوغماسینا، ایشیق یاراتماغا قادیردیر.
یاخشی شعر یازماق آسان دئییل. اوشاقلار اوچون یازماق ایسه داها چتیندیر. اوشاق اوچون نظرده توتولموش شعر اونون یاش خوصوصيیتلرینی نظره آلماقلا برابر مؤلیفدن پئداقوژی یاناشما، پسیخولوژ، فلسفی ائستئتیک، تفککور طلب ائدیر. توفیق ماحمودون لیریکاسیندا اوشاقلارین ائستئتیک تربیهسینده اهميیتلی رولا مالیک اولان طبیعت شعرلری اوستونلوک تشکیل ائدیر. اونون طبیعت مؤوضوسونداکی اوشاق شعرلرینین ایدئیا کومپوزیسییا اساسینی گونش، بولود، یاغیش، قار، آغاج، یارپاق، حئیوان، قوش، داغ، چمن اوبرازلاری تشکیل ائدهرک، دیگر پرئدمئت و حادثهلری اؤزونه جلب ائدیر. ایدئیا ائستئتیک اهميیت کسب ائدن بو طبیعت اوبرازلاری اینسان و طبیعتین دیالئکتیک وحدهتینین موختلیف تظاهورلرینی اوزه چیخاریر.
بیر اوشاق اولورام باهار گلنده
قاچیرام داغلارا گوللر آچاندا
اورهییم نورلانیر دان سؤکولنده
جوشورام بولاقلار آشیب-داشاندا
نهدنسه قورخمورام شفقت ایچینده
باخیرام دوشسم ده قار طوفانینا
هیجان ایچینده حئیرت ایچینده
باخیرام گؤیلرین هیجانینا
کئچیب قارتال کیمی گؤی قوجاغیندان
اوزاق اولدوزلارا، اوچار اوچارام
یئللنجک دوزهلدیب گؤی قورشاغیندان
بوتون کایناتا قاناد آچارام...
ت. ماحمود پوئزییاسی، خئییرخواهلیغی، ایشیغی، دوستلوغو حیاتا سئوگینی ترننوم ائدیر. بونونلا یاناشی اونون اوشاق پوئزییاسینین آنا خططینی، هئچ شوبههسیز خالقین معنوی یادداش پریزماسیندان درک اولونان دوغما وطنه، طبیعته محبت تشکیل ائدیر.
توفیق ماحمودون پوئزییاسیندا طبیعتین تصویری یالنیز گؤزللییین ترننومو دئییل. بو تصویرلر معنوی، فلسفی پسیخولوژی آنلام کسب ائدهرک اوخوجونو دوشونمیه، سؤزله رسمینی ایزلهدییی گؤزللیکلرین ائستئتیک درکینه سوق ائدیر. بو شعرلرده فصیل نه اولورسا، اولسون، طبیعت گؤزهلدیر. عمومییتله یارادیجیلیغیندا طبیعته آپاریجی یئر آییران بوتون شاعرلرده اولدوغو کیمی، ت. ماحمودون پوئزییاسیندا دا قوشلارین نغمسی، یارپاقلارین خفیف پیچیلتیسی، یاغیشین شیریلتیسی، مئیوهلرین عطری مئشهنین قالینلیغیندان، یاشیللیغیندان دوغان گؤزللییی و طبیعتین اینسانا بخش ائتدییی قیمتلی هديهلر کیمی معنالاندیریلیر. طبیعتین سایسیز گؤزللیکلرینی نظمه چکن شاعر هر شئیی اؤز رنگینده، اؤز سسینده تصویر ائدیر. هر هانسی علاوه اِفِکته احتیاج دویمور. بوتون بو شعرلره نظر سالارکن گؤروروک کی طبیعت فرقینده اولانی گؤزللییی ایله حئیرته غرق ائدهجک قدر ایستعدادلا چکیلمیش تابلودور و بو گؤزللیکلری سادهجه دویماق لازیمدیر.
توفیق ماحمودون پئیزاژ لیریکاسی، اینسانین طبیعته موناسیبتی فونوندا معنوی-اخلاقی کونتئکستی ایله دقت چکیر: اینسان طبیعتین بیر پارچاسی اولاراق اوندان ایستیفاده ائتمکله، یاناشی هم ده، قورومالی، قایغیسینا قالمالیدیر. بعضا طبیعت اوبرازلاری بالاجا قهرمانین حیاتینین موعيین مقاملاری ایله باغلی اولان بدیعی مکانین یارادیلماسیندا ایشتیراک ائدیر: اوشاغین طبیعته موناسیبتیندهکی اورژیناللیق عکسینی تاپیر. بو حئیرت اوشاقلارین یاشادیغی یئرده ایشیقلی عالم یارادیر. چوخ واخت اونون اثرلرینده طبیعت اوبرازی ایله یاناشی، عدالت و خئییرخواهلیق، ایدئیالاری دوستلوق و همرأیلیک حیسلری، وطنه، آنا دیلینه محبتده آشیلانیر. بو آنلاییشلارین ائستئتیک، کوقنیتیو و دیداکتیک فونکسییالاری-بیر بیری ایله علاقهلهنیر.
شاعرین "اهئی.. دورنالار" شعری اینسانین اوچماق/ قاناد آچماق آرزوسونو، انگینلیکلره قاناد آچماق خیالینی تصویر ائدیر:
اهئی... اهئی... دورنالار
قوللاریمی آچیرام
سیزینله اوچماق اوچون
آرخانیزجا قاچیرام
اهئی... اهئی... دورنالار
بیر آنلیق دالا باخین
منی یئردن گؤتورون
جرگهنیزه بوراخین
اهئی... اهئی... دورنالار
قاناد آچماق ایستهرم
من ده بو گؤی اوزونه
قالخیب، اوچماق ایستهرم
اهئی... اهئی... دورنالار
سیزی ایزلیجهیم
ایندی قاچدیغیم یئرده
سیزی گؤزلیجهیم
کلاسسیک ادبياتیمیزداکی "دورنالار" شعرلرینده، دورنا داها چوخ وطن حسرتی، غوربت عذابینی، معنالاندیریرسا توفیق ماحمودون شعرینده بالاجا قارا بالیغین(صمد بهرنگی) بلد اولدوغو دونیادان باشقا دونیالاری دا گؤرمک، کشف ائتمک آرزوسونا بنزر بیر آرزو گیزلهنیر.
توفیق ماحمودون اوشاق شعرینده طبیعت
یازار : متانت واحید
کوچوروب حاضیرلایان:«مرجان منافزاده»
توفیق ماحمودون تئماتیکا و ژانر رنگارنگلییی استیلیستیک حللی ایله سئچیلن اوشاق پوئزییاسی بدیعی دوشونجهنین، اؤزونه مخصوصلوغو ائموسیونال زنگینلییی ایله یاددا قالیر. " شعر نه دیر" سؤالینا "گؤزومدهکی، ایشیقدیر، کؤنلومدهکی نغمه دیر،" جاوابینی وئرن توفیق ماحمودون شعرلری اوشاقلارین کؤنول نغمهسینی، دیللهندیرمک، اورهیینده گونش دوغماسینا، ایشیق یاراتماغا قادیردیر.
یاخشی شعر یازماق آسان دئییل. اوشاقلار اوچون یازماق ایسه داها چتیندیر. اوشاق اوچون نظرده توتولموش شعر اونون یاش خوصوصيیتلرینی نظره آلماقلا برابر مؤلیفدن پئداقوژی یاناشما، پسیخولوژ، فلسفی ائستئتیک، تفککور طلب ائدیر. توفیق ماحمودون لیریکاسیندا اوشاقلارین ائستئتیک تربیهسینده اهميیتلی رولا مالیک اولان طبیعت شعرلری اوستونلوک تشکیل ائدیر. اونون طبیعت مؤوضوسونداکی اوشاق شعرلرینین ایدئیا کومپوزیسییا اساسینی گونش، بولود، یاغیش، قار، آغاج، یارپاق، حئیوان، قوش، داغ، چمن اوبرازلاری تشکیل ائدهرک، دیگر پرئدمئت و حادثهلری اؤزونه جلب ائدیر. ایدئیا ائستئتیک اهميیت کسب ائدن بو طبیعت اوبرازلاری اینسان و طبیعتین دیالئکتیک وحدهتینین موختلیف تظاهورلرینی اوزه چیخاریر.
بیر اوشاق اولورام باهار گلنده
قاچیرام داغلارا گوللر آچاندا
اورهییم نورلانیر دان سؤکولنده
جوشورام بولاقلار آشیب-داشاندا
نهدنسه قورخمورام شفقت ایچینده
باخیرام دوشسم ده قار طوفانینا
هیجان ایچینده حئیرت ایچینده
باخیرام گؤیلرین هیجانینا
کئچیب قارتال کیمی گؤی قوجاغیندان
اوزاق اولدوزلارا، اوچار اوچارام
یئللنجک دوزهلدیب گؤی قورشاغیندان
بوتون کایناتا قاناد آچارام...
ت. ماحمود پوئزییاسی، خئییرخواهلیغی، ایشیغی، دوستلوغو حیاتا سئوگینی ترننوم ائدیر. بونونلا یاناشی اونون اوشاق پوئزییاسینین آنا خططینی، هئچ شوبههسیز خالقین معنوی یادداش پریزماسیندان درک اولونان دوغما وطنه، طبیعته محبت تشکیل ائدیر.
توفیق ماحمودون پوئزییاسیندا طبیعتین تصویری یالنیز گؤزللییین ترننومو دئییل. بو تصویرلر معنوی، فلسفی پسیخولوژی آنلام کسب ائدهرک اوخوجونو دوشونمیه، سؤزله رسمینی ایزلهدییی گؤزللیکلرین ائستئتیک درکینه سوق ائدیر. بو شعرلرده فصیل نه اولورسا، اولسون، طبیعت گؤزهلدیر. عمومییتله یارادیجیلیغیندا طبیعته آپاریجی یئر آییران بوتون شاعرلرده اولدوغو کیمی، ت. ماحمودون پوئزییاسیندا دا قوشلارین نغمسی، یارپاقلارین خفیف پیچیلتیسی، یاغیشین شیریلتیسی، مئیوهلرین عطری مئشهنین قالینلیغیندان، یاشیللیغیندان دوغان گؤزللییی و طبیعتین اینسانا بخش ائتدییی قیمتلی هديهلر کیمی معنالاندیریلیر. طبیعتین سایسیز گؤزللیکلرینی نظمه چکن شاعر هر شئیی اؤز رنگینده، اؤز سسینده تصویر ائدیر. هر هانسی علاوه اِفِکته احتیاج دویمور. بوتون بو شعرلره نظر سالارکن گؤروروک کی طبیعت فرقینده اولانی گؤزللییی ایله حئیرته غرق ائدهجک قدر ایستعدادلا چکیلمیش تابلودور و بو گؤزللیکلری سادهجه دویماق لازیمدیر.
توفیق ماحمودون پئیزاژ لیریکاسی، اینسانین طبیعته موناسیبتی فونوندا معنوی-اخلاقی کونتئکستی ایله دقت چکیر: اینسان طبیعتین بیر پارچاسی اولاراق اوندان ایستیفاده ائتمکله، یاناشی هم ده، قورومالی، قایغیسینا قالمالیدیر. بعضا طبیعت اوبرازلاری بالاجا قهرمانین حیاتینین موعيین مقاملاری ایله باغلی اولان بدیعی مکانین یارادیلماسیندا ایشتیراک ائدیر: اوشاغین طبیعته موناسیبتیندهکی اورژیناللیق عکسینی تاپیر. بو حئیرت اوشاقلارین یاشادیغی یئرده ایشیقلی عالم یارادیر. چوخ واخت اونون اثرلرینده طبیعت اوبرازی ایله یاناشی، عدالت و خئییرخواهلیق، ایدئیالاری دوستلوق و همرأیلیک حیسلری، وطنه، آنا دیلینه محبتده آشیلانیر. بو آنلاییشلارین ائستئتیک، کوقنیتیو و دیداکتیک فونکسییالاری-بیر بیری ایله علاقهلهنیر.
شاعرین "اهئی.. دورنالار" شعری اینسانین اوچماق/ قاناد آچماق آرزوسونو، انگینلیکلره قاناد آچماق خیالینی تصویر ائدیر:
اهئی... اهئی... دورنالار
قوللاریمی آچیرام
سیزینله اوچماق اوچون
آرخانیزجا قاچیرام
اهئی... اهئی... دورنالار
بیر آنلیق دالا باخین
منی یئردن گؤتورون
جرگهنیزه بوراخین
اهئی... اهئی... دورنالار
قاناد آچماق ایستهرم
من ده بو گؤی اوزونه
قالخیب، اوچماق ایستهرم
اهئی... اهئی... دورنالار
سیزی ایزلیجهیم
ایندی قاچدیغیم یئرده
سیزی گؤزلیجهیم
کلاسسیک ادبياتیمیزداکی "دورنالار" شعرلرینده، دورنا داها چوخ وطن حسرتی، غوربت عذابینی، معنالاندیریرسا توفیق ماحمودون شعرینده بالاجا قارا بالیغین(صمد بهرنگی) بلد اولدوغو دونیادان باشقا دونیالاری دا گؤرمک، کشف ائتمک آرزوسونا بنزر بیر آرزو گیزلهنیر.
بلکه ده اوشاقلارین بؤیوکلردن داها چوخ خیال قورا بیلمهسینین سببی رئالیقلا کیفایت قدر تانیش
1
اولا بیلمهمهسی ایله علاقهدار دیر.
اوشاق دوشونمور کی اینسانا اوچماق قابیلییتی وئریلمهییب و اوچماق قوشلارین آیریجالیغیدیر. اونا ائله گلیر کی قوش اوچا بیلیرسه، اینسان دا باجارار. بونا گؤره اوشاقلارین خیاللارینین اینتهاسیزلیغی بیر آز دا بیلگیسیزلیکلریندن دوغور. بؤیودوکجه بلد اولدوقلاری گئرچکلر خیاللارینین قول-قانادینی قیردیغیندان اونلار رئاللیغین دار چئورهسینه سیغیشماغا مجبور قالیرلار. بو باخیمدان "ائهئی... دورنالار.." آرزونون، خیالین قانادلانماسینین شعریدیر.
ت. ماحمودون اوشاق شعرلرینده گونش، ایشیق، سئوینج خوشبختلیک، منبعییدیر، خئییرخواهلیق، گؤزللیک و گوج قایناغیدیر. او اؤز انرژیسی ایله اینسانلارین آئوراسینی تمیزلییه بیلیر. یوکسک احوال- روحیّه بخش ائدهرک اومیده کؤکلهییر. شاعرین بالاجالار اوچون تصویر ائتدییی گونش همیشه یا نغمهسی یا خوش سؤزلری ایله یئنی گونه چاغیریر. شوعالارینی اوزون ساچلار کیمی اطرافا سپلهییب ائولرین پنجرهسیندن قوناق گلیر. کیمینین یوخوسونو، کیمینین پیس احوالینی قووور. "گونش "، "نغمهسی وار گونه شین "، "قیز و گونش" و بو قبیلدن اولان شعرلردیر.
یاغیش یاغیر نه یاغیر
بو زامان گونش چیخیر
یاغیش ائله یاغیر کی
توت اوجوندان قالخ گؤیه
گونش چیخیر یاغیشی
منه گؤسترسین دئیه
گؤیدن سانکی یاغیر نور
یاغیش نه گؤزل اولور
8 میصراعلیق "یاغیش و گونش" شعری طبیعت حادثهلرینه فرقلی موناسیبتله دقتی جلب ائدیر. بورادا گؤزلنیلدییی کیمی شاعرین "توت اوجوندان قالخ گؤیه" دئیهجهیی قدر گوجلو یاغان یاغیشین کسیلمهسی آرزوسو دئییل، عکسینه گونش شوعالاری سایهسینده داها آیدین گؤرونمهسی بارده سئوینجی عکس اولونور. بو باخیمدان توفیق ماحمودون شعرلری اوشاقلارا هم ده مفهوملارا عادت اولوندوغوندان فرقلی یاناشماغی اؤیرهدیر. بو شعرده طبیعتی هر حالیایله سئومک نومونهسی گؤرونور.
فیکریمجه توفیق ماحمودون ان گؤزل طبیعت شعرلریندن بیری "آلما باغی" دیر. بو شعرده آلما باغینین حقیقی معنادا سؤز واسطهسیله رسمینین چکیلدییینی ایزلهییریک. شعرده یئنه باهاردیر و بو فصلی گؤزللهشدیرن علامتلردن بیری آغاجلارین چیچک آچماسیدیر. آلما آغاجینین سود کیمی آغ چیچکلرینی شاعر قار دنهلرینه، قانادلاری آچیق شکیلده دونوب قالمیش کپهنکلره بنزه دیر:
آغ دنیزدیر
آلما باغی.
چیچکلردن
رنگ آلاجاق
گؤی قورشاغی.
سحر چاغی
آخشام چاغی،
عطیر ساچیر
آلما باغی!
آچیلیبدیر
گؤر نه قدر
آغ پاراشوت!
هر بیر آغاج
توپا بولود!
او بولودلار
اوچاجاقدیر.
باغ یامیاشیل
قالاجاقدیر...
شعرده چیچکلرین جمع اولدوغو بوتون آغاجلار، آلما باغی،گؤی قورشاغینا آغاپپاق، پاراشوتا، توپا بولودا بنزدیلیر. ت. ماحمودون بیر چوخ طبیعت شعرلری، کیمی "آلما باغی" دا بالاجا اوخوجونون ائستئتیک ذؤوقونه خیطاب ائدیر، خیاللارینی قانادلاندیریر. گون عرضینده گؤزونون اؤنونده اونلارجا گؤزللیک بوی وئرسه ده، گؤرمهین آداملار وار. روحو کاسیب، نظری یالنیز نؤقصانلارا یؤنهلن توفیق ماحمودون طبیعت شعرلری بالاجالارا هم ده گؤزل گؤرمهیی سمانین، ماویلیینین، دالغانین آغ- شفاف، قیرچینلارینین، چیچکلرین رنگارنگ، لچکلرینین بو عادیلیکده-قئیری عادیلیین، موختلیفلیین فرقینده اولماغی اؤیرهدیر.
اکثر اوشاق ادبياتی نومونهلرینده اولدوغو، کیمی توفیق ماحمودون اوشاق پوئزییاسینا موناسیبتده ده، تدقیقاتچیلار، اساساً ایدئولوژی، اؤیردیجی تربیهوی کاراکتئریستیکا باخیمیندان، یاناشمیش ائستئتیک ديَرلهندیرمهنی گؤزاردی ائتمیشلر. حالبوکی توفیق ماحمودون اوشاق شعرلرینده ائستئتیک قات اؤیردیجیلیکدن هئچ ده گئری قالمیر. او ائله شاعرلردهندیرکی، اؤیرهدرکن گؤزللیکلری تانیدیر و ان اساسی گؤزل تانیدیر.
توفیق ماحمودون طبیعت شعرلرینده هر فصلین فرقلی حیات ریتمینه کؤکلهندییینی، فرقلی ائموسییالار تلقین ائتدیینی ایزلیهبیلیریک. باهار فصلینین ديَیشکنلییی، چیلغینلیغی، گاه یاغیش، گاه بولود، گاه گونش، عوضلنمسی، رنگبهرنگ چیچکلرین الوانلیغی، طبیعتین اویانماسینین سئوینجی"سئوینیرم" شعرینده چوخ رئال عکسینی تاپیب. بورادا گونشین قیزیلی-ساری شوعالاری یارپاقلایان آغاجلارین یاشیلیغنا، آیدین سمانین ماویلییی، تئزجه دولوب بوشالان بولودلارین رنگینه قاریشیب. قوشلارین قاییدیب گلمهسینین سئوینجی چمن چیچکلرینین آچیلیب الوان رنگلره بویانماسی ایله هم آهنگلشیب،سئوینج، اومید بخش ائدیر:
1
اولا بیلمهمهسی ایله علاقهدار دیر.
اوشاق دوشونمور کی اینسانا اوچماق قابیلییتی وئریلمهییب و اوچماق قوشلارین آیریجالیغیدیر. اونا ائله گلیر کی قوش اوچا بیلیرسه، اینسان دا باجارار. بونا گؤره اوشاقلارین خیاللارینین اینتهاسیزلیغی بیر آز دا بیلگیسیزلیکلریندن دوغور. بؤیودوکجه بلد اولدوقلاری گئرچکلر خیاللارینین قول-قانادینی قیردیغیندان اونلار رئاللیغین دار چئورهسینه سیغیشماغا مجبور قالیرلار. بو باخیمدان "ائهئی... دورنالار.." آرزونون، خیالین قانادلانماسینین شعریدیر.
ت. ماحمودون اوشاق شعرلرینده گونش، ایشیق، سئوینج خوشبختلیک، منبعییدیر، خئییرخواهلیق، گؤزللیک و گوج قایناغیدیر. او اؤز انرژیسی ایله اینسانلارین آئوراسینی تمیزلییه بیلیر. یوکسک احوال- روحیّه بخش ائدهرک اومیده کؤکلهییر. شاعرین بالاجالار اوچون تصویر ائتدییی گونش همیشه یا نغمهسی یا خوش سؤزلری ایله یئنی گونه چاغیریر. شوعالارینی اوزون ساچلار کیمی اطرافا سپلهییب ائولرین پنجرهسیندن قوناق گلیر. کیمینین یوخوسونو، کیمینین پیس احوالینی قووور. "گونش "، "نغمهسی وار گونه شین "، "قیز و گونش" و بو قبیلدن اولان شعرلردیر.
یاغیش یاغیر نه یاغیر
بو زامان گونش چیخیر
یاغیش ائله یاغیر کی
توت اوجوندان قالخ گؤیه
گونش چیخیر یاغیشی
منه گؤسترسین دئیه
گؤیدن سانکی یاغیر نور
یاغیش نه گؤزل اولور
8 میصراعلیق "یاغیش و گونش" شعری طبیعت حادثهلرینه فرقلی موناسیبتله دقتی جلب ائدیر. بورادا گؤزلنیلدییی کیمی شاعرین "توت اوجوندان قالخ گؤیه" دئیهجهیی قدر گوجلو یاغان یاغیشین کسیلمهسی آرزوسو دئییل، عکسینه گونش شوعالاری سایهسینده داها آیدین گؤرونمهسی بارده سئوینجی عکس اولونور. بو باخیمدان توفیق ماحمودون شعرلری اوشاقلارا هم ده مفهوملارا عادت اولوندوغوندان فرقلی یاناشماغی اؤیرهدیر. بو شعرده طبیعتی هر حالیایله سئومک نومونهسی گؤرونور.
فیکریمجه توفیق ماحمودون ان گؤزل طبیعت شعرلریندن بیری "آلما باغی" دیر. بو شعرده آلما باغینین حقیقی معنادا سؤز واسطهسیله رسمینین چکیلدییینی ایزلهییریک. شعرده یئنه باهاردیر و بو فصلی گؤزللهشدیرن علامتلردن بیری آغاجلارین چیچک آچماسیدیر. آلما آغاجینین سود کیمی آغ چیچکلرینی شاعر قار دنهلرینه، قانادلاری آچیق شکیلده دونوب قالمیش کپهنکلره بنزه دیر:
آغ دنیزدیر
آلما باغی.
چیچکلردن
رنگ آلاجاق
گؤی قورشاغی.
سحر چاغی
آخشام چاغی،
عطیر ساچیر
آلما باغی!
آچیلیبدیر
گؤر نه قدر
آغ پاراشوت!
هر بیر آغاج
توپا بولود!
او بولودلار
اوچاجاقدیر.
باغ یامیاشیل
قالاجاقدیر...
شعرده چیچکلرین جمع اولدوغو بوتون آغاجلار، آلما باغی،گؤی قورشاغینا آغاپپاق، پاراشوتا، توپا بولودا بنزدیلیر. ت. ماحمودون بیر چوخ طبیعت شعرلری، کیمی "آلما باغی" دا بالاجا اوخوجونون ائستئتیک ذؤوقونه خیطاب ائدیر، خیاللارینی قانادلاندیریر. گون عرضینده گؤزونون اؤنونده اونلارجا گؤزللیک بوی وئرسه ده، گؤرمهین آداملار وار. روحو کاسیب، نظری یالنیز نؤقصانلارا یؤنهلن توفیق ماحمودون طبیعت شعرلری بالاجالارا هم ده گؤزل گؤرمهیی سمانین، ماویلیینین، دالغانین آغ- شفاف، قیرچینلارینین، چیچکلرین رنگارنگ، لچکلرینین بو عادیلیکده-قئیری عادیلیین، موختلیفلیین فرقینده اولماغی اؤیرهدیر.
اکثر اوشاق ادبياتی نومونهلرینده اولدوغو، کیمی توفیق ماحمودون اوشاق پوئزییاسینا موناسیبتده ده، تدقیقاتچیلار، اساساً ایدئولوژی، اؤیردیجی تربیهوی کاراکتئریستیکا باخیمیندان، یاناشمیش ائستئتیک ديَرلهندیرمهنی گؤزاردی ائتمیشلر. حالبوکی توفیق ماحمودون اوشاق شعرلرینده ائستئتیک قات اؤیردیجیلیکدن هئچ ده گئری قالمیر. او ائله شاعرلردهندیرکی، اؤیرهدرکن گؤزللیکلری تانیدیر و ان اساسی گؤزل تانیدیر.
توفیق ماحمودون طبیعت شعرلرینده هر فصلین فرقلی حیات ریتمینه کؤکلهندییینی، فرقلی ائموسییالار تلقین ائتدیینی ایزلیهبیلیریک. باهار فصلینین ديَیشکنلییی، چیلغینلیغی، گاه یاغیش، گاه بولود، گاه گونش، عوضلنمسی، رنگبهرنگ چیچکلرین الوانلیغی، طبیعتین اویانماسینین سئوینجی"سئوینیرم" شعرینده چوخ رئال عکسینی تاپیب. بورادا گونشین قیزیلی-ساری شوعالاری یارپاقلایان آغاجلارین یاشیلیغنا، آیدین سمانین ماویلییی، تئزجه دولوب بوشالان بولودلارین رنگینه قاریشیب. قوشلارین قاییدیب گلمهسینین سئوینجی چمن چیچکلرینین آچیلیب الوان رنگلره بویانماسی ایله هم آهنگلشیب،سئوینج، اومید بخش ائدیر: