طنز:«اوستاد کریمی مراغه ای»


https://t.me/Adabiyyatsevanlar

«بهروز_صديق»

"يالقيز آغاج دوستلوغوندا"

گئديشى نين آدديم ايزين
ديزين _ديزين
ايزله ييرم
ايتگين دوشموش، سوتول آرزوم
هئى يولونو گؤزله ييرم...

هانسى يوللار آزميشى سان؟
هانسى يوللار؟!

يول اوستونده
خزان ووُرموش
يالقيز آغاج
دوْستلوغوندا
دورموشام من

قورخو دوغان
بو يوللارا
بويلانيرام

و كؤلگه مده
قويلانيرام



https://t.me/Adabiyyatsevanlar

«حسن_حسین_کورکمازگیل»

قارا گونون دوستو■


بیلیرم قومقومادا سو
توربادا چؤرک
و کمرده گولله دئییل شعر
آمما یئنه ده
قومقوماسیندا سویو
تورباسیندا چؤره یی
و کمر ینده گولله سی قورتارانلاری آیاق
اوسته ساخلایا بیلر

بیلیرم
شعرله، ماهنییلا باش توتاجاق مسأله دئییل بو
بوداقدا ناری
تارلادا اکینی قیزارتماز گؤیرچینین قورولتوسو
آمما یئنه ده
دیشلر آراسیندا بیچاق کیمی پاریلدایار قووغادا
شعرین گورولتوسو
آرتیق گؤز ‌_گؤزو گؤرمور
بیرجه ایشیق بئله یوخدو
اورک یارالی شاهین دی
فیرلانار بوشلوقدا
بلکه شعر
بلکه شعر پارچاسی
دؤیر قاپیمیزی اومیدسیز قارانلیقدا
یوخلار اوره ییمیزی
یاخیلار یارامیزا
داغیدار قورخوموزو
و اوز به اوز تپه دن
گور_گور گورولدایار شئیپور سسی

https://t.me/Adabiyyatsevanlar

تبریزین پئشه لر (مشاغل) موزئیی ،
تبریزه یولونوز دوشنده بو موزئیی دن گوروش ائدین.

https://t.me/Adabiyyatsevanlar

شئعیر:«فئدئریکو_قارسییا_لورکا»
اینگلیزجه‌دن چئورین:«سعیده_حسن‌پور»
آغاج‌لار...
گؤی‌دن یاغیلان
اوخ‌لار ایدینیز؟
هانسی دهشتلی دویوشچولر،
سیزی یئر اوزونه آتدیلار؟
اولدوزلارمی؟

موسیقی‌نیز قوشلارین روحوندان گلیر،
تانری‌نین گؤزلرین‌دن
ائحتیراصین سونسوزلوغون‌دان

آغاج‌لار...
سَرت کؤک‌لرینیز
گؤرن تاپاجاقلار
تورپاقین درینلییین‌دن
اوره‌ییمی؟
***

Federico García Lorca trans. by #Sarah_Arvio

TREES (1919)

Were you once arrows
falling from the sky?
What terrible warriors shot you
Were they the stars?

Your music comes from the souls of the birds
from the eyes of god
from the perfect passion

Trees
Have your rough roots found
my heart in the dirt?


https://t.me/Adabiyyatsevanlar

‏آلما درنده گللم...

https://t.me/Adabiyyatsevanlar

«معصوم جبارپور»
سن ...
سن سونسوزلوغومون ایلک ایلیشگیسی ؛
اللریمی قانادان بوداقلارین تیلیشگه سی ؛
توخونورام سنه ، بوداق بوداق...
نفس چکیرم سنی یارپاق یارپاق...
تامسینیرام ، دوداق دوداق...
؛
سن ؛
اللری بویالی بیر قاتیل ،
آیدا بوغولان بوتون رؤیالار ، خیاللار ،
هیجانلار...
سن وار آنینداکی یوخلوق ،
خلا
یوخلوق آنلارینداکی گرکسیز وارلیق،
سیخینتی...
؛
من گؤزومون آج قوردو
من گؤزومون توخ قوردو
سن گؤزلریمین آغی
قاراسی
سن گؤزلریمین هچ نه یی...
سن ، گؤزلره گرکَن
رسساملارین فیرچاسی....
سن ،
گؤزلردن اوزاق دوشونجه دن قوپان طوفان ،
سینه ده
رژه مارشی چالان داریخماق.... دؤیونتو....
؛
سن ،
هر گئجه یاریسی اؤزومه آچیلان لوکس تاکسی لرین قاپیسی
سن یارالی بیر جنازه نی کؤچورن تابوت...
سن ، طویلاردا
ایکیلی بیر تانگو...
یاسلاردا
گوز یاشی ...
سن واریا سن ....
سن منیم ایلکیم
سونوم .
سن وار آنینداکی یوخلوق ،
خلا
یوخلوق آنلارینداکی گرکسیز وارلیقق،
سیخینتی...
؛
سن
منیم ان پارادوکس لی دوشونجه م سن.
گؤزلریمه ترسه باخ...
شکیلین
دوزدن دوزگون قالاجاق گؤزلریمده ،

بینیمده ،

اوره ییمده....

https://t.me/Adabiyyatsevanlar

‏https://t.me/Adabiyyatsevanlar

اوشاق ادبیاتی

احمدین ناغیلی؛ آچیق هاوادا دؤرد یاشدان یوخاری اوشاقلار و عایله‌لری اوچون تئاتر.
زمان: 1401/3/18
ساعات: 7
آدرس: سینما ناجی نین حیطی

https://t.me/Adabiyyatsevanlar

اوشاق ادبیاتی
اوشاق ادبیاتی هر هفته پنجشنبه گونو ادبیات سئونلر کانالیندا .
اوشاق ادبیاتینا دایر یازیلارینیزی بیزه گوندرین .

https://t.me/Adabiyyatsevanlar

اوشاق ادبیاتی

آتا،گه ل گزه ک....
«ائلیاس تاپدیق»

-آتا،آی آتا!
گزه ک چمنی
آرخین اوستوندن
هوپپاندیر منی
چیچه یه،گوله
من باتا-باتا
الیندن توتوب
گئده رم،آتا
آپار منی ده
اؤزونله باغا
گؤتورچینینه
ده ییم بوداغا
بوداغین اوسته
چیخارت اوتوروم
الیمدن بوراخ
قوی اؤزوم دوروم
سای:بیر،ایکی،اوچ
دئه:سئوینجیم،اوچ
اوچوم قوینونا
اوچوم قوش کیمی
قونوم چینینه
قارانقوش کیمی.

https://t.me/Adabiyyatsevanlar

اوشاق ادبیاتی

تزریق روح سرزندگی به پیاده‌راه امین

🔹با نصب چهار اثر حجمی و مجسمه بازی های کودکانه، حس شادابی و روح سرزندگی به این پیاده راه تزریق شد.
https://t.me/Adabiyyatsevanlar

آذربایجان افسانه لری

سؤیله ین: صمد بهرنگی - بهروز دهقانی
چئویرن: منیژه جم‌نژاد

قورد لا قویون
گو٘نلرین بیر گو٘نونده قارا بیر قویون واریدی. بیر گون قویون، باشی آشاغی اوتلاییردی.بیردن باشینی قووزاییب گؤردو ای وای!نه چوبان وار، نه سو٘رو، آج بیر قورت دا اونا ساری گلیر. قوردون گؤزلری ایکی قان چاناغی دی.قویون دئدی: سلام علیکم. قورت دیشلرین بیر بیرینه سو٘رتوب دئدی: زهرمار سلام! سن بوردا نه ائدیرسن؟مگر بیلمیرسن بو داغلار دده‌مدن منه قالیب؟ ایندیجه سنی یئیرم.قویون گؤردو پیس یئرده گیره دو٘شوب، بیر کلک ووروب قاچماسی گرکیر. بو او٘زدن دئدی: من اینانمیرام بو داغلار سنین آتاوین اولا. بیلیرسن، من چوخ گئج اینانارام.اگر دو٘ز دئییرسن امامزادایا گئدک، الیوی قبره قوی، آند ایچ، اینانیم.اوندا منی یئیه بیلرسن. قورد اؤز اؤزونه دئدی: نه آخماق قویون الیمه دو٘شوب. گئدیب آند ایچرم،سونرا اونو پارچالییب یئیرم. ایکی یاندان گلیب،گلیب، سو٘رونون ایتی یاتان یئرده کی آغاجا یئتیشدیلر. ایت یاتمیش، یئددی پادشاه یوخوسو گؤروردو. قویون قوردا دئدی:اوجاق بورادی. ایندی آند ایچ. قورت آند ایچمک اوچون الینی آغاجا وورانداایت اویانیب،بوغازینی توتدو.

اوشاق ادبیاتی
اتا بابالاردئمیشکن:«بئله بالالاردان توک باجالاردان»

https://t.me/Adabiyyatsevanlar

اوشاق ادبیاتی

«کارتون»

اوشاق ادبیاتی

https://t.me/Adabiyyatsevanlar

«بابک اسلامی»

پنجره دن□

سن باخیردین گونَشه منده سنه پنجره دَن
سانکی گؤیلر قوجاق آچمیشدی منه پنجره دن
من دالیردیم کوچه دن ساچلارینین تارلاسینا
سئوگی سونبول کیمی دولموشدو دنه پنجره دن
من او سرحدده کی دوستاقدا اسیر عسگریدیم
بیر غریب حالدا باخیردیم وطنه پنجره دن
یوز ایلین حبسینه-اولسون- دؤزرم،هردن اَیر-
گؤزلرین گولسه بو دوستاقدا منه پنجره دن
یئر سنه،گؤوی سنه، یئر-گؤی سنه بویلانسادا یوخ!
-یئری یوخدور گوله سن هر گَلنه پنجره دن
سن کی گولدون گونَشه چاتلادی قیسقانج اورَییم
قورخورام دؤزمییه پول-پول اَله نه پنجره دن
یاز داریخمیشدی سنه باغدا یاغیردی لامدان
سن باخیردین شئه اوتورموش چَمنه پنجره دن
یاز کسیر گونده سیزین باغچانی قلبیم اوشه نیر،
قورخورام گول وئره گیزلینجه سنه پنجره دن
باغلادین پنجره نی ایتدی بولودلاردا اوفوق
ائله بیل گویلری بوکدون کفنه پنجره دن
سن قاییتدین اوتاغا ،بلکه ده یالنیزلیغینا-
دونیا آرخانجا بورونموشدو چَنه پنجره دن

https://t.me/Adabiyyatsevanlar

«ویدا حشمتی»
بوراسی اؤلکه‌دیر
اؤلمک یئری!!
بورانین قار چیچه‌یی
سون بئشیک باجیم‌دیر
سوبای لالالاری ایسه
قان قارداشیم
بوردا تانری
ساغلیق وئرر اللرینی
بویدا بویدا ایستیکانلارا
‌‌ گونش مزه‌سی‌له سرخوشلایار
‌ پاییزلامیش دوداقلاری
دایناسور قاش قاباغیندا
گولومسه‌ین قیرمیزی کپه‌نکلر
گونش قادینلارمیش
جهننم گؤمروکویله قازانما منی
ائرکه‌ییم وطنداش!
منی سئوینج سوراغیندا آرا
اؤز قیراغیندا آرا
‌‌‌ سانیرام بو کؤنده‌لن کوره‌میزین
‌‌‌‌ ‌‌ ‌‌‌ ‌‌ قانلی گؤبک جییه‌سی
اورتا دوغویا آتیلمیش
بوردا باتان
بوردا ایتن
آنجاق بوغازیما تاخیلسا دا نیشانلیق بلگه‌م
بوراسی آداخلیم‌دیر
بوراسی وطن .....

https://t.me/Adabiyyatsevanlar

▪️ستارخان:
اگر ما برای آزادی نجنگيم، مردمی كه بعد از ما می‌آيند چه خواهند گفت؟

▪️احمد کسروی در توصیف حماسه ایستادگی مجاهدان تبریز نوشت:

از ايران آذربايجان ماند؛
از آذربايجان تبريز؛
از تبريز كوی اميرخيز؛
از كوی اميرخيز يک كوچه باقی ماند كه در آن ستارخان مقاومت می‌كرد؛
اما بعد، آن كوچه به كوی و آن كوی به شهر و شهر به ولايت و ولايت به كشور بدل شد ...

https://t.me/Adabiyyatsevanlar

دولان گل!
« ائلدار موغانلی»

دولان گل دولانباج یوللارین آیریجیندان
حسرتی گؤزونده قالسین آیریلیغین!

دولان گل!
ایتیرمه دولایلاردا
قارانقوشا توخودوغون یاز نغمه‌لرینی!
کؤکسونده دومانی،
گؤزونده یووا قورموش گومانی اریت یوللار بویونجا،
آرینسین دولانباج یوللارین سینه‌سی-
باخیشلارا سانجیلان تیکانلاردان!

دولان گل
یوللارینا اوچسون یاز نغمه‌لی قارانقوش‌لار،
باخیشلارینا بویانسین چیچک بویالی اوچوش‌لار!
سحر- سحر
سوت گؤلونده یویونسون
آرزولارین سوت امر کؤرپه‌لری،
چال- چاغیرا چاغیرسین بنؤشه‌لر سحری.

دولان گل!
اوغلان چاغی‌دی سحرین؛
قویما ایلغیملارین گؤرونوشونده-
سوسوزلوغونو سویونسون سولغون باخیش‌لار،
پرن-پرن اولسون گونش آرغاجلی ناخیش‌لار!

دولان گل
آزماسین قارانقوش‌لار-
دولای‌لاریندا دولانباج یول‌لارین!
دولان گل
حسرتی گؤزونده قالماسین
قانادلانان قول‌لارین!

اردیبهشت ۱۴۰۰- تهران

https://t.me/Adabiyyatsevanlar