مِی آیێ‌نێن 30. ساتیرامیزین دونیا شهرتلی نوماینده سی، طنزیمیزین، اجتماعی شعریمیزین آتاسی «میرزا علی‌اکبر طاهیرزاده» صابرین دوْغۇم گۆنۆدۆر بوگون ائله-وطنه اولمز صابیرین شرفینه قوتلو اولسون.

یازار:«قولو محرّملی» فیلولوگییا علملری دکترو، پروفسورو.
 کوچورن:« ویدا حشمتی»
حاضیرلایان:«ادبیات سئونلر»

ملّی اویانیش، هومانیزم، مثبت ایده‌آللار و دموکراتیک ديرلرین فداکار جارچیلاریندان اولان م.ع. صابر ملّی ادبيّاتیمیزدا تکجه ساتیریک پوئزییا و تنقیدی رئالیزمین کلاسیک نماینده‌سی دییل، هم ده بیر-بیریندن گؤزل اوشاق شعرلری‌نین مؤلفی کیمی تانینیر. او یوکسک پداگوژی تجروبه‌سی و دویومو اولان بیر معلّم کیمی اوشاقلارین پسیکولوگییاسینا، اونلارین ماراق دونیاسینا گؤزل بلد ایدی و بو سببدن ده یازدیغی بیر-بیریندن گؤزل شعرلری بو گون ده سئویله-سئویله اوخونور. آذربایجان اوشاق ادبيّاتی‌نین نادر اینجیلریندن اولان"یاز گونلری" "مکتب شرقیسی", "اوشاق و بوز"جوتجو" کیمی شعرلر م.ع. صابرین یوکسک مشاهده قابلیّتیندن، اونون اوشاق پسیکولوگییاسینا نئجه دریندن...
بو یازینین آردینی ادبیات سئونلر کانالیندا اوخویون.

https://t.me/Adabiyyatsevanlar

«میرزا علی‌اکبر صابر» -160یاشیندا

صابر یارادیجیلیغی حاقیندا 
یازار:«قولو محرّملی» فیلولوگییا علملری دکترو، پروفسورو.
 کوچورن:« ویدا حشمتی»
حاضیرلایان:«ادبیات سئونلر»

ملّی اویانیش، هومانیزم، مثبت ایده‌آللار و دموکراتیک ديرلرین فداکار جارچیلاریندان اولان م.ع. صابر ملّی ادبيّاتیمیزدا تکجه ساتیریک پوئزییا و تنقیدی رئالیزمین کلاسیک نماینده‌سی دییل، هم ده بیر-بیریندن گؤزل اوشاق شعرلری‌نین مؤلفی کیمی تانینیر. او یوکسک پداگوژی تجروبه‌سی و دویومو اولان بیر معلّم کیمی اوشاقلارین پسیکولوگییاسینا، اونلارین ماراق دونیاسینا گؤزل بلد ایدی و بو سببدن ده یازدیغی بیر-بیریندن گؤزل شعرلری بو گون ده سئویله-سئویله اوخونور. آذربایجان اوشاق ادبيّاتی‌نین نادر اینجیلریندن اولان"یاز گونلری" "مکتب شرقیسی", "اوشاق و بوز"، "جوتجو" کیمی شعرلر م.ع. صابرین یوکسک مشاهده قابلیّتیندن، اونون اوشاق پسیکولوگییاسینا نئجه دریندن بلد اولماسیندان، اوشاقلار اوچون ماراقلی گؤرونن مطلب و سیتوآسییالارین نئجه اینجه بیر دیلده و مهارتله ایفاده ائتمه‌سیندن خبر وئرمکله یاناشی، هم ده اینسانلاری دوشونمه‌یه، ائتدیکلری عملدن نتیجه چیخارماغا سسله ییر.
"هر ایشین ابتداسی تربیه‌دیر" دئین بؤیوک شاعریمیزین اوشاقلارین تعلیم تربیه‌سی اوچون والیدین‌لرله معلّملرین وحدت حالیندا چالیشمالارینی وورغولاییردی. صابر ایستر ساتیریک دیلله، ایسترسه ده ساده شکیلده یازدیغی شعرلرینده اوشاقلارین لایقلی وطنداش کیمی یئتیشمه‌لری اوچون اونلارا خصوصی حساسلیق قایغی و دقتله یاناشیر. گنج نسلین جهالت قربانی اولماماسی اوچون تحصیلین واجیبلییی فیکرینی دؤنه-دؤنه وورغولاییردی. دقتی جلب ائدن جهتلردن بیری ده اودور کی، عمومیّتله معاریفچی و-اینقیلابی دموکراتیک ادبی جریانین گؤرکملی نماینده‌لریندن اولان م.ع. صابرین اثرلری‌نین چوخ حیصّه‌‌سی مکتب، معارف مسئله‌لرینه حصر اولونموش، اونلاردا اوشاقلارین ملّی روحدا تربیه‌لنمه‌سی، اونلارا مثبت اخلاقی-معنوی وردیشلرین آشیلانماسی ترنّم ائدیلمیشدیر.                                                      
م.ع. صابرین ایلک اوشاق شعری اولان "مکتب شرقیسی" مطبوعات تاریخیمیزده اؤنملی یئر توتان "دبیستان" ژورنالینین 17-جی نؤمره سینده (1907) چاپ اولونموشدور. شاعرین  مکتبی جنّته،چ بنزه‌دن، علمه بیلیک اوجاغینا توکنمز سئوگی آشیلایان بو شعری اوشاقلارین سونرادان سئوه-سئوه اوخودوقلاری، دیللر ازبری اولان شعرلریندن ایدی.
همین دؤورده آغیر خسته اولماسینا باخمایاراق قدرتلی شاعر زامانین طلبینی علم-معارفین میللته فایداسینی نظره آلاراق اوشاقلارین یاش و قاوراییش سويّه‌سینه اویغون اولان، اونلارین روحونو اوخشاییب ذکالارینی ایشیقلاندیراجاق شعرلر.چ یازیردی. بونا گؤره ده همین دورون مطبوع اورگانلاری او جومله‌‌دن اوشاق نشرلری م.ع. صابر یارادیجیلیغینا بؤیوک دقت یئتیریر. اونون شعرلرینی تبلیغ ائدیردیلر. بو نشرلر ایچه‌ریسینده "مکتب" ژورنالینی آیریجا قئید ائتمک اولار. بؤیوک شاعرین وفاتیندان بیر نئچه آی سونرا نشره باشلامیش بو ژورنال اؤز صحیفه‌‌لرینده متمادی اولاراق صابر یارادیجیلیغینا گئنیش یئر وئریر. شعرلرینی تکرار-تکرار نشر ائدیردی. ژورنال میرزا علی اکبر صابرین خاطیره‌سینی عزیز توتماغی اؤزونه بیر نوع معنوی بورج بیلیردی.
آذربایجان اوشاق مطبوعاتی‌نین خصوصی مرحله‌‌سی ساییلان "مکتب"  ژورنالی‌نین یارادیجی هئیتی‌نین بؤیوک صابره یوکسک دير وئرمه‌لرینین نتیجه‌سی ایدی کی، ژورنالین ائله ایلک نؤمر‌لریندن باشلایاراق م.ع‌. صابر ارثی اونون صحیفه‌‌لرینده تبلیغ ائدیلیردی. شاعرین "مکتبلیلره تؤحفه" سلسله‌سیندن یازدیغی شعرلرین بؤیوک اکثريّتی "مکتب اوشاقلارینا تحفه"، "مکتبه تبلیغ"، " چاوشاق و بوز "، "یاز گونلری" " قارغا وتولکو" "طبیب خسته" "جاموشچو و سئل" و.س 1911-1913-جو ایللرده "مکتب" ژورنالیندا تکرار چاپ اولونموشدور.
بوندان باشقا "مکتب"چیلر م.ع. صابرین وفاتینین ایکی ایللییی مناسبتی‌له (1913 چ-جو ایل، 12 اییول 11-جی نؤمره) ژورنالین خصوصی بوراخیلیشینی حاضرلامیشلار. همین نؤمره‌ده شاعرین گئنیش،چ بیوگرافی‌سی یارادیجیلیغی و ملّته خدمتلری حاقیندا گئنیش معلومات وئریلدییی اوچون چوخ قیمتلی علمی منبع ساییلا بیلر. بونو نظره آلان "مکتب" ژورنالینین، دقیقاتچیسی دوکتورانت فرقانه ملیکووا خیرخواه و گرکلی بیر تشبّث گؤستره‌رک همین خصوصی نؤمره‌نی ترانسلیتئراسییا ائده‌رک چاپ اوچون حاضرلامیشدیر.

م.ع. صابرین ابديّته قوووشماسی‌نین ایکینجی ایل دؤنومونه حصر اولونموش "مکتب"ین همین خصوصی بوراخیلیشی پداگوگ عبدالرحمان توفیق افندیزاده نین "صابر" مقاله‌سی ایله آچیلیر. بورادا "مرحوم م.ع. صابرین ترجمه‌‌ی حالی" ایله باغلی گئنیش مقاله آ.صحّتین "صابیر" شعری م.ع.

صابرین "یالانچی چوبان"، "اوخوتمورام ال چکین" شعرلری، دیگر معلوماتلار و سوندا بوتون نؤمره‌لرده عنعنه‌وی اولاراق وئریلمیش "لغتی-مکتب" یئر آلیب. ژورنالدا آ. توفیقین اورک یانغیسی ایله قلمه آلدیغی گیریش یازیسی خصوصیله دقتی جلب ائدیر. مؤلف مقاله‌سینده بو اینجه مقامی خصوصی وورغولاییر: "صابر بیزیم او قدر بؤیوک بیر شاعریمیزدیر کی اوندان سونرا، اونون یئرینه گلن هنوز یوخدور. مرحومون بؤیوکلویو اوراسیندادیر کی او شعریمیز اوچون باشقا بیر یول، تازه بیر جیغیر آچدی. اؤز وقتینده‌کی شاعرلره بو یولو گؤستردی. اونلارا بو یولدا اوستاد اولدو. گؤستردییی یول ایسه چوخ آیدین و غایت ده دوغرو اولدوغو اوچون هر کس دایانماقسیزین قبول ائتدی. صابر بودور."
تکجه آذربایجان ادبيّاتیندا دییل ائله دنیا ادبيّاتیندا دا منفی تیپلری اؤز دیلی ایله دانیشدیرماق اوسلوبونون ان قدرتلی نماینده‌لریندن اولان م.ع. صابرین 160 ایللیک یوبیلییی اؤلکه‌میزین ادبی-مدنی حیاتیندا علامت‌دار حادثه‌‌دیر. و بیز بو حادثه‌‌یه "مکتب" ژورنالی‌نین شاعر حاقیندا خصوصی نؤمره‌سینی چاپ ائتمکله تحفه وئرمیش م. فرقانیه "ساغ اول" دئییر و بو آددیمی بؤیوک شاعریمیزین روحونا احترام و صابر سئورلره گؤزل هديّه‌ کیمی قیمتلندیریریک.

https://t.me/Adabiyyatsevanlar

قاراباغ شیکسته‌سی
آیفا ائدیرلر:
بابک نئفتعلییو، ائلچین احمداوو و صبینه عربلی

https://t.me/Adabiyyatsevanlar

«میرزا علی اکبرطاهیرزاده» (صابیر)1862-1911

خرداد آینین 9ندا صابیر 161یاشیندا اولدو..

"‏میرزا علی اکبر طاهیرزاده" (صابیر): 161 یاشیندا ...
ادبیات سئونلر ساتیرامیزین، شعیریمیزین، اوشاق ادبیاتینین... گورکملی نوماینده سی، دونیا شوهرتلی شاعیری میرزا علی اکبر طاهیرزاده(صابیر)ین 161ایللیگینی قوتلو اولسون دئییر.
https://t.me/Adabiyyatsevanlar

بو کیشینی تانییان وارمی؟

https://t.me/Adabiyyatsevanlar

اوشاق ادبیاتی
اوشاق ادبیاتی هر هفته پنجشنبه گونو ادبیات سئونلر کانالیندا .
اوشاق ادبیاتینا دایر یازیلارینیزی بیزه گوندرین .

https://t.me/Adabiyyatsevanlar

اوشاق ادبیاتی
بابامیز:« میرزا علی اکبر طاهیرزاده» صابیرین
اوشاق ادبیاتینا یادیگار قویدوغو شعرلر اوشاق ادبیاتینین ان گوزل نمونه لریندن دیر. بو اثری ادبیات سئونلر کانالیندان دانلود ائده بیلرسینیز.

https://t.me/Adabiyyatsevanlar

اوشاق ادبیاتی
مکتب اوشاقلارینا تحفه
یازار:«میرزا علی اکبر طاهیرزاده» صابیر

دانلود

https://t.me/Adabiyyatsevanlar

اوشاق ادبیاتی
مکتب شرقیسی
شعیر:«میرزا علی اکبر صابر»

مکتب-مکتب نه دلگشاسان؟
جنت-جنت دئسم سزاسان!
شادام-شادام تفرجونده
الحق-الحق گؤزل بناسان!

عطرین-عطرین گول جناندیر
فیضین-فیضین حیات جاندیر
غنچه‌ن-غنچه‌ن صفای وجدان
نورون-نورون ضیاء فشاندیر!

طاهر-ظاهر هنرلرین وار
باهر، زاهر ثمرلرین وار
دریا-دریا تموجوندا
پارلاق-پارلاق گوهرلرین وار!

دفتر-دفتر خبرلرین وار
رهبر-رهبر اثرلرین وار
مشکین-مشکین قلملرینده
آهو-آهو نظرلرین وار!

همت-همت سنین‌له عالی
خاک وطن سنین‌له حالی
سن‌سن-سنسن عموم ناسین
نطقی، فکری، دیلی، مقالی!

گلشن-گلشن لطافتین وار
روشن-روشن سعادتین وار
واضح-واضح بیان‌لاریندا
شیرین-شیرین حکایتین وار!

اولسون-اولسون سنین‌له خوشحال
یئتسین-یئتسین کماله اطفال
گؤرسون-گؤرسون پسرلرینده
صابر-صابر پدرلر اقبال

!https://t.me/Adabiyyatsevanlar

اوشاق ادبیاتی
کارتون: یالانچی چوبان

https://t.me/Adabiyyatsevanlar

اوشاق ادبیاتی

آذربایجان افسانه لری
سؤیله ین:«صمد بهرنگی - بهروز دهقانی»
ییغجاملایان:« منیژه‌جم نژاد»

بیزووم

بو ناغیل یا مثلین فرقلی سؤیلنجه لری وار. بوردا ممقان سؤیلنجه سینی اوخورسوز. بونون گؤزل لییی تورکجه اوخوماسیندادی. او او٘زدن اونو چئویرمکدن گؤز یومموشوق. بو ناغیلین باشقا سؤیلنجه لرین ،متل ها و چیستان ها، ( تاپماجالار، قوشماجالار) کتابیندا اوخویاسیز. بو کتابین یازارلاری اولاری بیر کتابدا ییغیبلار.

بیر بیزووم واریدی
پیه ده یئری واریدی
آپاردیم سووراماغا
آیاغی بوزدان زویودو.
دئدیم: بوز سن نه دن گوجلوسن؟
دئدی: من گوژلی اولسایدیم، گون منی اریتمزدی
دئدیم: گون، سن نه دن گوژلی سن؟
دئدی: من گوژلی اولسایدیم، بولود او٘ستومو آلمازدی
دئدیم: بولود سن نه دن گوژلی سن؟
دئدی: من گو٘ژلی اولسایدیم، یاغیش مندن یاغمازیدی.
دئدیم: یاغیش سن نه دن گوژلی سن؟
دئدی: من گوژلی اولسایدیم، اوت مندن گؤیرمزدی
دئدیم: اوت سن نه دن گوژلی سن؟
دئدی: من گوژلی اولسایدیم، قویون منی یئمزدی.
دئدیم: قویون سن نه دن گوژلی سن؟
دئدی: من گوژلی اولسایدیم، قورد منی ییرتمازدی
دئدیم: قورد سن نه دن گوژلی سن؟
دئدی: من گو٘ژلی اولسایدیم، ایت منی قاومازدی
دئدیم: ایت سن نه دن گو٘ژلی سن؟
دئدی: من گو٘ژلی اولسایدیم، قری( قاری) منی اورمازدی( وورمازدی)
دئدیم: قری سن نه دن گو٘ژلی سن؟
دئدی: من گو٘ژلی اولسایدیم، سیچان بوغدامی آپارمازدی
دئدیم سیچان سن نه دن گوژلی سن؟
دئدی: من گو٘ژلی اولسایدیم، پیشیک منی توتمازدی
دئدیم: پیشیک سن نه دن گوژلی سن؟
دئدی: گوژلی یم ها، گوژلی یم!
دمیر داراق دیشلی یم!
کورسی آلتی قیشلاغیم دی
کورسی اوستو لیلاغیم دی( یایلاق)
خانم نمنه پیشیرسه،
اودا منیم قویماغیم دی.

https://t.me/Adabiyyatsevanlar

اوشاق ادبیاتی
اوشاقلارا اینانماق لازیمدیر...


https://t.me/Adabiyyatsevanlar

تبسسوم(حیکایه)
✍:«الوست بشیرلی»
کؤچورن:«سحرخیاوی»
حاضیرلایان:«ادبیات سئونلر»

"اونودولماز شاعیر دوستوم، صمیمی اینسان اوختای رضانین خاطیره‌سینه"

بیردن سینه‌سینده نه ایسه قیریلدی ائله‌ بیل. باشی آغیرلاشدی، گؤزلرینه تور گلدی. قولاغلاریندا اوغولتو قوپدو...
...اؤزونه گلنده چیرپینیب یئریندن قالخماق ایسته‌دی. آغریدان ترپنه بیلمه‌دی. نفسی تنگیدی. آرخاسی اوسته، گؤزلری تاوانا زیللنمیش حالدا اوزانا قالدی. بیردن باشینین اوستونده اونا باخان بیر جوت گؤز گؤردو. شفقت باجیسی‌نین ظریف سسینی ائشیتدی:
-- پروفسور،گوزلرینی آچدی.
-- هه، اؤزونه گلیر.
پروفسورون ملاییم سسینی ائشیدیب زاریدی:
-- آغریدان ترپنه بیلمیرم هئچ..‌.
پروفسور اونون الیندن توتوب یونگولجه سیخدی:
-- ناراحات اولمایین معالجه ائده‌ریک، ساغالارسینیز اینشاللاه.
***
تجربه‌لی طبیبین معالجه‌سی تئزلیک‌له اؤزونو گؤستردی. خسته تزه‌جه آیاق توتوب یئریمه‌یی اؤیره‌نن اوشاق کیمی پالاتادا کؤوره‌ک آددیملارینی آتیب، یورولاندا یاتاغیندا اوزانیردی.
پروفسورون مصلحتی ایله هر گون بئله‌جه تکرار اولونوردو. گون به گون باباتلاشیردی. آرتیق اونا دَیمه‌یه گلنلری یانینا بوراخیردیلار.
بیر گون شاعیر دوستو اؤزونه مخصوص های- کویله پالاتایا گیردی. اونو باغرینا باسیب سورغو- سؤوالا توتدو:
-- بیردن بیره نه اولدو سنه آخی؟! واللاه ائشیتدیم اینانمادیم. دئدیم اولا بیلمز، او کی ساپ- ساغلام، جیوه کیمی ایدی. همیشه حرکتده، تدبیرلرده، خئیر- شرده، مجلیس‌لرده...
-- اؤزوم ده معطل قالمیشام‌. یاخشی کی پروفسور معالجم ایله اوزو مشغولدور. ساغ اولسون هر گون قایغی گؤستریر. من ده یاواش- یاواش اوزه گلیرم دییه‌سن.
-- آللاها شوکور، گؤرورم یاخشیسان ماشاللاه. قارداش جانی الیم-آیاغیم یونگولدور. باخ الیم الینه دیدیمی، همیشه کی کیمی ساپ- ساغلام اولوب قوش کیمی اوچماق ایستیه‌جکسن...
-- هارایا؟ قازاخا، شیروانا، موغانا؟
تزه‌جه آیاق توتان خسته‌نین زارافات‌یانا سؤالی شاعیر دوستونو اوغوندوردو، چییین‌لرینی تیتره‌دیب غش ائتدی:
-- آی سنین مزه‌ن اولسون. همیشه دئییرم ده، سن باشدان- آیاغا یومورسان، صمیمیتسن، واللاه.
او آنی اولاراق سوسوب باخیشلارینی چارپاییدا بالینجا دیرسَکله‌نن خسته‌نین باشی اوستوندن مجهول نوقطه‌یه زیلله‌ییب خیالا دالدی ائله بیل:
-- سن دییه‌ن یئرلره ایلهام پریسی‌نین قانادلاریندا اوچاریق اینشاللاه. آمما هله‌لیک گَل یاخیندان باشلایاق. گونو صاباح تزه کیتابیمین تقدیماتینا سنی ده آپارماق ایسته‌ییرم. رأیینی بیلمک، سؤزونو ائشیتمک، اؤزون بیلیرسن منه نئجه خوشدور. هئچ ناراحات اولما، اؤز ماشینیمدا آپاریب گتیره‌جه‌یم بورا.
شاعیر باشینی بوللادی.
-- پروفسور اجازه وئرمیر. هئچ دهلیزه چیخماغا قویمور. چوخ جیددی دیر.-- دریندن کؤکسونو اؤتوروب عوذر خواهلیق ائتدی.-- باغیشلا سن آللاه، منه قالسا موطلق گله‌رم، اخلاقیمی بیلیرسن. آمما،-- الینی اوره‌یینین اوستونه قویدو، آمما قویمور بو. منی اَلدن سالیب.
واختیندا فیکیر وئرمه‌میشم. ایندی آلتینی چکیرم. بو یاندان دا تضییق آمان وئرمیر، هئی اویناییر، آشاغی- یوخاری...
***
او پروفسورون توصیه‌لرینه، مصلحت‌لرینه جان- باشلا عمل ائدیب سعی ایله معالجه اولونوب، گون به گون گومراهلاشیردی.
خصوصن گوندوزلر شاعیر دوستو دئمیشکن، اؤزونو قوش کیمی یونگول حیس ائدیردی. سان کی ایلهامینین قانادلاریندا گوزللیینه حئیران اولدوغو یئرلری گزیب- دولانیردی. ادبی مجلسلرده، یوبلئی طنطنه‌لرینده، تقدیمات مراسملرینده سؤزونو دئییب، شعرینی اوخویوردو. دوستلاری، پرستشکارلاری، شعر هوسکارلاری خاصیتینی یاخشی بیلیردیلر: اؤلکه‌نین هانسی بؤلگه‌سینده اولور اولسون-- یاخین، اوجقار اونون اوچون فرقی یوخ ایدی، ادبی مراسملرده موطلق اشتراک ائدیردی. ایندی یاشا دولوب آهیللاشسا دا بو عادتیندن ال چکمیردی.
ماشاللاه همیشه قیوراق گؤرونور، سؤز دئییب سویله‌ینده ایسه لاپ گومراهلاشیردی. و بیردن هئچ کیمین گؤزلمه‌دییی حالدا... آغیر خسته‌لندی.
درین یوخودان اویانمیش کیمی اؤزونه گلنده آجی- آجی فیکیرلشدی کی، اوره‌یی سوزونه باخمیر، نامردلیک ائدیر. دییه‌سن اونو یاری یولدا قویاجاق.
آنجاق پروفسور اونونلا راضیلاشمادی. عکسینه شاعیری قینادی: اوره‌یینی یورموسان، اینجیتمیسن-- دئدی.
اونو اونودوب سایا سالمامیسان، آغریسینا فیکیر وئرمه‌میسن، محل قویمامیسان، " اَششی کئچیب گئدر"، -- دییه آرخایین اولموسان اؤزونه، قورخموسان کی ایشین یاریمچیق قالار. همیشه هاراسا تلسمیسن..‌. و تلسه- تلسه اوره‌یینی یادیندان چیخارمیسان".

پروفسور یئترینجه دونیا گؤروشلو، معلوماتلی، بیلیکلی، کامیل اینسان، ضیالی ایدی. دالغالی گوموشو ساچی، یاراشیقلی گولر اوزو ائله بیل پالاتانی ایشیقلاندیریر، هر خسته‌ ایله اؤز آدامی کیمی گؤروشور، اوز دیلینده دانیشیر، اوره‌کلره یونگوللوک گتیرن اونسیت یارادیردی. شاعیرین خاطیرینی مخصوص ایسته‌ییب، گرگین ایش گونونون سونوندا اونونلا آرخایین اوره‌ک صحبتی ائدیردی. اؤزونون دئدییی کیمی " نادیر کیتابلاری چیراقلا آختاران"، مطالعه‌سیز کئچینمه‌ین پروفسورون غبطه ائدیلن حافظه‌سی وار ایدی.
صحبت اثناسیندا یادداشیندا داشلاشان آفوریزملری*، حکمتلی سؤزلری یئرلی یئرینده ایشلدیردی.
بیر دفعه صحبتین شیرین یئرینده او، شاعیره ظن ایله باخیب اؤزونه مخصوص آوازلا سینه‌دن دئدی:

وطنین مرد قیزی، اوغلو قوجالماز
تورپاغا کؤکویله باغلی قوجالماز!
نورلو صیفتینه قیریش قونسا دا
مودریک آداملارین عاغلی قوجالماز!
***
شاعیر بویوک حؤرمت بسله‌دییی طبیبه کؤورک سس ایله مینتدارلیغینی بیلدیردی:
- ساغ اولون، پروفسور، سیز منی سورپریز ائتدینیز. هئچ بیلمزدیم کی، سینه دفترینیزده منیم ده شعریم، روباعیم وار.
-- نییه ده اولماسین؟ گوزل دئییبسیز:
" نورلو صیفتینه قیریش قونسا دا/ مودریک آداملارین عاغلی قوجالماز!".

او سؤزونه آرا وئریب نفسینی دَردی:
-- سیز بایاقدان آذربایجانی قاریش- قاریش گزمه‌یینیزدن، قلم دوستلارینیزلا بیرلیکده مختلف تدبیرلرده اشتراکینیزدان، اوخوجولارلا گؤروشلرینیزدن ائله ماراقلا دانیشیرسینیز کی، آدام اؤزونو طبیعتین بیربیریندن گؤزل گوشه‌لرینده حیس ائدیر. آمما دئیه‌نده کی خسته‌خانادان چیخاندان سونرا یئنه همین یئرلره گئتمک ایسته‌ییرسینیز، تعجوبلندیم.
-- بورادا تعجوبلو نه وار کی؟!
-- اصلینه قالسا هئچ نه! آدام داها چوخ گزمک، گؤرمک، گوزللیکدن ذوق آلماق ایسته‌ییر. ایللاه دا صنعت آدامی. شاعیر. سیزین کیمی طبیعت، گؤزللیک وورغونو اولان. آنجاق...- او بارماقلارینی داراقلاییب آلنینا تؤکولن گوموشو بیاض ساچینی یاتیمینا سیغاللادی،- آنجاق سیزه دؤنه- دؤنه دئدیکلریمی هئچ واخت اونوتمایین: نه یاش او یاشدیر، نه ده اوره‌ک او اوره‌ک، ائنیب- قالخان قان تضییقی، دویغولاناراق اسیب- جوشان عصبلرینیز ده همچنین.- پروفسور آنی اولاراق سوسوب سؤزونه داوام ائتدی.- ائله بیلمه‌یین کی، سیزینله سَرت دانیشیرام. خئیر، اولانی دئییرم. بو منیم طبیب کیمی بورجومدور.

البته باشا دوشورم سیزی، اؤزونوزو قوش کیمی یونگول حیس ائدیرسینیز، آمما- اونون اوزو خوش تبسسومله ایشیقلاندی، ارکله، آمما اوچماق اولماز قوش کیمی. ساده جه یئریمک گرک دیر. اؤزو ده آستا- نارین آددیملارلا، تلسمه‌دن. داها جاوان یازارلارا قوشولوب داغلارا دیرمانماق، نفسی تنگیدن اوزاق یوللار یورغونو اولماق، مجلس‌لرده قدحلری جینگیلده‌دیب ساغلاملیغی ایتیرمک سیزه یاراماز. مصلحت گؤرورم، حیات طرزینیزی یاشینیزا، صحتینیزه اویغونلاشدیرین. مومکون قدر یاخین یئرلره، تدبیرلره گئدین.
پروفسورا دیققتله قولاق آسان شاعیر آرتیردی: -- سؤزونوزون قوووتی، بورایا خسته‌خانایا ان یاخین یئر ناتوان کلوبودور. اجازه وئرسه‌یدینیز گئدیب قلم دوستومون یوبلئی تدبیرینده اشتراک ائدردیم.
او، اؤزونه مخصوص تمکین‌له دئدی:
- سیز تامام ساغالمامیسینیز هله. گوندوزلر احوالینیز یاخشیلاشسا دا، گئجه‌لر آغریلارینیز اولور. گرک معالجه‌نیزی باشا چاتدیراق.
شاعیر فیکیرلی حالدا اعتراف ائتدی:
- دوغرودور، یاخشی یاتا بیلمیرم، گئجه‌لر آغریلاریم تزه‌دن باشلاییر ائله‌ بیل.
پروفسور اونو محرم نظرلرله سوزوب:
- سیز اولدوقجا دویغولو، طبیعتن ناراحات آدامسینیز-- دئدی- هر شئیی اوره‌یینیزه سالیب، ایچینیزده اؤزونوزو قیناییب، دانلاییرسینیز: نییه خسته‌لندیم، فلان یئره گئده بیلمه‌دیم، سؤزومو دئمه‌دیم، ایشیم تؤکولوب قالدی.
-- سوال دولو گوزلرینی شاعیره تیکدی.-- مگر بئله دئییل؟
شاعیر سوچلو- سوچلو باشینی ترپتدی:
- ائله‌دیر، اوره‌ییمی اوخویورسونوز ائله بیل.
- خواهیش ائدیرم اؤزونوزو اَله آلین، صبرلی، حووصله‌لی اولون. سیزی امین ائدیرم اوره‌یینیز کیمی عصبلرینیزین ده معالجه‌سی اؤز نتیجه‌سینی وئره‌جک. تامام ساغالاجاقسینیز و...- یاری زارافات، یاری گئرچک- و ایلهام پریسی یئنه یازیب- یاراتماغا روحلاندیراجاق سیزی! -- دئدی.
***
پروفسورون سؤیله‌دییی کیمی ده اولدو. شاعیر ساغالیب ائوینه گلدی. گئجه آغریلاری داها اونو ناراحات ائتمیردی. راحات یاتیردی. بیر گئجه یوخوسوندا سمانین انگین‌لیینده قوش کیمی سوزن بیاض بیر گوزل گؤردو. گؤزلری قاماشدی، غفلتن یوخودان آییلیب غیر ارادی یوخارییا بویلاندی. " دییه‌سن یوخودا گؤردویوم ایلهام پریسی ایدی"، فیکریندن کئچیردی، شاعیر دوستو ایله صحبتینی خاطیرلادی.

سحر تئلفون زنگ چالدی. الینی اوزادیب دسته‌یی گؤتوردو. رایوندا یاشایان شاعیر دوستونون سسینی ائشیتدی:
- صاباحین خئییر آقارداش، اولماسین آزار. ائشیتدیم خسته‌لنمیسن، گلمیشم سنه دَیمه‌یه. ایندیجه کوشک‌دن قزئت آلمیشام. تزه شعرلرینی گؤروب چوخ سئویندیم. شاعیر دوستوموز عادل جمالین سنه اتحاف ائتدییی شعر یامان خوشوما گلدی. قوی بیر بندینی سنینچون اوخویوم:

بیلیرم کی، خبرین وار
یئر قاتیندان، گوی قاتیندان
طالع سنی دوشورمه‌سین
ایلهامینین سؤز آتیندان

سون: " او، ایلهامین سؤز آتیندان" دوشمه‌دی، خاصیتینی دَییشمه‌دی، اوره‌یی ایسته‌دییی کیمی گزیب- دولاندی، یازیچیلار بیرلیینین ناتوان کلوبوندان همیشه سسی گلدی، دوستلار ایله یئییب- ایچدی. ائوه گلدی، یوخویا گئتدی، ابدی یوخویا...
عاقیل عابباسین دئدییی کیمی. ساغلیغیندا هئچ کیمی اینجیتمه‌میشدی، دونیاسینی دَییشنده ده بئله اولدو.
یازیچیلار بیرلیینین تدبیرلرینده اونون یئری گؤرونور، اوختای رضانی خاطیرلایاندا اوزلره تبسسوم قونور...

https://t.me/Adabiyyatsevanlar

‏قارا گؤزلوم...

https://t.me/Adabiyyatsevanlar

طنز: نویسنده:«آرت "آرتور" بوخوالد»
طنزنویس مشهور آمریکایی

نباید اخبار ناگوار را به یکباره به شنونده گفت😁

مرد ثروتمندی مباشر خود را برای سرکشی اوضاع فرستاده بود.
پس از مراجعه پرسید:

-جرج از خانه چه خبر؟
-خبر خوشی ندارم قربان سگ شما مرد.

-سگ بیچاره پس او مرد. چه چیز باعث مرگ او شد؟
-پرخوری قربان!

-پرخوری؟ مگه چه غذایی به او دادید که تا این اندازه دوست داشت؟
-گوشت اسب قربان و همین باعث مرگش شد.

-این همه گوشت اسب از کجا آوردید؟
-همه اسب‌های پدرتان مردند قربان

-چه گفتی؟ همه آنها مردند؟
- بله قربان. همه آنها از کار زیادی مردند.

-برای چه این قدر کار کردند؟
-برای اینکه آب بیاورند قربان!

-گفتی آب آب برای چه؟
-برای اینکه آتش را خاموش کنند قربان!

-کدام آتش را؟
-آه قربان! خانه پدر شما سوخت و خاکستر شد.

-پس خانه پدرم سوخت!
علت آتش سوزی چه بود؟
-فکر می‌کنم که شعله شمع باعث این کار شد. قربان!

-گفتی شمع؟ کدام شمع؟
-شمع هایی که برای تشیع جنازه مادرتان استفاده شد قربان!

-مادرم هم مرد؟
-بله قربان. زن بیچاره پس از وقوع آن حادثه سرش را زمین گذاشت و دیگر بلند نشد قربان.!

-کدام حادثه؟
-حادثه مرگ پدرتان قربان!

-پدرم هم مرد؟
-بله قربان. مرد بیچاره همین که آن خبر را شنید زندگی را بدرود گفت.

-کدام خبر را؟
-خبر های بدی قربان. بانک شما ورشکست شد.

اعتبار شما از بین رفت و حالا بیش از یک سنت تو این دنیا ارزش ندارید.
من جسارت کردم قربان خواستم خبر‌ها را هر چه زودتر به شما اطلاع بدهم قربان!

https://t.me/Adabiyyatsevanlar

طنز:«اوستاد کریمی مراغه ای»


https://t.me/Adabiyyatsevanlar

«بهروز_صديق»

"يالقيز آغاج دوستلوغوندا"

گئديشى نين آدديم ايزين
ديزين _ديزين
ايزله ييرم
ايتگين دوشموش، سوتول آرزوم
هئى يولونو گؤزله ييرم...

هانسى يوللار آزميشى سان؟
هانسى يوللار؟!

يول اوستونده
خزان ووُرموش
يالقيز آغاج
دوْستلوغوندا
دورموشام من

قورخو دوغان
بو يوللارا
بويلانيرام

و كؤلگه مده
قويلانيرام



https://t.me/Adabiyyatsevanlar