‌‏،سسلی شعیر گئجه سی 1401/3/7
شعیر: بابا وزیر اوغلو
سس: آیسو زنگانلی

https://t.me/Adabiyyatsevanlar

سسلی شعیر گئجه سی 14001/3/7
سس و سوز: کریم احمدیان «شاهید»

https://t.me/Adabiyyatsevanlar

23.mp4سسلی شعیر گئجه سی 14001/3/7
سس و سوز: علیرضا میانلی

https://t.me/Adabiyyatsevanlar

سسلی شعیر گئجه سی 1401/3/7
شعیر: نصرت کسمنلی
سس: سکینه تاران

https://t.me/Adabiyyatsevanlar

«طالع حمید»

منی بو کوچه ده بیر قیش گؤزله‌ییر
بیرده کی، اوزاقدا گیزلنن سوکوت
منی بو کوچه ده یاغیش گؤزله‌ییر
بیر ده گؤزلرینده گیزلنن بولود

بو کوچه هیجرانمیش من دادا بیلدیم
بیر گونو، بیر ایلی اونودا بیلدیم
دوننین اوجاغی کول تپه‌سیمیش
بیر آز گئج اولسا دا بونو دا بیلدیم

اؤزوم ائشیدیرم ایندی سسیمی
سود تک خاطیره‌لر قارانلیقلاشیب
یاندیر ایشیقلاری سن مایاق کیمی
عؤمرون دوننینده بیر اوغلان چاشیب

چاشیب کوچه‌نیزین قارانلیغیندا
گؤزوندن بیر سیسقا ایشیق ساچیلیر
چاشیب بیر سئوگی‌نین تورانلیغیندا
هله بیر اوره‌ک ده صاباح آچیلیر

صؤحبته توتورام دؤنوب قلبیمی
اوزاقدان ساچیمی اوخشاییر بیر مئه
اوز اوزه گلیریک یاد آدام کیمی
منی تانیماییر داها او طالع


https://t.me/Adabiyyatsevanlar

«میرزا_علی‌اکبر_صابر»

ترپنمه آماندیر، بالا، غفلتدن آییلما!
آچما گؤزونو، خواب جهالتدن آییلما!

لای لای، بالا، لای لای
یات، قال دالا، لای لای!


آلدانما، آییقلیقدا فراغت اولا هیهات!
غفلتده کئچنلر کیمی لذت اولا هیهات!
بیدار اولانین باشی سلامت اولا، هیهات!
آت باشینی یات، بستر راحتدن آییلما!

لای لای، بالا، لای لای
یات، قال دالا، لای لای!


آچسان گؤزونو رنج، مشقت گؤره‌جکسن
ملتده غم، امتده کدورت گؤره‌جکسن
قیلدیقجا نظر ملته حیرت گؤره‌جکسن
چک باشینا یورغانینی، نکبتدن آییلما!

لای لای، بالا، لای لای
یات، قال دالا، لای لای!

بیر لحظه آییلدینسا قوتار جانینی، یوخلا
آت تریاکینی، چک،‌بابا قلیانینی، یوخلا
اینجینسه ساغین وئر یئره سول یانینی، یوخلا
ایللرجه شعار ائتدیگین عادتدن آییلما!

لای لای، بالا، لای لای
یات، قال دالا، لای لای!


گؤز نوری‌دیر اویقو، اونو، دور ائتمه گؤزوندن
یول وئرمه مبادا چیخا بیر لحظه سؤزوندن
اما ائله برک یوخلاکی، حتی گئت اوزوندن
آفاقی دوتان شور و قیامتدن آییلما!

لای لای، بالا، لای لای
یات، قال دالا، لای لای!

https://t.me/Adabiyyatsevanlar

«ثریا_خلیق_خیاوی»

🔷آهتاب آمد

به: دکتر #رضا_براهنی


نخواستیم بیاید، نخواستیم
و آهتاب سرزده آمد
درست پنجم فروردین
آهید در جهان
آهید در کوچه‌های تب/ریز
سه حرف را
" به روی کاغذ و دیوار و سنگ و خاک"¹
کنار نام تو حک کرد
تلفیق این سه حرف
هموزن سنگ بود

"میدان ساعت"² اما
ساعت نبود دف بود
دف‌تاک‌ تاک تاک ک‌‌ک‌ک
دف‌تیک‌ تیک تیک ک‌ک‌ک‌
دف تاک‌ک
دف تیک‌ک...

شعری بلند شد
شعری کلاه برداشت:
او را با گونه‌های من
به خاک گذارید

من آن سه حرف را
هرگز
در محضر نام تو تلفظ نمی‌کنم

ای ردّ پات دریا
ماشین‌ قتل‌داری
در جای جای پای تو
هی خاک خاک خاک...
اما چون روز روشن است
که ناف شهر را
در طی سالیان
با "رازهای سرزمین من"³ بریده‌اند
و ناف شعر را
با طلا.

و آهتاب سرزده آمد
اینجا ۱۳۷۷ بار
" خانه سیاه است"⁴
ای کاش آفتاب بیاید
ای کاش آ...

۱. مصرعی از براهنی
۲.میدان ساعت تبریز
۳.رمانی از براهنی
۴. نام فیلم فروغ فرخزاد

به نقل از: شماره‌ی پنجم مجله‌ی هنر و جامعه، بهار ۱۴۰۱

https://t.me/Adabiyyatsevanlar

‏جان مریم...
!

https://t.me/Adabiyyatsevanlar

همکاری مجله ایشیق و دیجی‌کالا

با همکاری سایت دیجی‌کالا، امکان خرید تمامی شماره‌های مجله ایشیق از طریق این فروشگاه اینترنتی فراهم شد.

بر این اساس مخاطبان مجله ایشیق می‌توانند تمامی نسخه‌های منتشرشده مجله ایشیق را از تمام نقاط ایران سفارش بدهند و با ارسال رایگان درب منزل دریافت کنند. علاقه‌مندان باید برای اعمال ارسال رایگان، هنگام خرید از کد تخفیف freeshippingmagazines استفاده کنند.

شماره‌های منتشر‌شده مجله ایشیق تاکنون در این آدرس قابل دسترسی است:
https://www.digikala.com/brand/ishiq/

https://t.me/Adabiyyatsevanlar

رضوان حاجی قاسملو«جانای»

یوردوم سنی از بس دیله‌دیم شعر گؤزوندن
یوخسول‌دو قلم‌لر یاشادیر دردی سؤزوندن

سالدین ایراغا گؤیلومو، دردیم تزه‌لندی
وورغوندو بو چیلغین قاداسی سیلمه ایزیندن

گؤیچک‌دی دالینجا سورونن گؤی کپه‌نک‌لر
یازدا قار آلیب زیروه‌لری گؤزله دیزیندن

قیقاجی باخیردین اوره‌ییم تئل تئل اوچوردو
بیر دالغا بورونموشدو منه سؤز دنیزیندن

گؤزلردن آخیردیم دولانارکن گئجه‌لرده
مین ایز قویاراق، دَیمه-توشرلر بنیزیندن

من بیر جان‌آی اولدوم دا ایشیقلیق دیله‌دیم ده
یوردوم سنی از بس دیله‌دیم شعر گؤزوندن

https://t.me/Adabiyyatsevanlar

«مجتبی نهانی»

گئجه‌لریمه اولدوزلارینی سپیرسن
دن دن باخیرام سندن سوزولن گؤزللیگیه

اوزاقداسان آما یاخینیمداسان
حالیمه گولن‌لر وار
اولا بیلر منی بیلمه‌یه‌ن‌لر بئله دوشونه بیلرلر

سسینه توتقونام
گؤزلرینه وورولموشام
بیتمز بو دلی‌لیک
حیاتیمین سونسوز دوغروسوسان
سئویرم سنی دنیز کیمی، سن کیمی
*
به شب‌هایم ستاره‌هایت را می‌پاشی
قطره قطره خیره می‌شوم به زیبایی‌ای که از تو جاری می‌شود

در دوردست‌هایی اما نزدیکم هستی
کسانی هستند که به حالم می‌خندند
آن‌هایی که مرا نمی‌شناسند
می‌توانند چنین فکر کنند
مهم نیست

شیفته‌ی صدایت هستم
عاشق چشم‌هایت شده‌ام
این دیوانگی را پایانی نیست
دُرُستِ ابدیِ زندگی‌ام هستی
دوست دارم تو را چون دریا، چون خود تو

https://t.me/Adabiyyatsevanlar

«مریم_قربان_زاده»

یازدیم
و ساریلدیم
قوخوسوندا تورپاق گؤیرمیش یاغیشین گؤز ببک لرینه
و تانری
اللری جئبلرینده تیکیلمیش بولودلارا
گؤی قورشاغیلا سئحیر بازلیق ائدیر
اؤزله دیم سنی
اؤلومو اؤزلرجه سینه
سئودیم سنی
عیصیانی سئورجه سینه
گؤزله مک
گؤز ببک لریمده تومورجوقلاییب ساورولمادان اؤنجه
سنه قاییداجاغام
بیر قیرپیم گؤز وئر منه
ایشیغیم
ساچلارینین قارانلیقلاریندا
گیزلن قاچ اویناسین


https://t.me/Adabiyyatsevanlar

مِی آیێ‌نێن 30. ساتیرامیزین دونیا شهرتلی نوماینده سی، طنزیمیزین، اجتماعی شعریمیزین آتاسی «میرزا علی‌اکبر طاهیرزاده» صابرین دوْغۇم گۆنۆدۆر بوگون ائله-وطنه اولمز صابیرین شرفینه قوتلو اولسون.

یازار:«قولو محرّملی» فیلولوگییا علملری دکترو، پروفسورو.
 کوچورن:« ویدا حشمتی»
حاضیرلایان:«ادبیات سئونلر»

ملّی اویانیش، هومانیزم، مثبت ایده‌آللار و دموکراتیک ديرلرین فداکار جارچیلاریندان اولان م.ع. صابر ملّی ادبيّاتیمیزدا تکجه ساتیریک پوئزییا و تنقیدی رئالیزمین کلاسیک نماینده‌سی دییل، هم ده بیر-بیریندن گؤزل اوشاق شعرلری‌نین مؤلفی کیمی تانینیر. او یوکسک پداگوژی تجروبه‌سی و دویومو اولان بیر معلّم کیمی اوشاقلارین پسیکولوگییاسینا، اونلارین ماراق دونیاسینا گؤزل بلد ایدی و بو سببدن ده یازدیغی بیر-بیریندن گؤزل شعرلری بو گون ده سئویله-سئویله اوخونور. آذربایجان اوشاق ادبيّاتی‌نین نادر اینجیلریندن اولان"یاز گونلری" "مکتب شرقیسی", "اوشاق و بوز"جوتجو" کیمی شعرلر م.ع. صابرین یوکسک مشاهده قابلیّتیندن، اونون اوشاق پسیکولوگییاسینا نئجه دریندن...
بو یازینین آردینی ادبیات سئونلر کانالیندا اوخویون.

https://t.me/Adabiyyatsevanlar

«میرزا علی‌اکبر صابر» -160یاشیندا

صابر یارادیجیلیغی حاقیندا 
یازار:«قولو محرّملی» فیلولوگییا علملری دکترو، پروفسورو.
 کوچورن:« ویدا حشمتی»
حاضیرلایان:«ادبیات سئونلر»

ملّی اویانیش، هومانیزم، مثبت ایده‌آللار و دموکراتیک ديرلرین فداکار جارچیلاریندان اولان م.ع. صابر ملّی ادبيّاتیمیزدا تکجه ساتیریک پوئزییا و تنقیدی رئالیزمین کلاسیک نماینده‌سی دییل، هم ده بیر-بیریندن گؤزل اوشاق شعرلری‌نین مؤلفی کیمی تانینیر. او یوکسک پداگوژی تجروبه‌سی و دویومو اولان بیر معلّم کیمی اوشاقلارین پسیکولوگییاسینا، اونلارین ماراق دونیاسینا گؤزل بلد ایدی و بو سببدن ده یازدیغی بیر-بیریندن گؤزل شعرلری بو گون ده سئویله-سئویله اوخونور. آذربایجان اوشاق ادبيّاتی‌نین نادر اینجیلریندن اولان"یاز گونلری" "مکتب شرقیسی", "اوشاق و بوز"، "جوتجو" کیمی شعرلر م.ع. صابرین یوکسک مشاهده قابلیّتیندن، اونون اوشاق پسیکولوگییاسینا نئجه دریندن بلد اولماسیندان، اوشاقلار اوچون ماراقلی گؤرونن مطلب و سیتوآسییالارین نئجه اینجه بیر دیلده و مهارتله ایفاده ائتمه‌سیندن خبر وئرمکله یاناشی، هم ده اینسانلاری دوشونمه‌یه، ائتدیکلری عملدن نتیجه چیخارماغا سسله ییر.
"هر ایشین ابتداسی تربیه‌دیر" دئین بؤیوک شاعریمیزین اوشاقلارین تعلیم تربیه‌سی اوچون والیدین‌لرله معلّملرین وحدت حالیندا چالیشمالارینی وورغولاییردی. صابر ایستر ساتیریک دیلله، ایسترسه ده ساده شکیلده یازدیغی شعرلرینده اوشاقلارین لایقلی وطنداش کیمی یئتیشمه‌لری اوچون اونلارا خصوصی حساسلیق قایغی و دقتله یاناشیر. گنج نسلین جهالت قربانی اولماماسی اوچون تحصیلین واجیبلییی فیکرینی دؤنه-دؤنه وورغولاییردی. دقتی جلب ائدن جهتلردن بیری ده اودور کی، عمومیّتله معاریفچی و-اینقیلابی دموکراتیک ادبی جریانین گؤرکملی نماینده‌لریندن اولان م.ع. صابرین اثرلری‌نین چوخ حیصّه‌‌سی مکتب، معارف مسئله‌لرینه حصر اولونموش، اونلاردا اوشاقلارین ملّی روحدا تربیه‌لنمه‌سی، اونلارا مثبت اخلاقی-معنوی وردیشلرین آشیلانماسی ترنّم ائدیلمیشدیر.                                                      
م.ع. صابرین ایلک اوشاق شعری اولان "مکتب شرقیسی" مطبوعات تاریخیمیزده اؤنملی یئر توتان "دبیستان" ژورنالینین 17-جی نؤمره سینده (1907) چاپ اولونموشدور. شاعرین  مکتبی جنّته،چ بنزه‌دن، علمه بیلیک اوجاغینا توکنمز سئوگی آشیلایان بو شعری اوشاقلارین سونرادان سئوه-سئوه اوخودوقلاری، دیللر ازبری اولان شعرلریندن ایدی.
همین دؤورده آغیر خسته اولماسینا باخمایاراق قدرتلی شاعر زامانین طلبینی علم-معارفین میللته فایداسینی نظره آلاراق اوشاقلارین یاش و قاوراییش سويّه‌سینه اویغون اولان، اونلارین روحونو اوخشاییب ذکالارینی ایشیقلاندیراجاق شعرلر.چ یازیردی. بونا گؤره ده همین دورون مطبوع اورگانلاری او جومله‌‌دن اوشاق نشرلری م.ع. صابر یارادیجیلیغینا بؤیوک دقت یئتیریر. اونون شعرلرینی تبلیغ ائدیردیلر. بو نشرلر ایچه‌ریسینده "مکتب" ژورنالینی آیریجا قئید ائتمک اولار. بؤیوک شاعرین وفاتیندان بیر نئچه آی سونرا نشره باشلامیش بو ژورنال اؤز صحیفه‌‌لرینده متمادی اولاراق صابر یارادیجیلیغینا گئنیش یئر وئریر. شعرلرینی تکرار-تکرار نشر ائدیردی. ژورنال میرزا علی اکبر صابرین خاطیره‌سینی عزیز توتماغی اؤزونه بیر نوع معنوی بورج بیلیردی.
آذربایجان اوشاق مطبوعاتی‌نین خصوصی مرحله‌‌سی ساییلان "مکتب"  ژورنالی‌نین یارادیجی هئیتی‌نین بؤیوک صابره یوکسک دير وئرمه‌لرینین نتیجه‌سی ایدی کی، ژورنالین ائله ایلک نؤمر‌لریندن باشلایاراق م.ع‌. صابر ارثی اونون صحیفه‌‌لرینده تبلیغ ائدیلیردی. شاعرین "مکتبلیلره تؤحفه" سلسله‌سیندن یازدیغی شعرلرین بؤیوک اکثريّتی "مکتب اوشاقلارینا تحفه"، "مکتبه تبلیغ"، " چاوشاق و بوز "، "یاز گونلری" " قارغا وتولکو" "طبیب خسته" "جاموشچو و سئل" و.س 1911-1913-جو ایللرده "مکتب" ژورنالیندا تکرار چاپ اولونموشدور.
بوندان باشقا "مکتب"چیلر م.ع. صابرین وفاتینین ایکی ایللییی مناسبتی‌له (1913 چ-جو ایل، 12 اییول 11-جی نؤمره) ژورنالین خصوصی بوراخیلیشینی حاضرلامیشلار. همین نؤمره‌ده شاعرین گئنیش،چ بیوگرافی‌سی یارادیجیلیغی و ملّته خدمتلری حاقیندا گئنیش معلومات وئریلدییی اوچون چوخ قیمتلی علمی منبع ساییلا بیلر. بونو نظره آلان "مکتب" ژورنالینین، دقیقاتچیسی دوکتورانت فرقانه ملیکووا خیرخواه و گرکلی بیر تشبّث گؤستره‌رک همین خصوصی نؤمره‌نی ترانسلیتئراسییا ائده‌رک چاپ اوچون حاضرلامیشدیر.

م.ع. صابرین ابديّته قوووشماسی‌نین ایکینجی ایل دؤنومونه حصر اولونموش "مکتب"ین همین خصوصی بوراخیلیشی پداگوگ عبدالرحمان توفیق افندیزاده نین "صابر" مقاله‌سی ایله آچیلیر. بورادا "مرحوم م.ع. صابرین ترجمه‌‌ی حالی" ایله باغلی گئنیش مقاله آ.صحّتین "صابیر" شعری م.ع.

صابرین "یالانچی چوبان"، "اوخوتمورام ال چکین" شعرلری، دیگر معلوماتلار و سوندا بوتون نؤمره‌لرده عنعنه‌وی اولاراق وئریلمیش "لغتی-مکتب" یئر آلیب. ژورنالدا آ. توفیقین اورک یانغیسی ایله قلمه آلدیغی گیریش یازیسی خصوصیله دقتی جلب ائدیر. مؤلف مقاله‌سینده بو اینجه مقامی خصوصی وورغولاییر: "صابر بیزیم او قدر بؤیوک بیر شاعریمیزدیر کی اوندان سونرا، اونون یئرینه گلن هنوز یوخدور. مرحومون بؤیوکلویو اوراسیندادیر کی او شعریمیز اوچون باشقا بیر یول، تازه بیر جیغیر آچدی. اؤز وقتینده‌کی شاعرلره بو یولو گؤستردی. اونلارا بو یولدا اوستاد اولدو. گؤستردییی یول ایسه چوخ آیدین و غایت ده دوغرو اولدوغو اوچون هر کس دایانماقسیزین قبول ائتدی. صابر بودور."
تکجه آذربایجان ادبيّاتیندا دییل ائله دنیا ادبيّاتیندا دا منفی تیپلری اؤز دیلی ایله دانیشدیرماق اوسلوبونون ان قدرتلی نماینده‌لریندن اولان م.ع. صابرین 160 ایللیک یوبیلییی اؤلکه‌میزین ادبی-مدنی حیاتیندا علامت‌دار حادثه‌‌دیر. و بیز بو حادثه‌‌یه "مکتب" ژورنالی‌نین شاعر حاقیندا خصوصی نؤمره‌سینی چاپ ائتمکله تحفه وئرمیش م. فرقانیه "ساغ اول" دئییر و بو آددیمی بؤیوک شاعریمیزین روحونا احترام و صابر سئورلره گؤزل هديّه‌ کیمی قیمتلندیریریک.

https://t.me/Adabiyyatsevanlar

قاراباغ شیکسته‌سی
آیفا ائدیرلر:
بابک نئفتعلییو، ائلچین احمداوو و صبینه عربلی

https://t.me/Adabiyyatsevanlar

«میرزا علی اکبرطاهیرزاده» (صابیر)1862-1911

خرداد آینین 9ندا صابیر 161یاشیندا اولدو..

"‏میرزا علی اکبر طاهیرزاده" (صابیر): 161 یاشیندا ...
ادبیات سئونلر ساتیرامیزین، شعیریمیزین، اوشاق ادبیاتینین... گورکملی نوماینده سی، دونیا شوهرتلی شاعیری میرزا علی اکبر طاهیرزاده(صابیر)ین 161ایللیگینی قوتلو اولسون دئییر.
https://t.me/Adabiyyatsevanlar

بو کیشینی تانییان وارمی؟

https://t.me/Adabiyyatsevanlar

اوشاق ادبیاتی
اوشاق ادبیاتی هر هفته پنجشنبه گونو ادبیات سئونلر کانالیندا .
اوشاق ادبیاتینا دایر یازیلارینیزی بیزه گوندرین .

https://t.me/Adabiyyatsevanlar

اوشاق ادبیاتی
بابامیز:« میرزا علی اکبر طاهیرزاده» صابیرین
اوشاق ادبیاتینا یادیگار قویدوغو شعرلر اوشاق ادبیاتینین ان گوزل نمونه لریندن دیر. بو اثری ادبیات سئونلر کانالیندان دانلود ائده بیلرسینیز.

https://t.me/Adabiyyatsevanlar

اوشاق ادبیاتی
مکتب اوشاقلارینا تحفه
یازار:«میرزا علی اکبر طاهیرزاده» صابیر

دانلود

https://t.me/Adabiyyatsevanlar