شعر : کامیل قهرمان اوغلو
سس: الناز کریمپورایکینجی غالیب 2-2
https://t.me/Adabiyyatsevanlar

کوسدوم , کوسدوم ...
https://t.me/Adabiyyatsevanlar

✅✅✅✅سایین کانالداشلار
بو گئجه 96/08/30 ساعات 21/30 ( ادبیات گئجه لری ) اوستاد دوکتور رحمانی نین اوزمانلیغی ایله ادبیات سئونلر کانالیندان یایلاجاق عزیز دوستلاری سیجاق قاتیلماغا دعوت ائدیریک.🌸🌸🌸
https://t.me/Adabiyyatsevanlar

ادبیات گئجه لری ایکینجی حلسه 96/08/30
آپاریجی : کریم قربانزاده
https://t.me/Adabiyyatsevanlar

ادبیات گئجه لری 2 - اینجی جلسه 96/08/30
دانیشیر: اوستاد دوکتور رحمانی
https://t.me/Adabiyyatsevanlar

ادبیات گئجه لری 2- اینجی جلسه 96/08/30
دانیشیر : اوستاد دکتور رحمانی
https://t.me/Adabiyyatsevanlar

ادبیات گئجه لری 2- اینجی جلسه 96/08/30
دانیشیر : اوستاد دوکتور رحمانی
https://t.me/Adabiyyatsevanlar

ادبیات گئجه لری 2- اینجی جلسه 96/08/30
دانیشیر : اوستاد دوکتور رحمانی
https://t.me/Adabiyyatsevanlar

ادبیات گئجه لری 2-اینجی جلسه 96/08/30
دانیشیر : اوستاد دوکتور رحمانی
https://t.me/Adabiyyatsevanlar

ادبیات گئجه لری 2- اینجی جلسه 96/08/30
دانیشیر: اوستاد دوکتور رحمانی
https://t.me/Adabiyyatsevanlar

ادبیات گئجه لری 2- اینجی جلسه 96/08/30
دانیشیر : اوستاد دوکتور رحمانی
https://t.me/Adabiyyatsevanlar

ادبیات کئجه لری 2- اینجی جلسه 96/08/30
دانیشیر : اوستاد دوکتور رحمانی
https://t.me/Adabiyyatsevanlar

✅✅✅✅سایین کانالداشلار
چهارشنبه گونلری ادبیات سئونلر کانالیندا یالنیز نثر یازیلارین پایلاشیریق .🌸🌸🌸

طنز
بویوک آغا افندی

آژان قولي

آخشام چاغی ایش دن گليرديم. دربندين باشينداگوزوم محلله نین گوپچولارینا ساتاشدی .گوپون بازاری دام داغدی . صادیرات دئییل کی 50 مین قانونی اولسون.جینسین بیرایل گومروک ده قالاآخیردا دا تیتدیا توکه سن ائشییه. یئردیم یاخینا گؤردوم آژان قولي چوپورحوسينه دئيير:او بیر زاددئيیل کی ,اؤلارآغا , اولار .من اونناندا رهلی سینه راست گلمیشم . الله سیزه ده قیسمت ائله سین بيلديریایدا آرواد اوشاغینان گئدیردیک مئشده تهرانین اوتازا دوزلدن ترمینالیندا قديمي همكلاسيلاریمین بیرینه راس گلديک ,باخماکی بیزه بیر پوخ اولمادیق
آغا خلبانيدي. خلبانی گئینمیشدی. ائلینده سامسونیت . دودی عینک ده ووروموشدی منی اوزاقدان تانمیشدی, خوش بئش اونبئشدن سونرا سوروشدی آغا قولی هارا تشریف آپاررسیز ؟دئدیم الله قبول ائلسه گئدیریک مئشده زیارته . بیردن گوردوم گئدنین گوزلری چیراخ کیمی یاندی . دئدی :آقولي سني الله يئتيريب، منیم ده پروازیم مئشده دیر آمما تب لرز آز قالیر اولدورسون ایستیرم خواهیش ائلیم طیارنی سن سورسن . دئديم :واله من هر جور ماشين سور موشم ایرمی ایلدی ده پایه یکم وار آمما ايند یجه طياره سورمه ميشم.خلبان دئدي :آقولي من سنی یاخجی تانیرام .سن زلیخ حسن نن اسکیک دئییل سن کی دادی سرانی دولاندیریرگونده یوز نفره حکم وئریر . هئچ قوخما سن سوره بيلرسن .بیرآز اودئدي بیر آز من دئديم .من اولوم دئدی دای سوزون یئره سالابیمه دیم . گئتديق فورودگاها اوتوردوق طيارده. دوستوم طياره نين دنده منده سين منه گورستدي دئدي: بوننان یاندیرالار ،بوننان قالخاللار،بوننان دا قوناللار يئره.یازیق تب ایچینده یانیردی, قیپ قیرمیزی قیزارمیشدی , ائله سؤزوآغزیندا قورتارماق همين یوخوتوتدی . دئدیم: الله سنه توکول . بيرآز دنده مندنی اللشدیردیم , ائله کی هاوا سی گلدی الیمه, یواش , یواش استارت ووردوم .طياره ياندي ، آخی طیاره ماشین دئییل کی بیردن زیرت استارت واورسان اوزونون قلیغی وار ,دئدیم دای هرچی بادا باد , ايا غمي قويدوم كلاجا .دندني عوض ائله ديم. ائله يولا دوشموشدوم گوردوم آرواد آز قالیر سکته ائلسین ,ره روفوقاچمیشدی , دیلی توتار توماز دئدی : سن الله آقولي ميياقات اول ها، وورارسان اويان بويانا دوستوندان خجا لت اولاریخ .دئديم: آرواد سن قورخما منه ده قولي دييللر.چوپور حوسین بیر گوز ووردی یئتیم قولام حسینه دئدی : آغا قولی ایندی یئرده سن یه گویده ؟ آژان قولی دئدی للشین الله کومک لیغینان طیارنی قالخزیب ایندی گویده گئدیرم امما بيلميرم کی هارا گئديرم . جام چکدیم اشاغیه , پنجره دن باخديم گؤردوم ائله بيل شومال يولوینان گئديريق . خلبا نداکاسیبین بختی یاتان کیمی یاتمیشدی .یئریز بوش هریانی دولانديم.دريانين اوستونن گئدنده لاپ انديم آشاغييابیر اوندا گوردوم آرو اد باشین پنجره دن چیخاردیب ائشیه با خير درییا ,بیردن دئدی آقولي باخ سودا باليقلارا . دئديم: باخ كيف ائيله، من اولاردان چوخ گورموشم .بير اوندا گوردوم آزقاليرام وورام بير گمییه ,فوري دنده عوض ائلديم قالخديم اوسته بير آزدا ن سونرا آرواد دئدي : آغا قولی ائله بیل یئتیشدیک مئشده اودو با آغانین گونبزلرگوروشور , آقايا بير سلام وئرديم. یئدی دوره دولاندیم آغانین باشینا, یواش , یواش یئندیم آشاغیا اوزومو یئتیردیم باندین اوستونه , قورخا ,قورخا اوتدوم يئره . ایندی گل بییول خلبانی یوخودان اویات , بیه دورو آ,غانی نه موکافاتینا یوخدان اویاتدیم . دئديم: دوستوم، داي منيم ايشيم قورتولدي بوندان سونرا اؤزون بيلرسن. یولداشیم دئدی :دئمدیم سنین ایشیندی ,اللین آتدی جیبینه ایکی دانا شخ بئش مینلیق چیخارتدی قویدی منیم جیبمه . خداحافیظ لشدیق دوشدوک یولا . آرواد دئدی آقولی من بیلمیردیم سن بوجور وارید خلبان سان , دئدیم, بالا من کفتار میر اسماعیل جان یوخوام اوچدورددانا یالانان سقل قویوب ایندی استانداردی . باقال میر بویوک آغا توکانین چینینده دورموشدی قولاق آسیردی اوجادان دئدی مالیات دئییل کی کاسیب لاردان آلالاردولتلی لر قالا, سوزودئیردا.
https://t.me/Adabiyyatsevanlar

«حکیمه بلوری»
شاعير حكيمه بلورى 3 مارس 1926 برابر 12 اسفند 1304 شمسی ايلینده گونئى آذربايجانين خمسه ويلايتينين زنجان (زنگان) شهرينده آنادان اولموشدور. . آتاسی«ابراهیم» بلور آل وئرینده اولاراق، اجتماعی و دوشونجه لی بیر اینسان ساییلاردی. اورتا تحصيلينى 1933- 1943 جو ايللرده زنجاندا "آذرى" قيز مكتبينده آلميش و مكتبى بيتيرديكدن سونرا همين مكتبده اؤيره تمنليك ائتميشدير. ايكينجى دونيا ساواشى ايللرينده شوروي اوردوسو ايراندا اولدوغو دؤورده٬ اجتماعى- سياسى فعاليته باشلاييب 1945 ده آذربايجان ميللى حركاتينا ايشتيراك ائتميشدير. او٬ آذربايجان دموكرات پارتيسى زنگان ولايت كميته سينين تبليغات شعبه مودور يارديمچيسى (موعاوينى)٬ و مدنيت ائوى كيتابخاناسي نين مودورو وظيفه لرينده ايشله ميشدير. سونرا آذربايجان ميللي حؤكومتى ييخيلاندا٬ 1946 ينجى ايلين دئكابريندا گوزئي آذربايجانا كؤچموش و باكي يا يئرلشميشدير..
حكيمه خانيم يوكسك تحصيلينى 1947- 1952 ينجى ايللرده آذربايجان دؤولت اونيوئرسيته سينين فيلولوژى (ديل بيليمى) فاكولته سينده آلميشدير. او٬ 1953 -نجو ايلده موسكووادا ايجتيماعى بيليملر آكادئميسينى و 1956-نجى ايلده باكيدا يوكسك پارتى مكتبينى بيتيرميش و 1963 ده ديل بيليملرى دوكتورو اولموشدور. حكيمه بلوری 1954-1952-ينجى ايللرده "آذرنشر"ده ادبى-بديعى شؤعبه رئداكتورو٬ 1956-1960 ينجى ايللرده ايسه آذربايجان دئموكرات پارتيسى مركزى كوميته سينين اورقانى "آذربايجان" قزئتينين(روزنامه) باش رئداكتورو اولموشدور. حكيمه بلورى موسكووادا اوخوياركن٬ «ايران ادبياتى» مووضوعسونداكى تئزينى دیفاع ائده ره ك ديل بيليمىنده«زبانشناس»٬ عاليمليك درجه سى آلميشدير. او٬ 1964-نجو ايلدن عؤمرونون سونونا دك آذربايجان بيليملر آكادئميسى دوغو بيليملرى (شرقشوناسليق) انستيتونون باش علمى ايشچيسى وظيفه سينده بير اوزمان (متخصص) اولاراق ايشله ميشدير.
گؤزو یولدا قالان زنگان / من اؤلومه وئرمرم جان
گلیب گؤرم زنگانیمی / بئیله وئررم جانیمی
***********
توکنمز بیر محبتله سئودیم هر بیر بوجاغینی
تبریز، زنگان ساندیم هر آن دوغما آنا قوجاغینی
زنجانلی شاعیره، «حکیمه بلوری» ايلك شعرلرينى هله اورتا مكتبده اوخوياركن فارس و تورك ديللرينده يازميشدير. اونون تورك ديلينده قلمه آلديغى ايلك شعرلرى و مقاله لرى 1945 ينجى ايلده گونئى آذربايجاندا "آذر"٬ "وطن يولوندا" قزئتلرينده و "آذربايجان" ژورناليندا درج اولونموشدور. بو شاعیره دن یادیگار قالان 17 جیلد کیتاب: «ایران ادبیاتی»، «آزادلیق باهاری»، «ایتحاف»، «سنین کؤنول اطاقین»، «منیم آرزیم_1949»، «اؤلمز قهرمان_1950 »، «حیات یوللاریندا_1951»، «موباریزه ایللرینده_1954 »، «شاعیرین یادیگاری_1957»، «سنده اوزاقلاردا_1961 »، «سحر گؤنشی_1964» «ایسترم_1969 »، «نئجه اونودوم؟ _1973»، «چینار گؤزله ییر منی_1975»، « شعرلر_1980»، «منی آپار او یئرلره_1981»، «بیرده باهار گلسه_1984»، «محمد حسین شهریار_1984» و بیر سیرا کؤچورمه لر صمد وورغون، نبی خزری و...آد آپارماق اولار کی بو کیتابلارین بیر سیراسی باکی و بیر سیراسی مسکوا دا چاپ اولوب. دئمه لی شعرلرین چوخلوسودا، روس، انگلیس، گورجو ، اوزبک ، مولداو.. دیللرینه چئوریلیب.
حکیمه بلوری ایله شهریارین بیر بیرینه حصر ائتدیگی شعرلر، ادبیات شیناسلیغدا مخصوص یئر آچیب، و وطن سئوگی سینی حسرتله پرداخلاییب..
شعریمه شاهید اولاندان قیزین ائلنازیله سن
منی آلقیشلاییر اعزاز ایله ائل، ناز ایله سن
شعرینی دینلسه کافر سنه ایمان گتیرر
بلکه پیغمبر اولایدین بئله اعجاز ایله سن
22 نوامبر 2000 ،(3/9/1379) آذربایجانین بؤیوک دوشونجه لی شاعیر، معللیم، یازار، مطبوعاتچی سی، زنگانلی «حکیمه بلوری»، 75 یاشلیغیندا، زنگان حسرتینده دونیاسینی دئییشیب، باکی دا توپراغا تاپیشیریلدی.
https://t.me/Adabiyyatsevanlar

آنتوان چئخوف
کوچورن :آیهان میانالی
سئومه‌ييب ائولنمک آلچاق ايش دير

اونوتما؛ اينسانلاری تانيماغين اوچون أن اويغون زامان آيريلماغا أن ياخين واختـدير. چونکي او واخت ساختا اوزلر بيلينير.
یاشاما ايلک کوسکونلوگوموز – يانيميزدا دوشوندوگوموز اينسانلارين قارشيميزدا گؤرمکـدير.
آنلاماغا چاليشما. یاشام بئله‌دير. هر زامان بير تئلينه بئله قييماديقلاريميز، قيـيير بيزه.
سنه بير ياخشی، بير ده پيس خبريم وار؛ ياخشی خبر–هله اؤلمه‌ميشيک؛ پيس خبر–هله ياشاييريق.
ایکی موکممل اينسان هئچ واخت بيرليکـده اولا بيلمز. چونکي موکممل قادين بيرینجی دفعه‌سينـده "هه" دئـمز، موکممل کیشی ايسه ایکینجی شانسی وئرمز.
بسيط قادين، گؤزل اولماغی عاغیللی اولماقـدان اوستون توتور. چونکی بسيط کيشيـده، ذکاني آنلاياجاق باش يوخ، گؤزلليگي گؤره‌جک گؤز وار.
آغلاتديغين بير قادينين گؤز ياشلارینی يا او واخت سيلرسَن، يا دا او گؤز ياشلارينـدا بوغولماماق اوچون عؤمور بويو چيرپينماق مجبوريتينـده قالارسان.
بير اينسانی حقيقتن اونوتماق ايسته‌ييرسن‌سه، اونونلا ياشاديقلارینی دئييل، اونون سنه ياشاتديقلارینی خاطيرلا.
کيمسه آرخانيزدان دانيشيرسا، اونلاردان قاباقـداسينيز دئمک.
دوغرو واختـدا گلن يانليش اينسانا وئرديگين شانسی، يانليش زامانـدا گلن دوغرو اينسانا وئرمَگينـجه اینجییَن سن اولارسان.
اينسانا کَپَنَک یاشامـدا بير دفعه قونار: قاچيرتـسان، باشقا شانسين قالماز. چونکی او کَپَنَک سحری گون، اؤلموش اولاجاق.
ساختا بير گولوش'له گؤزلريمه باخماقدانسا، اوزومه قارشی حقیقی بير نيفرتی اوستون توتارام.
سن سئوديگين اوچون هئچ واخت اوتانما، بيل کی اوتانماسی لازيم اولان سئويلدیگینی بيلدیگی حالـدا سئومَگی بيلمه‌ين دير اصلينده.
حایاتینیزین سونونا جان ياشامايينجا طالعينيزدن شيکايت ائتمه‌یين.
اؤزونو یالقیز حيس ائدن بيری اوچون هر يئر چؤلدور.
یالقیزلیقـدان قورخورسونوزسا، ائولنمه‌یين.
سئومه‌ييب ائولنمک، اينانمادان عيبادت ائتمک کیمی آلچاق ايشدير.

https://t.me/Adabiyyatsevanlar

كريم قربانزاده
ساتیریک شاعیریمیز حمید آرش آزاد

دونيا خالقلارينين هر بيري، اؤزونه مخصوص بير صفته شهرت تاپيبديرلار. نمونه اوْلاراق: اسكاتلندلي‌لر چيليسليگه، انگليسي‌لر اقتصادي فيكرلي انسانلارا، فرانسه‌لي‌لر اينجه‌ليگه و... آذربايجان خالقينا ايسه مخصوص بير صفت آختارساق، شبهه‌سيز كي اوْ صفت بو خالقين طنازليغي و طنز سئوه‌رگيلي‌دير.
ساتيرانين مختلف قول‌لاري بيزيم خالقيميزين حياتيندا اؤز درين ايزلريني قوْيوب و معاصر دؤورده آذربايجان ادبياتي خزينه‌سي‌نين بو پارلاق جواهري ملانصرالدين مكتبي‌نين بانيسي «جليل محمد قليزاده»‌نين آدي‌لا باغلي‌دير.
آذربايجان ساتيراسي‌نين آتاسي «ميرزه‌‌ علي‌اكبر صابر»‌ده ملانصرالدين مكتبي‌نين يئتيرمه‌لريندن اوْلوب، دونيا سويّه‌سينده شهرت قازانيب و اؤلمز آذربايجان شخصيتينه چئوريليبدير. صابرين تكجه اوْتايدا يوْخ، ايران خالقلاري‌نيندا سياسي- اجتماعي حياتيندا بؤيوك تأثيري اوْلوبدور. صابرين شرفلي دوامچيسي «معجز شبستري» چوْخ اينجه‌ليكله بو يوْلو اؤزونه مخصوصلوقلا ادامه وئريب، اثرلري خالق ايچينده سئويله- سئويله اوْخونوب و قارشيلانيبدير.
آذربايجان خالقينا مخصوص ساتيرا، عاشيق ادبياتيميزدادا گؤزل نمونه‌لري نمايش ائتديرير. مثال اوچون دده علعسگرله آنا خانيمين ماجراسي و يا عاشيق قشمين بير چوْخ شعرلرينده اوْلان طنز احوالاتي و باشقا نمونه‌لري‌ده آد آپارماق اوْلار. حتي گونده‌ليك حياتيميزدادا طنزين اؤز يئري، اؤز دادي- دوزو واردير. طنزيميز بو گونده شهرلرده، كندلرده و اؤلكه‌ميزين ياخين و اوزاق يئرلرينده تزه‌لنير، مايالانير، گوجلنير و دوام تاپير.
آذربايجان خالقينا مخصوص طنز، دونيا ملت‌لرينين آراسيندا تايي آز گؤرونن طنزدير. عسگرانلي‌لار، مستجاب الدعوه‌لر و حاجي‌زاده‌لرين حاضرجوابليغي، شنليك پايلاماقلاري، طنازلاريميزين اجتماعي مسئله‌لري طنز ديلي‌له دئمكلري‌نين گؤزل نمونه‌لريندندير.
خالقيميز تاريخ بوْيو طنز روحيه- احوالاتيندان بوشالماييبدير. روس استيلاچي‌لاري آذربايجاني اشغال ائدن زمان، بابالاريميز هر بير روس عسگرينه بير قارپيز وئريب، اوْنلارين پئيسرلرينه سالاندا؛ و ايران- عراق محاربه‌سينده اؤز ايشين گؤروب، اجتماعي وظيفه‌سيني اونودماييبدير. «عينالي يا گئدنميس/... نيليسن؟!»
بئله بير معنوي ثروته مالك بير خالق هر زامان اؤزونه لايق بالالار بئجرديب، بو ثروتي گونو- گوندن غني‌لنديريبدير. بو گون «كوره‌باشي اوشاغي» طنزيميزين ذيروه‌سيندن گزن و شعريميزين فخري اوستاد «حميد آرش‌آزاد» اؤز گؤزل اثرلريني قيلينجا چئويريب، جامعه‌نين عيب‌لريني، چيركينليكلريني قيلينجلايير.
«آرش» نقصانلاردان بير تابلو چكير و طنزين مختلف فوْرمالاريندان استفاده ائديب، خالقين گؤزو اؤنونده نمايشه قوْيور. اوْ خالقي يالنيز گولمگه يوْخ، گوله- گوله دوشونمه‌گه، آييلماغا، اؤز حاقلاريلا تانيش اوْلماغا سسله‌يير.
اوستادين خوشبختليگي اوندان عبارتديركي اوْ طنزين تاريخيني ياخشي بيلير و بير باجاريقلي ژورناليست اوْلاراق، ايكي ديلده (آذربايجانجا و فارسجا) يازير و اثرلري بير چوْخ آذربايجان و فارسجا چيخان روزنامه‌لرده و مجله‌لرده دفعه‌لرله چاپ اوْلور و سئويله- سئويله اوْخونور.
گونده‌ليكلرده يازماق، خالقين حياتيندا كئچن موضوعلاري هرگون طنزه چكمك چوْخ چتين و آغير بير ايشدير. آنجاق آرش بو چتين ايشين عهده‌سيندن لاييقينجه گلير. اونون طنز قيلينجي ظولمون، عدالتسيزليگين، قارا گونلرين باغريني يارير، مظلوملارا، قارانليقدا قالانلارا، حاقي تالانانلارا ايشيق گولوشو بخش ائدير.
اوستاد آرش‌دن ايندييه‌دك ايكي كتاب چاپ اولوبدور: «جيزيقدان چيخما بالا» و «جولو جولويا قالمادي» عيني حالدا «امين» روزنامه‌سي اونون گونده‌ليك طنزلرينين ناشري‌دير و «گل آغا» مجله‌سينينده ثابت امكداشلاريندندير. بونلاردان علاوه اونون اثرلري بير چوخ روزنامه و مجله‌لرده، اوْ جمله‌دن: مهد آزادي، عصر آزادي، پيام روز، آذري، خداآفرين و... كيمي‌لرده يايليبدير.
من امينم، آرش‌آذربايجان آزاد طنزينده دائما ياشاياجاق، دايما اؤز عطرين، اؤز رنگين، اؤز ايزين ساتيراميزدا قوْياجاقدير. آرشه سعادت و جان ساغليغي ديله‌مكله، اوْنون آرزوسونا قوْشولوب، ائليميزين گولمه‌سيني، خالقيميزين آرزولارينين چيچكلنمسيني و اميدلرينين باهارلانماسيني آرزولاييريق.

کریم قربانزاده
چرخی دؤنسون فلکین/ کریم قربانزاده


بو نئچه ایلده هردفعه قلم اله آلمیشام کی، آذربایجان ساتیراسی‌نین صابیر روحلو اوغلو، معجز شبستری‌نین حقیقی واریثی، موعاصیر آذربایجانیمیزین ساتیراسی‌نین اونودولماز شخصیتی «حمید آرش آزاد»دان یازام، اونون اؤلومونه اینانمادیغیم اوچون، بارماقلاریم سوستالیب، قلم عاجیزلشیب و واز کئچمیشم. آخی او بیزیمله یاشاییر. بیز اونونلا هر گون گؤروشوروک؛ هر موناسیبته شعرینی لاپ تاپ- تزه اوخویوروق؛ اونونلا دانیشیریق؛ او بیزی گولدوره- گولدوره اورکدن آغلادیر؛ بونا گؤره‌دیر کی اونون اولماماسیندا یازماق آداما گولونج بیر ایش کیمی گلیر. نئجه اولا بیلر کی آرش سنی یاشادارکن، سن اونون اؤلوموندن دانیشاسان! من آرش‌له لاپ ائله قاباقداکیلار کیمی هرگون گؤروشورم. اونون فروغ آزادی‌ده، عصر آزادی‌ده، امین‌ روزنامه‌سین‌ده، پیام روز سراب‌دا گؤروشونه گئدیرم. اورالاردا تاپا بیلمه‌سم آذربایجانین موختلیف ادبی، مدنی در‌نک‌لرینه باش چکیرم؛ هئچ اولماسا اونونلا نیظامی انجومنینده مطلق گؤروشورم. گؤرورم اوردا اوستاد شیدا‌ایله چیین به چیین اوتوروب، هردن یاواشجادان بیر- بیرلریله پیچیلداشیب گولورلر. همیشه‌ده‌کی کیمی سیگارینین اودو کؤزه‌ریر؛ اوزوندن گیزلی بیر گولوش اسکیک دئییل؛ دوداغیندان گولوش یاغیر؛ هئچ نه، هئچ کیم، هئچ مقام اونون درین باخیشلاریندان ایتیب، اؤزونو گیزله‌ده بیلمیر؛ سؤز شالاغی یئنه‌ده بوتون عیبه‌جرلیک‌لری، چیرکین‌لیک‌لری افشا ائتمک اوچون هاوادا اویناییر. یولوم تهرانا دوشنده اونونلا گؤروشوب، دردلشمک اوچون صابیر انجومنی‌نه باش وورورام؛ گئجه‌سی بیرلیکده ساهر ادبی- مدنی درنه‌یی‌نین قوناغی اولوروق؛ صاباحیسی گون شیدا انجومنینه، قاراداغ انجومنینه گئدیریک و یادیمیزدان چیخماسین دئیه، تبریزه قاییتمادان اؤنجه، ایشیق گنجلری‌نه‌ده باش وورمالی‌ییق؛ آخی آرش آذربایجانیمیزین بو گنجلرینه و ایشیق سایتینا بیر چوخ شعر تحفه‌سی وئره‌جکدیر. کئچن هفته‌ده‌ تهرانا گلمیشدی. بیرلیکده میرزا شهرکین یوبلئیی مراسیمینده اشتراک ائتدیک. ساتیرامیزین گورکملی سیمالاری وار‌ایدی‌. شهرتی سرحدلری آشان خالقمیزین سئویملی اوغلو عمران صلاحی‌له گؤروشوب، قوجاقلاشیرلار. عمران صحنه‌یه دعوت اولور. یوموشاق تبسوملی آذربایجانین وقارلی اوغلو عمرا ن صلاحی سحر ائدیجی طنز‌ی‌ایله مجلیس اشتراکچیلاری‌نین حیرتینه سبب اولور. یوزلر نفرین آلقیش سسی گؤیه اوجالیر. بو شیرین احوال- روحیه‌نین آردی کسیلمه‌دن، میرزا علی اکبر صابیرین سئویملی بالاسی، معجزون خلف ائولادی تبریزدن قوناغیمیز اولان حمید آرش آزاد صحنه‌یه چاغیریلیر. سانکی سالون پارتلاییر؛ گور آلقیش سسلری گؤیه قالخیر؛ اؤز- اؤزومه دئییرم گؤره‌سن نه اولاجاق؟! بو گون ائله بیل عمران- آرش گونودور. عمرانین آردیجا آرش تریبون آرخاسینا کئچیر. کوره‌باشی‌نین گولر اوزلو اوغلو، میرزیه تبریک دئییر، سونرا «نئیله‌ییم» ردیفلی شعرینی اوخوماغا باشلاییر. بوتون مجلیس اشتراکچیلاری ایاغا قالخیر؛ آراسی کسیلمز ال چالمالار آرش‌دن دیگر بیر شعر اوخوماغی طلب ائدیر. آرش اوخویور، جاماعات آلقیشلاییر، میثلی گؤرونمه‌ین بیر حال- هوا یارانیر مجلیسده... چرخی دؤنسون فلکین کی واخت سیز، وعده سیز، هئچ دویمادان آرشیمیزی بیزدن آییردی؛ بیرده بو مجلیسلرده اونون فیزیکی حضورونو حیس ائتمه‌یه‌جه‌ییک؛ آنجاق اونون معنوی عؤمرو دوام ائدیر؛ بیزیمله بیرلیکده‌دیر؛ بیزیمله بیرلیکده یاشاییر عمران صلاحی‌له، مجید یالقیزلا، اوستاد شیدا‌ ایله و...
سسیزلیکدن سسیز
گلیر خاطیره‌لر
بویلانیرلار واراق- واراق،
سطیر- سطیر.
ایتن دئییل
باتان دئییل
سیزین سسیز یاتان دئییل؛
نه گور گلیر هارای- هارای
دوداغیزدا گولوش ایزی،
دیلینیزده خالقین سؤزو،
قلبینیزده وطن سئوگیسی قالاق- قالاق
او داد- دوزوهاردان آلاق؟
هاردان آلاق؟،
https://t.me/Adabiyyatsevanlar

غلامحسین فرنود
یک نکته
یک خاطره

آنگاه حمید کنار صمد نشست


غمخواری است که همیشه بی سر و صدا، به وقت تنگ حالی سبز می شود چون چشمانش و با خنده می گوید: گره کار کجاست؟ شمار او حتی به انگشتان یک دست نیز بالغ نمی شود. قحطی را باش ! حمید عزیز رفتی و این قحطی را ندیدی. چه سعادتی !
حمید عزیز، آن روز که آن غمخوار در غربال خاطره ها، به نکته ای ناگفته از تو رسید، اندکی سرخ شد و مرا کنجکاو کرد. چون خواهش بلند و بالا را در چشمانم دید نزدیک بود از کرده ی خود پشیمان شود که رهایش نکردم.
- یکی از آرزوهای حمید ترجمه ی رمان ییلماز گونئی بود که ...
- نتوانست ترجمه کند؟
- نخواست.
- به احتمال رمان سرافکنده مردند بود که من هم قصد ترجمه اش را داشتم.
- به خاطر تو بود که از ترجمه ی آن چشم پوشید.
- ولی چیزی به من نگفت.
- از قصدت باخبر بود.
- یعنی من گردن شکسته راهش را بستم؟
- گلایه ای نکرد.
- خبرم می کرد خوشحال تر می شدم. حداقل یکی از تکلیف ها، آن هم یک تکلیف بزرگ...
- ناراحت نباش.
- حالا جواب صمد را چه کنم که یادمان داده...
- عمد و تعمدی در کار نبود.
- اما من داشتم با یک تعمد شرم آور کلنجار می رفتم که شما آمدید.
- کم نیست نامروتی ها در این زمانه.
- با یک عالم ادعا، با یک انبار لاف و گزاف، برداشته کتابی را ترجمه کرده که پیش از او ترجمه شده. – لابد خبر نداشته.
- خبر هم داشت. تازه بخشی از ترجمه اش را هم از ترجمه ی قبلی کش رفته و بدون کوچک ترین دخل و تصرف در ترجمه ی خود جا داده.
- این که قباحت مسلم است.
- آن وقت حمید آرش آزاد، با یک اشاره ی ناخودآگاه من، پروژه ی ترجمه ی خود را تعطیل می کند که فلانی گفته می خواهد...
- چه مقایسه ای می کنی !
- قابل قیاس نیست؟
- سرافکندگی بدون چون و چراست.
- این یکی هم سرافرازی بدون چون وچراست.
- زمان غربال می کند. بار قباحت سرافکنده ها سنگین و سنگین تر می شود و درمی مانند در گل عمر خود.
- سرافرازها هم رو می شوند چون شعله ها. نگاه کن به تصویر صمد در روایت بی مانند کیومرث کیاست. کنار صمد، حمید را می بینی؟
- بگو بصیری آمد اهل آرمان.


https://t.me/Adabiyyatsevanlar

ایشیغیندا

تایماز مییانالی

سيلکيندى گئجه ساچلارينى آى ايشيغيندا/
دَن‌ دَن تؤکولور سئوگى‌سى آخ واى ايشيغيندا/
اولدوزلارى بيربير ساپا دوزدوم گئجه يارى/
آسديم ياناغيمدان سوزولن چاى ايشيغيندا/
سندن منه بير قانلى اورک قالدى امانت/
اوخلانميشيدى بير گئجه‌ليک ياى ايشيغيندا/
سئودا يولونو هر گئجه آدديملاييرام من/
آختارمادايام ايزلرينى داى ، ايشيغيندا/
آى‌دا اوزاديب أللرينى دویغوما ساری/
کؤلگم ايليشيب تئللرينه پاى ايشيغيندا/
سيلکيندى گئجه ساچلارينى آى دومان ايچره/
تايمازدا اوخور اول ساچا لاى‌لاى ايشيغيندا

https://t.me/Adabiyyatsevanlar

دومان بختیاری
بو دلی

بو دلی یاغیش دلیسی
قار قانادلی قوش دلیسی
ماوی بیر اوچوش دلیسی
بو دلی‌نین گوناهی نه؟!

هئچ بیلمه‌دی تویدو یاس‌دی
گؤزلریندن اؤزون آسدی
کؤلگه‌سینی داشا باسدی
بو دلی‌نین گوناهی نه؟!

آیاغیندا مین خیاوان
اؤزون یئییر یاوان-یاوان
توته‌ییندن فیشقیریر قان
بو دلی‌نین گوناهی نه؟!

https://t.me/Adabiyyatsevanlar