ادبیات سئونلر

هامی بیلیردی کی رضانی عموغلوسو علی اولدوروب، آما یالانچی شاهدلر اونو قورتاریب، قوللارین ساللایا ساللایا ائوینه قاییتدی. بو ظلمی گوروب، ابراز بالتاسین گؤتوروب عمینین ائوینه گئتدی، هامیسینی اولدورسون دئیه. قاپینی بالتایلا سیندیرماق حالدا ایچری دن علی یوخدو دئیه سسلندیلر. او گئجه سینیردن ابراز، عمی گیلین ائوینه اود ووردو. کندلی لر ییغیشدی، اونو ساخلایانمادی. علی بیر یئردن تاپیلیب، ابرازی دالی دان توتوب ژاندارما لارا تحویل وئردی. ابراز محکمه ده قاپینین سیندیرماسینا، ائوی اودلاماسینا اعتراف ائتدی، هامیسینی بالتایلا اولدوره جکدیم دئدی. ابرازی زندانا گؤتوردلر. دلی لر کیمی فقط باغیریردی، منیم اوغلوم دونیایا دَیردی، اونون تایی یوخودو، اونو اولدوره نی قیمه قیمه ائده جکدیم... خدیجه ابرازی گؤروب اونون حالینا اوره یی یاندی. یانینا گلیب اونو دانیشدیردی. ابراز اونا اؤلو کیمی بیر سویوق، بوم بوش باخدی. بو باخیشدان خدیجه قورخوب گئتدی یورغانین آلتیندا قالدی. ابراز بیر ایکی گون آغزینا بیر تیکه چوره ک قویمادی، بیر قورتوم سو دا ایچمدی. خدیجه اونون حالینا او٘زولوب، اونا یئمک دن سودان گتیریردی، چوخ اصرار دان محبت دن سونرا بیر آز شوربا ایچیرتدی، ابرازین حالی یاواش یاواش یاخجی لاشدی، اولار ایکیسی بتر همدم درد بیر اولدولار. همشه بیر لیکده یئییب ایچیب دردلشیردیلر. گونلر کئچدی بیر گون خدیجه نین آناسی گؤروشونه گلدی. خسته حال، ال ایاغی یارالار ایچینده. عبدی آقا اونون کنددن ائشیه چیخماسینی یاساقلامیشدی اونا گوره قیزینین گؤروشونه گله بیلمیردی. آنا ممدین یاغی اولدوغونو دئییب خدیجه بیرآز سئویندی، سونرا ائشیتدیی پیس خبری دئدی کی ممد وورولوب دئییللر. خدیجه بو خبردن بتر او٘زولدو.

اینجه ممد ۶
آنا گئدندن سونرا خدیجه خسته لنیب او٘زونتودن یاتاق دا قالدی. ابراز اوندان مغایات اولوب اونا اومود وئریردی. یاغی لر اؤزلری یالاندان اؤلوم خبرینی آغیز لارا سالارلار، اؤزولمه ممد اؤلمه ییب.
ممد، جبار، رجب چاووش دوردو دان آیریلاندان سونرا داغلاردا سرگردان قالدیلار، یئمک ایچمک یوخ، ال ایاقلاری داشلاردان، تیکانلاردان یارالانمیش. چاره سیز ممدین کندینه ساری یوللاندیلار، اوزاقدان ایتلرین سسی کنده یاخینلاشمالارینی بیلدیریردی. کنده قالمیش دییرمان واریدی، اسماعیل دییرمانچی ممدی تانیر و چوخ سئوردی. ممد دییرمانین قاپیسینی چالدی، سس گلدی کیمسن؟ - ممدم. - ممد اؤلوب سن کیمسن، ممد سس وئردی: منم اسماعیل عمی، اوندا تانیدی ممدین ساغ اولماسیندان چوخ سئویندی. اونو ایچری آلدی یارالارینا مرهم قویدو، ممد آناسیندان، خدیجه دن سورشدو، دئدی یاخجی دیلار. اونلارا یئمک حاضیر لاییردی. ممد آناسیندان، خدیجه دن نگران، اوتورانماییب، کنده گئتمک ایسته دی. کندده دورموش عمی گیله گئتدیلر. دورموش عمی خانیمیله اولاری قارشیلاییب ایچری آلدی. دورموش عمی ممد له حال احوالدا بیلمه دن آناسی اؤلوب اونو اوز الیله قویلادیغین ممده دئدی. ممد چوخ او٘زولدو، دورموش اوندا ممدین خبری یوخدو، آنلادی. خانمیسی دانلادی قوی بیر تیکه چؤره ک بوغازیندان کئچسین دئـیه. دورموش چوخ اوتاندی آلتی آیدی اولوب، اینانمیردیم خبرین یوخدو دئدی. ممد عمینین خانیمیندان اولانلاری سوروشدو، چوخ اصراردان سونرا خالا اولانلاری دئدی: خدیجه امنیه نین زندانیندادیر ، نئچه گونه اعدام اولاجاق. ممد قالخدی، دورون عبدینین ائوینه گئده ک دئدی. جبار، رجب چاووش، ممد، عبدینین ائوینه یومولوب قاپینی دؤیدولر، ایکی آروادی، اوشاقلاری اونون ائوه گلمه دیینی دئدیلر. ایچری گیردیلر، عبدی یوخودو. آروادلارین بیری یالواردی کی منیم اوشاقلاریمی اینجیتمه، عبدی ائوه گلمیر، گئت اونو تاپ اؤلدور، آما بیزه اوشاقلاریمیزا رحم ائت. ممد اؤنجه عبدینین ایکی اوشاغینی توتوب رجب چاووشا وئردی گل نه ائدیرسن ائت دئدی. رجب اوشاقلاری آپاریب باشلارینا سلاح دایادی. قادینلار یالواریب آغلادیلار. ممدین گونلو رحمه گلیب اولاری باغیشلاییب، ائودن چیخیب گئتدیلر. رجبین یاراسی بترلشمیش، اؤزلری ده آج به سوسوزدولار، ممد گئنه دورموش عمی گیله دؤندو. اولاردا تویوق کسیب، پلو پیشیریب، مفصل شام حاضیرلامیشدیلار. او٘چو ده دویونجا یئییب ایچدیلر. ممد توپال علینی دورموش عمی دن سوروشدو. اودا دئدی: کور علی آدلی بیرینی گوندریب تاپارام. حوری ننه ممده اصرار کی توپال علینی تاپدیقدا اولدور اونو، سنین یئرینی او گوستردی. دورموش دا یوخ دئییب، علینین ایشی ایز تاپماقدی، ایزی تاپاندا بیلمز کیم کیمه دی، دوست دوشمان بیلمز، یالنیز ایشینی گؤرر دئدی. ممد یاواشجا دئدی منده ایستیرم بیرینین ایزینی تاپسین. کور علی گئدیب توپال علینی گتیردی. قورخوسوندان تیرتیر تیتره ییردی. اونو اولدوره جکلر سانیردی. ممد اونونلا یالنیز دانیشدی، عبدینین ایزینی تاپسین ایسته دی. علی توپال سئوینیب دئدی: بونو تئز دئسه یدین ممد.

274 views16:19