اوزل وئرلیش؛
قونو: کینایه‌لرین یارانیشی (43)
دوغا اوته سینه (متافیزیکه) عاییداولان کینایه لر
بو گئجه: 1401/1/29
ساعات: 21/30 «ادبیات سئونلر کانالیندا»
اوزمان: «میرحسین دلدار بناب»

https://t.me/Adabiyyatsevanlar

اوزه ل وئرلیش 1401/1/29
قونو: کینایه‌لرین یارانیشی (۴۳)
دوغا اؤته‌سینه (متافیزیکه) عایید اولان کینایه‌لر
شیطان سؤزجویو (۱۷)
https://t.me/Adabiyyatsevanlar

اوزه ل وئرلیش 1401/1/29
قونو: کینایه‌لرین یارانیشی (۴۳)
دوغا اؤته‌سینه (متافیزیکه) عایید اولان کینایه‌لر
شیطان سؤزجویو (۱۸)
https://t.me/Adabiyyatsevanlar

اوزه ل وئرلیش 1401/1/29
قونو: کینایه‌لرین یارانیشی (۴۳)
آ حرفی‌ایله باشلایان کینایه‌لر (۱)

https://t.me/Adabiyyatsevanlar

اوزه ل وئرلیش 1401/1/29
قونو: کینایه‌لرین یارانیشی (۴۳)
آ حرفی‌ایله باشلایان کینایه‌لر (۲)

https://t.me/Adabiyyatsevanlar

مجازی انجمن " سسلی شعیر گئجه سی "

سایین کانالداشلار
شنبه گئجه: 1401/2/3
ساعات : 21/30
ادبیات سئونلر قوروپوندا مجازی انجمن ( سسلی شعیر گئجه سی) اولاجاق بو وئرلیش عینی زاماندا ادبیات سئونلر کانالیندان یایلاجاق سئویملی شاعیرلری ، گوزل سسلی دیکلاماتورلاری آذربایجان شعیرینین هوسکارلارین سیجاق قاتیلماغا دعوت ائدیریک .

https://t.me/Adabiyyatsevanlar

طنز

https://t.me/Adabiyyatsevanlar

اینجه ممد۱
یازار:«یاشار کمال»
چئویرن:«ثمین باغچه بان»
ییغجاملادان:« منیژه جم‌نژاد»

 اینجه ممد رمانی یاشار کمال تورکیه لی یازارین شاه اثری دیر. دره بیگلیک دوورونده، زحمت چکن اکینچی لرین یاشادیغی ظولملرین ناغیلی، بیر قهرمان یاغینین خانلارا قارشی مبارزه سینی گؤسترن رمان. یاشار کمال اؤز داییسی نین  حایاتین قلمه چکیب.
 توروس داغلارینین اتیینده آغ دنیزین قییلاریندا باتلاقلاری کئچندن سونرا تیکانلی دو٘زو باشلانیر، بئش کند او تیکانلی دو٘زده وار.  اینجه ممد اورالاردا  زحمت چکن بیر اکینچی عائله ده گوز آچیب. اورانین آغاسی عبدی آقا، ظالیم بیر خاندی. ممدین آتاسی و بوتون اکینچیلر عبدی آغانین یئرلرینده چالیشیب، همشه اونون کتک لری، ظولملرینین آلتیندا یاشاردیرلار. ممد کیچیک بیر اوشاق کن آتاسی خانین الیله بالاجا ممدین گؤزونون اؤنونده اؤلور. بو قانلی خاطیره اینجه ممدین یادداشیندا خانلیغا قارشی بیر نفرت یارادیر. آتاسیندان سونرا، عبدی ظالیم خان اینکلرینی بو اوشاغا تاپشیریر، داغلاردا تیکانلیقلاردا اوتارسین دئیه. اینجه ممد بوی بوی ظولملر،..
بو یازینین آردینی ادبیات سئونلر کانالیندا اوخویون.

https://t.me/Adabiyyatsevanlar

اینجه ممد۱
یازار:«یاشار کمال»
چئویرن:«ثمین باغچه بان»
ییغجاملادان:« منیژه جم‌نژاد»

 اینجه ممد رمانی یاشار کمال تورکیه لی یازارین شاه اثری دیر. دره بیگلیک دوورونده، زحمت چکن اکینچی لرین یاشادیغی ظولملرین ناغیلی، بیر قهرمان یاغینین خانلارا قارشی مبارزه سینی گؤسترن رمان. یاشار کمال اؤز داییسی نین  حایاتین قلمه چکیب.
 توروس داغلارینین اتیینده آغ دنیزین قییلاریندا باتلاقلاری کئچندن سونرا تیکانلی دو٘زو باشلانیر، بئش کند او تیکانلی دو٘زده وار.  اینجه ممد اورالاردا  زحمت چکن بیر اکینچی عائله ده گوز آچیب. اورانین آغاسی عبدی آقا، ظالیم بیر خاندی. ممدین آتاسی و بوتون اکینچیلر عبدی آغانین یئرلرینده چالیشیب، همشه اونون کتک لری، ظولملرینین آلتیندا یاشاردیرلار. ممد کیچیک بیر اوشاق کن آتاسی خانین الیله بالاجا ممدین گؤزونون اؤنونده اؤلور. بو قانلی خاطیره اینجه ممدین یادداشیندا خانلیغا قارشی بیر نفرت یارادیر. آتاسیندان سونرا، عبدی ظالیم خان اینکلرینی بو اوشاغا تاپشیریر، داغلاردا تیکانلیقلاردا اوتارسین دئیه. اینجه ممد بوی بوی ظولملر، کتک لر آلتیندا خانین اینکلرینین چوبانلیغینی ائدیر. دورسوندان بیر کندین تعریفین ائشیدیر کی هامی اوردا اؤزونه اکیب بیچر، آغا دا یوخدو. آدانا شهرینی ائشیدیب، آباد بیر شهر دیر آینا کیمی کوچه لری، ایشیقلی آغ آپباغ ائولری واردیر. بیر گون ممد عبدی آغانین اینکلرین چولده بوراخیب او کندی تاپماق اوچون قاچار. تک جانینا، تیکانلیقلاردان دو٘زلردن کئچیب گئدر، آیاقلارینی تیکانلار تیلیت قان ائله میش، آج به سوسوز، اوزاقدان بیرائو گؤرر.  اؤزنو اورا یئتیرر، قاباغیندا بیر قوجا دورموشدو، سلیمان آدلی بیر مهریبان کیشی. اونون هاردان گلدیینی سوروشار، اینجه ممد اونجه دن آدینی اولارا دئمک ایسته میردی، آما سوروشدوقدا دو٘زون دئیر: منه اینجه ممد دئیرلر. منی عبدی آقا چوخ اینجیدیر، هرگون اؤلومومه دؤیور. هم ایشلدیر، هم وورور. آتام اولندن سونرا منی چوخ اینجیدیر. قوجا اونا محبت ائدیب، خانیمیسی اونا ایسی شوربا وئریر، ایسی کلبه لرینده اونا پناه وئریرلر. اینجه ممد دئییر:  بیر کند وار گئدیرم اورانی تاپ  قالام . دورسون گیلین کندی، دورسونلا من جوت سورردیک عبدی آقایا، دورسون گیلین کندینده اوشاقلاری ایشلتمزلر، اینجیتمزلر، دورسون دئیر. سلیمانین گلینی بیر تلیس پانبیق گتیریر سلیمان دئیر باشاریرسان پانبیق تمیز لمه یی؟ اینجه ممد تئز توو هامیسینی تمیزله ییب قورتاریر. سلیمانین خانیمیسی اونون یئرین سالیب اونا یات دئییر. یورقونلوخدان دو٘شوب باییلیر، صبح قارانلیقدا هر گونکو واقت اویانیر، هاردا اولدوغو یادینا دوشور. گئینه یاتیر. دوراندا سلیمانین خانیمیسی صبحانه دوزلتمیش اونو دویورور. سلیمان دئییر گئت کندی دولان، اودا بیر ایکی گون دولانیر سونرا سلیمانا دئییر منه ایش وئر، نه قدرمن بئکار اوتوراجاغام؟ اودا قویونلارینی اونا تاپشیریر، آما او داغلاردان اویانا گئتمه، سیزین کندیزه یاخیندی، عبدی آقا تاپیب اینجیدر سنی دئییر.
بو یاندان اینجه ممدین آناسی آخشام چوخ گوزلییب اوغلوگلمه ینده بتر نیاران قالار. عبدی آغا گیله گئدیب اوغلونو اوندان سوروشور، ظالیم عبدی آغا اونا سینیرلنیر، اؤز اینکلریندن نیاران قالیر، آداملارین جوتون دالیسی جان یوللور. اولاردا گئدیب اینجه ممدین جوت سوردویو یئرلره چاتینجان ظولمت قارانلیق چؤکور، اینجه ممدین ایشله دیی یئرلری تاپیرلار اوندان دا جوتدنده خبر اولمادیغینی آنلاییرلار. الی بوش قاییدیب عبدینین غضبینه راس گلمه سینلر دئیه چولده صاباحلاییرلار. ایشیق لاناندا جوتون ردینی تاپیب، اولاری سو قیراغیندا تاپیرلار. آما اینجه ممد یوخودو. اینکلری آپاریب عبدی آقایا وئریر ممدین آناسینی آغلار، نیاران تاپیرلار. کندده های دوشور ممد سودا بوغولوب، ممدی قورد یئییب... نه لر  نه لر دئییرلر. ممدین یازیق آناسی دلی کیمی ممد دن هاردا خبر آلیردی، آیاق یالین اورا گئدیردی. آما ممدینی تاپماییردی.  گونلر کئچیر، بیچین زامانی گلینجه ممد آناسینی، اکینلرینی دو٘شونور. آناسی تک باشینا نئجه آغیر ایشلری گوره جک دئیه کؤیشنینی دوشونور. بیر گون سورونو اوتاریرکن سورویله بیرگه داغی آشیر اؤز کندلرینه ساری گئدیر، یاشلی حسوک ون یئرینه یاخینلاشیر، کند ده اونا شلغم حسوک دئیردیلر. اونجه حسوک اونو تانیمیر، اونو و اکینه گیرن سوروسونو داشا باسیر، یاخینا گلینجه اونون اینجه ممد اولدوغونو گورور. چوخ سئوینیر و اونون هاردا اولدوغونو سوروشوب، کندین، آناسینین حالینی اونا دئییر. ممد حسوک دن سوز آلیر کی اونو گؤردویونو کیمسه یه دئمه سین، آناسینا بئله. تازادان سوُرونو گؤتورور سلیمانین ائوینه قاییدیر، یوبانماسینی دا یالان بیر سوزله یوماغا چالیشیر. ممد اویانا  حسوک آناسی دؤنه یه گئدیب اوغلونو گوردویونو اونا دئییر. آنی دن بو خبر کندده یاییلیب، عبدی آغانین قولاغینا چاتیر، اودا حسوکو یانینا چاغیریر.

 
اینجه ممد ۲
حسوکو سو٘رویه سو٘رویه آغانین یانینا گتیریرلر. اودا حال قضیه نی آغایا دئییر. عبدی دؤنه  آنایا  سوز وئریر صاباح اوغلونو گتیرسین. عبدی آغا سلیمانین کندینه ساری یولا دو٘شور، آغزیندان گلنی اونا دئییب ممدی آلیب، اؤزو آتلی ممد پیادا کنده دؤنورلر. دؤنه آنا اوغلونو گؤردویونده چوخ سئوینیر آغانی دووا ثنا ائلیر. ممدله آنا بوغدالاری چتینلیکله بیچیب، حاضیرلاییرلار. عبدی آغا گلیب ممدین آجیغینا اوچ دیر اوزو، بیر دیر دؤنه یه وئریر، حال بوکی اوبیری رعیت لره اوچدن بیر وئریر. دؤنه یالوار یاخار ائدیر، ظالیم عبدی اوغلونون قاچماسینی یادینا سالیر. ممد سوچلولوق دیغوسویلا، آغادان و آغالاردان بویوک بیر کین بسله ییر. آناسینا، او قاچماسایدی دا عبدی باشقا بیر ماهانا تاپار ظولم ائدردی دئییر. شاخدا بوران دوشور، اونلارین بوغدا پایی تئز قورتولور، باشقا کندلی لرده اولارا تای قیشین آراسیندا آج یالاواج قالیرلار. هامی عبدینین قاپیسینا گئدیب  اکیب بیچدیکلرینی اوندان دیلنیرلر. دؤنه اونجه اربابین قاپیسینا گئتمک ایسته میردی. سونرا بالاسینی گوزونون قاباغیندا آجلیقدان ساپ ساری سارالدیغینی گؤرنده چاره سیز عبدینین قاپیسینا گئدیر. چوخلو کندلی لرده شاخدادا اونون قاپیسیندا گوزله ییر اولارا یاردیم ائتمه یینی ایستیردیلر. آغا دؤنه نی گؤروب، قاییت گئت سنه هئچ بیرزاد وئرمه یه جم دئییر. باشقالارینا اون، بوغدا، یئم وئریر، دؤنه الی بوش قاییدیر. قونشو کیشی علی، بو دورومدان چوخ اوتانیر، کندی تازا چوره ک قوخوسو گؤتورور، علی خانیمینا بوغازیمدان گئتمیر دئییر، بیر ننه بالا آجیندان أولسون منده باخیم؟ بیر بوقچا یئمه لی گؤتوروب عبدی دن گیزلی دؤنه گیله آپاریر، نئچه قونشو دا بو ایشی گؤرور، اون بئش گونلوک اولارا یئمک چیخیر. گئنه قارا قیشین آراسیندا یئمکلری قورتولور، اینک لری بالالامیشدی. چاره سیز اونو آغانین قاپیسینا آپاریر ساتسین دئیه، عبدی اینک له بالاسینی گؤردوکده سئوینیر دؤنه ایله یوموشاق دانیشیر. آداملارینا دئییر دونه نین تورباسینی دولدورسونلار.
بئله لیکله ممد آجلیغینان بؤیویور، آریق، جانسیز بیر اوغلان اولور.
ایندیسه اون‌ سگیزینه دولور، خدیجه آدلی اوشاقلیق یولداشی له سئوگی بسله ییرلر. بیر گون تمیز پالتارلارینی، خدیجه توخودوغو جورابلاری گئییب، سئوینجک خدیجه نین ائوینه ساری یوللانیر، خدیجه اونو بو پالتارلارلا گؤرسون. یولداشی مصطافایلا قصبه یه گئدیرلر باشقا دونیانی کی دورسوندان تعریفین ائشیدیبلر  گورسونلر دئیه. یولدا بیر یاشلی کیشیه راس گلیرلر اولارین کندینی، عبدی آغانین نه قدر ظالیم اولدوغونو بیلیرمیش. آدی قوجا احمد، جوانلیقدا خانلارلا ساواشان بیری ایدی. قصبه یه  یئتیشیب بیر کاروانسارا تاپیب اوردا قالیر لار. بیرقوجا کیشی اونلارلا ایلگی لنیر. سحر دوروب قصبه نی آیاقدان سالیب یئییب ایچیب گزیرلر. آخشام گئنه کندلرینه قاییدیب، موصطافادان آیریلیب، ائولرینه ساری گئدنده، گؤرور بیر شئی اونو خدیجه گیله ساری چکیر، گئدیر خدیجه نی یاغیش آلتیندا  گوزلور، خدیجه گلیر، اونا قصبه نین نه گوزللیکده اولدوغونو دئییر، قوجا کیشی اونا گلین بوردا قالین من سیزه ائو، اکین  وئررم، بوردا قالین، کیمسه سیزه آغالیق ائتمز بوردا. خدیجه یه گل قاچاق دئییر ممد. خدیجه اونجه آتاسیندان قورخور، سونرا او٘رکده سئوینیر.
بو آرادا عبدی آغا خدیجه نی باجی اوغلوسو ولی یه ایسته ییر، خدیجه کیمسه یه ممدی سئودیینی دئیه بیلمیر. اونو آغلادا آغلادا باجی اوغلویا آداخلاییب، او٘زوک تاخیرلار. خدیجه ائودن ائشیه چیخماغا حوصله سی اولماییب، اتاغیندا فقط آغلاییر. عبدی ده ممدی چاغیریب اونو قورخودور، منیم باجی اوغلومون نشانلیسیندان اوزاق دور دئییر. ممد قورخمییب بتر عصبی لشیر، آنا سینا دئییر گل بیزیمله بورالاردان گئده‌ک. بیز گئتسک عبدی سنی اینجیدر.  دؤنه قبول ائتمیر، من ائویمی یوردومو قویوب گئتمرم، سن هارا گئدیرسن گئت دئییر. ممد گئجه خدیجه نی قاچیریر. یاغیش لی بیر گئجه پالچیغین، سویون ایچینده داغلارا گئدیرلر. بیر کوهول تاپیب اود یاندیریب، اوردا بیر لیکده اولورلار. خدیجه نین آناسی سحر دوروب قیزینین یئرینه متککه نی گؤرور، اولارین قاچدیغینی بیلیر. خدیجه نین آتاسی بتر سئوینیر. قیزینی او کل، سئویمسیز ولیه  وئرمک ایسته میردی. آنا سی عبدی آغانین قورخوسوندان یالاندان بیر آز های کو٘ی سالیر، آتاسی دئییر گئت آغایا دو٘زونو دئنه. یاخجی کی قاچیبلار نیه های سالیرسان؟ خدیجه نین آناسی گئدیب آغایا اولانلاری دئییر. آغا بتر سینیرلنیب یئری گؤیو بیربیرینه قاتیر. دؤنه آنانی دؤیور اینجیدیر. بیر دسته آداملاریندان ییغیر توپال علی آدلی بیرینی گتیریرلر کی داش اوسته آیاق ایزی تاپارمیش، هر یئردن اولسا ممدی تاپا بیلر. ممدی تاپماغا یوللاییر، من اولماسام اونو دیری گتیرین دئییر.

 
اینجه ممد ۳
حسوک شلغم ده اوردایدی، حسوک بیلیردی توپال علی یقین ممدی تاپا بیلر، اونو بیر خلوته چکیر اونا یالواریر کی علی سن یاخجی آدامسان، ممد له خدیجه بیربیرلرین چوخ سئویرلر، اولار قارا سئودالی دیلار. اولاری تاپسان عبدی ممدی اؤلدورر، گؤردون آناسینین باشینا نه گتیردی؟ بیر آز یوبانسان ممد اوزاقلاشار کیمسه اونو تاپا بیلمز. توپال علی بیر سوز دئمه  ییب، گئدر آتینی آلار خدیجه نین ائوینین اؤنونده ایزلرینی تاپیب، ممدین تازا توکلری اوزون چاریق گئیدیینی، یالاندان کندی اوباش بو باش ائلر. عبدی سینیرلنیب علیه دئیر کی: سنین تعریفینی چوخ ائشیتمیشدیم، ایندیه جه گرک اولاری تاپایدین. علینین عارینا گلیر دو٘شور قاباغا عبدی گیلده دالیسی جان... قایالاردا اورماندا اولارین ایزینی تاپیب گورسدیر، اولار بیر شئی گؤرموردولر، آما علی اولارین اورماندا ایزلرینی حتی سئویشدیکلرینی ده گورور. عبدی گئنه گلیب علیه دئییر: علی گئنه ایتیردین اولاری؟ علی اولاری بیلرک اویان بویانا آپاریر باشلارین سریسین دئیه. عبدینین سؤزو اونا دَییر، گینه ممد گیلین ایزین تاپیر. قایالاردا کی اود یاندیریب قالدیقلاری، بیرلیکده اولدوقلارنینی اولارا دئییر. عبدی له ولی غضبلنیب علینین دالیسی جان گئدیرلر، سونوندا علی کول لارین دالیسیندا گیزلنن اوشاقلاری تاپیر. ممد قورخماییب تسلیم اولدوغونو باغیریر. عبدی اونو اؤلدورمه یین، وئرین منه دئیر. ممد سلاحینی چکیر عبدی و باجی اوغلونو وورور. گلنلره ده دئییر خدیجه نین باشیندان بیر توک اسگیلمه سین. خدیجه سن کنده قاییت گلیب سنی آپاراجاغام.
 
اینجه ممد ۴
گئجه سلیمانلا خانیمیسی یاتمیشلار، قاپی چالینیب سلیمان آچیب قارشیسیندا بیر جوانی گؤرودو، خانیمی چاغیردی گل گور قوناق گلیب، قادین  گلیب اونوندا گوزلری یوخولو و یورقون تانیماییر، اینجه ممد آدینی دئییر، اونو باغیرلارینا باسیرلار، سلیمان دئییر: بو گو٘نلر سنی دو٘شونوردوم. ممد اونا عبدی آغا و ولی نی اؤلدوردویونو دئییر. عبدی آغا دئییر اینانمازدیم سن آدام اولدورسن، آما عبدی نی اؤلدورمکده یاخجی ایش گؤروبسن.  اونا ایسی شوربا وئریب، گیزلین بیر یئر دو٘زلدیریلر راحات یاتسین دئیه. صاباح آخشام سلیمان اونا دئییر گرک سنی داغا آپارام یاغی لارا تاپشیرام، بوردا خطرده سن گلیب توتارلار سنی. بیر خبر چی دن دلی دوردو یاغی نین یئرینی اؤیرنیب، تفنگینی گؤتوروب ممد له یولا دو٘شور. قارانلیقدا قرار یئرینده گولله سسی له یاغی لارا خبر وئریر. گلیب اولاری دوردونون یانینا آپاریرلار. سلیمان دوردونون آرواد اوشاغینا یئتیشیب اولاری آجلیقدان قورتارمیشدی. دوردو سلیمانی چوخ حورمتله قارشیلاییر، اودا ممدی اونا تاپشیریر. حال قضیه نی ده دئییر. یاغی‌لر اونون عبدی آقا یلا ولی دامادی اؤلدورمه سیندن چوخ تعجب ائدیب اونو آلقیشلاییرلار. گئجه سلیمان آغا اوردا قالیب، ائرته سی گون ممدی اوردا قویوب قاییدار. بو طرفدن کندده عبدی آغانی یارالی، یاریم جان ولینین ده جنازه سینی گتیریرلر. عبدی آییلماق همان ولینی سوروشوب، اولمه سیندن چوخ او٘زولور. خدیجه نی سوروشور، دئییلر توتوب گتیرمیشیک. عبدی آغا آداملارینی ییغیب خدیجه نی اینجیتمه سینلر دئیه تاپشیریر. اولارا یالان دان بیر ناغیل اؤیردیر، اونو ممد، ولینی ده خدیجه ووردو دئیه. هامیا بو یالانی ازبرلدیر، بیر توپال علی یالان دئمه یه راضی لاشمیر. عبدی ده سینیرلنیب، توپال علی‌نی کنددن ائشیه سالیر.  عبدی آغا حکومت دوکتورو، ژاندارمانی چاغیریر. دوکتور له ژاندارملار گلیر.. اؤلونون قویلاماسینا اذن وئریلیر. ولینین آتاسی عبدینی بو ایشلرین بورا چاتماسی، اوغلونون اؤلوموندن سوروملو توتور. خدیجه نی زورلا گتیریب سورغویا چکیرلر. خدیجه اولانلاری بیر بیر دئییر. شاهد لر یالان ازبرلرینی ژاندارما لارا دئیرلر. خدیجه دن سن ولینی اؤلدوردون سوروشورلار، اودا چوخ چاشقین، من سیلاح ایشلتمک باشارمارام، قورخارام دئیر. کیمسه قولاق آسماییب اونو توتوقلاییرلار.
خدیجه نین آناسی اؤزونو اودا کؤزه ووروب قیزینی گؤرمه یه گئدیر. کندده کی دانیشیلان سوزلری اینانمیش، قیزینا آغلایا آغلایا بو نه ایشدی قیزیم سن نیه او اوغلانی اولدوردون سوروشور. خدیجه چوخ چاشیر آناسینا من اولدورمه میشم آنا، سن بیلیرسن من سیلاح دان قورخارام، من آدام اؤلدوره بیلمرم. آناسی اینانیب دئیر: گئدیب عرضه یازدیریب سنی بوردان آزاد ائدرم. آناسی گئدیب عرضه یازان تاپیب یازدیر یب عدلیه یه آپاریب وئرر. خدیجه آیلارجا دوستاقدا ، ممد ده دلی دوردو یاغی له داغلاردا قالار. دوردو یوللاردان گلیب گئده نی سویوردو. آلت پالتارلارینا جان سویوندوروب اولاری الی بوش پولسوز پاراسیز، کتک یئمیش یولا سالیردی. اونون ظولملری هامینین قولاغینا چاتیب، قورخودوردو. ممد بو ایشلری بینمیردی آما چاره سیز بویون اییردی.

بیرگون اورماندان کئچرکن دلی دوردو اوردا قالسینلار دئیه اصرار ائتدی، ممد له آیری دوستلاری دئدیلر اورمان خطرلی دی و ژاندارملار اولاری تاپا بیلرلر دئدیلر. بیر یولداش لاری دا رجب چاووش آدلی بیریدی، کیمسه اونو تانیمیردی، فقط قوجا احمدین یولداشی اولدوغونو بیلیردیلر. بتر اوستا یاغی ایدی. جباردا نه قدر دیرندی دوردو راضی دوشمدی. سونوندا عاصم چاووش دسته سی له اولاری تاپیب آرالاریندا قانلی بیر ووروشما دو٘شدو، رجب چاووش وورولوب یارالاندی. چوخ ووروشماقدان سونرا آز قالا ژاندارملارا توتولسونلار ممد نئچه ال بمباسی گؤتوروب آپاریب ژاندارمالارین آراسینا سالیب، اولاری داغیتدی. قالانلار دا دالی چکیلدیلر. باشلاری آییلاندا آج به سوسوز دورلار. ایتلرین سسی گلیردی، او یاخینلاردا کند اولدوغونو گوستریردی. ممد له جبار چوره‌ک تاپماغا یوللاندیلار. کنده یاخین چادیرلار واریدی. یولدا جبار، دوردونون چوخ پیس آدام اولدوغونو ممد له دانیشدی، بیز نیه اونون دالیسی جان گئدیریک، ممد دئدی چاره میز یوخدو. آند ایشدیک سونونا جان بیر اولاق. چودارلارین چادیرلارینا چاتاندا، هامی بولارین پئشوازینا گلدی کریم اوغلو آدلی بیر چودار اولارا چوخ محبت ائدیب، یئمک ایچمک یاتاق وئردی، پالتارلارین دئیشدیریب، تمیز آلت پالتاری وئریب اولاری یودورتدو. یاتیب دوروب نئچه باغلی دا یئمک له اولاری یولا سالدیلار. ممد له جبار یئمک لرله یاغی لارین یانینا گئدیب اولارین وارین کارین، چادرلارینین گوزللییندن تعریفله دیلر. دوردو یولداشلارین دا گٔوتوروب چادیرلارا ساری یولا دوشدو، ممد له جبار کریم اوغلو گیلدن چوخ اوتانیردیلار. او قدر محبته قارشی دوردو اولاری سویماغا گئدیردی.
 
اینجه ممد ۵
دلی دوردو چادیرلارا سالدیریب اولارین بوتون قیزیل لارین، وار یوخلارین آلیب کریم اوغلودان لوت اولماسینی ایسته دی، کریم اوغلو یالوار یاخار ائتدی منی کیمسه سویماییب ایندیه جان، چادرلاردا قادینلار اوشاقلار توکولوب گلدیلر، دوردونو بو ایشی گورمسین دئیه دایاندیرسینلار. دوردو ال چکمه یینجه، ممد چادر دان ائشیه گئدیب باغیردی: ال چک دوردو یوخسا وورارام! دوردو اینانمیردی ممد اونون او٘زونده دوروب، رجب چاووش دئدی دوردو گئت، اوشاقلاری راحات بوراخ. ساچی کارالی ائلی ائشیتجک توکوله جکلر، کریم اوغلو او ائلین خانی دیر. اولاردان قورتولانماسان، گئت. ممد جبار،  یارالی رجب بیر اولوب دوردودان آیریلدیلار. اولار داغلارا، بولار کنده طرف یوللاندیلار. ممد چادیرلارا گئدیب کریم اوغلو دان عوذور دیله دی، بئله اولدوغونو بیلمدیک خان دئدی. کریم اوغلو یارالی یارالی گئنه ممد گیله شام یئمه دن گئتمه یین دئدی. ایکی یولجو، حسن و علی آدلی ایللر چوکوروا دا ایشلییب پول بیریکدیریب ایندی عائله لرینین یانینا دؤنوردولر. ممد گیل اولاری توتوب سویدولار، سونرا بیری نشانلیم منی گؤزلور، آلتی ایلدن سونرا گئدیرم اونو گتیرم ائویمه. اوبیری ده ایللردی ایکی اوشاغیمی گورمه میشم اولارا گوره ایشله ییب پول ییغمیشام دئیینجه ممدین او٘ره یی دؤزمه ییب پوللارین زادین، وئریب چاناکلی دو٘زوندن گئتمه یین، دوردو یا یاخالانارسیز دئدی. اولاردا آغلایا آغلایا سئوینجک یوللارین دییشیب گئتدیلر.
ابراز آدلی اییرمی یاشلی قادین،  کورپه رضاسی قوجاغیندا ارینی الدن وئردی. اوشاغی تانیشینا تاپشیریب اریندن قالان اکین ایشینین دالیسینی توتدو. رضانین عمیسی اونو ایسته دی، ابراز ارینین جنازه سینده آند ایچمیشدی بیرده اره گئتمه سین. عمی رد اولدوقدا ابرازا نفرت بسله دی اونو اینجیتمه یه باشلادی.  بیر تهر قارداشین یئرلرینی ابرازین الیندن چیخاردی. کیچیک اوشاغی له تک، یئرسیز قالان ابراز او٘زدن گئتمه ییب ائولرده ایشله ییب اوغلونو بؤیوتدو. اونا دایما آتادان قالان یئرلرین گورسدیب اونونکو اولدوغونو دئیردی. رضا بؤیودوکجه او یئرلره داها چوخ ماراقلانیب، بیرگون اونونکو اولاجاق آرزی بسلردی. رضا بؤیویوب قانون الیله یئرلرین عمی دن آلا بیلدی. مین آرزیلا اوردا آناسی له اکیب بیچمه یه باشلادی. بیر گون رضا سئوینجک یئری شوخوملاییردی، باشی ائله قاریشمیشدی کی نه واقت گئجه اولدوغونو آنلامادی، یورولوب باشینی بیر داشا قویوب یئرینده یوخلادی. اون بیر یاشلی قونشونون اوغلو دورموش هر گونکی کیمی رضانین یئمه یین آپاردی یئر اوستونه. یئتیشیب، قورخونج بیر صحنه گؤروب باغیرا باغیرا ابراز خالاسنا قاچیب رضانین قانلار ایچینده یاتدیغینی  خبر وئردی. کندلی لر رضانین یئرینه توکولوب اونون اولوسونو گؤردولر. یازیق ابراز آنا دلی دیوانه اولدو، سانکی دا هئچ بیر شئی ائشیدیب گؤرموردو. ژاندارما لار گلیب آراشدیردیلار، بیر ایز تاپمادیلار، ابراز دان سوروشدولار، او دا رضانی عموغلوسو اولدوروب دئدی. عموغلو علینی آدام اولدورمک سوچویلا توتوقلادیلار. اودا شاهد گتیردی دئدی من او گون اؤکوزلو کندینده توی دایدیم.

هامی بیلیردی کی رضانی عموغلوسو علی اولدوروب، آما یالانچی شاهدلر اونو قورتاریب، قوللارین ساللایا ساللایا ائوینه قاییتدی. بو ظلمی گوروب، ابراز بالتاسین گؤتوروب عمینین ائوینه گئتدی، هامیسینی اولدورسون دئیه. قاپینی بالتایلا سیندیرماق حالدا ایچری دن علی یوخدو دئیه سسلندیلر. او گئجه سینیردن ابراز، عمی گیلین ائوینه اود ووردو. کندلی لر ییغیشدی، اونو ساخلایانمادی. علی بیر یئردن تاپیلیب، ابرازی دالی دان توتوب ژاندارما لارا تحویل وئردی. ابراز محکمه ده قاپینین سیندیرماسینا، ائوی اودلاماسینا اعتراف ائتدی، هامیسینی بالتایلا اولدوره جکدیم دئدی. ابرازی زندانا گؤتوردلر. دلی لر کیمی فقط باغیریردی، منیم اوغلوم دونیایا دَیردی، اونون تایی یوخودو، اونو اولدوره نی قیمه قیمه ائده جکدیم... خدیجه ابرازی گؤروب اونون حالینا اوره یی یاندی. یانینا گلیب اونو دانیشدیردی. ابراز اونا اؤلو کیمی بیر سویوق، بوم بوش باخدی. بو باخیشدان خدیجه قورخوب گئتدی یورغانین آلتیندا قالدی. ابراز بیر ایکی گون آغزینا بیر تیکه چوره ک قویمادی، بیر قورتوم سو دا ایچمدی. خدیجه اونون حالینا او٘زولوب، اونا یئمک دن سودان گتیریردی، چوخ اصرار دان محبت دن سونرا بیر آز شوربا ایچیرتدی، ابرازین حالی یاواش یاواش یاخجی لاشدی، اولار ایکیسی بتر همدم درد بیر اولدولار. همشه بیر لیکده یئییب ایچیب دردلشیردیلر. گونلر کئچدی بیر گون خدیجه نین آناسی گؤروشونه گلدی. خسته حال، ال ایاغی یارالار ایچینده. عبدی آقا اونون کنددن ائشیه چیخماسینی یاساقلامیشدی اونا گوره قیزینین گؤروشونه گله بیلمیردی. آنا ممدین یاغی اولدوغونو دئییب خدیجه بیرآز سئویندی، سونرا ائشیتدیی پیس خبری دئدی کی ممد وورولوب دئییللر. خدیجه بو خبردن بتر او٘زولدو.
 
اینجه ممد ۶
آنا گئدندن سونرا خدیجه خسته لنیب او٘زونتودن یاتاق دا قالدی. ابراز اوندان مغایات اولوب اونا اومود وئریردی. یاغی لر اؤزلری یالاندان اؤلوم خبرینی آغیز لارا سالارلار، اؤزولمه ممد اؤلمه ییب.
ممد، جبار، رجب چاووش دوردو دان آیریلاندان سونرا داغلاردا سرگردان قالدیلار، یئمک ایچمک یوخ، ال ایاقلاری داشلاردان، تیکانلاردان یارالانمیش. چاره سیز ممدین کندینه ساری یوللاندیلار، اوزاقدان ایتلرین سسی کنده یاخینلاشمالارینی بیلدیریردی. کنده قالمیش دییرمان واریدی، اسماعیل دییرمانچی ممدی تانیر و چوخ سئوردی. ممد دییرمانین قاپیسینی چالدی، سس گلدی کیمسن؟ - ممدم. - ممد اؤلوب سن کیمسن، ممد سس وئردی: منم اسماعیل عمی، اوندا تانیدی ممدین ساغ اولماسیندان چوخ سئویندی. اونو ایچری آلدی یارالارینا مرهم قویدو، ممد آناسیندان، خدیجه دن سورشدو، دئدی یاخجی دیلار. اونلارا یئمک حاضیر لاییردی. ممد آناسیندان، خدیجه دن نگران،  اوتورانماییب،  کنده گئتمک ایسته دی. کندده دورموش عمی گیله گئتدیلر. دورموش عمی خانیمیله اولاری قارشیلاییب ایچری آلدی.  دورموش عمی ممد له حال احوالدا بیلمه دن آناسی اؤلوب اونو اوز الیله قویلادیغین ممده دئدی. ممد چوخ او٘زولدو، دورموش اوندا ممدین خبری  یوخدو، آنلادی. خانمیسی دانلادی قوی بیر تیکه چؤره ک بوغازیندان کئچسین دئـیه. دورموش چوخ اوتاندی آلتی آیدی اولوب، اینانمیردیم خبرین یوخدو دئدی.  ممد عمینین خانیمیندان اولانلاری سوروشدو، چوخ اصراردان سونرا خالا اولانلاری دئدی: خدیجه امنیه نین زندانیندادیر ، نئچه گونه اعدام اولاجاق. ممد قالخدی، دورون عبدینین ائوینه گئده ک دئدی. جبار، رجب چاووش، ممد، عبدینین ائوینه یومولوب قاپینی دؤیدولر، ایکی آروادی، اوشاقلاری اونون ائوه گلمه دیینی دئدیلر.  ایچری گیردیلر، عبدی یوخودو. آروادلارین بیری یالواردی کی منیم اوشاقلاریمی اینجیتمه، عبدی ائوه گلمیر، گئت اونو تاپ اؤلدور، آما بیزه اوشاقلاریمیزا رحم ائت. ممد اؤنجه عبدینین ایکی اوشاغینی توتوب رجب چاووشا وئردی گل نه ائدیرسن ائت دئدی. رجب اوشاقلاری آپاریب باشلارینا سلاح دایادی. قادینلار یالواریب آغلادیلار. ممدین گونلو رحمه گلیب اولاری باغیشلاییب، ائودن چیخیب گئتدیلر. رجبین یاراسی بترلشمیش، اؤزلری ده آج به سوسوزدولار، ممد گئنه دورموش عمی گیله دؤندو. اولاردا تویوق کسیب، پلو پیشیریب،  مفصل شام حاضیرلامیشدیلار. او٘چو ده دویونجا یئییب ایچدیلر. ممد توپال علینی دورموش عمی دن سوروشدو. اودا دئدی: کور علی آدلی بیرینی گوندریب تاپارام. حوری ننه ممده اصرار کی توپال علینی تاپدیقدا اولدور اونو، سنین یئرینی او گوستردی. دورموش دا یوخ دئییب، علینین ایشی ایز تاپماقدی، ایزی تاپاندا بیلمز کیم کیمه دی، دوست دوشمان بیلمز، یالنیز ایشینی گؤرر دئدی. ممد یاواشجا دئدی منده ایستیرم بیرینین ایزینی تاپسین. کور علی گئدیب توپال علینی گتیردی. قورخوسوندان تیرتیر تیتره ییردی. اونو اولدوره جکلر سانیردی.  ممد اونونلا یالنیز دانیشدی، عبدینین ایزینی تاپسین ایسته دی. علی توپال سئوینیب دئدی: بونو تئز دئسه یدین ممد.

او منیم ائویمی ییخدی، ائلیمدن کؤیشنیمدن قوغدو. اونو الیمله قویدوغوم کیمی تاپارام. سیزده منیمله گلین، علی توپال، ممد، جبار، رجب چاووش یولا دو٘شدولر. آرادا علی اولارا بیر یئرده منی گوزله یین دئدی. تک باشینا کنده گئدیب قفه خانا  دا چای ایچیب اونون دیلینین آلتیندان عبدی نین یئرینی چیخاردی. آک توزلو کندینه گئدیب، علی صفا بگین  ائوینده قالیر. عبدی له دانیشدی، یالاندان بیر آز آغلاییب اونا سیغیندیغینی دئدی. ممد اونون ائوینی باسیب، اوشاقلارین آروادلارینی اینجیدیب دئدی. عبدی اینانیب اونا پول وئریب کنده گئت منیم اوشاقلاریمدان خبر گتیر دئدی. علی ممد گیلین یانینا قاییدیب، اولارا عبدینین یئرینی اؤیرتدی. ممد علی توپالی یولا سالیب، اوچ یاندان عبدینین قالدیغی یئره جوموب اونونلا دؤیوشوب ائوی اودا چکدیلر. بیر قوجا آرواد آرادا ائوه گیریب بیرآز یورقان دوشک زاد چیخاردی. دئمه عبدینی ائله جه قاچیریب. ممد گیل عبدینین چیخماغین یا اولمه سین بیلمه دیلر. کند اهلی تؤکولدو، رجب ایندی ژاندارما گلیر بیزی اولدورور دئدی. دورون گئده ک. عاصم چاووش اولارین ایزینی توتوب مئشه یه، قایالیقلارا آداملارین تؤکدو ممد گیلی تاپسینلار دئیه. قارانلیق مئشه ده اولاری تاپا بیلمییب، دالی چکیلدیلر. رجب چاووشون حالی خراب اولوب داها دایانانمادی، یولداشلارینین یانیندا، حایاتی باشا چاتدی. ممدله جبار ائله مئشه لیقدا اونو قویلادیلار. اوزلری داغلارا گئدیب عبدی اؤلدو، قالدی قایغی سی له قالدیلار.
اورالاردا بویوک اسماعیل  آدلی بیر قوجا واریدی یاشلی بیر دانیشان تاریخ ایدی. چوکوروانین کئچمیشینی بیلیردی. اونجه باتاقلیق بیر یئریدی. کیمسه اوردا یاشامازدی. سونرالار یایلاق قیشلاق ائدنلر واریدیلار.
 
اینجه ممد ۷
۱۹۱۷- ۱۹۱۸ دونیا ساواش زامانلاری اورالاردا دییشیکلیکلر اولوب، ائللری یایلاق قیشلاق ائتمه یه قویمادیلار، اسکی خانخان لیق دئوریلیب، یئنی اربابلار گلدی، اؤز باشلارین ساخلاماقدان اؤترو یاغی لری داغلارا یوللاییب، اولاری چوخالتماغا باشلادیلار، کندلی لری زورلاییب، قادینلارینی بئله آپاریب، قالمایان ظولمو ائدیب،  یئرلرین اللریندن آلسینلار دئیه. یئرلری داها دا چوخ صاحابلاندیلار، اولار وارلانیب، کندلی لر لاپ یوخسول لاشدی. چوکوروا نین چوخو  اکینجاق اولدو، بیر بویوک خان  کی وار یوخون الدن وئرمیشدی، آما اوغلو علی صفا بیگی آدانایا حقوق اوخوسون دئیه یوللادی. اودا بیر آز اوخویوب درسی بیتمه میش کنده دونٔدو. حقوق ساوادیندان استفاده ائدیب آتاسینین الدن گـئدن یئرلرینی آلماغا باشلادی. یئنی خانلار باشاردیقلاری قدر یئرلره صاحاب دوردولار. علی صفا بیگ ده هر جوره حیله ایشلدیب یئرلرین چوخالدیر،  گاهداندا الدن وئریردی. یئرلری آلماقدان اؤتری یاغیلار لا ال بیر اولوردو. بالا بالا کندلی لرین حققینی آلماق ایسته ین یاغی لرده تاپیلدلار. یاغی لر گوج و واردان اؤتری بیربیرلریله ساواشیردیلار. هرگئجه بیر دسته یاغی  اوبیرلری اؤلدورور آرادان آپاریردی. گونلرین بیر گونونده عبدی آغا باش گؤزو چاپیق اونون ائوینه گلیب، اونا سیغیندی.  باشینا گلنلری تعریفله دی، ممدین قورخوسوندان دییرمان اولوک کندیندن قاچیب حسین آقانین ائوینه، آک توزلو کندینده یئرلشیب ممد اونو تاپیب، بوتون کندی اودا چکیب. حسین آقانین ائوینی ائله یاندیریب کی کول اولوب، حسین آقانین بویوک خانیمی عبدی آغانی یورغان آراسیندا چیخارماسایدی آز قالا اوردا یانیب کول اولاجاقمیش. علی صفابی وای وای کندینی آلماق فیکرینده ایدی، اوردان قورتولسام، داغلاردا کی یاغی لرین حسابینا باخاجاغام. ممدی تاپیب اولدوره جه یم. علی صفا بیگ عبدی دن بیر زاد ایستیردی.
عبدی آغا علی صفا بیگی قارداش اوغلوسو کمی بیلیر اونا وای وای کندینی آلماسینا یاردیم ائده جک دئیه سوز وئریردی. علی صفابیگ سوریه دن قورخانا سفارش وئردیینی، کندلی لری تاپدالاماغی  عبدیه دئدی. عبدی دئدی: من سنین دالیندایام. او گئجه عبدی علی صفا بیگ گیلده قالمادی. نئچه گون بیر لیکده گورونمه یک دئدی.
ممد له جبار داغلاردا آج به سوسوز دولانیردیلار. ممد آک توزلو کندینی یاندیرماقدان چوخ اوتانیردی، اومود ائدیردی کی آزی  عبدی آغا یانمیش اولا. آجلیقدان دایانانماییب، امت گیله گئتدیلر اوردا بیر دینجلسینلر دئیه.  امت چیخیب اولاری ائوه آلماییب هر یئر دولودو تئز قاییدین داغلارا گئده ک دئدی. ممد آجیق دئدی، امت یئمک گؤتوروب اولارلا داغلارا گئتدی بیر کوهول واریدی، بوردا قالین دئدی، تاپسالار چوکورووایا یئنمه یین دئدی. او تایدان شیرین چشمه یه ساری گئدین. ممد کندلی لرین ارباب دان قورتولماقلارینی خیال ائدیر سئوینیردی. تیکانلی دو٘زون تیکانلارین یاندیریب اوردا کندلی لر اؤزلرینه اکیب بیچسینلر، یـئرلر،  جوت لر اؤزلرینین اولسون دئیه چوخ سوینیردی.

امت دئدی سیز بوردان ترپنمه یین، من سیزه یئمک گتیررم. ممد له جبار اوردا قالیب، بیر آز دینجلدیلر. چورک یئییب یاتدیلار، صاباح گئنه امت اولارا یـئمک گتیردی. اوردا کی چشمه دن ده سو ایچدیلر.
قارا توت کندی علی صفا بیگین غصب ائتدیی یئرلرینین یانیندایدی، علی صفا بیگین گؤزو او یئرلرده یدی. آغا صالح قارا توت کندینن تکجه بیلن اوخویانی ایدی. اوره کلی، شهامتلی بیریدی. علی صفا بیگین قاباغیندا دایانیب اؤزونون، هم کندلی لرینین یئرلرین، وارلارین قورویاردی. کند اهلی آغا صالحی چوخ سئوردیلر. گون کئچدی آقا صالحین ائولنمه واقتی چاتدی، نئچه گو٘نودو قارا توت کندی بوتون شنلیک، چالیب اویناماغیدی. سانکی هر ائوده تویدو. توی گئجه سی عثمان قالایچی آدلی، علی صفا بیگین عموغلوسو واونون ایتلرینین بیری آغا صالحی ووردو. هامی دئدی: قالایچی صالحی گؤزو گؤتورمزدی اونوچون اونو اؤلدوردو. صالح اؤلندن سونرا دا علی صفا بیگین کند اهلینه گوجو چاتمادی. چاراسیز قالایچینی چاغیریب ممدین اؤلدورمه سینی اوندان ایسته دی. عثمان قالایچی اونا چوخ چتین ایشدی دئدی، آما اؤزونه چتین گلمیردی. آغا صالحی اؤلدورندن سونرا داغلارا گئدیب اوردا اوزونه تایلاری ییغیب، بیر یاغی دسته سی دو٘زلتدی. اولارین بیری کیچیک علی ایدی، دوردونون آداملاریندان. قالایچی اونو چاغیریب ممدی اوندان سوروشدو، اودا ممدین قهرمالیقلاریندان، نئجه دورنانی گوزوندن وورماسیندان، بالاجا بیری، باشی یئکه زیرک بیری اولدوغونو دئدی.
 
اینجه ممد ۸
جبارلا ممد داغلاردان داشلاردان، دییرمان اولوک، اؤز کندلرینه ساری گئدیردیلر، جبار لاپ دیلدن دو٘شموشدو. ممد سئوینجک دایانمادان گئدیردی جبارا دا اوره ک وئریردی یئتیشیریک دئیه. سونوندا علی دورموشون ائوینه یئتیشدیلر، اودا عبدی نین یانیب اؤلدوغونو  ائشیتمیشدی. ممدی باغرینا باسیب، یئمک وئردی. ممد دئدی عبدی اؤلوب ایندی کندلیلر آزاددیلار، هرکس اکدییی یئرین صاحیبی دی، بیچدیی ده اؤزونوندو، یئرلر هامینین دی، جوتلرده هامینین دی، بئش کندین بویوکلرینی چاغیر بونو دئیه ک. دورموش علی بیر آز شک ائله ییب، سونرا کندلرین یاشلی لارینا خبر وئردی، هامی ییغیشیب، اینانمیاراق علی دورموشون ائوینین قاباغیندا دایاندیلار. علینین خانیمیسی چیخیب هامیا شنلیک ائله یین ممد گلیب، اکین لریمیز اؤزوموزوندو، اربابلارا پای وئرمه یه جه ییک، دئدی، بالا بالا شنلیک باشلادی. بیر ایکی گؤن چالیب اوینادیلار. ممد دئدی اکینلر اؤزوزوندو، بیزده تفنگ الیمیزده سیزی قورویاجاغیق. اؤنجه تیکانلی دو٘زونو اود ووراق، تیکانلار ال آیاغی یارالاماسین. تیکانلاری اودلادیلار، داغ کیمی اود یاندی، بوتون تیکانلاری یاندیردیلار. ائوه قاییداندا خبر گلدی توپال علی گلیر. ممد اونو خوش قارشیلاییب، احوال سوروشدو. توپال دئدی: عبدی آغا اؤلمه ییب، منی ائوینه باخماغا یوللاییب. هامینین شادلیغی شوونلیغا چئوریلدی. عبدینین ایسته ینلرینین دیلی آچیلدی، بو کیمدی بیزیم آغانی یاندیرسین، آغامیزین یئرلرینی بؤلور. او بویویلا یاغی اولوب.... ممد له جبار سویو سو٘زولموش چوخ او٘زونتولو کندی ترک ائتمه یه دوردولار.
کیچیک علی قارپیز قوهون بستانیندا بستانچی ایدی. بستانجیق آدلی یئرلرین چوخ حاصیل وئرن نارین تورپاغی واریدی. بیر گون سئل گلیب بستاتلارین هامیسینی سؤکوب آپاری. او زامانلار ائویندن کو٘سن داغلارا گئدردی. کیچیک علی ده داغا گئدیب، یاغی لارا قوشولدو. ایندی ده ممدین ایزین توتوب آختاریر. هر کیمدن اونو سوروشور، تانیمیریق دئییر. سونوندا بیر کلک ووروب ممدین آدامیام آک توزلونو بیر لیکده یاندیریب، اونو ایتیرمیشیم دئدی. بیریسی اینانیب اونو ممدین آغاج ائوینین آیاغینا آپاردی. ممد له جبار اونو خوش قارشیلاییب آما اونو اینانمادیلار. علی دئدی: قالایچی سیزی گورمک ایستیر. ممد ایسته دی قورخاق گورونمه سین. اونونلا یولا دوشدو.
 
اینجه ممد ۹
اینجه ممدین قالایچی له دؤیوشدوغو بوتون چوکوروا دا سسلنمیشدی. کندلی لرین آغزیندا افسانه لر کیمی دولانیردی. هامی اینجه ممد بیزیم دالیمیزدادی دئییب، آما قالایچینین قورخوسوندان کندلریندن ائشیه آیاق قویانمیردیلار. کندین مئیدانیندا قوجا عثمان هشتاد یاشلی، بئش آلتی اوغلو اولان بیر کیشی، اینجه ممدین ناغیل لارین ائشیدیب، اینجه ممدیم ...قارتالیم منیم... دئییردی. اوغلانلاریندان اینجه ممد یول کسن دئییل کی؟ یوخ دئییل دئدیلر، قوجا عثمان آیاغا قالخیب آتین ایسته دی، گئدیرم اینجه ممدیم، قارتالیما یاردیم ائدم، کندلی لری چاغیریب ممده پول ییغاق، داغلاردا الی بوش قالماسین دئدی. او٘چ گون سونرا دییرمان اولوکا یئتیشدی. کندین آراسیندا اوشاقلاردان ممدی سوروشدو. اوشاقلار یاغی اولوب بو کندده اونو سئومزلر دئدیلر، گلنده کیمین ائوینده قالار سوروشدو، علی دورموش عمینین ائوینده، دئدیلر. گئدیب دورموش عمینی تاپیب اینجه ممدی سراغلاشدی.

عمینین خانیمی شکوفه دره سینده، توپال علی گئده جک گؤروشونه سنده گئت دئدی. توپال علی عبدینین یانیندا اولور آما بیزدندی.
توپال علی له قوجا عثمان شکوفه دره سینه دوغرو یولا دو٘شدولر. چوخ گئتدیلر . بیر دام واریدی، توپال دئدی بورا ممدین ائویدی. جبار دامدا گؤزتچیلیک ائدیردی. ممدی سسله دی. گلیب توپال علی له بیر قوجانی گؤردو، قوجا عثمان ممدله تانیش اولوب، اونو باغرینا باسیب او٘ز گوزوندن اؤپوب، ممدیم، قارتالیم دئییب آغلادی. وای وای کندینین وضعینی ممده دئدی. علی صفا بئی گو٘نده بیرینین تورپاغین الیندن آلیر خالقی اؤزونه ایشچی ائدیب، وار یوخون الیندن آلیر. قوجا عثمان ممدی گؤروب دانیشیب، بیر بوقچا پای وئریب گئتدی. ممد آچیب گؤردو بوقچا دولودوسو پولدو.
قوجا عثمان کندین آراسیندا آتدان ائنیب بازاری اوباش بو باش ائدیب گوله گوله هامیا سلام وئریردی. اوردا کی لار هامیسی قالایچینین اؤلدوغونو بیلیردیلر. قوجا عثمانین او او٘زدن گولدوغونو دا. عثمان گئدیب قفه خانا دا عبدینی تاپیب، باشی اوسته دایانیب گو٘لدو، اوجادان سلام وئریب یولا دوشدو. وای وای کندینه گئتدی. عبدینین ال آیاغی تیتره دی، احمد آغا سیاستمدار عرضه یازانا گئتدی.احمد، علی صفا بیگین آداملاریندان و آغا فخرینین دوشمنی ایدی. عبدی چیغیرا چیغیرا احمده دئدی: حکومته یاز بوردا یاغی لر الیندن امنیتیمیز یوخدو، واریمیز یوخوموزو آلیرلار. اینجه ممد بئش کندیمین یئرلرینی کندلی لرین آراسیندا بؤلوب. بورا بیر قشون یوللاسینلار. چوخ های سالدی، احمد دئدی من بولاری یازانمارام، عبدی آقا فخریه گئدرم دئدی. هر کیمه گئدیرسن گئت دئدی احمد آقا.
ممد خدیجه نی گؤرمک مقصدیله داغلاردان ائنیردی، قارتال قایاسینین آیاغینا یئتیرمیشدی. قارتال او قایالارین آراسیند یووا قویار، بیر زمان بیر اوغلان قارتالین بالاسینی توتماق ایستیردی، ایپ چکیب قایانین باشیندان آسلانیب، قارتالین جوجه سینی گٔوتوروب ائنیرمیش، قارتال بیلیب قانادیله شمشیر کیمی ایپی کسیب اوغلان جوجه ایله بیرگه دوشوب تیکه پارچا اولوب. او واقتدان اورانین آدی قارتال قایاسی قالیب. جبار گئنه ممده یالواردی قصبه یه گئتمه سین دئیه، تانییب توتارلار سنی، ممد دئدی گرک گئدم خدیجه نی گؤرم . جمعه گئجه سی بیر دییرمانا یئتیشیب کیمسه نی تانیمادان اوردا یاتدی.  سحر های کویه اویانیب قصبه یه گئتدی. زندانی تاپیب گوزله ییر، امنیه گلیب سوروشور اوشاق نه ایسته ییرسن؟ ممد دار،  اوشاق پالتاریندا لاپ اوشاق کیمی گؤرونوردو. دئدی باجیم بوردا. - خدیجه؟ - هه. خدیجه نی چاغیردی: گل، قارداشین گلیب، خدیجه ماراقلی گلیب ممدی گؤردو. ایکیسی ده مات قالیب، بیر بیرلرینه باخیب دانیشا بیلمه دیلر. ممد قصبه یه دؤنوب دولانیردی، علی توپالی گؤردو اونا گوز اولماق اوچون گلیب، آت گتیریب اونا. ممد توپالا دئدی: علی داداش بیربیریمیزه باخدیق دانیشا بیلمدیک، سن گئت خدیجه نی گؤر، ایشی سؤزو وارسا دئسین. علی گؤروب گلدی، ممد پیس خبریم وار، چارشنبه گونو کوزانا آپاراجاقلار خدیجه یله ابرازی. ممد او٘زولمک یئرینه سئویندی، خدیجه نی امنیه لرین الیندن آلارام اوگون دئدی.
ممد سئوینجک قاپیدان گیردی. جبار ایندیه دک ممدی بئله گؤرممیشدی. آشیق علی بئچارا دا. آشیق علی له ممد گیل داغدا تانیشیب شکوفه دره سینده یئرلشمیشدیلر، آشیقین کؤیشنی ایدی اوراسی. شکوفه دره لیلر ممدی قورویوب قوللامیشدیلار، دردلرین اونا دئییب اونون یئمه یین ایچمه یین یئتیریردیلر. نه اولوب سوروشدولار، توپال دئدی چارشنبه خدیجه نی امنیه لردن آلاجاق چوکوروا دؤزونده. جبار مخالفیدی، چوکوروادا امنیه لردن زندانی آلا بیلمزسن دئدی، اولدورورلر سنی. سیزدن بیر شئی ایستمیرم تکیمه گئدرم. سه شنبه سحر دوروب گئتمه یه حاضیرلاندی، توپال علی ده دوردو، قوی گئدیم سنه آت گتیریم سنینله گلیم اوزاقدان گؤز اولوم سنه. ممد چوخ سئویندی. جبارلا آشیق اولاری یولا سالدیلار.
 
اینجه ممد ۱۰
علی توپال یول یؤندمی ممده اؤیردیب اؤزو قاباقدا گئتدی، ممد گئجه سحره جه قمیشلیقدا گؤزله دی، صاباحدا آخشامادک جاده ده گؤزله دی، آخشام گون باتانا یاخین دؤرد امنیه ایکی قادین اوزاقدان گؤروندولر، ممد امنیه لرله دؤیوشوب خدیجه یله ابرازی اولارین الیندن آلیب شکوفه دره سینه سؤردو، توپال علی دال دان یئتیریب آتی ممد دن آلیب صاحابینا آپاردی. ممد بیر آتینان قادینلاری کنده آپاریب، بیر ائوه گئدیب اوردا دینجلدیلر.
عبدی سینیخیب قفه خانا لاردا دئر دئر دئیینیردی. کندی دولانیب هامیا حکومت نیه ممدی، باشقا یاغی لری داغیتمیر دئیینیردی. علی صفا بیگ اونو چاغیریب بو نه عرضه دی یازمیسان، قصبه نین آبریسی گئدر سورغولاییردی. علی صفا عبدیه توختاخلیق وئریردی تاپشیرمیشام ممدی توتوب، باشین کسیب سنین ائویوین قاباغینا تیکسینلر. قالایچی اؤلندن علی صفا بیگین الی کسیلمیشدی.

علی داغینین زیروه سینه چاتماق چوخ چتینیدی. اوردان تیکانلی دوز بیر اووج قدر گؤرونوردو. بئش کند ده اوردان بالاجا بیر یئر گؤرونوردو. ممد اؤزو راحات گئدیب گلردی، خدیجه ایله ابرازی اورا چکمک چتینیدی. ممد اورا اووا گئدردی، قاریش قاریش علی داغین تانیردی، لاپ زیروه ده بیر کوهول تانیردی، اورانی اؤزلرینه ائو ائتمک ایستیردی. قادینلاری اورا یئرلشدیردی، اؤزو کنده قاییتدی لازیم اولانلاری گتیرسین. گئجه یارینی کئچمیش کنده یئتیردی، علی دورموش گیله گئتدی، خانیمی قاپینی آچدی. امنیه لر ایکیسینی ده کتک آلتینا سالمیشلار دئدی، علی دورموش عمینین ترپشمه یه حالی یوخدو، حوری ننه نین ده هر یئری گؤم گوی اولوب. ننه سینیرلییدی، نیه عبدینی اؤلدورمه دین دئیه. ممد توپال علینی سوروشدو. حوری ننه سیزین ائویزی اونا وئریبلر دئدی. اورا گئدیرم ممد دئدی. ننه دئدی گئت علینی اؤلدور گل. ممد گئتدی. علی دئدی هر یئر امنیه دولودو، گئت علی دورموش گیله گلیم. حوری ننه اونو گؤرجک اونا یان باخیب دئییندی. ممد  اوندان یورغان دوشک، آینا، ساج زاد ایستدی، علی توپال دئدی تاپارام. اربابین ائوینده هر شئ وار.
پاییز بویو، قیش اوزونو امنیه لر داغلاردا اسیر گزیردیلر. علی توپال اولاری بیلرک دولاندیریردی ممدی تاپماسینلار دئیه. قوجالمیشام دا گوزلریم ایز تاپانمیر دئییردی.
عبدی لاپ ارییب او٘زولموشدو، سینیردن بوغولوردو. علی صفا بیگده اونا ممدی تاپیب اولدوره جکلر وعده سی وئریردی.
ممد، خدیجه علی داغیندا کویولده اوزلرینه گوزل بیر یووا دوزلتدیلر. ممد جیران اوولاییب اتین یئییر دریسین قورودور دووارلارا آسیردیلار. کریم اوغلو گوزل کیلیم لر خدیجه یه جاهاز یوللامیشدی. قیشدا چوخ چتینلیک چکدیلر. کوهولو قیزدیرا بیلمیردیلر. ایچری ده اود یاندیراندا توستوسودن خفه لنیردیلر، ائشیک ده شاخدایدی. ممد آی یاریم اللشیب بیر باجا کوهولون دامیندا آچدی آما اودا کار کسمه دی. ایندی ده بیر هفته دی داغلارا ائنیب خدیجه ایله ابراز نیاراندیلار. سونوندا ممد یارالی یورغون گلدی. چیینیندن قورشون دیمیشدی. قارا ابراهیم له دؤیوشورموش. قورشونو قادینلار چیخاردیلار. ممد تب ائله دی. دئدی بیزی تاپا بیلرلر. گرک گئده‌ک. علی صفا بیگ قارا ابراهیمی بیزی تاپماغا گؤندریب. بیر هفته تب ایچینده قالدی، بیر هفته ده دینجلدی. جبار دا ممدین کمکینه گلیب قارا ابراهیمی دالیسی جان چکیب ممدی قورتارمیشدی. آرا دا عاصم وکیل باشی دا قشون چکیب آز قالا ممدین الیله وورولایدی. ممد اونا گئت دئییب سنینله ایشیم یوخدو. اودا قشونون گؤتوروب گئدیب.
پاییز گلدی او ایل تیکانلی دو٘زون بئش کندی ده بترحاصیل گؤتوردو، بوغدا سونبوللری آغیر ایری بوغدالارلا دولدو، بیچیلیب یئر به یئر اولدو. حوری ننه کند کند گزیر هامیا بیر دانا دا عبدیه بوغدا وئرمه یین دئییردی. اششک اولمیین. کیمسه بوغدالاریمیزی آلانماز. هامیسی بیزیمدی. توپال علی ده دولاندی کیمسه نی راضی سالانمادی عبدیه پای وئرسین. عبدی ائشیدیب دلی اولدو. آنکارایا تلگراف وردو، امنیه لره شکایتچی اولدو. امنیه لری کند لره یوللادیلار، ننه حوری نی اتاقدا دوستاقلادیلار، کندلیلر بیر کلمه دانیشمادیلار. سونوندا عبدی امنیه لره دئدی بو ایل حاصیلیمیز یوخودو. قوراقلیق اولوب، یوخسا هامیسین اربابیمیزا وئرردیک.
علی داغی بوتون قار آلتدا قالیب بیر قارا نوقطا دا گؤرونمور. کوهولون وضعی قولایدی، بوم بوش، سویوق. خدیجه بویلودو ایندی بو ساعات دوغاجاق. ابراز قوپ قورو قاپ قارا اولوب. ممدی ساققال باسیب. ابراز ممده دئدی: ممد بوگون صاباح اوشاغی اولاجاق خدیجه نین، کنده گئتمه لیییک گئده ک، بوردا قالمالییق، حاضیرلاناق. خدیجه تک قالماق ایسته مه دی، ممد تکینه کنده گئتدی. یادیندان چیخدی غلتک کولونو گوتورسون آیاق ایزلرین سیلسین. گئدیب کنددن لازیم اولانلاری گتیردی، آغیر آغیر. عاصم وکیل باشی دا ال چکمیردی. علی داغین قوروقلامیشدی.  علی توپالدا آیاق ایزین گورسه یدی اؤزون ساخلیانمییب تاپاجاقدی اولاری.
 
اینجه ممد ۱۱
عاصم وکیل باشی جانا گلمیشدی. بیر آیدان چوخودو داغلاردا سرگردانیدی. امنیه لردن بیری سئوینجک گلدی کی چاووش آیاق ایزی تاپیلیب، ممدین دی. توپال علینی چاغیردیلار. گئتمک ایسته میردی. منیم گؤزوم قار دا گؤرمز، منی آپارمیین بوشاخدادا. عاصم دئدی : گرک گله سن. گئدیب آیاق ایزینی تاپدیلار، علی دئدی: بو چوبان آیاق ایزی دی ممدین دئییل. چاووش سینیرلندی، امنیه لریله ایزین دالیسی جان گئتدی. لاپ کوهولون آغزینا آز قالا، تیر باران باشلادیلار. خدیجه ده دوغوم باشلادی. ابراز گاه خدیجه نین باشی اوسته یدی، گاه ممده کمک اولوردو.  آنجاق اوشاق اولدو. ایکی گون ایکی طرف ده گولله یاغدیردی. ممد چیینیندن وورولدو. ابراز یاراسینی باغلادی. ممدین گولله لری قورتولدو. اوغلونون باشی اوسته گئدیب، اوغلومون آدین ممد قویون، منی دیری بوراخمازلار دئدی.

تفنگینین باشینا آغ مندیل باغلاییب تسلیم اولدو. عاصم گلدی الینه دستبند ووردو. ابراز عاصمی چاغیریب اوشاغی گوستریب دئدی: سن سئوینمه، ممد سنه تسلیم اولمادی. بو اوشاغا تسلیم اولدو. عاصم اوشاغی گؤروب حالی عوض اولدو. من ائله آدام دئییلم سنی بو وضعده توتوقلیام. دستبندی آچیب، نئچه خشاب فشنگ سالدی ممدین قاباغینا، دالیمجا آت.  یولا دوشدو، آداملارینا دئدی بوران اولاجاق تئز قاییداق. منه تله قورموشدو، آز قالا ووراجاغیدی منی.
خبر کنده یئتیشدی : اینجه ممد وورولوب بوران یاتدیقدان سونرا جنازه سین گتیرجکلر. آغیز دان آغیزا هامی دویدو. قوجا عثمان کی کندلی لرین دالیسیندا دوروب یئرلرین، اکینلرین اوزلرینه گوتورسونلر یاردیم ائدیردی، ائشیدجک او٘زولدو: آی قارتالیم...آی ترلانیم... اوجابویلوم...ایری گوزلوم...
خبر عبدی آغایا یئتیشدی. هامی گوز آیدینلیغی وئریردی. قایم مقاما گئتدی، تلگرافلارینین هئچ بیری آنکارایا یوللانمییب بیلدی. سئویندی. سونرا خبر گلدی کی عاصم وکیل باشی دئییر ممد وورولوب آما قاچیب. گئنه عبدی دلی اولدی، عرضه یازانا تلگرافچیه یول دؤیدو.
قوجا عثمان او٘رکلندی، کندلی لره دئدی ایندی بیزیم یئرلر اؤزوموزوندو، بولاری ممده بورجلویوق. خبر گلیب عفو گله جک، گلن آیا گلر. اوندا ممدیله عائله سین بوردا یئرلشدیره ریک، اونا یئر وئره‌ریک. اوشاقلیدی. اوز کندیمیزه گلسین. بیر دول قادینین یئرین پول ییغیب آلدیلار. شوخوملاییب اکدیلر، ممده حاضیرلادیلار. چوخو دا عفو گلمه یی بینمیردیلر. ممد گلسین بیزیم کیمی اکینجی اولسون، نه فایدا. گئنه قالاریق عبدی کیمی لرین الینده. بئله ده ممدی دونیا تانیر.
توپال علی ممده عفو موشدولوغو وئردی. ممد دئدی: یاور فاروق ال چکمیر، گو٘نومو قارالدیب. ممد له عائله سی اوچ گونودور  داغدان ائنیب آلایارین قیرمیزی تورپاقلاریندا یئرلشمیشدیلر. خدیجه اوشاقلار کیمی سئوینیردی. قوجا عثمانین اولارا یئر آلیب ائو دوزلتدیینی ائشیدیب خوشبخت لیک دن اوچوردو. یاور فاروق آنی دن اولاری محاصره ائدیب، آتیشما باشلاندی. گؤیدن گولله یاغیردی. بیردن خدیجه باغیردی: یاندیم! ممد دویدو، باش آچیب گلدی گؤردو خدیجه اوزانیب او٘زونده بیر گولوش، ترپشمیر. ممد اونو گؤروب سینیردن قورودو. اوشاغی قوجاغینا آلیب جبارا دئدی: کند اهلینه خبر وئر گلسینلر خدیجه می عزیز لیک له تورپاغا وئرسینلر. پول دا وئردی. ابرازی، اوشاغی گؤتوروب داغلارا سو٘ردو. ابراز ممده بو اوشاغی وئر منه آپاریم کندده بویودوم، رضامین یئرین دولدورسون، داغلاردا بو اؤلر دئدی. ممد راضیلاشدی. بیر آز اوشاغا باخدی اولاردان آیریلدی.
 
اینجه ممد ۱۲
کنده ساری یولا دو٘شدو. قوجا عثمان گوزل بیر عرب آتی یهرله دی هامیا دئدی گئدیرم قارتالیمی گتیرم، اونو زورنا بالابان لا قارشیلایین، اوبیری یاغی لر کیمی یوخ. ممدیم، شاهینیم گلیر. یولا دوشدو دییرمان اولوک دان ممدی گتیرسین. ممد دییرمان اولوک دا میداندا دایاندی حوری ننه نین گوزو ممده دوشدو: هه ممد خدیجه نی قوربان وئردین امنیه لره، ایندی ده گئدیرسن تسلیم اولاسان؟ گئت سنین اوره یین کیشی او٘ره یی دئییل. قوجا عثمان یئتیشدی، ممده آت گتیرمیشدی. ممد آتا مینیب دانیشمادان میدانین او تاییندا جبارا یاخینلاشدی، گئده ک دئدی. سو٘ردولر قصبه یه چاتاندا علی توپالدا یئتیردی. بیرده ممد عبدینین ائوینین آدرسینی آلیب یولا دو٘شدو. ائوین قاباغیندا آتین ساخلادی، گیردی ائوه عبدی یئرینده یاتمیشدی. ممد باشی او٘سته گئتدی، تفنگین قووزادی او٘چ گولله عبدینین سینه سینه بوشالتدی، یئیین قاییدیب آتینا مینیب دییرمان اولوکا ساری یوللاندی. امنیه لر خبر دار اولوب ائوه، سونرا ممدین دالیسیجا گولله یاغدیردیلار. ممد یئیین دییرمان اولوکون میدانینا یئتیشیب دایاندی، بالا بالا هامی ییغیشدی. حوری ننه ده گلدی، رنگی آغ آپباغ اولموشدو. ممد حوری ننه یه ساری دئدی: ننه اولدو. حاققینی حلال ائت. سونرا آتی هئی له دی، علی داغینا ساری سو٘ردو. کند اهلی گوزل پالتارلارین گئییب شنلییه باشلادیلار. علی دورموش عمی خسته یاتاغیندان دوروب هامی له برابر اوینادی. اوندان بئله کیمسه ممد دن خبری یوخدو. اکین واقتی کندلی لر تیکانلی دو٘زده بویوک بیر اود یاندیرارلار. علی داغیندا ترلان قایا سیندا دا اوچ گون اوچ گئجه اود یانار. ائله کی علی داغی گوندوز کیمی ایشیقلانار.

                          🌿 سون
https://t.me/Adabiyyatsevanlar

سطیرلنمیش شعرلر
✍:«هدیه شفاقت»
کؤچورن:«سحرخیاوی»
حاضیرلایان:«ادبیات سئونلر»

اؤلوم بئله شئیمیش یقین
حزین- حزین بیر آغی لا، بیر دوعایلا، بیر- ایکی دامجی گؤز یاشی لا، هارداسا ایلیشیب قالان سینیق- سالخاق خاطیره‌لرله یوخا چیخیریق...
هامی ائوینه- ائشییینه تله‌سیر...
بیری آیاق قابیسینی آختاریر، بیری پنجره‌ده کی کؤلگه‌سینده پالتارینین یاخاسینی دوزلدیر، بیری یئریندن ترپنمیر- اونا بیر دفعه ده چای گلیر.
هامینین اؤز درد- سری، ایشی گوجو- وار.
باخیریق، باخیریق، باخیریق....
گوزگونون اوستونه آتیلمیش اؤرتویو خلوتجه آرالاییب اؤزوموزو آختاریریق- گؤرموروک کوسوروک.
سینمیش بوداق اولوروق، یانیب قالمیش بینانین دیواری اولوروق، اوت باسمیش جیغیر، آتیلمیش چؤره‌ک قیرینتیلاری اولوروق- اؤزوموز اولموروق بیر ده.
داغیلیریق، سونرا نه اولورسا آییلیریق
جانیمیزی اورا- بورا ووروروق- یوخوق، داشا- دیوارا ووروروق- یوخوق.
کوچه‌نین اورتاسیندا آداملارین آیاغی آلتیندا ییخیلیریق،
اوستوموزدن آدلاییب کئچیرلر- یوخوق
کیمین‌سه قاباغینی کسیریک- ایچیمیزدن یول سالیب آرالانیر.
بویازینین اردینی ادبیات سئونلر کانالیندا اوخویون.

https://t.me/Adabiyyatsevanlar