اوشاق ادبیاتی
آذربایجان افسانه لری
سؤیله ین:«صمد بهرنگی - بهروز دهقانی»
چئویرن:«منیژه جمنژاد»
ای وای های۳
🧙♀ پادشاه لا وزیر مات مات بو منظره یه باخیر، بیر سوز دئمیر دیلر. بیر دن پادشاهین آغزیندان قاچدی وزیر بو "عجیب - غریب " اویونو اولمالی دیر. دسته گول ابراهیم اولوب دئدی: ائله دی پادشاه. دو٘ز دئدین. گئدیب عجیب - غریب اویونو اؤیرنمیشم. ایندی سن ده عهدیوه وفا ائت، قیزینی منه وئر. پادشاهین باشقا چاره سی یوخودو، او او٘زدن راضیلاشدی. سونرا ابراهیم دئدی: ایندی قاپی دا کی درویشه دئنه منیم کچل باشیمدان ال چکیب گئتسین ایشینین دالیسی جان. پادشاه درویشه دئدی چیخیب گئتسین. درویش کی هامان بیزیم ای وای های ایدی، دئدی: سؤزوم یوخ، گئدیرم. آما ابراهیم چرشنبه گئجه گرک منه قوناق اولا. ابراهیم قبول ائله دی، ای وای هایی یولا سالدی. چرشنبه گئجه ابراهیم ای وای هایین ائوینه گئتدی. ای وای هایین قیزی اونون الیندن توتوب زیرزمینه آپاردی. ابراهیم بیر اتاق گؤردو، قیزیلا دؤنموش آداملارلا دولو. قیزدئدی: بو گؤردوکلرین منیم، سنین تک دیری ایدیلر. آتام هامیسینی قیزیل ائدیب. بو گئجه ده ایستیر سنی کهنه قبرستانا آپاریب قیزیلا چئویرسین. قبریستانا یئتیشیرکن آتی سنه تاپشیریب اؤزو بیر قبره گیریب، اووسونلایاجاق. بیر آز سونرا قبردن بیر اؤلو چیخاجاق، اود توپوزو الینده. اؤلونون قاباغیندا کیم اولورسا اونون باشیندان ووروب قیزیلا چئویره جک. سن گرک آتی بوراخیب بیر یئرده گیزلنه سن. اؤلو کیمسه یی تاپماسا، قبره قاییدیب توپوزو آتامین باشینا ووراجاق. اوزو ده، آتام دا قیزیل اولاجاقلار. ایکیسینی ده گؤتور بورا گتیر. گئجه یاریسی ای وای های ابراهیمه دئدی: ابراهیم منیم بیر آز ائشیکده ایشیم وار. دور بیر کیلیم گؤتور بیرگه گئدیب قاییداق. ابراهیم بیر کیلیم گؤتوردو، آتا مینیب یوللاندیلار. قبریستانا یاخین ای وای های دئدی: ابراهیم سن آتین نوخداسینی توت، من ایندی جه گلرم. ای وای های قبریستانا گئتدی. ابراهیم تئز توو آتی بیر داشا باغلاییب قاچیب گیزلندی. بیر آزدان بیر اؤلو چیخدی، الینده اود توپوزو، گؤزلریندن اود پو٘سگوروردو. بیر آز اویان بویانا باخدی، او٘ست آشاغا باخدی، کیمسه یی گؤرمییب قاییتدی. بیر آز کئچدی. ابراهیم سس ائشیتدی. سونرا گؤی بیر اود قبر دن چیخدی. ابراهیم بیر آز دؤزدو، سونرا قبرین باشینا گئتدی، گؤردو ای وای های ایله اؤلو قیزیل اولوبلار. کیلیمی گتیردی اولاری چولغالاییب ای وای هایین قیزینین یانینا قاییتدی. ای وای هایین قیزی قاپی دا گوزله ییردی، هانسی ساغ قاییداجاق دئیه. گؤزو ابراهیمه دو٘شدوکده سئوینجدن چیغیریب قاباغینا قاچدی. ابراهیم قیز لا ائولندی، قیزیل لار هامیسی اونون اولدو. سونرا دا پادشاهین قیزینی آلیب سئودییینه یئتیشدی.
سون
https://t.me/Adabiyyatsevanlar
آذربایجان افسانه لری
سؤیله ین:«صمد بهرنگی - بهروز دهقانی»
چئویرن:«منیژه جمنژاد»
ای وای های۳
🧙♀ پادشاه لا وزیر مات مات بو منظره یه باخیر، بیر سوز دئمیر دیلر. بیر دن پادشاهین آغزیندان قاچدی وزیر بو "عجیب - غریب " اویونو اولمالی دیر. دسته گول ابراهیم اولوب دئدی: ائله دی پادشاه. دو٘ز دئدین. گئدیب عجیب - غریب اویونو اؤیرنمیشم. ایندی سن ده عهدیوه وفا ائت، قیزینی منه وئر. پادشاهین باشقا چاره سی یوخودو، او او٘زدن راضیلاشدی. سونرا ابراهیم دئدی: ایندی قاپی دا کی درویشه دئنه منیم کچل باشیمدان ال چکیب گئتسین ایشینین دالیسی جان. پادشاه درویشه دئدی چیخیب گئتسین. درویش کی هامان بیزیم ای وای های ایدی، دئدی: سؤزوم یوخ، گئدیرم. آما ابراهیم چرشنبه گئجه گرک منه قوناق اولا. ابراهیم قبول ائله دی، ای وای هایی یولا سالدی. چرشنبه گئجه ابراهیم ای وای هایین ائوینه گئتدی. ای وای هایین قیزی اونون الیندن توتوب زیرزمینه آپاردی. ابراهیم بیر اتاق گؤردو، قیزیلا دؤنموش آداملارلا دولو. قیزدئدی: بو گؤردوکلرین منیم، سنین تک دیری ایدیلر. آتام هامیسینی قیزیل ائدیب. بو گئجه ده ایستیر سنی کهنه قبرستانا آپاریب قیزیلا چئویرسین. قبریستانا یئتیشیرکن آتی سنه تاپشیریب اؤزو بیر قبره گیریب، اووسونلایاجاق. بیر آز سونرا قبردن بیر اؤلو چیخاجاق، اود توپوزو الینده. اؤلونون قاباغیندا کیم اولورسا اونون باشیندان ووروب قیزیلا چئویره جک. سن گرک آتی بوراخیب بیر یئرده گیزلنه سن. اؤلو کیمسه یی تاپماسا، قبره قاییدیب توپوزو آتامین باشینا ووراجاق. اوزو ده، آتام دا قیزیل اولاجاقلار. ایکیسینی ده گؤتور بورا گتیر. گئجه یاریسی ای وای های ابراهیمه دئدی: ابراهیم منیم بیر آز ائشیکده ایشیم وار. دور بیر کیلیم گؤتور بیرگه گئدیب قاییداق. ابراهیم بیر کیلیم گؤتوردو، آتا مینیب یوللاندیلار. قبریستانا یاخین ای وای های دئدی: ابراهیم سن آتین نوخداسینی توت، من ایندی جه گلرم. ای وای های قبریستانا گئتدی. ابراهیم تئز توو آتی بیر داشا باغلاییب قاچیب گیزلندی. بیر آزدان بیر اؤلو چیخدی، الینده اود توپوزو، گؤزلریندن اود پو٘سگوروردو. بیر آز اویان بویانا باخدی، او٘ست آشاغا باخدی، کیمسه یی گؤرمییب قاییتدی. بیر آز کئچدی. ابراهیم سس ائشیتدی. سونرا گؤی بیر اود قبر دن چیخدی. ابراهیم بیر آز دؤزدو، سونرا قبرین باشینا گئتدی، گؤردو ای وای های ایله اؤلو قیزیل اولوبلار. کیلیمی گتیردی اولاری چولغالاییب ای وای هایین قیزینین یانینا قاییتدی. ای وای هایین قیزی قاپی دا گوزله ییردی، هانسی ساغ قاییداجاق دئیه. گؤزو ابراهیمه دو٘شدوکده سئوینجدن چیغیریب قاباغینا قاچدی. ابراهیم قیز لا ائولندی، قیزیل لار هامیسی اونون اولدو. سونرا دا پادشاهین قیزینی آلیب سئودییینه یئتیشدی.
سون
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
Media is too big
VIEW IN TELEGRAM
اوشاق ادبیاتی
اوشاقلاریمیزی میللی موسیقیمیزله تانیش ائده ک.
اوشاق ادبیاتی هرهفته پنجشنبه گونو ادبیات سئونلر کانالیندا .
اوشاق ادبیاتینا دایر یازیلارینیزی بیزه گوندرین .
https://t.me/Adabiyyatsevanlar
اوشاقلاریمیزی میللی موسیقیمیزله تانیش ائده ک.
اوشاق ادبیاتی هرهفته پنجشنبه گونو ادبیات سئونلر کانالیندا .
اوشاق ادبیاتینا دایر یازیلارینیزی بیزه گوندرین .
https://t.me/Adabiyyatsevanlar
اوشاق ادبیاتی
«ویدا حشمتی»
جانیم، آذربایجانیم
بیر باخ او اوزاقلارا
چیچکلهنن یوللارا
توشونداکی گؤزل چای
قیراغیندا کوللارا
او چؤلده او آراندا
دولو دولو لالالار
اوینایان کپهنکلر
یاشیل-یاشیل تارلالار
ویز-ویز ائدن آریلار
گولدن، گوله قونورلار
اورهکلره بیر سئوینج-
بیر محبت قویورلار
داغلاردان آخان سولار
جان وئریری بو جانا
آناما قوربان اولوم
بیر ده آذربایجانا
https://t.me/Adabiyyatsevanlar
«ویدا حشمتی»
جانیم، آذربایجانیم
بیر باخ او اوزاقلارا
چیچکلهنن یوللارا
توشونداکی گؤزل چای
قیراغیندا کوللارا
او چؤلده او آراندا
دولو دولو لالالار
اوینایان کپهنکلر
یاشیل-یاشیل تارلالار
ویز-ویز ائدن آریلار
گولدن، گوله قونورلار
اورهکلره بیر سئوینج-
بیر محبت قویورلار
داغلاردان آخان سولار
جان وئریری بو جانا
آناما قوربان اولوم
بیر ده آذربایجانا
https://t.me/Adabiyyatsevanlar
"کورپو"
«فرانتس کافکا»
تورکجه چئویرن:«محمدرضا_نوازی»
سَرت همده سوُيؤق کورپو کیمی، بیر سیلدیریم اوسته سریلمیشدیم.
بو یاندان آیاقلاریمی، او یاندان اَللریمی یئره کئچیرتمیشدیم.
اؤز یئریمده دایانماق ایچین، درین پالچیغی جیرماقلامیشدیم. اوست گئییم تومانی ،یئل الیندن ایکی یاندان فیرلانیردی. سیلدیریم درینلیگینده، قیزیل بالیق چایینین سُویؤق سؤیؤندا، جوشقونجا کئچیردی. هئچ یولجؤ اُو اوجا، کئچيلمز یولا، یول آزدیرمامیشدیر.
ایندی یه دَک، ائله بیر کورپو،هئچ بیر چیزین(نقشه) اوسته یازلمامیشدیر.
بئلهلیکله، سیلدیریم اوسته سریلمیش حالدا گوزلهییردیم.
چاره سیزلیکدن گوزلمهلییدیم.
هئچ کورپو داغیلمادان، کورپو اولماسینا سون قویا بیلمز.
بیر دونه آخشام چاغی، _ایلک آخشام یوخسا مینینجی، بیلمیرم_دوشونجهلریم سورَکلی اولاراق، چالپاشیق همده قرارسیز ایدی. یووارلاقجا (دایره وی)دولانیردی.
چای، یایین آخشام چاغیندا، چوخ بولانیق حالدا آخیردی. بیرآندا بیر کیشینین آیاقلارینین سسینی ائشیتدیم!
اِی کورپو مَنَه ساری!
مَنًه ساری !
یاخشی سَریلگیلَن،
بئلینی دوزتگیلَن.
ای قُورونمایان اَلوارلار، سنه تاپشیریلان اَلَلَری ساخلاگیلَن.
اؤزو بیلمهدن، قوشقو و گوجسوزلویو، آدیملاریندان اوزاقلاشدیرگیلَن.
آشا-آشا گئدیرسه، یاخینا گئت،
و داغلیق تانریسی دک اونو دنیزه آتگیلَن.
کیشی یولدان یئتیشدی، دمیر چَلیگین اوجو ایله بیزلهدی منی،
اوست گئییم تومانیمی توپلادی، اوستومه آتدی.
چلیگین اوجون توکلَریمین آراسینا ائندیردی.
آز زامان توکَلریمین آراسیندا ساخلادی. بیر حالدا کی او یان بو یانا گوز دولاندیریردی.
بیر آز سونرا_ داغدان-درهدن کئچدیگینی، اؤز خیالیمدا گوروردوم،
بیر آندا،ایکی آیاقلاریلا اوستومه اوچدو. جان سیخیجی آغریدان قورخونج حالدا اوُزومه گلدیم.
هر یئردن خبرسیز.
بو کیمیدی؟
بیر اوشاق؟
بیر کابوس؟
بیر یول کسن؟
اؤزونو اینتیحار ائدن بیر کس؟
اوجهشدیرن؟
تخریبات چی؟
سونرا اونو گورمک ایچین باشیمی قالدیردیم. کورپو باشیما دولانیردی
آمما هله لیک باشیمی دولاندیرمادان، داغیلماغیم باشلادی.
داغیلدیم.
بیر آن دا قیریلدیم.
همیشه اولدوغو کیمی سو ایچیندن گوزلریمه باخان ساکیت، یازیق کَسگین داش قلپهلری گوُودهمی پارچالادیلار.
https://t.me/Adabiyyatsevanlar
«فرانتس کافکا»
تورکجه چئویرن:«محمدرضا_نوازی»
سَرت همده سوُيؤق کورپو کیمی، بیر سیلدیریم اوسته سریلمیشدیم.
بو یاندان آیاقلاریمی، او یاندان اَللریمی یئره کئچیرتمیشدیم.
اؤز یئریمده دایانماق ایچین، درین پالچیغی جیرماقلامیشدیم. اوست گئییم تومانی ،یئل الیندن ایکی یاندان فیرلانیردی. سیلدیریم درینلیگینده، قیزیل بالیق چایینین سُویؤق سؤیؤندا، جوشقونجا کئچیردی. هئچ یولجؤ اُو اوجا، کئچيلمز یولا، یول آزدیرمامیشدیر.
ایندی یه دَک، ائله بیر کورپو،هئچ بیر چیزین(نقشه) اوسته یازلمامیشدیر.
بئلهلیکله، سیلدیریم اوسته سریلمیش حالدا گوزلهییردیم.
چاره سیزلیکدن گوزلمهلییدیم.
هئچ کورپو داغیلمادان، کورپو اولماسینا سون قویا بیلمز.
بیر دونه آخشام چاغی، _ایلک آخشام یوخسا مینینجی، بیلمیرم_دوشونجهلریم سورَکلی اولاراق، چالپاشیق همده قرارسیز ایدی. یووارلاقجا (دایره وی)دولانیردی.
چای، یایین آخشام چاغیندا، چوخ بولانیق حالدا آخیردی. بیرآندا بیر کیشینین آیاقلارینین سسینی ائشیتدیم!
اِی کورپو مَنَه ساری!
مَنًه ساری !
یاخشی سَریلگیلَن،
بئلینی دوزتگیلَن.
ای قُورونمایان اَلوارلار، سنه تاپشیریلان اَلَلَری ساخلاگیلَن.
اؤزو بیلمهدن، قوشقو و گوجسوزلویو، آدیملاریندان اوزاقلاشدیرگیلَن.
آشا-آشا گئدیرسه، یاخینا گئت،
و داغلیق تانریسی دک اونو دنیزه آتگیلَن.
کیشی یولدان یئتیشدی، دمیر چَلیگین اوجو ایله بیزلهدی منی،
اوست گئییم تومانیمی توپلادی، اوستومه آتدی.
چلیگین اوجون توکلَریمین آراسینا ائندیردی.
آز زامان توکَلریمین آراسیندا ساخلادی. بیر حالدا کی او یان بو یانا گوز دولاندیریردی.
بیر آز سونرا_ داغدان-درهدن کئچدیگینی، اؤز خیالیمدا گوروردوم،
بیر آندا،ایکی آیاقلاریلا اوستومه اوچدو. جان سیخیجی آغریدان قورخونج حالدا اوُزومه گلدیم.
هر یئردن خبرسیز.
بو کیمیدی؟
بیر اوشاق؟
بیر کابوس؟
بیر یول کسن؟
اؤزونو اینتیحار ائدن بیر کس؟
اوجهشدیرن؟
تخریبات چی؟
سونرا اونو گورمک ایچین باشیمی قالدیردیم. کورپو باشیما دولانیردی
آمما هله لیک باشیمی دولاندیرمادان، داغیلماغیم باشلادی.
داغیلدیم.
بیر آن دا قیریلدیم.
همیشه اولدوغو کیمی سو ایچیندن گوزلریمه باخان ساکیت، یازیق کَسگین داش قلپهلری گوُودهمی پارچالادیلار.
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
اوزل وئرلیش؛
قونو: کینایهلرین یارانیشی (43)
دوغا اوته سینه (متافیزیکه) عاییداولان کینایه لر
بو گئجه: 1401/1/29
ساعات: 21/30 «ادبیات سئونلر کانالیندا»
اوزمان: «میرحسین دلدار بناب»
https://t.me/Adabiyyatsevanlar
قونو: کینایهلرین یارانیشی (43)
دوغا اوته سینه (متافیزیکه) عاییداولان کینایه لر
بو گئجه: 1401/1/29
ساعات: 21/30 «ادبیات سئونلر کانالیندا»
اوزمان: «میرحسین دلدار بناب»
https://t.me/Adabiyyatsevanlar
«ثریا_خلیق_خیاوی»
#قارا_یازیلار
قارا یازیلار
ایپ اولور یئنه
بوغازیمدان باغلانیرام،
سنی اوروج توتمام گرک،
یوخسا باطیل اولار گؤزللیکلر!!!
وبیز
بیر عؤموردور
بیر-بیریمیزی
اوروج توتموشوق؛
اوباشدانسیز
ایفطارسیز...
باخیرام،
اورهییمه؛
گؤزللیک سنسن!
وار سنسن!
دامار سنسن!
نه وار سنسن!
باخیرام
شَهَرین اللرینه،
باطیل اولان حایاتلاردا؛
هانسی گؤزللیکلر یوخ اولاجاق؟؟!
ائولر، اؤلوم ایله ائولهنیبلر.
شَهَر،
بیر عؤموردور، اوروج توتور
اوباشدانسیز
ایفطارسیز...
باطیل کیمدیر؟ قاتیل کیم؟!
https://t.me/Adabiyyatsevanlar
#قارا_یازیلار
قارا یازیلار
ایپ اولور یئنه
بوغازیمدان باغلانیرام،
سنی اوروج توتمام گرک،
یوخسا باطیل اولار گؤزللیکلر!!!
وبیز
بیر عؤموردور
بیر-بیریمیزی
اوروج توتموشوق؛
اوباشدانسیز
ایفطارسیز...
باخیرام،
اورهییمه؛
گؤزللیک سنسن!
وار سنسن!
دامار سنسن!
نه وار سنسن!
باخیرام
شَهَرین اللرینه،
باطیل اولان حایاتلاردا؛
هانسی گؤزللیکلر یوخ اولاجاق؟؟!
ائولر، اؤلوم ایله ائولهنیبلر.
شَهَر،
بیر عؤموردور، اوروج توتور
اوباشدانسیز
ایفطارسیز...
باطیل کیمدیر؟ قاتیل کیم؟!
https://t.me/Adabiyyatsevanlar
زیبا میراحمدی( گونش)
واغزالدا داش ائویمیز
یاشلاندیقدا داشا دونوب
اصلا تانیماییر منی
خیاوانلارینین توت آغاجی
شاباش توتلارینی سپمیر باشیما
یایدا چتیرلنمیر منه
پاییزدا
هئیوا قوماشلی یارپاقلارینی ساخلامیر
چیلله تاباغینا
قیشدا کوینک چک اولمور منه
گؤزوم قالدی لئیلکلرین یواسینا سریلن
قاناد کولگه لرینده
نه ایستی سرینلیک....
آمما
داش ائویمدن کوچندن بری
قارا قارا قارالار یاخیلدی
دامغالی کیتابلاریما
قاشقالار تاخیلدی آلنیما
اوتوز ایلدیر شهرلر یول دویور «قارلانقو» ما
ایپه میریغا یاتمایان اوره ییم
هله ده « گونش» کیمی فیرلانیر باشیما
سون دوراغیم اردبیللندی
« اردبیله چن دوشوب
گؤزلریمه نم دوشوب
اوره ییم ساوالانیب
گونئییمه سن دوشوب»
*واغزال: قطار دوراغی
قوماش: پارچا
*کوینگ چک: پالتارسیز
آلنی قاشقا: سیمگه دیر, برچسب و ستاره دار
*قارلانقو( قارانقو): مییانا چایی
https://t.me/Adabiyyatsevanlar
واغزالدا داش ائویمیز
یاشلاندیقدا داشا دونوب
اصلا تانیماییر منی
خیاوانلارینین توت آغاجی
شاباش توتلارینی سپمیر باشیما
یایدا چتیرلنمیر منه
پاییزدا
هئیوا قوماشلی یارپاقلارینی ساخلامیر
چیلله تاباغینا
قیشدا کوینک چک اولمور منه
گؤزوم قالدی لئیلکلرین یواسینا سریلن
قاناد کولگه لرینده
نه ایستی سرینلیک....
آمما
داش ائویمدن کوچندن بری
قارا قارا قارالار یاخیلدی
دامغالی کیتابلاریما
قاشقالار تاخیلدی آلنیما
اوتوز ایلدیر شهرلر یول دویور «قارلانقو» ما
ایپه میریغا یاتمایان اوره ییم
هله ده « گونش» کیمی فیرلانیر باشیما
سون دوراغیم اردبیللندی
« اردبیله چن دوشوب
گؤزلریمه نم دوشوب
اوره ییم ساوالانیب
گونئییمه سن دوشوب»
*واغزال: قطار دوراغی
قوماش: پارچا
*کوینگ چک: پالتارسیز
آلنی قاشقا: سیمگه دیر, برچسب و ستاره دار
*قارلانقو( قارانقو): مییانا چایی
https://t.me/Adabiyyatsevanlar
قزئت احوالاتی
طنز:«بویوک آغا افندی»
هرهفته جمعه گئجه ساعات 21/30
ادبیات سئونلر کانالیندا
https://t.me/Adabiyyatsevanlar
طنز:«بویوک آغا افندی»
هرهفته جمعه گئجه ساعات 21/30
ادبیات سئونلر کانالیندا
https://t.me/Adabiyyatsevanlar
طنز:« بویوک آغا افندی»
قزئت احوالاتی
قوناق ائو یئیهسینین دوهسیدیر
ددهم هرگون دئییردی: « قوناق ائو یئیهسینین دوهسیدیر، هاردا خیخلاسان اوردا یاتار»
میرزه اممد منیم بیبیمین اوغلو ایدی. ائولری ورزقاندا اولاردی. هر ایل قیشی گلردی بیزه، بیر آی، آی یاریم قالاردی، بایرامدان سونرا دئیردی:
- دایی ایجازه وئرسن صاباح من گئدیم؛ یاواش- یاواش کندین ایشی چیخیر، ددهم تکدی.
ددهم ده دئیردی:
- من نه دئییرم کی بالا، بورا سنین اؤز ائویندی؛ هر واخت سئوسن گل، هر واختاجا دا سئوسن قال.
بو ایل ده میرزهاممد هر ایلکی کیمی قیشدا گلمیشدی بیزه. دونن گئجه یالان اولماسا بیر مئتیر قار یاغمیشدی. سحر یوخودان دوردوقدا، ننهم دئدی:
- مئشه بؤیوکآغا، منیم نردوانا گوجوم چاتماز؛ دور آنباردان کورهکنن نردوانی گتیر قوی داما، سیز گئدندن سورا من اوشاقلارلا چیخیم دامی کورویوم.
ددهم دئدی:
- آرواد، داما چیخدی ندی؟ ایستهمز سن دام تؤکهسن. من اؤزوم ایندی چیخیب کورویهرم.
ددهم اوزون توتوب میرزه اممده دئدی:
- میرزهاممد بالامسان، دور او کورهکلری گتیر، نردوانی قوی داما چیخ، او قاری تؤک. من ده گلیرم.
میرزه اممد حیطه چیخماق همان ددهم صبحانهسین یئییب گئتدی ایشه.
ددهم فرش یودوتدوراردی، ایپ بویاردی؛ ائله همن یئرده دوگو آل- وئری ده ائلردی. توکانا گیرنده هریاندان آسلانان رنگ به رنگ ایپ گؤرونردی. دوگو تایلاری دا توکانین بیر گوشهسینده اوست اوسته قالاناردی. توکانین دالیسی بؤیوک بیر حیط ایدی. ددهمین اوردا بئش آلتی ایشلهینی واریدی: ایکیسی چؤپجو ایدی، فرشلری یومامیشدان اؤنجه اونلاری آساردیلار، هرهسی بیر آغاج گؤتوروب دوشردیلر فرشین جانینا، وور ها وور دوشردی. او قدهر ووراردیلار کیفرشین تورپاغیندان بیر اثر قالماسین و تمیز یوولماغا آماده اولسون. سونرا فرشی سالاردیلارحیطین یئکه حوضونا، گئجه قالاردی، سحرهجه ایسلاناردی؛ سحر یوواردیلار. یوولموش فرشلری دام- دوواردان، حیطدهکی اؤزهل میلهلردن آساردیلار کی قوروسون. ایپ بویایان گونلر حیطده یئردن گویدن رنگ به رنگ بویاقلی ایپ ساللاناردی. تیانین بویاق قوخوسو حیطی بورویردی.
ددهم هرگون ناهار گلردی ائوه، ناهارین یئییب بالاجا بیر هوشلانیب، سونرا دوروب یئنیدن گئدردی ایشه. نیشان بو نیشان کی ددهم ناهارا گلمیشدی، میرزهاممد هله دامی تؤکوب قورتارمامیشدی. ددهم حیطدن بیر سینیق- سالخاق سوپورگه تاپیب جلد نردواندان قالخدی داما؛ میرزهاممده دئدی:
- یورولما باجی اوغلو، قورتارمامیسان هله؟
چوغوندور کیمی قیزارمیش میرزهاممد بوغلویا بوغلویا دئدی:
- دایی جانی والله اون خالوار قار تؤکموشم.
ددهم دئدی:
- اللر وار کیشی. یئدیگین چؤرهک حلالین اولسون.
ددهم سوپورگنی دامدا یئره آتیب دئدی:
- دای بیرزاد قالمیر بالا. اورالاری دا کورو، سورا بو سوپورگه ایله سوپور، قوی گل آشاغی، ناهاریمیزی یئیک.
***
سحری ددهم یوخودان دورماق همان، میرزهاممدی ده یوخودان اویادیب دئدی:
- دور بالامسان، چای- چؤرهگینی یئه، گئدهک کرخانایا. جانین اوچون زمانه ائله خاراب اولوب اؤزگییه ایش اومود اولماق اولمور. بایرام قاباغی او قدهر فرش گتیریبلرکی قالمیشیق الینده. چایینی ایچ، گئدهک. دور او کارگرلرین باشی اوسته، قوی ایشلهسینلر.
ددهم بونو دئییب، دیک قالخدی آیاغا. پالتوون گئییب، بؤرکون قویدو باشینا. میرزهاممدی سالدی دالیسینجا، گئتدیلر کرخانایا. چؤپجولر دوشموشدولر فرشلرین جانینا. تاپپا تاپ سسی دونیانی گؤتورموشدو. کرخانایا گیرجک ددهم ایشچیلرینه اوز توتوب دئدی:
- اشی، سیز ده ایشلهینسیز؟
الین میرزهاممده طرف توتوب سؤزونه داوام وئردی:
- ایشلهین بئله اولار با. دونهنین قارین تک جانینا من صبحانهمی یئیینجه تؤکدو. هرهلری سوپوردو، حیطده کی قارلاری تؤکدو کوچهیه، قویدو گلدی. سیز اؤلهسیز باخ بئشیز میرزهاممدین بیر دیرناغی اولا بیلمزسیز. میرزه اممد بالا یئری او آغاجلاردان هانسی کی الینه یاتیر گؤتورگل بولارا گؤرست ایشلهمک نجور اولار.
میرزهاممدین قولتوقلارینا سانکی قارپیز قویموشدولار. پورسوق کیمی شیشمیشدی. ائله دوشموشدو فرشلرین جانینا، آدامین فرشلره رحمی گلیردی. ناهاراجا تک جانینا اوچ نفرجه ایشلهمیشدی. ددهم گئدیردی- گلیردی دئییردی:
- اوغول بالا، میرزه اممد کارگر دئییل ها، او بیزیم اربابیمیزدی. مندن سورا بورانی میرزهاممد ایشلهدهجک.
آخشام اوستو میرزهاممدین، ایشچیلرین، فرشلرین جیریغی چیخمیشدی. هامیسی آچیلا قالمیشدیلار. هرهسی بیر طرفده سرهلنمیشدیلر یئره. ایستکانی لاپ زورلا اوسته قووزاییردیلار.
قزئت احوالاتی
قوناق ائو یئیهسینین دوهسیدیر
ددهم هرگون دئییردی: « قوناق ائو یئیهسینین دوهسیدیر، هاردا خیخلاسان اوردا یاتار»
میرزه اممد منیم بیبیمین اوغلو ایدی. ائولری ورزقاندا اولاردی. هر ایل قیشی گلردی بیزه، بیر آی، آی یاریم قالاردی، بایرامدان سونرا دئیردی:
- دایی ایجازه وئرسن صاباح من گئدیم؛ یاواش- یاواش کندین ایشی چیخیر، ددهم تکدی.
ددهم ده دئیردی:
- من نه دئییرم کی بالا، بورا سنین اؤز ائویندی؛ هر واخت سئوسن گل، هر واختاجا دا سئوسن قال.
بو ایل ده میرزهاممد هر ایلکی کیمی قیشدا گلمیشدی بیزه. دونن گئجه یالان اولماسا بیر مئتیر قار یاغمیشدی. سحر یوخودان دوردوقدا، ننهم دئدی:
- مئشه بؤیوکآغا، منیم نردوانا گوجوم چاتماز؛ دور آنباردان کورهکنن نردوانی گتیر قوی داما، سیز گئدندن سورا من اوشاقلارلا چیخیم دامی کورویوم.
ددهم دئدی:
- آرواد، داما چیخدی ندی؟ ایستهمز سن دام تؤکهسن. من اؤزوم ایندی چیخیب کورویهرم.
ددهم اوزون توتوب میرزه اممده دئدی:
- میرزهاممد بالامسان، دور او کورهکلری گتیر، نردوانی قوی داما چیخ، او قاری تؤک. من ده گلیرم.
میرزه اممد حیطه چیخماق همان ددهم صبحانهسین یئییب گئتدی ایشه.
ددهم فرش یودوتدوراردی، ایپ بویاردی؛ ائله همن یئرده دوگو آل- وئری ده ائلردی. توکانا گیرنده هریاندان آسلانان رنگ به رنگ ایپ گؤرونردی. دوگو تایلاری دا توکانین بیر گوشهسینده اوست اوسته قالاناردی. توکانین دالیسی بؤیوک بیر حیط ایدی. ددهمین اوردا بئش آلتی ایشلهینی واریدی: ایکیسی چؤپجو ایدی، فرشلری یومامیشدان اؤنجه اونلاری آساردیلار، هرهسی بیر آغاج گؤتوروب دوشردیلر فرشین جانینا، وور ها وور دوشردی. او قدهر ووراردیلار کیفرشین تورپاغیندان بیر اثر قالماسین و تمیز یوولماغا آماده اولسون. سونرا فرشی سالاردیلارحیطین یئکه حوضونا، گئجه قالاردی، سحرهجه ایسلاناردی؛ سحر یوواردیلار. یوولموش فرشلری دام- دوواردان، حیطدهکی اؤزهل میلهلردن آساردیلار کی قوروسون. ایپ بویایان گونلر حیطده یئردن گویدن رنگ به رنگ بویاقلی ایپ ساللاناردی. تیانین بویاق قوخوسو حیطی بورویردی.
ددهم هرگون ناهار گلردی ائوه، ناهارین یئییب بالاجا بیر هوشلانیب، سونرا دوروب یئنیدن گئدردی ایشه. نیشان بو نیشان کی ددهم ناهارا گلمیشدی، میرزهاممد هله دامی تؤکوب قورتارمامیشدی. ددهم حیطدن بیر سینیق- سالخاق سوپورگه تاپیب جلد نردواندان قالخدی داما؛ میرزهاممده دئدی:
- یورولما باجی اوغلو، قورتارمامیسان هله؟
چوغوندور کیمی قیزارمیش میرزهاممد بوغلویا بوغلویا دئدی:
- دایی جانی والله اون خالوار قار تؤکموشم.
ددهم دئدی:
- اللر وار کیشی. یئدیگین چؤرهک حلالین اولسون.
ددهم سوپورگنی دامدا یئره آتیب دئدی:
- دای بیرزاد قالمیر بالا. اورالاری دا کورو، سورا بو سوپورگه ایله سوپور، قوی گل آشاغی، ناهاریمیزی یئیک.
***
سحری ددهم یوخودان دورماق همان، میرزهاممدی ده یوخودان اویادیب دئدی:
- دور بالامسان، چای- چؤرهگینی یئه، گئدهک کرخانایا. جانین اوچون زمانه ائله خاراب اولوب اؤزگییه ایش اومود اولماق اولمور. بایرام قاباغی او قدهر فرش گتیریبلرکی قالمیشیق الینده. چایینی ایچ، گئدهک. دور او کارگرلرین باشی اوسته، قوی ایشلهسینلر.
ددهم بونو دئییب، دیک قالخدی آیاغا. پالتوون گئییب، بؤرکون قویدو باشینا. میرزهاممدی سالدی دالیسینجا، گئتدیلر کرخانایا. چؤپجولر دوشموشدولر فرشلرین جانینا. تاپپا تاپ سسی دونیانی گؤتورموشدو. کرخانایا گیرجک ددهم ایشچیلرینه اوز توتوب دئدی:
- اشی، سیز ده ایشلهینسیز؟
الین میرزهاممده طرف توتوب سؤزونه داوام وئردی:
- ایشلهین بئله اولار با. دونهنین قارین تک جانینا من صبحانهمی یئیینجه تؤکدو. هرهلری سوپوردو، حیطده کی قارلاری تؤکدو کوچهیه، قویدو گلدی. سیز اؤلهسیز باخ بئشیز میرزهاممدین بیر دیرناغی اولا بیلمزسیز. میرزه اممد بالا یئری او آغاجلاردان هانسی کی الینه یاتیر گؤتورگل بولارا گؤرست ایشلهمک نجور اولار.
میرزهاممدین قولتوقلارینا سانکی قارپیز قویموشدولار. پورسوق کیمی شیشمیشدی. ائله دوشموشدو فرشلرین جانینا، آدامین فرشلره رحمی گلیردی. ناهاراجا تک جانینا اوچ نفرجه ایشلهمیشدی. ددهم گئدیردی- گلیردی دئییردی:
- اوغول بالا، میرزه اممد کارگر دئییل ها، او بیزیم اربابیمیزدی. مندن سورا بورانی میرزهاممد ایشلهدهجک.
آخشام اوستو میرزهاممدین، ایشچیلرین، فرشلرین جیریغی چیخمیشدی. هامیسی آچیلا قالمیشدیلار. هرهسی بیر طرفده سرهلنمیشدیلر یئره. ایستکانی لاپ زورلا اوسته قووزاییردیلار.
میرزهاممد توکاندا دوگو تایلارینین اوستونده اوتورموشدو. آبی نیسان توکانین قاباغیندا دایاندی. شوفئر ددهمی گؤرجک دئدی:
- حاجی اوچ تن دوگودو، بودا بارنامهسی.
ددهم اوزون توتدو کارگرلرینه دئدی:
- بیلیرم بتر یورولوبسوز، آمما میرزهاممد بوردادی، قویون او چیخسین اوسته وئرسین، سیز گتیرین توکاندا ییغین اوگوشهیه. ائله ییغین او بیری دوگولره قاریشماسین. اؤزو ده اون- اون ییغین کی راحات ساییلسین.
ددهم گؤز آلتی، میرزهاممده ایشاره ائلهدی. میرزه اممد دئدی:
- دایی سنین خیالین راحات اولسون. سن شوفئرینن بیر چای ایچینجه بیز بولاری بوشالداریق.
***
گئجه ساعات دوققوز ایدی میرزهاممد جنگدن قاییدان عسگر کیمی یورغون آرغین، آشا- آشا ائوه گلدی. شیرین- شیرین قار یاغیردی؛ دوننکیندن ده بتر. بئله گئتسه سحرهجه یئنه مئتیر یاریم قار قویاجاق یئره.
میرزهاممدی سوفره باشیندا یوخو توتوردو. دیلی توتار توتماز دئدی:
- دایی ایجازه وئرسن من سحر ایستهییرم گئدیم.
ددهم دئدی:
- من نه دئییرم کی بالا، بورا سنین اؤز ائویندی؛ هر واخت سئوسن گل، هر واختاجا دا سئوسن قال. امما گئتمهمیشدن قاباق سحر دور چای چؤرهیینی یئه. من ایپ بویویاجاغام، سن ده بو دام- داشی کوره گئت! باجیما دا سلام یئتیر، اوشاقلارین دا اوزوندن اؤپ!
بیلمیرم نه اولوب، ایندی او گئدهن قارداشدی کی میرزهاممد اون بئش ایلدیر بیزدن گئدیب دای بیزه گلمیر.
https://t.me/Adabiyyatsevanlar
- حاجی اوچ تن دوگودو، بودا بارنامهسی.
ددهم اوزون توتدو کارگرلرینه دئدی:
- بیلیرم بتر یورولوبسوز، آمما میرزهاممد بوردادی، قویون او چیخسین اوسته وئرسین، سیز گتیرین توکاندا ییغین اوگوشهیه. ائله ییغین او بیری دوگولره قاریشماسین. اؤزو ده اون- اون ییغین کی راحات ساییلسین.
ددهم گؤز آلتی، میرزهاممده ایشاره ائلهدی. میرزه اممد دئدی:
- دایی سنین خیالین راحات اولسون. سن شوفئرینن بیر چای ایچینجه بیز بولاری بوشالداریق.
***
گئجه ساعات دوققوز ایدی میرزهاممد جنگدن قاییدان عسگر کیمی یورغون آرغین، آشا- آشا ائوه گلدی. شیرین- شیرین قار یاغیردی؛ دوننکیندن ده بتر. بئله گئتسه سحرهجه یئنه مئتیر یاریم قار قویاجاق یئره.
میرزهاممدی سوفره باشیندا یوخو توتوردو. دیلی توتار توتماز دئدی:
- دایی ایجازه وئرسن من سحر ایستهییرم گئدیم.
ددهم دئدی:
- من نه دئییرم کی بالا، بورا سنین اؤز ائویندی؛ هر واخت سئوسن گل، هر واختاجا دا سئوسن قال. امما گئتمهمیشدن قاباق سحر دور چای چؤرهیینی یئه. من ایپ بویویاجاغام، سن ده بو دام- داشی کوره گئت! باجیما دا سلام یئتیر، اوشاقلارین دا اوزوندن اؤپ!
بیلمیرم نه اولوب، ایندی او گئدهن قارداشدی کی میرزهاممد اون بئش ایلدیر بیزدن گئدیب دای بیزه گلمیر.
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
@Azeri_music
Alagöz_İfa:Lütfiar İmanov _Mus:Səid Rüstəmov_Söz:Zeynal Cabbarzadə…
آلاگؤز
موسیقی :«سعید_روستموف»
سؤز :«زئینال_جبارزاده»
ایفا ائدیر :«لوطفیار_ایمانوف»
https://t.me/Adabiyyatsevanlar
موسیقی :«سعید_روستموف»
سؤز :«زئینال_جبارزاده»
ایفا ائدیر :«لوطفیار_ایمانوف»
https://t.me/Adabiyyatsevanlar
گونلرین بیر گونونده...😂
✍:«افروز خانیم»
گونلرین بیر گونونده، شاه عابباس دوربونونده،
بیر کند واریدی، بیر کاتداسی،
کاتداسی ایشینده ناشی.
هئی ووروردو چاش- باشی.
آغ تَکه- قارا تَکه،
قارینلاری واریدی یئکه،
هم اؤزو هم دوستلاری، یئییردیلر هر نه واری.
هپیل- هَپو، چَپیل-چَپو، سونگه چیخدی کند یِهو!!
واری- یۇخو هئی چکلندی
باشقا یئرلره یوکلندی
اینکین سودو قورودو، قویونون اَتی قورودو
آغ گونلر تورانا دؤندو، تارلالار شورانا چؤندو
بولاقلارین سویو اوچدو، مئشهلرن جئیران قاچدی
پاه آتاونان بو کل دوه، رحمی گلمهدی هئچ نهیه
میطباخدان خؤرهک کسیلدی، تاباغدان چؤرهک کسیلدی
اوشاق آجیندان آغلاشدی، قوزولار دا داش قیغلاشدی
علی دئدی: سوچ ولیده
ولی دئدی: سوچ علیده
گولدو کندین دلیچهسی
باشی- گؤزو کوللوچهسی:
--"نه علیده، نه ولیده
سوچلار کچل زولفعلیده"
او آتدی اونون بوینونا
بو آتدی بونون بوینونا
کند بولاشدی ایت اوینونا
بؤیوک باشلار برک ساریشدی
یامان پوخ- پوخا قاریشدی
بو کندده قاری واریدی
گؤزلری سانکی داری ایدی
سئچردی آغی- قارانی
بیلردی هارا- هارانی
یاشیندان زامان کئچمیشدی
روزگار تندیرینده بیشمیشدی
دوشموشدو ایستی- سویوغا
خوروز دئمزدی تویوغا
دئدی:
-" ایشلر کئچیب ایشدن
یالنیز عیبرت آل کئچمیشدن
نه فرقی وار علی سوچلو
یوخسا مَمَد ولی سوچلو
بلکه ده زولفعلی سوچلو
کندی قویوبسوز خارابا
اوخشاییب ایپسیز جورابا
هره جیبینه ایشلهییب
تاپدیغین آنی دیشلهییب
آج آج، توخ داها توخ اولدو
دَوه یوک ایله یوخ اولدو
بیربیریزله دالاشمایین
ناحاق یئره اولاشمایین
آند وئررم حاق پیرینه
حاققی قایتارین یئرینه
هر کس اوغرولوغون گَتسین
بو دوالار بوردا بیتسین"
ناغیل بئینینه ایشلهدی
افروز بارماغین دیشلهدی
کاتداسی باخ «خانیش» ایدی
بو کند اونا تانیش ایدی
............
ناغیلین آردین اوخویون
قالانین اؤزوز توخویون....
https://t.me/Adabiyyatsevanlar
✍:«افروز خانیم»
گونلرین بیر گونونده، شاه عابباس دوربونونده،
بیر کند واریدی، بیر کاتداسی،
کاتداسی ایشینده ناشی.
هئی ووروردو چاش- باشی.
آغ تَکه- قارا تَکه،
قارینلاری واریدی یئکه،
هم اؤزو هم دوستلاری، یئییردیلر هر نه واری.
هپیل- هَپو، چَپیل-چَپو، سونگه چیخدی کند یِهو!!
واری- یۇخو هئی چکلندی
باشقا یئرلره یوکلندی
اینکین سودو قورودو، قویونون اَتی قورودو
آغ گونلر تورانا دؤندو، تارلالار شورانا چؤندو
بولاقلارین سویو اوچدو، مئشهلرن جئیران قاچدی
پاه آتاونان بو کل دوه، رحمی گلمهدی هئچ نهیه
میطباخدان خؤرهک کسیلدی، تاباغدان چؤرهک کسیلدی
اوشاق آجیندان آغلاشدی، قوزولار دا داش قیغلاشدی
علی دئدی: سوچ ولیده
ولی دئدی: سوچ علیده
گولدو کندین دلیچهسی
باشی- گؤزو کوللوچهسی:
--"نه علیده، نه ولیده
سوچلار کچل زولفعلیده"
او آتدی اونون بوینونا
بو آتدی بونون بوینونا
کند بولاشدی ایت اوینونا
بؤیوک باشلار برک ساریشدی
یامان پوخ- پوخا قاریشدی
بو کندده قاری واریدی
گؤزلری سانکی داری ایدی
سئچردی آغی- قارانی
بیلردی هارا- هارانی
یاشیندان زامان کئچمیشدی
روزگار تندیرینده بیشمیشدی
دوشموشدو ایستی- سویوغا
خوروز دئمزدی تویوغا
دئدی:
-" ایشلر کئچیب ایشدن
یالنیز عیبرت آل کئچمیشدن
نه فرقی وار علی سوچلو
یوخسا مَمَد ولی سوچلو
بلکه ده زولفعلی سوچلو
کندی قویوبسوز خارابا
اوخشاییب ایپسیز جورابا
هره جیبینه ایشلهییب
تاپدیغین آنی دیشلهییب
آج آج، توخ داها توخ اولدو
دَوه یوک ایله یوخ اولدو
بیربیریزله دالاشمایین
ناحاق یئره اولاشمایین
آند وئررم حاق پیرینه
حاققی قایتارین یئرینه
هر کس اوغرولوغون گَتسین
بو دوالار بوردا بیتسین"
ناغیل بئینینه ایشلهدی
افروز بارماغین دیشلهدی
کاتداسی باخ «خانیش» ایدی
بو کند اونا تانیش ایدی
............
ناغیلین آردین اوخویون
قالانین اؤزوز توخویون....
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
ﺩﺳﺘﻢ ﺑﻮﯼ ﮔﻞ ﻣﯽﺩﺍﺩ ، ﻣﺮﺍ ﺑﻪ ﺟﺮﻡ ﭼﯿﺪﻥ ﮔﻞ ﻣﺤﮑﻮﻡ ﮐﺮﺩﻧﺪ ؛ ﺍﻣﺎ ﻫﯿﭻﮐﺲ ﻓﮑﺮ ﻧﮑﺮﺩ ﺷﺎﯾﺪ ﻣﻦ ﺷﺎﺧﻪ ﮔﻠﯽ ﮐﺎﺷﺘﻪ ﺑﺎﺷﻢ !
https://t.me/Adabiyyatsevanlar
https://t.me/Adabiyyatsevanlar
«ستار گول محمدی»
سنی گوُردوم بیر سوُز دوشدو یادیما
سو چیلندی اورییمین کوُزونه
کاش دئییرم اوُتوب کئچن گونلریم
قاییدایدی بو گونومون اوُزونه
ساقی اولا یار دستینه جام آلا
بولور بوخاق نور چیله یه جامالا
کام آلدیقجا عشقیم چاتا کامالا
کامالسیزین آستاری نه اوزو نه؟!
نه تیکمیسن گوُزلرینی اولکارا
گوُرمورسنمی ایلدن گلیر ایل قارا ؟!
اصیل اینسان خائین چیخماز ایلقارا
بیر مرد دئیه ر نامردلرین یوزونه
اوزه چیخدی گیزلین دردیم یاراسی
یولداش خائین،دوست بی وفا،یار عاصی
بیر ائلین کی یادا قالسا چاراسی
کول تؤکولر او میللتین گوُزونه
https://t.me/Adabiyyatsevanlar
سنی گوُردوم بیر سوُز دوشدو یادیما
سو چیلندی اورییمین کوُزونه
کاش دئییرم اوُتوب کئچن گونلریم
قاییدایدی بو گونومون اوُزونه
ساقی اولا یار دستینه جام آلا
بولور بوخاق نور چیله یه جامالا
کام آلدیقجا عشقیم چاتا کامالا
کامالسیزین آستاری نه اوزو نه؟!
نه تیکمیسن گوُزلرینی اولکارا
گوُرمورسنمی ایلدن گلیر ایل قارا ؟!
اصیل اینسان خائین چیخماز ایلقارا
بیر مرد دئیه ر نامردلرین یوزونه
اوزه چیخدی گیزلین دردیم یاراسی
یولداش خائین،دوست بی وفا،یار عاصی
بیر ائلین کی یادا قالسا چاراسی
کول تؤکولر او میللتین گوُزونه
https://t.me/Adabiyyatsevanlar
Forwarded from ادبیات سئونلر
اوزل وئرلیش؛
قونو: کینایهلرین یارانیشی (43)
دوغا اوته سینه (متافیزیکه) عاییداولان کینایه لر
بو گئجه: 1401/1/29
ساعات: 21/30 «ادبیات سئونلر کانالیندا»
اوزمان: «میرحسین دلدار بناب»
https://t.me/Adabiyyatsevanlar
قونو: کینایهلرین یارانیشی (43)
دوغا اوته سینه (متافیزیکه) عاییداولان کینایه لر
بو گئجه: 1401/1/29
ساعات: 21/30 «ادبیات سئونلر کانالیندا»
اوزمان: «میرحسین دلدار بناب»
https://t.me/Adabiyyatsevanlar