بایرام

«ذوالفقار کمالی»

ای تازه ایلین تازه گونون سوقتی بایرام
ای خلقیمیزین بیر .بیرینه حرمتی بایرام

علم ایله وورون کارگرین دوز تپه سیندن
زهلم گئدیر او کتدیلرین ناله سسیندن
بایرام ائده رم هرگؤنو من پول هوسیدن
پول دور کیشینین حرمتی .حورریتی بایرام
ای تازه ایلین تازه گونون سوقتی بایرام


چوخ.چوخ دئمه قیش گئتدی گلین نوباهار اولدو
باغلاندی بوتون کارخانا هاممی بئکار اولدو
آغزیمدا شیرین سؤز دولانیب زهر مار اولدو
یوخسول کیشینین هاردان اولار غیرتی بایرام
ای تازه ایلین تازه گونون سوقتی بایرام


سو .برق.گازین قبضی قالیب طاقچادا چوخدان
سالمیش بو یازیق میلتی یوخسوللوق ایاقدان
آیلیقچی یئییب آیلیغی بیر آی دا قاباقدان
هاردان آلاجاق بایرام اوچون رغبتی بایرام
ای تازه ایلین تازه گونون سوقتی بایرام


کؤینک .تومانی یوخ فقرانین به جهنم
وار دولتی یوخدور بو گدانین به جهنم
لطفی نظری یوخدو آغانین به جهنم
سن سیخما باری منگنه ده میلتی بایرام
ای تازه ایلین تازه گونون سوقتی بایرام

شوق ایله سنی هر تزه ایل یاد ائده ریک بیز
کؤینک تومان اوستونده ده فریاد ائده ریک بیز
چون تازه ایلی کوهنه دن آزاد ائده ریک بیز
هر ایل گئتیرر سن تازا بیر آفتی بایرام
ای تازه ایلین تازه گونون سوقتی بایرام

هر ایل بیزه بیر عادتی احسان ائله یردین
هر بیر ایشی احسان ایله آسان ائله یردین
چون کار.کاسیبی تابع فرمان ائله یردین
اولمازدی قدیم بیر نفرین جورعتی بایرام
ای تازه ایلین تازه گونون سوقتی بایرام

قوودوق شاهی دا شاه قولودا اولدو فراری
ایندی هر ایشین وار اؤزونون قایدا قراری
چیخسین جانی تندن کاسیبین یوخدو چیخاری
بیر تازه ( ژن) ایستیر کی اولا غیرتی بایرام
ای تازه ایلین تازه گونون سوقتی بایرام

هر یئرده اگر اولسا علوم ایله معارف
وار اوردا یقین عارفین اوغلو اؤزو عارف
هم اوغرودو هم اگری دی لیکن متعارف
ایجاد ائله ییب صنعت آرا. سنتی بایرام
ای تازه ایلین تازه گونون سوقتی بایرام

معناسینا باخما هر ایشین اصلی یالاندی
علم ایله دانیشدی یالانی خلق ایناندی
میلت نه بیلیر دوزخ همان باغ جیناندی
آخماخ کیشینین جنت اولار قسمتی بایرام
ای تازه ایلین تازه گونون سوقتی بایرام

بیر فاتح دوران دا ائده ر فتح فراتی
ایسرائیلی .سورییه نی لبنانی هراتی
افلاکه اوجالدار او یمن دن صلواتی
چاتماز صلواته آتومون قدرتی بایرام
ای تازه ایلین تازه گونون سوقتی بایرام

اوغرو تالادی مملکتی چاپد ی جهنم
نفتی. گازی هر زهرماری ساتدی جهنم
بو ذوالفقاری آخ نئجه آلداتدی جهنم
تحمیل ائله مه سن اونا هر ذیللتی بایرام
ای تازه ایلین تازه گونون سوقتی بایرام

https://t.me/Adabiyyatsevanlar

«معجز_شبسترلی»

سنی تاری بایرام جانیم
راضی اولما من اوتانیم
بایرام دا یوخدور تومانیم
گئت تبریزه، گلمه بیزه
ه
من ده یوخ حوصله بایرام!
الیم بوشدور هله بایرام!
شیل اولاسان بئله بایرام
گئت تبریزه، گلمه بیزه

بایرام اگر گلسن بیزه
بیر شال گتیر قارا قیزه
گتیرمه سن، گت تبریزه
گلمه بیزه، گلمه بیزه

گلسن بیزه آغام جانی
باشین یاررام، آخار قانی
اوغلانین یوخدور تومانی
گئت تبریزه، گلمه بیزه

گؤرسن آخیر چرشنبه‌نی
سؤیله اینجتمه سین منی
پلووون یوخ یاغی– دنی
گئت تبریزه، گلمه بیزه

ساققیزی سالمیشام انگه
اوغلان گتدی منی تنگه
پول یوخدور وئرم فیشنگه
گئت تبریزه، گلمه بیزه

بایرام! واللاه یوخدور ناریم
یاری گورمه یه آپاریم
نار وئرمه سم، کوسر یاریم
گئت تبریزه، گلمه بیزه

وارلی یئییر یاغلی چیلوو
یوخسول چکر، غصه– خینوو
بیزده یوخدور، خوروز پیلوو
گئت تبریزه، گلمه بیزه

یوخسول مین درده توش اولار
مئی ایچمه دن سرخوش اولار
تبریز حالواسی خوش اولار
گئت تبریزه، گلمه بیزه

https://t.me/Adabiyyatsevanlar

‏باهار گوجو...

https://t.me/Adabiyyatsevanlar

بایرام_اولسون

اوخویور :«آی_بنیز_هاشیمووا»

https://t.me/Adabiyyatsevanlar

مارتین ۸ قادین گونو قوتلو اولسون

«ذکیه ذولفقاری»

بایرام حامامی
بایراما ایکی هفته قالاندان، آنام دوشموشدو ائو- ائشیین جانینا. ائوده اینه‌دن - چؤپه هرزادی یوویوب سرمیشدی . حیطده شریطلر پالتار، دام- دووار ایسه پار-پالاز گتیریمیشدی. بیر قاریش بئله بوش یئر یوخودو. بوگون سحر صبح اذانیندان قاباق سور اصرافیل شیپوروینان یوخدان آیلدیم، گوزلریمی اوغا-اوغا، آنام زورلا پالتارلاریمی سوخدو اینیمه. تئز-تئز دئییردی:
- تئزاولون! جماعات گلمه میش گئده ک حاماما. تئز گیره ک چیخاخ.
اون دیقه دن سونرا باجیملا هره میزین الینده بیر آغ گوللو بوخچا آنامین دالینجا شامین اسیرلری کیمی حاما گئدیردیک. آلاقارانلیق دا حاماما یئتیشدیک. بیزدن قاباق قوم اشقیا حامامی فتح ائلمیشدیلر. اینه سالماغا یئر یوخودو! هئچ بیلمیردیک هاردا سویوناق . آللاه خدیجه خالانین ایشین راست گتیرسین، نم هاردان تاپیلدی، بیزی آپاردی اوزکومودوندا سویوندوردو. روستم یوخودان دورمامیش، بیز ایکینجی خانی کئچدیک.! حامامدا گوز-گوزو گورموردو. هریاندان بوغ قالخیردی .جیغان- ویغان سسی ...
بویازینین آردینی ادبیات سئونلرکانالیندا اوخویون.

https://t.me/Adabiyyatsevanlar

«ذکیه ذولفقاری»

بایرام حامامی
بایراما ایکی هفته قالاندان، آنام دوشموشدو ائو- ائشیین جانینا. ائوده اینه‌دن - چؤپه هرزادی یوویوب سرمیشدی . حیطده شریطلر پالتار، دام- دووار ایسه پار-پالاز گتیریمیشدی. بیر قاریش بئله بوش یئر یوخودو. بوگون سحر صبح اذانیندان قاباق سور اصرافیل شیپوروینان یوخدان آیلدیم، گوزلریمی اوغا-اوغا، آنام زورلا پالتارلاریمی سوخدو اینیمه. تئز-تئز دئییردی:
- تئزاولون! جماعات گلمه میش گئده ک حاماما. تئز گیره ک چیخاخ.
اون دیقه دن سونرا باجیملا هره میزین الینده بیر آغ گوللو بوخچا آنامین دالینجا شامین اسیرلری کیمی حاما گئدیردیک. آلاقارانلیق دا حاماما یئتیشدیک. بیزدن قاباق قوم اشقیا حامامی فتح ائلمیشدیلر. اینه سالماغا یئر یوخودو! هئچ بیلمیردیک هاردا سویوناق . آللاه خدیجه خالانین ایشین راست گتیرسین، نم هاردان تاپیلدی، بیزی آپاردی اوزکومودوندا سویوندوردو. روستم یوخودان دورمامیش، بیز ایکینجی خانی کئچدیک.! حامامدا گوز-گوزو گورموردو. هریاندان بوغ قالخیردی .جیغان- ویغان سسی آزقالیردی قولاقلاری کار ائلسین
. نومره لرین حاممیسی دولوایدی. هره بیر طرفده شیرین جانیلا اللشیردی. بیری ساچین یووردی، کیمسه لیف لنیردی. من هرزامان تعمیر خانانین اییندن اوره یم بولاناردی. بورنومو توتا-توتا دللک سورتوب قورتارینجا جانیم چیخاردی. نامردین قیزی سورتمزدیر کی، قووارا چکردی!
قدیم آروادلار دئیردیلر، دری یئددی قات اولار، بیز دللگین الیندن قورتارندا زور-زوراکی ایکی قاتیمیز قالاری!
سونرا بئش آلتی ال باشیمیزی مراغا صابینی ایله صابینلاردی . هردم ده ساچلاری آرالایب بارماغین چکردی تپه‌نین ترکینه، خارچیلدی سس گلمسه یدی گینه صابینلا دوشردی باشیمیزین جانینا. آخیرده بیر الده شامپو پاوه یله( آتام تبریزدن گتیرمیشدی) باشیمیزی شامپولاردی. بیزده بتر شامپوموزا پوز وئرردیک.
او گون من قورویوب قالمیشدیم نومره لرین قاباغیندا. آغزیمی آشمیشدیم دورد گؤزلو لوت آروادلارا باخیردیم.
آنامین سسینه اوزومه گلدیم. قیز به لیفین هانی؟ لیف یادیمدان چیخیب کوموددا قالمیشدی. قایتدم لیفی گتیرمه یه. اورتا یاشلی دللک بیر آروادی اولوکیمی اوزاتمیشدی قبیر داشی کیمی بیر داشین اوستونه سورتوردو! هئچ بیلمه دیم ناواخت آیاغیمی قویدوم دللگین صابینین اوستونه! بیر آن آیاقلاریم یئردن اوزولدو، گئتدیم گویه تپه م اوسته دیدیم یئره. باشیمدان قان آخیردی! آنام اؤزون یئتیرینجه آروادلار منی یئردن قوزادیلار. آنام بتر قوخموشدو. من ایسه آغریدان اؤلوردوم. دللک آناما دئدی:
تئزاولون قاچین تعمیر خانادا ایشین مشقفه یه، گتیرین تولوکون باشینا قانی کسیلسین.
هئچ بیلمه دیم مشقفه یه کیم ایشه دی، منیم یوخ - یوخ ایستمیرم های بیدریغیما باخان اولمادی، یاریم مشقفه سودویو آخیرتدیلار باشیما!!!
(هله ده شورا دای باش گوزومدن گئتمه یب!)
بیر ایکی دیقه چکمه دن، دللگین داواسی ایشین گورموشدو. باشیمین قانی کسیلمیشدی!!!
او گون بئل بوخونومون آغریسیندان، باشیمین یاراسیندان، هئچ بیلمدیم نه تهر منی یویوندوروب بایرام حامیندان چیخاتدیلار...
ایندی ده کی قیرخ ایل اوستوندن کئچیر ، دللک، مشقفه، بایرام حامامی ائشیدنده، باغریم چاتلار.

https://t.me/Adabiyyatsevanlar

۱۴۰۰-نجی ایل «ایشیق» سایتیندا چوخ اوخونان اثرلر
چوخ اوخونانلار1400



https://ishiq.net/?p=30300

☀@ishiqnet

سایین کانالداشلار لوطفن ادبیات سئونلرین اینستاگرام صحیفه سینه قوشولون.

https://www.instagram.com/tv/CbUBjXfjNcL/?utm_medium=copy_link

🎬🎤 اوخویور: «عبدالرحمن فراخی» ⚡️
🎸🎵 #اۆبامینگ غیزلاری

گوزل بیر ترکمن موسیقی سی

https://t.me/Adabiyyatsevanlar

بودا گوزل بیر موسیقی ترکمن خالقیندا
ترکمن قارداشلاریمیز باهار بایرامینیز موبارک اولسون.

خواننده:«ایمان عطا»
کمانچه:«دوران عطا»
دوتار:«حامدپدری»

https://t.me/Adabiyyatsevanlar

‏بو گوزل میللی رقصی ادبیات سئونلر عایله سینه تقدیم ائدیریک.

https://t.me/Adabiyyatsevanlar

‏اوخویور:«شوکت علی اکبراووا»

https://t.me/Adabiyyatsevanlar

آیاقلار آلتیندا کی جنت(حیکایه)
یازار«قافار جفرلی»
کؤچورن:«سحرخیاوی»
حاضیرلایان:«ادبیات سئونلر»

اوزون ایللردیر کی، تحصیل آلدیغیم مکتبده معللیم ایشله‌ییرم.
تحصیل آلدیغیم دئیه‌نده، سون یئددی ایل بو مکتبده، اوّل کی ایللری ایسه دوغما رایونوموزدا اوخوموشدوم. اورتا مکتبی بیتیرن ایلی ده یونیورسیته‌یه داخیل اولدوم. بئش ایلی طلبه- فهله کیمی باشا ووردوم. یونیورسیته تحصیلینی بیتیرنده آرتیق دؤرد ایلدن چوخ ایش تجربه‌م وار ایدی.
فیلولوق کیمی مکتبیمیزه دؤندوم. معللیملریمله معللیملیک ائتمک حقیقتن زور ایش ایمیش. غیر ارادی اونلارین یانیندا اؤزونو ییغیشدیریب، سؤزونه- صؤحبتینه، حرکتینه دیققتلی اولورسان.
تخصصوصوملا باغلی سؤزه، صنعته، یارادیجی صؤحبتلره درسلریمده داها چوخ یئر آییرماغا چالیشیرام. گلدیییم قناعت بودور کی، پیس شاگیرد، پیس اوشاق یوخدور، معللیمین، پداگوگون(متخصص تعلیم و تربیت) وظیفه مسئولیتی داها چوخدور. هر کسین اؤز دیلی وار کی، بونو تاپدینسا، دئمک ایسته‌یینه چاتارسان. شاگیردلریمی چوخ سئویرم دئیه، هر بیرینین اؤزونو، سؤزونو، شخصیتینی، عائیله وضعیتینی اؤیرنمه‌یه، هر بیرینه باجاردیغیم قایغینی گؤسترمه‌یه چالیشیرام.
... بوتون دونیانین قادینلار بایرامی کیمی قئید ائتدییی 8مارتدان بیر گون کئچیردی. بئشینجی صینیفده درسده ایدیم. بو شادگیرلرله صؤحبتیم ائله ایلک درس دئدیییم گوندن " آلینمیشدی". اوشاقلار فنّه بؤیوک ماراق گؤستریب، فعال مذاکیره‌لر آپاریردیلار.
آرالاریندا گله‌جکده ادبیات معللیمی، حتا شاعیر، یازیچی اولماق ایستیه‌نلر ده تاپیلمیشدی. اوشاقلاردان بایرامی نئجه کئچیردیکلری، آنالارینی نئجه تبریک ائتدیکلرینی سوروشدوم. جاوابلار منی چوخ سئویندیردی. کیمیسی آنالارینی هدیه ایله، گول- چیچکله تبریک ائتدیییندن دانیشیر، کیمیسی ایسه ساده‌جه شعرله، رسمله، لاپ ائله بوش اؤپوشله سئویندیردیینی دئییردی.
هر بیری ائله شوقله دانیشیردی کی، آنالارلا اولان بو ایسته‌یین ایلاهی بیر سئوگی اولدوغونا اینانماماق اولموردو.
همیشه حاضیر جاوابلیغی ایله سئچیلن مورادین موضوعنون اعلانیندان سونرا لال- دینمز، بیرآز دا قاش- قاباقلی اوتورماسی دیققتیمی چکدی. سون جرگه‌لرین بیرینده اوتوران مورادا یاخینلاشدیغیمدا اونون حالیندا تفاوت ائتمه‌دی.
آرخا طرفه کئچیب دیققتله اونو سوزدوم. یوخ، دئیه‌سن مسئله جیددی ایدی. من ائله اوردان سؤزو مورادا وئردیم و آناسینی نئجه تبریک ائتدییینی سوروشدوم.
موراد کؤنولسوز آیاغا دوروب سوسدو، بیر کلمه بئله کسمه‌دی. من سؤال- جاوابلا اونو دانیشدیرماق ایسته‌دیم:
- موراد، 8مارت بایرامیندا آنانی تبریک ائتدین می؟
-- خیر معللیم، ائتمه‌دیم.
من قاریشیق بوتون صینیف مورادا دیققت کسیلدی. من ایره‌لی کئچیب مورادلار اوز به اوز دایاندیم. اونون سیماسی توتولموشدو، سانکی گؤی اوزونو قارا بولودلار اؤرتموشدو.
غوصصه‌لی گؤزلرینی هامیدان گیزلتمه‌یه چالیشیردی. پارتایا دایادیغی بارماقلارینین تیتره‌دییینی گؤروب در حال وضعیتی دییشمک ایسته‌دیم:
- موراد، اَیلَش. یقین یاخشیجا یئییب یاتمیسان.
بوتون صینیف گولوشدو و نظرلر موراددان منه زیللندی. موراد یئرینده اوتوروب تیتره‌ین اللری ایله آلنینی سیلمه‌سی، کؤینه‌یینین یاخاسینی بوشالتماسی نظریمدن قاچمادی. زنگ سسینه کؤنولسوز رئاکسیا وئرن یقین کی ائله مورادلا من اولدوم.
اوشاقلار های- کویله چانتالارینی گؤتوروب صینیفدن چیخدیلار.
اوزومو مورادا توتوب اؤن پارتادا، منیمله اوز- اوزه اوتورماسینی خواهیش ائتدیم. چوخ جیددی بیر سبب اولدوغونو تام یقین ائتمیشدیم.
-- موراد، نه باش وئریر؟- سوروشدوم.
- هئچ نه-- دئدی.
ساکیت حالدا قایغی دولو سسله اونا طرف اَییلدیم.
-- مندن نئیه گیزلدیرسن؟ گؤرورم کی حالین اؤزونده دئییل.
موراد یاشارمیش گؤزلرینی اللرینین آرخاسی ایله سیلیب، ساختا تبسسوم قاتدیغی صیفتینی آزاجیق منه طرف چئویریب تیترک سسله میزیلداندی:
-- معللیم، دوز دئییرم، هئچ نه گیزلتمیرم.
-- دئمه‌لی منه اعتبار ائتمیرسن. اولسون قوی سن دئیه‌ن اولسون-- دئییب دفتر- دستکی ییغیشدیرماغا باشلادیم.
موراد گؤزلمه‌دیگیم حالدا هؤنکورتو ایله آغلاماعا باشلادی. من تئز یئریمدن دوروب اونا یاخینلاشدیم. اونو اؤزومه طرف چکیب باشینی سیغاللادیم. موراد ساکیتلشمک بیلمیردی.
-- آنام یوخدو معللیم. یوخدو. باشقا کیشی ایله چیخیب گئتدی، بیزی آتدی. منی و بالاجا باجیمی ائوده قویوب باشقاسیلا قاچدی. هئچ بیزیمله گؤروشمه‌دی ده.
کیمی تبریک ائده‌یدیم معللیم؟
اونون اودقونا- اودقونا دئدیکلرینی آنلاماق طاقتیمده دئییلدی. گوج- بیللاه بیر- ایکی آددیم آتیب طاقتسیز حالدا ایستولا چؤکدوم. مورادین آغلاماغی یاواشیسا دا، من سرسری کیمی اطرافا بویلانیب، ساکیت اولا بیلمیردیم.

دارالمیش نفسیمه حیات وئرمک اوچون تیتره‌ین بارماقلاریملا بوینومدا کی قالستوکو(کراوات) بوشالتسام دا، کؤینه‌یین اوست دوگمه‌سینی آچماق گوجونده اولمادیغیمی باشا دوشدوم.

مورادین بو حالی حیاتیمین او دهشتلی مقاملارینی خاطیرلادیغجا اوره‌ییم پارام- پارچا اولوب آغزیمدان چؤله تؤکولمک ایسته‌ییردی...
قاچقینلیغمیزین ایکینجی ایلی ایدی. قاچا-قاچدان، کؤچه-کؤچدن آییلیب اؤزوموزه گلنده درس ایلی‌نین یئددی- سکگیز آیی اؤتوب کئچمیشدی دییه، بیر ایلیم ده ایت- باتا دوشدو. دوشدویوموز رایوندا مرکزدن اوزاق کندده کوهنه اداره بناسینین بیر طرفینی سلیقه‌یه سالیب یاشاماغا باشلادیق. اگر بونا یاشاماق دئمک اولاردیسا.
مکتبیمیز کؤهنه اولسا دا تاریخی اولان مکتب ایدی. معللیم ساریدان بختیمیز گتیرمیشدی. معللیملریمیز هر بیر شاگیرده خصوصی قایغی ایله یاناشیردیلار. اوخوماغا هوسیم بؤیوک ایدی. ایندییه کیمی یادیمدادی. آلتی آی اولاردی کی مکتبه گئدیردیم. مارت آیی‌نین یئددیسی ایدی.
اوخودوغوم دؤردونجو صینیفده "آنا دیلی" درسی کئچیریردیک. هر یئرده صاباحکی بایراما- بین‌الخالق قادینلار گونونه حاضیرلیق گئدیردی. صینیف رهبریمیز روقیه معللیمه شاگیردلری بیربیر قالدیریر، آنا ایله باغلی اوره‌ک سؤزلرینی دئمه‌یی طلب ائدیردی. کیمسه شعر ایله، کیمسه اوره‌ییندن کئچن سئوگی دولو سؤزلری بیربیرینه جالاییب بزکلی جومله‌لرله نئجه تبریک ائده‌جه‌یینی بیلدیرمه‌یه چالیشیردی. نوبه منه چاتاندا هوسسیز آیاغا قالخدیم.
مندن ده آنا ایله باغلی اوره‌ک سؤزلریمی سویله‌مک طلب اولوناندا سسیمی چیخارمادیم.
معللیمه منی دیللندیرمک اوچون گوله- گوله سؤال ائتدی:
- هه، بس سن آنانی نئجه تبریک ائدرسن؟
-- من آتامی تبریک ائده‌جم، معللیمه.-- گوجله ائشیدیلن سسله دیللندیم و باشیمی آشاغی سالدیم. اوشاقلاردان بیر نئچه‌سی گولوشسه ده معللیمه‌نین آجیقلی باخیشلاریندان در حال کیریدیلر.
روقیه معللیمه منه یاخینلاشیب یانیمدا دوردو و ظارافات یانا سسله:
-- کیمی چوخ ایسته‌ییرسن: آتانی، یوخسا آنانی؟-- سوال ائتدی.
-آتامی-- دئدیم. معللیمه‌نین حتا اکثر اوشاقلارین بئله تعجوبلو نظرلرینی اوستومده حیس ائدیردیم. هیجانلی ایدیم دییه پئنجه‌ییمین اته‌یینی برک- برک دارتیشدیریردیم.
-- بیر ده سوال وئریم: آتانی چوخ ایسته‌ییرسن یوخسا آنانی؟-- معللیمه‌نین سسینده آز دا اولسا حؤکمو حیس ائدیب جلد جاواب وئردیم:
-- آتامی.
-- آتانی ایسته‌مک یاخشی دیر. آمما بس آنانی ایسته‌میرسن؟
قهر منی بوغوردو، نفس آلا بیلمه‌دیییم اوچون بیر- ایکی آغیز اؤسکوردوم.
-- من کؤرپه اولاندا آنامی ارمنی‌لر اؤلدوروب، هئچ خاطیرلامیرام-- دئیه بیلدیم.
ثانیه‌لر بیربیرینی عوض ائدیردی، بیردن هیچقیرتی‌ ایله آغلاماغا باشلادیم. معللیمه‌مین:-- " جان جان!" دئییب، منی سینه‌سینه سیخماسیندان حالیم لاپ پیس اولدو. اوتوروب باشیمی پارتایا دایادیم، ایچین- ایچین آغلاماغا داوام ائتدیم. اوزونتولو دقیقه‌لر کئچیردی. صینیفده میلچک ویزیلتیسینی بئله ائشیتمک اولاردی. نه یاخشی کی زنگ چالیندی. غیری واختلار زنگدن سونرا سسلری دیوارلاردا، پنجره شوشه‌لرینده عکس- صدا وئرن اوشاقلارین نفسلرینی بئله درمه‌دن سسسیز- سمیرسیز صینیفدن چیخدیقلارینی حیس ائتدیم. روقیه معللیمه تکرار- تکرار مندن عوذور ایسته‌دی و چوخ سونرالار، اونونلا معللیم یولداشی کیمی ایشه باشلایاندا: "-- شاگیردلریمی بو جور سواللارلا بیر داها سیناغا چکمه‌دیم"- دئییب عوذور ده ایسته‌دی...
بوتون بونلاری خاطیرلادیقجا مورادین اؤز سیسقا، جیلیز چیگین‌لرینده نه بؤیوک، نه آغیرلیقدا یوک داشیدیغینی تخمین ائدیردیم. پارادوکسال بیر وضعیتله اوز- اوزه ایدیم: -- هر ایکی حالدا آناسیزلیق موجود اولسا دا، فرقلر اؤلچویه گلمز درجه‌ده بؤیوک ایدی.
باشیم بئینیم دولموش، دوشونجه‌لریم دولاشمیشدی. بوتون آنالارین آیاقلاری آلتیندا جنتین اولمادیغی شوبهه‌سی وارلیغیمی بوروموشدو.
جیددی- جهدله مورادی ساکیتلشدیرمه‌یه چالیشسام دا، بونون اوغورسوز اولاجاغینی دا آنلاییردیم. آغلاییب بوشالماغینی گؤزله‌دیم کی، بعضن گؤز یاشلاری اینسانا راحاتلیق، دینجلیک گتیریر.
ان گوجلو ملهم زامان دیر"-- دئییب مورادین بوینونو قوجاقلادیم. چکدییی آغری آجیلارین، عذابلارین، سینه‌سینه چکیلن چالین- چارپاز یارالارین دا واخت، زامان کیمی بیر ملهمه احتیاجی اولدوغونا اینانیردیم.

https://t.me/Adabiyyatsevanlar

اوشاق ادبیاتی

اوشاق ادبیاتی هرهفته پنجشنبه گونو ادبیات سئونلر کانالیندا .
اوشاق ادبیاتینا دایر یازیلارینیزی بیزه گوندرین .

https://t.me/Adabiyyatsevanlar

اوشاق ادبیاتی

⬅⬅️ یک شعر بهاری ➡➡️

🔰 مرتضی مجدفر 🔰

این شعر ترکی بهاری را که در زیر می‌خوانید، دیروز ساختم، در آخرین ساعات سال ۱۴۰۰ و واپسین دقایق قرن‌ چهاردهم. شعر در قالب ۷ هجایی است که به صورت ۴+ ۳(چهار و سه) تقطیع می‌شود.‌ شعر کودکانه است، ولی در بعضی جاها به سمت و سوی شعر نوجوان میل می‌کند. از جمله در فرازی که از آوازخوانی بلبل و سکوت کلاغ سخن می‌گوید(استعاره شوم بودن کلاغ) و نیز در جایی که از جای خالی دوستانی حرف به میان می‌آید که در سال قبل از میان‌مان کوچ کرده‌اند(مفهوم مرگ).
عده‌ای، از جمله پیروان نظریه شناختی پیاژه معتقدند طرح مفاهیمی مانند مرگ برای کودک، قبل از ده سالگی انتزاعی است و او چیزی از این مفاهیم را درک نخواهد کرد. البته این نظر درستی است، لذا خواهشم این است گروه سنی شعر را برای رده"ج" و "د" در نظر بگیرید و از خواندن ان برای گروه‌های " الف" و "ب" پرهیز کنید.
سرایش این شعر در واپسین روز سال ۱۴۰۰ و شروع به نگارش یک داستان آموزشی در همین روز را که با خود قرار گذاشته‌ام تا دو روز دیگر تمام کنم،‌ نوید خوبی برایم است. امیدوارم سال جدید با آثار بیشتر و کیفی‌تری در خدمت مخاطبان فهیم خود باشم.

🔺خوْش چاغ‌لارا آچار وار 🔺

فصیل‌لرین سولطانی
گونش ساچیر هر یانا
توْرپاق یئنه جانلانیب
گرنه‌شیر کی اوْیانا.

توْرپاقدا کی دَنه‌لَر
جوجوقلاییر، بؤی آتیر
تای- توُشلارین گؤررکن
گووه‌نیبن، فخر ساتیر.

بایرام گلیر گول ایله
چیچک‌لنیب آغاج‌لار
هر یئر یئنه دیرچلیب
یام یاشیل‌دیر یاماج‌لار.

آچیلیبدیر غوُنچانین
منیم کیمی دوْداغی
آغاج گئییب یئنی دوْن
گؤزه‌للشیب بوُداغی.

بولبول اوْخور خوْش ماهنی
قارقا سوُسوب، تک قالیر
باخیر آغاج گونشه
بؤی چکیبن، اوُجالیر.

سپه‌له‌ییر بوُلودلار
یاغیش‌لاری بیرلیکده
اوزه دَییر داملالار
توْی، دویونده، شنلیکده.

بایرام ایله باهارین
گلیشمه‌سی چوْخ خوْش دوُر
کؤچوب، گئدن، دوْست‌لارین
یئرلری چوْخ، چوْخ، بوْش دوُر.

آنجاق حیات سوره‌جک
یئنه مین بیر باهار وار
آغیر گونلر کئچه‌جک
خوْش چاغ‌لارا آچار وار.

اوُشاق‌لارین آرزیسی
شادلیق، دوْستلوق، ساغلاملیق
باهار بیزه سؤیله‌ییر
سئوگی، قایغی، آنلاملیق.

https://t.me/Adabiyyatsevanlar

اوشاق ادبیاتی
تکم چی بالالاریمیز سردری شهرینده،

https://t.me/Adabiyyatsevanlar

اوشاق ادبیاتی
اوشاق ادبیاتی هر هفته پنجشنبه گونو ادبیات سئونلر کانالیندا .
اوشاق ادبیاتینا دایر یازیلارینیزی بیزه گوندرین .

https://t.me/Adabiyyatsevanlar