«رقیه علیقلیان» (لاله)
باهارگلدی
آرخاداقویدوق قیشی شن باهارین آدیله
ظولماتلارایشیق لانیب اوجاقلارین اودیله
قارانلیق چیلله لرده اوجاق قوران چوخ اولدو
ایشیغی هارایلادیق قاراظولمات یوخ اولدو
بولود لارین باغریندا اولدوزلارسایریشد
یلار
ایشیقلارچوخالدیلارگونشه قاریشدیلار
شن گونشیم یایلدی داغلارین زیروه سینده
اشید دی یاز گلمه یین چوبانلارنغمه سینده
قارلی داغلار کوینه گین د ییشدی بیردن-بیره
اوچونجوچرشنبه ده نفسین وئردی یئره
بولاقلارین آیناسی سیندی بارداق سسیله
فرح لندی داغ دره قیزلارین گولمه سیله
داشلاندی شن بولاقلارباغلاراوزونده سوزدو
یارپیزلارقولاغینایئنه سیرغانی دوزدو
ایپک الین یازمئه هی چکدی خالقین اوزونه
نوروزون شن خبرین وئردی ائلین اوزونه
(لاله)لرتوپلاندیلاریئنه یاماج دوزونده
سئویندی چیچکله نیب قوجامانلارایزینده

https://t.me/Adabiyyatsevanlar

ایلک باهار چاغیندا...

https://t.me/Adabiyyatsevanlar

«اسماعیل خرمی»

بیر قوجاق شعیر تؤکموشم اؤنومه.
بیر قوجاق ماهنی توپلامیشام .
بیر قوجاق رومان ائشمیشم.

مصراعلار آراسی،
سنین ساچیندان بیر تئل آراییرام-
یئنی یازدیغیم بیر شعره بزک وورام.
تاپا بیلمیرم.
الیم بوشا گئدیر
دئمه ساچلارین یول اوستونده دیر.

سسیندن، بیر دیرک آختاریرام،
ایلیم - ایلیم ایتمیش-
او نوتلاردان کی،
قولاغیما یاد دئییل.
آختاران تاپار دئییبلر،
یا من چالغیچی دئییلم،
یادا سنون نوتوندا،
من داها چالینمیرام.


اوره ییمین اوزون یوخوسونو دیکسیندیردین.
قهرمانی سن اولان-
اؤزوم یازدیغیم روماندا.
ایلیشیب قالمیشام اوردا.
چیخا بیلمیرم.
سطیرلر آرا-
أیاق ایزینی آختاریرام.

https://t.me/Adabiyyatsevanlar

«ذکیه ذولفقاری»
بیزیم بایرام

آنام دوشموشدو هول ولایا، بایراما بیر هفته قالیر هله‌ده چوخ ایشیم قالیب دئیه-‌دئیه، ائوده وای گل- یوخ گل ائلیردی.
ایکی اوتاق، بیر دهلیزین نمنه‌سی واریدی، اینه‌دن چؤپه بوشالتمیشدیق حیطه. آنجاق شانسدان، بیز ال- آیاق ائلینجه‌، توزارانتی قار یاغماغا باشلامیشدی.
-قاردا یاغماغا وخت تاپدی، من بیر چوب‌ده یومامیشام، دوز دئیبلرها آذربایجانین 9 آیی قیشدی، اوچ آیی قمیش!!! نه بایرامی نه ائیرانی، نه چرشنبه‌سی بابا؟ آغ یودوم قرا سردیم ائدیب، ائوی دؤشویجه‌ییک!!!.
بیر آز دایانیب حیرصی یاتاندان سونرا، بیر اوزون هیس سوپورگه‌میزله، دیرکلی تاوانین- دووارلارین توزلارینی آلماغا باشلادی. ائوده توزدان گؤز گؤزو گؤرموردو.
واللاهی ائوده ایت اولاسان کیچیک اولمایاسان، آنام قارین، قیشین، ائو تؤکمگین حیرصین‌ده منده چیخاردیردی.
-بو هایا-هایدا سنین ده درس یادیوا دوشوب؟ دور بیر ایش اوجوندان توت! او قابلاری یوو هئچ اولماسا، ایکی اوچ دانا یومورتا قوی پیشسین، ایکی دانا دا چای قوی، بوغازیم قوپ-قورو قورویوب. ایش گؤر ایشه اوخشاسین با!
-بایرام تعطیلاتی‌نین مشقلریمی یازیرام مامان!
اصلینده بیز هرنه ایش گؤرسیدیک، ایشه اوخشامازدی، نه قاب یووماق ایشیدی، نه ائو سوپورمک، و نه یئمک پیشیرمک، ایش فقط آنام گؤرن ایشیدی!!!
کیتابلاریمی فرشین اوستونه تولازلاییب قالخدیم آیاغا.
-باجیم، موبل‌لاری، فرشلری نجور تمیزلییم؟ روقیه خانیمین سسیدی.
-موبل؟
تئز اؤزومه گلدیم. قیرخ ایل اؤنجه بایرام ائو تؤکمک لر هارا ایندی هارا؟
-باغیشلا روقیه خانیم فیکریم بوردا دئییلدی. اؤزون بیل، هر نه‌اینه یاخشی تمیزلنسه دا!
چای ایچیرسیز گلیم تؤکوم؟
ائوین فرشینی، کیلیمینی هله سالمامیشدیق کی، کوچه‌دن ریتمیلی سسلر ائشیدیلیردی:
سایاچی ممد گلیب، خیر برکت گلیب.
سایاچی گلدی، گؤردوز مو؟
سالامینی آلدیزمی؟
آنلی قاشقا، قوچ قوزونو سایاچیا وئردیز می؟
بو سایا کیمدن قالیب؟
آتام آدمدن قالیب.
حضرت آدام گلنده،
دونیا بونیاد اولاندا
.....
من تلسیک قاپیا قاچیب، قاپی‌نین چاتلاغیندان کوچه‌یه باخدیم، نئچه جاوان اوغلان گوللو- گوللو میللی پالتارلارلا چالیب اوخویوردولار، چیینلرینده‌ایسه بیر هئیبه قاپی- قاپی گزیب بایراملیق آلیردیلار. کوچه میزین جاوان اوشاق‌لاری دا اونلارلا گزیب شادلیق ائدیردیلر.
-ماماااان مامان! منده بونلارلا گئدیم کوچه باشینا جان نولار؟
-هه! بویور دا، بیر اوسوموز قالمیشدی!!! قیز نه بو ایشلر نه؟
روقیه خانیمدان سوروشدوم سیزین کندیزده بایرام قاباغی سایاچی گلردی؟ یوخ دئدی، آنجاق بره‌ک( شال) ساللاما دبی واریدی. بیز فقط عمیم گیلین ائو داملارینا چیخیب اوردان توربا نی آتاردیق حیطلرینه، زن عمیم یئمیشدن زاددان باغلاردی. آنجاق اوغلانلار آزادیدی، هر داما، اؤزللیکله قیز اولان ائولرین دامینا چیخیب، بره‌ک ساللاردیلار.
روقیه خانیم بره‌ک دئدی، یئنه کئچن گونلر سیناما پرده‌سی کیمی گؤزومون قاباغیندا جانلاندی.
بیر تورلو بایرام ایشلریمیز قوروتولموشدی، بایرام حامامینا دا گئدیب بیر ایکی قات دریمیزدن سویوب، تر- تمیز یویونوب چیخمیشدیق. بایرام آخشامیدی، دئیه گوله آیین شایین، سوفره باشیندا اوتوروب بایرام پیلوو یئییردیک کی، دامدا ن بتر آیاق سسی گلدی ، بیردن پنجره میزه دانقیلتیلا بیر داش دیدی، هامیمیز آغزی دولو، دؤنوب پنجره‌یه باخاندا، گؤردوک شوشه دالیندان بیر شالی سالاییب تربدیرلر.!!! منله باجیم قورخوب قاچدیق صاندیق خانایا. آنام:
- قورخمایین بالام، بره‌کدی دا، بایرام آخشامیدی دئییل به!!! ایندی دوروب یئر- یئمه‌لی باغلارام گئدرلر. آنام، اتگینی دولدوروب آپاردی باغلادی پارچانین اوجونا. چکین دئدی! دامداکی جاوان اوغلان شالی چکدی گئتدی. چوخ چکمدی دامیمیزدا سانکی هولا قوشدولار. دئیه‌سن محله اهلینه خبر اولموشدو! محله‌نین بوتون جاوان اوغلانلاری هره‌سی بیر دستمالا، شالا داش باغلاییب پنجره میزی داشا باغلادیلار!!!
هامیمیزین حالیمیز پوزولموشدو دا! آتاما پیچاق ورسایدین قانی چیخمازدی. حیرصله چیخیب حیطده، هامیسی‌نین قوپالاغین گؤتوردو اونلار ایسه دابانا قووت قاچدیلار.
بو آرادا منله باجیم یئمک قاباغیمیزدا قورویوب قالمیشدیق.
بو حئینده کوچه قاپیسی دؤیولدو، آنام قاپینی آچماغا گئدنده منده اونون آتگیندن یاپیشیب گئتدیم ( گئنلده بو منیم عادتیمیدی، آنام قاپیدان چیخاندا من اوندان قاباق چیخاردیم!). قاپی دؤین دئدی، سس گلمه‌ینجه، آنام قاپینی آچماغا مجبور اولدو. قاپی آچیلماق همان یئکه بیر شال آتیلدی آیاغیمیزین آلتینا. ایکیمیزده دیسکینیب دالی چکیلدیک. بیلدیمیزده کی قونشو خانیمیدی راحاتلاییب گولوشدوک... آنام منه گؤزونون یانیلا باخیب دئدی: آجان حیرصلیدی او بیلمه‌سین بره‌ک دی ها!!! .

قونشونون شالی باغلاندیقدا، گوله- گوله شالینی چکدی گئتدی.
روقیه خانیم شیرین جانیلا ایشلیردی من ایسه، ندن ایندی قونشولارین بئله ایشلره ماراغی یوخدو؟ دلی شیطان دئییر، گئدیم قونشوموزون قاپیسنی دؤیوب شال آتیم ائولرینه! دئسه‌لر بو نه ادادی ؟ دئییم شال سالللاماق ، بایرام دبلریمیزدن!!! شال یوخ! هه نیت ائدیم، گئدیم دوروم آستانالاریندا، گؤروم نه دئییرلر؟ دوشونوردوم.
قیزیمین گؤرونتولو تلفون زنگیله، خیاللاریمدان قوپوب، تلفونومو آچدیم. خئیلک دانیشاندان سونرا گؤورتدیگی گؤیلری منه گؤستریب دئدی، سنینکیلر اولوب؟ یادیما دوشدو هله من نه بوغدا ایسلاتمیشام نه مرجی...
دئدیم یوخ هله... لعنته گلمیش کورونا قویور میه بایرام یادا دوشسون؟
او ایل، تحویل سحر صوبح واختی اولاجاغیدی. بیز دورونجا بایرام سوفره‌سی آنامین تلاشیلا حاضیر اولموشدو.
گؤی، کوزه‌یه چکیلمیش شوورن گؤیو، آینا، قوران، سو، سوغاندا بویانمیش یومورتالار، سیککه، آنام دوزلدن بادام شیرنیلری، چرشنبه یئمیشی( یئددی لووون) میان پور، ایده، آلما، نار، بیر بانکادا قیرمیزی بالیق. - بئله اینام واریدی کی ایل تحویل اولاندا بالیقلار اوزو قیبله‌یه دورارلار- هامیدان اؤنملی بیر مژمئییده ائوده بوتون قورو دن‌دؤشدن(دویو، نوخود، لوبیه، یارما و... ایل تحویل اولاندان سونرا بو دن‌دوشلر قابلارینا تؤکولردی) . آنام دئییردی:
ایل زوماری ایلین تحویلینده سوفره‌ده اولسا، برکتلی اولار.
گؤزلریمی اووا-اووا تازا گوللو-گوللو پالتارلاریمی گلیب سوفره باشیندا اوتوردوم.
آنامین دستورویلا منله باجیم قورانلاریمیزی گؤتوروب یاواش- یاواش اوخوماغا باشلادیق. بوتون بایرام عادت- عنعنه‌لریمیز اؤز کولتوروموز، اؤز دیلیمیزله اولماغا رغما، رادیودان بیری عربجه تحویل دوعاسینی اوخودو، سونرا فاسجا ترسه سایما باشلاندی، ده-نه- هشت... دیرین آغاز سال........!!!
ائشیکدن هاوایا آتیلان گولّه سسلری باهارین گلیشینی قارشیلادی .
آنجاق قیرمیزی بالیق ایسه، هر ایل اولدوغو کیمی اوزو قیبیله‌یه دورمادی کی دورمادی.
و بیز ایسه، قوران آراسینا آتام قویان شاخ کاغاذ پولاری، سوفته گؤتوروب، اؤپوشماغا باشلادیق. و... بئله اولدو کی بایرامیمیز موبارک اولدو.

https://t.me/Adabiyyatsevanlar

«علےآقاواحد»

ڪؤنلوم سنه وابسته‌دیر، اے شوخ، بیر ایل‌دیر
نه اؤلدورور عشقین منے آخر، نه دیریل‌دیر

عاشقلرینے قصدین اگر محو ائیله‌مڪ‌سه
من حاضیرم، اوّل منه مقصود دینے بیل‌دیر

مئیلیم سنه‌دیر، بیر سنه عالمده اسیرم
ایسترایسه‌ن آزاد ائیله، ایسترایسه‌ن اُول‌دیر

ڪج باخما، بوتون خلق‌ده گر بیر- بیره، ظالم
زولفون گرهین آچما ڪے، غارتگرِ دیل‌دیر

مبهوت ائله‌یوب عالمے آیینه‌ے رویین
نه شڪل و شمایلدے، بو نه حُسن جمیل‌دیر!

روخسارینه اول خال سیه دیرمے دوزولموش؟
ےا برگِ گول اوسته سپیلوب دانه‌ے هئل‌دیر؟

واحد، دئمه‌ڪیم،یار ایله شیریندےمئےایچمڪ
زهر اولسون او عشرت ڪے،حڪیمانه دگیل‌دیر

https://t.me/Adabiyyatsevanlar

آی یاخینلار اوزاقلار بایرامینیز موبارک ...

ادبیات سئونلر یئنی ایلی، باهار بایرامینی آذربایجان خالقینا، خصوصیله ادبیات سئونلر عایله سینه اوره ک ائویندن تبریک دئییر.
صولح، امین امانلیق، ساغلیق آرزولارینیزچین اولسون. ائوینیز، اوره ینیز باهار عطریله دولسون، یولونوز آیدین، گلن گونلرینیز خئیرلی، برکتلی، عشقیله دولسون.
آی یاخینلار اوزاقلار بایرامینیز موبارک ...

https://t.me/Adabiyyatsevanlar

1400اینجی ایلده ادبیات سئونلرعایله سیندن حیاتا گوز یومان دوسلار.
ابدی خاطیره نیزه عشق اولسون.
نه ائل اونودار نه وطن سیزی.
ساغ طرفدن:«حسن ریاضی» ایلدیریم،«بهروز دولت آبادی» چای اوغلو،« بکتاش آبتین»«یونس اورنگ خدیوی»«رسول صادقی بناب»
و...

https://t.me/Adabiyyatsevanlar

آی یاخینلار اوزاقلار بایرامینیز موبارک ...

ادبیات سئونلر یئنی ایلی، باهار بایرامینی آذربایجان خالقینا، خصوصیله ادبیات سئونلر عایله سینه اوره ک ائویندن تبریک دئییر.
صولح، امین امانلیق، ساغلیق آرزولارینیزچین اولسون. ائوینیز، اوره ینیز باهار عطریله دولسون، یولونوز آیدین، گلن گونلرینیز خئیرلی، برکتلی، عشقیله دولسون.
آی یاخینلار اوزاقلار بایرامینیز موبارک ...

https://t.me/Adabiyyatsevanlar

آی یاخینلار اوزاقلار بایرامینیز موبارک ...

ادبیات سئونلر یئنی ایلی، باهار بایرامینی آذربایجان خالقینا، خصوصیله ادبیات سئونلر عایله سینه اوره ک ائویندن تبریک دئییر.
صولح، امین امانلیق، ساغلیق آرزولارینیزچین اولسون. ائوینیز، اوره ینیز باهار عطریله دولسون، یولونوز آیدین، گلن گونلرینیز خئیرلی، برکتلی، عشقیله دولسون.
آی یاخینلار اوزاقلار بایرامینیز موبارک ...

https://t.me/Adabiyyatsevanlar

آی یاخینلار اوزاقلار بایرامینیز موبارک ...

ادبیات سئونلر یئنی ایلی، باهار بایرامینی آذربایجان خالقینا، خصوصیله ادبیات سئونلر عایله سینه اوره ک ائویندن تبریک دئییر.
صولح، امین امانلیق، ساغلیق آرزولارینیزچین اولسون. ائوینیز، اوره ینیز باهار عطریله دولسون، یولونوز آیدین، گلن گونلرینیز خئیرلی، برکتلی، عشقیله دولسون.
آی یاخینلار اوزاقلار بایرامینیز موبارک ...

https://t.me/Adabiyyatsevanlar

سال نو مبارک
ادبیات سئونلر بایرامینیز قوتلو اولسون.

https://t.me/Adabiyyatsevanlar

سال نو مبارک
ادبیات سئونلر بایرامینیز قوتلو اولسون.

https://t.me/Adabiyyatsevanlar

پروفسور «رحیم رئیس نیا نین» بایرام تبریک لری ادبیات سئونلر عایله سینه.

https://t.me/Adabiyyatsevanlar

پروفسور «رحیم رئیس نیا نین» بایرام تبریک لری ادبیات سئونلر عایله سینه.

https://t.me/Adabiyyatsevanlar

دوکتور «صمدرحمانی خیاوین» بایرام تبریک لری ادبیات سئونلر عایله سینه.

https://t.me/Adabiyyatsevanlar

دوکتور «صمدرحمانی خیاوین» بایرام تبریک لری ادبیات سئونلر عایله سینه.

https://t.me/Adabiyyatsevanlar

دوکتور« ارشد نظری»
بایراملیق

https://t.me/Adabiyyatsevanlar

«دوکتور ارشدنظری»

بایراملیق !
کئچمیش ایللره تای، بایرام گؤروشونه دوسلارین بیری نین ائوینه گئتدیک بایرام قایدالارینی یئرینه یئتیرندن سونرا، دوسدومون قیزی گلیب قوجاغیمدا اوتوردو . اوزوندن اؤپه ره ک یاواشجا الیمی جئبیمه آپاردیم کی بایرام گؤروشونو رسمی لشدیرم. دئمک بیزدن اونجه، نئچه بایرام گؤروشچو لری ده اوتورموشدیلار. دوسدومون خانیمی قاباقدان گلمیش لیک ائله ییب دئدی : اَمیسی زحمت چکمه سئودا سنین ساغلیغینی ایسته ییر. دئدیم : یوخ یوخ ایلده بیر یول بایرام اولور . بایرام چوخلو اوشاقلارینکی دیر. اولمازکی من قیزیما بایراملیق وئرمه یم. بوتون اوتورانلارین گؤزلری منیم الیمله بیرلیکده جئبیمه دولموشدولار. کاش الیمی جئبیمه سالمایایدیم. دئمه بایرام گؤروشو پوللارینی نئچه قاباقکی ائولرده پایلاییب قورتارمیشدیم . الیم جئبیمده یوباندی. ائله کی الیمی جئبیمدن چیخارا بیلمیردیم . باشقا قوناقلارین یاواش یاواش هامیسی بیلدیلر . سئودانین آناسی آیلار خانیم دال با دال دیل توکوردوکی : سن آلله اَمیسی نییه زحمت چکیرسن. ایسته مز
منی سویوق تر یویوب آپاریردی. الیمی جئبیمدن قوپارابیلمیردیم
بیزیم ائو آدامی باشا دوشدو کی ....
دئدی: نئیلک عمیسی سونرا سئودانین خجالت لییندن چیخارسان. باشیمی آشاغا سالمیشدیم کی ایش بوندان آرتیق خاراب اولماسین ٬ ائو آدامی چالیشدی کی صحنه نی ده ییشسین
من ده ساغ اولاشدیم ائودن ائشییه چیخماق ایسته دیک . هالین بو باشیندان او باشینا نه اوزون یولویموش. بوتون اوتورانلار دوسدومون ائویله بیرلیکده باشیما فیرلانیردی . تله سیردیم کی بو سیناریو تئز باشا چاتسین. چوخ تلسمک یئنه الیمه بیر ایش وئردی. هالین چیخیش قاپیسینی ایتیردیم. آچدیغیم قاپی دئمه آیاق یئری نین ( تووالئتین) قاپیسی میش. دای بو دفه بیر کیمسه گولمه یی نین قاباغینی آلابیلمه دی من ده قوشولوب قوناقلارا اؤزومه گولدوم .


https://t.me/Adabiyyatsevanlar