نئیچون_گلمز_نئیچون گلمز

موسیقی :«شفیقه_آخوندووا»

سؤز :«خورشید_بانو_ناتوان»

اوخویور :«جانعلی_اکبروف»

https://t.me/Adabiyyatsevanlar

گرکسیز
« ناصر داوران»
 
عسگرین قوینوندا داشیدیغی قارداشلیق
یارالانیر جبهه‌ده
یئنیلمک ایسته‌مه‌سه ده
گون‌آیدینسیز اؤفکه‌لره.
گلنگئدن‌لرین پیس عادتی
اوشاق‌لارین یوخوسون شوخوملاییر،
کاسکا بیتیر دوستلوغون باشیندا،
قارشی ـ قارشییا دوزولموش سنگرلر
قورد کیمی
گئجه‌نی باشا چاتدیریرلار
گؤزلرین بیر آن یوممادان،
پای آپارمادان
یاغیشین موسیقی‌سینه دولان
آغاجین شئهلی قوخوسوندان.
 
بایراق‌لارین یئری ده‌ییشیر بعضا
دؤیوشچو‌لرین الیله، قانیلا
بیری ییخیلیر
بیری قالخیر
کیمسه ده بیلمیر بو یوکسلن بایراق
ساواشدان سونرا
تانیشلیق وئره‌جک اونو قالدیران عسگره؟
اونون قارداش اؤلدورموش ال‌لری
دوغمالیق یاشایاجاق گؤره‌سن
ائوینه دؤنندن سونرا؟
 
وطنسیز عسگرلر
وطن یولوندا محاربه‌یه گلیب‌لر!

https://t.me/Adabiyyatsevanlar

فولکولور
آتا بابا سوزلری، مثللر، دئیم لر...
ادبیات سئونلر کانالیندا
زمان: هرهفته جمعه گئجه
ساعات: 21

https://t.me/Adabiyyatsevanlar

آتالارسوزو
سهمانلایان:«تورانلی قیز»
حاضیرلایان:« ادبیات سئونلر»

گؤزدن اوزاق، کؤنولدن اوزاق.
نه ظالیم اول آسیل، نه مظلوم اول باسیل.
لالین دیلین ننه‌سی بیلر.
نه قده ر پیس اولا، ائل یاخشی دیر، نه قده ر اوزاق اولا، یول یاخشی دیر.
وار ائوی کرم ائوی، یوخ ائوی ورم ائوی.
ناشی آدام زورنانی ترسه‌دن چالار.
هاینان گلن، هوینان گئدر.
گؤزلیک اوندور، دوققوزو دوندور.
قوریان گؤزه چؤپ دوشر.
وئرن الی هرکس سئور.
قارانی یوماغلا آغارماز .
قاباغا گئدیرم بیجم، دالا قالیرام گیجم. گؤزدن اوزاق، کؤنولدن اوزاق.
نه ظالیم اول آسیل، نه مظلوم اول باسیل.
لالین دیلین ننه‌سی بیلر.
نه قده ر پیس اولا، ائل یاخشی دیر، نه قده ر اوزاق اولا، یول یاخشی دیر.
وار ائوی کرم ائوی، یوخ ائوی ورم ائوی.
ناشی آدام زورنانی ترسه‌دن چالار.
هاینان گلن، هوینان گئدر.
گؤزلیک اوندور، دوققوزو دوندور.
قوریان گؤزه چؤپ دوشر.
وئرن الی هرکس سئور.
قارانی یوماغلا آغارماز .
قاباغا گئدیرم بیجم، دالا قالیرام گیجم.
گؤزدن اوزاق، کؤنولدن اوزاق.
نه ظالیم اول آسیل، نه مظلوم اول باسیل.
لالین دیلین ننه‌سی بیلر.
نه قده ر پیس اولا، ائل یاخشی دیر، نه قده ر اوزاق اولا، یول یاخشی دیر.
وار ائوی کرم ائوی، یوخ ائوی ورم ائوی.
ناشی آدام زورنانی ترسه‌دن چالار.
هاینان گلن، هوینان گئدر.
گؤزلیک اوندور، دوققوزو دوندور.
قوریان گؤزه چؤپ دوشر.
وئرن الی هرکس سئور.
قارانی یوماغلا آغارماز .
قاباغا گئدیرم بیجم، دالا قالیرام گیجم.

https://t.me/Adabiyyatsevanlar

هئیوا عطری

«حمید سفیدگر شهانقی»

«آی چیخدی پئشمان پئشمان…»
ننه‌م اوخویاردی حزین سس ایله
«… باش گؤتوروب گئدرم
نه دوست بیلر نه دوشمان…»
ننه‌م تیترک سسله اوخویاردی
چارقاتینین بوجاغیله گؤزلرینی سیله ـ سیله
***
بابامی دامدان یئره آتمیشلار
بیر پاییز گئجه‌سینین شاختا واختیندا
سونرا دا گوللـه‌له‌میش‌لر
***
ننه‌مه قان قوسدورموشلار
ننه‌م قان قوسارکن آتامی دوغموش
آتام یئتیم بؤیوموش
بیر دئمقیرات یئتیمی
بابام دئمقیرات ایمیش
***
اوی بابام
منیم اوجا بوی بابام
منیم ایگید بابام
منیم دئمقیرات بابام
***
ننه‌م صاندیغیندا هئیوا ساخلایاردی
صاندیغی آچارکن هئیوا عطری بورویردی ائویمیزی
ننه‌م صاندیغیندا بایراق ساخلایاردی
صاندیغی آچارکن بایراق عطری بورویردی ائویمیزی
ننه‌م صاندیغیندا ده‌لیک دئشیک قانلی بیر کؤینک ساخلایاردی
صاندیغی آچارکن باروت عطری بورویردی ائویمیزی
***
آخ ننه‌م
منیم گؤیچک ننه‌م
منیم نیسگیللی ننه‌م
منیم دئمقیرات ننه‌م…

https://t.me/Adabiyyatsevanlar

قزئت احوالاتی
طنز:«بویوک آغا افندی»
هرهفته جمعه گئجه ساعات 21
ادبیات سئونلر کانالیندا

https://t.me/Adabiyyatsevanlar

طنز:«بویوک آغا افندی»
قزئت احوالاتی «یوخو»

رحمتلیک گوهرخالامی دئییرم؛ دونن سحر عؤمرون وئردی سیزه. هامی قان آغلاییردی، خصوصیله قیزلاری اؤزلرینی اؤلدوروردولر؛ آنجاق بو قارا گوندن هله اییرمی دؤرد ساعات کئچمه‌میشدی کی خالامین بؤیوک قیزی، سحر تئزدن هامینی ییغمیشدی باشینا، دونن گئجه‌نین یوخوسونو تعریفله‌ییردی:
-سحره‌جن گؤزومو یوممامیشام. ائله گؤزومو یومماق همن، آنامی گؤردوم. او قدیمی بویون‌باغی‌سینی منیم بوینوما باغلاییردی. تئز- تئز دئییردی گؤرمویم بو بویون‌باغی سندن آیریلسین. او منیم یادیگاریمدی.
سونرا اوجادان آغلاماغا باشلاییردی. قوهوم- اقربا اونو اووودماق و آنانین یوخوسون یئرینه یئترمک اوچون بویون‌باغی‌نی اونون بوینونا باغلادیلار. او گونده بیلمه‌دیک بیزه نئجه کئچدی؛ آخی ایکینجی گون‌ایدی کی خالاسیز یاشاییردیق.
×××
قیشقرتی سسی منی یوخودان اویاتدی. خالامین اورتانجی قیزی اوشاقلاری‌نین الیندن یاپیشیب، خالانین حیطتینده اؤزون یئره،گویه چیرپیردی:
- ای وای آنا!
سسی بوتون قونشولاریدا حیطه چکمیشدی. او آغلایا آغلایا دئییردی:
-دونن گئجه آنامی یوخودا گؤردوم. گلمیشدی بیزه. آمما قاپی‌دان ایچری گلمیردی. هر نه یالواردیم، آنا باشینا دولانیم، گل ایچری‌یه! دئییردی:یوخ، تا او گونه‌جن کی منیم ائویم بوش قالا- قالا، سن بو قورا بالالاری ایجاره ائوده ساخلاییرسان، سنین قاپیندان ایچری گیرمیه‌جم.
هله گون اورتا آذانین وئریلمه‌میشدیر کی قورا بالالار خالانین ائوین دوشه‌میشدیلر.
×××
نه باشیزی آغریدیم؛ اییرمی گون آغیر عذابلی گونلری کئچیردیک. خالادا هرگون بیری‌نین یوخوسونا گلیردی، بیر زاد اونا باغیشلاییردی. نوبت خالانین ارینه چاتمیشدی. بیر گون سحر اودا یوخوسون بئله تعریف ائله‌دی:
-دونن گئجه رحمتلیک مشد گوهر توی پالتارلارینی گئییب، بزه‌نیب منیم یوخوما گلمیشدی. الینده بیر بوقچا واریدی. سوروشدوم او نه‌دیر؟ مشد گوهر سئوینجک دئدی: بولار توی پالتارلاریدی. گول‌باهار خانیمین اینینه تیکدیرمیشم. قیرخیم چیخمامیش اوننان ائولنمه‌سن، هئچ واخت سنی باغیشلامارام.
خالامین قیرخیندا، گول‌باهار خانیم‌دا آغلایانلارین سیراسینا اضافه اولموشدو.

https://t.me/Adabiyyatsevanlar

‏یاغما یاغیش یاغما یاغیش...

https://t.me/Adabiyyatsevanlar

«بهروز_صدیق»

"یالانچی باهار"

و سوکوت تورپاغین باغریندا یاتمیش
آغاجلار آغلاییش سسیندن سولور
بیر آنا گؤزونون یاشیندا باتمیش
گوموشو ساچلارین کۆلکلر یولور

بیر اوشاق یول گلیر آددیمی یورغون
پالچیقلی باشماغی آیغیندا دورمور
او سولغون یاناغی آغلاغان گؤزو
یالانچی باهاری نییه می یورمور؟

اؤلومدن یارانیر قارا وارلیغی
پایلانان خورمادان او پایین اومور
یاشام آشریمیندا یاشاسین دئييه
بیر مزار اوستونده گؤزلرین یومور.


https://t.me/Adabiyyatsevanlar

‏ادبیات سئونلره تقدیم ائدیریک.

https://t.me/Adabiyyatsevanlar

« حکیم نظامی گنجوی»
«سئوگلی جانان»

حسنون گوزل آیت لری ای سئوگیلی جانان
اولموش بوتون عالمده سنین شانینه شایان
گل ائیله عنایت منه وئر بوسه لبیندن
چونکی گوزلین بوسه سیدیر عاشیقه احسان

سوردوم کی کونول هاردادی آلدیم بو جوابی
هئچ سورما تاپیلماز اونو آختارسادا انسان
رحم ائیله دئییب سیل کیمی گوز یاشیمی توکدوم
گل قانیمله اَل یوما ای آفت دوران

انصافین اگر اولسا آچیق سویله «نظامی»
سنله نئجه رفتار ائلسین ای مهی تابان
گل سویله جوابین نه اولار سورغو زمانی
احوالیمی سندن سوروشارسا قیزیل اسلان

https://t.me/Adabiyyatsevanlar

«نیظامی گنجوی» فیلمینن بیر بؤلوم.

https://t.me/Adabiyyatsevanlar

صمد وورغون» آذربایجانین دونیا شوهرتلی شاعیری، حکیم «نظامی گنجوی» نین وصفین‌ده اؤز سسی ایله شعیر اوخویور.

https://t.me/Adabiyyatsevanlar

اوزل وئرلیش؛
قونو: کینایه‌لرین یارانیشی (42)
دوغا اوته سینه (متافیزیکه) عاییداولان کینایه لر
بوگئجه: 1400/12/23
ساعات: 21 «ادبیات سئونلر کانالیندا»
اوزمان: «میرحسین دلدار بناب»

https://t.me/Adabiyyatsevanlar

اوزل وئرلیش1400/12/23

قونو: کینایه‌لرین یارانیشی (42)
دوغا اؤته‌سینه (متافیزیکه) عایید اولان کینایه‌لر
شیطان سؤزجویو (13)
اوزمان:«میرحسین دلداربناب»

https://t.me/Adabiyyatsevanlar

اوزل وئرلیش1400/12/23

قونو: کینایه‌لرین یارانیشی (42)
دوغا اؤته‌سینه (متافیزیکه) عایید اولان کینایه‌لر
شیطان سؤزجویو (14)
اوزمان:«میرحسین دلداربناب»

https://t.me/Adabiyyatsevanlar

اوزل وئرلیش1400/12/23

قونو: کینایه‌لرین یارانیشی (42)
دوغا اؤته‌سینه (متافیزیکه) عایید اولان کینایه‌لر
شیطان سؤزجویو (15)
اوزمان:«میرحسین دلداربناب»

https://t.me/Adabiyyatsevanlar

اوزل وئرلیش1400/12/23

قونو: کینایه‌لرین یارانیشی (42)
دوغا اؤته‌سینه (متافیزیکه) عایید اولان کینایه‌لر
شیطان سؤزجویو (16)
اوزمان:«میرحسین دلداربناب»

https://t.me/Adabiyyatsevanlar

آخیر چرشنبه نیز مبارک اولسون.
دانیشیر:«رضوان جاجی قاسملو» جانای

https://t.me/Adabiyyatsevanlar