سسلی شعیر گئجه سی1400/12/7

شعیر:«سحرخیاوی»
سس:«مریم آقابنیاد»

https://t.me/Adabiyyatsevanlar

سسلی شعیر گئجه سی1400/12/7

شعیر:«رامیز روشن»
سس:«سالارموغانلی»

https://t.me/Adabiyyatsevanlar

✅✅سسلی شعیر گئجه سی آدینا
بیرایل ائلیمیزی گوزل شعیرلرینه،ایستی سس لرینه قوناق ائدن دوسلارین هر تک تکیندن تشکور ائدیریک.

https://t.me/Adabiyyatsevanlar

«یعقوب_نیکزاد»
بو یئردن دورون گئده‌یین
بو آدام تئز، تئز داریخیر
توختادا بیلمیر اوره‌یین
هر گئجه یئرسیز داریخیر

قوربتی چالیر آستانا
کوچه قالیب یانا، یانا
سینه‌سینده اسیر نانا
سؤزونده یارپیز داریخیر

قالیب اؤزوندن‌ده دُویور
یاراسینی اویوب، سویور
اولدوزا نردووان قویور
الینده پاپریز داریخیر

سورویور باشینی دارا
گؤزلرینه یاخیر قارا
بوردا بیری تؤکور یارا
او تایدا رامیز داریخیر

https://t.me/Adabiyyatsevanlar

اوزل وئرلیش؛
قونو: کینایه‌لرین یارانیشی (40)
دوغا اوته سینه (متافیزیکه) عاییداولان کینایه لر
دوشنبه: 1400/12/9
ساعات: 21 «ادبیات سئونلر کانالیندا»
اوزمان: «میرحسین دلدار بناب»

https://t.me/Adabiyyatsevanlar

«محمود درویش»
چئویرن:«محمدرضا نوازی»

"اوشاق لا کولک"

گئجه یاری سی دیر
قارانلیق چوکوب یول اوزونه
ایکی قیچ لا،باش سوموگو
هله ده شهوتی ایچیرلر
آنلاشیلماز هارای سسی گلیر
سس،داغ ذیروه سیندن ائنیر
من تک،جاندان کئچن،
سوُز له اوزولورلر
چوخ سئوینج له.

گئجه یاری سی دیر
قارانلیق لا، اویانیرلار شاعیرلر
اولولری یاشادیرلار
کور گوزلری ایشیغلاندیریرلار
گله جک سحر چاغینا اوخویورلار
دان سوکولن چاغی، اینسان ایشیغی له
دویغولو قصیده لر قوشورلار
اونلاری دینله ییرلر
سنی خاطیرلادیم...
آی کوُورَک اولدوزوم
گئجه قارانلیق دا ایشیغلانمیش کدر
و سن یورلورسان
اویاق قالیرسان
هر یانیما فیرلانیرسان
مات باخیرام
کولگه ده یاتمیش اوشاق کیمی،
ایشیق لی گوزلر گَلیر یوخوما
کسیلمیش اوفوق ده یوریورلر
یئنه سنی خاطیرلادیم

گئجه؛
گوزلری باغلی قاچان، بولود کیمی دیر!

آغلادیم،
نییه کی ایستک لریم
منی ایکی خاچ آراسیندا چارمیخا چکیرلر

آغلادیم،
نییه کی یاشاییشیمدا بیر شعرسن،
آغیر اوزونتوسن.

آغلادیم،
نییه کی سسین،
اوزاقدان گَلَه ن "شیل اوشاغا" بنزه ییر
قاسیرغا،
سنین اوشاغین،
قارانلیق،
همده یارالاریم،یولا دوشوب لر.

آز قالیب،
اوت اوستونه ییخیلمیش،بیر اوشاغی گوُرَم
او زامان هایقیراجاغام
ای قاسیرغا دایان لوطفن
بو منیم اورییمده ایتن اوشاق دیر..
اونو قایتار منه
سسیمین کوشولتی لاری داغیلیرلار
قورخونون سارای لاری گئنیشلَشیرَلر
منده یانیقلی دولانیرام گئجه نین باشینا
آخیرام.....
و "دهشت لی فاجیعه" آخیر یانیمدان

بیر اوشاغام!
بو منم!
سندن اوتری
گلیرم
گلیرم گونلریم له قاتلاشام
آی سئودالی اوشاق
بو منم.....
گلیرم ایتسک لریمی سنله یارادام
قوی اوتلار جوجریسین
داشلاریما دولاشسین

https://t.me/Adabiyyatsevanlar

اوزل وئرلیش1400/12/9

قونو: کینایه‌لرین یارانیشی (40)
دوغا اؤته‌سینه (متافیزیکه) عایید اولان کینایه‌لر
آللاه سؤزجویو (۵)
اوزمان:«میرحسین دلداربناب»

https://t.me/Adabiyyatsevanlar

اوزل وئرلیش1400/12/9

قونو: کینایه‌لرین یارانیشی (40)
دوغا اؤته‌سینه (متافیزیکه) عایید اولان کینایه‌لر
تاری سؤزجویو (6)
اوزمان:«میرحسین دلداربناب»

https://t.me/Adabiyyatsevanlar

اوزل وئرلیش1400/12/9

قونو: کینایه‌لرین یارانیشی (40)
دوغا اؤته‌سینه (متافیزیکه) عایید اولان کینایه‌لر
تانری سؤزجویو (7)
اوزمان:«میرحسین دلداربناب»

https://t.me/Adabiyyatsevanlar

اوزل وئرلیش1400/12/9

قونو: کینایه‌لرین یارانیشی (40)
دوغا اؤته‌سینه (متافیزیکه) عایید اولان کینایه‌لر
جین سؤزجویو (8)
اوزمان:«میرحسین دلداربناب»

https://t.me/Adabiyyatsevanlar

او نه خالدی یاناقیندا

اوخویورلار:«خان شوشینسکی و شوکت علکبر اوا»
https://t.me/Adabiyyatsevanlar

‏ساتیرامیزین تانینمیش سیماسی «حسین طهماسب پور شهرک»(میرزه)
ادبیات سئونلر گوزگوسونده
زمان: بوگئجه سه شنبه 1400/12/17
ساعات: 21
آپاریجی:«کریم قربانزاده»

https://t.me/Adabiyyatsevanlar

ادبیات سئونلر
ائوینیز روزیلی، اوجاغینیز ایستی
اود چرشنبه نیز موبارک اولسون.

https://t.me/Adabiyyatsevanlar

دونیانین ان خوشبخت آدامی«واریثین» حئکایه سی.
کوچورن:«ویدا حشمتی»
حاضیرلایان:«ادبیات سئونلر»

آردینجا قوتولاری یوک ماشینینا داشییاجاقدی. سونرا دا ایش وئرنی و بو آهیل کیشی‌یله کؤمکله‌شیب ایری اشیالاری شیفونئری، استول-استولو و چارپاییلاری ماشینا یوکله‌یه‌جکدیلر.
کؤهنه کیتابلار توزلو ایدی، تئز-تئز اونو آسقیردیردی. آهیل کیشی‌نین بیرینجی دفعه‌سینده "کورونا دئییلسن کی؟" سوالی‌نین و نؤوبتی هر دفعه‌سینده "یا حاق صبیر" نیداسی‌نین مشایعتی ایله کیتابلارلا ایشله‌مه‌یینده ایدی. آرالارینداکی لاتین الیفباسی یلا اولان تزه‌لرله ایشله‌مک داها راحت ایدی. هر بیر کیتابی الینه آلاندا دقتله باخیردی، آدینا مؤلیفینه گؤز یئتیریردی. بعضا نفسینی ساخلایا بیلمه‌ییب، کیتابین ایچینی ده آچیر، آج‌گؤزلولوک‌له بیر-ایکی آبزاس* اوخویوردو دا.
- بوردا اوخو زالی آچمامیشیق -دئیه
آهیل کیشی موداخیله ائدیب اونون قلبینی سیندیردیسا دا سونرادان کیتاب حظّی یئنه داوام ائتدی. اونسوز دا بو جور سینمالارا اؤیره‌شمیشدی، خصوصاً آروادی‌نین تئز-تئز تکرارلادیغی"سن نه کیشی‌سن کی بیر عائله‌‌نی دولاندیرا بیلمیرسن" کلمه‌لرینه آلیشدیقدان سونرا ایسته‌نیلن تحقیری اودوب، درحال اوستوندن راحتجا توختاما سویو ایچه بیلیردی. آلیشماق بؤیوک قلیبدن آرتیق قالان اعضالارینی کسیب آتماقلا کیچیک قلیبه سیغیشماق دئمکدیر
-آرا سیرا ائو صاحبی یئریندن چیخاردیلمیش تاختا قاپی‌نین آستاناسیندا دوروب، اونو ایشه روحلاندیریر، حؤکما‍ً ده هر گؤرونوشونده روسلارین وطنداش موحاریبه‌‌سی قهرمانلاری اولموش چاپایئوله پئتکا حاقیندا بیر لطیفه‌‌ سؤیله‌ییردی:
- بیر گون ده چاپایئوله پئتکا اورال چایینی کئچنده...
ائو صاحبی اؤزو اوغونوب گئدیردی، اونون دونوق سیماسینی گؤرونجه باشینی بولاییردی:
- چاتمادی سنه؟
البته‌‌ کی، اونا چاتیردی، آمّا فیکری کیتابلاردا ایدی. برایان ترئیسی‌نین صاباحکی گونلرین پلانلارینی نئجه قورماق باره‌سینده‌کی" کومفورت زوناسیندان چیخ" کیتابی...
طلبه‌‌لییینده صاباحکی گونلر بارده او قدر پلانلار قوراردی کی. اصل سئریال اولاردی بو خیال پلانلاری، دبده اولان "وارلی‌لار دا آغلاییرلار" تئلئسئریالی کیمی اوزاندیقجا اوزاناردی. خیالی شؤهرتین لذّتی رئالداکی سنه موطلق سیرایت ائدیر اؤزون گووه‌نین آرتیر. داها هوسلی اولورسان، قولتوقلاری‌نین آلتی قارپیزلانیر خیاللاری تلطیفلرده، نوبئل اؤدولو مراسیمینده دولاشیردی او واختلار. آمّا ایندی‌سینده صاباحکی گونله باغلی سئریال نه دیر، چوخ کیچیک قیسا مئتراژلی فیلم قورور. اوشاقلار بؤیویورلر خرجلر آرتیر. گومانین یالنیز تصادوفلره چاتیرسا، ضرورتلردن اوزاقداسانسا، هارا کیمی گئده بیله‌جکسن آخی؟
ایوهانن هؤتئن‌ین"فاوست" کیتابی...
بیر دفعه‌ بیر تانیشینا قوشولوب آلمانییایا گئتمک فیکری بیر مدت اونو راحت بوراخمامیشدی: تانیشی یاز-یای مؤوسومونده مئیوه‌ ییغماقلا قشنگ گوذران وعد ائدیردی دی گل!، تردّدلر اونا مهاجر اولماغا امکان وئرمه‌میشدی. خاریجه گؤندردییی رومانلاری‌نین سینوپسیس‌لرینه مثبت رأی یازان ادبی تنقیدچی‌لردن بیری ده آلمان ایدی، گرک کی هوفمان سوی آدیندا همین هوفمانین "دونیا ادبيّاتیندا فیکیر و ایده‌یانین بدیعی لیکله وحدتی کونتئکسینی کؤکوندن دگیشه بیله‌جک" یازار آدلاندیردیغی یازیچی‌نین گلیب اونون وطنینده تاختا یئشیکلره ویشنه دولدورماسینی یول وئریلمز حساب ائتمیشدی. بونونلا وطنینه اوتانج گتیره‌جه‌یینی دوشونموشدو.
آرابیر بئلینی دیکله‌دیردی
کیتابلار...قالین، نازیک.‌.. بؤیوک، کیچیک... نادان اوچون گؤرونوشجه، عاقیل اوچون مضمونجا فرقله‌نن نسنه‌لر...
بیردن سانکی گؤزونه ایشیق گلدی. لاتین الیفباسی‌یلا اولان کیتابلاردان بیری نین اوستوندن ساپلاغیندان اوزولموش قیزیل‌گول رسمی و "بیر انتحارین پرئلیودییاسی"* کلمه‌لری اونون اوزونه گولومسه‌دی‌. ائله بیل اوزاق، قریب بیر اؤلکده یوز ایلدیر گؤرمه‌دییی ان دوغما بیر آدامینی گؤردو. کیتابی گؤتوروب سینه‌سینه سیخدی، اونو قوخولادی. بو عطر دونیانین ان گؤزل عطری ایدی اونون اوچون.
اوره‌یینده کیتابی‌یلا سلاملاشدی‌ "نئجه‌سن، نه-وار نه یوخ" خبرینی آلدی. "نئجه مسکونلاشمیسان بوردا؟ چایینی- چؤره‌یینی وئریرلرمی؟ داریخیب ائله‌میرسن کی؟".
بو منوال‌لا خئیلی زامان کئچمیشدی، سن دئمه ایش وئره‌نی اونون قولونا توخوندو، "دئیه سن کیتابلارلا ماراقلانیرسان" سؤیله‌دی. "بینه بازاریندا آل‌-وئر‌یله مشغول اولسام دا عالی، تحصیللی‌یم، کیتاب اوخویانام" آیدینلاشدیرماسینی گتیریب، سونرا دا همین کیتابی اونون الیندن آلدی، غرورلا دئدی:
- کیتابخانامین ان گؤزل کیتابلارینداندیر. چوخ سئویرم بو یازیچی‌نین کیتابلارینی. چوخ ایچدن یازیر. اوخومامیسان؟

گؤزلری یاشاردی. بو بویدا اوخوجو سئوگیسی قازانمیشدی، نئجه ده تکرارسیز حیسّ‌لریدی. گؤزلری یاشاردی دا سؤزدور. عمللی-باشلی آغلاماق ایدی بو. اوزونو یانا توتدو کی، حالینی گیزله‌تسین. آخیرینجی دفعه‌ مارکئتده ارزاقین قیمتی‌نین گون‌به‌گون قالخماسی مقابلینده بو حالا دوشموشدو. آمّا حاللارین آرالاریندا چالار فرقی وار ایدی. او قارا چالار ایدی، بوسا آغ چالاردی‌.
ایش وئره‌نی دیل بوغازا قویموردو:
- بو قدر عاغیللی-درراکلی اولماق، اینسانین ایچ دونیاسینی بوجور، رئنت گئنده‌کی کیمی آچیب گؤستره بیلمک، نه دئییم ائ، بونلار هونر، فطری استعداد طلب ائدیر. سانکی بو یازار بیزیم دونیانین آدامی دئییل‌. ائله ایسته‌یردیم کی، اونونلا شخصاً تانیش اولوم.
سؤزلر نئجه ده گؤزل سؤزلر ایدی. شیرین چای ایدی، موربّا‌ ایدی. بال ایدی... دادیردی، لذّتینی بوتون ووجودو ایله حیسّ ائدیردی. سونرا دا اودوردو.
تیترک قهرلی سسله چتینلیک‌له سوروشدو:
- تانیش اولسایدیز اونا نه دئیردیز؟
ایش وئره‌نی گؤزلرینی یوموب سانکی دوشوندویو صحنه‌‌نی گؤزلری‌نین قاباغینا گتیریرمیش کیمی صیفتینه تبسّوم قوندوراراق سؤیلدی:
- دئیه‌ردیم کی، سیز دونیانین ان خوشبخت آدامیسیز. اونون اللرینی سیخاندان سونرا اوچ گون الیمی یومازدیم. بیلیرسیز، اونون نئجه قوللوغوندا دوراردیم؟
-حتی بو قدر؟
الله بعضا آدامی نئجه ده گؤزله‌نیلمز سورپریزله راستلاشدیریر. البته‌‌ دئسین کی، او آدام منم. "دی سیخ اللریمی سونرا دا اوچ گون الینی یوما. دی دور قوللوغومدا نه قدر ایسته ییرسن".
نه یاخشی راستلاشدیلار
کیتابدان آیری-آیری حیصّه‌‌لری حتی ازبر سؤیله‌مه‌یه باشلامیشدی‌ ائو صاحبی: "اوردا اوزاقلاردا دنیزله اوفوقون قوووشاجاغیندا پاریلتی‌سیندان گؤز قاماشان بیر موجرو آسیلیب قالمیشدی. او موجرو قاپاغینی آچاراق اونون اؤلو آرزولارینی بیر-بیر ایچینه اؤتوروردو. اورادا آرزولار سیرلی-سِحرلی سطحه توخونان کیمی جانلانیر دیریلیردیلر...".
چتین‌لیکلرینی ده آچیب سؤیله‌سین ایییرمی مانات نه‌دیر بو شخص اونا مطلق جدّی کؤمک‌لیک ائده بیلر. بینه بازاریندا آل‌-وئر‌ ائدیرسه ائو آلا بیلیرسه دئمک، ایمکانلی آدامدیر. بیر نئچه گونه ائو کیرایه‌‌سی‌نین واختیدیر. سون اوچ آیی اؤده‌یه بیلمه‌ییب، اوست -اوسته ییغیلیبلار ایشیق، قاز، سو چئکلری الی قیلینجلی باشی‌نین اوستونو کسدیریبلر. کیچیک اوشاق دا اینکیشافدان قالیر، جدّی معاینه‌ معالیجه‌‌ لازیمدیر.
گؤره‌سن، نه قدر وئرر؟ بیر یوزلوک وئررمی؟
آمّا یوخ، کیمدن‌سه صدقه‌‌ ایسته‌مک یاخشی دئییل.
"اؤلولرین دیریلمه‌سی و دیریلرین سیراسینا قاتیلماسی دیریلرین یئرینی دارالدیردی. دیریلمک ایسته‌ین اؤلولر قدر اؤلمک ایسته‌ین دیریلر ده وار ایدی، یئتردی کی، اونلاری تاپیب یئرلرینی ديَیشه‌یدین..".
بو صدقه‌‌ ایسته‌مک دئییل آخی؟
تردّودلر ایچینده گاه قاناد آچیب انگینلیک‌لره اوچوردو، گاه دا قانادلاری قیریلیر، یئره چیرپیلیردی...
آخی بئله بیر شانس بیر ده چتین الینه دوشه. تصادوفاً هئچ نه اولمور. اگر بو بویدا باکی‌دا طالع گتیریب اونو کیتابلارینا بو قدر وورغون بو شخصله قارشی‌لاشدیریب سا، دئمک بخت اوزونه گولمه‌یه باشلاییب. بو شانسدان یارارلانماسایدی، بونو عؤمرو بویو اؤزونو باغیشلایا بیلمه‌یه‌جکدی...
آخیر کی، کلمه‌لر اؤزوندن ایجازه‌سیز آغیز قیفیلینی یاریب چؤله آتیلدیلار:
- او آدام منم...
دئییب ده گولومسه‌دی.
ائو صاحبی ایلک دفعه‌سینده صؤحبتین نه‌دن گئتدییینی آییرد ائده بیلمه‌دی:
- هانسی آدام؟
گولومسه‌مکده داوام ائدیب آیدینلیق گتیردی:
- همین یازیچی، بو کیتابی یازان آدام.
قارشی طرفین قاشلاری‌نین دویونله‌نمه‌سی گولومسه‌ین چؤهره‌‌سینی قارا بولودلارین آلماسی ائله سرعتله باش وئردی کی.
-سن خسته سن!؟
چیغیرتی ایدی اصل، سئروانتداکی قابلار بئله جینگیلده‌دیلر.
ائو یییه‌سی صیفتینده آنلاشیلماز ایفاده تپه‌دن دیرناغا اونو سوزه‌نده او اؤزو ده سانکی بیردن آییلدی. لاپدان اؤز گؤرکمینه تاماشا ائتدی، نیمداش پالتاردا اونون-بونون قاپیسیندا یوک داشییان دونیانین ان خوشبخت آدامی... تضاددان دیکسیندی.
"او یازیچی منم" اعترافی‌نین قارشیسینداکی اینساندا دوغوردوغو تعجب، حئیرت آنینی ان خیردا، گؤزلرین بره‌لیب حدقه‌سیندن چیخماسی، دیلین توتولوب سؤز دئمک عوضینه ککله‌مه‌سی حالیناجان موشاهیده ائتدی بیر آندا.
"سن مزه‌له‌نیرسن‌منیمله!؟" کلمه‌لری‌نین سسله‌نمه‌سی ایله ائو یییه‌سی‌نین ایری یومروغونو دویونله‌مه‌سی بیر-بیرینی ایزله‌دیلر. بیر آندا چوخ اوجا، قیزیلی قوببه‌لری برق ووران عظمتلی سارایین یئرله يِکسان اولماسی صحنه‌‌سی جانلاندی. اونون گؤزلری اؤنونده، حتی قولاق باتیریجی گورولتونو دا ائشیتدی، حتی اوچقونون یاراتدیغی توز- دومانینا دا بله‌ندی. کاش دئمه‌زدی. نییه دئدی آخی؟

- سن مقدّس‌لیکلره نییه چیرکاب اله‌ییرسن کی؟ -دئییب ائو یییه‌سی ایکی آددیم آتیب اونونلا بورون-بورونا دایاندی.
بلکه دئسین زارافات ائله‌ییردیم؟ ائششه‌یه مینمک بیر عیب، دوشمک ایکی عیب. بئله‌ده لاپ ایشلری کورلامازدیمی؟
- واللاه او آدام منم... -دئییب ده دوردو. گئرییه یولو یوخ ایدی. ماغیل، کیتابلاری تخلّوصله یازماسایدی، شخصیّت وثیقه‌‌سینی گؤسته‌ریب بو ترس اوغلو ترسی ایناندیرا بیلردی کی، همین یازیچی اؤزودور.
- بئله لوخ ساییرسان منی؟!!!
- الله ائله‌مه‌سین، سیزی نئجه ایناندیریم کی...
-دودوک، سن بیلیرسن قاباغینداکی کیمدی!؟
بیردن باشی بویدا اولان یومروق صیفتینه نئجه آچیلدی‌یسا آرخایا اوچ-دؤرد مئتر اوچوب یئره دگدی. آغریدان قوورولا-قوورولا قالدی. درحال آغزیندا مئتال دادی حیسّ ائتدی‌. یاخاسینی یاش ائدن ایستی مایع اوزو آشاغی آخماغا باشلادی.
تاپپیلتی سسینه گلن آهیل کیشی منظره‌نی گؤروب، ائو صاحبینه سوال ائتدی:
-نئینه‌دی، اوغورلوق ائله‌دی؟
ائو صاحبی باشینی بولادی:
-کاش ائله اوغورلوق ائده‌یدی.
سؤیوشون بیری بیر قپییه چیخمیشدی "بو دقیقه رد اول گئت بوردان، سنین موردار سیمانی گؤرمه‌ییم" تاپشیریغینا رعایت ائتمه‌لی ایدی‌. اون سککیز قوتو کیتاب باغلاییب، ماشینا داشیمیشدی‌ ایشین اساسینی گؤروب، قورتارمیشدی. آمّا بئله گؤرونور، هئچ ایییرمی ماناتینی دا آلا بیلمه‌یه جکدی.
ایچینه ائله بیر قهر دولموشدو کی، آخان قانینی لاختالانماغا قویموردو. بیله‌یی ایله بورنونو سیلیردی، آمّا قان شیریلتی‌یلا گلمه‌یینده ایدی.
-دئمه‌دیم رد اول بوردان!‍؟
سون اوچ آیین پولونو اؤده‌یه‌جه‌یی ائو صاحبه‌سی‌نین پولا اوزانان الینی بوش قویاراق، مارکئتده‌کی قیرمیزی"میللی اؤن"جیهازی‌نین قارشیسیندا، ایشیق، قاز، سو چئک‌لرینی قایتاریب جیبینه دورته‌رک، کیچیک اوشاغی آپاردیغی "پلی کلینیک" کابینه‌سی‌نین قاپیسیندان مأیوس حالدا گئری دؤنه‌رک بو ائودن چیخدی. گوجو آنجاق بیر تین گئتمه‌یه چاتدی. بیر هوندور حاصارا کوره‌یینی سؤیکه‌ییب یئره اوتوردو. آجی-آجی آغلاماغا باشلادی.
دؤش جیبیندکی قیرمیزی رنگه بویانمیش بازارلیق سییاهی‌سی‌نین آلتیندان کسکین آغری دویوردو‌.

https://t.me/Adabiyyatsevanlar

کیشی و قادین
✍یازان:«حاجی فروع‌الدین قوربان‌سوی»
کوچور:«سحر خیاوی»
حاضیرلایان:«ادبیات سئونلر»

تئلفوندا منیمله بیر عالی مکتبده ایشلمه‌ین خانیم دکانین "آلو" ایله باشلایان حوزونلو سسینی ائشیدن کیمی باشا دوشدوم کی، هئچ نه‌یه ناییل اولماییب. صؤحبتی اوزاتماماق اوچون تسکین وئریجی ادا ایله دانیشدیم. عوذور-خواهلیغلا دئدی: من اونلاری باشا سالا بیلمه‌دیم کی، اؤلو دیللری اؤیرنمک واجیب‌دیر. ایندی هئچ اولمازسا بیر کورس‌، داها سونرالار فنّی شکلینده اؤیرتمک اولار. دئدیلر کی ناظرلیکدن گلن سیاهه‌ده نه اساس، نه ده کؤمکچی فن‌لر بلوکوندا اؤلو دیللر کورسو یوخدور. دئدیم کی، ناظرلیگه یازاق، ایستیه‌ک....
--ایل- ایلدن ساعاتلارین آزالدیلدیغینی بیلمیرسن؟ علاوه فن؟ بئش ایللیک تصدیق اولونموش یوکو تدریس ائتمه‌لیییک....- دئدیلر.
- جانلاری ساغ اولسون. دئمه‌لی مامورلار گله‌جک علمی‌میزین یؤنونو عالیملردن داها یاخشی تعیین ائده بیلیر. اولسون! بیز ایللر بویو ییغدیغیمیز علمی‌میزی اؤزوموزله آپاریب گئده‌ریک.
خانیم دکان قهردن بوغولا- بوغولا دئدی:- اونلار مندن زوردور، ایسته‌دیکلرینی ده ائله‌ییرلر. آخی منیم الیمدن نه گلیر کی؟
بیر- ایکی گولملی جومله ایله اونون اوره‌یینی اله آلدیم، گولومسه‌دی‌.
تئلفون دانیشیغیمیز بیتندن سونرا ایییرمی ایللیک زحمتیمه عمللی‌جه حئییفیم گلدی. او واختلار، اؤز حسابیما، هئچ کسه دئمه‌دن مسکووادا، لنینگراددا، خارکوودا اؤتن عصردن قالما علمی ژورناللاردا گیل‌یازیلار چاپ اولونان ادبیاتین فتو صورتلرینی چیخاریب گتیرتمیشدیم. انگلیس، فرانسیز، آلمان، حتا لاتینجا یازیلمیش مقاله‌لرده کی شکربورا ناخیشلارینا بنزر گیل یازیلارینین صورتلرینی ذوق ایله کاغیذا کؤچوروردوم.
پلاستیلیندن لؤوحه دوزلتمیشدیم. قامیش و قارقی قلملری دؤرد اؤلچوده یونوب لؤوحه‌ده تصویری سالماغین اوصوللارینی آراییب تاپدیم. هر دفعه نه ایسه تاپاندا آلدیغیم حظین اؤلچوسو اؤلچوسوزدور.
مستقل شکیلده اوچ اؤلو دیلی یازیسی و گراماتیکاسی ایله بیرگه اؤیرندیم. ایندی بئله چیخیر کی بو بیلیک‌لر هئچ کسه لازیم دئییلمیش...
ال تئلفونوما زنگ گلدی. تانیش نومره دئییلدی. تیترک سسلی بیر خانیم ایدی. دفعه‌لرله عوذرخواهلیق ائدندن سونرا دئدی کی مومکونسه گؤروشک، منه چاتاجاق صورتی چیخاریلان یازیلاری تقدیم ائتسین. ائله او دقیقه راضلیق وئردیم گؤروشک‌. طومار شکلینده بورولموش، رزین داییره ایله حدودلانمیش قالین آغ کاغیذلاری منه اوزاتدی. بابام باغدا آغاج اکنده یئردن چیخیب. یاری بیشمیش گیل لؤوحه‌لرین اوستونده کی یازیلاردی، من کؤچورموشم.
ماراقیمی بوغا بیلمه‌ییب، رزینی چیخاریب طوماری آچدیم. سئوینجیمدن آز قالا اوره‌ییم دایاناجاقدی. گیل یازیلاردی.
- بس لؤوحه‌لرین اؤزو هانی؟
- بابام گیلده رایوندا قالدی.
- یازیلارین اؤزونو گؤرمک ایستردیم...
- علاقه ساخلایارام اونلارلا... طوماری سلیقه ایله بوکمکده خانیم منه کؤمک ائله‌دی‌.
- یاخشی، اوخویان کیمی زنگ ائدیب خبر وئره‌رم.
ائوه گلن کیمی طوماری آچیب یازیلاری چیخاردیم. سلیقه ایله کؤچورولموشدو. بیر ایکی سؤز، بیر نئچه حرف تانینماز شکیلده دوشموشدوسه ده، یئنی متن ایله راستلاشماق اوچون سئوینجیمدن اویناماق ایسته‌ییردیم. واراقلاری سیرایا دوزوب متنی چک- چئویر ائتدیم.
اوخودوم:
" کیشی گونش، قادین آی دیر‌. گونش بیر اوزده بیر صیفت‌ده دیر، آی بیر آی عرضینده ییرمی‌سکگیز گؤرونوشه دوشور".
" قادینلار چوخ مسئله‌لرده کیشی‌لردن فرقلی دیر.
اونلار یانلاریندا همیشه گوزگو گزدیریر.
تئز- تئز دییشدیکلری اوچون اؤزلرینین یادیندان چیخماقدان قورخورلار".

دوشوندوم: " کؤهنه کیشی‌لر بیزدن چوخ فرقلنمه‌ییب‌لر".
اوخودوم:
" جنتدن قووولان آدم و حووا اوزون موددت آغلاییب، سیزلادی".

" گوناهلاری" عینی دئییلدی، اونا گؤره ده لاییقلی جزا آلدیلار".
" اقلیمی جنته بنزه‌دییی اوچون ملک‌لر آدمی سئیلون آداسینا گتیردی".
" اقلیمی جهنمه اوخشادیغی اوچون ملک‌لر حووانی عربستانا گتیردی".
دوشوندوم: " حجازدا جدده دئییلن شهر وار، عربجه ترجومه‌ده " ننه" دئمک‌دیر.
حج عؤمره‌یه گئدنلر بو شهرده کی حووا لیمانیندان دا استفاده ائدیرلر. گؤرونور حووا ننه‌نین شرفینه ائله آدلانیب".
اوخودوم:
" اونلار بیربیرینین عطرینه اویغون استقامتده حرکت ائده‌رک اوزون یوللار کئچدی".
" طبیعتده تاپیشدیلار".
دوشوندوم: " اینسان بورونو بو قدر اوزاق مسافه‌دن عطری، قوخونو نئجه حیس ائده بیلر؟
بیولوق دوستومدان سوروشاندا دئدی کی، طبیعتده بونونون جاوابی وار.هامی الینده کپنک توتوب، بیلیر کی اونلارین عطری یوخدور. آنجاق ارکک و دیشی کپنک‌لر بیربیرینی اوچ کیلومتردن دویورلار. گؤرونور ایلکین اینسانلاردا لامسه حساسلیغی مؤحکم ایمیش".

اوخودوم:
" یئره چوخلو قار یاغمیشدی".
" آدم حوادان اؤترو چوخ داریخمیشدی".
" جنتدن قووولدوقلارینین سببکاری کیمی اونا مؤحکم جزا وئرمک فیکرینده ایدی".
" اونا گؤره ده ییخیب قارین اوزرینده اونون اوستونه چؤکدو...".
" جزا حووایا خوش گلدی...ائله آدمه ده خوش گلدی...".
دوشوندوم:" بلکه ده بونا گؤره بوتون دونیادا شعور آلتی اولاراق چارپاییلاردا یورغان- دؤشکی، بالیشلاری آغ اؤرتوکلو ائدیرلر".
...یای- قیش قادینلارین تامامی ایله آرخا طرفی سویوق اولور".
"... یای قیش کیشی‌لرین دیزلری و قوللاری سویوق اولور".
دوشوندوم: " نه ماراقلیدیر... کاش بوتون متن الیمده اولایدی".
بؤیوک بیر ماراق اومود ایله تیترک سسلی خانیما زنگ ووردوم.
- متنی اوخودوم. قالان لؤوحه‌لر هاردادیر؟
- متنده نه‌دن دانیشیلیر؟
- آدم- حووا واختیندان باشلایان کیشی- قادین مناسیبتلرینین آراشدیریلماسیندان... حئییف کی یاریمچیق دیر.
-سیزجه بو موضوع هاچانسا اؤز بوتوو حللینی تاپا بیله‌جک؟
-- بابانیز گیلدن او یازیلی لؤوحه‌لری نه واخت گتیرده بیلریک؟
-یقین کی هئچ واخت. عمی‌دوستوم او لؤوحه‌لری ایکی آی قاباق لازیمسیز داش- کَسسک کیمی آتیب کله- کؤتور یولا.
کئچن هفته او یولو هامارلاییب آسفالت دؤشه‌ییبلر. یازیلارین اؤزو منده کئچن ایلدن قالاندی...
- بس منیم تئلفون نومره‌می هارادان بیلیرسینیز؟
- نومره‌نیزی دونن عمیم قیزیندان آلدیم. سیز اونو تانییرسینیز.
تیترک سسلی خانیم " دکا"نین آدینی چکدی.
خانیملارین عنوانینا بیر- ایکی آبزاس شیرین سوز دئدیم.
الیمدن داها نه گلیردی کی؟...

https://t.me/Adabiyyatsevanlar