اوخویور:«عالیم قاسیم اوف»

http://t.me/Adabiyyatsevanlar

«میرحسین_دلداربناب »

✍ یاشاییم نئیله‌ییم، اؤلوم نئیله‌ییم؟!

دومان‌سیز داغیما دومان گتیردین
کؤنلومون باغیندا حسرت بیتیردین
یئدییین چؤره‌یی دوزو ایتیردین
یاشاییم نئیله‌ییم، اؤلوم نئیله‌ییم؟

یانیرام یانیرام کوله دؤنوررم
آغلاییب آغلاییب سئله دؤنورم
آه چکیب آه چکیب یئله دؤنورم
یاشاییم نئیله‌ییم، اؤلوم نئیله‌ییم؟

جهننم جهننم آلوو چکیرم
یاخشی باخ گؤر نئجه دیزه چؤکورم
دردینی نفس‌تک جانا چکیرم
یاشاییم نئیله‌ییم، اؤلوم‌ نئیله‌ییم؟

یابانجی یابانجی منه باخیرسان
جانیمی یاندیریب اودا یاخیرسان
جان یاخان آغی‌سان قانا آخیرسان
یاشاییم نئله‌ییم، اؤلوم نئیله‌ییم؟

غریبم غوربتده یئریم داریسقال
ایچیمی دولدورور آجی قالماقال
ایچیمه جالانان غمدن خبر آل
یاشاییم نئیله‌ییم، اؤلوم نئیله‌ییم


http://t.me/Adabiyyatsevanlar

دونیا سندن کیم‌لر کئچدی!

آلدیغیمیز آجی خبر اساسیندا ادبیات سئون‌لرین قدیمی هابئله صمیمی اؤیه‌لریندن اولان عزیز دوستوموز «رسول صادقی بناب» بو گون سحر تهراندا کرونا خسته‌لگیندن قلبی دایاندی ، آزادلیق اوغروندا یورولمادان چالیشان دوستوموز ائله، وطنه گوللو_ چیچکلی، الوان یاشام آرزولاری اولان دوستوموز، تأسوفلرله باهاری گورمه‌دن، آرزولارینا چاتمادان، توپراغا قووشوب، حیاتا گوز یومدو.
امینیک گلن باهار رسولون عطرینی، دادینی وئره‌جک.
ادبیات سئونلر بو واخت‌سیز_ وعده‌سیز آجی آیریلیغی «صادقی بناب» عائیله‌لرینه، قوهوم_ اقرباسینا خصوصیله بیر عمور بیرلیک‌ده یاشادیغی دوست‌لارینا اوره‌ک ائویندن باش ساغلیغی وئریر.
رسولون جیسمی بیزدن آیریلسادا؛ اونون ائله، وطنه،خالقینا ائله‌دیی خیدمت‌لری اونودولماز و اوره‌ک‌لردن سیلینمزدی.

ادبیات سئونلر1400/11/30

http://t.me/Adabiyyatsevanlar

بین الخالق آنا دیلی گونو قوتلو و موتلو اولسون.


http://t.me/Adabiyyatsevanlar

«نیگار خیاوی»
چینار دیلیم
 
چینار بوداقلی دیلیم
نه ایتدن اوشه­ نر،نه قورتدان
نه آیاغینا اؤزگه دیل­لر بلَشنده دولاشار
نه اؤزگه­ لرین دیلینه بولاشار
 
تکی بیر یول هئیوا گول آچاندا
بیر ده گیلانارا نیشان دوشنده
هر یئر سئوگی­یه بولاشاندا
دولاشار منیم بو دیلیم.

http://t.me/Adabiyyatsevanlar

اوزل وئرلیش؛
قونو: کینایه‌لرین یارانیشی (39)
دوغا اؤته‌سینه (متافیزیکه) عایید اولان کینایه‌لر
دوشنبه: 1400/12/02
ساعات: 21 «ادبیات سئونلر کانالیندا»
اوزمان: «میرحسین دلدار بناب»

https://t.me/Adabiyyatsevanlar

اوزل وئرلیش
کینایه‌لرین یارانیشی (39)
دوغا اوته سینه(متافیزیکه) عایید اولان کینایه لر
آللاه سوجوزجویو(۱)
اوزمان:«میرحسین دلدار بناب»

https://t.me/Adabiyyatsevanlar

اوزل وئرلیش
کینایه‌لرین یارانیشی (39)
دوغا اوته سینه(متافیزیکه) عایید اولان کینایه لر
آللاه سوجوزجویو(۲)
اوزمان:«میرحسین دلدار بناب»

https://t.me/Adabiyyatsevanlar

اوزل وئرلیش
کینایه‌لرین یارانیشی (39)
دوغا اوته سینه(متافیزیکه) عایید اولان کینایه لر
آللاه سوجوزجویو(۳)
اوزمان:«میرحسین دلدار بناب»

https://t.me/Adabiyyatsevanlar

اوزل وئرلیش
کینایه‌لرین یارانیشی (39)
دوغا اوته سینه(متافیزیکه) عایید اولان کینایه لر
آللاه سوجوزجویو(۴)
اوزمان:«میرحسین دلدار بناب»

https://t.me/Adabiyyatsevanlar

اوغوز
«ناصر داوران»

اورتا آسیادان قول- قاناد آتیب
اوزو بئله ده گله‌ره‌ک
داغارجیغیندا قورودوغون نه‌دیر
اوغوز؟
- منی قوخویان قورقودون دیلی.
یئر کوره‌سین دولاناراق
قوروموشام اؤزلویومو.

سورگون ماهنی‌لارین قانادیندا
کوسوله‌رین داشییان
نئچه مین یاشلی کیشی
بوغازیندا دویونله‌نن گؤی قورشاغی
اسه‌جک‌می بیر داها
آرازدان قیدالانان تورپاغین
کؤلگه‌سیز چاغیندا؟
- آچیلماسا بو دویون
قورخونج اولار قوش‌لارین قانادسیز دورومو،
خسته‌لیک یول آچار بیتکی‌لرین جانینا.

مفتیل- مفتیل سرحدله‌نیر
سونبولو دنه دولدوران نازلامالارین.
قوزولار بول سود امه‌جک‌می بیر ده
یادیرغامیش قویون‌لارین امجه‌ییندن
آنا؟
- دوغودان باتی‌یا حؤكوم سوره‌ن اییید
بو نه سورغو؟

https://t.me/Adabiyyatsevanlar

آنام دیللی آرزولار
«ع.ن «چاپار»

آنام دیلده دانیشیر بو:
تورکو - تورکو ...!
نه دئییر بو؟!
ائشیدیرم آنام دیللی بو کیمسه‌نی:
نه یامانجا یامان دئییر،
هر گلنه بیر داش آتیر
هر گئده‌نه تولازلاییر
او اؤزونه اوخشامایان آیری‌لاری
قارا - قارا
قارقیلاییر.
آنام دیلده دانیشیر بو، هم ده یازیر:
تورکو - تورکو ...!

آنام ایسه تورکو دئییر،
تورکو - تورکو ...!
آمما حاییف،
دئدیینی یازانماییر بیر کلمه ده!
او هر وعده نامازیندا
قوللارینی ائله آچیر آسیمانا
ائله بیل کی،
قوجاجاقدیر بو جهانی بیرجه آنا.
تانریسیندان
دونیاداکی آج - یالاواج اوشاقلارا
خوش دیلک‌لر دیله‌ییر او؛
بو دونیایا قوجاق دولو باریش آرزو ائله‌ییر او.
-«هامی بیزیم قارداشیمیز، باجیمیزدیر»، دئیه هر آن-
ساغلیق ایستیر اینسانلارا تانریسیندان.

من بو دیلین وورغونویام،
آنا دیلیم
دیلیم - دیلیم دوغرانسادا
یئنه وارام، آنام واردی؛
هر نه‌ییم‌له یاشایاجام
اینسانلارلا چییین – چییین،
قوشا اوره‌ک،
قوشا دیلک،
آنا دیلیم‌له
بؤیوک ائلیم‌له.

https://t.me/Adabiyyatsevanlar

گؤرکملی آذربایجانلی ناشر «بیوک‌خان اروانی» حیاتدان آیریلدی

چوخ تاسفله، یاییلان خبرلر اساسیندا، تانینمیش آذربایجانلی ناشر، «دنیا» نشریاتی‌نین مدیری «بیوک‌خان اروانی» حیاتدان ابدیلیک آیریلمیشدیر.
«بیوک‌خان اروانی»نین قیرخینجی ایللرین ایلک یاریسیندان آذربایجان مدنیتینه ائتدیگی خیدمتلری و مترقی ادبیاتین نشرینده یورولمادان چالیشماسی اونودولمازدیر. اونون تهرانداکی «دنیا» نشریاتی واسیطه‌سیله و قارداشی مجید‌آقا اروانی‌نین تبریزده‌کی «نوبل» و «شمس» انتشاراتی واسیطه‌سیله حیاتا کئچیرتدیکلری مدنی – اجتماعی فعالیتلر آذربایجانین و ایرانین نشر و ترقی‌پرور ادبی اجتماعی نمونه‌لری‌نین یاییلما تاریخیندن سیلینمز پارلاق صحیفه‌لردیرلر.
«بیوک‌آقا اروانی» تبریزین تانینمیش و حؤرمتله آدی چکیلن تاجری حاج حبیب اروانی عائله‌سینده دونیایا گؤز آچمیش، تاجر بیر عائله‌ده بویا باشا چاتدیغینا رغما، قیرخینجی ایلدن قارداشی مجیدآقا ایله برابر آذربایجان ضیالی حرکاتینا وورولموش و صمد بهرنگی‌نین اثرلرینین نشری ایله نشر ایشینه باشلامیش، سونرالار گؤرکملی آذربایجان اجتماعی شخصیتی محمدعلی فرزانه‌ایله بیرلیکده تهراندا اؤز مدنی فعالیتینه داوام وئرمیشدیر.
تاسفله «بیوک‌آقا اروانی» اسفند آیی‌نین ایکیسینده حیاتا گؤز یومموش، جنازه‌سی ایسه سه‌شنبه گونو ۳/۱۲/۱۴۰۰ عائله عضولری و یاخین دوستلارینین مشایعتی ایله تهرانین بهشت‌زهرا مزارلیغینین ۳۴نجی قطعه‌سی‌نین ۷۹نجی ردیفی‌نین ۴۳نجی نومره‌سینده تورپاغا تاپشیریلمیشدیر.
«ایشیق» -آذربایجان ادبیات و اینجه صنعت سایتی- امکداشلاری آدیندان گؤرکملی ناشر و آذربایجانین تانینمیش اجتماعی شخصیتی «بیوک‌خان اروانی»نین ایتگیسینی حؤرمتلی عائله‌سینه و ادبی مدنی اجتماعیاتیمیزا باش ساغلیغی وئریر و شرفلی خاطیره‌سینی عزیزله‌ییریک.
«ایشیق» -آذربایجان ادبیات و اینجه صنعت سایتی
۳/۱۲/۱۴۰۰


https://t.me/Adabiyyatsevanlar

دونیانین ان خوشبخت آدامی-«واریثین» حئکایه‌سی

 کوچورن:«ویدا حشمتی»
حاضیرلایان:«ادبیات سئونلر»

قاتلاشدیقلاریندان یاری با یاری آز اذيّته قاتلاشسایدیلار،
چوخلاری جهنّم عوضینه جنّته دوشه‌بیله‌ردی
بئن جانسون
 
قیرمیزی آوتوبوسون قاپیسی آچیلدی و بیر آندا دایاناجاقداکی بوتون گؤزله‌ینلری ایچی او قاریشیق اوددو.
بو نهنگین سالونو ایستی ایدی، اونون دونموش صیفتینه و اللرینه حرارت هوپدو. آغزینداکی ماسکانی آزاجیق آشاغی سالیب بورنونو آزادلیغا چیخارتدی.
بیر آندا سانکی حرکتینی سرعتلندیرن بو قیرمیزی نهنگ هامینی چالخالادی. همین آندا اونون یادینا سون کیتابینین پئرسوناژی اولان آزمان دیو دوشدو. همین دیو ده بو آوتوبوس کیمی آداملاری اودوردو. آمّا آوتوبوسدان فرقلی اولاراق سونرا بوراخمیردی. هضم ائدیب اؤزونون اتینه-قانینا چئویریردی.
دیولر نه رنگ اولورلار؟ ناغیللاردا قاراسینا داها چوخ راست گلمیشدی. بوزو، قهوه‌ایی‌سی ده کیفایت قدر اولموشدو، حتی بیر امپرئسسیونیست
فرانسیز شاعرین دیوی ماسماوی ایدی، آمّا اونون عالمینده دیولر رنگسیز، شفاف ایدیلر. یئللریندن هنیرتیلریندن دویوردون اونلاری. عیناً درد کیمی. گؤزگؤرونمز، حجمسیز و چکیسیز اولسا دا ان چوخ گؤزه گؤرونن، ان نهایتسیز و ان آغیر اولان درد بارده بیر آرا بیر اینتئرپرئتاسییا دا ئتمیشدی کی، دیو ناغیللارین، درد رئاللیغین عزرائیلی‌دیر آدامی هوپ دئیه‌رک اودورلار.
اوز به اوز اوتوران ایکی قیز ایدیملریندن طلبه‌‌یه اوخشاییردیلار. اونا باخیب نسه پیچیلداشاندا اوزونه خفیف قیزارتی چؤکدو. هئچ ایسته‌مزدی کوچده-باییردا تانینسین، جلد ماسکاسینی لاپ یوخاری، گؤزلرینه‌جن دارتدی.
البته‌‌ یازیچی، موغنّی یاخود ایدمانچی دئییل کی، اونو-کوچه باییردا تانییالار. موغنّی ایله ایدمانچی بو مملکتده یازیچیدان داها اورواتلی پئشه‌دی. اونلاری یوز مینلر سئویر چ، یازیچی‌نین ایسه سئونلری تک-توک اولور. اوزلرینه تئلئویزییالارین قاپیلاری باغلی اولدوغوندان، ویزوال اولاراق دا اونلاری اکثريّت تانیمیر. آمّا بو قیزلار دئیه‌سن تانیمیشدیلار‌. اولسون کی چ، هانسی ایسا ایمضا گونونه گلمیشدیلر. یئنی کیتابینی آلیب ایمضالاداندا بلکه بیر فوتو دا چکدیرمیشدیلر.

ایمضا گونلری ایلده بیر دفعه‌ باش توتان بایرام ایدی اونون اوچون. همین گون همیشه‌کیندن فرقلی، خئیلی مئهریبان اولان آروادی‌نین شیفونئردن چیخاریب اوتوله‌دییی بَی‌لیک کوستیومویلا آغ کؤینک گئیینیر، بیر جوت قالستوکو وار، اونلاردان دا بیرینی سئچیب تاخیر‌ واکس‌لانمیش آیاق‌قابیسی‌نین پاریلتیسیندان فئیض‌یاب اولا-اولا، هله اوستلیک مکتبلی اوغلونون اوجوزواری عطریندن ده اوستونه پیسیلدادیب اوخوجولاری نین گؤروشونه گئدیردی. هم معنوی دینجلیک-راحتلیق تاپیردی، دقت مرکزینده اولماسی، پوپولیارلیغی اونا قول-قاناد آچدیریردی، اوسته‌لیک بئش-اون مانات دا قازانابیلیردی. آمّا افسوس کی چ، نؤوبتی گونلرین آدی آخاری پوسقودان اوستونه آتیلینجا یئنه اوّلکی کؤهنه حامام، کؤهنه طاس رئاللیغینا قاییداسی.چ اولوردو. نیمداش یاخاسی و بیلکلری سوزولموش پئنجک بالاقلاری گؤیده قالان شالوار، بویونلوغو قارت باغلامیش ازیک-اوزوک کؤینک، آغزی آچیلمیش آیاق‌قابی‌... و چیینینده ده "بو گون چؤرک‌پولوم اولاجاقمی" سوالی‌نین یوز پودلوق آغیرلیغی،
اؤتن ایل پاندئمییا هئچ ایمضا گونو کئچیرمه‌یه ده.چ قویمامیشدی. او مثل وار دئییر هشترخاندا دوه آز ایمیش کیمی بیرینی ده بریله گتیردیلر. اونون سؤزو اولماسین بو کوروناویروس دا بو یاندان گلیب چیخدی.
ماسکاسینی بیر آز دا یوخاری دارتیشدیردی. ماسکانین ماوی رنگی سولوب، آغ آپ‌ پاق اولموشدو‌. اوسته‌لیک کیرلنمیشدی. آروادینا کئچن هفته" بونو بیر ال یاخالا" دئینده "ماسکا آلماغا ایییرمی قپیک ده تاپمیرسان؟" ین مقابیلینده ایستیی گؤزونده قالمیشدی. اصلینده ایییرمی قپیک تاپا بیله‌ردی، صؤحبت بوندان گئتمیر. آمّا ایییرمی قپیک ده ایییرمی قپیکدیر، اوستونه ایکی اؤزو کیمیسینی قویسان، بیر چؤره‌یین پولو ائله‌یر.
باشینی یانا چئویردی، قیزلاردا او اولماسینا آزاجیق دا اولسون اومید یئری قویمادی. نؤوبتی دایاناجاقدا دوشمه‌لییدی. دوروب قاپییا طرف گئتدی، آوتوبوس دایاناندا ایلک اولاراق اورادان اؤزونو باییرا توللایان او اولدو. سانکی حقیقتاً دیوین آغزیندان قورتولوردو.
بورا مئترو چیخیشی‌نین یانی ایدی، بیر آیا یاخین‌ایدی کی بورا دادانمیشدی. غئیری رسمی آدی" امک بیرژاسی" اولان بو مکاندا اؤزو کیمی ایشسیزلر تصادوفی قازانج اومیدی ایله یول کناریندا دایانیر یاخینلاشان آوتوموبیل‌لرین ایشچی آختاران سوروجولریندن" کاش منی سئچه‌یدی" امدادینی اوموردولار. ایشچی آختارانلار عادتاً گنجلری جثه‌‌لی‌لری سئچیردیلر. او و اونون کیمی‌لر آللاه اومیدینه قالانلار ایدیلر. داها چوخ باغ بئلله‌مه‌یه یونگول یوک داشیماغا، زیبیل ییغماغا یاراییردیلار.

۱

او، باغ بئلله‌مه‌یی و یوک داشیماغی سئومیردی. اونورغاسیندان قوپان آغری اولادیردی اونو همین گون ده نؤوبتی گون ده قازاندیغی 20 -30 ماناتا ائله‌دییی بازارلیغی کؤنول خوشلوغو ایله یئیه ده بیلمیردی. آمّا زیبیل ییغماق یونگول ایش ایدی‌. الینه الجک تاخیب وور ها وور گیریشیردی بو ایشه. زیبیل ییغماق سانکی هم ده اونون اساس ایشینه، یازیچیلیغینا یاخینلاشان ایش ایدی، آغیرلیغینی فیلانی دویمازدی. حتی بیر دفعه‌ ایش سوراغی ایله بیر مودیرین قبولوندا اولاندا فرقلنمه دیپلومونو ماسانین اوستونه قویوب، خئیرینه اولاجاغینی ظنّ ائده‌رک بیر کیتابینی دا مودیره هديّه‌ ائتمک ایسته‌میشدی. مودیر ده دئمیشدی کی بو نه‌دی؟ یازیب زیبیلله‌ییرسیز اطرافی...

اؤزو کیمی‌لرله سلاملاشدی، چوخونون اونون کیمی پالتو و گؤده‌کچه‌سی یوخ ایدی. تیتره ییردیلر.

بورداکی لار بیر-بیرینی سئومه‌زدی، هامی هامییا چؤره‌یینه باعث اولا بیله‌جک رقیب گؤزو ایله باخیردی. اونون سلامینا بیر-ایکی یئردن دیل‌اوجو"علئیکومه"جاوابی گلدی. بوزوشوب اؤزونو کونجه کولک توتمازا وئردی. بورداکی‌لاردان هئچ کس اونو تانیمیردی،چ دئیه، بوردا راحت ایدی. بیر کونجه چکیلیب، دوروردو. دیگر اکثريّت کیمی اؤزونو ماشینلارین قاباغینا آتیب ایش ایسته‌میردی. آبریندان-حیاسیندان اوتانیردی. دیگرلری ایسه اونسيّت‌جیل ایدیلر. هر کس هر کسین یئددی نسیل دؤنه‌نینی بئله تانیییردی. بو،چ رایونلودور اکیب-بئجه‌ردییینی ساتماغین موشکوللویو اونو بیر تیکه چؤرک عشقی‌ ایله بورا گتیریب. بو بیریسی رئژیسسوردور. استانیسلاوسکی دئیه چاغیریرلار اونو. تئاترلاری باغلانیب دئیه، علاجسیزلیقدان بورا اوز توتوب‌. بو دا عالی تحصیللی‌دیر نئیروفیزیکدیر‌. بو ایختیصاصا چؤرک اولمادیغی اوچون بیر آرا بربرلیک ائدیب، رقابت بؤیوک اولدوغوندان سونرا دا یولونو بورا سالیب...
قارا ماشین کؤک قیرمیزیمتیل صیفت "ایکی نفر لازیمدیر، اون سوت تورپاق بئلله‌نه‌جک" نیداسی ایره‌لی شیغییان کسلرین بیر-بیرینی ایته‌له‌مه‌یی اوغولتو و سس کویون حمله‌سی "سن، بیر ده سن گئدک" کلمه‌لری ایله قورباغا گؤلونه داش آتیلماسی، سونرا محرّک‌ین سسی ماشینین چیخیب گئتمسی، سونرا نؤوبتی منظره بوز ماشین ضابیطلی و آجیقلی سیما "پیانینو داشیماغا دؤرد نفر" کلمه‌لری یئنه چارپیشما، موباریزه یئنه سئچیلمیشلرین قالیب اداسی سئچیلمه‌میشلرین مأیوسلوق دئمارشی..
دؤش جیبینده آروادینین یازدیغی سییاهی هر گلیب-گئدن ماشیندان سونرا سانکی بیر آز دا آغیرلاشیردی، اوره‌گییندن ساللاق قالیردی. "چؤرک 2 دنه. کارتوف 2 کیلو چ. سوغان 2 کیلو. ات 1 کیلو. گؤیرتی 2 دسته. مارقارین یاغی 1 پاچکا. قند چای دا توکه‌نیب موطلق آل. اته پولون چاتماسا ماکارون آلارسان 1 پاچکا. 5 مانات دا اوشاغین مکتبی اوچون، ساخلا پول ییغیرلار.
ات احتیمالی همیشه ماکارون احتیمالی‌نین سککیزده بیری، اوندا بیری قدر اولوردو. آمّا آروادی نیک بین ایدی. همیشه اتی عنادلا قئید ائدیردی. بعضا حتی درینه گئدیب "دولمالیق چکیله‌سی ات بوزباشلیق سوموکلو ات" خیردالیقلارینا دا واریردی. آروادی نیشانلانان واختلاردان نیک بین ایدی. گله‌جک ائولرینی دنیزه باخان نئفتچیلر پروسپئکتیندن سئچه‌ردی. گله‌جک ماشینلارینی سووئت صنایعیندن دئییل، آلمان صنایعیندن مانشیرلایاردی. حتی" بیلگه‌ده باغ ائوی" دئیه‌ چه-چه وورماسی دا وار ایدی. بئله زامانلاردا آروادی‌نین اوزو ایشیق ساچیردی. سانکی رنگ به رنگ ایشیق ذرّه‌‌جیکلری اوزو بویونجا قاچیشیردی. احمدلی‌ده کیرایه‌‌لنمیش، بیراوتاقلی، شرایطسیز منزیله گلین کؤچه‌نده ده "مووقّتی چتینلیکدیر، هر شئی یاخشی اولاجاق" دئییبن صبرینی تسبئح دنه‌لری کیمی دوزوب چکمه‌یه باشلامیشدی. دوز اون ایلین تامامیندا داها موقعیتی‌نین دایمی اولماسینا ایناندی. اوزونده‌کی ایشیق غئیب اولدو. اوپتیمیست‌لییی میلیونلارلا قیمتی اولان مولکلر، آوتوموبیل‌لر ایسته‌ییندن، اون ایکی ماناتلیق ات ایسته‌یی سایاق ایستکلره ترانسفئر ائدیلدی.
یئنی 2022-جی ایل گیره‌ندن هاوا 2021ین دئکبابرینداکی سلفی‌نین زامانینداکی ملاییم‌لیییندن ائله ده اوزاغا گئتمه‌میشدی. آمّا صوبح تئزدن بیر قدر سازاق دویولور، آدامین سوموکلرینه ایشله‌ین صوبح سویوغو "صاباحین خئییر" دئییردی. بیردن ائله بیل گونش دوغدو، "چئشکا" دئییلن بیر کؤهنه ماشینلا گلن اورتا یاشلی کیشی اوستونه جومانلاری کنارا ایتله‌ییب الی ایله اونو یانینا چاغیردی:
قارداش تزه ائوه کؤچوروک وئشلر داشینمالیدیر، وئش دئیه‌نده ائله بیر شئی ده یوخدور. ایییرمی مانات.چ وئره‌جم گئدیرسن؟


2

گئدیرسن ده سؤزدور؟ او، بیر گؤز قیرپیمیندا اؤزونو چئشکایا* سالدی یولا دوزه‌لدیلر
حسد و غبطه‌‌ اوبیئکتی کیمی پاریلدادیغی طلبه‌‌لییی گلدی دوشدو یادینا. اونداکی، حئکایه‌لری ژورنالدا درج ائدیلمیشدی، ادبی تنقید اونون تعریفینی گؤیه قالدیرمیشدی‌ اونداکی اونیوئرسیتئتده هامی اونون شانینه تعریفلر دئییر، اونو بارماقلا گؤسته‌ریردی ایچی اونا سئوگی مکتوبلاری یازان عائله‌‌ قورمایاجاقلاری تقدیرده اؤزونه قییاجاغینی گؤز یاشلاری ایچینده اظهار ائدن آروادی قاریشیق بوتون طلبه‌‌ یولداشلاری، بوتون پاتوک، بوتون اونیوئرسیتئت مشهور یازیچی اولاجاق مارکئز کیمی اللر اوستونده گزدیریله‌جک پولا پول دئمه‌یه‌جک دوشونجه سی.یله اونا پاخیللیق ائدیردی‌
ایندی ایسه بیرژا یولداشلاری یقین پاخیللیق ائتمکده‌دیرلر. ایییرمی مانات اونلارین یوخ چ، اونون قیسمتی اولاجاق.
سوروجونون اولدوقجا ایری اللری وار ایدی‌ رولو فیرلاتماق اوچون دویدویو اللری رولو تام گؤرونمز ائتمیشدی.
"سن فاغیر آداما اوخشاییرسان. او بیری‌لر سیرتیقدیلار. آدامین اوستونه آتیلیرلار. ایشله‌ییب قورتاراندا دا علاوه‌ پول ایسته‌ییرلر" کلمه‌لری‌یله سوروجو صؤحبته کؤرپو سالدی، آردینجا دا نسه بیر احوالات دانیشماغا باشلادی:
- اینیشیل قاییناتامین باغینی بئلله‌مه‌یه ایکیسینی آپارمیشدیم. سککیز سوتا اللی مانات دانیشمیشدیق. قارداش، بونلار ائله کی ایشه باشلادیلار، داش آتیب باشلارینی آلتینا توتدولار کی یوخ بوردا ایش، دئییله‌ندن آرتیقدیر. اللی‌نین اوستونه اوتوز دا قویمالیسان. نه قدر آند-قسم ائله‌دیم...
یئنی رومانینی یازیب قورتارا بیلمیردی سحردن آخشاما کیمی، بو ایشله مشغول اولوردو. ائوه گئدنده ایش اولان گونلرده یورغونلوق، ایش اولمایان گونلرده مأیوسلوق و اومیدسیزلیک الیندن قلمی آلیردی.
عابیدی گتیرمیشدی اسپارتالی‌لارین. ایستحکاملارینا، ایسته‌ییردی عابید. اورداکی یاتمیش حیاتی اویاتسین چوروموش تفکّورو یئنی‌له‌سین اوردا‌ عابید دؤشونه دؤیوب قارشیسینا چیخا‌ بیله‌جک قلادیاتور ایسته‌میشدی.
قارشیسینا نؤوبه‌ ایله دؤردو چیخمیشدی، هامیسی پئشمان اولموشدو. ان گوجلوسونو کوستاکورتو طلب ائله میشدی
ایمپئراتورون قیزی ائلینا سئیرانگاهدان قاییدارکن عابیدی گؤروب اونون یاراشیغینا عضله‌‌لری‌نین عظمتینه حئیران قالمیشدی‌. نیشانلیسی کوستاکورت ایله عابیدین دؤیوشه‌جه‌ییندن خبر توتونجا دؤیوشو ایزله‌مک فیکرینده بولونموشدو و ائله کی، باشلار کسن، قانی سو کیمی آخیدان کوستاکورت عابیدین قارشیسینا چیخمیشدی، اوندا زورلا نیشانلاندیغی کوستاکورتا نیفرت دویان ائلینانین ووجودونو مودهیش بیر سارسینتی بوروموشدو. بیردن کوستاکورت عابیده قالیب گلسه‌یدی نئجه اولاجاقدی؟ ایلک باخیشدان اسیری اولدوغو بو گنجین اؤلومونه او نئجه دؤزوم گتیره بیله‌ردی؟آخی...
آمّا گئریسینی یازا بیلمیردی هئچ‌ جور
اصلینده، مملکتده کیتابلار یاخشی ساتیلسایدی ائله کیتابلارین گتیردییی قازانجلا دولاناردی، عائله‌‌سی‌نین یانیندا اوزوقارا اولمازدی. آمّا کیتاب اوخویان تک توک-ایدی. وارلی حاللی لارین اکثريّتی کیتاب گؤرنده اوزونو تورشودوردو‌. اوزونو تورشوتمایان وارسیز-حالسیزلار ایدی کی، اونلاری دا جیبلری‌نین بوشلوغو کیتابلاردان یان کئچیریردی. اینصافاً او یاخشی یازیردی بیر-ایکی دفعه‌ اونداکی حیات هله بو قدر سیخیلیب، اؤز منگنه‌سینده آداملارین سویونو تام چیخارمامیشدی، ایکی رومانی‌نین سینوپسی‌سینی ترجومه ائتدیریب خاریجه گؤندرمه‌یه، 200 دوللار پول دا خرجله‌میشدی. اوردان دا مثبت رای‌لر گلمیشدی. آمّا بو رومانلاری تام حالدا ترجومه ائتدیرمه‌یه لازیم اولان پول، یاتسا یوخوسونا دا گیرمه‌زدی. 5 رقمی گؤرجک خاریجده مشهورلاشماقلا کاسیبلیغین داشینی آتماق فیکری‌نین فاتیحه‌‌سینی وئرمیشدی.


3

ایش وئره‌نی اونا ،"نو پوقودی " جیزگی فیلمی‌نین قهرمانلاری اولان جاناوارلا دووشان حاقیندا لطیفه‌‌ دانیشیردی. بیر دفعه‌ جاناوار دووشانا دئییر کی، سن نییه کارانتین قایدالارینی پوزوب.
عائله‌‌سینی دولاندیرا بیله‌جک ایش تاپماق آتلی ایدی او پیادا. هارا گئدیردیسه اوزو قارا قاییدیردی. عنوان قالمامیشدی کی، اورا مکتوب یوللاماسین: "عالی تحصیللی دیلچییم. کیتاب رئداکتورلوغونو ترجومه ایشینی ده اعلا بیلیرم. هامیسی بیر یانا اوسته‌لیک یازیچییام...".
آروادینی تزه ائوله‌ننده شهر مکتبلریندن بیرینه معلّیم دوزلتمک فیکری ده ایللر اؤتدوکجه خولیا اولاراق قالمیشدی.
باهو فیکیر اونو نه اوزاقلارا آپاریب،بئله چاتیبلار کی. کؤهنه یاسامال‌دایدیلار.

ایش وئرنی اونو ایچه‌ری سالدی. حیه‌طلی ائوی ایدی. دئمزسنمیش، بوردان چوخ‌مرتبه‌لی بینایا کؤچورموشلر. ائوده ایکی قادین خئیلاغی وار ایدی، ایکی 10-12 یاشلی اوشاق، بیر نفر ده آهیل کیشی.

کیمین کیم اولماسی‌نین فرقینده دئییلدی‌، درحال قلبینی ریقّته گتیرن ایشه گیریشدی: دیوار بویو قالاقلانمیش، چوخو کیریلجه اولان کیتابلاری قوتودا اوست-اوسته ییغیب قوتونون آغزینی ائسکوتچلاماقدان عبارت ایدی اونون ایشی.

https://t.me/Adabiyyatsevanlar

‏چرشنبه گونونده چشمه باشیندا
گوزوزوم بیر آلا گوز خانیما دوشدو...

https://t.me/Adabiyyatsevanlar

اوشاق ادبیاتی

اوشاق ادبیاتی هرهفته پنجشنبه گونو ادبیات سئونلر کانالیندا .
اوشاق ادبیاتینا دایر یازیلارینیزی بیزه گوندرین .

https://t.me/Adabiyyatsevanlar