آتالارسوزو.
یازار: «بی هادی»
کوچورن:«ذکیه ذولفقاری»
اوچونجو بؤلوم.
باجاناق دئدین، بالچاناق دادماز. ( دئدین: دئدییین)
باجاران ال، بوش قالماز.
باجاریغین ان- بویو، یوخ.
باجاریق کیشینین قانادی. ( کیشینین: اَرین، آدامین)
باجاریقلی ال آلتوندو.
باغیشلانیش ایستمه، باریشیقلیغا یول آچار. (اوغوراوغرار)
باغلی قییدی، باغچی قییمادی. ( باغلی: باغ یییهسی). ( باغچی: باغبان)
بال اسگی پتکدن، یئنیر. ( یئنیر: یئییلیر)
بال قوخار، آغویسا سئویلسه بیری.
بالاق سیلانماز، بالیق توتولماز. ( بالاق سیلانماز: بود ایسلانماز)
بالاسی سویا دوشسه، آناسی اوددا پیشر.
بالیق سو ایله، ائل دیلییله یاشار.
بالیق سویا چکر.
بالیق توتان قورو قالماز.
بالتا ساپی یادچیل آغاجدان اولور، بیز قیریلساق آنجاق بیزدن سازاولور. ( یادچیل: یابان)
بالتانی قیزیلدان ائتسن، گئدر اودونون یانینا دوشر.
باریقداسان باشقا جیخار( باریقداسان، سایارسین، حؤرمت ائدرسن، تپهنه چیخار. اوزوئریرسن، شیماریر سیرتیلیر).
بارلی آغاج باش اَیهر.
بارماغی اوزون دئییل، بویروغو اولان بال یئریر. ( بویروغو: قیسمتی)
بارقاجا اویلانیب یاشا، چکدییین امک گئدمهسین بوشا. ( بارقاجا: همّشه). ( اویلانیب: دوشونوب). (اوراز).
باش، باشا سؤیکنمسه، داش یئریندن اویناماز.
باش، باشا وئرمه یینجه، داش یئریندن اویناماز.
باش چالیشسین سؤز دئییلسین!
باش گئدسه جان گئدر.
باش هارا، آیاق اورا.
باش اولورسا، دیل قالار. ( باش:عاغیل)
باش قولاق شیشیریلمهیه، قوپلانماغا آلیشسا، کؤنول پاسلانیب، اَت پارچا تک آسلانیب.
باش یازیسی کلک ایله پوزولماز.
باش یازیسی، یازیلمامیش بیرصفحه، باشا گلن یازیلیر.
باش یئرینده، جان ساغلیغی دیلهییم. ( باش یئرینده: قافا، عاغیل یئرینده)
باشا گلن ساویلسین، اوغور یئرین دولدورسون.
باشآغا، بَیین نؤکری قودورقان اولور.( آغاسی، آغانین قولو، قودوز) آغاسی: ( آغا+ سی. سی: عزیزلمه سیمگهسی) آغالارآغاسی. ) . ( آغاسی آغانین: باشقانین. ( باشآغا: آغاباشی)
باشاردیقجا ایگید کیمی اَر کیمی، بویون اَیمه پاشا اولسون خان اولسون.
باشدا اوس اولسون، بؤرک تاپیلیر.
باشدان آشان واراولسون، قادا بالان داش اولسون . ( یارقیش: دوعا)
باسدیغی یئرلر آلتین اولسون. ( باستیغی یئر: آیاق قویدوغو یئر). (آلقیش)
باشین ائتمه قارنین اسیری. ( باشین: بِیینین)
باشینا گلمییَن بیلمز.
باشینی سیندیریر، اتهیینه قوزتؤکور.
باشلاییرسا کیمسه سیزلیگین آجیسی، سؤزدور اونو آلماشدیران دادلیلارین دادلیسی. ( آ لماشدیران: یئرین توتان.) باشلی کیشی اؤز باشینین یولداشی. ( باشلی: اوسلو:عاغیللی)
باشماقچینین باشماغی یاماقلی اولور، کوزه چینین سو قابی کولدوردن اولور. ( کولدور: سینیق کوزه)
باشقالارین قاندیرماق اولور، آنلاتماق زور اولور.
باسقیداکی آلتیندان، آسقیداکی سالخیم یئی.
باشسیز آیاق نئیلر.
باشسیز ائوده آتاسی دوروب، بالاسی سؤیلر.
باستیریقسیز بیچینی یئل آلیر، یئل آلماسا، ائل آلیر. ( باستیریقسیز: باستیریلمامیش )
باتمان اوتور یونگول قالخ.
باخان بیلمز، یئیَن بیلر.
باخماز بؤیوکلرین سؤزونه، چؤرک تاپماز، باخار کیچیکلرین سؤزونه، آرواد آلماز.
بایاتی دیلی، دیلین بایاتلیغی. ( بایاتلیغی: کؤهنه لییی، اسگیلییی)
بازاردا خاندالانی، خان دانیشماز یالانی.
بلالی قایلی - سؤزون بیلمز قایلی باش.
بئشده آلاجاغیم، اوچده وئرجهییم یوک.
بئشیک یاپمیش، سینین قازمیش. ( سینین: گورون)
بئتی آچیق اولما، آچیق بئتلی اول ( بئتی آچیق: آچیق اوزلو، .سیرتیق، اوتانماز، ناموسسوز)، (آچیق بئتلی: اوزو یوخاری، اوجا باشلی، ناموسلو)
بئتینه باخیب آلماقیل، دیبینه گیریب آلقیلان. ( بئتین: اوزونه).
بختی آچوق، قاشی چاتوق.
بخت اولماسا باشدا، نه قورودا بیتر نه یاشدا.
بَیی وارلا، بَییمی گؤرکله تانیما. ( گؤرکل: گؤزللیکله)
بَیلر ایشی بویوروقیله، یوخسول ایشی امگیله یوللانیر.
بیلدییین ائتمیش، آپارار.
بیلدیییوی دئ، بیلمه دیییوی اؤیرن.
بیله یاشام قولای دئییل، آیریق یاشام اونای دئییل. ( بیل: بیرلیکده باهم). ( آیریق یاشام: یالنیز یاشاماق). ( اونای دئییل: آغلا باتان، معقول دئییل)
بیلَیی گوجلو بیر ایش گؤرر، بیلگیسی چوخ مین.
بیرین بیللیکده چکیلن درد، یونگول گلر. ( بیللیکده: بیرگهلیکده، باهملیقدا)
بیلن بیلدیگین ایشلر، بیلمهیَن بارماغینی دیشلر.
بیلن بیلدییینه ایشهنیر، بیلمهیَن نَیه ایشهنر. ( ایشه نیر:گووه نیر)
یازار: «بی هادی»
کوچورن:«ذکیه ذولفقاری»
اوچونجو بؤلوم.
باجاناق دئدین، بالچاناق دادماز. ( دئدین: دئدییین)
باجاران ال، بوش قالماز.
باجاریغین ان- بویو، یوخ.
باجاریق کیشینین قانادی. ( کیشینین: اَرین، آدامین)
باجاریقلی ال آلتوندو.
باغیشلانیش ایستمه، باریشیقلیغا یول آچار. (اوغوراوغرار)
باغلی قییدی، باغچی قییمادی. ( باغلی: باغ یییهسی). ( باغچی: باغبان)
بال اسگی پتکدن، یئنیر. ( یئنیر: یئییلیر)
بال قوخار، آغویسا سئویلسه بیری.
بالاق سیلانماز، بالیق توتولماز. ( بالاق سیلانماز: بود ایسلانماز)
بالاسی سویا دوشسه، آناسی اوددا پیشر.
بالیق سو ایله، ائل دیلییله یاشار.
بالیق سویا چکر.
بالیق توتان قورو قالماز.
بالتا ساپی یادچیل آغاجدان اولور، بیز قیریلساق آنجاق بیزدن سازاولور. ( یادچیل: یابان)
بالتانی قیزیلدان ائتسن، گئدر اودونون یانینا دوشر.
باریقداسان باشقا جیخار( باریقداسان، سایارسین، حؤرمت ائدرسن، تپهنه چیخار. اوزوئریرسن، شیماریر سیرتیلیر).
بارلی آغاج باش اَیهر.
بارماغی اوزون دئییل، بویروغو اولان بال یئریر. ( بویروغو: قیسمتی)
بارقاجا اویلانیب یاشا، چکدییین امک گئدمهسین بوشا. ( بارقاجا: همّشه). ( اویلانیب: دوشونوب). (اوراز).
باش، باشا سؤیکنمسه، داش یئریندن اویناماز.
باش، باشا وئرمه یینجه، داش یئریندن اویناماز.
باش چالیشسین سؤز دئییلسین!
باش گئدسه جان گئدر.
باش هارا، آیاق اورا.
باش اولورسا، دیل قالار. ( باش:عاغیل)
باش قولاق شیشیریلمهیه، قوپلانماغا آلیشسا، کؤنول پاسلانیب، اَت پارچا تک آسلانیب.
باش یازیسی کلک ایله پوزولماز.
باش یازیسی، یازیلمامیش بیرصفحه، باشا گلن یازیلیر.
باش یئرینده، جان ساغلیغی دیلهییم. ( باش یئرینده: قافا، عاغیل یئرینده)
باشا گلن ساویلسین، اوغور یئرین دولدورسون.
باشآغا، بَیین نؤکری قودورقان اولور.( آغاسی، آغانین قولو، قودوز) آغاسی: ( آغا+ سی. سی: عزیزلمه سیمگهسی) آغالارآغاسی. ) . ( آغاسی آغانین: باشقانین. ( باشآغا: آغاباشی)
باشاردیقجا ایگید کیمی اَر کیمی، بویون اَیمه پاشا اولسون خان اولسون.
باشدا اوس اولسون، بؤرک تاپیلیر.
باشدان آشان واراولسون، قادا بالان داش اولسون . ( یارقیش: دوعا)
باسدیغی یئرلر آلتین اولسون. ( باستیغی یئر: آیاق قویدوغو یئر). (آلقیش)
باشین ائتمه قارنین اسیری. ( باشین: بِیینین)
باشینا گلمییَن بیلمز.
باشینی سیندیریر، اتهیینه قوزتؤکور.
باشلاییرسا کیمسه سیزلیگین آجیسی، سؤزدور اونو آلماشدیران دادلیلارین دادلیسی. ( آ لماشدیران: یئرین توتان.) باشلی کیشی اؤز باشینین یولداشی. ( باشلی: اوسلو:عاغیللی)
باشماقچینین باشماغی یاماقلی اولور، کوزه چینین سو قابی کولدوردن اولور. ( کولدور: سینیق کوزه)
باشقالارین قاندیرماق اولور، آنلاتماق زور اولور.
باسقیداکی آلتیندان، آسقیداکی سالخیم یئی.
باشسیز آیاق نئیلر.
باشسیز ائوده آتاسی دوروب، بالاسی سؤیلر.
باستیریقسیز بیچینی یئل آلیر، یئل آلماسا، ائل آلیر. ( باستیریقسیز: باستیریلمامیش )
باتمان اوتور یونگول قالخ.
باخان بیلمز، یئیَن بیلر.
باخماز بؤیوکلرین سؤزونه، چؤرک تاپماز، باخار کیچیکلرین سؤزونه، آرواد آلماز.
بایاتی دیلی، دیلین بایاتلیغی. ( بایاتلیغی: کؤهنه لییی، اسگیلییی)
بازاردا خاندالانی، خان دانیشماز یالانی.
بلالی قایلی - سؤزون بیلمز قایلی باش.
بئشده آلاجاغیم، اوچده وئرجهییم یوک.
بئشیک یاپمیش، سینین قازمیش. ( سینین: گورون)
بئتی آچیق اولما، آچیق بئتلی اول ( بئتی آچیق: آچیق اوزلو، .سیرتیق، اوتانماز، ناموسسوز)، (آچیق بئتلی: اوزو یوخاری، اوجا باشلی، ناموسلو)
بئتینه باخیب آلماقیل، دیبینه گیریب آلقیلان. ( بئتین: اوزونه).
بختی آچوق، قاشی چاتوق.
بخت اولماسا باشدا، نه قورودا بیتر نه یاشدا.
بَیی وارلا، بَییمی گؤرکله تانیما. ( گؤرکل: گؤزللیکله)
بَیلر ایشی بویوروقیله، یوخسول ایشی امگیله یوللانیر.
بیلدییین ائتمیش، آپارار.
بیلدیییوی دئ، بیلمه دیییوی اؤیرن.
بیله یاشام قولای دئییل، آیریق یاشام اونای دئییل. ( بیل: بیرلیکده باهم). ( آیریق یاشام: یالنیز یاشاماق). ( اونای دئییل: آغلا باتان، معقول دئییل)
بیلَیی گوجلو بیر ایش گؤرر، بیلگیسی چوخ مین.
بیرین بیللیکده چکیلن درد، یونگول گلر. ( بیللیکده: بیرگهلیکده، باهملیقدا)
بیلن بیلدیگین ایشلر، بیلمهیَن بارماغینی دیشلر.
بیلن بیلدییینه ایشهنیر، بیلمهیَن نَیه ایشهنر. ( ایشه نیر:گووه نیر)
بیلگه آلتیندا دیلیوی دارت، اوستا آلدیندا اَلیوی دارت. ( دارت: چک، ساخلا). ( آلدیندا: حضوروندا).
بیلگلی کیشی آز سؤیلر. ( بیلگلی: بیلن)
بیلگیلی کیشی آج قالماز.
بیلگینه اوی، آچیلسین گؤزون. ( بیلدیییوی یوخلاسان، گؤزون آچیلار).
بیلیک یولون قاپایان، بیلمزلییه یول آچار.
بیلیکسیز هئچ بیر ایش یاپیلماز. ( بیلیکسیز: ایلیمسیز، علمسیز ). ( گؤردویون،
بیلمک گرک)
بیلیم گوجلو بیر یاراق، اونلا یاراقلان. ( یاراق: سلاح) .
بیلیرم، بوردان اورا، آرا وار، آیریلیقدان دوشن، یارا وار.
بیلیریم، اؤلوکو اَیری توتار تولوغو. ( بیلیریم: تانیریم). ( اؤلوکو: تمبلی).
بیلمدیگین سویا دالما. ( بیلمدیگین: تانیمادیغین)
بیلمهین بیلنی دانلار، بیلن، بیلمهینی دانلاماز.
بیلمزین دوغور کیشی، اولمازین اؤلمک ایشی، نه سوچو دوغاندا گؤر، نه مانی اؤلنده بیل. بیر وارلیغین بیر یوخلوغون اورتاسیدیر یاشام گوجو. ( اولمازین : اینانیلماز)
بیرآتالارسؤزو، بیرده آنالارسؤزو(آبالار)سؤزو وار.
بیر چیراغ کئچر، اوبیری یانار. ( بیر چیراغ کئچمهسه، اوبیری یانماز).
بیر داشلا دووار قالانماز ( قالانماز:هؤرولمز)
بیر اَلیله ایکی قارپوز توتولماز.
بیر گئدیرم- گئدیرم دئیندن قورخ، بیر یئمیرم دئیندن.
بیر گؤزه دونیا سیغار بیر گول، اوجوبوندان مین اوت سو ایچر. ( اوجوبوندان: ندنیندن، سببیندن، باعثلیگیندن)
بیر هاوادان سولودوق، بیر اودادا یاشادیق، توخوشا بیلمییهجک اوزاق قالدیق.
بیر کئچی کئچسه درهنی، قویونلار قیرار بندی برهنی.
بیر کرم دوغولدوق، بیر کرم اؤلریک.
بیر پونزا اَت مین مان اؤرتر. ( مان: عاییب)
بیر قابی وار قیزیلدان، بیراق قوسار قان اونا. ( بیراق: آما، ولی). ( وار داواری چوخ اولموش، نه، یئدیزدر نه یئیَر). ( یئدیزدر: یئدیردر).
بیر قولاغی دارائله، او بیرین گئن آچیق.
بیر تاخا وور، بیر چیوه. ( تاخا: نالا). ( چیو: چیوییه، میخا). ( بیر سؤزلهشیمده، ایکی یؤنوده قوروماق)
بیر اوسلوقیز، مین بودالا ایگیده دهیَر. ( اوسلو: باشلی عاغیللی). ( بودالا:آخماق).
بیری آتار، بیری توتار، کئچر بؤیله یاشام.
بیری گلیر منی مندن آلیر، بیری گلیر اؤزون منده تاپیر.
بیری اییینی بوغور، بیری کؤتویه بوغولور.
بیری اؤلمهسه، بیری دیریلمز.
بیری اوردان کؤپلتر، بیری بوردان کملتر. ( کؤپلدر: چوخالدار). ( کملدر: آزالدار)
بیری یاتار بیری قالخار، بیری یاخاندان، بیرین بیری اتکدن آسیلی. ( یاغو یاخاندان، ایت اَتکدن یاپیشیر)
بیریک ائلین قارا گونوده بایرام. ( بیریک: بیرلهشن)
بیرین توتسان بیری قالار، ایکیسین توتسان ایکیسی، هئچین توتسان نَیی قالار.
https://t.me/Adabiyyatsevanlar
بیلگلی کیشی آز سؤیلر. ( بیلگلی: بیلن)
بیلگیلی کیشی آج قالماز.
بیلگینه اوی، آچیلسین گؤزون. ( بیلدیییوی یوخلاسان، گؤزون آچیلار).
بیلیک یولون قاپایان، بیلمزلییه یول آچار.
بیلیکسیز هئچ بیر ایش یاپیلماز. ( بیلیکسیز: ایلیمسیز، علمسیز ). ( گؤردویون،
بیلمک گرک)
بیلیم گوجلو بیر یاراق، اونلا یاراقلان. ( یاراق: سلاح) .
بیلیرم، بوردان اورا، آرا وار، آیریلیقدان دوشن، یارا وار.
بیلیریم، اؤلوکو اَیری توتار تولوغو. ( بیلیریم: تانیریم). ( اؤلوکو: تمبلی).
بیلمدیگین سویا دالما. ( بیلمدیگین: تانیمادیغین)
بیلمهین بیلنی دانلار، بیلن، بیلمهینی دانلاماز.
بیلمزین دوغور کیشی، اولمازین اؤلمک ایشی، نه سوچو دوغاندا گؤر، نه مانی اؤلنده بیل. بیر وارلیغین بیر یوخلوغون اورتاسیدیر یاشام گوجو. ( اولمازین : اینانیلماز)
بیرآتالارسؤزو، بیرده آنالارسؤزو(آبالار)سؤزو وار.
بیر چیراغ کئچر، اوبیری یانار. ( بیر چیراغ کئچمهسه، اوبیری یانماز).
بیر داشلا دووار قالانماز ( قالانماز:هؤرولمز)
بیر اَلیله ایکی قارپوز توتولماز.
بیر گئدیرم- گئدیرم دئیندن قورخ، بیر یئمیرم دئیندن.
بیر گؤزه دونیا سیغار بیر گول، اوجوبوندان مین اوت سو ایچر. ( اوجوبوندان: ندنیندن، سببیندن، باعثلیگیندن)
بیر هاوادان سولودوق، بیر اودادا یاشادیق، توخوشا بیلمییهجک اوزاق قالدیق.
بیر کئچی کئچسه درهنی، قویونلار قیرار بندی برهنی.
بیر کرم دوغولدوق، بیر کرم اؤلریک.
بیر پونزا اَت مین مان اؤرتر. ( مان: عاییب)
بیر قابی وار قیزیلدان، بیراق قوسار قان اونا. ( بیراق: آما، ولی). ( وار داواری چوخ اولموش، نه، یئدیزدر نه یئیَر). ( یئدیزدر: یئدیردر).
بیر قولاغی دارائله، او بیرین گئن آچیق.
بیر تاخا وور، بیر چیوه. ( تاخا: نالا). ( چیو: چیوییه، میخا). ( بیر سؤزلهشیمده، ایکی یؤنوده قوروماق)
بیر اوسلوقیز، مین بودالا ایگیده دهیَر. ( اوسلو: باشلی عاغیللی). ( بودالا:آخماق).
بیری آتار، بیری توتار، کئچر بؤیله یاشام.
بیری گلیر منی مندن آلیر، بیری گلیر اؤزون منده تاپیر.
بیری اییینی بوغور، بیری کؤتویه بوغولور.
بیری اؤلمهسه، بیری دیریلمز.
بیری اوردان کؤپلتر، بیری بوردان کملتر. ( کؤپلدر: چوخالدار). ( کملدر: آزالدار)
بیری یاتار بیری قالخار، بیری یاخاندان، بیرین بیری اتکدن آسیلی. ( یاغو یاخاندان، ایت اَتکدن یاپیشیر)
بیریک ائلین قارا گونوده بایرام. ( بیریک: بیرلهشن)
بیرین توتسان بیری قالار، ایکیسین توتسان ایکیسی، هئچین توتسان نَیی قالار.
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
«اکبر_برزگر»(سَروَر موغانلی)
قورخمورام
پولاددان یوغرولوب تَمَلیم منیم
حیاتدا دؤیوشسوز کئچمز بیر آنیم.
زامان آتشینده برکیمیش جانیم،
چکیشدن، کورهدن،اوددان قورخمورام!
حیاتین آجیسین چوخلو دادمیشام،
کدره، محنته هئی قاتلاشمیشام.
اومودلا سحره یوللار آشمیشام،
جانیمی چولغایان درددن قورخمورام!
ایستهسن گل منی بوراندا سینا!
دوشمنلر اؤلکهمه گیرنده سینا!
زامانی اَن چتین گؤرنده سینا!
موشکوللر آچانام، بددن قورخمورام!
چئویرسه دوستلاریم اوزلرین یانا-
آنجاق کی باغلییام عهده، پیمانا.
حاضیرام یئنه ده هر امتحانا،
ایندی کی دئییلن «گئت»دن قورخمورام
https://t.me/Adabiyyatsevanlar
قورخمورام
پولاددان یوغرولوب تَمَلیم منیم
حیاتدا دؤیوشسوز کئچمز بیر آنیم.
زامان آتشینده برکیمیش جانیم،
چکیشدن، کورهدن،اوددان قورخمورام!
حیاتین آجیسین چوخلو دادمیشام،
کدره، محنته هئی قاتلاشمیشام.
اومودلا سحره یوللار آشمیشام،
جانیمی چولغایان درددن قورخمورام!
ایستهسن گل منی بوراندا سینا!
دوشمنلر اؤلکهمه گیرنده سینا!
زامانی اَن چتین گؤرنده سینا!
موشکوللر آچانام، بددن قورخمورام!
چئویرسه دوستلاریم اوزلرین یانا-
آنجاق کی باغلییام عهده، پیمانا.
حاضیرام یئنه ده هر امتحانا،
ایندی کی دئییلن «گئت»دن قورخمورام
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
زلیمخان_یعقوب
گول سنین نیینه گرک دیر گولوم ؟!
اؤپن دوداغی یوخ، اوخشایان ألی.
گل گول ده _ چیچک ده اؤزوموز اولاق
سن بیراز عاغیللی ، من بیراز دلی . . !
گول سنین نیینه گرک دیر گولوم؟!
سنین گولون منم _ چیچه یین منم.
گوللو ناغیللارا گئتمه سین عاغلین
سنین حقیقتین _گئرچه یین منم . . !
گول سنین نییه گرک دیر گولوم ؟!
حوسنون_گؤزللیگین دونیادا تک دیر!
اگر سن وارسان سا بو یئر اوزونده _
دونیا باشدان باشا گول دور چیچک دیر...
گول سنین نیینه گرک دیر گولوم ؟!
قوخلا نفسیمی چیچه یه دؤندر .
شاعیرین سؤزونه یالاندیر دئمه ،
بوتون یالان لاری،گئرچه یه دؤندر . . !
https://t.me/Adabiyyatsevanlar
گول سنین نیینه گرک دیر گولوم ؟!
اؤپن دوداغی یوخ، اوخشایان ألی.
گل گول ده _ چیچک ده اؤزوموز اولاق
سن بیراز عاغیللی ، من بیراز دلی . . !
گول سنین نیینه گرک دیر گولوم؟!
سنین گولون منم _ چیچه یین منم.
گوللو ناغیللارا گئتمه سین عاغلین
سنین حقیقتین _گئرچه یین منم . . !
گول سنین نییه گرک دیر گولوم ؟!
حوسنون_گؤزللیگین دونیادا تک دیر!
اگر سن وارسان سا بو یئر اوزونده _
دونیا باشدان باشا گول دور چیچک دیر...
گول سنین نیینه گرک دیر گولوم ؟!
قوخلا نفسیمی چیچه یه دؤندر .
شاعیرین سؤزونه یالاندیر دئمه ،
بوتون یالان لاری،گئرچه یه دؤندر . . !
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
کریم قربانزاده
بئله سورسه حیات
زامان صیفیرلاناجاق !
آغلامایاجاق داها گوز لر
دنیزلر قویلاناجاق
بالیقلارین یادداشیندا
اورمان سیلینه جک بالتالارین هیرسلی یوخوسوندان
ماهنیلاردان سوزوله جک چن ، دومان
قوشلار سویوناجاق لله یینی گوُی گوُی .
بوم بوش قالاجاق کوره میز
دایناسور بیته جک قاسیرغالاردا
زامان صیفیرلاناجاق !
بئله سورسه حیات .
https://t.me/Adabiyyatsevanlar
بئله سورسه حیات
زامان صیفیرلاناجاق !
آغلامایاجاق داها گوز لر
دنیزلر قویلاناجاق
بالیقلارین یادداشیندا
اورمان سیلینه جک بالتالارین هیرسلی یوخوسوندان
ماهنیلاردان سوزوله جک چن ، دومان
قوشلار سویوناجاق لله یینی گوُی گوُی .
بوم بوش قالاجاق کوره میز
دایناسور بیته جک قاسیرغالاردا
زامان صیفیرلاناجاق !
بئله سورسه حیات .
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
This media is not supported in your browser
VIEW IN TELEGRAM
دوکتور «حسن عشایری»
عشق
بو دانیشیغی اون مین نفر ادبیات سئونلر کانالیندا ائشیدیب.
https://t.me/Adabiyyatsevanlar
عشق
بو دانیشیغی اون مین نفر ادبیات سئونلر کانالیندا ائشیدیب.
https://t.me/Adabiyyatsevanlar
«یعقوب_نیکزاد»
آهئی
گؤزللیک ائلچی سی
خئییره کیشنه سین آتین!
گؤروشون گونش دلی سی.
کوچه میزه آیاق گؤتور
ایشیق گتیر!
هله دونمه ییب ایلقاریم
گلین گئدک آرزو گیله...
آچیم، تؤکوم گؤی قورشاغین
آسیم گؤیه.
سیرغالانیر بویلو بولود گؤزلریمده
قارا گیله، کؤرپه اینجی.
یاشامیما سیغال چکیر باخیشلارین سون باهاری
ساخلایاراق قیش زوماری.
آهئی
مَلَک یاراشیغی
گونش له قان بولاشیغی
منه چیلدیر سئوینجینین چرچیوه سین !
دوداغیندان گولوش دریم
شئعریمین اوستونه سریم
گل قاداسی!
سنین غزل پایین قالیر.
https://t.me/Adabiyyatsevanlar
آهئی
گؤزللیک ائلچی سی
خئییره کیشنه سین آتین!
گؤروشون گونش دلی سی.
کوچه میزه آیاق گؤتور
ایشیق گتیر!
هله دونمه ییب ایلقاریم
گلین گئدک آرزو گیله...
آچیم، تؤکوم گؤی قورشاغین
آسیم گؤیه.
سیرغالانیر بویلو بولود گؤزلریمده
قارا گیله، کؤرپه اینجی.
یاشامیما سیغال چکیر باخیشلارین سون باهاری
ساخلایاراق قیش زوماری.
آهئی
مَلَک یاراشیغی
گونش له قان بولاشیغی
منه چیلدیر سئوینجینین چرچیوه سین !
دوداغیندان گولوش دریم
شئعریمین اوستونه سریم
گل قاداسی!
سنین غزل پایین قالیر.
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
مجموعه مقالات «اریک دوگرلیه»(منشاعالم، حیات، انسان وزبان) ترجمه:« جلال الدین رفیع فر» ص132
https://t.me/Adabiyyatsevanlar
https://t.me/Adabiyyatsevanlar
ناظیم_حکمت_ران (۱۹۶۳- ۱۹۰۲)
#تورکیه_شعری
اویغونلادان:
#ثریا_خلیق_خیاوی
«منور»دن بیر مکتوب آلدیم، یازمیشدی:
آنلات منه دوغدوغوم شهری ناظیم
«صوفیا»دان چؤخ کیچیککن چیخمیشام
آمما بولغارجا بیلیرمیشم...
صوفیا نئجه بیر شهر؟
ائشیدَردیم آنامدان
صوفیا کیچیکمیش
بؤیوموشدور
دوشون،
قیرخبیر ایل کئچمیش
بیر « بوریس پارک» وارایمیش او زامان
دایهم صاباحلاری گؤتورورموش منی
صوفیانین ان بؤیوک پارکی اولاجاق
اوردا شکیللریم چکیلمیش، قالیر
بول گونشلی، بول کؤلگهلی بیر پارک
گئت، اوردا اوتور.
بلکه راسگلرسن اوستونده اوینادیغیم اوتوراجاغا
آمما اوتوراجاقلار قیرخ ایل قالماز کی
اونلاردا چورویوب دییشدیریلمیشدیر
ان اییسی آغاجلار،
آغاجلار، خاطیرهلردن اوزون یاشار...
گئت اوردا اَن یاشلی پالیدین آلتیندا
اوتور بیر گون
هر شئیی اونوت
آیریلیغیمیزی بئله
تکجه منی دوشون.
https://t.me/Adabiyyatsevanlar
#تورکیه_شعری
اویغونلادان:
#ثریا_خلیق_خیاوی
«منور»دن بیر مکتوب آلدیم، یازمیشدی:
آنلات منه دوغدوغوم شهری ناظیم
«صوفیا»دان چؤخ کیچیککن چیخمیشام
آمما بولغارجا بیلیرمیشم...
صوفیا نئجه بیر شهر؟
ائشیدَردیم آنامدان
صوفیا کیچیکمیش
بؤیوموشدور
دوشون،
قیرخبیر ایل کئچمیش
بیر « بوریس پارک» وارایمیش او زامان
دایهم صاباحلاری گؤتورورموش منی
صوفیانین ان بؤیوک پارکی اولاجاق
اوردا شکیللریم چکیلمیش، قالیر
بول گونشلی، بول کؤلگهلی بیر پارک
گئت، اوردا اوتور.
بلکه راسگلرسن اوستونده اوینادیغیم اوتوراجاغا
آمما اوتوراجاقلار قیرخ ایل قالماز کی
اونلاردا چورویوب دییشدیریلمیشدیر
ان اییسی آغاجلار،
آغاجلار، خاطیرهلردن اوزون یاشار...
گئت اوردا اَن یاشلی پالیدین آلتیندا
اوتور بیر گون
هر شئیی اونوت
آیریلیغیمیزی بئله
تکجه منی دوشون.
https://t.me/Adabiyyatsevanlar
قدیم تورک تاریخی
یازار:«لیو قومیلیوو»
کؤچورن:«زکیه ذولفقاری
ناشر: تبریز - نباتی و آذر توران
قطع: وزیری / 572 ص / قیمت 150 مین تومان
https://t.me/Adabiyyatsevanlar
یازار:«لیو قومیلیوو»
کؤچورن:«زکیه ذولفقاری
ناشر: تبریز - نباتی و آذر توران
قطع: وزیری / 572 ص / قیمت 150 مین تومان
https://t.me/Adabiyyatsevanlar
«ویلیام شکسپیرین» شاه اثری( هملت پیئسی)
سایین «رحیم خیاوی نین»هیمتی ایله تورکجه میزه کوچورولدو, ادبیات سئونلر اوخوجو بول اولسون دئیه «رحیم خیاوی» جنابلارینا یئنی قلم نائلیتی آرزو ائدیر.
هملت: یازار:« ویلیام شکسپیر»
چوئریمه: «صابر مصطفی»
کوچورمه:«رحیم خیاوی»
ناشر:«سونای نشریاتی» @sona.pub
بیچیم : رقعی – شومیز
صفحه سایی : 231
تیراژ : 1000 جلد
چاپ : 1400
قیمت : 70000 تومن
ساتیش یئری« سونا نشریاتی» 09143318401
https://t.me/Adabiyyatsevanlar
سایین «رحیم خیاوی نین»هیمتی ایله تورکجه میزه کوچورولدو, ادبیات سئونلر اوخوجو بول اولسون دئیه «رحیم خیاوی» جنابلارینا یئنی قلم نائلیتی آرزو ائدیر.
هملت: یازار:« ویلیام شکسپیر»
چوئریمه: «صابر مصطفی»
کوچورمه:«رحیم خیاوی»
ناشر:«سونای نشریاتی» @sona.pub
بیچیم : رقعی – شومیز
صفحه سایی : 231
تیراژ : 1000 جلد
چاپ : 1400
قیمت : 70000 تومن
ساتیش یئری« سونا نشریاتی» 09143318401
https://t.me/Adabiyyatsevanlar
یازار: شایان
💠منملیک
1️⃣
گئجه یاریسی کندین آغیر سسسیزلیینی، داغدان اسن یئلین قاتیندان سیزیلدایان توتک سسی سیندیریر...
چؤل ایشیندن یورولان کندلیلر نئیین لایلاسینا کؤنول وئریب، شیرین یوخولارینی تامسینیرلار،
آنجاق اولجای هلهده اویاقدیر... چکیجی نئیین سسی، اولجایی ائیوانا چکیر، چینین وئریر ائیوانین دیرهیینه، الی-قولتوق، نئیین سسینه دالیر، یورغون باخیشینی قاناتلاندیریر، آشیریملاردان آشیریر، داغین باشینا دیرماشدیریر... آی ایشیغی هر یانی ایشیقلاندیرسادا، آرخاجین یئرین بیلسده، گونآی چوبان ایله سورونو قایالارین آراسیندان سئچمک اولماییر...
اونون آزغین باخیشی سایریشان اولدوزلارین باغچاسینین سئحرینه آسیلیر قالیر...
اوریینده آرزی ائدیر؛
-کئشگه گئدیب او یاماجا، دیرماشایدیم، آرخاجدان اوسته گونآیین اوستونو آلایدیم... یاخیندان او حزین توتک سسینی جانیما سیندر ایدیم.
درین خیالینین ترکینه دالیر، خئیلک قولاغ آساندان سونرا باشی آغیرلاشیب، ساللانیر، دوردوق یئرده، مورگولهییر، نئچه کز توتهیین سسینه دیکسینیر، سونوندا، یوخو او بئزدیریر، ایچرییه قایدیر، قیزینین اوستون چکیر، گلیب باشین آتیر یاتسین...
گؤزون قیزدیریر شیرین یوخویا دالینجاق، نئیین سسینه یئنهده اویانیر، یوخوسو آزیر... گئجهنین بو چاغیندا، گؤرسن ندن گونآیین یوخوسو گلمهییر... کسین ایچینین آجیسینی بوشالدیر... آخی اونون نه آجیسی اولا بیلر کی؟ بیر گنج چوبان بابانین نه آجیسی؟ اونون دونیاسی سورونون سئوگیسی، اوتاریشی، کؤپکلرینین سورونو قوروماسی، هادیرلیغی، ائششهیی، ائرکجینین زینقرووو، قارا کترینین چایی، سوفرسینین پئندری، جورجهنهئی، سوپاندی، اوجاغی...
سحر تئزدن گونش دوغمادان، خوروزلار سسی کند ایچینه ولوله سالیر، قادینلار قیوراق اویانیب، تندیر سالیرلار، بوتون باجالاردان تۆستو گؤی اؤزرینه بویلانیر، هانسی ائوین باجاسی تۆستولهمسه، قونشولاری ماراقلاندیرار، دئیهیرلر به؛
- گؤرهسن فلانکسین تندیری ندن یانماییر؟
اولجای تندیری سالیر، تندیر قیزیشینجاق، خمیر ائلیییر، خمیر آجییینجاق، ائوی، حیط-باجانی سیل-سوپور ائدیر. تویوق نینینین قاپیسینی آچیب تویوق-جوجهنی ایشییه بوراخیر، نیندهکی یومورتالاری ییغیر، حیط باغچاسینا باش چکیر، دونن آخشام چاغی سو ایچمهین، کردیلری تزهدن سوواریر... گون-اورتا یئمک اوچون بیرآز ترهووز دریر، اتییینده ائوه گتیریر.
قیزارمیش تندیرین آغزینداکی ارسینین اوسته کتری قایناییر، تئز چایی دملهییر، سوفره سالیب، پئندیردن، یوغورتدان، لواشلارین بویرونه دوزوب، گئدیر قیزی ایلکآیی اویادیر، ایلکآی قالخیب، ال-اؤزونو یویویب، آناسی اونا چای-چؤرک یئدیردیب، یولداشلاری ایله اوخولا یوللاییر.
خمیره باش چکیر، خمیر آجیییب قیجقیریر، کؤسهو ایله، تندیرین کؤزونو قاریشدیب هامارلاییب، تندیرین کولفندیرین باسیر، خمیری کوندهلهییر، تندیرین ایستیسی بیرآز یومشالاندان سونرا، کوندهلری اوخلاو ایله یاییب، لاواشیاپانین اوستونه سریب، تندیره یاپیر.
چورک یاپاندان سونرا، گون-اورتا یئمهیی قارا بارداقدا تندیره آتیلیر.
اولجای مطبخین قاپی پئنجرهسینی آچیر بلکه هاواسی دییشیلسین، ائوه ال دولاندیریر، یویولمامیش پالتارا سو قیزدیریر، حیطدهکی سؤیود آغاجینین کؤلگهسینده تئشده پالتار یویور...
یودوغو پالتارلاری، شریت اوسته سریر، گئدیر ایکینجی قاتداکی یاتاق اوتاغینی دا تمیزلسین. ییر-ییغیش ائدرکن، اوجالین کؤینیینه راست گلیر، ال آتیر گؤتوروب قاتلاسین، بیر آن اونو قوخویور، اوجالین قوخوسو هلهده کؤینییندن گئتمهییب، ایستمهدن باغرینا باسیر، کؤورهلیر، دوداغی تیترهییر، گؤزو یاشالیر، دولوخور، بیردن گونآیین داوار چاغریشی اونون خیالینی پوزور، قاچاراق، ائیوانا ساری قاچیر، گونآیا یورولماسین دئییر؛
-گونآی، گونآی، های گونآی
-هوووو... ها... هوووو... ها...
هههه... نه دئییرسن آی اولجای باجی...
-یورولمایاسان آی قارداش
-یاشا... یاشا چوخ ساغ اول
گونآی سورونون آغزین کند ایچینه وئررکن، کندین آنلاقلی خانیمینین باغچاسینا یاخینلاشیر، اوردا دایانیب هم سورونون، اؤنو ایله سونون گؤزلهییب، هم ده اولجای ایله دانشیر.
-دئییرم آی گونآی قارداش سنی آللاه بیزلره چوخ گؤرمسین ای.
-نیه اولجای باجی؟ دئیرسن به مندن، سونرا گون دوغماز؟ یا منیم کیمی گیج سارساق چوبان اله دوشمز؟
-یوخ ای، آللاه حاققی، هر گئجه سنین نئی سسین، کنده لایلای چالیر.
-هله گل قاپینی آچ، حئیوانلارینی آل ایچهرییه.
💠منملیک
1️⃣
گئجه یاریسی کندین آغیر سسسیزلیینی، داغدان اسن یئلین قاتیندان سیزیلدایان توتک سسی سیندیریر...
چؤل ایشیندن یورولان کندلیلر نئیین لایلاسینا کؤنول وئریب، شیرین یوخولارینی تامسینیرلار،
آنجاق اولجای هلهده اویاقدیر... چکیجی نئیین سسی، اولجایی ائیوانا چکیر، چینین وئریر ائیوانین دیرهیینه، الی-قولتوق، نئیین سسینه دالیر، یورغون باخیشینی قاناتلاندیریر، آشیریملاردان آشیریر، داغین باشینا دیرماشدیریر... آی ایشیغی هر یانی ایشیقلاندیرسادا، آرخاجین یئرین بیلسده، گونآی چوبان ایله سورونو قایالارین آراسیندان سئچمک اولماییر...
اونون آزغین باخیشی سایریشان اولدوزلارین باغچاسینین سئحرینه آسیلیر قالیر...
اوریینده آرزی ائدیر؛
-کئشگه گئدیب او یاماجا، دیرماشایدیم، آرخاجدان اوسته گونآیین اوستونو آلایدیم... یاخیندان او حزین توتک سسینی جانیما سیندر ایدیم.
درین خیالینین ترکینه دالیر، خئیلک قولاغ آساندان سونرا باشی آغیرلاشیب، ساللانیر، دوردوق یئرده، مورگولهییر، نئچه کز توتهیین سسینه دیکسینیر، سونوندا، یوخو او بئزدیریر، ایچرییه قایدیر، قیزینین اوستون چکیر، گلیب باشین آتیر یاتسین...
گؤزون قیزدیریر شیرین یوخویا دالینجاق، نئیین سسینه یئنهده اویانیر، یوخوسو آزیر... گئجهنین بو چاغیندا، گؤرسن ندن گونآیین یوخوسو گلمهییر... کسین ایچینین آجیسینی بوشالدیر... آخی اونون نه آجیسی اولا بیلر کی؟ بیر گنج چوبان بابانین نه آجیسی؟ اونون دونیاسی سورونون سئوگیسی، اوتاریشی، کؤپکلرینین سورونو قوروماسی، هادیرلیغی، ائششهیی، ائرکجینین زینقرووو، قارا کترینین چایی، سوفرسینین پئندری، جورجهنهئی، سوپاندی، اوجاغی...
سحر تئزدن گونش دوغمادان، خوروزلار سسی کند ایچینه ولوله سالیر، قادینلار قیوراق اویانیب، تندیر سالیرلار، بوتون باجالاردان تۆستو گؤی اؤزرینه بویلانیر، هانسی ائوین باجاسی تۆستولهمسه، قونشولاری ماراقلاندیرار، دئیهیرلر به؛
- گؤرهسن فلانکسین تندیری ندن یانماییر؟
اولجای تندیری سالیر، تندیر قیزیشینجاق، خمیر ائلیییر، خمیر آجییینجاق، ائوی، حیط-باجانی سیل-سوپور ائدیر. تویوق نینینین قاپیسینی آچیب تویوق-جوجهنی ایشییه بوراخیر، نیندهکی یومورتالاری ییغیر، حیط باغچاسینا باش چکیر، دونن آخشام چاغی سو ایچمهین، کردیلری تزهدن سوواریر... گون-اورتا یئمک اوچون بیرآز ترهووز دریر، اتییینده ائوه گتیریر.
قیزارمیش تندیرین آغزینداکی ارسینین اوسته کتری قایناییر، تئز چایی دملهییر، سوفره سالیب، پئندیردن، یوغورتدان، لواشلارین بویرونه دوزوب، گئدیر قیزی ایلکآیی اویادیر، ایلکآی قالخیب، ال-اؤزونو یویویب، آناسی اونا چای-چؤرک یئدیردیب، یولداشلاری ایله اوخولا یوللاییر.
خمیره باش چکیر، خمیر آجیییب قیجقیریر، کؤسهو ایله، تندیرین کؤزونو قاریشدیب هامارلاییب، تندیرین کولفندیرین باسیر، خمیری کوندهلهییر، تندیرین ایستیسی بیرآز یومشالاندان سونرا، کوندهلری اوخلاو ایله یاییب، لاواشیاپانین اوستونه سریب، تندیره یاپیر.
چورک یاپاندان سونرا، گون-اورتا یئمهیی قارا بارداقدا تندیره آتیلیر.
اولجای مطبخین قاپی پئنجرهسینی آچیر بلکه هاواسی دییشیلسین، ائوه ال دولاندیریر، یویولمامیش پالتارا سو قیزدیریر، حیطدهکی سؤیود آغاجینین کؤلگهسینده تئشده پالتار یویور...
یودوغو پالتارلاری، شریت اوسته سریر، گئدیر ایکینجی قاتداکی یاتاق اوتاغینی دا تمیزلسین. ییر-ییغیش ائدرکن، اوجالین کؤینیینه راست گلیر، ال آتیر گؤتوروب قاتلاسین، بیر آن اونو قوخویور، اوجالین قوخوسو هلهده کؤینییندن گئتمهییب، ایستمهدن باغرینا باسیر، کؤورهلیر، دوداغی تیترهییر، گؤزو یاشالیر، دولوخور، بیردن گونآیین داوار چاغریشی اونون خیالینی پوزور، قاچاراق، ائیوانا ساری قاچیر، گونآیا یورولماسین دئییر؛
-گونآی، گونآی، های گونآی
-هوووو... ها... هوووو... ها...
هههه... نه دئییرسن آی اولجای باجی...
-یورولمایاسان آی قارداش
-یاشا... یاشا چوخ ساغ اول
گونآی سورونون آغزین کند ایچینه وئررکن، کندین آنلاقلی خانیمینین باغچاسینا یاخینلاشیر، اوردا دایانیب هم سورونون، اؤنو ایله سونون گؤزلهییب، هم ده اولجای ایله دانشیر.
-دئییرم آی گونآی قارداش سنی آللاه بیزلره چوخ گؤرمسین ای.
-نیه اولجای باجی؟ دئیرسن به مندن، سونرا گون دوغماز؟ یا منیم کیمی گیج سارساق چوبان اله دوشمز؟
-یوخ ای، آللاه حاققی، هر گئجه سنین نئی سسین، کنده لایلای چالیر.
-هله گل قاپینی آچ، حئیوانلارینی آل ایچهرییه.
2️⃣
اولجای قاچاراق قاچیب، حیط قاپسین آچیر داوارلاری سورودن آیریلر، سیرالانیب، حیطه گیریرلر.
سورونون سون اوجو هله گلیب چاتماییب، گونآیین دا گئتمهیی گلمهییر، اولجایدان اوتانسادا، کؤنلو چکیر او مئهریبان آنا ایله دانیشسین. هامی گونآی تک اولجایین قارا گونلرینه آجیییر، قاپی آغزیندا اولجای ایله خئیلک دانیشیرلار.
سورونون سونی گلینجک، بیر-بیری ایله ساغاوللاشیرلار.
اولجایین، گؤزللیی، ادبی، حورمتی، آبیر-حیاسی، دانیشیغیندان بللنیر... اونون یانیق اورکلی آنا باخیشلاری، گونآیی ائتکیلهییر، اولجایین دویغوسال گؤروشوندن، آغیر یاراسی سیزیللاسادا، حورمتلی قارشیلیغی بوتون داغ-داش یورقونلوغون گونآیین جانیندان چیخاریر.
گونآیین صاف اوریی، دوغرو-دزگونلویو، شیرین دانیشیقلاری، اوتانقاچ باخیشلاری، توتک چالماسیندان بتر اولجایا خوش گلیر.
سورو کندین ایچینه وارارکن، گونآیی گؤرن، اونا یورولما دئییب، گئجه چاغی توتک لایلا تؤرهنیشی اوچون گونآیی اورکدن آلقیشلاییرلار... گونآی خالقین سئوگیسیندن سئوینیر، اؤزونه داها گووهنیر، سورو ائولره یاییلینجاق، گونآی اؤز ائولرینه قایدیر.
عائله اونو تام سئوگی ایله قارشیلاییر، بولاق باشیندا قیزلار-گلینلر گونآیین گئجهلر نئی سسیندن خوشلانیب، اؤز سئوینجلرینی گونآیین باجیسنا آنلاتمیشلار. ائوده گونآی بو سؤزلری باجیسیندان ائشیدینجک چوخ سئوینیر.
گونآیین چالغی سئوینجینینین خبری بوتون کند ایچینه یاییلیر، هامی اونو اؤرکدن سئویر.
کاتتا بو خبری عایله سیندن دویونجاق، غضبلشیر، کاتتانین قیزی سوروشور؛
-آتا ندن خوشونا گلمهییر؟
-کس سسیوی، سیرتیغین بیری سیرتیق، بو کندین یییهسی وار، خان اولان یئرده، منملیک بیر سولهین چوبانا یئتمز.
گوناورتا یئمهیی آغویا دونور، کاتتا دورومو پوزولور، چؤرییی یئیهر-یئمز اؤزونو خانلیغا چاتدیریر، خانی سوراغلاشیر، دئییرلر، خان یاتیب آخشام چاغی اویانار، کاتتا اوزدن گئتمهییب، خانلیق سارای ایشلرینه ال آتیر، چوبانلارلا ساغمال داوارلارین قوزولارینی امیشدیریر، سود قازانلارینی سوزمکده، سودچولره گؤترمهیه، کومکلشیر، قویون-قوزو امیشیندن سونرا آییرماغا مدد وئریر... خئیلک بئیار-بئیار ایشلردن سونرا آنجاق خان اونو سارایینا آلیر.
کاتتا خانین اؤنونده نئچه کز اییلندن سونرا، الی قولتوق باش آشاغی آیاق اوسته قالیر،
-هه کاتتا نه یاووز؟ چوخ بوزوق گورونورسن.
-بهییم، بو خارابادا هر گون بیر بالا یاغیر.
-نه بالاسی؟ آچیق دانیش
-آللاهوئردی تاپدیغین چوبان اوغلو، گئجهلر آرخاجدا توتک چالیر.
-نه اولار قوی چالسین
-خان او سسدن بالا قوخوسو یاییلیر. یاواش-یاواش خالقین خوشونا گلیر، آدین «گونآی لایلاسی» قویوبلار.
خان گولور، باشین توولاییر،
-نه یاخشی کی، خالقین او توتک سسیندن یوخولاری دا گلیر.
-گلیر، گلیر بییم
-پاخما گرک آللاهدان ایستیهسن، بیری بو خالقا لایلا چالا، تئز یاتالار، بیز سسسیز گئجه بویو، خالقدان گیزلی اؤز ایشلریمیزه یئتیشک.
-آغام، سؤز اوندا دئییل کی.
-به سؤز ندهدیر؟ دئ قورتار،
-بیییم، خالق هوورون سالارسا بیر دیلغیر چوبانا، خانا محببتلری آزالار.
-کس سسیوی آخماق اوغلو، آخماق، بیر درده ایت هورمک ایله خانین قیلی دا ترپنمز. چیخ-چیخ، سفئکلمه، دئگینن منیم مانقالیمی گتیرسینلر،
-باش اوسته آغام.
کاتتا دالدالی سارایدان چیخیر، سویو سوزوله-سوزوله ائوینه قایدیر.
آخشام باشی سرین دوشدوکده کندین سوروسو یغیلیر، هره اؤز داوارینی قاپیسیندان ییغیب سوریه قاتیرلار،
داوار دیل بیلن کیمی، بیر-بیرینین آردینا دوزولوب، اوزو اوتلاغا ساری یوللانیر، سورونون اؤنونده ائرکجین ایری زینقرووو، سورویه سئویملی بیر گورکم یارادیر...
کندین ایگید چوبانی سورونون آردیندان هو-هو دئییر کن، داواری ییغیر. گونآیین قیوراق کؤپکلری، سورونون ساغ-سول گووهنلیینی قورویارکن، یوللانیرلار... گونآی سورونون آردیندان پاپاغینی یانقیلجی قویوب، الین قویور قولاغینا، قیها چکیب «نبینین بوغلاری، ایشمه ائشمهدی»نی اوخویور.
کندلیلر سورونون ساغلامینا دوعا ائدیرلر، اونلار قویونلارینین برکتلنمسین، ساغلیقلا گئدیب اوتاریلیب ساغ قایتماسینی آللاهدان ایستهییرلر، گؤزلری سورونون آردیجاق آسیلی قالیر.
اوزاقدان چئویک چوبانین اوخوماق سسی گلینجک کند اهلینین گووهنین ایگید گونآیا داها یوکسلدیر.
یازین چیچک عطیرلی گئجه-گوندوزو بیر-بیر گلیر کئچیر...
کند اهلی ایلین سئویملی، ساغلام موسومندن داد آلیرلار... شیدیرغی یاغیشلار، بولودلو هاولار، یاغیش آردیندان، گونشلی دومانین آرخاسیندان گؤی قوشاغینین سئحیرلی بویالاری، دوغانی بزیییب، یئر اوزونده بوتون جانلیلاری سئویندیریر.
https://t.me/Adabiyyatsevanlar
اولجای قاچاراق قاچیب، حیط قاپسین آچیر داوارلاری سورودن آیریلر، سیرالانیب، حیطه گیریرلر.
سورونون سون اوجو هله گلیب چاتماییب، گونآیین دا گئتمهیی گلمهییر، اولجایدان اوتانسادا، کؤنلو چکیر او مئهریبان آنا ایله دانیشسین. هامی گونآی تک اولجایین قارا گونلرینه آجیییر، قاپی آغزیندا اولجای ایله خئیلک دانیشیرلار.
سورونون سونی گلینجک، بیر-بیری ایله ساغاوللاشیرلار.
اولجایین، گؤزللیی، ادبی، حورمتی، آبیر-حیاسی، دانیشیغیندان بللنیر... اونون یانیق اورکلی آنا باخیشلاری، گونآیی ائتکیلهییر، اولجایین دویغوسال گؤروشوندن، آغیر یاراسی سیزیللاسادا، حورمتلی قارشیلیغی بوتون داغ-داش یورقونلوغون گونآیین جانیندان چیخاریر.
گونآیین صاف اوریی، دوغرو-دزگونلویو، شیرین دانیشیقلاری، اوتانقاچ باخیشلاری، توتک چالماسیندان بتر اولجایا خوش گلیر.
سورو کندین ایچینه وارارکن، گونآیی گؤرن، اونا یورولما دئییب، گئجه چاغی توتک لایلا تؤرهنیشی اوچون گونآیی اورکدن آلقیشلاییرلار... گونآی خالقین سئوگیسیندن سئوینیر، اؤزونه داها گووهنیر، سورو ائولره یاییلینجاق، گونآی اؤز ائولرینه قایدیر.
عائله اونو تام سئوگی ایله قارشیلاییر، بولاق باشیندا قیزلار-گلینلر گونآیین گئجهلر نئی سسیندن خوشلانیب، اؤز سئوینجلرینی گونآیین باجیسنا آنلاتمیشلار. ائوده گونآی بو سؤزلری باجیسیندان ائشیدینجک چوخ سئوینیر.
گونآیین چالغی سئوینجینینین خبری بوتون کند ایچینه یاییلیر، هامی اونو اؤرکدن سئویر.
کاتتا بو خبری عایله سیندن دویونجاق، غضبلشیر، کاتتانین قیزی سوروشور؛
-آتا ندن خوشونا گلمهییر؟
-کس سسیوی، سیرتیغین بیری سیرتیق، بو کندین یییهسی وار، خان اولان یئرده، منملیک بیر سولهین چوبانا یئتمز.
گوناورتا یئمهیی آغویا دونور، کاتتا دورومو پوزولور، چؤرییی یئیهر-یئمز اؤزونو خانلیغا چاتدیریر، خانی سوراغلاشیر، دئییرلر، خان یاتیب آخشام چاغی اویانار، کاتتا اوزدن گئتمهییب، خانلیق سارای ایشلرینه ال آتیر، چوبانلارلا ساغمال داوارلارین قوزولارینی امیشدیریر، سود قازانلارینی سوزمکده، سودچولره گؤترمهیه، کومکلشیر، قویون-قوزو امیشیندن سونرا آییرماغا مدد وئریر... خئیلک بئیار-بئیار ایشلردن سونرا آنجاق خان اونو سارایینا آلیر.
کاتتا خانین اؤنونده نئچه کز اییلندن سونرا، الی قولتوق باش آشاغی آیاق اوسته قالیر،
-هه کاتتا نه یاووز؟ چوخ بوزوق گورونورسن.
-بهییم، بو خارابادا هر گون بیر بالا یاغیر.
-نه بالاسی؟ آچیق دانیش
-آللاهوئردی تاپدیغین چوبان اوغلو، گئجهلر آرخاجدا توتک چالیر.
-نه اولار قوی چالسین
-خان او سسدن بالا قوخوسو یاییلیر. یاواش-یاواش خالقین خوشونا گلیر، آدین «گونآی لایلاسی» قویوبلار.
خان گولور، باشین توولاییر،
-نه یاخشی کی، خالقین او توتک سسیندن یوخولاری دا گلیر.
-گلیر، گلیر بییم
-پاخما گرک آللاهدان ایستیهسن، بیری بو خالقا لایلا چالا، تئز یاتالار، بیز سسسیز گئجه بویو، خالقدان گیزلی اؤز ایشلریمیزه یئتیشک.
-آغام، سؤز اوندا دئییل کی.
-به سؤز ندهدیر؟ دئ قورتار،
-بیییم، خالق هوورون سالارسا بیر دیلغیر چوبانا، خانا محببتلری آزالار.
-کس سسیوی آخماق اوغلو، آخماق، بیر درده ایت هورمک ایله خانین قیلی دا ترپنمز. چیخ-چیخ، سفئکلمه، دئگینن منیم مانقالیمی گتیرسینلر،
-باش اوسته آغام.
کاتتا دالدالی سارایدان چیخیر، سویو سوزوله-سوزوله ائوینه قایدیر.
آخشام باشی سرین دوشدوکده کندین سوروسو یغیلیر، هره اؤز داوارینی قاپیسیندان ییغیب سوریه قاتیرلار،
داوار دیل بیلن کیمی، بیر-بیرینین آردینا دوزولوب، اوزو اوتلاغا ساری یوللانیر، سورونون اؤنونده ائرکجین ایری زینقرووو، سورویه سئویملی بیر گورکم یارادیر...
کندین ایگید چوبانی سورونون آردیندان هو-هو دئییر کن، داواری ییغیر. گونآیین قیوراق کؤپکلری، سورونون ساغ-سول گووهنلیینی قورویارکن، یوللانیرلار... گونآی سورونون آردیندان پاپاغینی یانقیلجی قویوب، الین قویور قولاغینا، قیها چکیب «نبینین بوغلاری، ایشمه ائشمهدی»نی اوخویور.
کندلیلر سورونون ساغلامینا دوعا ائدیرلر، اونلار قویونلارینین برکتلنمسین، ساغلیقلا گئدیب اوتاریلیب ساغ قایتماسینی آللاهدان ایستهییرلر، گؤزلری سورونون آردیجاق آسیلی قالیر.
اوزاقدان چئویک چوبانین اوخوماق سسی گلینجک کند اهلینین گووهنین ایگید گونآیا داها یوکسلدیر.
یازین چیچک عطیرلی گئجه-گوندوزو بیر-بیر گلیر کئچیر...
کند اهلی ایلین سئویملی، ساغلام موسومندن داد آلیرلار... شیدیرغی یاغیشلار، بولودلو هاولار، یاغیش آردیندان، گونشلی دومانین آرخاسیندان گؤی قوشاغینین سئحیرلی بویالاری، دوغانی بزیییب، یئر اوزونده بوتون جانلیلاری سئویندیریر.
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
✅✅چهارشنبه گونو ادبیات سئونلر کانالیندا
آذربایجان رومانچیلیغیندا ایتیریلمیش-زامان
یازار:« ائلناره آکیمووا»
کوچورن:«ویدا حشمتی»
حاضیرلایان:« ادبیات سئونلر»
آذربایجان رومانچیلیغیندا ایتیریلمیش-زامان
یازار«ائلناره آکیمووا»
کوچورن:«ویدا حشمتی»
حاضیرلایان:«ادبیات سئونلر»
بو گون بیزده رومان ژانری ایله باغلی آپاریلان پولئمیکالاردا داها چوخ شیکایت موقایسه فرقی ایله دونیا و میلّی نثری قارشی-قارشییا قویوب، اوستونلویو بیر معنالی شکیلده بیرینجینین خئیرینه حلّ ائلهمک جهدی اؤنده دیر. دونیا رومانچیلیغینین چاغداش دورومو، تاریخی تجروبهسی هر حالی ایله بو اوستونلویو چئورلهییر. میلّی رومانچیلیغیمیزا باغلی بئله بیر بوشلوغون یارانماسینا سبب محض اؤتن عصرین 30-40-جی ایللرینده مئیدانا چیخان اثرلره صرف اولونموش زحمتین گودازا گئتمهسی ایله باغلیدیر. بونون سببلری و نتیجهلری حاقدا دانیشماق ایستهردیم.
بیزده نثر عنعنهسینین تاریخی او قدر ده قدیم دئییل. 19-جو عصرین سونلارینا .م.ف آخوندزاده زامانینا و 20-جی عصرین اوّل...
بو یازینین آردینی ادبیات سئونلر کانالیندا اوخویون.
https://t.me/Adabiyyatsevanlar
آذربایجان رومانچیلیغیندا ایتیریلمیش-زامان
یازار:« ائلناره آکیمووا»
کوچورن:«ویدا حشمتی»
حاضیرلایان:« ادبیات سئونلر»
آذربایجان رومانچیلیغیندا ایتیریلمیش-زامان
یازار«ائلناره آکیمووا»
کوچورن:«ویدا حشمتی»
حاضیرلایان:«ادبیات سئونلر»
بو گون بیزده رومان ژانری ایله باغلی آپاریلان پولئمیکالاردا داها چوخ شیکایت موقایسه فرقی ایله دونیا و میلّی نثری قارشی-قارشییا قویوب، اوستونلویو بیر معنالی شکیلده بیرینجینین خئیرینه حلّ ائلهمک جهدی اؤنده دیر. دونیا رومانچیلیغینین چاغداش دورومو، تاریخی تجروبهسی هر حالی ایله بو اوستونلویو چئورلهییر. میلّی رومانچیلیغیمیزا باغلی بئله بیر بوشلوغون یارانماسینا سبب محض اؤتن عصرین 30-40-جی ایللرینده مئیدانا چیخان اثرلره صرف اولونموش زحمتین گودازا گئتمهسی ایله باغلیدیر. بونون سببلری و نتیجهلری حاقدا دانیشماق ایستهردیم.
بیزده نثر عنعنهسینین تاریخی او قدر ده قدیم دئییل. 19-جو عصرین سونلارینا .م.ف آخوندزاده زامانینا و 20-جی عصرین اوّل...
بو یازینین آردینی ادبیات سئونلر کانالیندا اوخویون.
https://t.me/Adabiyyatsevanlar
قایغیکش قوجا
✍یازار:«علی بگ آذری»
کوچورن:« سحرخیاوی»
حاضیرلایان:« ادبیات سئونلر»
سسه یوخودان آییلدیم، قاپینین زنگی دایانمادان چالینیردی. شنبه گونو ایدی، یاتیب دینجلهجکدیم. هر گون سحر اوباشدان یوخودان آلا یاریمچیق قالخیب شهرین او باشینا ایشه گئتمک، آخشام دا ایشدن سونرا یئنیدن او بویدا یولو اوتوبوسلاردا ساللاشا- ساللاشا، مئترونون سیخلیغیندا، باساباسدا گئدیب- گلمک منی الدن سالمیشدی.
بیرجه اومودوم استراحت گونلرینده کی، یاتیب دینجله بیلیردیم، او دا ائوین اساسلی تمیزلیییندن باشقا بیر حوققا چیخماسایدی...آنجاق ندنسه اؤتن بیر ایل عرضینده هله دالبادال ایکی گون دینجلدیییم اولمامیشدی، هر دفعه نه ایسه بیر ایش چیخمیشدی.
جَلد یاتاغیمدان قالخدیم. سحرین بو آلاتورانیندا منی ناراحات ائدن کیم اولا بیلردی؟ ایلک آغلیما گلن سو سیزماسی اولدو. جَلد حاماما و ماوالا باخدیم. هر شئی قایداسیندایدی. اوردان اؤزومو آتدیم مطبخه، بیردن آللاه ائلهمه میش نه ایسه یانار، یا دا گاز سیزماسی اولا بیلر. شوکور بوردا دا سالاماتچیلیق، هر شئی اؤز قایداسیندایدی.
قاپینین زنگی ایسه لاپ ایلیگیمه ایشلهییردی. ائله گئجه پالتاریندا دهلیزه یوگوردوم.
-- گلدیم ائی... گلدیم.--سسلندیم کی بلکه زنگ دوگمهسینی باسان ائشیده، ال ساخلایا، آمما او دا هر کیمیدی سه عینادیندان دؤنموردو.
مجبور اولوب گئجه پالتاریندا قاپینی آچدیم.
آریق، هوندور بوی بیر کیشی ایله اوز- اوزه گلدیم، تانیییردیم، آدی مختار ایدی، قونشو بلوک دا یاشاییردی، هردن بیر بینانین حیطینده راستلاشیردیق. سلام- علیکیمیز اولماسا دا، بیربیریمیزی تانیییردیق. بیلیردیک کی بیر بینادا یاشاییریق. نه اؤزوندن، نه ده آدیندان خوشوم گلمیردی." آی سنه آد قویانین...دئمیشدیم... اصل مختار اولمالی آداملار قالمیشدی قیراقدا، بو آدام مختارلیق ائدیردی...".
مختار کیشینین قولتوغوندا قوولوق واریدی، بیلدیم کی ائله بئله گلمهییب، نه ایسه ایشی وار.
-- آکیشی نه اولوب؟!-- سلامسیز- کلامسیز یئریدیم اوستونه.-- قویمازسان یاتیب دینجهلم. بیلمیرسن کی من ایش آدامییام؟ آنجاق شنبه- بازار گونو دینجهله بیلیرم.
-- ائله من ده اونا گؤره تئزدن گلمیشم. نه واخت گلیرم ائوده یوخسان. قونشولاردان،دئییرلر ایشه گئدیبسن.
--هه، نه مسئلهدی؟ نییه گلیبسن؟
-- اوّل سالام. -- هئچ تمکینینی پوزمادان داوام ائلهدی.-- من بو بوز بینادا یاشایان ساکینلرین اعتمادی ایله امضاء توپلاییرام.
مختار کیشینی هم ده قایغیکش کیمی تانییریق. بیر مسئله اولاندا، اورا- بورا زنگ وورور، لازیم گلنده عریضه یازیب گؤندریر، ایشی یولونا قویدورور.
-- نه امضاء؟! تعجوبله سوروشدوم.-- ایندی ده مندن خبرچیلیک ائتمک فیکریندهسن؟! زیبیلی آپاریب آتمامیشام؟ سویو آچیق قویموشام، آخیب قونشونون منزیلینی باتیریب؟ لیفتی(آسانسورو) زیبیللهمیشم؟ اؤدهنیشی واختیندا اؤدهمهمیشم؟
مختار کیشینی تئز- تئز توفیقله بیرلیکده گؤروردوم-قوشون باشچیسی توفیقله. ایکیسی ده بیر چکمهنین تایلاریدی، هئچ سئچیلمیردیلر. بیرجه فرق مختار کیشینین یاشلی اولماسی ایدی. آز قالیردی هشتادی حاقلاسین... توفیقین ده یاشی آز اولمازدی، یئتمیشی چوخدان حاقلامیش اولاردی. هر ایکیسینین ایشی- گوجو اونون- بونون آرخاسینجا باخیب غیبتینی قیرماق ایدی.
نه ایسه... هر ایکیسینین اوزونو گؤرمک ایستهمیر آدام. دئییرم بیرجه نه اولایدی بونلارین اوزونو موردهشیر تئز یویایدی...
- نه امضاء مختار کیشی؟ مختار کیشی قاباغیمدا کاریخیب قالیب ماتدیم- ماتدیم منه باخیر، سونرا گلیب منه ده سؤز قوشماسین کی...
باشی ایله ایشاره وئردی. بوندا سهوه بیر باخ!! ائوه کئچمک ایستهییر کافتار.
-- یوخ! -- چیمخیردیم.-- ائوه اولماز. نه سوزون وار بوردا دئه.
- باخ!-- مختار کیشی قولتوغوندا کی قوولوغا ایشاره وئردی.-- بوردا بوتون سندلر وار. گرک گؤستریم کی اوخویوب قول چکهسن.
-- عیبی یوخدور. اوخومادان قول چکهرم.
سن ائله بوردا گوستر، نه یازدیغینی دئه، سنه اینانیرام...
-- اولماز! - مختار کیشی ال چکمهدی، عینادکارلیق گوستردی.-- بیر بئله آدامین ائوینه گیرمیشم. سن ایندی منی ائوینه بوراخمیاجاقسان؟ نه دن قورخورسان؟ من هشتادی چوخدان حاقلامیشام. بیلیرسنمی؟
- ایستهییرسن لاپ دوخسانی، یوزو ده حاقلا، نه ایشیمه دیر کی...
- ایمکان وار کئچیم ایچری؟ -- مختار کیشینین دیرشمهسی لاپ جیددیلشمیشدی. - سنی اوردا باشا سالارام.
- ایندییه کیمی گؤروبسن یوخسا ائشیدیبسن کی بیر آدام منیم قاپیمدان ایچری کئچسین؟
- ایشیم گوجوم قورتاریب، دوروب سنی گودهجم. - مختار کیشی گولومسوندو.-- ایستهییرسن هر گون قوناقلیق ائله، قوهوملارین، دوستلارین گئجه ده قوناق قالسینلار، چیخیب ائولرینه گئتمهسینلر...
✍یازار:«علی بگ آذری»
کوچورن:« سحرخیاوی»
حاضیرلایان:« ادبیات سئونلر»
سسه یوخودان آییلدیم، قاپینین زنگی دایانمادان چالینیردی. شنبه گونو ایدی، یاتیب دینجلهجکدیم. هر گون سحر اوباشدان یوخودان آلا یاریمچیق قالخیب شهرین او باشینا ایشه گئتمک، آخشام دا ایشدن سونرا یئنیدن او بویدا یولو اوتوبوسلاردا ساللاشا- ساللاشا، مئترونون سیخلیغیندا، باساباسدا گئدیب- گلمک منی الدن سالمیشدی.
بیرجه اومودوم استراحت گونلرینده کی، یاتیب دینجله بیلیردیم، او دا ائوین اساسلی تمیزلیییندن باشقا بیر حوققا چیخماسایدی...آنجاق ندنسه اؤتن بیر ایل عرضینده هله دالبادال ایکی گون دینجلدیییم اولمامیشدی، هر دفعه نه ایسه بیر ایش چیخمیشدی.
جَلد یاتاغیمدان قالخدیم. سحرین بو آلاتورانیندا منی ناراحات ائدن کیم اولا بیلردی؟ ایلک آغلیما گلن سو سیزماسی اولدو. جَلد حاماما و ماوالا باخدیم. هر شئی قایداسیندایدی. اوردان اؤزومو آتدیم مطبخه، بیردن آللاه ائلهمه میش نه ایسه یانار، یا دا گاز سیزماسی اولا بیلر. شوکور بوردا دا سالاماتچیلیق، هر شئی اؤز قایداسیندایدی.
قاپینین زنگی ایسه لاپ ایلیگیمه ایشلهییردی. ائله گئجه پالتاریندا دهلیزه یوگوردوم.
-- گلدیم ائی... گلدیم.--سسلندیم کی بلکه زنگ دوگمهسینی باسان ائشیده، ال ساخلایا، آمما او دا هر کیمیدی سه عینادیندان دؤنموردو.
مجبور اولوب گئجه پالتاریندا قاپینی آچدیم.
آریق، هوندور بوی بیر کیشی ایله اوز- اوزه گلدیم، تانیییردیم، آدی مختار ایدی، قونشو بلوک دا یاشاییردی، هردن بیر بینانین حیطینده راستلاشیردیق. سلام- علیکیمیز اولماسا دا، بیربیریمیزی تانیییردیق. بیلیردیک کی بیر بینادا یاشاییریق. نه اؤزوندن، نه ده آدیندان خوشوم گلمیردی." آی سنه آد قویانین...دئمیشدیم... اصل مختار اولمالی آداملار قالمیشدی قیراقدا، بو آدام مختارلیق ائدیردی...".
مختار کیشینین قولتوغوندا قوولوق واریدی، بیلدیم کی ائله بئله گلمهییب، نه ایسه ایشی وار.
-- آکیشی نه اولوب؟!-- سلامسیز- کلامسیز یئریدیم اوستونه.-- قویمازسان یاتیب دینجهلم. بیلمیرسن کی من ایش آدامییام؟ آنجاق شنبه- بازار گونو دینجهله بیلیرم.
-- ائله من ده اونا گؤره تئزدن گلمیشم. نه واخت گلیرم ائوده یوخسان. قونشولاردان،دئییرلر ایشه گئدیبسن.
--هه، نه مسئلهدی؟ نییه گلیبسن؟
-- اوّل سالام. -- هئچ تمکینینی پوزمادان داوام ائلهدی.-- من بو بوز بینادا یاشایان ساکینلرین اعتمادی ایله امضاء توپلاییرام.
مختار کیشینی هم ده قایغیکش کیمی تانییریق. بیر مسئله اولاندا، اورا- بورا زنگ وورور، لازیم گلنده عریضه یازیب گؤندریر، ایشی یولونا قویدورور.
-- نه امضاء؟! تعجوبله سوروشدوم.-- ایندی ده مندن خبرچیلیک ائتمک فیکریندهسن؟! زیبیلی آپاریب آتمامیشام؟ سویو آچیق قویموشام، آخیب قونشونون منزیلینی باتیریب؟ لیفتی(آسانسورو) زیبیللهمیشم؟ اؤدهنیشی واختیندا اؤدهمهمیشم؟
مختار کیشینی تئز- تئز توفیقله بیرلیکده گؤروردوم-قوشون باشچیسی توفیقله. ایکیسی ده بیر چکمهنین تایلاریدی، هئچ سئچیلمیردیلر. بیرجه فرق مختار کیشینین یاشلی اولماسی ایدی. آز قالیردی هشتادی حاقلاسین... توفیقین ده یاشی آز اولمازدی، یئتمیشی چوخدان حاقلامیش اولاردی. هر ایکیسینین ایشی- گوجو اونون- بونون آرخاسینجا باخیب غیبتینی قیرماق ایدی.
نه ایسه... هر ایکیسینین اوزونو گؤرمک ایستهمیر آدام. دئییرم بیرجه نه اولایدی بونلارین اوزونو موردهشیر تئز یویایدی...
- نه امضاء مختار کیشی؟ مختار کیشی قاباغیمدا کاریخیب قالیب ماتدیم- ماتدیم منه باخیر، سونرا گلیب منه ده سؤز قوشماسین کی...
باشی ایله ایشاره وئردی. بوندا سهوه بیر باخ!! ائوه کئچمک ایستهییر کافتار.
-- یوخ! -- چیمخیردیم.-- ائوه اولماز. نه سوزون وار بوردا دئه.
- باخ!-- مختار کیشی قولتوغوندا کی قوولوغا ایشاره وئردی.-- بوردا بوتون سندلر وار. گرک گؤستریم کی اوخویوب قول چکهسن.
-- عیبی یوخدور. اوخومادان قول چکهرم.
سن ائله بوردا گوستر، نه یازدیغینی دئه، سنه اینانیرام...
-- اولماز! - مختار کیشی ال چکمهدی، عینادکارلیق گوستردی.-- بیر بئله آدامین ائوینه گیرمیشم. سن ایندی منی ائوینه بوراخمیاجاقسان؟ نه دن قورخورسان؟ من هشتادی چوخدان حاقلامیشام. بیلیرسنمی؟
- ایستهییرسن لاپ دوخسانی، یوزو ده حاقلا، نه ایشیمه دیر کی...
- ایمکان وار کئچیم ایچری؟ -- مختار کیشینین دیرشمهسی لاپ جیددیلشمیشدی. - سنی اوردا باشا سالارام.
- ایندییه کیمی گؤروبسن یوخسا ائشیدیبسن کی بیر آدام منیم قاپیمدان ایچری کئچسین؟
- ایشیم گوجوم قورتاریب، دوروب سنی گودهجم. - مختار کیشی گولومسوندو.-- ایستهییرسن هر گون قوناقلیق ائله، قوهوملارین، دوستلارین گئجه ده قوناق قالسینلار، چیخیب ائولرینه گئتمهسینلر...