آرپا اونو
یازاییب سسلندیرن :« ساناز یاری»
قایناق: بئش داش

https://t.me/Adabiyyatsevanlar

«آتالارسوزو»
یازار:«بی هادی»(2)
کوچورن:«ذکیه ذولفقاری»
هرهفته جمعه گئجه ساعات21ده
ادبیات سئونلر کانالیندا 1400/10/17

https://t.me/Adabiyyatsevanlar

«صیاد_زیادپور»

عئینی بوْیادادیر گؤی‌له گؤزلرین
ماوی گؤزلریندن گؤزلۆیۆ گؤتۆر !
پرده‌سیز سئیر ائتسین سؤیله گؤزلرین
ماوی گؤزلریندن گؤزلۆیۆ گؤتۆر !

گؤز ماوی، گؤی ماوی، دنیز ماویدیر
توْختاقلیق رمزی‌دیر تمیز ماویدیر
ماوی باخسین باخیش کی سماویدیر
ماوی گؤزلریندن گؤزلۆیۆ گؤتۆر !

ایلهام قایناغی‌دیر شاعیر کؤنلۆمۆن
باخ! باخیش پایینی، آییر کؤنلۆمۆن
نه اوْلار گؤزۆنۆ دوْیوْر کؤنلۆمۆن
ماوی گؤزلریندن گؤزلۆیۆ گؤتۆر !

اعضالارین شاهی بیرجه جۆت گؤزدۆر
شاهی حاللاندیران شئعیردیر سؤزدۆر
سؤز اومان گؤزلری اؤستۆمه سۆزدۆر
ماوی گؤزلریندن گؤزلۆیۆ گؤتۆر !

ایسیتمیر دۆنیانین یئمن_تۆمنی_
تکلیگیمه عاید اوْلان کۆمه‌نی
بیر یالقیز آدامام تلطیف ائت منی
ماوی گؤزلریندن گؤزلۆیۆ گؤتۆر !

باشقا فیکیرلری ییغ باشیندان آت
سارالمیش رنگیمه بیرآز ماوی قات
دویغومو سمنی کیمی یاشیللات
ماوی گؤزلریندن گؤزلۆیۆ گؤتۆر !

هره بیر آچیدان باخیر صیادا
باخیش وار هَده‌دیر باخیش وار ادا
باخیشینا قوربان یا اؤلدۆر یا دا_
ماوی گؤزلریندن گؤزلۆیۆ گؤتۆر !

ساریلا ماوینین ترکیبیندن یاشیل دۆزه‌لیر

https://t.me/Adabiyyatsevanlar

شیرین یوخو اولایدیم
"ایسلام ریضایئف"

https://t.me/Adabiyyatsevanlar

«آتالارسوزو»
یازار:«بی هادی»(2)
کوچورن:«ذکیه ذولفقاری»
هرهفته جمعه گئجه ساعات21ده
ادبیات سئونلر کانالیندا 1400/10/17

https://t.me/Adabiyyatsevanlar

«آتالارسوزو»
یازار: «بی هادی» "2"
کوچورن:«ذکیه ذولفقاری»
ایکینجی بؤلوم.

آلتین توپراق قاریشسا، توپراق گولرآلدینا. ( قاریشسا: بئلّه‌نیب آلت اوست اولسا.) ( آلدینا:اوزه. )
آلتین یئرده قالماز.
آلتون اوتدا بیلینیر، کیشی ایشده.
آماج اوچون آراجلار، هر آراجین بیرایشی. ( آماج: هدف)
آمساخلا قورومساق بیربیرین تاپار. ( آمساخلا: آرواد بازلا)
آنا بالایا ایکی گؤزله باخار، آتاسی بیر گؤزله.
آنا کیمی یاراولماز، اؤلکه کیمی یئراولماز.
آنا قیزینا تاخت قورار، قیز باختی قوجادان آرار.
آنا یورد آلتین بئشیک آنا یوردون آمان اولسون. ( آمان اولسون: پیسه دوشمه‌سین)
آنام، باجیم، قیز، گلین، ال آیاغی دوزگلین، یئددی اوغول ایسته‌رم، بیرجه دنه قیز گلین.
آناسی گزن آغاجلاری، بالاسی بوداق- بوداق گزر.
آناسی طاووق یوفا یاپیر، اوغلو تیتیک، قوشا قاپیر. ( توولاق طاولاق. زیرک). ( یوفا:اینجه.)
یوفا یاپار، اوغلو تیتیک قوشا قاپار).
آناسی توولاییب ( طاوراق، آلدادیب، آستاجا-اوستاجا ) چالاقلیقلا ( کوماشی) اینجه یاپیر، اوغلو سیویک زیرکلیکله قوشا -قوشا( جوت- جوت قاپیر. ( قارشی- قارشییا زیرکلیک ائدن ایکی کیشی دوغودا( حاقدا دئییلیر).
آناسینا باخ قیزینی آل، دالیسینا باخ بئزیوی آل.
آناسینا باخ، داناسین آل.
آناسینا گؤره بالاسی اولار.
آنیلاراونوتولور، یئنیلر یارا تیلیر.
آنیلارلایاشا، چالیش آنیلار یارات آنلامایانا دویورساندا بیر، دویورماساندا. ( دویورساندا: ائشیتدیرسنده، آنلاتساندا)
آرادا یئییب، اورتادا گزیر. ( گوشکلیین‌دن تنبللیین‌دن، اوتانمیر یئییریاتیر)
آری چالماسی آجی، دادلیدیر بالی.
آریلار یئدیکلرین بال ائیلر، باشقالار یئسه پوخ ائیلر.
آرینین آجیسین چکمه‌یه‌ن، شوخوملوغو کوتان سوروب اکمه‌یه‌ن، دادلی چؤرک یئینمز.
آرمانلار اولدوزلار سانی چالیش، ایسته‌یین تانی. (آرزولار: آرمانلار)
آرپا دنه‌سی اولماقدانسا، بوغدا سامانی اول.
آرپا اکن آرپالی، بوغدا اکن بوغدالی(اولور).
آرپا اکیب بوغدا گودمه.
آرپانین یوخاسی کندییی دولدورار، بوغدانین یوخاسی ساققالی یوندورار. ( یوخاسی: سئیرگی). ( کندییی: بؤیوک زومارکوپو). ( ساققالی یوندورار: قارا گونه سالار)
آرشینینا بئز تاپیلماز. ( بیری‌نین ایسته‌یینه اویقون تاپیلمایان)
آرسیز اَریمز آرسیزدان یان کئچ، او کئچمسه‌ سن کئچ. ( آرسیزدان: ناموسسوزدان)
آرسلان آغزیندان گمیک آلینماز.
آرسلانین اؤلوسوندن، سیچانین دیریسی یئی.
آرتیق اوماج داش یارار، داش‌دا دییب باش یارار. ( اوماج: طاماح)
آرتیق یانیمدا یوخ، ایچیمده داشیرام.
آرتیق یوکدن، قاتی قایغیدان، بئل بوکولمه‌دن چکین.
آرتمادان یئتمز.
آرواد باشدان چکر آدامی. ( دئیَن کئره‌کنیم)
آرواد قوهومو اوجاق باشیندا، کیشی قوهومو چاخچاخ باشیندا. ( چاخچاخ باشیندا: دییرماندا)
آرخاسیزا آرخالانما.
آرخایا باخان یول آلماز.
آرزی اوزانسادا اورکدن اوزاق گئدمز.
آرزیلارا چاتماق اوچون هئچین چاغ گئج دئییل. ( هئچین چاغ: هئچ واخت).
آرزو قوشو قاناطلانار کؤنولده.
آرزولار یول اوسته دورار.
آرزون کؤنولده قالماسین، گیلئیین دیلینده.
آش دئسن، چاپار، ایش دئسه قاچار. آش اولسون ائل باشییلا گلر.
آسدا گئدن پاسدا (آلتدا) قالیر.
آشین دادی دوزونان، کیشی‌نین دادی سؤزونن. ( کیشی‌نین: آدامین)
آشیق اوینایان آزار، توپ اوینایان توزار، اوخویان هپسینی اوزار. ( اوزار: ایلری دوشر)
آشیغین بیر گؤزو کوراولور.
آشیرماسیز دویون اولماز. ( آشیرماسیز: ایپ -ایپ اوستونده کئچمه‌سه، آشماسا)
آسلان کندی اؤزون ساوونار. ( ساوونار: قورورار).
آشلی گلسین، داشلی گئدسین ( گئتسین: باتسین)
عاشق باشقا، باش باشقا. ( باش: عاغیل)
آت آلمامیش آخورون تیکمک، سالماق ( یاسانمامیش، حاضرلیق گؤرمه میش بیر ایشه گیریشمک)
آت آلسان مینیب چاپیب آل، قیز آلسان گؤروب دینله آل.
آت چاپیر ایتده چاپار. ( ایتده آتا باخیر چاپیر). ( یاشام بیربیرینه باخیب یاریشماقدیر، گئتمه‌کدیر) آت داشیراماز آرپاسیز، کیشی دورامازآرخاسیز. دوراماز آرخاسیز: سییاماز( سیندیراماز آرخاسیز )
آت دیشییله، ایگید ایشییله.
آت دولاشیر، قازیغینا باغلانیر.
آت ایزی ایت ایزینه قاریشمیش. (دئییم)
آت ایزینی تای باسار. ( تای : دایچا)
آت کیمین، مینه‌نین، دون کیمین گئیه‌نین.
آت قیلیغین ییه‌یسی، اوشاق دیلین آناسی بیلر.
آت تؤکزیمک‌له باشینا وورولماز. ( تؤکزله مک: ییخیلاسی اولماق).
آت یئرینه ائشک باغلاماق. ( یوخاریدان آشاغی دوشمک). ( دَیرلی نرسه‌نی، دوشوک دَیرلیی‌له دییشمک. ( باهالینی ساتیب اوجوزون آلماق)

آتا- آنا قایغوسودور ائو ائشیک.
آتا - آتا اووچو، گئده- گئده یولچو.
آتا ائششک دئییلمز، دوه‌ییه کؤششک.
آتا اولوب آتاوی تانی، آنا اولوب آناوی.
آتا تؤکَنی بالا ییغار، آنا تیکنی بالا جیرار.
آتادان بیر سالخیم ایسته وئرسین باغین، اوغلوندان بیر چؤپ ایسته باخما دالین. ( باخما دالین:

دالیوا باخما اوردان اوزاقلاش). آتادان قالان ائو، اوغولا اَیری گلر.
آتالار سؤزونده آلتون بار.
آتاسی اوغلونا باغ باغیشلار، اوغول آتییا بیر گیله باغیشلاماز.
آتدا اؤلر، آلان قالار کؤچده گئدر، کروان دورمازایلنمز (فراغی)
آتی آتین یانیندا باغلاسان، بویا دییشمز، قیلیق دییشر.
آتی ناللیردیلار، قارینجادا قیچین قوزادی. ( دئمک‌کی کیچیکده کندین بؤیوکلرین یانیندا اولدوغون گؤستریر).
آتی ناللیرلار ائششک قیچین قوغزاییر. ( اؤزگه ایشینه قاریشماق)
آتیلان اوخ، آیتیلان سؤز گئری دؤنمز. ( آیتیلان: دئییلن)
آتین- شگین(یوریوک) ، قیلیجین کسگین اولسون. ( اشگین: دال قاباق آیاغین( ساغی ساغلا، سولو سوللا گؤتورب قویماق).
آتین ساتیب قاتیر آلیب. (آلدانیب)
آتینا باخان، آردینا باخماز.
آتلارتپیشیر، آرادا ائششک ازیشیر.
آتمیشین آتمیش، یئتمیشه چاتمیش، سکسن اؤنونده، دوخسان گوروندا.
آو اولان یئرده آوچیدا اولور.
آخا -آخا سئل اولار، داما- داما گؤل.
آخان سو یولون تاپار.
آخار سو چوخورون کندی قازار.
آخماق یوخسول، تکجه گؤمله‌یین جیریب، وارلی یاراسین باغلار.
آخشام قیزارسا بولوت، اینن کپیی آل، ایرت قیزارسا بولوت، الینه یابایی آل. ( اگنن: اَینن) .( کپیی: کپنگی). ( یابا: اکین باغلارین آلماقدا ایشله‌نن یابا: آتقی.)
آی ایشیغی، گئجه یارشیغی.
آی، یالغیزین یولداشی.
آیاغین واریورومگه، الینده وارآلماغا.
آیاغینا شیش، دیلینه تیکن باتماسین. ( یارقیش: اییی دوعا)
آیاق بودرسه باشیندان گؤر. ( باشیندان: آغلیندان). ( آغلاما ییخیلسان اؤزون).
آیاق اوزون، یورقان قیسا.
آیاغا دوشمه‌ین، باشا چیخاماز.
آیلاق سیرکه بالدان دادلی اولور.( آیلاق: اسیب گلن، موفته. )
آیری یئییب بیرگه سیچیب. ( اوزده کوسولو، دالدا دوست اولانلار).
آیریلیق اؤلومه تانیش .
آیتما، آیتدین قایتما .(آیتما:دئمه(. ( آیتدین: دئدین)
آیتقانی نه، ائده‌گنی نه.
آیتقانین اویسون ائدگه نینه. ( آیتقانی: دئدییی ).(ائده‌گه نینه، ائدیگیوه)
آزسؤیله، دوغرو سؤیله.
آز وئریرسن، آزدیریر، چوخ وئریرسن قیزدیریر.
آز یئییرکوسور، چوخ یئییرقوسور.
آزاجیق آشی، آغریماز باشی. ( قانیقلیغا، قانع‌لیگه، چاغیریش)
آزجا آریجا. ( آزاولسون، آرخایینجا اولسون)
آزینی گؤرن، چوخونو بیلن، سؤزونو دیین اوغول.
آزماقدان سوچ تؤرر.

https://t.me/Adabiyyatsevanlar

«مثللر کورپوسو»
یازان:«محمد عظیمی»
سسلندیرن:«فاطمه محمودی»
مثللر کورپوسون هرهفته جمعه گئجه ادبیات سئونلر کانالیندان ائشیدین.

https://t.me/Adabiyyatsevanlar

🍁🍂🍁🍂🍁🍂🍁



▫️يانماق وار يانماق

« حسن ریاضی» ( ایلدیریم )

چيرت چيرت
يانار پيرپيز كول‌لاری
يانيب سؤنر سئرچه يوخوسو كيمی
كيمسه‌نين دوشوك دویغوسو كيمی.
نه ايشيغینا گووه‌نن اولار
نه ایستیسینه قيزینان.
چييی كرمه‌لردن چاتيلان اوجاق
كورون كورون كؤزه‌رر
چيی چيی  يانا- بانا
كوله دؤنر.
يارامازلارین اوموسوغو
آيی دوستلوغو كيمی.
كولاسی گؤزلری گؤينه‌در
سينه‌لري تنگي‌در .
یانار، پاليت‌دا یانار
كؤز سالار
قيپ – قيرميزی قيزيل گول
آلوو ساچار
گونش رنگلی، سما عطيرلی، تورپاق سخاوتلی
ايستيسی جانلارا سینر
سئوگييه چئوریلر
گونشين ايزي كيمی.
جاندان یانان اوره‌کلرین اؤزو کیمی:
يانار سسسیز- سسسیز
یانار ایچین – ایچین
ايشيغیندا
دومانلي یوللار آیدینلانار
ايستيسیندن
نسیل‌لر ، فصیل‌لر قیزینار!

https://t.me/Adabiyyatsevanlar

«سحر خیاوی»

شهید یازیچیلارا

گولله- گولله یارادیر، قان سوزولور شعریمدن
پنجره‌م باغلیدی، زیندان سوزولور شعریمدن

قوشجیغازلار بوغازیندان آسیلی، داردا قالیب
اینجلیب هئی تؤکولور، هئی اوزولور شعریمدن

کؤکلورم ها ائلیمین ییرتیغینی فایداسی یوخ
بو نه ایش‌دیر کی یاماقلار چؤزولور شعریمدن

دئییسن موتلوجا یاز، موتلولوغومدان نه یازیم؟!
بالتالانمیش موْر(mor) آغاجلار دوزولور شعریمدن

هر گونش ائلچیسی بو یئرده دیلیندن کسیلیر
قیناما بؤیله ایشیقلیق پوزولور شعریمدن

گئجه‌نین کار قولاغین قیها چکیر اولدوزلار
غم یئمه، کابوسونا «دان» یوزولور شعریمدن

نه قَدَر خط چکه باطیل دورو تاریخ اوزونه
بیر کیتابلیق ایکی خطده یازیلیر شعریمده

https://t.me/Adabiyyatsevanlar

«حکیمه_بلوری»

سینه‌می یاندیریر یئنه آیریلیق
نه‌لر چکدیرمه‌میش منه آیریلیق
گلسنه انصافا، دینه آیریلیق
منی گۆلدورن ده، آغلادان دا سن
کدرله دوْست ائدن هر زامان دا سن

سن بیزیم ائل‌لره بیر سِرداش اوْلدون
دۇیان کؤنول‌لره بیر یوْلداش اوْلدون
اؤلکه‌مده قانون‌سوز وطنداش اوْلدون
سن ائلین قلبینه بیر داغ اوْلموسان
دیل‌لردن دیل‌لره سوْراق اوْلموسان

مندن سوْروشسالار بو دۆنیادا کی،
نه‌دیر غؤور ائیله‌ین اۆرگینده‌کی؟
دئیردیم: یۇردومو کیم بؤلوب ایکی؟
من اوْنون اؤزونو بؤلردیم؛ اینان
نه‌لر چکمه‌میشدیر ائل آیریلیقدان؟

آیریلیق، آیریلیق، آمان آیریلیق
سینه‌می یاندیریر یامان آیریلیق
آرتیق گلیب چاتمیش زامان آیریلیق
بیزیم اوْبالاری، ائل‌لری ترک ائت
کئچ بیزیم دیاردان اۇزاق‌لارا گئت!

بو بیر خیال دئییل، بیر گله‌جکدیر،
آیریلان اۆرک‌لر بیرلشه‌جکدیر
انتظار کؤنلوم ده دینجله‌جکدیر
حیات اؤز حؤکمونو وئرمیشدیر آرتیق
اؤلومه محکومدور هجران، آیریلیق

https://t.me/Adabiyyatsevanlar

‏https://t.me/Adabiyyatsevanlar

بدیعی متن، اوبرازی یاخود اویدورما-حئکایه‌لر 

یازار:«جاوانشیر یوسیفلی»
کوچورن:« ویدا حشمتی»
حاضیرلایان:« ادبیات سئونلر»
 
بعضی متنلر وار، اوخودوقجا هر دفعه‌، صیفتینی اوخوجویا گؤستردییی "اوزونو" ديیشیر، فرقلی نیقابلار آلتیندان گؤرونور و گئرچکلییی بیزه ان موختلیف پرده لره بورونموش حالدا نیشان وئریر. بلکه، ان دوغرو اولان ائله آبسورد دئییلن کاتئقورییانین ایچینده، اونون بطنینده و نووه‌سینده‌دیر؟ آبسوردلا آشیلانمیش، اونا دوغرو گئدن و اوندان دوغان حئکایه‌لر-بدیعی.متنلر... بو متنلری فرقلی زامانلاردا اوخویون، دونیا هر تصادوفده گؤزونوزه باشقا بیر فورمادا گؤرونه‌جه‌کدیر، آیدین اولمایان،آیدینلاشاجاق، آیدین بیلینن شئیلر زیل قارانلیغا بورونه‌جه‌کدیر. آنجاق بوتون بونلاری آنالیز ائتمزدن قاباق، ظنّیمیزجه اوخوجو قاوراییشی ایله موناسیبتده بدیعی متن اوبرازیندان قیساجا سؤز آچمالی‌ییق. متنی اوخویوروق، شعور آلتینا نه‌لرسه ییغیلیر، بیلسک ده، بیلمه‌سک ده بو دامجیلار بیزی هر ساعت، هر گون ديیشدیریر، بئللیکله بیز تقدیم ائدیلن اوبرازین اوبرازینی...
بویازینین آردینی ادبیات سئونلر کانالیندا اوخویون
https://t.me/Adabiyyatsevanlar

بدیعی متن، اوبرازی یاخود اویدورما-حئکایه‌لر 

یازار:«جاوانشیر یوسیفلی»
کوچورن:« ویدا حشمتی»
حاضیرلایان:« ادبیات سئونلر»
 
بعضی متنلر وار، اوخودوقجا هر دفعه‌، صیفتینی اوخوجویا گؤستردییی "اوزونو" ديیشیر، فرقلی نیقابلار آلتیندان گؤرونور و گئرچکلییی بیزه ان موختلیف پرده لره بورونموش حالدا نیشان وئریر. بلکه، ان دوغرو اولان ائله آبسورد دئییلن کاتئقورییانین ایچینده، اونون بطنینده و نووه‌سینده‌دیر؟ آبسوردلا آشیلانمیش، اونا دوغرو گئدن و اوندان دوغان حئکایه‌لر-بدیعی.متنلر... بو متنلری فرقلی زامانلاردا اوخویون، دونیا هر تصادوفده گؤزونوزه باشقا بیر فورمادا گؤرونه‌جه‌کدیر، آیدین اولمایان،آیدینلاشاجاق، آیدین بیلینن شئیلر زیل قارانلیغا بورونه‌جه‌کدیر. آنجاق بوتون بونلاری آنالیز ائتمزدن قاباق، ظنّیمیزجه اوخوجو قاوراییشی ایله موناسیبتده بدیعی متن اوبرازیندان قیساجا سؤز آچمالی‌ییق. متنی اوخویوروق، شعور آلتینا نه‌لرسه ییغیلیر، بیلسک ده، بیلمه‌سک ده بو دامجیلار بیزی هر ساعت، هر گون ديیشدیریر، بئللیکله بیز تقدیم ائدیلن اوبرازین اوبرازینی یارادیریق-بئینیمیزده... و سونرادان احوالاتدان احوالات، حئکایه‌دن حئکایه‌ تؤره‌نیر، دونیانی ساریر، گئرچکلیگین یوخوسونو قاریشدیریر، الی اوزونده دوشونن اینسانین دویغولارینا توخونور، بیر آنلیق هر شئی دایانیر دونور...
متن و اونون-مئتا-تصویری عمومی مدنی پروسئسین آیریلماز ترکیب حیصّه‌‌سی کیمی فعالیّت گؤسته‌رن واحید هومانیتار دیسکورسلا باغلیدیر.
ادبيّات نظريّه‌سینده متن، بدیعی اثرین اوبیئکتی اولوب-اولماماسیندان آسیلی اولمایاراق" اوخونا بیلن" ایسته‌نیلن اوبیئکتدیر. بو معيّن معلوماتی اؤتوره بیلن ایشاره‌لرین دوزگون رابطه‌‌لی مجموع‌سودور. بو سیمووللار مجموع‌سو معلوماتین تقدیم ائدیلدییی فیزیکی فورما، یاخود محیط باخیمیندان دئییل، محض اینفورماتیو مئساژین مضمونونا گؤره نظردن کئچیریلیر.
بئللیکله بدیعی متن اوبرازی بیزیم متن واسطه‌‌سیله قاورادیغیمیز و تکرار گؤزدن کئچیردیییمیز نسنه‌دیر، مولیفین کونسئپسی‌یاسی، اونون نظر نقطه‌‌سی اونون اوخوجویا مراجعتی‌دیر.
بدیعی متن کونسئپسی‌یاسی متنی اوخودوقدان سونرا حاصیل اولان نسنه اولماقلا هم ده متنی آنلادیغیمیز شکیلده قوردوغوموز کونسئپسی‌یادیر.
اوخوجونون بدیعی متن کونسئپسی‌یاسی مطالعه‌ ائدیلن متنین مئتا-تصویریندن دوغان بیر حادثه‌‌دیر و شوبهه‌سیز، مؤلیف کونسئپسی‌یاسی ایله یاخینلاشما/اوزاقلاشما سجّیه‌سینه مالیکدیر. بئله کی، اوخوجویا بو و یا دیگر حادثه‌‌لر، اینسانلار و ایدئیالار علی‌الخصوص هانسی یؤندن درک ائدیلمه‌سینه دایر دوشونجه‌لر حاقّیندا ایدئیا آشیلایان مؤلیف اثر واسطه‌‌سیله بیر نوع اوخوجونو" تحریک ائدیر". بو پروسئس ایسه اوخوجو ایله اوز-اوزه قالان، اونا اینفورماسی‌یا گؤنده‌رن و اوندان مئساژ آلان بدیعی متنین قورولوشو ایله معيّن‌لشیر. بدیعی متن واسطه‌‌سیله مؤلیف تصویر ائتدییی جمعيّتین، توپلوم و محیطین ایچینده‌کی بوشلوقلارا توخونور، آنجاق بو توخونوشو اوخوجو بلا واسطه‌‌ اوخو زامانی دئییل تکرار(متندن کنار!) اوخودوقدا حیسّ ئده.بیلر مولیف کونسئپسی‌یاسی( گئرچکلییی سارمیش بوشلوقلاری نیشان وئرمک!) بدیعی متن اوبرازی موسته‌ویسینده یئنیدن، صیرف اوخوجونون دونیاگؤروشو، گئرچکلییه باخیشی و سایر فاکتورلار اساسیندا دوغولور و اولا بیلسین کی، مؤلیفین نیشان وئرمک ایسته‌دییی بوشلوقلا بو مقامدا داها آیدین و"اوخوناقلی" فورمادا اوزه چیخسین. مؤلیفین نیشان وئردییی، یاخود وئرمک ایسته‌دییی بوشلوقلاری هئچ اوخوجو دا دولدورمور، عکسینه بونلارین سایی دورمادان آرتیر، اؤزو ده سایسیز، سونسوز اوخو نتیجه سینده. بو معنادا همین اوبرازین و اونون داخیلینده گئرچکلییین بوتون سیرلری‌نین گؤرونمسی اوچون بدیعی اثرین ایلک نؤبه‌ده سوژئت و کومپوزیسی‌یاسینی اطرافلی اؤیرنمک لازیمدیر. اورخان حسنین‌ین حئکایه‌لرینده هر یئر بوشلوقدور‌. آیاغین بودره‌دیمی او بوشلوغا دوشه‌جکسن، امّا بو او قدر ده قورخولو دئییل، عکسینه، آغری‌سیزدیر. سن بو تصادفده باشقا بیر دونیانین اشیالارینا توخونور، اونلارلا ان آزیندان باخیشا بیلیرسن. آغری هاراسا، بلکه یئرله گؤیون آراسینداکی بیلمه‌دیییمیز مکانا اؤتورولور، بو آرتیق فرقلی یازی مانئراسیدیر...
 
2
 
اورخان حسنین‌ین" فوضولینین"دیشی حئکایه‌لر کیتابی. ایلک تأثّرات نئجه اولا بیلر؟

بئله باشلایاق. اورخان اؤز حئکایه‌لری‌نین ایچینده‌دیر، دایم اوردان کئچیر( بلکه ده تصادفاً بونو تصوّر ائدین...)، بو او دئمه‌کدیر کی، اورخان احوالات دالینجا دوشمکدن چوخ، ائستئتیک ایشاره‌لری بیر یئره جمع‌له‌ییب نه‌لرسه دئمک ایسته‌ییر(ظنّیمیزجه، بونو هله بیر سؤز اولاراق، بیر مکمّل متن اولاراق باجارمیر، آنجاق پئرسپئکتیو-گوجلودور!)، آخی نه‌دیر بو ائستئتیک ایشاره‌لر؟ "سونونجو یوخو" حئکایه‌سینده بونون-آچیق آشکار ایزلری

وار.

نئجه؟ لاپ باشلانغیجدا بیر مقام وار، یوسیف حئکایه‌لرینی قزئت صحیفه‌‌لریندن کسیب دیواردان آسیردی، ائوین پنجره لری یوخدو، یوسیف او قزئت پارچالارینا ائله پنجره کیمی باخیردی، ائله اورخان دا اؤز حئکایه‌لری‌نین ایچینده "آددیملاماغینا" بئلهباخمیرمی؟ یعنی حئکایه‌نی تصویر نه‌یین‌سه مئتافوریک گؤرونتوسو کیمی آلمیر، عکسینه، یازدیقلاریندان یازا بیلمه‌دیکلرینی، دئیه بیلمه‌دیکلرینی گؤروکدورمک ایسته‌ییر، ائله بو نقطه‌‌دن اورخانین حئکایه‌چی‌لی‌یینین راکورسو آنلاییشی یارانیر، یعنی مؤلیف بری باشدان کنار ایشتیراکچی، یاخود موشاهیدچی رولوندان امتناع ائدیب هر شئیی کناردان گؤرمک، "هامیدان، بوتون پئرسوناژلاردان چوخ بیلمک" ایشاره‌سینی سؤندوروب، بو حالدا تحکیه داخیلی پروسئسلرین منطیقی آیدین اولا بیلر:  مئتافورا ایله سؤیله‌مه‌لی اولساق، ائله حادثه‌‌لر باش وئریر و اونلار بیر-بیرینه ائله قاریشیب کی، بوردا آرتیق بوتون سئیر منطقه‌‌لری بری باشدان آرادان گؤتورولوب، هر شئی کنارا، یعنی بدیعی متندن بوتون دونیایا، بوتون حیاتیمیزا شاخه‌لنیر، حادثه‌‌لر آراسینداکی بیر-بیرینی دوغورما بیر-بیرینی ایضاح ائتمه منطیقی داغیلیر، بیر آنلاشیلمازلیق محیطی یارانیر، بعضا مؤلیفین ده دیلی دولاشیر، حئکایه‌لرین متنینده عینی سؤزو دفعه‌لرله ایشله‌دیر جومله‌‌لر، اونلارین معنالاری کاسادلاشیر و پریمیتیولشیر. آنجاق صحبت بوندا دئییل بو نقطه‌‌ اونسوز دا" کولیس"ین مذاکره ساعتیندا یئترینجه دئییلیب، منطیقین"داغیلماسی" و ان مختلف حادثه‌‌ سئقمئنتلری آراسیندا ( آسسوسیاتیوباغلار...) بئله دئیک، هئچ بیر موناسیبه‌تین اولماماسی حئکایه‌ده اساس قهرمانین آدینی بلله‌ییر: آبسورد. آبسوردون معنا تؤردیجیلییی، معنا باخیمیندان متن بویو شاخه‌لنمه خاصّه‌سی بیر آیریدیر، او درجه‌‌ده آیری و فرقلی کی، نورمال منطق‌له آنلاماغین اؤزو آبسورد اولاردی. مثلا " فوضولی‌نین دیشی" حئکایه‌سینده کیمسه ائله گله‌بیلر کی، بیر چین‌لی فوضولی‌نین غزلینی ازبرلیه بیلمیرسه، بو آنجاق فیلان شئی اولا بیلر( فوضولی و چین مدنيّتی...). امّا آخی متنده باشقا یانیب-سؤنن، باتیب اوزه چیخان ایشاره لر ده وار. اورخان دئییر کی، ائله من اؤزوم ده فوضولی‌نین هئچ بیر غزلینی ازبر بیلمیرم. بعضی مصراع‌لار، بندلر یادیمدادیر. ائله هامیمیز کیمی، امّا نه‌دن‌سه، بیز بیردن-بیره فوضولی خسته‌سی اولوروق. ائله او معلّم کیمی... بو حالدا فوضولی کؤمک ائتمیر، بِئینلری پوزور، زهرله‌ییر، ترس یوللا گئدیلدیکده مدنيّتین پوزوجو فونکسی‌یاسی مئیدانا چیخا بیلیر...   باشقا بیر سوال: دیشی آغرییان آدام نییه پلیسه زنگ ائدیر؟ پلیس‌لرله آبسورد صؤحبتلر (بو ایفاده‌نی یالنیز بیز ایشلده بیلریک: هر شئی اولا بیلر...) اورخان، آدی‌یلا باشلانان ناغیل‌واری احوالات هارالارا گئدیب چیخمیر، حتی ادبيّات سئوداسی‌نین معناسیزلیغینا قدر. بایراغین دمیر ساپی نوبئل نیشانیندا تصویر ائدیلمیش آلینا سانجیلماسی و سایر و الی آخر.         
پلیس‌لرله آبسورد صحبتلر تکجه سیاسی رژیم مسئله‌سی دئییل، هم ده اونتولوژی خاصّه‌یه مالیکدیر، بونا گؤره ده آغرییان دیشه گؤره لاپ یوخاریدان بیر ماغارانین درینلی‌یینه باخیرمیش کیمی آدامین آغزینا زندله باخیلماسی سون درجه‌‌ طبیعیدیر، گؤزوموزو آچیب گؤردویوموز بو معناسیز دونیادا بوندان طبیعی هئچ نه اولا بیلمز. یعنی بو حئکایه‌لر کاریکاتورا دئییل، هله تام رسم ائدیلمه‌میش پورتره‌تین آلتینا یازیلان سونسوز شرحلردیر...
اورخان فرقلی  یازی طرزینه مالیکدیر و سئویندیریجیدیر کی، بیزیم گنج یازارلارین ایچینده بئله چوخ اوریژینال بیر ناثر یئتیشیر بو ائستئتیک ایشاره‌لرین بیرلشمه‌سی یاخود آیریلماسیندا بیر سؤزله، یئنی کومبیناسی‌یالارین چرچیوه‌سینده آیدین بیر باخیش سئزیلیر. یئنه او حئکایه‌ده بیر مقام وار، کئچیلمه‌سی مومکون اولمایان دیواری قزئت پارچالاری ایله "آشان یوسیفه ئله گلیردی،کی هردن او قزئت پارچالارینداکی سؤزلر کپه نک کیمی اوچوشور و اونا ساری گلیب ایچینده بیرله شه رک یئنی احوالاتلار.یارادیر هم ده بوردا"اویدورماق" سؤزو وار و ظنّیمیزجه، حئکایه‌چیلیکده عموما نثرده بو چوخ جدّی مسئله‌دیر. ایلک تأثّرات بو اولا بیلر کی، حئکایه‌لرده دانیشیلان احوالاتلارین "ماتئرییاسی" تام فرقلی‌دیر، یعنی اونلارین اولماسی‌یلا اولماماسی آراسیندا چوخ شفاف بیر کئچید وار و مسئله‌ هئچ ده بو دئییل. حئکایه‌لرده تحکیه موستوی‌سینده احوالاتلار، اینسانلارین باشینا گلن قضيّه‌لر بیر-بیری‌نین ایچیندن چیخیر، بیر-بیرینه سارماشیر و کیمسه( بلکه یازیچی اوبرازینین اؤزو) ده حئکایه‌لرده‌کی کونفلیکتین کاتالیزاتورو رولونو اویناییر. هر هانسی حئکایه‌نی گؤتورون تحکیه زامانیندا اوّل‌جه هر شئی آیدین یوخ، چوخ آیدیندیر و بو مثبت معنادا بیر شوبهه یارادیر.

یعنی حادثه‌‌نین، سوژئتین محض بو فراقمئنتی‌نین چوخ آیدین اولماسی(سانکی اونون اوزه‌رینه پروژئکتور ایشیغی توشلانیب) سونرادان هر شئیین بیر-بیرینه آنلاشیلماز شکیلده سارماشماسینا سبب اولاجاق. سوژئت دؤنگه‌لری حئکایه‌ متنینده قفیلدن یارانیر و حرکت، دینامیکا محض "قفیل نفوذ ائتمه" نتیجه‌سینده اورتایا چیخیر. دونیالار، لایلار، گئرچک‌لیکلر آراسیندا دیوارلار آشیلیر، قهرمانلار ایسته‌دیکلری یئری سئیر ائدیر، گزیر گئری، قاییدیرلار، بو ایسه اثرده یارادیلماغا اوز قویان بوتون کاراکتئر و کاراکتئریک جهتلری کسکین‌لشدیریر (دزگاهدا بیچاغی نئجه ایتیله‌یرلرسه!) سوژئتده پارادوکسال دؤنگه لر یارانیر، هم ده یارغانلار شکلینده، هرشئی چکیسینی ایتیریر، دئییلن سؤزون، آتیلان آددیمین، باخدیغین گؤرونتونون مادّی قاتی سییریلیب اوندان آیریلیر و سن، یعنی اوخوجو بوتون سئحیرلرین سوسدورولدوغو، بوتون غئیر عادی حادثه‌‌لرین نفس دریب، دایاندیغی بیر مکانا دوشور. "سونونجو یوخو" حئکایه‌سی قروتئسکدن آشیب-داشیر، پئرسوناژین اساسلاندیریلمامیش اختیاری حرکتلری و حادثه‌‌لرین ناتورالیست دیلی‌له تصویری بیزی یئییب-داغیدان حیاتین معناسیزلیغینی آبسوردون دیلی‌له گؤسته‌ریر بو معنادا بدیغی متن اوخوجو شعوروندا اؤزونون لای-لای اوبرازینی یارادیر، حقیقتی اویدوراراق دئییر. "مئترو تئرمینالینین سئوگی‌سی" یالانلار دونیاسینی نیشان وئریر، اینسانین بیر نسنه‌نی عادی‌جه یاغیش دامجیسی یاخود قار دنه‌سینی، چیگینلری‌نین سویوقدان نئجه سیخیلماسینی و یوزلرله بو کیمی حادثه‌‌لری نئجه حیسّ ائتمه‌سی و گونلرین بیر گونو بوتون بو اینجه حیسّلرین نئجه غئیبه چکیلمسی بو متنده دریندن دویولماقلا و بو درین نفسین گیزلدیلمه‌سی ایله گؤستریلیر. بو متندن اوخوجو روحوندا یاراتدیغی چوخ سایدا اوبرازلاردان دانیشماق اولار. سئوگی نه‌یی ديیشدیریر. تانیمادیغین، اوزاقدان سئیر ائتدییین قادیندان(حتی بیر نهنگ اشیا مئترو تئرمینالی اولاراق دویدوغون) نه‌لری دویماغین، بو دویغونون دونیادا چوخ گوجلو، تایی-برابری اولمایان ديیشیک‌لیکلره سبب اولماسی و اونون یوخا چیخماسی ایله دونیانین دا آلت-اوست اولماسی... بوتون بونلارین فونوندا دونیانین، معاصر حیاتین اینسانی بوغان معناسیزلیغینا بوغازا قدر باتیب جان چکیشن اینسانین اوبرازی شاخه‌له‌نیر بیتیب-توکنمیر. هر بوداقدا بیر اوزو رئاللیق، دیگر اوزو اویدورما اولان"مئیوه‌لر" یئتیشیر، نئجه کی حئکایه‌لرین بیرینده آغاج بوداقلارینا قونان قوشلار عیناً مئیوه‌لره بنزه‌دیلیر آنجاق حئکایه‌ده بو تصویر آیریجا بیر مقامدیر، متنین بوتون قاتلاریندان سوزوب کئچن، اوّل‌دن آخیرا دک تکرارلانان، بونونلا دا بدیعی متنین ایدئیالارینی دوغوب یوخ ائدن بیر معنا یارادیجی سخئم بویلانیر.
" فوضولی‌نین دیشی" حئکایه‌سی‌نین آلین یازیسی چین‌لی طلبه‌‌نین محمّد فوضولی غزل‌ینه نورمال، هم ده چوخ غریبه رئاکسی‌یاسی ایله باشلاییر: اینسان طالعی‌نین عصرلر اوّل یازیلمیش بیر غزلدن آسیلی اولماسی حیات نه غریبه‌دیر حئکایه‌ بویونجا بو جمله‌‌نین یالنیز سونونجو سؤزو (حیات نه غریبه‌دیر...) شکیل دییشمه‌لرینه اوغراییر، بو حئکایه‌ده اشیالار، حادثه‌‌ احوالات و پئرسوناژلارین اؤزو اولموشلا ایللوزییانین، رئاللا آبسوردون آراسیندان سرعتله کئچن خطتین اوزه‌رینده‌دیرلر اوّل‌ده دئدیییمیز کیمی، مؤلیف بو متنلرین ایچیندن کئچیر و دئییر کی: "من یئنیدن همین سالوندایام. پوشکاتمادیر. کورسوده‌کی آدام آدیمی اوجادان چاغیریر اورخان حسنی! سیز بوندان سونراکی حیاتینیزی دار اوتاقدا, هئچ کیمله اونسيّت قورمادان حئکایه‌ یازاراق کئچیره‌جک‌سینیز. من ایندی همین ائنی-اوزونو بئش آددیمی کئچمه‌ین پنجره‌سیز دار اوتاقدایام. بوردا چوخداندیر یاغیش یاغمیر...

https://t.me/Adabiyyatsevanlar

حئکایه لر
یازار:«خئیرالدین قوجا»
کوچورن:«سحر خیاوی»
حاضیرلایان: ادبیات سئونلر»

))میزان- تره‌زی

مؤمن بیر موسلمان نقل ائدیر، وارلی- حاللی کیشی اولادلارینی چاغیریب وصیت ائدیر کی، " من اؤلندن سونرا دفن ائده‌جکسینیز ها، یانیمدا بیر نفر ده دیری آدام باسدیرین کی، او قارانلیق دونیادا تک قالماییم".
بالالاری اؤزلرینه ال آتیرلار کی، آی کیشی آللاه ائله‌مه‌سین سن بو دونیادان گئده‌سن، ائله بیر شئی اولسا، بیز نئجه یاشایاریق؟ بیر ده کی، هانسی آدام راضیلاشار، اؤلمه‌میشدن اونو سنین یانیندا قبره قویاق؟
کیشی دئییر:
-- هر شئیی پولونان دئییل؟ نه قدر ایسته‌سه وئرین، گتیرین منیم یانیمدا باسدیرین! اؤزونه ده باشا سالین کی، قورخوب- ائله‌مه‌سین، بوتون مراسیمی جاه- جلال‌لا کئچیره‌جکسینیز...

بویازینین آردینی ادبیات سئونلر کانالیندا اوخویون.
https://t.me/Adabiyyatsevanlar

«خسرو گلسرخی»

ﺷﺐ ﮐﻪ ﻣﯽ ﺁﯾﺪ ﻭ ﻣﯽ ﮐﻮﺑﺪ ﭘﺸﺖِ ﺩﺭ ﺭﺍ
ﺑﻪ ﺧﻮﺩﻡ ﻣﯽ ﮔﻮﯾﻢ
ﺍﮔﺮ ﺍﺯ ﺧﻮﺍﺏ ﺑﻠﻨﺪ ﯾﻠﺪﺍ ، ﺑﺮﺧﯿﺰﯾﻢ
ﻣﺎ ﻫﻤﯿﻦ ﻓﺮﺩﺍ
ﮐﺎﺭﯼ ﺧﻮﺍﻫﯿﻢ ﮐﺮﺩ
ﮐﺎﺭﯼ ﮐﺎﺭﺳﺘﺎﻥ

https://t.me/Adabiyyatsevanlar

حئکایه لر
یازار:«خئیرالدین قوجا»
کوچورن:«سحر خیاوی»
حاضیرلایان: ادبیات سئونلر»
چهارشنبه گونو« ادبیات سئونلر کانالیند»

https://t.me/Adabiyyatsevanlar