تبریک لر اوغورلار
تانینمیش یازیچی «رقیه خانیم کبیری» نین یئنی رومانی «دوشرگه» آدیلا ایشیق اوزو گوردو اوخوجوسو بول اولسون دئیه ادبیات سئونلر عائیله سی بوکیتابی ویژه تخفیف له ادبیات سئونلرکانالیندان، گروپوندان الده ائده بیلرلر.

یازار«رقیه کبیری»
ویراستار: مرتضی سلمانی/ طرح جیلد: وقار آقایی
ناشیر: اختر
صفحه: ۲۱۲/ قیمت ۶۵۰۰۰ تومان/ قطع: رقعی/ سفارش اوچون ناشیرین تلفون نومره‌سی: ۵۵۵۵۳۹۳-۰۴۱
https://t.me/Adabiyyatsevanlar

«زلیمخان_یعقوب»

ائلدن گیزلی سؤزوم یوخ،
اؤزگه‌سینده گؤزوم یوخ.
سنسیز جاندا دؤزوم یوخ،
دیش ده بیلسین، دوداق دا.

دوروب دایانماق نه‌دیر؟
سئوگینی دانماق نه‌دیر؟
قوی گؤرسون یانماق نه‌دیر!
نور دا بیلسین، چیراق دا.

آری‌تک چالیشاندا،
دادمیشام بالی شاندا.
قوی یاناق آلیشاندا!
کؤز ده بیلسن، اوجاق دا.

گولن اوزوم اول منیم!
گؤرن گؤزوم اول منیم!
دوغروم، دوزوم اول منیم!
حاق دا بیلسین، ناحاق دا...

https://t.me/Adabiyyatsevanlar

آذربایجان شاعری و ژورنالیستی ائلدار موغانلی‌نین۶۰ یاشی موناسیبتیله «ادبیات سئونلر» گروهو طرفیندن ترتیب ائدیلمیش تدبیر اساسیندا، «۶۰ یاشین شرفلی حیات یولو» عنوانلی خاطیره کیتابی یاییلمیشدیر. ۳۲۸ صحیفه‌لیک بو کیتاب، تانینمیش آذربایجان ادبیاتشناس و تنقیدچیسی جناب «همت شهبازی»نین رئداکتورلوغو و کریم قربانزاده، مرجان منافزاده و ویدا حشمتی‌نین امکداشلیغی ایله نشره حاضیرلانمیش و «حکیم نظامی گنجه‌ای» انتشاراتی طرفیندن یاییلمیشدیر.

کیتابا تدبیرده اشتراک ائد‌ه‌ن: حسن ریاضی(ایلدیریم)، ناصر داوران، همت شهبازی، مرتضی مجدفر، ارشد نظری، حاجی هریزلی، نریمان ناظیم، هادی قاراچای، رامیز تای‌نور، زهرا یاسمن، حبیب فرشباف، رحیم خیاوی، فریبا مرتضایی، کبری میرحسینی، عبدالله یالچین، حیدر آرازلی، روشن نوروزی و کریم قربانزاده‌نین یازیلاریندان علاوه، آلتمیشینجی ایللر ائلدار موغانلی حاقیندا یازیلمیش اوستاد یحیی شیدا، صابر نبی اوغلو امیروف و میانالی علیرضانین مقاله‌لری ده داخیلدیر. بونلاردان علاوه، کیتابدا ائلدار موغانلی‌نین مختلف ایللرده یازیلمیش شعرلریندن و ادبی تنقیدی مقاله‌لریندن ده نمونه‌لر وئریلمیشدیر.

«۶۰ یاشین شرفلی حیات یولو» کیتابینی ۸۴۰۰۰ تومن قیمتینده کیتاب ماغازالاریندا و «حکیم نظامی گنجه‌ای» انتشاراتی ایله علاقه ساخلاماقلا الده ائتمک اولار.
علاقه نومره‌لری و عنوان‌لار:

تلفن: ۰۹۱۴۸۶۰۶۹۶۶ – ۰۴۱۳۵۵۴۰۰۵۲
سایت: www.nezamibook.ir
ایمیل: nezami.pub@gmail.com
عنوان: تبریز، طالقانی خیاوانی‌نین باشلانیشی، نورافزا بیناسی، بیرینجی قات

https://t.me/Adabiyyatsevanlar

فولکولور
آتا بابا سوزلری، مثللر، دئیم لر...
ادبیات سئونلر کانالیندا
زمان: هرهفته جمعه گئجه
ساعات: 21

https://t.me/Adabiyyatsevanlar

«آتالارسوزو»
یازار:«بی هادی»(۱)
کوچورن:«ذکیه ذولفقاری»
هرهفته جمعه گئجه ساعات21ده
ادبیات سئونلر کانالیندا 1400/10/10

https://t.me/Adabiyyatsevanlar

«آتالار سؤزو»
یازار:«بی هادی»(۱)

کؤچورن:«ذکیه ذولفقاری»
آغاج بسلر اؤزقوردون.
دیریشگن داش اوغار. ( دیریشقان: قئیرتلی(
گؤزو گؤرن کورا دگمز.
قانمازا سؤزاؤتمز، اونمازین ایشی بیتمز. ( اونمازین : شانس‌سیزین)
قیدیردیغان آج قالماز. ( قیدیردیغان: ایشلیین)
عابا آلتدا اَریاتار. ( گئییمله کیشی اؤلچولمز).
آبانمادان گیرمه هئچ یئره، دوشرسن بیردن چیخیلماز یئره. ( آبانمادان: چکینمه دن).
آج هر نَیه اومار. ( اومار: گؤیلو ایسدر، کؤنلوچکر)
آج کیشی‌ده دین نه گزیر. ( آجین ایمانی، توخون قورخوسواولماز) ( کیشی‌ده: آدامدا).
آج قاریندا، باش قالماز. ( باش:عاغیل)
آج قورد داشا تپر. ( آج قورد داش گمیریر)
آج یات آجار یات. ( آجار: یئنی. تازا. بوتون. دولو)
آج یئییمجیل، توخ یاتیمجیل.
آجا چؤرک تاپشیریلماز.
آجا وئریئسین، توخو قوی یاتسین.
آجدان اومولماز. ( آجدان نه گؤزله ییرسن)
آجی دویورماق اولار، آج گؤزو یوخ.
آجی یولا گتیرمک چتیندیر.
آجیدور واجودور، گؤزدن دوشن باجودور. ( دیلی آجی باجی گؤزدن دوشر).
آجین گؤزونه یوخو گیرمز.
آجین ایمانی، توخون قورخوسو اولماز. ( آج کیشی‌ده دین نه گزیر).
آجینمادان جانیوا قییارقییانین. ( قییانین: ظالیمین)
آچیق قاپی نه گؤرمز، آج قارینلی نه یئمز.
آچیق قاپی نه گؤرمز، آغزی ییرتیق نه دئمز( آغزی ییرتیق: آغزی آچیق)
آچیق قولاق هر نه ائشیدر. آچیق قاپی هر نه گؤرر.
آچیق اوزه آچیق ائشییه گلیرلر، آچیق ساچاق، قاپیق اوزه گلمزلر. ( ائشییه: قاپییا). ( ساچاق: سوفره)
آجیسی چوخ اولان دادسیز اولار.
آچسان کؤنول، هرگله‌نه، اورک دوشر آیاغ آلتینا .
آدام بیر چؤرک آجیدی، بیر چؤرک توخو.
آدام بؤیله‌دیر، کبیری یالان، کبیری ییلان اولور. ( کبیری:بیرازی، بعضی‌سی)
آدام گؤزه لین قورومساغی اولا، پیس آروادین اری.
اولمایا آدام وار کؤنلون اوشاغی، آدام وار بِیین اوشاغی. ( اوشاغی: قوللوقچوسو)
آدام وارکی گؤزو آغلار، ایچی گولر، آدام وارکی ایچی آغلار، گؤزو گولر.
آداماقلا مال توکنمز. ( آداماقلا: نذیر وئرمکله )
آدامی باشدان، آغاجی یاشدان تانی.
آدامین آلاقاقادان آلاجاغی اولسون، وئرجه‌یی اولماسون. ( ایپ گلیب دوغناقدان کئچر. بیر گون اوز اوزه گلیرسیز)
آداملیغی آدامدان بکله، خوش اییی قیزیل گولدن.
آدیم چیخینجا جانیم چیخسین!
آغ قارا گؤرمه دونیانی، آلاسی وار، بوزووار.
آغا گتیرر نووالا، خانیم تؤکر چووالا.
آغا نظرم، بئله گزه رم، بیر ووراندا قیرخین ازه رم.
آغاج، آغاج ایچینده بؤیور.
آغاج گتیرن ایلکین دؤغولور.
آغاج کؤلگه سیز، آدام سئوگیسیزاولاماز.
آغاج یئمیشیندن، کیشی ایشیندن تانینار.
آغاجدان قور کم اولماز. ( قور: اود)
آغاجین قوردو اؤزوندن اولور. ( بیرلیگی پوزان آرالی سؤزو).
آغاجین یاپراقلیسی، کیشینین اوشاقلیسی بارلی اولور.
آغاجلی کؤیو، سو باسماز.
آغاجلی کؤیون، سینی آز اولور. ( سینی: قبری)
آغا کی قولسوز اولماز، قول‌کی سوچسوزاولماز، آغاکی اولوقسوزاولماز. ( اولوقسوز: کرامتسیز. آغالیقسیز. گوزشسیز)
آغاران ساچلار، سارایغان اومودلار آغچانی آغچا تاپار.
آغچی آغینا دوشلی، کئچن گونلرساغرولور. ( آغچی: اووچو) .( ساغرولور: ایلقیملانیر، خیالا گلیر)
آغیر بارلی بوداق یئره یاپیشیر. (اَییلیر)
آغیر اولسا بیربؤلوک، پارچالاسان سوررسن.
آغیرین اوستوندن، یونگولون آلتیندان کئچ.( اؤزووو آغیرا وئرمه، گوجه سالما)
آغیزدا دیل، کؤنولده ایز.- کؤنولده ایسله‌ریز(حیسلریز) بو دیلله جوشور.
آغلاما اؤلویه، آغلا دیرییه. ( الیندن گلنی یاشایانلارا ائله)
آغلاماغی منه قالدی، یاغ ییغماغی سنه. ( منیم امه‌ییم بوشا گئتدی)
آغلاییب آغلاییب، گؤزو تؤکولمک( گؤزو کوراولماق)
آغمانسیز گؤزائل اولماز.( آغمانسیز< )آغماق:). اکسیک‌سیز .عایبسیز. قوصور).
آغ‌ قیز ساری قیز بیرده قاراقیز.
آغو دادار سئویلمه ین بال اولسا بئله.
آغزی اَیری اولماقلا، قوی بَی اوغلو سؤیله سین آغزی گوله قاپدین، پؤرته کولون سپدین. ( آلداتیب اوزه گوله رک قاپدین، یانیق کولو اوزه سرپدین).( قاشقایلی دیوانی)
آغزیندان چیخان یاخاوی توتسون. ( قارقیش) ( قارقیشین اؤزوووتوتسون . )
آغزیوا سیغان تیکن اولسون آل قیلیجین باتمانین، کسمه‌سده سیندیریر. ( چوخدان یاپیشیب، آزینادا قانیقماق.) (قانیقماق: راضی اولماق)
آلا قارقادان قاز چیخماز، سوغور گؤزدن یاش چیخماز. ( سوغور: کور)
آلاغیزین آغزیندا مرجی ایسلانماز. ( مرجی:مرجیمک.) ( آلاغیز: بیریندن بیرینه سؤز گؤتورن .قوغوجو. آرا پوزان. )

آلان الین اوزونلوغویئتیمده. آلچاق قورولموش کؤرپودن کئچمه.
آلدان گیرسه گوج، کؤچر دالدان دوز. ( آلدان: قاباقدان)
آلدیشماغا آلدیشما .( عادت ائدمیه عادت ائدمه)
آلدیشماماغا آلدیش. ( عادت ائلمیه عادت ائدمه)
آلغین کؤچر، دورماز یاخجی( یامان) کئچرقالماز. ( آلغین: قوناق)
آلی دئییرم، دالی دئییر. ( آلی: قاباغا. اوزونه). ( دالی

دئییر: گؤتو سسله نیر)
آلین دارتیب یاغییا، دوزلوک یالنیز دوسلوغا. ( آلین دارتیب: کلّه‌ ووروب. کلّه‌ گلیب). ( یاغییا: دوشمانا)
آلین یازیسی هئچ یاندا یازیلمامیش.
آلیناجاق قیز آی گؤرونور، ائوی سارای.
آلیشما آلیشماغا. ( عادت ائدمه، عادت ئدمیه)
آلما منده، نارمنده، هئیوا منده، نارمنده، سینم اوتاج توکانی، هرنه دئسن وار منده. ( اوتاج:عطار)
آلمادیم وئرمن، گؤرمه دیم بیلمن. ( وئرمن: وئرمره )( بیلمن: بیلمره)
آلمام اولسوندا، بئله قورتلواولسوندا.
آلمانی گؤرمه دن داش آتما.
آلتین توپراق قاریشسا، توپراق گولرآدلانار. ( آلتین توپراق: آیاغ آلتدا اولان توپراق.)

https://t.me/Adabiyyatsevanlar

«مثللر کورپوسو»
یازان:«محمد عظیمی»
سسلندیرن:«فاطمه محمودی»
مثللر کورپوسون هرهفته جمعه گئجه ادبیات سئونلر کانالیندان ائشیدین.

https://t.me/Adabiyyatsevanlar

«بابا_وزيراوغلو»
دئسن...

قورخورام يئنه ده آيريليق اولا،
گلیشین آیلارا، ایللره قالا.
بیر عؤمور باخارام سن گلن یولا،
بیر آخشام «یانینا گلیرم» دئسن.

عشقيمی، كؤنلومو وئرميشم سنه،
مين قوربان كسه‌رم سن گلن گونه.
«سئويرم» دئييرم من دونه-دؤنه،
نه اولار بيرجه يول «بيليرم» دئسن؟!

نه زامان چاغیرسان، گله‌رم او گون،
سندن بیر محبّت دیله‌رم او گون.
بلکه ده سئوينجدن اؤله‌رم او گون-
سن منه «دردیندن اؤلورم» دئسن...


https://t.me/Adabiyyatsevanlar

«علی طالبی»

گونوم آیدینلیغا چیخماز
سنه گون آیدین دئمه سم
حیاتیم اوزومه باخماز
سنه گون آیدین دئمه سم

سئوینج یئرین کدر آلار
اولماز اویونلارا سالار
اوره ییم آغریلی قالار
سنه گون آیدین دئمه سم

آغزیم گؤزومدن سو ایچر
سنسیزلیک باغریمی بیچر
گونوم آخ وای ایله کئچر *
سنه گون آیدین دئمه سم

سانما بوزام، سانما قارام
نفس وارکن سنله وارام
شاعیر عومرو یاشامارام
سنه گون آیدین دئمه سم

دایانار چیرپینماز اورک
گؤز یاشینی تؤکر دیلک
هر بیر آنیم کئچر " کؤورک "
سنه گون آیدین دئمه سم


https://t.me/Adabiyyatsevanlar

یئنی ایل قوتلو وموتلو اولسون.
یئنی ایلده عموم بشره امن امانلیق، باریش و عدلت آرزو ائدیریک.

https://t.me/Adabiyyatsevanlar

باش ساغلیغی

تانینمیش گنج بسته کار«توحید نوروزی» ابدی اولاراق بیزدن آیریلدی.
بوگون سحر تبریز شهرینده یاشایان مشکین‌لی گنج بسته کار، باغلاما اوستادی« توحیدنوروزی» قلبی آنفارکتوس اساسیندا 35 یاشیندا حیاتاگوز یومدو، بو آجی خبر بوتون صنعت اهالی‌سینی اورک‌دن سارسیتدی.
ادبیات سئونلر بو واخت‌سیز وعده‌سیز آیریلیغی نوروزی عائیله‌لرینه، موسیقی، ادبیات خادیم لرینه آدی قالارقی توحیدین دوسلارینا، قوهوم- اقرباسینا تسلیت دئییب، باش ساغلیغی وئریر.
ادبیات سئونلر 1400/10/11

https://t.me/Adabiyyatsevanlar

«رامیز روشن»

دونیا نه گونده یدی نه گونه قالدی،
اومید نه آللاها نه دینه قالدی،
کیم آخی دونیانی بو گونه سالدی،
کیم سالدی دونیانی قوز قابیغینا؟!

 
گون گلر دونیانین بوزو چارتلایار،
دونیایا باخانین گؤزو چارتلایار...
نغمه سی دئشیلر، سؤزو چارتلایار،
شاعیرلر سیغیشماز سؤز قابیغینا.

 
عؤمرون آخیرینا آز قالیر داها،
بیر ـ بیر تانیییرام دوستلاری داها،
آچیلیر هامی نین آستاری داها،
چیخیر یاواش ـ یاواش اوز قابیغینا.

 
...گوجلویم، یازیغام اؤز ایچیمده من،
هامی دان اوزاغام اؤز ایچیمده من،
قبریمی قازارام اؤز ایچیمده من،
آدیمی یازارام اؤز قابیغیما...
https://t.me/Adabiyyatsevanlar

طنز :« بویوک آغا افندی»

شیشیتمه
سن اونو دئیسن ... - سلام جئیران‌باجی بازاردان گلیسن؟ نه تئز قاییت‌دین هله ساعات اون بیر اولمویوب، نه آلمیسان؟ - سلام، باجین اؤل‌سون باجی، بیزیم کیشی‌لریمیز کیشی دئیل‌لرکی، ده‌ده‌م یان‌دی، قوْل‌دان دوش‌دوم تون‌به‌تین‌ـین اوغلو دئیه‌سن ات یئمه‌سه عملی آشماز! بیرآز ات‌دن قیویر زیوردان آلمیشام، سن هارا؟ - بازارا گئدیردیم، ات آلاجاغام. آللاه‌دان گیزلین دئییل سن‌دن نه گیزلین، بیز ار آرواد گونده بئش کیلو ات یئ‌مه‌ساخ دولانانماریق. بیزیم کیشی ات‌سیز خوره‌یه اصلاً دیلین‌ده وورماز. - سن اوْنو دئییرسن، کیشی‌لرین تیفاغی داغلیسین. او بیرزاد دئییل کی. بیزیم کیشی هرگون تک‌جانینا بئش کیلو اتی ائله صوبحانیه بیر یئرده یی‌یه‌ر دورار آیاغا. - سن اوْنو دی‌ییرسن؟ آی جیران باجی او نمنه‌دیر کی، بیزیم قردش‌گیل بیر آزدا اوشاق‌لی‌دیلار، گون‌ده ناهار بیر قویون کسمسه‌لر ائولرینده قان سو یئرینه گئده‌ر. - سن اوْنو دی‌ییرسن؟ جاوان جانیوا آند اوْل‌سون، بیزیم قولام‌حوسئن هرگون ساعات دؤردده گئده‌ر ساللاخ‌خانیه بیر جانلی بیزو کسدیریب گتیره‌ر ائوه کلّه‌پاچاسین صوبحانیه، قالانین‌دا ناهاراجا یاوان‌یاوان اوجاق اوسته یی‌ییب دورارلار آیاغا. اوغلان‌لاری‌نین پئیسری ائله‌بیل مال پئیسری‌دیر. اویان بویانا دؤنمز. - سن اوْنو دی‌ییرسن؟ رحمت‌لیغین قیزی خبرین یوخ‌دور بیزیم یوسوف‌گیل‌دن دئسم اینانماسان. یالان دی‌یه‌نین ائوی ییخیل‌سین، بالالاری اؤل‌سون، دونن سحر یئکه بیر اینه‌ک کسمیش‌دیلر، ناهار چاغی ائولرینده ات اوسته داوایدی. خرابادا بیر پونزا ات تاپ‌ـیلمیردی. گؤزه سورت‌ماغا ائوی ییخیل‌مامیش‌لار ائله‌بیل اؤژدورله‌ر. - سن اونو دی‌ییرسن؟ یازیق گؤرمه‌می‌سن کی یالان دئ‌سم بئله سحره چیخ‌می‌ییم، اوچ بالامین جان‌ـینا آند اولسون، بو اؤلو اوزومه باخاسان، بیزیم زولئیخاگیل گونده ناهارا بیر ده‌وه، شاما بیر ده‌وه، ناهارا بیر ده‌وه شام بیر ده‌وه. دیی‌ییرم قارین‌ـیز شیش‌سین بیر بئله اتی نجور یی‌ییرسیز آخی؟ - سن اونو دی‌ییرسن. کاش بیر دفعه یولون دوشه بیزیم رجب‌گیله گؤره‌سن یئماخ نه‌جور اولار. باخماها اونون بیر قاریش بویونا، یالان دئسم ایکی گؤزوم کور اولسون. سنین جان‌ـیوا، بالالاریمین جان‌ـینا. بالالاریوین جان‌ـینا جوان قارداشیمین جان‌ـینا، جاوان قارداش‌ـیوین جان‌ـینا آند اولسون دیلیم لال اول‌سون ایه بیر کلمه یالان دئسم، نفر حئسابی هرگون آداما صوبحانیه ده‌وه ناهارا ده‌وه، شاما ده‌وه یئمه‌سه‌لر او گون آخشام اولماز. تون‌به‌تین‌ـین قیزینا دی‌ییره‌م آخی نه خبریزدیر؟ بیر بئله ده‌وه یی‌یه‌رلر؟ دهوه یئماخ‌دان اؤزوزده ده‌وه اولموسوز. موْیدا دئ‌ییر قرده‌ش‌ـیوه دئ با، بیر گون ده‌وه پیشرمه‌سم منی بوشار. باغیشلا جئیران باجی بیر آز ترتلسیک اولدو ایجازه وئرسن گئدیم ایندی کیشی ایشدن، اوشاخ‌لار مدرسه‌دن گله‌رلر. اه، کیشی‌لرین آتاسینا لعنت. قوی‌مازلارکی آدام ایکی کلمه دانیش‌سین، سنده کی همیشه آدامین سؤزون یاری یاریم‌چیلیخ قویارسان.
https://t.me/Adabiyyatsevanlar

سلام یئتیر
علی پر مئهر


https://t.me/Adabiyyatsevanlar

«آتیلا کیشی زاده»
وارلیغین ماویلییی اپریدی پاسلاندی قاییت
گؤزله دی باخمادین هئچ آینادا کاسلاندی قاییت
تاخچادا توز بوروموش سازلاری کیم دیندیره جک
بابامین غئیرتی دیر تاخچادان آسلاندی قاییت
بو یاساق ساز دا منیم دوستاق اولان شعریم تک
بیر چیچکدیرکی قیشین شاختاسینی داندی قاییت
گله جکدیر دئیه تانریم سنی سؤز وئرمیش ایدی
آللاهین دا بو گئجه گؤزلری ایسلاندی قاییت
بیر یاشام لیق منه جان وئر بو قبیرلیک لردن
بابکین مئییتی نین اؤرتویو آل قاندی قاییت
چییرییب جمده ک اتیندن دلی سوو میصری قیلینج
ایلدیریم قایچی سی دیر لئش یئمه یی ماندی قاییت
گلسنه قان تولوغو توش ده قیلینجین دیلینه
گل ساعات بومباسی گل،گل قوزو قورباندی قاییت.
https://t.me/Adabiyyatsevanlar

مجموعه فرهنگی هنری تالار تربیت باهمکاری انجمن موسیقی آذربایجان شرقی برگزار می کند.

شب «تار» آذربایجان و نکو داشت مقام هنری استاد« شهریار صدیق»
زمان: پنجشنبه 1400/10/23
ساعت: 18
مکان: تبریز میدان دانشسرا مجموعه فرهنگی هنری تربیت.

https://t.me/Adabiyyatsevanlar

«رسول یونان»
اوزون منه قاطار بلیتی آلدین
اوزون چانتامی باغلادین
والیمه وئردین
هاچانادک الینی ترپه ده جکسن
آشاغی گتیر الینی
قوی گئدیم
ایللردیر یولون باشلانیشیندایام
وچینیمده یوواقوروبدور
بیر قارا قارقا.

https://t.me/Adabiyyatsevanlar

«دومان بختیاری»

قورخورام گوزلرین آوانقارد اولا
بیر گئجه من‌سیزجه دوشه یول‌لارا
آپارا داغیدا آیاق سسیمی
دمیر یوخولارا شوشه یول‌لارا

قورخورام قورخورام یازیمیز یانا
سینیردان سینیرا داشا دردیمیز
کسیله شعریمین چارا ال‌لری
چئوریله مین واراق یاشا دردیمیز

قورخورام گؤزلرین گؤزومدن دوشه
یاپیشا الیمدن، آپارانمایا
دوشونه یاشامدا غریب بیر سسی
منی اؤز کؤکومدن قوپارانمایا

بو سوسیال قاپی‌دان، بو دار باجادان
گؤزله گؤزلرینی چیخیب قاچماسین
قاچسا دا هر گلن یادا یالتاغا
اورک باغلاماسین الین آچماسین

ساختا دونیامیزین، گؤز گیله‌سینده
قاراسینی دوشون آغینی دوشون
ائلینین دردینی چک شله‌-شله
دوداغینی دوشون داغینی دوشون


https://t.me/Adabiyyatsevanlar