سسلی شعیر گئجه‌سی 1400/10/4
شعیر : نریمان حسن‌زاده
سس: سالار موغانلی

https://t.me/Adabiyyatsevanlar

سسلی شعیر گئجه سی 1400/10/4

سس و سوز:«زمان پاشازاده»

https://t.me/Adabiyyatsevanlar

سسلی شعیر گئجه سی1400/10/4
سوز:«حبیب ساهیر»
سسلندیرن:«آیدین تبریزلی»

https://t.me/Adabiyyatsevanlar

سسلی شعیرگئجه سی1400/10/4
شعیر:«یانیس ریتسوس»
سسلندیرن«:آیدین تبریزلی»

https://t.me/Adabiyyatsevanlar

سسلی شعیر گئجه سی 1400/10/4

سس و سؤز:«کریم_احمدیان_شاهید»

https://t.me/Adabiyyatsevanlar

✅✅✅سایین کانالداشلار

سسلی شعیر گئجه سینه گوندریلن دیکلمه لری عزیز قوروپداشلاریمیز، کانالداشلاریمیز... گوندریرلر ادبیات سئونلر شعیرلرین (محتوا) سیندا یا دیکلمه لرین کیفیتینده دخیل دئییل.

https://t.me/Adabiyyatsevanlar

تبریک لر، اوغورلار
بوگون ادبیاتیمیزین تانینمیش سیماسی سئویملی (شاعیر، یازیچی، آراشدیریجی..) اوستاد «همت شهبازی» نین آد گونودور ادبیات سئونلر سایین قلم داشیمیزا اورک ائویندن« آد گونونوز قوتلو وموتلو اولسون دئییر»
ادبیات سئونلر1400/10/5

https://t.me/Adabiyyatsevanlar

ثریا_خلیق_خیاوی

قادینقوش


شعرده اویانماق‌‌سا، اووونماق دئمک‌دیر
باش‌آچیرام ائوده دولانان سس‌‌لردن
شعرله دولماق ایسته‌ییرلر


باش‌آچیرام
من‌ده دولانان سن‌دن
ایسته‌مک دئمک‌دیر دولانماق


آنلاییرام کوله‌یین یورغون داورانیشینی
نه‌لر توپلاییب گؤرونمه‌ین گؤوده‌سینده
سلام


ل

س ا اسیر اطرافیمدا

م


ساچ‌لاریمی اتحاف ائدیرم
حؤرمت دئمکدیر کوله‌یه باش‌آچماق

ایسته‌میرم بالینا بئلینده بیتن آدالاری!
سسینده دولانیرام
یووام سسی‌نین اوزرینده
آدیم‌سا قادینقوش...

https://t.me/Adabiyyatsevanlar

فولکولور
آتا بابا سوزلری، مثللر، دئیم لر...
ادبیات سئونلر کانالیندا
زمان: هرهفته جمعه گئجه
ساعات: 21

https://t.me/Adabiyyatsevanlar

«سحر_خیاوی»

ایسلاق آنیلاریم...

ایسلاق آنیلاریمی
سَرمیشم جانسیز قیش گونَشی‌نین شریتینه
آنیلاریم کوف گئدیر شریتده،
کؤنولسوزجه
دیوار اوستونده بیر پیشیک،
حوزونلو باشینی تووولاییر منه
ننه‌لیکدن تنبئه گورموش اوشاق کیمی‌یم،
قورومور گؤز یاشلاریم
تؤکولمور کؤکسومو آغیرلادان داشلاریم
آسلاق قالمیشام آنیلاریمدان،
ایسلاق قالمیشام فصیل‌لرین یول آیریجیندا
بوشلوقدان دولودور یاشام.
ساختادیر...
ساختادیر... بو گونَش،
ایسیندیرمیر منی
گؤزلرینین قوووران گونشی اولماسا!!

https://t.me/Adabiyyatsevanlar

ادبی تنقید
چهارشنبه گونو: 1400/10/8
ادبیات سئونلر کانالیندا

حیکایه‌نین بیتیب-توکنمزلییی، یا خود " آتامین نوبل نیطقی"- آیخان آیوازین حیکایه‌سی حاققیندا...
✍یازان:«جاوانشیر یوسیفلی»
کوچورن:« سحرخیاوی»
حاضیرلایان:«ادبیات سئونلر»

https://t.me/Adabiyyatsevanlar

موشتولوق
الکترونجا نشر ائتدیمیز "ائلدارموغانلی ادبیات سئونلر گوزوگوسونده" (60یاشین شرفلی حیات یولو) بوگون 1400/10/6تبریز شهرینده انتشارات حکیم نظامی گنجه‌ای طرفیندن رسمی اولاراق نشر اولوندو.
سایین ادبیات سئونلر عائیله‌سی بوکیتابی تبریزده حکیم نظامی گنجه‌ای انتشاراتیندان و مختلیف شهرلرده تانیمیش معتبر کیتاب ساتیش ائولریندن الده ائده بیلرلر.
اوخوجوسو بول اولسون دئیه کیتابی نشره حاضیرلایان قوروپداشلاریمیزدان: اوستاد همت شهبازی، کریم قربانزاده، مرجان مناف‌زاده و ویداحشمتی دن اورک ائویندن تشکور ائدیریک.
ادبیات سئونلر

https://t.me/Adabiyyatsevanlar

ادبی تنقید
چهارشنبه گونو: 1400/10/8
ادبیات سئونلر کانالیندا

حیکایه‌نین بیتیب-توکنمزلییی، یا خود " آتامین نوبل نیطقی"- آیخان آیوازین حیکایه‌سی حاققیندا...
✍یازان:«جاوانشیر یوسیفلی»
کوچورن:« سحرخیاوی»
حاضیرلایان:«ادبیات سئونلر»

https://t.me/Adabiyyatsevanlar

حیکایه‌نین بیتیب-توکنمزلییی، یا خود " آتامین نوبل نیطقی"- آیخان آیوازین حیکایه‌سی حاققیندا
✍یازان:«جاوانشیر یوسیفلی»
کوچورن:«سحرخیاوی»
حاضیرلایان:«ادبیات سئونلر»

حیکایه‌لر هئچ زامان بیتمیر، یعنی معلوم سونلوغو اولسا دا بیتمیر، داها دوغروسو، توکنمیر. هر بیر حیکایه اؤزجه فینالیندا دونیانی گزیب- دولاشان گرچک‌لیگین جانینا هؤرولن باشقا بیر احوالاتلا تماس تاپیر، اونونلا بیرلشیر و همین احوالاتین حیکایه‌یه چئوریلمه‌سی ده ائله بو مقامدان باشلاییر. معلوم فرضیه، یا خود نظری فیکره گؤره(جویس کرول اوتوس، "حیکایه صنعتی") ایچینده دولاشدیغیمیز، نه اولور اولسون، بیر گون تنها قالدیغیمیز گرچک‌لیک اینسانا بس ائتمیر(بلکه ده چاتمیر، " ایضاح، آیدینلانما اوچون باشقا نه‌لره سه احتیاج یارانیر-!")،
اوندان دویوب قورتولماق ایسته‌ییر و بئله اولدوغو اوچون ده اؤزوندن ناغیللار اویودور. ناغیللار نفسله گلن سئحرین گوجونون سون نوقطه‌سینه(گویا!) چاتار- چاتماز حیکایه‌یه چئوریلیر. ناغیللارین اوولینده کی جومله(بیری واردی- بیری یوخدو -- اولان شئیی بیر ده اویدورورسان، هم ده اوز ایسته‌دیگین کیمی...) دونیانی، گرچک‌لییی اؤتوب- کئچمه‌یین هاواسی‌دیر، باشقا بیر شئی دئییل‌دیر. حیکایه ده کی هر بیر فراقمنت(حیصصه) باشقا آنجاق ایندی بوردا(همین فراقمنتین)یانیندا اولمایان دیگر فراقمنت‌لرله موقاییسه‌ده اثرین بدیعی توخونماسینا هؤرولور، اوردا ابدی اولاراق ایتیب- باتیر. کیمسه یاشینین معین حددینده طالعی‌نین اساس حادیثه‌سینی (ماهیتینی، اونو بلیرله‌ین خاصه‌نی!) اوزه چیخارماق اوچون نئیه محض هر دفعه هانسیسا افسانه‌دن استفاده ائدیر، اولمایان، یالنیز خیالین، یاراتدیغی متنلره اوز توتور؟
چون کی هامی‌نین بئزدییی بیر شئی وار: گرچک‌لیک‌. حیکایه‌لر گرچکلیک‌دن بیر یوللوق قورتولماغین ان موناسیب یولودور(بونو دونیا ادبیاتیندا ایلک دویان، سهو ائتمیریک سه، "ادگار آلن پو" اولوب، حیکایه اونون اوچون جیددی و خصوصی بیر شئی ایدی)، حیکایه یازیرسان اورا اؤز طالعیندن نه‌لر سه نقل ائدیب قویورسان، سونرا بونون اوستونو- آلتینی ائله اؤرتمک ایسته‌ییرسن کی، گویا باشقا بیریسی‌نین باشینا گلیب و سنین‌له قطعی باغلانتیسی یوخدو. حیکایه‌نین بو گیزلین، بو سیرلی طرفی در حال"گرچک‌لیگین طرفینه" کئچیر، سنی اورا دارتیر، دئمه‌لی ایکی قوووه عینی زاماندا فعالیت گؤستریر: حیکایه یازماقلا گرچکلیک‌دن قوپماق حسرتی، بیر ده سنی اورا چکن قوووه. ایکیسینی ده سن اؤزون یارادیرسان، دئمک اصلینده مؤللیف یوخدور، طالع اولان یئرده نه مؤللیف؟
هله قدیم دونیانین بعضی سیرلریندن، اولموشلاریندان عموما خبریمیز یوخدور. اونلارین چوخو نئجه دئیه‌ک سو آلتیندا قالیب، قدیم دونیادا ائله میستیک(سیررلی) یا خود رئال داستانلار اولوب کی، بونلارین قلپه‌لرینی جانیمیزدا گزدیرمکدن خبریمیز یوخدو‌. بیزه هر دفعه حیکایه یازدیران، ایچیمیزه قفیل دولان حیسلری متنه چئویرمه‌یه وادار ائدن بیر گوج وار، بونون آدینی تام بیلمه‌سک ده، الیمیزله اونا توخونا بیلمه‌سک ده، وار، دئمه‌لی اوزه چیخان متنه چئویرمه‌لی اولان نسنه‌لرین آرخاسیندا سؤزله ایفاده ائدیلمه‌ین، ائدیله بیلمه‌ین، دالغالار کیمی(ایشیق، سو، هاوا، تورپاغین تکینده کی) گئدیب- گلن بیر انرژی منبعی وار.
مقاییسه دوز اولماسا دا بئله بیر چیخاریشا احتیاج وار: بیزده محض شهریارین" حیدربابایه سالام" پوئماسی دیگر ژانرلار کیمی( حیکایه، رومان، ناغیل، افسانه)ده اوخونماغا(اؤزو ده عینی زاماندا!)لاییق‌دیر.
آدی چکیلن اثرده ال دیمه‌میش، سانکی حاققیندا هئچ زامان بحث ائدیلمه‌میش، دانیشیلان دیللرین آلتیندا قالان، داریخان، حسرت چکن بیر دیلین نواسی یاتیر. بلکه محض بو پوئمادا ان قدیم دونیانین مدنی ساده‌لوحلوغو( یعنی یازینین اولمادیغی زامانلارین!) ناغیلی دانیشماغین، افسانه قوشماغین انرژیسی وار و ائله بونا گؤره ده بو باره‌ده نه قدر ماهنیلار یارانسا دا اؤزو- اؤزونو گؤزدن سالماق کیمی گؤرونور. بئله بیر متن یالنیز بیرجه دفعه یارانیر و هر شئیی عوض ائدیر و هر بیر ژانردا اؤزونه مخصوص شکیلده دیلله‌نیر.
حیکایه‌ده حادیثه‌لرین انکشافی داخیله یؤنلیر، هر شئی، هر بیر حرکت و دینامیکا اونا گؤره موجوددور کی، هانسی مقامدا سا عینی بیر نوقطه‌یه، فوکوسلانسین(متمرکز اولسون)، هم ده سانکی اوولجه‌دن بئیینده قورولان پلانلا(تناسب).
حال بو کی بو؛ ساده‌جه بئله گؤرونور، هئچ بیز پلان موجود اولمور. سونرا متنده بیتن، سونلوغو گلن حیکایه‌لر وار، بیر ده اوخوجونون بئنینده، دوشونجه‌سینده داوام ائدیب، نهایت، سونلانان حیکایه تیپی.

روماندا معنالار، یئنی حادیثه‌لرین بیر "بورولغان" ایچینده انکشاف ائدیب( داخیله یؤنه‌لن سوژه) یاراتدیغی قناعت معنالار متنین سونونا قدر ایفاده اولونور و نوقطه قویولار- قویولماز همین معنا کادر آرخاسینا کئچیر کی، یئنی مطلب‌لر چؤزولسون. حیکایه‌ده بئله بیر پرسپکتیو یوخدور، حیکایه محض بیر جومله‌لیک قناعتی رد ائدیر، چون کی حیکایه‌ده آچیلا بیلن فانتازیا میثلی- برابری اولمایان آتمسفر یارادیر، سوژه‌نین یاراتدیغی، اعمال ائتدیگی معنا داییم یارانما، فورمالاشما پروسه‌سینده اولور و بیتمیر، حیکایه‌ده کی بو توکنمزلیک اونون پوئتیکاسی‌نین ان مکمل علامتی‌دیر، بونسوز حیکایه یوخدور. " مین بیر گئجه ناغیللاریندا" داییم سینه‌یه سیخیلمیش یای گؤررسینیز، آمما او یای هئچ زامان آچیلمیر، سوژه گرگینلییی داخیله یؤنه‌لیک قایدادا سانکی قیزیل بیر الین حوکمو ایله برابر پُرسیالاردا پایلانیر و محض شفاهی‌لیگین قوردوغو پلان، ایشلتدیگی "بیجلیک‌لر" داوام ائدیر، یعنی بیتیب توکنمیر. حیکایه بیر ژانر کیمی انرژیسینی بو کیمی منبعلردن آلیر. حیکایه‌ده محض شفاهی قات گوجلو اولدوغوندان اوخویان کیمی آلدانیریق، رومان آنجاق بیزه شوبهه‌لنمه‌یی اؤیره‌دیر. شعرلری چیخماق شرطی ایله" ملا نصرالدین" ژورنالیندا کی لطیف یؤنوملو متنلرین چوخوندا( ائله ژورنالین یاییملادیغی خبرلرده ده) ها بئله بهلول داننده‌نین لطیفه‌لرینده، بو قیسا فراقمنت‌لرده هر شئی، بوتون سوژه ائلئمنت‌لری( عنصرلری) بیربیرینه ائله هؤرولور کی، نظرده توتولان معنا "قاچماسین".
بو گؤزله‌نیلمز معنا افکتی‌نین(تأثیر) دونیا قدر یاشی وار.
حیکایه‌ده دئمک کی، چخوفون " آلتینجی پالاتا" حیکایه‌سینده، یا خود میرزه جلیل‌ین"پُست قوطوسو"ندا بئله بیر " سسلی افکت" یوخدور، اولا دا بیلمز، بو متنلرده بیربیرینه چارپازلاشان(داخیلن گؤرونمز دالغالارین قوینوندا!) حادیثه‌لردن نیت محض همین گؤزلنتینی آرادان قالدیرماق‌دیر. بو معنادا بعضن بو تیپ حیکایه‌لرین سون جومله‌سی شرطی- مئتافوریک(مجازی) معنا یوکونو مالیک اولور. اوخوجونون بئینینده داوام ائتمک خاصیتینی داشیییر(خان بیر قدر فیکره گئتدی... میرزه جلیل‌ین پُست قوطوسو).
آیخان آیوازین"آتامین نوبل نیطقی" حیکایه‌سینه باخاق. بو حیکایه‌ده مئتافورا یاراتماق و اوندان قاچماق وار، مقصد آیدین دیر.
یوخاریدا دئدیگیمیز کیمی هر شئی سوژه‌نین بوتون ائلئمنت‌لری بیر نوقطه‌یه فوکوسلانارکن لاپدان داغیلیر، باشقا بیر حادیثه سیراسی گلیر، کیتاب رفینده کی کیتابلارین بیربیرینه سوکندییی قایدادا معنالار بیر آنا متنه هله‌لیک آدینی بیلمه‌دییمیز مکانا اوتورور. آنجاق بیر کیتاب رفی مئتافوراسی داها چوخ حیکایه‌ده کی بیر وضعیته اویغون گلیر. مؤللیف کئچمیش‌له گله‌جه‌یی توتوشدورور، دئییر کی اوشاقلیق گئری قاییتماق مومکون اولان بیر یئردیر‌. گله‌جک گلمه‌یه‌ ده بیلر، یعنی بیزیم تصور ائتدییمیز کیمی.گله‌جک له باغلی هر شئی یالان اولا بیلر." آمما کئچمیش ائله دئییل، هر شئی آرشیو مادده‌لر کیمی آرخادا دوروب، بیر بالاجا ییرتیلدیمی هر شئی تؤکولوب اوستونه گله‌جک. کئچمیش اوستونه بیربیر یوخ، قوشون- قوشون، الی قیلینج‌لی گلیر. ائله‌جه تانیش داشلار، آغاجلار، آداملارین اوزو، یادیندان مئه کیمی اوتوب کئچیر، گؤزونه قور کیمی دولور.
اوزاقدا دایانیب اؤز وارلیغینی سنه خاطیرلاتماقدان یورولوب اوسانمیر".
بو پرسوناژین(شخصیت داستان) داها دوغروسو تحکیه‌نین دوشونجه‌سینده سارپما نوقطه‌سی‌دیر. مقصد ایره‌لییه گئتمک، ایلغیم شکیلده گؤرونن داها چوخ خیال ائدیلن بیر نسنه‌نین گؤرونتوسونو آلماق، اونو اولدوغو کیمی نماییش ائتمک‌دیر. یعنی حیکایه‌ده بو کیمی نوقطه‌واری" دولاشیق یئرلر"(کئچمیش گله‌جک...) سونرا کی حادیثه‌لرین حسابینا اته- قانا دولمالی، داها دا درینلشمه‌لی دیر. اگر عکسینه اولارسا، یعنی همین مهم نوقطه ائله سطحده ایلیشیب قالارسا، متن احوالات بورولغانی ایچینده باتمیش پابلیسیستیک دن(عموم دوشونن) فرقلی بیر شئی اولمایاجاق دیر. شوبهه‌سیز کی حیکایه‌ده معنا دورولدوغو یئرده قالمیر، آمما نئجه؟
البته آیخانا مخصوص بیر شکیلده.
کؤورلمه‌سی یوز مئتیردن گؤرونن آدام سیگارتی بالکوندان حیطه آتیب اوتاغا کئچیر، اوشاقلار اللرینده استکان منتظر دایانیبلار. چاخیر اوچون.
اونوتمایاق کی بو خیالن نوبل موکافاتی آلان سینه‌سینده اوشاق اوره‌یی گزدیرن یازیچی‌نین خیالی نیطقی‌دیر. شوبهه‌سیز کی بو تیپ یازیچی هر دئدییی فیکری ایضاح ائده‌‌جک، هر سؤزه خصوصی معنا وئرمکدن یورولمایاجاق، آرادا بایاقوی گؤز یاشلارینین دالینجا دوشوب کندده، قونشودا تراکتورلا یئر شوملایان کیشی‌نین حیطینی آنجاق، بیر ده آغ- آغ چیچک آچمیش آلبالی آغاجلاری و اونلارین اوستویله اوچوشان آریلارین ویزیلتیسی.

طبیعی گؤرونمز دییه، آری ویزیلتی‌سینی هئچ جوره متندن چیخارماق اولماز. او منظره حیکایه‌نین، داها دوغروسو، متنین درین‌لیگینده‌ کی معنا اوچون فوندور(اساس). قهرمانین یادا سالدیغی اوشاقلیق خاطیره‌سینین شکلینی چکیب چرچیوه‌یه سالساق و اونو هارا توتساق بو دانیشیلان احوالاتین باشقا بیر واریانتدا داوامی گله‌جک، آنجاق بوتون وئرسیالاردا(روایت) او آدامین گؤزلرینه موطلق یاش گلمه‌لی دیر. بونسوز مومکون دئییل، بو فون هم ده آپوزیسیا(تقابل) یاراتماق اوچوندور. باخین بیر طرفده کؤپوکلو سویو حسرتله جانینا چکن تورپاق- وطن پارچاسی، دیگر طرفده صحرالیق، بو دا وطن‌دیر آمما حریص و حارام آداملارین چوخ اولدوغو یاد بیر یئر. " من مهتر آتی تانییان کیمی، چاخیری بیر قورتومدان تانییارام. قوی اوشاقلار بیر- ایکی استکان ایچسین‌لر، ضرری یوخدو، هم ده چاخیر اونلارین وطنی‌نین شیره‌سی، تورپاغینین خصوصی دادی، بلکه ده اؤزودور. هر استکانی قالدیراندا ائله بیل چاخیری یوخ، یالنیز منه مخصوص گونون، تورپاغین، چایین، اؤتن یای وادیه یاغان یاغیشی، بویلو بولودلاری، کئچمیش گونلری و بو چاخیری دوزلدن آدامین اوقاتینی ایچیرم. و بو چوخ گومان قورو، جادار- جادار اولموش تورپاغین کؤپوکلو سویو نئجه جانینا چکمه‌سینه بنزه‌ییر.
منیم یوردوم، منیم تورپاغیم، سویوم، هاوام، نه واردی هامیسی اوردا قالدی. بوردا بو قیسیر، هئچ نه دوغمایان قومسال شهرده سودان چیخاریلیب کنارا آتیلمیش بالیق کیمی چیرپینا- چیرپینا قالمیشام. هاوام چاتمیر. پول چاتمیر. داییم نه ایسه چاتمیر".
ایکینجی سیرادا بو منظره‌نین عکسی گلیر و فوندا کی شکیل، گؤرونتو ماکزیمم درجه‌ده قارالیر. اوره‌ییمین درین‌لیگینده اونو دا بیلیرم کی بو پیسلیک‌لردن قورتولماق مومکون دئییل، بورا باتاقلیق کیمی بیر یئردیر، هر شئیی بوتون یاخشی نه وارسا هامیسینی ایچینه چکیب هوپبادان اودور، یالنیز یالتاقلیق، یالنیز مخنث‌لیک، یالنیز گئری‌ده قالان نه قدر پیسلیک وار، هامیسی بوردا دیر. بورانین هاواسی دا عفونت قوخویور..." هر ایکیسینده هوپماق، هوپدورماق، جانینا چکمک...وار. طرز عینی‌دیر، معنا باشقا... بیر ده بئله بیر مهم نکته ده وار و ظنیمجه همین مقام معنالارین یارانیب داغیلدیغی آنی گؤزل نماییش ائتدیریر.
حیکایه‌نین چوخ یئرینده سان کی فیکیر قیریلیر و نقطه‌لر گلیر..‌. بو متنین درینلیگیندن گلن متن دیر. سون جومله‌ده بو دوگون آچیلیر. هامینیزا تشککور ائدیرم آمما باغیشلایین داوامینی اوخویا بیلمیه‌جم.
https://t.me/Adabiyyatsevanlar

مسعود(یاشار) فروغی

📚اویکوجوک : چیلغین (دلی_دولو)

آداملار: _" آی چیلغین کیشی! نییه سن اوسلو آداملاردان قاچاخسان؟" سورغونلودولار.
چیلغین کیشی_ اَلین دیزینه چالیب، قاققیللادی. سونرا خئیلک گولرکن، اَلین اوزون بوی ساققالیینا
چکییب_ داها سوسلاندی.
آداملار:_" آی چیلغین کیشی! به نییه به _ سن بیزیم سوزه یانیتلانمیرسان هه؟" دئدیلر.
چیلغین کیشی یئنه خئیلک گولدو. سونرا قاققیللاییب گولومسه ییرکن :_" چونکو... هح،
هح،هح... چونکو...هوح،هوح،هوح... اونلاردا ...
هح،هح،هح...اونلاردا...هوح،هوح،هوح...مندن ... هح،هح،هح... مندن...هوح،هوح،هوح... مندن ... هح،هح،هح... قاچا...هوح،هوح،هوح... قاچاق ... هح،هح،هح...قاچاقدییلار...هوح،هوح،هوهوح!..." دئدی. سونرا اوزیله نئچه یول برک ایدن:_" هیح!هیح!هیح!هیح!..وویی!وویی!وویی!وویی!.." دئدی.
چیلغین کیشی هیرتیللییارکن_ خئیلک باشین توولادی.او چومباق الینده آخسییا_آخسییا یولون چکییب،گئتدرکن اوزیله:_"..هح،هح،هح..سووخا!..
هوح،هوح،هوح... ماغیل ...هح،هح،هح... ماغیل... هوح،هوح،هوح... واللاه!...هح،هح،هح... سووخا!...
هوح،هوح،هوح... ماغیل...هح،هح، هح... واللاه!..." بیر نئچه یول دئیین ایدی. سونرا گئینه ده _ داها خئیلک گولدو.:_"...گئینه ده_... هح،هح، هح... بیر بویله...هوح، هوح،هوح...هوی!هوی!هوی! اورون... هح،هح،هح...هوح،هوح،هوح... چیلغینلاری!... هح،هح،هح.. منه ..هوح،هوح،هوح،هوهوووح!..
نه قمیش...هح،هح،هح،هح... اولوبسونوز...هوح،
هوح،هوح،هوهوووح!...هئی!هئی!هئی!...هح،هح،
هح،ههح!.. ساققالییما ...هح،هوح،هح،هوح،هح،
هوح... گولورسونوز...هوح،هوح،هوح،هوح...هح،
هح،هح،هح...هوح،هوح،هوح،هوهووح..."اوزیله گئینه ده_ خئیلک دئیین ایدی..
سونرا چیلغین کیشی چملی_ دومانلی خئیاوان نین دیبینده چاشقین_چوشقون گوزلردن ایتددی.
ساچی_ ایتدرکن هله ده _ اونون قورخوسو بیر قارا کولگه کیمی آداملارین جانیندا گیزلنمیشکن_
هئی سهمان_ سهمان(ساهمان) یئرله شیریر ایدی.

سوزجوکلر: اوسلو: 👈 بیلیجی _ عاغیللی/ یانیت: 👈 جاواب/ ماغیل: 👈 بیر کسین بیر ایشه قصدی اولماق،آنجاق اوندا چاغی اَلدن وئرمک همده_ همن ایشده اوتدوزماسی، ایناندیرماسی# قارشیسیندا# ایندیرماماسی_ آذربایجان تورکجه سینده چوخ(خئیلی) آنلاملاردا ایشلنیری. سانکی بو ترمین(اصطلاح) دری(تاجیکی) لهجه سینده یوخدور. آنجاق بو سوزجوک تورکجه ده هابئله
اونون 35 دیل شاخه لرینده_ چوخلو آنلاملاردا ایشلنیریی./🔹اور:👈 شهر/🔹ساچی:👈سانکی،
بو ترمین(اصطلاح)تورکجه ده_جئیغاتی دیلجیکی
(لهجه سینده) ایشلنییری.

https://t.me/Adabiyyatsevanlar