طنز:« ناظر شرفخانه ای»

یاتمیشدیم آی اوغلان قاپی تاققیلدادی بیردن
اعضا و جوارح هامی شاققیلدادی بیردن

چیخدیم قاپیا تا گؤرم او هئیوره کیم دیر *
گؤردوم ساری بیر ایت دی کی واققیلدادی بیردن

واققیلدی ائله سالدی منیم جانیما قورخو
مسکین اوره ییم سینه ده پاققیلدادی بیردن

باسدیم دابانا تا کی اولام پستی ده پنهان
آرواددا گؤروب حالیمی قاققیلدادی بیردن

آرواد ائله قاققیلدادی، قاققیلدی سسیندن
دام - داش دا کؤکوندن هامی لاققیلدادی بیردن

*هئیوره:قانماز

https://t.me/Adabiyyatsevanlar

«نریمان_حسن_زاده»

ائله دايانيرسان، ائله باخيرسان،
ائله بيل قارشيندا قورو بير داشام.
ايپک ساچلارينی بير واخت اوخشايان
ائله بيل هارداسا من اولماميشام.

سنی دوستلاريملا، تانيشلاريملا،
من تانيش ائدرديم نه واختسا بير-بير.
ايندی اؤزگه‌لری، ياد احترام‌لا،
دئييرلر تانيش اول...
نه غريبه دير؟!

يوخودا گؤرردين نه واختسا هر دم،
يولومو گؤزلردين يوللاردان اوزاق.
من سنين يوخوندان چيخيب گلميشم،
بو دا بير يوخودور، گل تانيش اولاق.

قولونا گيررديم... بو، ياديندادير،
گئدرديک... يولوموز، آرزوموز شریک.
قولوم قوللارينين لاپ يانيندادير،
توخونسا، بيز ايندی عذر ايسته‌ييريک.

هاياندا اولدومسا سحر، يا آخشام،
آرادين سن منی، گؤردون سن منی.
ايندی گؤزلرينين قاباغيندايام،
هاياندا دوروم کی،
گؤره‌سن منی؟


https://t.me/Adabiyyatsevanlar

‏یومور: چیلله

https://t.me/Adabiyyatsevanlar

‏طنز: چیلله
«نیما، شیما»

https://t.me/Adabiyyatsevanlar

«اولدوز خانیم صداقت»

حکیم اجازه وئر دوروم یئریمدن
گئدیم بیر دویونجا گزیم قاییدیم
او داغلارین مئهی دولسون سینه‌مه
تک بیرجه بنؤوشه اوزوم قاییدیم

قورخما گول شئهینده آیاق اوشویه
نظر سالیم او اورمانا مئشه‌یه
آیاغیم ایلیشسین داشا کسه‌یه
ائنیشده یوخوشدا بئزیم قاییدیم

قالخیم چیخیم هاچاقایا داشینا
چن گلیبمی چالمالینین باشینا
قوشولوم قارتالا قیرقی قوشونا
دویونجا سمادا سوزوم قاییدیم

اوردان باخیم آلی دئیین داغ‌لارا
سو چیله‌ییم او یییه‌سیز باغ‌لارا
بیر آنلیغا دؤنوم اؤتن چاغ‌لارا
او گؤیچه گؤلونده اوزوم قاییدیم

چینقیل اولوم داغ‌لارینا دوزولوم
یووشان اولوم تورپاغینا ازیلیم
حک اولونوم هر داشینا یازیلیم
اگر قورتاریرسا سؤزوم قاییدیم

دوشوم داغ سئلینه جوشوم چاغلاییم
من سؤنمز " اولدوز"ام داستان باغلاییم
یورد یئرینده بیر دویونجا آغلاییم
اگر کور اولماسا گؤزوم قاییدیم


https://t.me/Adabiyyatsevanlar

چیلله آخشامی ادبیات سئونلر لایویندا
« اینستاگرام »
قوناق‌لاریمیز
فولکولور بؤلومو:
دوکتورعلی اصغر عزیزپور
رضوان حاجی‌قاسملو«جانای»
ذکییه ذولفقاری
آرشدیرما: دوکتور ارشد نظری
ادبیات بؤلومو:
ائلدار موغانلی
ع. ن. چاپار
ویدا حشمتی
موسیقی بؤلومو‌:
دوکتور احمد ستاری
ایجرا: مرجان منافزاده
کریم قربانزاده

https://www.instagram.com/p/CXqmxIrNHSB/?utm_medium=copy_link

https://t.me/Adabiyyatsevanlar

چیلله آخشامی ادبیات سئونلر لایویندا
« اینستاگرام »
قوناق‌لاریمیز
فولکولور بؤلومو:
دوکتورعلی اصغر عزیزپور
رضوان حاجی‌قاسملو«جانای»
ذکییه ذولفقاری
آرشدیرما: دوکتور ارشد نظری
ادبیات بؤلومو:
ائلدار موغانلی
ع. ن. چاپار
ویدا حشمتی
موسیقی بؤلومو‌:
دوکتور احمد ستاری
ایجرا: مرجان منافزاده
کریم قربانزاده

https://www.instagram.com/p/CXqmxIrNHSB/?utm_medium=copy_link

https://t.me/Adabiyyatsevanlar

رقیه_هاشم‌زاده (خان‌صنم)
من سنسیز دئییلم.

داها داریخمیرام کئچن گونلره.
من سنسیز دئییلم، منده سن هر آن.
سئویلمک عینادین قویموشام یئره،
نه قورخوم وار ایندی، نه شک، نه گومان.
من سنسیز دئییلم، منده سن هر آن.

گؤز مو قالیب یاغام؟ دوداق می گولم؟
یاددان چیخیرسان می، باش قویام اؤلم؟
ائله سئومه‌دیم کی اونودا بیلم.
بیر گون ایثبات ائلر سؤزومو زامان،
من سنسیز دئییلم، منده سن هر آن.

یاخدین اوره‌ییمی داها دا بئتر.
سانیردیم: یارادیر، ساغالار، بیتر.
ساغالمادی؛ آمّا سن ساغ اول، یئتر.
گئت، اوره‌یین هاردا ایسته‌ییر دولان!
من سنسیز دئییلم، منده سن هر آن.

زامان بوش یئرینی چکیر اوزومه،
بئله‌جه یاشاماق دوروب گؤزومه.
آمّا هئی دئییرم اؤزوم اؤزومه:
الیم بوش اولسا دا، گؤزلریم دومان،
من سنسیز دئییلم، منده سن هر آن.

بو سئوگی یول دئییل، کاریخام، آزام.
رسمه ده بنزه‌میر، پیس اولسا، پوزام.
آخی شعیردیر می، یئنیسین یازام؟
بدنیمده جاندی، داماریمدا قان.
من سنسیز دئییلم، منده سن هر آن.

آرتیق سئومه‌ییرم، اؤلموشم سنه،
آنان دا سئوگیده چاتانماز منه.
بیر دونیا سئوه‌نین اولسا دا، یئنه-
«صنم» کیمی کیمسه سئوَنمز، اینان!
من سنسیز دئییلم، منده سن هر آن...


https://t.me/Adabiyyatsevanlar

اوزل وئرلیش؛
قونو: کینایه‌لرین یارانیشی (32)
بویالارا عایید کینایه‌لر
بوگئجه: 1400/9/29
ساعات: 21 «ادبیات سئونلر کانالیندا»
اوزمان: «میرحسین دلدار بناب»

https://t.me/Adabiyyatsevanlar

اوزل وئرلیش 1400/9/29
کینایه‌لرین یارانیشی (۳۴)
بویالارا عایید کینایه‌لر
قاراسؤزجویو (۵)
اوزمان:«میرحسین دلدار بناب»

https://t.me/Adabiyyatsevanlar

اوزل وئرلیش 1400/9/29
کینایه‌لرین یارانیشی (۳۴)
بویالارا عایید کینایه‌لر
قاراسؤزجویو (۶)
اوزمان:«میرحسین دلدار بناب»

https://t.me/Adabiyyatsevanlar

اوزل وئرلیش 1400/9/29
کینایه‌لرین یارانیشی (۳۴)
بویالارا عایید کینایه‌لر
قاراسؤزجویو (۷)
اوزمان:«میرحسین دلدار بناب»

https://t.me/Adabiyyatsevanlar

اوزل وئرلیش 1400/9/29
کینایه‌لرین یارانیشی (۳۴)
بویالارا عایید کینایه‌لر
قاراسؤزجویو (۸)
اوزمان:«میرحسین دلدار بناب»

https://t.me/Adabiyyatsevanlar

‏قادا بالا سیزدن گئت سین
چیلله نیز اوغورلو اولسون

https://t.me/Adabiyyatsevanlar

تصنیف : سئویرم
بسته کار: چنگیز مهدی پور
شعیر : حسن ریاضی ( ایلدیریم )
خواننده :علی نوروزی
دالغاموسیقی قوروپو

‏https://t.me/Adabiyyatsevanlar

‌ادبیات‌سئونلرین چیلله پایی
بیرینجی بؤلوم

https://t.me/Adabiyyatsevanlar

«ذکیه ذولفقاری»

چیلله خاطیره‌سی
گون باتماقدادی، ائشیک‌ده یئلین کوفولتوسو اورک سیخینتیسی گتیریر، بو نه تهه‌ر داریخماقدی ایلاهی اوتوروب باشیمی موبلا دایاییب گؤزلریمی یومورام، خیالیم قانات چالیب کئچمیشلرده آتا-بابا کندیمیز شرفه‌یه سفر بی اولور.
آنام شهردن گلمیش ایکی اوچ آیین گلینی، ایلک چیلله گئجه سینی نین هیجانیندادیر، آتام ایسه آتلانیب اوشتوبونه نار گتیرمگه گئدیبدیر، آنام یالواریب بوگون هاوا یاخشی دییل گئتمه، نارسیز دا چیلله اولار...
آتام زارافاتجا دئییب:
اولماز خانیم اولماز، سو گلیب نوا دولماز، قارسیز چیلله اولسا دا، نارسیز چیلله اولماز. و گئدیر.
گینه قارسیزیئل، شیددتله اَسیر و منیم خیالیم اوچماقدادیر.
آنام لا بؤیوک آنامین جانینا قورخو دوشور،هاوا چوخدان قارالیب آز قالا گئجه یاری اولور. چوخ گئجدی آنام دئییر، دوروب قوهوم قونشویا خبر ائلییه‌ک. قوهوملاردان نئچه‌سی بیر مئتره یاخین قاری سؤکه-سؤکه گلیب کورسو باشینا یغیشیرلار، قار شیدتلی کولکله، قاپ باجایا چیرپیر، کورسونون اوتو بیتمکده دیر، کیمسه کورسونون آلتینا اوت قویماق فیکرینده دئییل، هامینین بوغازی قورویوب نیاران گؤزلر بیر بیرینه باخیر. بؤیوک آنامین گؤز یاشی یاشماغینی ایسلادیر.
بوغازیم قورویوب، بیلمیرم اورک سیخینتی دان دیر یوخسا خیال قوشومون خاطیرلادیغی چیلله خاطیره سیندن! گؤزومو آچیب دیکلنیریم، میز اوستونده کی چایدان بیر قورتوم ایچیرم. طوفان پنجره لری سیلکه‌ییر. اؤز قلبیمده دئییرم دا، بو طوفان قار نیشانه سیدی.
آنام تندیردن چاینیکی بیر ایکی استکانلا گتیریب قویور کورسونون اوستونه، قندی اونودور. یاشماقسیر اوزوندن دوداقلاری‌نین تیتره‌یشینی هامی گؤرور... قندسیز ده کیمسه نین چای ایچمک هوسی یوخدور. کندین آغ ساققالی استکانی گؤتوروب بیر باشا باشینا چکیر. آنجاق، چای سویوقدی دئمیر. بیردن قاپیدا آت کیشنه‌مسینی ائشیدیرلر، هامی درهول آیاغا قالخیب قاچیرلار. بؤیوک آنامین شلته‌سی یئرده نسه‌یه ایلیشیر، اوزو اوسته ییخیلیر، آنجاق تئز آیاغا قالخیب حیط قاپیسینا ساری قاچیر.
آیفون وورولور! بودا وورولماغا واخت تاپدی. آیاغا دوراندا اَلیم دئییر میز اوسته‌کی استکان آشیر. آنام دئیه‌ردی: سنده بؤیوک آناوا چکمیسن اردمسیز، ال -آیاقسیزسان. کیمسه یوخودو، بیر اوشاق ووروب قاچیب دئمک.
آتامین آتی تک باشینا یهه‌رسیز، لوت -پوت قاپیدا جوت آیاقلارین گؤیه قالدیریب، اؤزل بیر شکیلده کیشنیرمیش. بو حالی گؤرن آناملا بؤیوک آنام ایکی اَللی باشلارینا چیرچیب قیشقیرا- قیشقیرا ییخیلیب هوشدان گئدیرلر.
آتی یهرلیب بیر نئچه آتلی ایلا بیرگه عمیلریم کندی اوز یوخاری یولا دوشورلر. اوشتوبونه گئدن یولو توتوب دره لری آختارا آختارا گئدیرلر، اوشتوبونه یئتیشمه‌میش آتامین آتی، دره لرین بیری‌نین قیراغیندا دایانیب یئنه او حالتده کیشنه‌ییر. هامی آتدان دوشوب دره‌یه طرف آخینیرلار...هره بیر طرفدن اللرینده کی آراجلارلا قاری اویان بویان ائلیرلر، نهایت آتامی قار آلتیندان یاری جان چیخاردیرلار...
جانیما سویوق تر اوتوردو، آخ ... او گون آتام قار آلتیندا قالیب دونسایدی...اؤزومه توخناخلیق وئریب دوشوندوم، اوندا من بو دونیادا یوخودوم کی، آتاسیزلیق حیسلری یاشایام...
آتام هاندان گئجدن اؤزونه گلندن سونرا، آناما اوز توتوب دئمیشدی: سنه اوشتوبون نارینین قولون وئرمیشدیم، سؤزومو توتانمادیم، چیلله‌میز نارسیز اولاجاق، منی باغیشلا.
یقین آنام بئله دئمیش: اولسون آدیش، گلن ایل اوغلوموز گئدیب سن گتیرن نارلاری قارین آلتیندان تاپار...
منده دئییرم:
اولماز خانیم اولماز سو گلیب نوا دولماز نارسیز چیلله اولسا دا، واللاه قارسیز چیلله اولماز.

https://t.me/Adabiyyatsevanlar

چیلله گئجه‌سی (1)
اوسگو
اوستاد مهدی عارفی اسکوئی

https://t.me/Adabiyyatsevanlar

چیلله گئجه‌سی (2)
اوسگو
اوستاد مهدی عارفی

https://t.me/Adabiyyatsevanlar

#مشگینده_چیلله
حیکایه:دکتر« صمد رحمانی»
سسلندیرن:«کبری میرحسینی»

https://t.me/Adabiyyatsevanlar

دوکتور «ارشد نظری»

ائتیمولوگییا درسلری
چیلله نه دئمکدیر ؟

چیلله یا داغان گئجه‌سی
داغان سؤزونون کؤکو "داغ"دیر. نئجه کی داغین بیر زیروه‌سی واردیر و اینسان اورا چیخیر و سونرا او طرفه آشیر و یاواش-یاواش آشاغایا دوشور( چیخیش و اَنیش ) . بو گئجه‌نین ده ان اوزون اولدوغونو بیر داغین زیروه سی کیمی بیزه آنلادیر. چیلله سؤزونون اصلینده کؤکو "چیل" و "چیله‌"دیر. حتتا بعضی بؤلگه‌لریمیزده ( ساوالان یان‌ یووره سینده چیله دئییلیر. چیله سؤزو، داغلارین باشینا قارین چیله‌مه‌سیندن‌ آلینیبدیر. ال ایله سویو سپمک همان چیله‌مک‌دیر. سو الدن اوزولور و باشقا بیر یئرلره سپیلیر و جالانیر. چیله شددتلی فورمادا دا دئییلیر و چیلله سؤزو ده بوندان‌دیر. او کلمه‌لر کی اونلارین بیری‌نین سونو و ایکینجی حیسسه نین ایلک باشلانیشی عئینی حرف‌دیر(بیری-بیری‌نین اوستونه دوشور) اونا "چالما" دئییریک. یانی ایکی تکرارلی حرف بیر-بیری‌نین اوستونه دوشور. یوخسا تورکوموزده ، فارسجا و عربجه کیمی تشدیدلی بیر شئی یوخدور. اورنک چین‌ سال سؤزو، ساللاق اولور (قورشاغی ساللا گلسین) یا یول سؤزو یوللا، تول‌ سؤزوندن توللاماق و جیل سؤزو جیلله و..‌. باشقا سؤزلریمیزده ده واردیر.

چیله ، چیله‌مک سؤزو چیلله اولوبدور. چیلله سؤزو سینماق، آیریلماق و بیر مرحله‌دن باشقا مرحله‌یه دییشیلمک‌دیر. آمما بو اؤزل گونون آدینی چیلله قویماق(آذر آیی‌نین سونونجو گئجه‌سی) قیشین سویوقلو-شاختالی و توفانلی گونلری‌نین باشلانیشی‌دیر. اودور کی هاوالارین دییشیلمه‌یی( دؤنمه‌یی ) = سینماغی، اولدوغوندان داها آرتیق سینیر و بونون دا مددتی قیرخ گوندور کی اونا بؤیوک چیله دئییلیر. بو قیرخ گون قیشین اوغلان یئری‌دیر‌. یانی شاختالی و توفانلی گونلرین ان چوخ اوزون و آزارلی گئجه سی .
بؤیوک چیلله، بؤیوک سینماق آنلامیندادیر. بو قیرخ گون رسمی حالتده سلطان محمد جلال‌الدین شاهین گون سایاری‌نین دا آدی "تقویم جلالی‌"دیر و اونون اساسیندا ، آذر آیینین سونونجو گئجه سیندن ، بهمن آیی نین اونونا قدر
( قیرخ گون ) بؤیوک چیلله حساب اولور و اوندان سونرا ایگیرمی گون ده، کیچیک چیلله حساب اولور. کیچیک چیلله‌نین سونوندا دا چیلله داغی یا چیلله نین قویروغونو داغلاماق‌ واردیر. چیلله‌نین قویروغونو اود یاندیرماقلا داغلایارلار. سویوغون گئتمه‌یی‌نین و داها قاییتماماسین دئیه بو ایشی گؤرورلر. باخمایاراق کی بو گونلر آز-چوخ سیغیناجاق، یاناجاق‌لار واردیر، بو سؤزلرین یاراندیغی زامانلاردا اینسانلار قیشدا چوخ آزارلاناردیلار. اودور کی چیلله داغلاماق بیر شنلیک و بایرام کیمی ایگیرمی گون اؤتندن سونرا او سویوقلارین قاییتماماغی اوچون اود یاندیریردیلار. بو زاماندان سونرا هاوالار قیزیشیر و اینسانلار ائودن چیخیب، قارینلارینی دویورماق اوچون چالیشاردیلار. کیچیک چیلله نین سونونجو گونوندن ۵ گون قاباغا و ۵ گون سونرایا ( ۱۰ گون موددتینه ) ده چار چار ( ایشیق ) دئییلیر کی قاباق آیدینلیغا یانی گونلرین اوزانماسینا دوغرو گئدیر .
اووچولارین اوولاماق یام یاراقلاریندا دا چیلله سوزو ایشلنیر کی اودا هامان کوکدندیر کی اووچولار ، اوولاماق آنلاریندا ، گوزلرینی قیییب جیلله یرلر کی اوخو سونونجو نوقطه یه قدر چکرلر ( تمرکز ) .
اوخو بوراخان زامان داها همی سون گوجلری و همی ده گوز جیلله مه لری بوزولار کی اوردا دا بیر مرحله نین سونا چاتماغی چیلله دیر .
قیشدان ساوایی ، یای فصیلی نین ده چیلله سی وار کی اوندا دا هاوالار دییشیلیب یئنه سویوقلوقلارا دوغرو گئدر . آنجاق
چیلله ، سینماق و دییشیم آنلامی داشیییر .


https://t.me/Adabiyyatsevanlar