«علل پیروزی وشکست فرقه دموکرات آذربایجان»

گفتگوی اختصاص ادبیات سئونلر با دکتر«رحیم رئیس نیا» نویسنده، مترجم و مورخ نامدار آذربایجانی
زمان: امشب: 1400/9/21
ساعات: 21
مجری: کریم قربانزاده

https://t.me/Adabiyyatsevanlar

اوستاد دوکتور«رحیم_رئیس_نیا» ایله فرقه دموکرات آذربایجان (آذربایجان دموکرات فرقه‌سی) حاقیندا اؤزل دانیشیق
ایکینجی بولوم: 1400/9/21

آپاریجی: کریم قربانزاده

بو دانیشیغی ادبیات سئونلرین لینکین وئرمک شرطیله پایلاشماق یا فایدالانماق اولار.

https://t.me/Adabiyyatsevanlar

یاندیریلان کیتابلار...

https://t.me/Adabiyyatsevanlar

«بختیار وهابزاده»

سئویرم هاوانین توتولماغینی
او گونش دوغاجاق،او گونش آنجاق!

سئویرم قیشین دا سرت اولماغینی
ایستی یای دوغاجاق،ایستی یای آنجاق!

سئویرم نیفرتین لاپ سون حددینی
او سئوگی دوغاجاق،او سئوگی آنجاق!

سئویرم ظولمونده مشققتینی
عدالت دوغاجاق،عدالت آنجاق!

https://t.me/Adabiyyatsevanlar

«محمد_ریضا_لوایی»

گئجه'م گؤزومدن آخیب قانلی یوللارا تؤکولور
سنین گئجه'ن هاردان قایناییر؟ هارا تؤکولور؟

توتوقلانیب بورادا حبس اولان زاواللیلاریق
بو باشلارین سیراسی داخمادان دارا تؤکولور

پاییزلارا توتولان ائل-لرین خیشیلتی-سییق
آغاجدان آلما دئییل، خان چوبان، سارا تؤکولور

بو تاریخین دؤشونه اؤزگه-لر شه-هر توخویور
بو کؤلتورون باشینا یار دئییل یارا تؤکولور

من ایزله-دیم، بللی بیر شئی دئییل بو یئر کوره-سی
سونوندا اشیالارین ذؤوقو آنبارا تؤکولور

تؤکولمه-ده بو قارا تقویمین اوزو گؤزه-لیم
نه فایدا؟ خالقی کؤکوندن یارا-یارا تؤکولور


https://t.me/Adabiyyatsevanlar

اوشاق ادبیاتی هرهفته پنجشنبه گونو ادبیات سئونلر کانالیندا .
اوشاق ادبیاتینا دایر یازیلارینیزی بیزه گوندرین .

https://t.me/Adabiyyatsevanlar

اوشاق ادبیاتی
تبریک لر اوغورلار
اوشاق ادبیاتینین تانینمیش قلم داشی سر کار خانیم «ویدا حشمتی» نین «اولدوزلارین نغمه سی» عنوانیندا یئنی اثری ایشیق اوزو گوردو اوشاق ادبیاتی صحیفه میزین یورولماز امک داشینی اوره ک ائویندن تبریک له ییب اوخوجوسو بول اولسون دئییر.

ناشر: نظامی گنجوی تبریز
یازار:«ویدا حشمتی»
رسام :«لیدا حشمتی»
بواثری ناشردن و ادبیات سئونلردن الده ائده بیلرسینینیر

https://t.me/Adabiyyatsevanlar

اوشاق ادبیاتی

بیرلیکدن قوّت دوغولار

کؤچوروب، حاضیرلایان ویدا حشمتی
سون بؤلوم


گؤیرچینلر شهرین اوستونده اوچماغا باشلادیلار. بیراز سونرا اووچو اونلاری ایتیردی.
گؤیرچینلر کؤنول راحاتلیغی ایله سیچانین یاشادیغی یئره گئتدیلر.
قوجا گؤیرچینین سیچان یولداشی تهلوکه‌لره قارشی، یوواسی‌نین اطرافیندا چوخلو دلیک آچمیشدی. هانسی دلیگین یوواسینا یولو اولدوغونو اؤزوندن باشقا کیمسه بیلمیردی.
قوجا گؤیرچین یولداشی سیچانی سسله‌یه‌رک دئدی:
- سیچان یولداش! هانسی دلیکده‌سن اؤزونو گؤرست، سنه ایشیم دوشوبدو.
سیچان سس وئردی:
- سن کیمسن؟ منله نه ایشین وار؟
قوجا گؤیرچین، من سنین یولداشین گؤیرچینم دئدی سیچانا. یولداشلاریملا بیرلیکده دوزاغا دوشوموشوک. سنین یاردیمینا احتیاجیمیز وار‌.
سیچان دلیکدن چیخیب، گؤیرچینلرین یانینا گلدی.
گؤردو گؤیرچینلر گرچکدن چون پیس حالدادیرلار.
-دوستوم بو دوزاغا نئجه دوشوبسوز؟ هله او هئچ! بو دوزاقلا بورایا قدر نئجه گلیبسیز؟ دئدی سیچان.
قوجا گؤیرچین درین-درین نفس چکه‌رک دئدی:
-بوندا چاشاجاق نه وار کی؟ چئوره‌میز اووچولارلا دولودور. باشیمیزا نه گله‌جه‌یینی هاردان بیلک؟ حیات بئله دئییل‌می؟ دوزاغی بورایا قدر نئجه گتیردیییمیزه گلینجه، بئله دئییم کی، عاغیل‌لا گوج، بیر ده بیرلیک اولارسا، نئجه چتین ایش اولسا دا، اوسته‌سیندن گلمک اولار دوستوم.
سیچان یورغون یولداشینی دوزاقدان قورتارماق اوچون، دویونلری گمیرمه‌یه باشلادی. آمما قوجا گؤیرچین بونا قارشی دوروب دئدی:
-سیچان قارداش. بیلیرم منله ایکی یاخشی یولداشیق! منیم دویونلریمی آچسان، یورولارسان. اوندا باشقا گؤیرچینلرین دویونونو آچماقدان واز کئچرسن. اؤنجه باشقا گؤیرچینلرین دویونلرینی گمیر، منیم‌کینی لاپ سونا ساخلا. بیلیرم کی یورولسان دا منیم دویونلریمی گمیرمه‌سن، ال چکمه‌یه‌جکسن.
سیچان قوجا گؤیرچینین بو سؤزلریندن چوخ دویغولانیب، دئدی:
-سنین کیمی دوست، وفالی بیر یولداشیم اولدوغو اوچون چوخ خوشبخت بیر سیچانام. سن بنزرسیز بیر دوستسان، دوستوم.
سونرا لاپ بالاجا گؤیرچینین دویونلرینی گمیرمه‌یه باشلادی.
سیچان ائله قئیرتله دویونلری گمیردی کی، آز کئچمیشدی بوتون گؤیرچینلر اؤزگولوکلرینه قوووشدولار.
قوجا گؤیرچین سیچاندان تشککور ائدیب، ساغ اوللاشدی. سونرا گؤیرچینلرله بیلیکده قانادلانیب اوچدولار.
قارقا بو ایشلرین هامیسینا شاهید اولدو. او، گؤیرچینلرین قورتولماغیندان چوخ سئویبنیب، یوواسینا قاییتدی. دوستلارینا اولانلارین هامی‌سینی آنلاداجاغیدی.

سئوگیلی اوشاقلار! «بیرلیکدن قوّت دوغولار» سؤزو ایله، برابر اولماغین و بیرلیک اولماغین اؤنملی اولدوغونو دئمک ایسته‌دیم. اونوتمایین بیرلیک اولماق، گوجلو اولماقدیر. اومارام بیرلیکدن قوّت دوغولار ناغیلیمیزدان گؤزل درسلر اؤیره‌نیبسیز.
بو ناغیلی باشقا دوستلاریزا دا اوخویون.
سیز ساغ اولون من ده ساغلام.
گؤیدن اوچ آلما دوشدو. بیری سنین، بیری منیم، بیری ده ناغیل دئیه‌نین.

سون

https://t.me/Adabiyyatsevanlar

اوشاق ادبیاتی

بئش‌داشین اؤزل سایی( چیلله گئجه سی و یانوار بایرامی) اوچون تئزلیک ده ایشیق اوزو گوره جک

@beshdashlar

https://t.me/Adabiyyatsevanlar

اوشاق ادبیاتی
گوزل بالا لار آذر آینین سون گونو چیلله گئجه سی دیر اوشاق ادبیاتی چیلله گئجه سیندن اوزون قارانلیق گئجه لردن کئچیب ایشقلی گونلر چاتماق سیزه آرزو ائدیر.
چون چیلله گئجه سی سیزین وئرلیشینیزین نوبتی دئییل اونا گوره ایندی دن سیزی تبریک له ییریک.

https://t.me/Adabiyyatsevanlar

اوشاق ادبیاتی
شاعیر:«قیزیل قلم»

چیللّه قارپیزی.

قارپیزا باخ قارپیزا
اوخشور آداخلی قیزا

قارپیزی که سر آتام
اونو دیلیملر آنام

باخ نه شیرین‌دی قارپیز
یئدیم سرین‌دی قارپیز

قیشین اَوَول آخشامی
چیللّه‌لیک آلسین هامی

قارپیزیم دیلیم دیلیم
ناغیل دِئ من‌ده بیلیم

چیللّه قارپیزین ییه‌ک
هاممییا تبریک دییه‌ک

https://t.me/Adabiyyatsevanlar

اوشاق ادبیاتی
«کارتون»

اوشاق ادبیاتی هرهفته پنجشنبه گونو ادبیات سئونلر کانالیندا .
اوشاق ادبیاتینا دایر یازیلارینیزی بیزه گوندرین .

https://t.me/Adabiyyatsevanlar

اوشاق ادبیاتی

آذربایجان افسانه لری
سؤیله ین:«صمد بهرنگی- بهروز دهقانی»
چئویرن:«منیژه جم‌نژاد»

آه ناغیلی

♦️♦️قیز دوروب دالیسی جان گئتدی. تایا نئچه حیطدن کئچدی بیر حووضا یئتیشدی. حووضون آیاغینی آچدی. حووض بوشالدی. بیر بنایین گؤروشدو. تایا بنایینی گؤتوروب پیلله دن ائندی، بیر زئر زمیه یئتیشدی. قیز دا تایانین دالیسی جان زئر زمیه یئتیشمیشدی، گؤردو بیر جوان اوغلان چارمیخا چکیلیب. تایا اوغلانا دئدی: فیکیرلریوی ائله دین؟ سؤزومو قبول ائدیرسن یا یوخ؟
اوغلان دئدی: یوخ. تایا گئنه سوروشدو، اوغلان گئنه یوخ دئدی. سونوندا تایا سینیرلنیب شاللاق ایله ووروب اوغلانین او٘ز گوزونو داغیتدی. تایا بیر بولود پلو گتیرمیشدی. اونو دا زوراکی اوغلانا یئدیردی، گئتمک ایسته ینده، قیز اوندان اؤنجه چیخیب گئدیب اوزانیب اؤزونو یوخویا ووردو. سحر تایا دوروب حاماما گئتدی. قیز کنیزلرین بیرینه دئدی: گئجه بیر یوخو گؤردوم. قورخورام خانیم سئوینیب سکته ائده، یوخسا گئدیب دئیردیم. قیزین سؤزو آغیزدان آغیزا خانیمین قولاغینا چاتدی. خانیم قیزی چاغیردی، گرک گلیب...
بو یازینین آردینی ادبیات سئونلر کانالیندا اوخویون.
https://t.me/Adabiyyatsevanlar

اوشاق ادبیاتی

آذربایجان افسانه لری
سؤیله ین: صمد بهرنگی- بهروز دهقانی
چئویرن: منیژه جم‌نژاد

آه ناغیلی

♦️♦️قیز دوروب دالیسی جان گئتدی. تایا نئچه حیطدن کئچدی بیر حووضا یئتیشدی. حووضون آیاغینی آچدی. حووض بوشالدی. بیر بنایین گؤروشدو. تایا بنایینی گؤتوروب پیلله دن ائندی، بیر زئر زمیه یئتیشدی. قیز دا تایانین دالیسی جان زئر زمیه یئتیشمیشدی، گؤردو بیر جوان اوغلان چارمیخا چکیلیب. تایا اوغلانا دئدی: فیکیرلریوی ائله دین؟ سؤزومو قبول ائدیرسن یا یوخ؟
اوغلان دئدی: یوخ. تایا گئنه سوروشدو، اوغلان گئنه یوخ دئدی. سونوندا تایا سینیرلنیب شاللاق ایله ووروب اوغلانین او٘ز گوزونو داغیتدی. تایا بیر بولود پلو گتیرمیشدی. اونو دا زوراکی اوغلانا یئدیردی، گئتمک ایسته ینده، قیز اوندان اؤنجه چیخیب گئدیب اوزانیب اؤزونو یوخویا ووردو. سحر تایا دوروب حاماما گئتدی. قیز کنیزلرین بیرینه دئدی: گئجه بیر یوخو گؤردوم. قورخورام خانیم سئوینیب سکته ائده، یوخسا گئدیب دئیردیم. قیزین سؤزو آغیزدان آغیزا خانیمین قولاغینا چاتدی. خانیم قیزی چاغیردی، گرک گلیب یوخونو دئیه سن، دئدی. قیز گئدیب خانیمینا دئدی: خانیم، منیم دالیمجا گل یوخومو دئییم. بیر به بیر حیطلردن کئچدیلر. قیز دئدی: خانیم عئین یوخودا کی حیطلردیلر. بودا حووض. ایندی بویور سویون آیاغینی آچسینلار گؤره‌ک یوخونون قالانی دا دو٘ز چیخیر یا یوخ. نه باشیزی آغریدیم. گئدیب یئتیشدیلر زئر زمیه. اوغلان آیاق سسی ائشیدیب دئییندی: حرامزادا، گئجه گلمه یین بس دئییلدی، گو٘ندوز گؤزو ده گلیرسن؟ خانیم اوغلونون سسینی تانیدی قاچیب اونو اویالدیب، قوجاقلادی. قیز دئدی: خانیم یوخودا گؤردویوم اوغلاندی. اوغلانی زئر زمی دن چیخارتدیلار. یویوندوروب تمیز له ییب، حکیم گتیردیلر، یارالارینا مرهم قویدو. سونرا اوغلان باشینا گلنلری دئدی، تایا نئجه اونو آپاریب دوستاقلامیشدی. بو حئین ده قاپی دؤیولدو. خانیم دئدی: تایادی آچین. تایا نئچه یول قاپی دؤیدو، کنیز لر گئدیب قاپینی آچدیلار. تایانین آیاغی حیطه چاتار چاتماز بو٘تون کلفت‌لری، نوکرلری یامانا باسدی: هانسی گوردایدینیز گلیب قاپینی آچمیردینیز! نئچه ساعاتدی قاپی دؤیورم! بیردن تایانین گؤزو اوغلانا دو٘شدو، رنگی کیرج کیمی آغاردی. خانیم بویوردو تایانی دوغرام دوغرام ائدیب ایتلره تؤکدولر. سونرا قیزا دئدی: ایستیرم اوغلومون خانیمی اولاسان. قیز دئدی: من ائولنه بیلمرم. گرک عیدده‌م چیخا سونرا. قیز آنلامیشدی دردینین درمانی بوردا دئییلدیر. آه چکدی. آه گلدی. قیز دئدی: منی آپار باشی او٘سته. قیز گئنه اوزون زامان جوانین باشی او٘سته اوتوروب قران اوخویوب، آغلادی. سونرا آها دئدی: منی آپار سات. آه گئنه آپاریب قیزی ساتدی. بو دفعه ده اییه سینین ائوی ماتم لی ایدی. نه خبر اولدوغونو سوروشدو. دئدیلر: ایللر اؤنجه خانیم بیر اژداها بالاسی دوغوب. زئرزمیه سالیبلار. اژداها گو٘ن به گون بؤیویور. آما خانیم نه اونون جانینا قیییر ، نه آچیب اوشاغی اولدوغونو دئییر. بیر گون قیز خانیما دئدی: خانیم کئشگه منی آتایدینیز اژداهانین اؤنونه، یئیه‌یدی. خانیم دئدی: قیز مگر عاغلین باشیندان اوچوب؟ قیز چوخ دئدی، خانیم چاراسیز راضی لاشدی. قیز دئدی: منی سالین گؤن توربایا، آغزینی باغلایین، آتین اژداهانین اؤنونه. ائله سی ائتدیلر، قیزی اژداهانین اؤنونه آتدیلار. اژداها توربایا باخیب دئدی: قیز قیلیفیندان چیخ من سنی یئییم. قیز دئدی: سن نییه چیخمیاسان من چیخیم؟ اژداها چوخ دئدی قیز راضیلاشمادی. سونوندا اژداها قیلیفیندان چیخماغا مجبور اولدو. آی پارچاسی کیمی اوغلانیدی. قیز دا توربادان چیخیب ایکیسی اوتوروب دانیشدیلار.
بو یاندان دا بیر آز کئچدی. خانیم کنیزلرینه دئدی: ایندی گئدین گؤرون یازیق قیزین باشینا نه گلیب. کنیزلر گلیب باجادان باخیب گؤردولر نه اژداهاسی. قیز بیر آی پارچاسی کیمی اوغلان ایله اوتوروب دانیشیر. اوغلان لا قیزی خانیمین یانینا گتیردیلر. خانیم دئدی: یاخجی سیز ار آرواد اولاسیز. قیز دئدی: قویون منیم عیدده‌م چیخسین سونرا ائولنک. قیز آنلامیشدیر دردینین درمانی اوردا دئییلدیر. آه چکدی. آه گلدی. قیز دئدی: آغا یاتیب؟ آه دئدی: گؤردویون کیمی یاتیب. قیز گئنه آه ایله گئدیب ارینین باشی او٘سته اوتوردو. بیرآز قران اوخویوب آغلادی. سونرا دئدی: آه منی آپار سات. بو دؤنه باشقا بیر کیشی اونو آلیب ائوینه آپاردی. ائوین کنیزلری دئدیلر: بو ائوده دب دیر تازا گلن کنیز، ایلک گئجه آغایلا خانیمین آیاغینین آلتیندا یاتار. قیز دئدی: اولسون.
آردی وار...

https://t.me/Adabiyyatsevanlar

اوشاق ادبیاتی


اون نیشانه اوشاقلاری رساملیقلارینین اوزوندن، پسیکولوژی باخیمدان تانیماق اوچون:
✍:«دینو»
چئویرن:«سحرخیاوی»

۱-- اوشاقلارین رسمینده، بولود آنا و گونش آتا سیمگه‌سی دیر.
۲-- رسمینی چوخ پوزماق و یئنی‌دن چکمک اوشاغین استرس و ایچری پریشانلیق نیشانه‌سی دیر.

۳--اشیالاری، حیوانلاری، اینسانلاری ردیفه دوزمک، مثلن جوجه‌لری آنالارینین آرخاسیندا ردیفله چکمک، اوشاغین ریاضی استعدادینین نیشانه‌سی دیر.

۴--حیوانلارین رسیمده اولماسی اوشاغین طبیعته ماراقی اولماق نیشانه‌سی دیر.

۵--خیردالیقلاری چوخ چکمک، مثلن دوگمه‌لری چوخ چکمک، اوشاغین اوز گؤونلیگی‌نین(اعتماد به نفس) آز اولماق نیشانه‌سی دیر.

۶-- ایتی اشیا و سینیق خط‌لر رسیم‌ده، اوشاغین یاشامیندا کوبودلوق(خشونت) نیشانه‌سی دیر.
هر نه قدر خط‌لر ائلاستیک(انعطاف پذیر) و یومشاق اولسالار، اوشاغین دینجلیک و یاشام راحاتیلیغی‌نین نیشانه‌سی دیر.

۷-- اوشاغینیز رسیملرینده ائولره قاپی- پنجره چکمیرسه، اونون آناسینا حدسیز باغلی‌لیق نیشانه‌سی دیر.

۸-- اوشاق رسمینی واراقین یالنیز بیر کونجونده چکیرسه، اونون اؤز گؤونلیگی ضعیف دیر و اؤزونو قبوللانمیر.

۹-- اوشاغین رسیمینده اؤلچو باخیمدان اویغونلوق (تناسب) اولماسا، مثلن: باش بدندن بؤیوک چکیلسه، اوشاغین ناسازلیغی و قورخوسو نیشانه‌سی دیر.

۱۰-- گونشی بوتون ریزه‌کارلیغی ایله چکمک، اوشاقنان آتانین یاخشی و دوستجا ایلگیسی نیشانه‌سی دیر.
گونشی ریزه‌کارلیغسیز و قارا چکمک، آتا ایله درین دویغوسال(عاطفی) موشکول نیشانه‌سی دیر.

https://t.me/Adabiyyatsevanlar

اوشاق ادبیاتی
خانیم «پورناصح » تبریک لر اوغورلا

افسانه‌های لیتوانی منتشر شد.

  کتاب «ملکه خورشید و ناجی‌اش» حاوی داستانهای عامیانه لیتوانی با ترجمه همکارمان خانم روح‌انگیز پورناصح از سوی انتشارات «ناس» تبریز در ۴۰ صفحه مصور برای کودکان و نوجوانان منتشر شد. این افسانه‌ها از مجموعه داستانهای روسی قرن بیستم هست که توسط «آلدونا لیوبایت» و «جورگیس دویدایتیس» از زبان روسی به انگلیسی ترجمه شده و…

https://ishiq.net/?p=30040

☀@ishiqnet

https://t.me/Adabiyyatsevanlar

اوشاق ادبیاتی

خوروز و پادیشاهین ناغیلی

https://t.me/Adabiyyatsevanlar

اوشاق ادبیاتی

«حبیب_ساهر»
گئجه هر نه قده ر اوزون اولسادا
سحر آچیلاجاق ، گونش دوغاجاق
بو سؤز داها بو گون افسانه دئییل
ایشیق قارانلیغی بیر گون بوغاجاق

https://t.me/Adabiyyatsevanlar

طنز:« ناظر شرفخانه ای»

یاتمیشدیم آی اوغلان قاپی تاققیلدادی بیردن
اعضا و جوارح هامی شاققیلدادی بیردن

چیخدیم قاپیا تا گؤرم او هئیوره کیم دیر *
گؤردوم ساری بیر ایت دی کی واققیلدادی بیردن

واققیلدی ائله سالدی منیم جانیما قورخو
مسکین اوره ییم سینه ده پاققیلدادی بیردن

باسدیم دابانا تا کی اولام پستی ده پنهان
آرواددا گؤروب حالیمی قاققیلدادی بیردن

آرواد ائله قاققیلدادی، قاققیلدی سسیندن
دام - داش دا کؤکوندن هامی لاققیلدادی بیردن

*هئیوره:قانماز

https://t.me/Adabiyyatsevanlar

«نریمان_حسن_زاده»

ائله دايانيرسان، ائله باخيرسان،
ائله بيل قارشيندا قورو بير داشام.
ايپک ساچلارينی بير واخت اوخشايان
ائله بيل هارداسا من اولماميشام.

سنی دوستلاريملا، تانيشلاريملا،
من تانيش ائدرديم نه واختسا بير-بير.
ايندی اؤزگه‌لری، ياد احترام‌لا،
دئييرلر تانيش اول...
نه غريبه دير؟!

يوخودا گؤرردين نه واختسا هر دم،
يولومو گؤزلردين يوللاردان اوزاق.
من سنين يوخوندان چيخيب گلميشم،
بو دا بير يوخودور، گل تانيش اولاق.

قولونا گيررديم... بو، ياديندادير،
گئدرديک... يولوموز، آرزوموز شریک.
قولوم قوللارينين لاپ يانيندادير،
توخونسا، بيز ايندی عذر ايسته‌ييريک.

هاياندا اولدومسا سحر، يا آخشام،
آرادين سن منی، گؤردون سن منی.
ايندی گؤزلرينين قاباغيندايام،
هاياندا دوروم کی،
گؤره‌سن منی؟


https://t.me/Adabiyyatsevanlar