سحر_خیاوی

آذر

آذر، سئوینج ایله درد قوووشاغی،
آذر، یارامیزین گؤینه‌ین یئری.
بیر ایل‌ده سولوخان ثمرلی باغی،
آذر اوره‌ییمده نیسگیل آل- وئری.

تانیش اولمامیشدان سن‌ ایله، گولوم!
یابانجی دیلینده دویغولانیردیم.
پالچیقلی بیر گؤلده یویوردوم سؤزو،
یویوندوقجا، آرتیق هیس بولانیردیم.

قانیقلیق وئرمیردی سوسوزلوغوما،
ایچدیکجه شور سویو، یانیردی دیلیم.
کرواندان دوشوب آن، دویغو کؤرپه‌جَم،
گئدیب اوزاق‌لاشیردی اؤزومدن، ائلیم.

بیر آذر، من تاپدیم آنا قوخوسون،
آنا دیل‌ده اولان کتاب‌لاریندا.
سوواردیم یانغینجا دیل- دوداغیمی،
یاغیشلی دویغونون واراق‌لاریندا.

تانیدیم من سنله آنا دیلیمی،
اوخودوم یئنی‌دن یاساق وطنی.
قورخماسام تانریدان، دئیرم کی: سن-
یئنی.دن یاراتدین، یاراتدین منی.

دوز سپیر هر آذر او گوندن بری،
گؤینه‌ییر یارامین ساغالماز یئری.
زوغ آتیر گون‌ به‌ گون، چوخالیر منده،
ایل‌لردیر قانیم‌دا دولانان بیری.

اوچور روحوم سنه، «مولوی» سایاق،
«شمس‌»ینی گورمه‌یه تَنیمدن چیخیر.
یازار ساغ الینی اؤپنده، گولوم!
بوتون آذربایجان الیمی سیخیر.

نه یاخشی آنادان دوغولموشام من،
نه یاخشی بو واختدا تاپمیشام سیزی.
بو گون حضوروزا گلنمه‌دیم من،
«خیاو»دا اؤزلورم آنا تبریزی.

سن منیم عؤمرومده ان سعادتیم،
تانری‌دان بخش اولان بیر غفیل پایی.
دؤرد فصیل پاییزدیر بوتون گون‌لریم،
ایچینده پارلاییر بیر «آذر» آیی...

https://t.me/Adabiyyatsevanlar

«حبیب ساهیر»

خزانلار
خزان چاغی
قیزیل گونش اودلانیبدیر،
آغاجلارین یارپاقلاری
مین بیر رنگه بویانیبدیر...
هر یارپاغین بیر رنگی وار،
سئودا رنگی،
حسرت رنگی،
توتقون، توزلو،
غربن رنگی...
خزان چاغی، یئل اَسرکن
یاغیر یارپاق،
اؤلگون یارپاق.
قالانیبدیر، قالاق-قالاق.
یوللار اوزاق، گؤللر درین،
نسیم اَسیر سرین-سرین.
داغلار بیزیم، باغلار بیزیم،
یئرییرکن یارپاق اوسته
قالماز ایزین...
گون یاندیرماز،
سون باهاردیر،
سانکی آغاج یارپاقلاری،
لاجوردی بیر متنده
ناققیش لاردیر.

بیر چوخ خزان گلیب، کئچدی...
بیر چوخ کروان قونوب، کؤچدو.
بیر خزاندا
یئتیم قالدیق.
بیر خزاندا
سئودالاندیق.
اَن نهایت
خولیالارین هاواسیندان

قانادلاندیق.
بیر خزاندا
پارلاق قیزیل گونش دوغدو.
بیر خزاندا
بولود گلیب گونو بوغدو...
آنلایارکن خزانلاری
زامان بیزی قووالادی...
گلدی زامان، کئچدی زامان...
آیری دوشدوک یوردوموزدان.
حسرت قالدیق
سَرین-سَرین بولاقلارا
گول-چیچکلی اوتاقلارا
زامان کئچدی، بیز قورودوق
سوسوز قالان آغاجلار تک.
طراوتدن سالدی بیزی،
بیلمم غربت
یوخسا فلک.

https://t.me/Adabiyyatsevanlar

گفتگوی اختصاصی ادبیات سئونلر با دکتر رحیم رئیس نیا نویسنده ،مترجم و مورخ نامدار آذربایجانی.
موضوع :علل پیروزی و شکست ...فرقه دموکرات آذربایجان .
بو گئجه : 99/9/22
ساعت: 21

https://t.me/Adabiyyatsevanlar

اوستاد #رحیم_رئیس_نیا ایله فرقه دموکرات آذربایجان (آذربایجان دموکرات فرقه‌سی) حاقیندا اؤزل دانیشیق 1399/9/22

بو دانیشیغی ادبیات سئونلرین لینکین وئرمک شرطیله پایلاشماق، فایدالانماق اولار.

آپاریجی : کریم قربانزاده

https://t.me/Adabiyyatsevanlar

اوستاد #رحیم_رئیس_نیا ایله فرقه دموکرات آذربایجان (آذربایجان دموکرات فرقه‌سی) حاقیندا اؤزل دانیشیق 1399/9/22

دانیشیر:
اوستاد «دوکتور رحیم رئیس‌نیا»
بیرینجی فایل
بو دانیشیغی ادبیات سئونلرین لینکین وئرمک شرطیله پایلاشماق، فایدالانماق اولار.

https://t.me/Adabiyyatsevanlar

اوستاد #رحیم_رئیس_نیا ایله فرقه دموکرات آذربایجان (آذربایجان دموکرات فرقه‌سی) حاقیندا اؤزل دانیشیق 1399/9/22

دانیشیر:
اوستاد «دوکتور رحیم رئیس‌نیا»
ایکینجی فایل
بو دانیشیغی ادبیات سئونلرین لینکین وئرمک شرطیله پایلاشماق، فایدالانماق اولار.

https://t.me/Adabiyyatsevanlar

اوستاد #رحیم_رئیس_نیا ایله فرقه دموکرات آذربایجان (آذربایجان دموکرات فرقه‌سی) حاقیندا اؤزل دانیشیق 1399/9/22

دانیشیر:
اوستاد «دوکتور رحیم رئیس‌نیا»
اوچونجو فایل
بو دانیشیغی ادبیات سئونلرین لینکین وئرمک شرطیله پایلاشماق، فایدالانماق اولار.

https://t.me/Adabiyyatsevanlar

اوستاد #رحیم_رئیس_نیا ایله فرقه دموکرات آذربایجان (آذربایجان دموکرات فرقه‌سی) حاقیندا اؤزل دانیشیق 1399/9/22

دانیشیر:
اوستاد «دوکتور رحیم رئیس‌نیا»
دودونجو فایل
بو دانیشیغی ادبیات سئونلرین لینکین وئرمک شرطیله پایلاشماق، فایدالانماق اولار.

https://t.me/Adabiyyatsevanlar

«علل پیروزی وشکست فرقه دموکرات آذربایجان»

گفتگوی اختصاص ادبیات سئونلر با دکتر«رحیم رئیس نیا» نویسنده، مترجم و مورخ نامدار آذربایجانی
زمان: امشب: 1400/9/21
ساعات: 21
مجری: کریم قربانزاده

https://t.me/Adabiyyatsevanlar

✅✅دیقت
سایین کانالداشلاربو دانیشیقلار بیلدیره عایدیر بو گئجه نین دانیشیغی ساعات 21 ده اولاجاق.

https://t.me/Adabiyyatsevanlar

«علل پیروزی وشکست فرقه دموکرات آذربایجان»

گفتگوی اختصاص ادبیات سئونلر با دکتر«رحیم رئیس نیا» نویسنده، مترجم و مورخ نامدار آذربایجانی
زمان: امشب: 1400/9/21
ساعات: 21
مجری: کریم قربانزاده

https://t.me/Adabiyyatsevanlar

اوستاد دوکتور«رحیم_رئیس_نیا» ایله فرقه دموکرات آذربایجان (آذربایجان دموکرات فرقه‌سی) حاقیندا اؤزل دانیشیق
ایکینجی بولوم: 1400/9/21

آپاریجی: کریم قربانزاده

بو دانیشیغی ادبیات سئونلرین لینکین وئرمک شرطیله پایلاشماق یا فایدالانماق اولار.

https://t.me/Adabiyyatsevanlar

یاندیریلان کیتابلار...

https://t.me/Adabiyyatsevanlar

«بختیار وهابزاده»

سئویرم هاوانین توتولماغینی
او گونش دوغاجاق،او گونش آنجاق!

سئویرم قیشین دا سرت اولماغینی
ایستی یای دوغاجاق،ایستی یای آنجاق!

سئویرم نیفرتین لاپ سون حددینی
او سئوگی دوغاجاق،او سئوگی آنجاق!

سئویرم ظولمونده مشققتینی
عدالت دوغاجاق،عدالت آنجاق!

https://t.me/Adabiyyatsevanlar

«محمد_ریضا_لوایی»

گئجه'م گؤزومدن آخیب قانلی یوللارا تؤکولور
سنین گئجه'ن هاردان قایناییر؟ هارا تؤکولور؟

توتوقلانیب بورادا حبس اولان زاواللیلاریق
بو باشلارین سیراسی داخمادان دارا تؤکولور

پاییزلارا توتولان ائل-لرین خیشیلتی-سییق
آغاجدان آلما دئییل، خان چوبان، سارا تؤکولور

بو تاریخین دؤشونه اؤزگه-لر شه-هر توخویور
بو کؤلتورون باشینا یار دئییل یارا تؤکولور

من ایزله-دیم، بللی بیر شئی دئییل بو یئر کوره-سی
سونوندا اشیالارین ذؤوقو آنبارا تؤکولور

تؤکولمه-ده بو قارا تقویمین اوزو گؤزه-لیم
نه فایدا؟ خالقی کؤکوندن یارا-یارا تؤکولور


https://t.me/Adabiyyatsevanlar

اوشاق ادبیاتی هرهفته پنجشنبه گونو ادبیات سئونلر کانالیندا .
اوشاق ادبیاتینا دایر یازیلارینیزی بیزه گوندرین .

https://t.me/Adabiyyatsevanlar

اوشاق ادبیاتی
تبریک لر اوغورلار
اوشاق ادبیاتینین تانینمیش قلم داشی سر کار خانیم «ویدا حشمتی» نین «اولدوزلارین نغمه سی» عنوانیندا یئنی اثری ایشیق اوزو گوردو اوشاق ادبیاتی صحیفه میزین یورولماز امک داشینی اوره ک ائویندن تبریک له ییب اوخوجوسو بول اولسون دئییر.

ناشر: نظامی گنجوی تبریز
یازار:«ویدا حشمتی»
رسام :«لیدا حشمتی»
بواثری ناشردن و ادبیات سئونلردن الده ائده بیلرسینینیر

https://t.me/Adabiyyatsevanlar

اوشاق ادبیاتی

بیرلیکدن قوّت دوغولار

کؤچوروب، حاضیرلایان ویدا حشمتی
سون بؤلوم


گؤیرچینلر شهرین اوستونده اوچماغا باشلادیلار. بیراز سونرا اووچو اونلاری ایتیردی.
گؤیرچینلر کؤنول راحاتلیغی ایله سیچانین یاشادیغی یئره گئتدیلر.
قوجا گؤیرچینین سیچان یولداشی تهلوکه‌لره قارشی، یوواسی‌نین اطرافیندا چوخلو دلیک آچمیشدی. هانسی دلیگین یوواسینا یولو اولدوغونو اؤزوندن باشقا کیمسه بیلمیردی.
قوجا گؤیرچین یولداشی سیچانی سسله‌یه‌رک دئدی:
- سیچان یولداش! هانسی دلیکده‌سن اؤزونو گؤرست، سنه ایشیم دوشوبدو.
سیچان سس وئردی:
- سن کیمسن؟ منله نه ایشین وار؟
قوجا گؤیرچین، من سنین یولداشین گؤیرچینم دئدی سیچانا. یولداشلاریملا بیرلیکده دوزاغا دوشوموشوک. سنین یاردیمینا احتیاجیمیز وار‌.
سیچان دلیکدن چیخیب، گؤیرچینلرین یانینا گلدی.
گؤردو گؤیرچینلر گرچکدن چون پیس حالدادیرلار.
-دوستوم بو دوزاغا نئجه دوشوبسوز؟ هله او هئچ! بو دوزاقلا بورایا قدر نئجه گلیبسیز؟ دئدی سیچان.
قوجا گؤیرچین درین-درین نفس چکه‌رک دئدی:
-بوندا چاشاجاق نه وار کی؟ چئوره‌میز اووچولارلا دولودور. باشیمیزا نه گله‌جه‌یینی هاردان بیلک؟ حیات بئله دئییل‌می؟ دوزاغی بورایا قدر نئجه گتیردیییمیزه گلینجه، بئله دئییم کی، عاغیل‌لا گوج، بیر ده بیرلیک اولارسا، نئجه چتین ایش اولسا دا، اوسته‌سیندن گلمک اولار دوستوم.
سیچان یورغون یولداشینی دوزاقدان قورتارماق اوچون، دویونلری گمیرمه‌یه باشلادی. آمما قوجا گؤیرچین بونا قارشی دوروب دئدی:
-سیچان قارداش. بیلیرم منله ایکی یاخشی یولداشیق! منیم دویونلریمی آچسان، یورولارسان. اوندا باشقا گؤیرچینلرین دویونونو آچماقدان واز کئچرسن. اؤنجه باشقا گؤیرچینلرین دویونلرینی گمیر، منیم‌کینی لاپ سونا ساخلا. بیلیرم کی یورولسان دا منیم دویونلریمی گمیرمه‌سن، ال چکمه‌یه‌جکسن.
سیچان قوجا گؤیرچینین بو سؤزلریندن چوخ دویغولانیب، دئدی:
-سنین کیمی دوست، وفالی بیر یولداشیم اولدوغو اوچون چوخ خوشبخت بیر سیچانام. سن بنزرسیز بیر دوستسان، دوستوم.
سونرا لاپ بالاجا گؤیرچینین دویونلرینی گمیرمه‌یه باشلادی.
سیچان ائله قئیرتله دویونلری گمیردی کی، آز کئچمیشدی بوتون گؤیرچینلر اؤزگولوکلرینه قوووشدولار.
قوجا گؤیرچین سیچاندان تشککور ائدیب، ساغ اوللاشدی. سونرا گؤیرچینلرله بیلیکده قانادلانیب اوچدولار.
قارقا بو ایشلرین هامیسینا شاهید اولدو. او، گؤیرچینلرین قورتولماغیندان چوخ سئویبنیب، یوواسینا قاییتدی. دوستلارینا اولانلارین هامی‌سینی آنلاداجاغیدی.

سئوگیلی اوشاقلار! «بیرلیکدن قوّت دوغولار» سؤزو ایله، برابر اولماغین و بیرلیک اولماغین اؤنملی اولدوغونو دئمک ایسته‌دیم. اونوتمایین بیرلیک اولماق، گوجلو اولماقدیر. اومارام بیرلیکدن قوّت دوغولار ناغیلیمیزدان گؤزل درسلر اؤیره‌نیبسیز.
بو ناغیلی باشقا دوستلاریزا دا اوخویون.
سیز ساغ اولون من ده ساغلام.
گؤیدن اوچ آلما دوشدو. بیری سنین، بیری منیم، بیری ده ناغیل دئیه‌نین.

سون

https://t.me/Adabiyyatsevanlar

اوشاق ادبیاتی

بئش‌داشین اؤزل سایی( چیلله گئجه سی و یانوار بایرامی) اوچون تئزلیک ده ایشیق اوزو گوره جک

@beshdashlar

https://t.me/Adabiyyatsevanlar

اوشاق ادبیاتی
گوزل بالا لار آذر آینین سون گونو چیلله گئجه سی دیر اوشاق ادبیاتی چیلله گئجه سیندن اوزون قارانلیق گئجه لردن کئچیب ایشقلی گونلر چاتماق سیزه آرزو ائدیر.
چون چیلله گئجه سی سیزین وئرلیشینیزین نوبتی دئییل اونا گوره ایندی دن سیزی تبریک له ییریک.

https://t.me/Adabiyyatsevanlar