گل-گل
نرمین ممد اووا

https://t.me/Adabiyyatsevanlar

"چنبرلر ایچینده..."

«کیان خیاو»

اللریم گوروشه کورپو سالاندا
توکولمه یه  جکدی ،آمما توکولدو
گوزلریم سر حدین ده میر تئلینه
دیکیلمه یه جکدی ، آمما دیکیلدی

چنبره دوشموشم ،چنبره آمان !
ساغیمدا ایلان وار ، سولو مدا چایان
دوداغیم دونیانی چاغیران زامان
تیکیلمه یه جکدی ، آمما تیکیلدی

 هانی آللی- گوللو سونا گوزه للر؟
اینیمه بیچیلمیش خارا خزه للر
سینه مین سازیندان قوشما – غزه للر
سوکولمه یه جکدی ، آمما سوکولدو

سازاق هاردان اسیر بیزیم باغچایا
باغچادان بورولوب دوشور تاغچایا
آخ ! تزه دردلریم کوهنه بوغچا یا
بو کولمه یه جکدی ، آمما بوکولدو

بو یوردون با شینا گور گلمیش نه لر ؟!
نه جئیران آغلایار ،نه جویومه لر
پاسلی پنجره مه پاخیر پرده لر
چکیلمه یه جکدی ،آمما چکیلدی

آی ائللر : آیاغا دورورام،نه غم ؟
بوردا درد اکیره م ، عیصیان بیچیره م
چونکو تورپاغیمدا قارا بیر سیتم
اکیلمه یه جکدی ، آمما اکیلدی
              

 https://t.me/Adabiyyatsevanlar

«کریم قربانزاده»
(۱)
یاشامدا
سئودیمده، سئویلدیم ده
ائویمده اولدو
جوجوغومدا
یاخشی ال تلفونومدا
شاعیرده اولدوم
شعیرده دوغدوم
اولدوزدا منیم اولدو
آی دا
یالنیز
بوردا گونش دوغمادی
بو وطن منه وطن اولمادی
***


کوچه لرده قالان اوشاقلیق کیمی‌یم
نه ایتیرم
نه بیتیرم
یالنیز سنین یولونو گوزله ییرم
گونش چیرتلایاندان
اولدوز آخانا کیمی

https://t.me/Adabiyyatsevanlar

«دویغوقاراچایلی»

پارچالانمیش گؤزگو کیمی
هر ائوده بیر من یاشاییر
هر اینسانین اوره‌یینده
ساچیندا بیر دن یاشاییر


منله دولوب سیزین ائولر
هرنفسده ایزیم قالیب
کایئناتین قادینییام
اوجاق اوجاق کؤزوم قالیب


بؤیوک فلسفه داشیییر
ایشیقدان سورعتلی گؤزوم
زامان اؤلچوسون داغیدیر
تانریدان جرأتلی سؤزوم


هم اینسانام، هم ده ملک
سن منی گؤرمه‌یه جک سن
هر آن گؤزگویه باخاندا
اؤز،اؤزونو سئوه جک سن


هر ائوده بیر من یاشاییر
بیر تانری یارادیب بیزی
باخ سؤزومه، دوشون بیر آز
هر من ده وار اونون ایزی


https://t.me/Adabiyyatsevanlar

«‏علی فرشباف» ادبیات سئونلر گوزگوسونده
زمان: سه شنبه 1400/9/2
ساعات: 21
آپاریجی:«کریم قربانزاده»

https://t.me/Adabiyyatsevanlar

اوزل وئرلیش؛
قونو: کینایه‌لرین یارانیشی (31)
سایلارا عایید کینایه‌لر
بوگئجه: 1400/9/1
ساعات: 21 «ادبیات سئونلر کانالیندا»
اوزمان: «میرحسین دلدار بناب»

https://t.me/Adabiyyatsevanlar

بیر پارچا اولدوز

هادی قاراچای

سنسیزلیگی پوزا بیلن بیر سس آختاردیم
یالنیزلیغی پوزا بیلن بیر دوست آرادیم
دونیا
سس‌سیز ایدی
کندی قینیندا اویوموش.
و چؤل‌لرین اورتاسیندا قبیر قازیردیلار
بیر- بیرینه انسان‌لار.
آخ، تانریم
منیم کؤلگم
داغلارا دوشر
دنیزلری اؤرتر،
مصراعلاریم اود پارچاسی
شعرلریمی گونشه یازار
و هر بیتمیش شعریم
دمیرچی کوره‌سیندن ایستی
قاراچی چؤره‌ییندن دادلی اولاردی
تاپاردیمسا
تاپاردیمسا آختاردیغیم ال‌لری.
دونیا
یامان سس‌سیز،
ایتگی‌لر
ایتگین قالیر قارانلیغیندا حیاتین.
و ال‌لر
بوشونا گزیر بوشلوغوندا هاوانین.
کیمسه یوخ
کیمسه یوخ
سس‌سیزلیک ایچینده
بوغولور دونیا سس‌سیز و سس‌سیز
من
کیمسه‌سیزم،
دونیا
مندن کیمسه‌سیز

https://t.me/Adabiyyatsevanlar

اوزل وئرلیش؛
قونو: کینایه‌لرین یارانیشی (31)
سایلارا عایید کینایه‌لر
بوگئجه: 1400/9/1
ساعات: 21 «ادبیات سئونلر کانالیندا»
اوزمان: «میرحسین دلدار بناب»

https://t.me/Adabiyyatsevanlar

اوزل وئرلیش 1400/9/1
کینایه‌لرین یارانیشی (۳۱)
سایلارا عایید کینایه‌لر
اون ایکی، اون اوچ، اون دؤرد، ...، ایرمی‌بیر، ...، اوتوز اوچ ... سؤزجویو (۱۴)
اوزمان:«میرحسین دلداربناب»

https://t.me/Adabiyyatsevanlar

اوزل وئرلیش 1400/9/1
کینایه‌لرین یارانیشی (۳۱)
سایلارا عایید کینایه‌لر
قیرخ سؤزجویو (۱۵)
اوزمان:«میرحسین دلداربناب»

https://t.me/Adabiyyatsevanlar

اوزل وئرلیش 1400/9/1
کینایه‌لرین یارانیشی (۳۱)
سایلارا عایید کینایه‌لر
اللی سؤزجویو (۱۶)
اوزمان:«میرحسین دلداربناب»

https://t.me/Adabiyyatsevanlar

اوزل وئرلیش 1400/9/1
کینایه‌لرین یارانیشی (۳۱)
سایلارا عایید کینایه‌لر
یئتمیش،یئتمیش ایکی...(۱۷)
اوزمان:«میرحسین دلداربناب»

https://t.me/Adabiyyatsevanlar

«‏علی فرشباف» ادبیات سئونلر گوزگوسونده
زمان: سه شنبه 1400/9/2
ساعات: 21
آپاریجی:«کریم قربانزاده»

https://t.me/Adabiyyatsevanlar

«‏علی فرشباف» ادبیات سئونلر گوزگوسونده
سه شنبه: 1400/9/2
آپاریجی:«کریم قربانزاده»

https://t.me/Adabiyyatsevanlar

«‏علی فرشباف»ادبیات سئونلرگوزگوسونده
1400/9/2
آپاریجی:«کریم قربانزاده»

https://t.me/Adabiyyatsevanlar

‏دونیانین ان گوزل فرشبافلاری
هابیل علی یئوه، علی فرشباف و حبیب فرشباف.

https://t.me/Adabiyyatsevanlar

سنه ده قالماز

سس:«خسرو علمیه»

تار:«محمود شاطریان»

کمانچا:«علی فرشباف»


https://t.me/Adabiyyatsevanlar

تهمینه نین سون سیرری
خالق یازیچی سی « آنارین» یئنی حکایه سی
حاضیرلایان: «ادبیات سئونلر»
کوچورن:«سحر خیاوی
چهارشنبه گونو: 1400/9/3
«ادبیات سئونلر کانالیندا»

https://t.me/Adabiyyatsevanlar

تهمینه‌نین سون سیرری
✍«آنار-ریضایف»
حاضیرلایان:«ادبیات سئونلر»
کؤچورن:«سحر-خیاوی»

بیر آیریلیق، بیر اؤلوم
هئچ بیری اولمایایدی
اؤلوم آللاه امریدی
آیریلیق اولمایایدی
تابوتو ایکی طرفدن دؤرد کیشی چیگین‌لرینه آلمیشدیلار. اوچو ماسکالی ایدی. ایکیسی قارا، بیری چیل- چیل یاشیل ماسکا تاخمیشدی.
دؤردونجو کیشی ماسکاسیز ایدی، آمما آرخادان اوزونو گؤرمک اولموردو.
تابوتون قاپاغی آچیق ایدی. ایچینده اوزانمیش مئییت ده ماسکالی ایدی. ماسکا اؤلونون نه‌یینه گرک؟! آمما یقین باشقالاری مثلن، ائله قبیر قازانلاری یولوخدورماماق اوچون اوزونه ماسکا تاخیبلار. کیم بیلیر بلکه ائله کرونا ویروسدان اؤلوب.
کوچه‌نین تینی‌نه یئتیشدیلر. ایشیق فوردا قیرمیزی ایشیق یانیردی. دایاندیلار. یاشیل رنگلی رقملر بیر- بیر دییشیردی: یئددی، آلتی، بئش، دؤرد، اوچ، ایکی، بیر... یاشیل ایشیق یاندی. تابوتو داشییانلار سکی‌دن کوچه‌یه دوشدولر. کوچه‌نین اورتاسیندا تؤوشومه‌یه باشلادیلار. تابوتو یئره قویدولار. در حال پلیس باشلارینین اوستونو آلدی: پلیس ده طبیعی کی ماسکالی ایدی.
-- بوردا تابوت ساخلاماق اولماز-- دئدی. بورا ناظیرلییین ایستگاهی دیر.
تابوتو ساغ طرفدن داشییان ماسکاسینی چیخارتدی. بو مورتوض بالایئویچ ایدی:-- سن کیم‌له بئله دانیشیرسان؟ -- دییه پلیسین اوستونه قاباردی.-- من پُل کوونیکم. اونون آرخاسیندا کی کیشی ده ماسکاسینی چیخارتدی:
-- من ده kQB مامورییام‌-- دئدی. داداش ایدی.
سول طرفده کی کیشی ده ماسکاسینی چیخارتدی. پلیس ریشخندله-- سن ده ژنرالسان یقین.-- دئدی.
صفدر دایی:-- یوخ. من صررافام.-- دئدی.
پلیس: من ژنرال آدمیرال هرله‌میرم-- دئدی-- هامینیز جریمه وئره‌جکسینیز.
بی‌سیم ایله هاراسا خبر ائله‌دی. مورتوض بالایئویچ ده، صفدر دایی دا، داداش دا بیردن بیره یوخ اولدولار.
یوخ، قاچمادیلار، اوزاقلاشمادیلار، بیردن- بیره سراب کیمی یوخا چیخدیلار. هاوادا اریییب ایتدیلر. پلیسین چاغیردیغی یوک ماشینی گلدی. ساری گئییملی خیدمتچی‌لر تابوتو ماشینا یوکله‌دیلر.
ائله بو آن تابوتون ایچینده کی مئییت باشینی قالدیریب باغیردی:
- زائور، زائور، بورا گل!
زائور دئمه تابوتو داشییان دؤردونجو آدام ایمیش.-- چیغیرماغا باشلادی-- یوخ، یوخ، ممدنصیر، گلمیرم. چیغیرما، گلمیرم ممدنصیر!
فیرنگیز زائورو دومسوکله‌ییب اویاتدی: نه باغیریرسان زائور؟ دور گؤره‌ک.
زائور گؤزلرینی اووشدورا، اووشدورا:
-- نه باغیریردیم کی؟ دییه سوروشدو.
فیرنگیز:
-- نه بیلیم ممدنصیری چاغیریردین. ممدنصیر سنین او آراق دوستوندو؟ اونون یوز یاشی اولار یقین.
-- یوز اولماسا دا دوخسانی چوخدان کئچیب.
-- آمما یئنه آراق ایچمکدن قالمیر.
-- هه دا. دئییر کی دونیادا قوجا ایچکی‌بازلار قوجا حکیم‌لردن چوخدو.
فیرنگیز گولدو:
-- اونون سؤزو دئییل کی. یادیندادیر پاریسده بیر کافه‌یه گئتمیشدیک؟ اوردا دیواردا یازیلمیشدی بو سؤزلر. بیزه ترجومه ائتدیلر. چوخ گولدوک-- فرنگیز کؤکسونو اؤتوردو: -- ائه نه گؤزل گونلر ایدی... ائله بیل یوخودا گؤرموشم بوتون بونلاری.
زائور: اولا بیلسین من دانیشمیشام بونو ممدنصیره. اونون دا اوره‌ییندن اولوب. ائله تئز- تئز تکرار ائدیر کی...
دوروب توآلته کئچدی. سونرا ال- اوزونو یودو. دیشلرینی تمیزله‌دی. دیش خمیرینین لاپ دیبی قالمیشدی. گوجله سیخیب بیر نئچه دامجی چیخارتدی. " صاباح پاستا آلمالییام دوشوندو".
اوتاغا کئچیب ماسانین آرخاسیندا اوتوردو. فیرنگیز آرمودو ایستکانا چای سوزدو:
-یئنه اؤلنلرین سایی آرتیب-- دئدی-- بو کرونا ویروس نه زیبیل شئی ایمیش. هامیمیزی قیراجاق. زائور پئندیر- چؤرکدن بیر دیشدم آلیب:
-- آغزیوی خئییرلی آچ دئدی.
-- گؤرمورسن تئلویزیادا نه دئییرلر؟!
یوز فاییز ثبوت ائدیبلر کی صونعی ویروسدو قصدن چینده دوزلدیب‌لر. بوتون دونیا اهلینی قیراجاقلار. چینه نه وار کی یاریسی قیریلسا دا یاریسی قالاجاق. وای بیزیم حالیمیزا. هامیمیز اؤله‌جه‌ییک گئجی- تئزی وار.
پئندیر- چؤره‌ک زائورون بوغازیندا قالدی. چچیدی. تیکه‌نی بیر تهر اوددو:
-- دئدیم آغزیوی خئییرلی آچ. اؤلنده ده اؤله‌جه‌ییک دا... ایندیدن نییه یاس توتاق؟
فرنگیز:
-- هامی اؤلسه ده ممدنصیر ساغ قالاجاق-- دئدی.-- سنین له آراق ایچمک اوچون.
زائور آراق مسئله‌سینی قولاق آردینا ووردو.
-- آللاه آغزیندان ائشیتسین-- دئدی. بیر آی اولار کیشی‌دن خبریم یوخدو.
-- آراق ایچمک اوچون داریخمیسان؟
-- یوخ. سنه سوز وئرمیشم آخی، دای دیلیمه وورمایاجام.-- چیخیم بیرآز بولواردا هاوا آلیم.
-- گلنده چؤره‌ک آل. بیر ده ساریمساق. دئییرلر ساریمساق ویروسون قنیمی‌دیر.
اصلینده نییتی بولواردا گزمک دئییل، ممدنصیرله گوروشمک ایدی. یوخ، ایچمک یوخ. فرنگیزه سوز وئرمیشدی کی دیلینه وورمایاجاق. هر حالدا ان آزی بیر- ایکی آی. ممدنصیرله ایسه بیر آی اولاردی گوروشموردولر. بلکه آیدان دا آرتیق.