«رقیه کبیری»

تبریک و آرزوی موفقیت‌های فراوان به منیره اکبرپوران(اولکر اوجقار)

«کوروغلوی قرن بیست و یکم و آشیقهای ایران» در انتشارات بین المللی ایزیس در استانبول منتشر شد. این کتاب که نتیجه ی دو سال پژوهش فوق دکترای محقق تبریزی منیره اکبرپوران در دانشگاه کلرمون فران فرانسه است، به دو زبان فرانسه و ترکی آذربایجانی منتشر شده است. در این کتاب هفت اجرای مختلف از حماسه ی کوروغلو در سالهای 2015-2018 و در مناطق و موقعیتهای مختلف گردآوری و به فرانسه ترجمه شده اند. محقق در این اثر اجراها را با توجه به نظریات جدید ثبت اجرای حماسه و همراه با توضیحات صحنه ثبت کرده. یعنی کتاب می تواند به شکل مستقل تمام اجرا را بازسازی کند. با توجه به این که فیلم اجراها پیشتر در سایت منابع دانشگاهی وزارت علوم فرانسه به اشتراک گذاشته شده بودند و ارجاعات در کتاب موجود هستند، مخاطب می تواند مطالعه ی خود را با دیدن فیلمها تکمیل کند. کتاب شامل یک مقدمه ی مفصل درباره ی سنت اجرای کوروغلو در ایران و تحلیل تحولات اخیر این سنت است.
اجراهای ارائه شده در این کتاب عبارتند:
1. سفر علی به تبریز( تولد کوروغلو ) ؛ آشیق علی کریمی، اجرای سنتی عروسی (تبریز)
2. داستان مهتر یا بولو؛ آشیق علی قره آغاجی، اجرای قهوه خانه‌ای (اورمیه)
3. داستان سفر تورکمن (آوردن ایواز)؛ بخشی از کنسرت آشیق محبوب و آشیق نوروز، اجرای در کنسرت ( تبریز)
4. گیزیر اوغلو مصطفی بی؛ آشیق احمد شهبازی، اجرای یک اپیزود در قهوه خانه (آبیک قزوین)
5. جنگی کوروغلو؛ آشیق محبوب عبدی، اجرای یک اپیزود کوتاه بر اساس نام آهنگ، عروسی (اهر)
6. داستان سفر تورکمن یا آوردن ایواز؛ آشیق مهدی نجفی، اجرا در فستیوال آشیقلاری بایرامی (زنجان)
7. مصری کورغلو؛ آشیق میلاد اسدی، اجرا در فستیوال آشیقلار بایرامی (زنجان)

https://t.me/Adabiyyatsevanlar

اوزل وئرلیش؛
قونو: کینایه‌لرین یارانیشی (30)
سایلارا عایید کینایه‌لر
بوگئجه: 1400/8/24
ساعات: 21 «ادبیات سئونلر کانالیندا»
اوزمان: «میرحسین دلدار بناب»

https://t.me/Adabiyyatsevanlar

اوزل وئرلیش1400/8/24

قونو: کینایه‌لرین یارانیشی (۳۰)
سایلارا عایید کینایه‌لر
یئددی سؤزجویو (۱۰)
اوزمان:«میرحسین دلداربناب»

https://t.me/Adabiyyatsevanlar

اوزل وئرلیش1400/8/24

قونو: کینایه‌لرین یارانیشی (۳۰)
سایلارا عایید کینایه‌لر
یئددی سؤزجویو (۱۱)
اوزمان:«میرحسین دلداربناب»

https://t.me/Adabiyyatsevanlar

اوزل وئرلیش1400/8/24

قونو: کینایه‌لرین یارانیشی (۳۰)
سایلارا عایید کینایه‌لر
سکگیزله دوققوز سؤزجویو (۱۲)
اوزمان:«میرحسین دلداربناب»

https://t.me/Adabiyyatsevanlar

اوزل وئرلیش1400/8/24

قونو: کینایه‌لرین یارانیشی (۳۰)
سایلارا عایید کینایه‌لر
اون سؤزجویو (۱۳)
اوزمان:«میرحسین دلداربناب»

https://t.me/Adabiyyatsevanlar

«ناصر داوران»
مانیفست

من چؤره یین آچیق یولونو
دیلی پلتک لرین آیدین خطابه لرینی دوشونورم
نامحرمه یول وئرمه ین چیلغین آرزولاری
وطن یئکه لیکده دونیانی دوشونورم
بس من وارام.

چیچک لرین شهید ماهنیسی
گؤیلرین اوجقار یئرینده چراغ اولور
تاخیلیر قارانلیغین گؤزونه
شعریمه دئمیشم
شهید ماهنی لار دفتریمی ترک ائله سه لر
اؤلسون
بس من وارام.

یوخ دئمک آزادلیق دئمکدیر
دیلیمین یوخ دئیه ن یئرین کسیرلر
مفتیل لر دؤزه بیلمیر
اؤلومه خور باخان دویغولاریما
بو چتین بایرامی
چالیشیرام باجارام
بس من وارام.

اونون کؤینه یینده قیزیل اولدوز یانیر
گون باتیر گؤزونده
ماوی لیک دؤزولمز اولوب
سو سوسمالی
انقلاب کیمی دیر وطن
دوغور دا، بوغور دا
من بونا دؤزه بیلمیرم
بس من وارام.

https://t.me/Adabiyyatsevanlar

"جانای"
یئنه ده بو آخشام شهر داریخدی
منی خییاوانلار ایتیرمیشدیلر
ساپ ساری چیراغین یومولان گؤزو
سنی گوزلریمه گتیرمیشدیلر

کوچه لرمات قالیب سس سیز سمیرسیز
آیاغ ایزلرینی گؤزومه گئیدیم
قاپیدان قاپی یا اوزومو آسدیم
جانیمی سویوندوم اوزومه گئیدیم

سوسوردوم دلیجه سنی شهرده
ماسکالی باخیشلا گولدولر منه
ساچیمی سپیردیم آل چیچک لره
سئوگینی تام یاساق بیلدیلر منه

یئنه ده بو آخشام آی یوباندیسا
داریخما شهری سیلکه‌له‌میشم
ایلردن قورتولوب قالان سئوگینی
دئمه قاپی قاپی درد ائله‌میشم

قولونو بوینوما دولایان گئجه
کئچیر گؤزلریمین آغ واراغیندان
سینیرام یانیرام دونورام آنجاق
اوزومو آسیرام سئوگی تاغیندان


https://t.me/Adabiyyatsevanlar

«اسماعیل خرمی»

‍ ‍ بعضی سؤزلر وار،
نه ساچینی داراییب
دوداقلارینی بزه‌ییب
گوزگو قاباغینا،
آپارماق اولار.

نه ده الیندن یاپیشیب،
کوچه‌یه چیخارتماق.

مجبور قالار آدام-
ایچینین سس‌سیز بیر اوچ بوجاغیندا-
بیر مزار قازدیریب
کفنه بوکوب، غوسلون وئریب، دفن ائده.

قورت - قوش داراشار
او سؤزلرین جنازه‌سینه.
جنازه قورتاردیقدا،
قورت قوش ایچین سؤکر آدامین.

یئییلرسن
یئگه پیچاقی
ایتیلدیب بیتیردیی کیمی.


https://t.me/Adabiyyatsevanlar

«کریم قربانزاده»

الو
سالام
گولوستان باغی؟
بلی اوزومم بویورون.
شاه گولویم نئجه سن ؟
سلام، به به نه عجب گون هاردان چیخیب آی بالا کاسیبلاری یاد ائله یبسن؟
جانیمسان گولوستان باغی بیلیرسن خاطیرین منه چوخ عزیزدیر یاخشی سان؟
یاشا قوربان اولارام پیس دئییلم ، آمما ائله ده تعریفیم یوخدو.
سن نئجه سن، نه خبر بوسویوق گونلرله؟
منده کئچینمه وارام ، قیش دوشندن ، هاوالار سویویاندان آقاجلاریاتیب ، پنجشبه ،جوماگونو هردن بئش آلتی نفرگلیب دولانیب قاییدیب گئدیرلر .
گوندوز لر قارقالار گیج ائله ییر، گئجه لر پاخلا چی لار، بئش- اون گوندو ساعات اون ایکی دن اوطرفه چیراقلاری دا سوندورولر لاپ ظولمت اولور، قو وروسان قولاق توتولور . واللاهی هئیچ زاد منی قارانلیقلار کیمی سیخمیر، گئجه لر بوچوللوبیابان یئرده تک لیک دن آزقالیر باغیریم چاتلاسین .
اوردا نه خبر؟
والله من ده سنه تای ، من ده گوردویون گولوستان باغی دئییلم کی سحردن آخشاماقدر آدیما ماهنی اوخویالار ، آدیم دیلر دن دوشمه سین، ایندی قدیمی آغاجلاریمی کسیبلر یئرینه اویان بویاندان اوچ دوردنه قورقودوق آغاج گتیریب پاییز اولمامامیشدان گرک اوشاق کیمی آغاجی بله ییسن مین رحمت او قاردون وطن لرین دده سینه کولک اسمه میش آغاجین گوتو دونور یادینا گلردا بوردا منیم ائله آغاجلاریم واردیدی قیشی اصلان کیمی بوردا لوم لوت دایاناردیلار باهاردا یام یاشیل چیراق کیمی یاناردیلا گلیب گئدنین آغزی آچیق قالاردی .اصلن یادیمدادن چیخماز 1324 ده قیشین لاپ اوغلان چاغیندا توف دئییب گویده دونان گونلرینده سحرچاغی ساعات قاباغیندان فدایی لر دسته سی مارش اوخویا - اوخویا گلردیلر بورا، بوردا سان باشلاناردی ناهاراجان بی ریا گورولتوسسییله دانیشاردی شعراوخویاردی:
بسله نیر قلبیمده سونسوز حورمت، آذربایجانا
ایسترم دونیاده من حوریت آذربایجانا
سانمایین اوز یوردومون اسرارینا بیگانه یم
من اونون سودای عشقیندن بوجور دیوانه یم
شمعه بنزر، دوره سینده فیرلانان پروانه یم
قویمارام اصلا قویولسون منت آذربایجانا..
سونرا رادیونو آچاردیلاردئینده :دانیشیر تبریز هامی نین توک لری بیز -بیز دوراردی، اوندا هریئرده رادیو یوخویدوکی جماعات گلردیلر بوردا رادیویا قولاق آسماغا، آخشاملار بیر عالم اولاردیکی گل گورسن! هردن دن عاشیق حسین جاوان دسته سی ایله گلردی بورا ایی نه سالماغایئراولمازدی.
کیشی ده بیر سس واردیدی، سس ها آداماجان وئرردی ،بوردا من ائله کیشی لر گورموشم اینانمیرام بیرده اولارینین تای تاپیلا 1327 ده خرداد آینین بیر ایدی فریدون آدیندا بیر کیشینی مامورلار گتیردیلربوردا دارا چک سینلر کیشی ده بیر اوره ک واردی داغلار کیمی ایپی بوینونا سالمامیشدان قاباق ال آتدی اوباغچا دان قیرمیزی بیر گول دردی تاخدی سینه سینه اوجادان قیشقیردی یاشاسین آذربایجان من بیرسوز دئییرم سن بیر سوز ائشیدیرسن واللاه توک لریم بیز - بیز دورموشدو کیشی نین گوزلرینده بیر ذره قورخو یوخویدو نامردلر ائله بیر اوغلانی بیزیم گوزوموزون قاباعیندا دارا چک دیلر هله ده هر باهار گلنده من قان آغلارام ،اه روزگاردی دا. سونرالاردا لاپ اوز به اوزوم ده شیکاری قهو ه سین آچدیلار آخشاملار عاشیقلار یغیشاردیلاراورا چال چاتلاسین وورپاتلاسین دوشردی ایشه قارداش جانی من تبریزین عاشیقلارینین هامیسین بوردان گوروموشدوم ،
گولوستان باغی یادیمدان چیخمامیش اوردا ،او دیک کوچه یادیوار گلر؟
هاهاها ، هن بابا اورانین آروادلارین چوخو سحر چاغی ایشه گلنده بوردان گلیب گئدردیلر.
بیرزامان تبریز- تبریز ائله بورا یدی دا اوندا سن منیم حسرتیمی چکردین، پاساژ قاباغی بارونلارین مئیخانلاری ،گجیل، اورتولوبازار، قوردمیدانیندان اوسته هیچ زاد یوخویدوکی.هله- هله سیزه طرف گلن اولمازدیر
تبریز ه گلن منه باش وورماسایدی جماعات دئییردیلر : گولوستان باغین گورمه سن ائله بیل تبریزه گئتمه میسن .هانی اوگونلر ؟ ایندی مندن ائله بیر قورو آد قالیر . سحردن آخشامجا بوردا قووادلارین ، اوشاق بازلارین، معتادلارین الینده جانا گلمیشم، دای گئتدی او گونلر شاه گولو جانی دردیم دئشیلمیشدی اوره یم دولو ایدی بتر باشیوی آغرتدیم .
سن الاه تئز- تئز زنگ آچ .
هله اوزون نئجه سن؟ عینالی دان زادان خبرین وارمی؟
عینالی داندا هردن خبریم اولاردی بوزهرمار بورجلار زادلارقاباغیمی‌کسندن دای قدیمکلرکیمی هرگون گوره بیلمیرم ، آما هردم مئساژلاشریق.
اه بابا اویازیغیندا هریانین سوکوبلر اوچدن بیری قالماییب دای .اود دا بوگونلر چوخ واختلار خسته اولور شهرین توستوسو سینه سین ایشدن سالیب ، گوزلرین کور ائله یب،دای اودا قدیم کی عینالی دئییل .

شاه گولو، گولوندن نه خبر؟
ساغلیق، تازا بیرخبریوخدو.
گولوستان باغی ائله بیل باشقا زنگیم وارا ۴-۳ گونو ایدی ساعاتا زنگ آچیردیم باغلانمیردیم پیغام گوندرمیشدیم ائله بیل اودو، قوربان کسرم یئنه زنگ آچارام.
ائله سنین او گولونه قوربان اولوم ،باشینا

دولانایم اوره ییم آچیلدی ساعاتا دا مخصوص سالام یئتیر.
قوربانلارین اولارام سن ده گجیله سالام یئتیر.
آلو
کیشی ساعات سلام علیکم نئجه سن گول اوغلان؟
باغیشلاها بئواخت گوتوردوم گولوستان باغیلا دانیشیردیم اونوندا دردلرینین باشی آچیلمیشدیر بوراخانمیردیم.
ناوار نه یوخ؟یوخسان قاداسی؟
سن اول احوالاتیم دیرام دیر، ایکی آیدی نئتیم کسیلیب بوگون سحردن یولا دوشوب بیر آز بوندان قاباق ایمئیلینی گوردوم.
قاردش جانی اوره ییم بیر تیکه اولموشدو دای قدیمکی لردئییل کی سن اوردان باخاسان من بوردان هرساعات ادی باجی ائله یک من ایل ایگیرمی دورد ساعاتی خارابام

جانین اوچون ایندی ایل یاریمدی کی مرمت اولمامیشام بوماشینلارین توسدوسو ، توز تورپاغی نفسدن سالیب آز قالیرام بوغولام
یئنه سنین یئرین یاخشی دیر بورکونو گویه آت من لاپ تولامباردا یاشاییرام‌

اوزومده چوخداندیریاد دان چیخمیشام.
یوخ جانیم سن آللاه بوسوزلری دئمه، واللاه سن تبریزین گوزوسن، ائله بوش بوشدا دورسان اوردا بیر دونیاسان .
کیشی تبریزلی لرین هامیسی مه مه یئیندن په په یئینه جه سنی تانیرلار، بارناوالی لار سندن اوته ری اولورلر ،سن تبریزده بیردنه سن .
دونن گئجه اوردا نه خبرواردیدی؟ بوگون بوراگلن لردن بیرسوزلرائشیدیم امما یاخشی باشا دوشمه دیم. دئییردیلر دلی نم نمه بئله بیرزادلار.
هن دلی قوربانی دئیرسن اونون فیکیریندن دونن گّئجه سحره دک گوزومویوممامیشام اوقدرآغلامیشام گوزلریم آزقالیر پاتلاسین
بوردابیر دلی قوربان واردیدی بیزیم او دالی کوچه ده قاردون وطنی ایدی اوتوز ایلدیر گئجه لر اوردا یاتاردی محله نین آداملاریندان بیر خئییر گورمه میشدی گئدیب ایتلریلن ، پیشیک لریلن دوست اولموشدو.بوآدام او اویان بویاندان بیر تیککه یاوان چوره ک تاپسایدی یاریسین وئرردی او حئیوانلارا، دونن گوردون دا هاوانین دورومون دئیردیلر کئچن قیرخ ایلده تبریزده بئله بیر سویوق اولماییب آخشامدان کولک ایدی، شاخته آدامین سوموک لرین کسیردی ساعات اوندان قاردا باشلادی یاغماغا منیم عقربه لریم آزقالیردی دایانا قوپ قورو قوروموشدوم ،دلی قوربانی دا سویوخ بتر کیررخدیرمیشدی الیمدنده بیر ایش گلمیردی اوز - اوزومه دئیردیم بئله گئتسه قوربان بو گئجه دوناجاق ، آللاه - آللاه ائلییردیم بیری قاپیسینی آچا هئچ اولماسا بو گئجه لیک دلی قوربانی آپارا ایچرییه فقط هردن اوسفئه گئده شور گوز حاجی ناغی قولسوزترکوینه ایلن گلیردی پنجرنین دالینا باخیردی ناغییا ال ائلیردی گوله- گوله قویوردو گئدیردی، گوروردو ها دلی قوربان آز قالیر دونسون
آمما گئده باشی اصلن اوزونه گتیرمیردی گئجه ساعات ایکی میزانی ایدی عجیبه بیر صحنه گوردوم او ایت لرکی قوربان اولارا چوره ک آتاردی ایکی سی گلدی، قوربانی گورن کیمی هرسی بیر طرفدن اوزلرین یاپیشدیردیلار قوربانا ایستیردیلر قوربانین جانین قیزدیرسینلار، بیر آزدا بوجور کئچدی صبح آذانیندان سونرا بیردن -بیره شاپپیلتی سسی گلدی باخاندا گوردوم قوربان ایتلرین آراسیندان اوزو اوسته گلمیشدی یئره اینانماسان ایتلر باشلاری ایله قوربانی ایته لیردیلر اویان بویانا هی هورودولر ساعات اوناقدر کی بلدیه مامورلاری گلدیلر قوربانین جنازه سینی آپاردیلار ایتلر باشی اوستوندن چکیلمیردیلر، سحریسی لاپ اوول آدام داکی صحنه نی گوردو یئنه همان حاجی ناعی ایدی سحر نامازدان سونرا گئدیرکوکه آلسین قوربانین جنازه سین گوردو بیر قارا پول آتدی اوستونه دئینه- دئینه چیخدی گئتدی .
باغیشلا سنی نده اعصابینی خراب ائله دیم .
شاه گولو جانی ایستمیردیم سنی راحاتسیز ائله یم سورودون سوزگلیشی دئدیم .
هیچ اولماسا سنین یئرین یاخشی دیر، جماعات تکجه دلخوشلوغا گلیرلر اورا .
من گورنی بوشهرده واللاه باشقاساعاتلار گورسه یدی بیر گونده دوام گتیرمزدیلر منیم اوزوم برک دیر .قدیم بوردان آیدان- ایلدن بیر ماشین کئچردی ایندی ماشین الیندن یئردیوخدو آرواد بازلاری دا دئمه بو آرتش خییاوانی نین اوولینده بیر آروادین جیراسینللغین گوروم دورسون ،دورماق همین بیری آلیر قابانا ، اوبیریسی جامین چکیر آشاغا چاغیریر، چیراق وئرن کیم، یوزنفر سیقگنال چالیر،وانت دن توتدو مینی بوساجان ایستیر اونو قووزاسین، هردن بازار آغزیندان گوزوم اوتو کشلره ساتاشلار بیلمرم آغلایام یا گولم .

باشینی آغریتدیم .
یوخ جانیم ، ساعات، شهنازدان ، تربیت دن ، قورد میدانیندان ، دهقان مدرسه سیندن، دانیشسرادان ،قاری کورپوسوندن سامان میدانیندان نه خبر اولاریلان‌ باغلانتین وار ؟ سن اللاه هر هانسینی گورسن من دن بتر سالاملار یئتیراونلارا ،رحمتلی نین اوغلو زمانه ائله خاراب اولوب کی
دده نین بالادان خبری یوخدو ، آیدان ایلدن بیر بیرلرینه یالاندان ایمودا ، تلقیرامدا ایکی دنه ایستگر گوندریلر یاواش- یاواش بیزده اولارا تای اولوروق
چوخداندیر هئچ بیریندن خبریم یوخدو من بوردا ارکی تئز - تئز گورردیم اونوندا باشینا ایتین اویونون گتیریبلر

، دوره سینده پاساژ زاد دوزلدیبلر ، اویان بویانین سوکوبلر ، یازیغین لاپ یارالی سین سالیب لار بیر دار - دودوک قفسه .اوچ دورو ایل بوندان قاباق هردن بویلاناردیق بیر بیریمیزی گورمه یه ایندی اونودا الیمیزدن آلیبلار .
سن اوله سن بئله گئتسه ایکی- اوچ ایله جه هامیمیز یا آرادان گئدریک یادا دالدا بوجاقدا خفه لنریک.
شاه گولو سن اللاه اوزوندن میغایات اول باشینی چوخ آغریتدیم درد چوخ، واخت یوخ، یورولدون دورگئت یات ایندی سحر آچیلار یئنه قارقالار توکولرباشینا
ساغ اول کی زنگ آچدین .
ساعات باشینا دولانیم نیگران قالما سن شهرین تاریخی سن، سنه

هئچ کیمسه ال وورآنماز هردن بیر دوربریندن اوچ دورد دنه شکیل چک یولا قوربان کسرم گئجه ن خئییرلر قالسین .

https://t.me/Adabiyyatsevanlar

«کریم قربانزاده»

الو
سالام
گولوستان باغی؟
بلی اوزومم بویورون.
شاه گولویم نئجه سن ؟
سلام، به به نه عجب گون هاردان چیخیب آی بالا کاسیبلاری یاد ائله یبسن؟
جانیمسان گولوستان باغی بیلیرسن خاطیرین منه چوخ عزیزدیر یاخشی سان؟
یاشا قوربان اولارام پیس دئییلم ، آمما ائله ده تعریفیم یوخدو.
سن نئجه سن، نه خبر بوسویوق گونلرله؟
منده کئچینمه وارام ، قیش دوشندن ، هاوالار سویویاندان آقاجلاریاتیب ، پنجشبه ،جوماگونو هردن بئش آلتی نفرگلیب دولانیب قاییدیب گئدیرلر .
گوندوز لر قارقالار گیج ائله ییر، گئجه لر پاخلا چی لار، بئش- اون گوندو ساعات اون ایکی دن اوطرفه چیراقلاری دا سوندورولر لاپ ظولمت اولور، قو وروسان قولاق توتولور . واللاهی هئیچ زاد منی قارانلیقلار کیمی سیخمیر، گئجه لر بوچوللوبیابان یئرده تک لیک دن آزقالیر باغیریم چاتلاسین .
اوردا نه خبر؟
والله من ده سنه تای ، من ده گوردویون گولوستان باغی دئییلم کی سحردن آخشاماقدر آدیما ماهنی اوخویالار ، آدیم دیلر دن دوشمه سین، ایندی قدیمی آغاجلاریمی کسیبلر یئرینه اویان بویاندان اوچ دوردنه قورقودوق آغاج گتیریب پاییز اولمامامیشدان گرک اوشاق کیمی آغاجی بله ییسن مین رحمت او قاردون وطن لرین دده سینه کولک اسمه میش آغاجین گوتو دونور یادینا گلردا بوردا منیم ائله آغاجلاریم واردیدی قیشی اصلان کیمی بوردا لوم لوت دایاناردیلار باهاردا یام یاشیل چیراق کیمی یاناردیلا گلیب گئدنین آغزی آچیق قالاردی .اصلن یادیمدادن چیخماز 1324 ده قیشین لاپ اوغلان چاغیندا توف دئییب گویده دونان گونلرینده سحرچاغی ساعات قاباغیندان فدایی لر دسته سی مارش اوخویا - اوخویا گلردیلر بورا، بوردا سان باشلاناردی ناهاراجان بی ریا گورولتوسسییله دانیشاردی شعراوخویاردی:
بسله نیر قلبیمده سونسوز حورمت، آذربایجانا
ایسترم دونیاده من حوریت آذربایجانا
سانمایین اوز یوردومون اسرارینا بیگانه یم
من اونون سودای عشقیندن بوجور دیوانه یم
شمعه بنزر، دوره سینده فیرلانان پروانه یم
قویمارام اصلا قویولسون منت آذربایجانا..
سونرا رادیونو آچاردیلاردئینده :دانیشیر تبریز هامی نین توک لری بیز -بیز دوراردی، اوندا هریئرده رادیو یوخویدوکی جماعات گلردیلر بوردا رادیویا قولاق آسماغا، آخشاملار بیر عالم اولاردیکی گل گورسن! هردن دن عاشیق حسین جاوان دسته سی ایله گلردی بورا ایی نه سالماغایئراولمازدی...

بو یازینین آردینی ادبیات سئونلر کانالیندا اوخویون.

https://t.me/Adabiyyatsevanlar

گلدی گئدر دونیانین خاطیرلر دفتریندن بیر وراق
آدی قالارقی اوستاد «هاشیم ترلان» آدینا قورولان بیر مجلیس
بوجمع دن کوچن شاعیرلر:اوستاد یحیی شیدا، اوستاد احمد شایا« آلاو» اوستاد «مظفر درفشی» اوستاد «عزیزمحسنی» اوستاد «هاشیم ترلان» اوستاد «اصغر شکوری»...

https://t.me/Adabiyyatsevanlar

«‏علی فرشباف» ادبیات سئونلر گوزگوسونده
زمان: سه شنبه 1400/9/2
ساعات: 21
آپاریجی:«کریم قربانزاده»

https://t.me/Adabiyyatsevanlar

اوشاق ادبیاتی
اوشاق ادبیاتی هر هفته پنجشنبه گونو ادبیات سئونلر کانالیندا .
اوشاق ادبیاتینا دایر یازیلارینیزی بیزه گوندرین .

https://t.me/Adabiyyatsevanlar

اوشاق ادبیاتی

«محمد عابدین پور»

اوزون سؤزون قیساسی صابیرین ایشی اؤز دؤنمینده آنا دیل ایله اوشاق‌لاری بیلگی‌لندیرمک و آیدینلاتماق اوچون نه قدر دیرلی اولورسادا، داها چاغداش دونیامیزدا بئلنچی بیر نظم‌لر و حیکایت‌لری یازماق و اوشاق ادبیاتی آدلاندیرماغی گئچمیشده بوراخاراق مدرن دونیامیزدا مدرن اوشاق ادبیاتینا دوغرو گئتمه‌لی‌ییک.
سنین اوشاق ادبیاتینا باخیشین هئچ ده غریب بیر شئی دئییل! دئمک اولار گئنل‌لیکله بیزده اوشاق ادبیاتی بئله تعریفله‌نیر و آیری بیر تعریف‌لره یول آچا بیلمه‌ییر و یا یول آچماق ایسته‌مه‌ییر. لاپ ائله آوانگارد یازارلاریمیزلا شاعیرلریمیز اوشاق ادبیاتینا دؤندوکده بو سنتی آنلاییشین چرچیوه‌سیندن ائشییه چیخانماییرلار. بلکه ده چوخو اوشاق ادبیاتینی قابیل بیلمه‌یه‌رک ادبی هنری باخیمدان آشاغی سویه ده سانیرلار. بایراما یاخین جین بازارلاریندا ساتیلان لَح لوح اویونجاق‌لار کیمی بیر شئی!
بئش‌داش بو باخیش و آنلاییشا قارشی دیر. بیزجه بیر سئری ملاحظه‌لردن سونرا، یارادیلیش و فورمالاشما سوره‌جی باخیمیندان، اوشاق‌لا بؤیوک‌لرین ادبیاتی عینی دیر. ایکیسینده عینی اتفاق اوز وئریر و بو آرادا هئچ بیر اوستونلوک هئچ بیرینه وئرمیریک. بدیعی ادبی باخیمدان یارادیجیلیقلا گؤزل‌لیک هر ایکیسینده ده تمل(اساس) ساییلاراق عینی اؤلچولرله اؤلچولور.
بیز بئله دوشوندوکده، ایللاه سن ده بئله دوشونمه‌لی‌سن، دئمک ایسته‌میرم! نئجه کی دونیانین هر بیر یانیندا هله ده سنین کیمی دوشنن‌لر چوخ دیر. بیز دئییریک بئش‌داشین اؤلچوسو «ادبیات» دیر. ادبیات بیزجه یارادیجیلیق، گؤزل‌لیک و یئنی‌لیک دیر. چاپ اوچون سئچیلن اثرلرین ادبی کیفیتی بئش‌داش اوچون ان مهم اصل دیر. باشقا هر نه وارسا اونون کؤلگه‌سینده اولمالی‌دیر. اوشاق ادبیاتیمیزین یوخ حالینا دوشمه‌سینی و سوفراسی‌نین بوم بوش اولدوغونو ادبیاتلا باشقا شئی‌لرین یئری‌نین ترس دوشمه‌سینده گؤرورک بیز و چالیشیریق هئچ اولماسا بئش‌داشدا اونا سون قویاراق باشاردیغیمیز قدر یالنیز و یالنیز ادبیاتا اؤنم وئرک.
اوشاغی خمیر کیمی اوغوشدوروب ایسته‌دیگی شکیله سالماق ایسته‌ین حیکایه ایله شعر بیچیمینده اولان یازی‌لار بیزیم تعریفین دیشیندا قالیر. بیزجه ادبیات، اوشاغی اولدوغو کیمی گؤرمه‌لی و اونو بیر وارلیق کیمی قبول ائده‌رک سسینه یئر آچمالی‌دیر. بئش‌داشین هر بیر سایی‌سیندا گلن اثرلرین هر بیریسی اؤز یئرینده حیکایه‌دن توتوبن گونلوک یازی، خاطیره، دئنه‌مه، انشا و هابئله رسیم‌لر گؤزل اؤرنک دیر بونا.
اوشاق ادبیاتیمیزدا اوشاغین یوخلوغونا سون قویماغین بیزجه واختی چاتیبدیر. جعل ائتمه‌دن، ایسته‌دییمیز شکیله سالمادان اوشاق اؤز وارلیغی ایله ادبیاتیمزدا وار اولمالی و اؤز مستقل کیملیگینی داشیمالی‌‌دیر. اوسته‌لیک بو کی اوشاق ادبیاتی هر تورلو اولور اولسون اوشاغین شعورونا سایغی دورالی اونا سئچیم و لذت حاققی وئرمه‌لی‌دیر. هر بیر آماج و نیت‌له یازیلان شعر ان آزیندان دیل باخیمدان آخار و اوشاق اوچون اویغون و دیل اویون‌لاری ایله جذبه‌لی اولمالی‌دیر. هر بیر ادبی متنی طبیعی دانیشیق و متندن سئچدیرن بوتون او ادبی اینجه‌لیک‌لر، اوشاق ادبیاتینا دا شامیل اولور؛ ادبیات دیلین اؤزل چیخیشی و ایفا‌سی دیر، بیر اوشاقدا حتا بونون فرقینده دیر.(گلین بیرداها بیرلیکده 9 یاش سونای‌ین سؤزلرینه 11-جی ساییدا قولاق آساق و گؤرک بیر اوشاق نئجه شعر دیلی ایله دانیشیق دیلین فرقیلی اولدوغونو آنلاییر). بوندان اؤنجه یئری گلمیشکن یازدیغیم نقدلرده شفاهی ادبیاتیمزدان گؤزل مثال‌لار چکمیشم. منجه اوشاق شاعیرلریمیز خالق ادبیاتیمیزی دقتله اوخومالی‌دیلار و سیجیرلمه‌لردن توتوبن اوخشامالارین و هابئله تاپماجالاردا اولان تخیل ایله دیل اویون‌لارینا و دیلین نه قدر آخار اولدوغونا دقت ائتمه‌‌لی‌دیلر. بیر اؤرنک: «هاماننی ها هاماننی/ ائششک‌لر یئدی سامانی/ هانی بالامین تومانی/ اودوبا آغاج باشیندا/ یئددی توخاش باشیندا/ دییرمان آرخیندا ائششک اؤلوب/ قارقا دیییر آریخ دی/ قجله دیییر چاریخ دی/ پیشیک دیییر نه قار-قیر ائلیرسیز/ ییین ییین». بو گؤزل قوشماجادا خولیا و دیل گؤزل‌لییی ایله بیرگه خالقیمیزین نماییش و اؤیکوسل ذهنیتینی و اوندا اولان حرکت‌له طنز نه قدر آز گؤرونور چاغداش اوشاق شعرلریمیزده! آذربایجانین اوشاق فولکلورون گؤزل نمونه‌لرینده نه اؤیود وار نه ده معلیم‌چیلیک، اونون یئرینه بول بولانلیق اویناماق، لذت، طنز ایله شولوغلوق، بداعت و اوشاغی اؤزو ایله هاماش ائدن اولای‌لارلا ماجرالار وار. ان پارلاق اؤرنک‌لردن بیری ده «اوشودوم ها اوشودوم» قوشماجاسی دیر. آردی👇👇👇

آیری بیر اؤرنک: «قجله خالا/ بعلی بالا/ تویوغوم سیزده/ بعلی بالا/ قووالا گلسین/ گلمیر آخی/ وور قیچی سینسین/ سینمیر آخی/...» قشم نجف‌زاده-نین شعری بیله‌بیله یا بیلمه‌دن شفاهی ادبیاتیمیزین بو گؤزل نمونه‌سینه اوخشارلیغی اولسا دا؛ شعریت، دیل، عینیت‌له ذهنیت و دینامیک‌لیک باخیمندان ایکیسی‌نین آراسیندا گئنیش بیر دره اولدوغو آپ‌آیدین دیر.
چوخلو اوشاق‌لار اوچون گئچمیشده1 و ایندی یازیلان2 شعرلره-داها دوغروسو نظم‌لره- رغمن بو ایکی شعرده اوشاغین حضورو وارسادا منجه اولماماغی بئله اولماقدان داها یاخچی‌ ایمیش! بئش‌داشدا گؤزل اؤرنک‌لر »اورهان ولی« و »شل سیلوئر استاین«‌دان چاپ اولوبدور. ان قاباریق اؤزل‌لیک بو شعرلرده اوشاغین وارلیغی دیر! اؤرنک اوچون اورهان ولی-نین «بایرام»3 شعرینده اوشاق بوتون وارلیغی ایله وار: دویغولاری، دغدغه‌لری، شولوقلوغو و اویونجاق‌لاری ایله.
و یاخود حیکایه‌لریمیزده هله کی هله دیر اوشاق حیکایه‌میز حیکایه باخیمیندان «جیرتدان» ناغیلی‌نین توزونا چاتا بیلمه‌ییر و جیرتدان هر بیر باخیمدان اونلاردان اؤنجول و مدرن دیر!4 دیمه جیز دی، یئمه اَخ دی، دئمه پیس دی. یاتاندا دیش‌لرین یو، دوراندا ال اوزون. یالان دئمه، دوز یول بو دور، ایری یول او، و ...! حیکایه‌میزین قونوسو اوشاق و اونون ایلگینج دونیاسی‌نین یئرینه بئلنچی اؤیودلر و تاپشیریق‌لار دیر!
و آما عزیز یولداش سؤز سؤزو گتیردی آرشین بئزی. بیر داها سندن چوخ تشکر ائدیرم بوتون محبت‌لرین اوچون. و هابئله گؤندریگین شعرلرله باخیشیمیزی داها آچیقلاماغا ندن اولدوغون اوچون. یاشا و اسن قال.

1. آذربایجان اوشاق ادبیاتی آنتولوژیاسی اوچ جیلدده(ترتیب ائدنی: قارا ناماز او، رئداکتورو: تیمور احمد او)
2. اؤرنک اوچون مهدتمدن درگیسی‌نین مونجوق بؤلومو و یا ادبیات سئورلر تلگرام کانالیندا هر جوماآخشامی یاییملانان اوشاق شعرلری و هردن ایشیق اوزو گؤرن اوشاق شعر کتاب‌لاری
3. بئش‌داشین بیرینجی سایی
4. رضا حسینی‌‌مرند-ین بئش‌داشدا چاپ اولونان آردیجیل اؤیکولرینه یازدیغیم یازی‌یا مراجعه ائده بیلرسینیز.

@beshdashlar:قایناق

https://t.me/Adabiyyatsevanlar