اوزل وئرلیش؛
قونو: کینایه‌لرین یارانیشی (28)
سایلارا عایید کینایه‌لر، 1400/8/10
ایکی سؤزجویو (۳)
اوزمان: «میرحسین دلدار بناب»

https://t.me/Adabiyyatsevanlar

اوزل وئرلیش؛
قونو: کینایه‌لرین یارانیشی (28)
سایلارا عایید کینایه‌لر، 1400/8/10
ایکی سؤزجویو (4)
اوزمان: «میرحسین دلدار بناب»

https://t.me/Adabiyyatsevanlar

اوزل وئرلیش؛
قونو: کینایه‌لرین یارانیشی (28)
سایلارا عایید کینایه‌لر، 1400/8/10
ایکی سؤزجویو (5)
اوزمان: «میرحسین دلدار بناب»

https://t.me/Adabiyyatsevanlar

۹۷یاشیندا یازیب یارادان شاعیر «حاجی رجایی اسکویی»نیسگل له گوروش
زمان سه شنبه: 1400/8/11
ساعات: 21
ادبیات سئونلر کانالیندا
آپاریجی:«کریم قربانزاده»

https://t.me/Adabiyyatsevanlar

۹۷یاشیندا یازیب یارادان شاعیر «حاجی رجایی اسکویی»نیسگل له گوروش. 1400/8/11

آپاریجی:«کریم قربانزاده»

https://t.me/Adabiyyatsevanlar

۹۷یاشیندا یازیب یارادان شاعیر «حاجی رجایی اسکویی»نیسگل له گوروش. 1400/8/11

آپاریجی:«کریم قربانزاده»

https://t.me/Adabiyyatsevanlar

«‏جاجی رجایی اسکویی» نیسگیل
شاعیر

https://t.me/Adabiyyatsevanlar

کمال عبدلوللانین یئنی حِکایه‌سی:

کوچورن:«ذکیه ذولفقاری»
حاضیرلایان:«ادبیات سئونلر»

«کمال عبدالله»( عبدوللایئو کمال مئهدی اوغلو)
میللیت: آذربایجانلی.

کمال عبدالله 1950-جی ایلده باکیدا آیدین دوشونجه‌لی بیر عائله‌ده آنادان اولوب . آتاسی معلم، آناسی ایسه دوکتور ایدیرلر.
کمال1968-جی ایلده باکیدا 190 سایلی اوْرتا مکتبی بیتیریب. 1968-1973-جو ایللرده آذربایجان دؤولت بیلیم‌یوردونون فیلولوگیا (دیل‌بیلیمی) فاکولته‌سینده تحصیل آلیب. 1973-1976-جی ایللرده SSRİ EA دیلچی‌لیک اینستیتوتونون «تورک دیل‌لری» شعبه‌سی‌نین اؤیرنچی‌سی اوْلوب. 1977-جی ایلین ژانویه آییندا موسکودا «سینتاکتیک پارالئلیزم» («کیتابی-دده قورقود» داستان‌لاری‌نین دیلی اوزره) آدلی نامیزدلیک تئزینی مودافیعه ائتمیش‌دیر. 2009-جو ایلده حیاتا کئچیریلمه‌یه باشلامیش «کیتابی دده قورقود» و «نیبئلونق‌لار حاقیندا نغمه» 10 ایللیک میلتلر آراسی لاییحه‌نین (آلمانیانین ماینس بیلیم‌یوردو و فولکئنشتاین جمعیتی ایله بیرگه) ایدئیا مؤلفی و تشکیلاتچیلاریندان بیری‌اولوب.
اثرلریندن نمونه‌لر:
1. اونوتماغا کیمسه یوخ (پیئس‌لر توپلوسو). باکی: آذرنشر، 1995
2. قریبه‌دی، دئییلمی؟! (شعرلر). باکی: 1998
3. روح (پیئس‌لر). باکی: آذرنشر، 1998
4. کدرلی سئچمه‌لر (شعرلر، ترجومه‌لر، ائسسئ‌لر، حیکایه‌لر، پیئس‌لر). باکی: مترجم، 2002، 548 ص
5. بیر، ایکی، بیزیمکی! (پیئس) (آلتی دیلده). باکی: مترجم، 2003
6. یاریمچیق ال‌یازما (رومان). باکی: 2004، 288 ص
7. سئحربازلار دره‌سی (رومان). باکی: مترجم، 2006، 224 ص

کمال عبدالله ، کولتور و دین اوزره دؤولت مشاوری دیر، دیل‌بیلیمی علم‌لری دوکتورو، پروفسور، امکدار علم خادیمی، آذربایجان یارادیجی‌لیق فوندونون صدری‌دیر.

کمال عبدلوللانین یئنی حِکایه‌سی:

کیتابی الینه آلان زامان رشاد گومان ائتمه‌زدی کی، اونو سوناجان اوخوماغا حؤوصله‌سی چاتاجاق. آمّا ائله بیرینجی صحیفه‌‌ده‌کی آد اونون دقتینی آهنروبا کیمی اؤزونه چکدی. محض بو آد رشادین اوخوماق هوسینی قیجیقلاندیردی. بو آد ککلیک آدی‌ایدی. رومانین اساس قیز قهرمانی‌نین آدی بئله‌ایدی.
بو قریبه و آز راستلانان آد، تصادوفه باخ کی، رشادین اوچ ایلدن بری ایش یولداشی کیمی تانیدیغی، ائولرینه گتیریب آناسی و کیچیک باجیسی ایله هوسله تانیش ائله‌دییی سئوگیلیسی‌نین آدی ایدی. ککلیک... شهرده او اینانمیردی کی، اوچونجو آدامین بئله بیر آدی اولسون. باجیسی آسوده ایلک دفعه‌ بو آدی ائشیدنده گولمه‌یینی گوجله ساخلامیش، چای گتیرمک بهانه‌سیله مطبخه آز قالا قاچا -قاچاگئتمیشدی.
آمّا هر شئی بیریانا، ککلیک آدی‌نین قریبه بیر آوراسی وار ایدی. آدین سانکی اوزو وار ایدی و آدین اوزونده بئله یازیلمیشدی:" یانیما گل! منی سئو!". بو، بیر خواهیش، بیر دعوت دئییلدی، بیر یالواریش هئچ دئییلدی، بو، بیر حؤکم ایدی.
رومان بیر قتلین تاریخچه‌سیندن دانیشیردی. ککلیک آدلی بیر قیزین سئوگیلیسی آیازین اؤلدورولمه‌سی و قاتیلین آختاریشیندان بحث ائدیلیردی. اصل دئتئکتیو ایدی. قاتیل بیلینمیردی کی، کیمدیر. اثرین قهرمانلاری چوخ عجایب و اوجو- بوجاغی گؤرونمه‌ین بیر لابیرینتده ایدیلر. قاتیلین آختاریشی اوخوجو بِینینی عمللی- باشلی مشغول ائتمیشدی. َان ماراقلیسی او ایدی کی، قاتیلین آختاریشینا ککلییین اؤزو ده قوشولموشدو. هئچ کیمه- نه پولیسه، نه ایستینطاق ایشچیلرینه اینانمایان ککلیک اؤز موستقیل ایستینطاقینی قورموشدو. رومانین اساس قهرمانی ککلیک اثرده‌کی پئرسوناژلاری بیر- بیر شوبهه پروژئکتورونون گوز ایشیغی آلتینا سالیر، اونلاردان هانسینیسا"تمیزه چیخاراندان" سونرا بو ایشیغی او بیری پئرسوناژا ساری چئویریردی. چوخ ماراقلی ایدی. آخشاملار ائوده هامیدان( هامی دئینده کی، ائوده بیر آناسی زهرا خانیم ایدی، بیر ده، کیچیک باجیسی آسوده)، دئمک اولار کی، تجرید اولونوب آرخا اوتاقدا( بو اوتاغی اونون ایش اوتاغی کیمی ده باشا دوشمک اولاردی) دیوانین اوستونده اوزانیق وضيّتده رومان اوخوماسی آناسیندان چوخ آسوده‌نی، مکتبین10- جو صینفینه یئنیجه کئچمیش بو گنج قیزی خوصوصیله راحتسیز ائدیردی.
آسوده قارداشینی او بیری اوتاغا تئلئویزورا باخماغا آپارماق اوچون اَلیندن گلنی ائدیردی( رشادسیز تئلئویزورا،باخماق، موغنّیلری، آپاریجیلاری مسخریه قویماق اوزون یولا ماشینسیز چیخماق قدر معناسیز بیر ایش ایدی)، بیر دفعه‌ حتی آز قالا اونو اَللریندن یاپیشیب دیواندان ییخماق دا ایستدی.
- رشکا، گل ده، بیر یئرده باخاق. بیلیرسن کیملر اوخویاجاق؟ هامیسی بیزیمکیلر... گولمکدن اؤله جکسن. نوولار... ماما، دئ ده بونا...

- آی قیز، ایشین- گوجون یوخدو سنین؟ قوی آدام کیمی کیتابینی اوخوسون. بسدی قیر- ساققیز اولدون...
- آنا، آپار بونو بوردان. باخ آیاغا دورسام، پیس اولاجاق سنینچون. یاخشی، یاخشی، گئت باشیمین اوستوندن. نوولار، قوزو بالا،

، گئت سن باخماغا باشلا ، من ده گلیرم...
- نوولدو، سنین بو قاتیلین تاپیلمادی؟ بیر هفته‌دی بیر کیتابی اوخویوب آخیرا چاتدیرا بیلمیرسن. عاییبدی، عاییب. - آسوده آخیردا ساکیتله‌شدی.
- ایمکان وئرسه‌یدین، چوخدان قورتارمیشدیم. - رشاد میزیلداندی.
- بو قاتیل بیلینمدی کیمدی؟
- هله یوخ. - رشاد یئنیدن گؤزلرینی کیتابا دیکدی.
سحر مطبخده یئمک زامانی آسوده رشاددان سوروشدو:
- نه زامان قورتاراسسان بوکیتابی؟ بئله ماراقلیدی؟
رشاد چایینی ایچه- ایچه:
- چوخ... ایسته‌ییرم اؤزوم تاپیم قاتیلی. آمّا کیمه آغلیم گئدیرسه، او چیخمیر، - دئیه جاواب وئردی.
- عالیبیسی گوجلواولور؟...
- هه... ائله‌دی.
زهرا خانیم قاز پلیته سی‌نین اوستونده‌کی قیزارمیش کارتوف تاواسینی ائله تاواداجا استولون اوستونه قویدو . آسوده‌یه چیمخیردی:
- آی قیز، چک اَلینی، یاندیراجاقسان...
آسوده آناسی‌نین سؤزلرینه فیکیر وئرمدی:
- آخیرینی اوخو. اوندا بیلرسن قاتیل کیمدی، - دئیه آسوده قارداشینا اؤز عالمینده گویا عاغیللی مصلحت وئردی.
- ائله شئی اولار؟ اوندا اوخودوغومون بوتون لذّتی ایتر کی...
- بس سن اؤزون قاتیلی تاپسان لذّت ایتمیه‌جک؟... من ده او کیتابی اوخوماغا باشلایاجام. - آسوده بو سؤزلری بؤیوک بیر سیرّ آچان آدام کیمی دیله گتیردی. - گل مرج گلک. ایکی گونه من سنه دئییم او قاتیل کیمدی. گلک مرج... ؟
- یوخ، گلمه یک. باخ، بونو آغلینا بئله گتیرمه. ایندی بیلدیم . کیتابی بو گئجه تاپا بیلمیردیم. سنین ایشین ایمیش... هاردان گؤتورورسن، قوزو،بالا اورا دا قایتار قوی. اونون یئری دیوانین دالینداکی تومبوچکانین اوستودو. آنا، دئ ده بونا. - رشاد" قوزو بالا ایله"( اصلینده، شیلتاق بالا ایله) اومیدینی آناسینا باغلادی.
آسپیرانتورانین اوچونجو کورسوندا اوخویان و کیمیا علمی اوذره دیسسئرتاسییا یازان رشادین اؤزو ده بئله بیر هوسله بدیعی اثر اوخوماغینا معطل قالمیشدی. باشی آنجاق کیمیوی رئاکسییالارا قاریشان رشاد آخیرینجی بدیعی اثرینی اورتا مکتبین سونونجو صینفینده اوخوموشدو . او دا"اووود رومانی" ایدی. و ایندی ده بو دئتئکتیو. اونا ائله گلیردی کی، بو ایکی اثرین آراسیندا بیر گیزلی علاقه‌‌ وار. بلکه وار ایدی، بلکه یوخ ایدی؟! بلکه ده باشقا بیر بدیعی اثر اوخومادیغیندان رشادا بئله گلیردی؟! اولا بیلر. آمّا هر شئی گرک رئاللیقلا اؤلچولسون. رئاللیق ایسه بو ایدی کی، هرآخشام، بضا گئجه‌نین بیر واختی( بو داها چوخ سئوگیلیسی ککلیکله بیر یئرده واخت کئچیررکن اولوردو) ائوه دؤنرکن بِینینده کیمیوی رئاکسییالاردان باشقا هئچ بیر شئی اولمادیغی حالدا بو کیتاب اونو اؤزونه چکیردی. اونا" گل بورا . منی اوخو، منی سئو" دئییردی. کیتابی الینه آلیب دیوانا اوزانان کیمی بوتون یورغونلوغو اوچوب گئدیردی. فیکرینده، ذکرینده" قاتیل کیمدیر؟" سوالیندان باشقا هئچ نه.قالمیردی. زهرا خانیم اوغلونون یورغونلوقدان آز قالا آیاق اوسته یاتدیغی بو حالینا باخیب اورَگیی آغریمیردیمی، آغریییردی. رشاد ایسه دیوانا اوزانان کیمی هئچ بیر طرفه چؤنوب ائلمه دن اللرینی باشی اوزه ریندن آرخایا آتیب دیوانین یانینداکی تومبوچکانین اوستوندن دونن اورا قویدوغو کیتابی ال‌اوستو تاپیر، لازیم اولان صحیفه‌‌نی بیرباشا آچاراق اوخوماغینا داوام ائدیردی. بو زامان اؤزو ده لذّتله حیسّ ائدیردی کی، جانینا هوپموش یورغونلوق ذرّه‌‌-ذرّه‌‌، یاواش- یاواش هاراسا یوخ اولور . زهرا خانیم بیر آدیال گتیریب اونون آیاقلارینین اوستونو اؤرتوردو. آسوده" ئه..." ائله ییب داریخماغینا داوام ائدیردی.
بیر دفعه‌ رشاد آغلینا گلن بئله بیر فیکیردن حتی دیکسینمیشدی کی، او، کیتابداکی ککلییی سئوگیلیسی ککلیکله موقایسه‌ ائدیر. موقایسه‌ زامانی رشاد ایسته ییر کی، اؤز ککلییی کیتابداکی ککلییه اوخشاسین. کیتابداکی ککلیک، قطعیّتلی، صداقتلی، قتله یئتیریلمیش سئوگیلیسی یولوندا-عذاب اذيّته دوچار اولان، اینسانلارلا اوز- گؤز اولان، پولیس ایشچیلری‌نین ایستئهزاسینا، حقارتینه توش گلن ککلییین گؤزونده یاش، اورَگیینده اؤلمه‌ین محبت قاتیل آختاریشینا چیخماسی و بو یولدا گنج قیزین متانتی، قطعیّتی، رشاد اینانیردی کی، بوتون سیخینتیلارا رغماً اوغورلا نتیجه‌له‌نه‌جک.

روماندا دئمک اولار کی، بوتون پئرسوناژلار قاتیل لیباسیندا اورتایا چیخا بیلمیشدی. آمّا سونوندا اونلارین هر بیری‌نین یئنه ده، آسوده دئمیش، "عالیبیلری" گوجلو چیخیردی. حتی اؤلدورولموش گنجین آتاسی دا شوبهلی قیسمینده قبول ائدیله بیلمیشدی. دوستو رحمان لاپ ائله آز قالا اثرین اورتاسینا قدر اساس قاتیل رولونا چوخ یاخشی اویغون گلیردی. قونشولاری الوان قتل حادثه‌‌سیندن بیر قدر اوّل ککلییین سئوگیلیسی‌نین قاپیسینی دؤیموشدو. بونو هیئت قاپیسی‌نین یانیندان کئچدییی زامان محله‌نین گؤزللر گؤزلی مکتبلی گو

لزار گؤرموشدو. قاپی آچیلمیشدی، یوخسا آچیلمامیشدی- بونو گولزار دئیه بیلمیردی، چونکی مکتبه تلسیردی و آرخاسینجا هر صاباح اَلوانین اوغلو قیاس دوشدویو اوچون قیزین اورَگیی-گوپ گوپ ووروردو، ساغینا، سولونا باخا بیلمیردی. تکجه قیاس گیلین قاپیسیندان کئچنده گؤز اوجو باخیب اَلوانی پیلله‌کنین باشیندا گؤردو . تعجب ائلدی کی، قیاس هله ده گؤزونه ديَمیر. غرض، قتل اصل موعمّایا دؤنموشدو- آچار نؤقطه‌‌سی یوخ ایدی، کلفین اوجو هر دفعه‌ سوروشوب اَلدن چیخیردی. بیر دفعه‌ ایشده رشاد تجروبه آپاریردی، نَه‌اییسه نَیسه قاریشدیریردی، فیکرینی چاش- باش سالدی، الینده‌کی کولبانی استولون اوستونه یوخ، ائله‌جه یئنیدن سویون آلتینا بوراخدیH2SO4 کولبادان آشیب- داشدی، رشادین اوستونه تؤکولدو.
قونشو اوتاقدان ککلیک گلدی. رشادین پئنجه‌یینی هارادانسا تاپیب گتیردییی فئن‌ایله قوروتماغا باشلادی. رشاد اونون نئجه بیرجدّی- جهدله پئنجکله اللشدییینی گؤروب دوشوندو:" بو ککلیک ده او ککلیک کیمی یئری گلسه، جسارت صاحبی و دیری‌باش اولا بیلر. گؤر پئنجیی نئجه،
ازیشدیریر، ائله بیل، ایچینده آدام وار. چوخ زیرکدیر. اولا بیلر. یوخ، او قدر ده زیرک دئییل. اولا بیلمز". بو جور دولاشیق فیکیرلر ایچینده رشاد ککلییین اونا اوزاتدیغی یاری یاش، یاری قورو پئنجیی آلیب اَینینه کئچیردی.
همین گون ککلییی ائولرینه اؤتوررکن قیز اوندان سوروشدو:
- کیتابی بیتیردین؟ ککلییین رومانینی دئییرم.
- یوخ، بیتیره بیلمه میشم. چوخ ماراقلیدی. آدام سونا چاتماق ایسته میر.

-آز- آز اوخویورسان، یوخسا یاواش-یاواش؟
- -یاواش یاواش. آسوده دئییر، آخیرینی اوخو، بیلسسن قاتیل کیمدی.
هر ایکیسی گولوشدو. رشاد ماشین سوروردو دئیین، گولوشونو تئز کسدی.
- او گون آسوده منه زنگ ائله میشدی، دئییردی، او دا باشلاییب کیتابی اوخوماغا. سیزدن سونرا من ده اوخویاجام، - ککلیک دئدی.
- سنه کی هر شئیی من دانیشیرام، اؤزو ده-نانه تورشوسو ایله، داها سنین اوخوماغین هئچ ماراقلی اولماز. واللاه، حیاتدا دئتئکتیو آزلیق ائدیرمیش، بیر یاندان دا بو کیتاب...
ککلیک اونلارین سئویملی اویونونو خاطیرلادی، گؤزلری گولدو:
- بیر یاندان دا بو یاغیش...
بو، هر ایکیسی‌نین سئودییی بیر شعرین شاه میصراعسی ایدی. شعر اووقاتینی اونلارین اوّللر گیزلی، ایندی ایسه آشکار گؤروشلرینه ککلیک گتیرمیشدی. ککلیک بو گؤروشلر زامانی ایکی نفرلیک شعر مجلیسی دوزه لدیردی. قیز رشادی دا بو میصراعلارین، بو شعرلرین عاشقینه چئویرمیشدی. اونلار ماشینی بیر ساکیت، قارانلیق یئره چکرک سئودیکلری شعرلرین شاه میصراعلارینی سانکی گئجه‌نین قولاغینا پیچیلداییردیلار. میصراعلار بیر -بیرینه زنجیر کیمی.باغلانیردی. بضا میصراع ایچینده اولدوغو شعری آخیرا قدر دئدیرتدیریردی .
- " باغیشلا منی، باغیشلا..."
- " کپه نک قانادلارینا..." - رشاد دا اویونا داخیل اولدو.
- هئچ کیمین آغلینا گلمز بو میصراع‌نین دالینجا نه گله جک. آدامی چوخ شئیه باغیشلایا بیلرلر . آدام آلدادارسان، باغیشلارلار. آداما ظولم ائدرسن باغیشلارلار. نهایت، حتی آدام اؤلدوررسن باغیشلارلار . دوز دئمیرم، رشا؟?! آمّا کپه نک قانادلارینا... کپه نک قانادلارینا هانسی گوناها گؤره باغیشلاماق اولار؟!
کیچیک بیر سوکوتدان سونرا رشاد دئدی:
- من ده بیلمیرم. آمّا گؤزه لدی...
- گؤزللییی ده اودورکی، .بیلمیرسن. آنجاق کپه نک قانادلارینا... - قیزین گؤزلری قیییلدی.
- آنجاق وآنجاق!
- نه اولدو؟ گؤزلرینی نییه یان قاچیریرسان؟ - رشاد بیر گؤزو یولدا؟ بیر گؤزو ککلیکده-نیگاران نیگاران سوروشدو .
- ،هئچ واللاه، هئچ... " بیر آخشام تاکسیدن..." - ککلیک بو دفعه‌ هوسسیز حالدا شعر اویونونا داخیل اولدو. رشادا ئله گلدی کی، او، سوالدان قاچیر.
- دوشدوم سیزین ائوین قاباغیندا... - رشاد ماشینی ساغا چکیب ساخلادی. ککلیک یاشایان ائوه چاتمیشدیلار.

ککلیک سوسوردو. ماشیندان دوشمک، آیریلماق ایسته میردی. نَیی ایسه خاطیرلاماغا چالیشیر، آمّا خاطیرلایا بیلمیردی. -اوز گؤزونو بوزوشدوردو. آلنینی بارماقلاری ایله سیخدی. بیردن آختاردیغینی تاپدی:
- " یئنه بو شهرده اوز- اوزه گلدیک... " - ککلیک بو میصراعنی اؤزو اوچون آز قالا قلبه مارشی آهنگینده پیچیلداییب داها لنگیمدی، ماشیندان ائندی، قاپینی چکیب باغلامادان اؤنجه:
- باخ، قاتیلی بیلن کیمی حؤکمن منه خبر وئریرسن. اونا حؤکمو بیز هامیمیز، اجتماعی بیرلیک اولاراق کسه‌جییک، - دئدی.
" گؤره سن، بو میصراع ایله نه دئمک ایستدی؟! یئنه بو شهرده اوز- اوزه گلدیک... نسه، رئاللیغا باغلانان میصراعیا اوخشادی...".
سحر یئمیی زامانی رشاد یئنه باجیسینی دانلاماغا حاضرلاشدی. دونن گئجه کیتاب اوخوماق واختی گلیب چاتاندا اوزاندیغی دیواندا اللرینی همیشکی کیمی آرخاسینا

آتیب کیتابی تاپا بیلمه‌میشدی. کیتاب مطبخده یئمک ماساسی‌نین اوستوندن تاپیلدی. آسوده حاق ائتدییی دانلاغا قولاق آسمازدان اوّل" من نییه سوسمالییام؟" - دئیه، فیکیرله شیب قفلتاً:
- قاتیل ککلیکدی. آخیرینجی صحیفه‌‌یه‌باخ، اؤزون گؤره جکسن. کیمین آغلینا گلردی؟ ککلیک ها؟ قاتیل ها؟
آسوده نین بو سؤزلری مطبخده بومبا کیمی پارتلادی.
رشاد سحر یئمه یینی یاریمچیق قویوب ائودن چیخدی. او گئدن کیمی زهرا خانیم آسوده‌نین اوستونه دوشدو، نه دوشدو:
- سن بیلمیرسن، بونون دینجلییی، راحتلیغی ایشدن سونرا دیوانا ییخیلیب بو زهریمار کیتابی اوخوماقناندی؟! او، بیر داها بو کیتابا الینی وورماز. ساغ اول، واللاه، چوخ ساغ اول. سنین اوزونو مورده شیر یوماسین گؤروم...
آسوده هئچ آغلی‌نین اوجونا دا گتیرمه زدی کی، اونون سؤزلری بئله بیر عکس- صدا یارادا بیلر. او دینمز- سؤیلمز اوتوردوغو یئرده‌جه قورویوب قالمیشدی.
بو حادثه‌‌نین اوستوندن بیر نئچه گون کئچدی. رشاد حقیقتاً آناسی دئین کیمی کیتابی اوخوماغی بیر طرفه بوراخمیشدی. آسوده نین یالانچی اوراکول کیمی پارتلاتدیغی خبر اونو عمللی- باشلی سارسیتمیشدی. قاتیلین ککلیک اولماسی نه قدرآبسورد، نه قدر اینانیلماز بیر سونلوق ایدی، آی الله؟! رشاد اوچون آز قالا حیاتین معناسی ایتمیشدی. اونو، ائله بیل، شیمال بوزلو اوکئاندان چیخاریب ساخارایا آتمیشدیلار و یا عکسینه. آمّا ان دهشتلیسی هئچ بو دا دئییلدی. ککلیک، اونون ککلییی اؤز گؤرونتوسونو ديَیشمیشدی. بو، بیر پالتار ديَیشیکلییی، یاخود بیر ساچ دوزنی ديَیشدیریلمه‌سی دئییلدی. بو هم اوّلکی ککلیک ایدی، هم ده اوّلکی ککلیک دئییلدی.
ککلیک گؤز اؤنونده ديَیشیردی. دورمادان، ساعت ‌باساعت، گون‌به‌گون ديَیشیردی. او داها سرت، داها آمانسیز، داها دؤزولمز اولوردو. کیتابداکی ککلییین جیزگیلری گؤزه گؤرونمز، آمّا گئری‌دؤنمز بیر شکیلده بو ککلییه کئچمیه باشلامیشدی. رشاد اونو گؤرمک ایسته‌یی‌نین قلبینده یاواش- یاواش آزالدیغینی حیسّ ائدیردی ککلیک، حتی بئله دئیه‌ک، خاریجاً ده ديَیشیردی. اونون گولوشونو آرتیق حلیم و مِهریبان یوخ، داها چوخ ایبلیسانه آدلاندیرماق اولاردی. اوزونده، دوداقلارینا یاخین یئرده بیر خالی واردی، او خال بیردن- بیره بؤیومیه باشلامیشدی. و بوتون بونلار بیر یانا، گونلرین بیر گونو رشاد نه اولدو، نه اولمادیسا، دوشونجه لرینه بئله بیر سونلوق وئردی، قطعیّتله بئله دوشوندو:" قاتیل کی اؤز آدی‌نین قولودور، آد هاردادیسا، قاتیل ده اوردادی. قاتیل اؤله بیلر، آمّا روحو اؤلمز، آددان آدا کئچر . من بو آداملا داوام ائده بیلمیجه‌یم".
بئله بیر نتیجیه گلندن سونرا بیر آخشام ایشدن سونرا رشاد ماشینینا مینیب ککلییی گؤزلمه‌دن ایش یئریندن اوزاقلاشدی. ماشینی سوررکن بِینینده آنجاق بو میصراعلار یئللنجکده‌کی کیمی فیرلاندی:" سولدو نار چیچکلری، ایندی نار یئتیشه جک...".
ککلیک ایشدن چیخیب همیشه اونو گؤزله‌ین یئرده نه رشادی، نه ده ماشینی گؤردو. ککلیک مسئله‌نی آنینداجا آنلادی. دینمزجه باشینی یئره دیکیب یاخینلیقداکی مِترویا طرف آددیملادی. گئده گئده- او تانیش و سئویملی میصراعنی خاطیرلاییب بئله دوشوندو:" یئنه بو شهرده اوز- اوزه گلدیک... یاخشی اولدو، پیس اولدو- بیلمیرم. آمّا دوغروسو دا بودو. بو آدام منی اؤز سئوگیسی ایله اوّل- آخیر بئزدیره جکدی. اونونلا بیر آددیملاماق دوزگون دئییلدی. یا بو آدام منیم آخیریما چیخاجاقدی، یا دا من مجبور اولاجاقدیم کی...".

https://t.me/Adabiyyatsevanlar

جرج دنیس پاتریک کارلین (متولد 12 می 1937 – متوفی 22 ژوئن 2008) استندآپ کمدین، منتقد اجتماعی، بازیگر و نویسنده آمریکایی..

جرج دنیس پاتریک کارلین (متولد 12 می 1937 – متوفی 22 ژوئن 2008) استندآپ کمدین، منتقد اجتماعی، بازیگر و نویسنده آمریکایی بود. کارلین به خاطر کمدی سیاه خود و عقایدش در مورد سیاست، زبان انگلیسی، روانشناسی، مذهب، و بسیاری از موضوعات تابو یا ممنوعه‌ی دیگر شناخته می‌شد. کارلین و تک‌گویی‌های کمدی او به نام «هفت واژه مستهجن» محور اصلی پرونده قضایی دیوان عالی ایالات متحده آمریکا در سال 1978 بود که در آن اختیارات دولت برای کنترل محتوای مبتذل در رسانه‌های تلویزیونی و رادیویی عمومی تصویب شد.
کارلین به عنوان یکی از مهم‌ترین و تأثیرگذارترین استندآپ کمدین‌ها شناخته می‌شود. یک روزنامه او را پیشکسوت کمدین‌های پادفرهنگی نامید. در سال 2004، کارلین در فهرست 10 کمدین برتر مخاطبان آمریکایی از سوی شبکه تلویزیونی کمدی سنترال در رتبه دوم جای گرفت. اولین سری از 14 ویژه برنامه استندآپ کمدی او برای شبکه تلویزیونی اچ بی او (HBO) در سال 1977 فیلمبرداری شد. از اواخر دهه 1980، مونولوگ‌های کارلین بر نقد اجتماعی و فرهنگی جامعه آمریکا متمرکز بود. وی اغلب راجع به مسائل سیاسی روز اظهار نظر می‌کرد و تندروی‌های فرهنگ آمریکایی را با زبان طنز به تمسخر می‌گرفت. آخرین ویژه برنامه او در شبکه اچ بی او با عنوان «برایت بد است» کمتر از چهار ماه پیش از مرگ او فیلمبرداری شد.
در سال 2008، جرج کارلین بعد از مرگش جایزه «مارک تواین برای طنز آمریکایی» را دریافت کرد.

https://t.me/Adabiyyatsevanlar

پیانوچونون سون سوناتاسی
✍:«کی- اُر-ال»
کؤچورن:«سحرخیاوی»
حاضیرلایان:« ادبیات سئونلر»

پیانونون دیللری بارماقلارینی یاندیردی. حیس ائدیردی کی، بارماقلارینین اوجو سولوقلاییب، آنجاق پیانودان آیریلا بیلمیردی.
-- سن اوردا باش- قولاغیمیزی چوخ آپاراجاقسان؟ -- آروادی‌نین سسی ایدی.
-- هه... اؤلنه کیمی،-بو سؤزلری او اؤز عالمینده عذابلا لذتین آراسیندا چیرپینان بارماقلارینین آغریسینی چکه- چکه دیل اوجو دئدی.
آروادی باشینی بوللاییب یان اوتاغا کئچدی.
... پیانونون ایچی اود توتوب یانیردی.
سولوقلامیش بارماقلارینین آغریسی گئتدیکجه چوخالیب، کاغیذ سویو جانینا چکن کیمی او دا آغرینی جانینا چکیردی. آغریلار آرتدیقجا گؤزلری قاپانیب، گؤز قاپاقلاری دارالیردی...
-- ساعاتدان خبرین وار؟
آروادی‌نین کؤلگه‌سی پیانونون اوستونه دوشدو. او ایسه هئچ نه گؤرمور هئچ نه ائشیتمیردی.
- سنله‌نم ائی، ائشیتمیرسن؟!
کوره‌یینه تانیش الین توخوندوغونو حیس ائتدی. بئینی‌نین باپ- بالاجا بیر حیصصه‌سینی همین تانیش الین صاحیبینه آییردی.
-- نه اولوب؟
-- دئییرم ساعاتدان خبرین وار؟
قادینین چیغیرتیسی پیانودان یاییلان موسیقی ایله عینی ریتمده ایدی.
-- نه اولسون کی؟ منیم اوچون فرقی یوخدور.
-- سنه نه وار؟ قونوم- قونشوینان من اوز- اوزه اولورام ائی... سن منی بی‌آبیر ائله‌ییرسن ائی، خبرین وار؟
جاماعاتین کیشی‌لری...
-- ال چک، مانع اولورسان منه...-- یئنه آغ- قارا دیللرله باش- باشا قالدی.
-- قاپینی سیندیرسالار دا آچان دئییلم. زحمت چکیب اؤزون آچارسان! -- قادین سؤزونو بیتیردی. باشینی بوللاییب اؤز اُتاغینا چکیلدی.
او پیانو چالدیغجا دیلینین اوجوندا نه ایسه زومزومه ائدیردی.
--رومادا کنسرت دیر... هامی حئیرانلیقلا موسیقی دینله‌ییر...گول- چیچک دنیزینه غرق اولان اُرکستر رهبری، مؤحتشم موسیقی...بئله موسیقی‌دن سونرا آدام... دئدین ساعات نئچه‌دیر؟
بارماغینی بیر آنلیق دیللردن آییریب، یان اوتاغا طرف سسلندی.
- دؤرده ایشله‌ییب.
- ایشیقسیز گؤزلریندن یوخو تؤکوله- تؤکوله باکیدا گزن اوشاقلار، سیزه عشق اولسون! -- سؤزونو بیتیرر- بیتیرمز یئنی‌دن آغ- قارا دیللرین اوستونه چؤکدو.
-- من عؤمرومده بئله چالمامیشام.
-- بسدیر داها... صبریم توکندی... من ایکی دفعه یاتیب دورموشام سن ایسه هله ده بو زهریماری دینقیلدادیرسان.
یاندیراجام بو زیبیلی!
_ یاندیرا بیلمیه‌جکسن! ایلاهی گور نئجه چالیرام!
-- بارماقلارین آغریمیر سنین؟
-- بیلمیرم... بیر اونو بیلیرم کی، بو دقیقه اوکئانین اورتاسیندا، تنها، بالاجا آدادایام.
-- منسیز؟
-- بیلمیرم...
سن نه بیلیرسن آخی؟
-- من هئچ نه بیل...
-- من گئتدیم اوچونجو دفعه یاتماغا...
بئزدیم داها، بسدی دا...
قادین وار گوجو ایله پیانونون قاپاغینی چیرپدی. اونون بارماقلاری سانکی دوغرودان دا دَمیره دؤنموشدو. بو آغرینی دا یاواشجا جانینا چکدی.
قادین یاتماغا گئتدی...
ایشیقلار سؤنموشدو.
یوخ..‌. دییه‌سن لاپ ائله یاخینلیقدا آغ آپ آغ بیر ایشیق گؤزه دییردی. کؤزریردی... یوخ- یوخ بو ایشیق بالاجا دئییلدی. بو پیانونون کؤزرمیش دیللرینین ایشیقی ایدی اونون گوزلرینه گؤرونوردو.
ایلاهی! او دوغروداندا بو گونکو کیمی هئچ واخت چالمامیشدی. هئچ واخت! کیمسه ال چالیردی اونون چالقیسینا...
کیمسه گول- چیچیک دسته‌سی سَپیردی اونون باشینا، او دا احتراملا اونو سئونلرین اؤنونده تعظیم ائدیردی.
پیانو چالا- چالا ایفا ائتدییی ماهنی‌نین سوزلرینی پیچیلداییردی اؤزو اوچون:
" قارانلیقلار اریییر
گونشین گؤزلرینده..."
ساعات نئچه‌نی سه ووردو. کوچه‌ده ماشینلارین سسی ائشیدیلیردی یاواش- یاواش.
او ایسه هله ده چالیردی.
بارماقلارینداکی سولوقلار پارتلامیشدی. بارماقلاری هر دفعه پیانو دیللرینه دَیَنده نه ایسه ایستی بیر مایع اوندان آیریلیب دیللره توخونوردو.
اوتاغا آغ آپ آغ ایشیق دولموشدو. بو ایشیغین هاردان گلدییی بیلینمیردی. آمما بو دونیانین ایشیغینا بنزه‌میردی....
سکگیزینجی صینیفده اوخویاندا لیلا اوندان ایکی صینیف یوخاریدا، اونونجودا اوخویوردو. بیر گون باشا دوشدو کی لیلانی سئویر. اوسته‌لیک بونون معناسیز سئوگی اولدوغونو دا بیلیردی. چونکو لیلانی هر سحر درسه گتیرن، هر گون درسدن آپاران " ژیگولی" سوروجوسینه نیشانلانمیشدیلار‌‌‌. دییه‌سن لیلا دا اونو سئویردی.
بیردن آنلادی: اوتاغا دولان آغ ایشیق ائله او آغ " ژیگولی"نین ایشیقی ایدی.
تئلفون زنگ چالیر او ایسه هئچ نه ائشیتمیردی.
آروادی گؤزلرینی اووشدورا- اووشدورا گلدی.
-- کارسان؟! گؤتور دا...
او دوغرودان دا هئچ نه ائشیتمیردی.

--هه، ماما،ایندی دوردوم...

بئش یاشی اولاندا حیطلرینده کی یئللنجکده یئلله‌نیردی. اؤزو ده چوخ مؤحکم یئلله‌نیردی. یئللنجک هر دفعه یوخاری قالخاندا اونا ائله گلیردی کی، اولدوزلارا توخونوب قاییدیر.
بیردن اولدوزلار آراسیندان بالاجا آغ- آپباق بیر اولدوز قوپوب یئره دوغرو آخدی.اونون کؤرپه قوللاری یئللنجکدن آیریلدی. یئره دوغرو آخماقدا اولان اولدوزو گؤیده‌جه توتوب یئرینه قویدو.
گؤزلرینی خسته‌‌خانادا آناسی‌نین قوللاری اوسته آچمیشدی.
باشا دوشدو کی اوتاغا دولان ایشیق همین او آغ اولدوزون ایشیقی‌دیر.
پیانون دیللری اونا آزلیق ائدیردی.
بارماقلاری بعضن هاوانین بوشلوغوندا سوزوردو. هاوا بوش، خاریج سسلر چیخاریردی.
بوتون بدنی قان- تر ایچینده‌یدی. اونون تَری یاواش- یاواش اوتاغا دولوردو... آروادی بالاجا یئلکنلی قاییقدا اوزه- اوزه اونا طرف گلدی.
- ساعات سکگیز اولدو، گئت یویون-- دئییب، آغ حوله‌نی اونون اوستونه آتدی.
حیس ائتدی کی، گوجلو بیر ایلان اونو بوغماق ایسته‌ییر. بارماقلاری پیانون دیللریندن آیریلیب اونو بوغان ایلانلا چارپیشدی. بیر خئیلی ووروشدوغدان سونرا ایلانی بوینوندان آییرا بیلدی. سونرا اوتاغا دولموش سویا کلله ووروب اوزه- اوزه حاماما گلدی، سویو آچیب یویوندو...
ساعات یاریمدان سونرا بوتون قونوم- قونشو سئوینیردی. اونا گؤره کی، داها گئجه‌لر بیر کؤپک‌اوغلو پیانو چالیب اونلارین یوخوسونا حارام قاتمایاجاقدی.
آروادی دا سئوینیردی. دییه‌سن هامیدان چوخ سئوینن ائله او ایدی.‌‌..
سون.

https://t.me/Adabiyyatsevanlar

تاردا چالیر: شهریار ایمانوو

https://t.me/Adabiyyatsevanlar

اوشاق ادبیاتی
اوشاق ادبیاتی هر هفته پنجشنبه گونو ادبیات سئونلر کانالیندا .
اوشاق ادبیاتینا دایر یازیلارینیزی بیزه گوندرین .

https://t.me/Adabiyyatsevanlar

اوشاق ادبیاتی
اوشاقلارا ایناناق

https://t.me/Adabiyyatsevanlar

اوشاق ادبیانی

«مرتضی مجدفر»

🔰ایکی ایله یاخین کورونادان سوْنرا، مدرسه‌لرین بیر داها آچیلماسی موُناسبتیله:🔰

🔺قاییدیرلار اوُشاق‌لار🔺

یوُخلامیشدی مدرسه
گؤزل یوُخو گؤروردو.
یوُخوُسوندا، هر دن بیر
ساچ‌لارینی هؤروردو.


مدرسه‌نین ساچ‌لاری
کیلاس‌لاردیر، کیلاس‌لار.
کیلاس‌لاری بزه‌ین
اوُشاق‌لاردیر، اوُشاق‌لار.

ایکی ایل‌دیر سوْنوبدور
مدرسه‌نین چیراغی.
کامپیوتر اوْلوبدور
اؤیرنمه‌یین اوْجاغی.

مدرسه‌نی توْز توُتوب
شنلیک‌دن هئچ خبر یوْخ!
گوُلوش سسی ایتیبدیر
اوْیناماقدان اثر یوْخ!

آچدی گؤزون مدرسه
گؤردو حیه‌ط دوْلوبدو!
سس- کوی قالخیر گؤیلره
هئچ بیلمیر کی نوْلوبدو؟!

یوُخو دئییل، دوْغرو دور
قاییدیرلار اوُشاق‌لار
شوکور اوْلسون بیر داها
یاناجاق‌دیر چیراق‌لار

https://t.me/Adabiyyatsevanlar