«رسول_اسمعیلیان»
دیلیمده هئچ باشا چاتمایان بیر ماهنی سسلهنیر
بو خیابانین بویونو آددیملایاندا
سانکی بوندان کئچمیشده بو خیابانی آددیملایانلار یازیب-بسلهمیش بو ماهنینی
آددیملاریم اونلارین آددیملارینین آردی
باخیشلاریمسا باخیشلارینین قالانی دیر
سن ایسه
باشا چاتمایان بیر یولو آددیملاییب
هئچ بیتمهیهن بیر ماهنینی سسلهندیرهجکسن
داریخمالارین، داریخمالاریمین آردی اولاجاق
سئودیکلرین، سئودیکلریمین آردی
دوغروسو
دونیا هر زمان بیر شئیین آردیدیر
باشا چاتمادان
هر کس بو دونیادا اؤزو قدر یاشاییب، اؤزو قدر اؤلهجک
و هر کس سادهجه اؤز ناغیلینین قهرمانی دیر اوغلوم
https://t.me/Adabiyyatsevanlar
دیلیمده هئچ باشا چاتمایان بیر ماهنی سسلهنیر
بو خیابانین بویونو آددیملایاندا
سانکی بوندان کئچمیشده بو خیابانی آددیملایانلار یازیب-بسلهمیش بو ماهنینی
آددیملاریم اونلارین آددیملارینین آردی
باخیشلاریمسا باخیشلارینین قالانی دیر
سن ایسه
باشا چاتمایان بیر یولو آددیملاییب
هئچ بیتمهیهن بیر ماهنینی سسلهندیرهجکسن
داریخمالارین، داریخمالاریمین آردی اولاجاق
سئودیکلرین، سئودیکلریمین آردی
دوغروسو
دونیا هر زمان بیر شئیین آردیدیر
باشا چاتمادان
هر کس بو دونیادا اؤزو قدر یاشاییب، اؤزو قدر اؤلهجک
و هر کس سادهجه اؤز ناغیلینین قهرمانی دیر اوغلوم
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
«حسن بابایی عجبشرلی»
پراید
خیاوانلارلا ال به یاخا اولماقدان جانا گلمیشم، یازیق خیاوانلار ماشین لارین ایاغی آلتدا نفس آلیرلار ،کوچه لر داریخیر، قاپی لار قاپالی قالماقدان یورولوب، تورپاق آیاقلاری آیاقلاییر، توز گوزلرین قوناق لیغیندا چای پایلا ییر، اوءلوم توزو آغاجلارین اوست-باشینا بله نیب، آغاجلارین کوکسونه میسمارلانمیش یازی اوخونمور، بودورومدا کوهنه پراید منیمله موسافیر کئش لیک ائدیر.
موسافیرلریوخ،خیاوانلار منی یولا وئرمیر. تیخاج خیاوانلارا گوز وئرسه ده -ایشیق وئرمیر. دورد نفر یالوار -یاخارلا موسافیر میندیرمیشم ،خط واحید لرین آرخاسیندا گازوئیل توستوسونو اودقونوب دوغال حیات یادداشیمدان سیلینیب
اوءزومه، خیاوانلارا، پرایدیما یازیغیم گلیر،
خیاوانلار -خیاوانلار سیز آغلاشانداچوپلو شیرنی یئرینه دوز یالادیب ساکیت لشدیرمک ایسته ینلر نئچه ایل لردیر باشینیزا اویون قالمایب آچماسینلار ،بیزه ده یولچولوق، دیلنچی لیک دونو تیکیب مثلا یاشادیبلار، من ایسه یاشاماق یوخ پرایدیملا بیرلیکده دورد ال -ایاق ایمک له میشم.
پرایدیم قوجالیب، اوءزومو هله گنج حساب ائتمک مومکوندور، ایشیمی آواندا سالا بیلمیرم.
ایل بایرامیندا نئیلدیمسه آناما بیر دارایی (1 )آلیم ییغدیغیم پول لار اونون دگرینی اوءده مه دی، (قیز بس دی )بازاریندا نیشانلادیغیم شال نئچه گون منی گوزله دیکدن اوجوز -ا وجوز ساتیلیب کوسوب گئتدی.
اونو دئیردیم :مکتبی بیتیردیکدن آتا - آنا م بویوما اوخشادیلار چالیش یونیورسیته داخل اول همی اوءزونه بیر گون آغلا همی ده بیزه باشی اوجالیق گتیر .اونلار باشی اوجا اولدوقلاریندان خبریم اولمادی، آنجاق من دوزونودئسم هئچ گون گورمه دیم، ائله اونون -بونون کولگه سینده دالدالاندیم.
البته بیلیگیم آرتدی، اما ایش -گوجوم اولمادی، هئچ سوراغیمی دا توتمادیلار، بئکارلیقدان داریخدیم. آتام ایداره لریندن آلدیغی (بازنشستگی )پاداشی منه باغیشلادی، اونونلا بئله بو قوجا پرایدی بیزه گلین گتیردیلر.
خیاوانا چیخارتدیقدا هامی منه ریشخند له باخیب کئچدیلر. (گئده نئچه ایل درس اوخویاندان سورا شوفر اولدو )(به فراساتین بیری به فراسات )(باشیوا داش سالیم )اوزومه دئمیردیلر ها آنجاق باخیشلاری منه هر نه یی آنلاتیردی.
یاواش -یاواش , من ده قوجالیردیم، یازیق پراید اپریدی، موسافیر لر الدن دوشوب آوارا خیاوانلارا قوناق اولدولار.
دونن آخشام بیر سوروجویه توش گلدیم، بودونه من اونون موسافیری اولدوم. ناغیلینی منه دانیشدی : 40 ایل عومور کیتابیمدان واراقلامیشام، بوماشینی دا نئچه ایل لر باشقا -باشقا شهرلرده فهله ایشله دیکدن آلمیشام، اوتاندیغمدان تبریزین ساعات قاباغیندا دورماقدان چکینمیشم، آخی بیلیرسن ساعات قاباغی منه فهله مئیدانی یوخ بلکه تبریزیمین کئچمیش آنلارینی یادداشیمدا جانلاندیریر. بوراتبریزین دوءیونن اوره یی ،قالاق -قالاق یاندیریلان کیتابلار ین تونقال یئری اولوب. چوخ ماراقلی دانیشیردی آدینی سوردوم سعیدم دئدی.
سعیدین موسافیری بیر من، بیرده آرخادا بیر یاشلی وطنداش ایدی. سعیدین وضعیتی منیمله عینی استقامتده آددیملاییردی. آرخادا ایله شن آغا آغزینی آچیب :ایکی قیز بیر اوغلان دا من بویودوب اوخوتموشام، اونلاردا سیزین وضعیتینیزی کئچیریرلر
الله اوزو کومیمیزه دورسون، پیس یئرده گونو باتیرمیشیق دئیب دوشدو، آز آرا آچمامیشدیق منده دوشوب پرایدیمین قاپی قاباغیندا چتین دن نفس آلدیغینی دویدوم
1 _ بیر چئشیدلی شال دیر
https://t.me/Adabiyyatsevanlar
پراید
خیاوانلارلا ال به یاخا اولماقدان جانا گلمیشم، یازیق خیاوانلار ماشین لارین ایاغی آلتدا نفس آلیرلار ،کوچه لر داریخیر، قاپی لار قاپالی قالماقدان یورولوب، تورپاق آیاقلاری آیاقلاییر، توز گوزلرین قوناق لیغیندا چای پایلا ییر، اوءلوم توزو آغاجلارین اوست-باشینا بله نیب، آغاجلارین کوکسونه میسمارلانمیش یازی اوخونمور، بودورومدا کوهنه پراید منیمله موسافیر کئش لیک ائدیر.
موسافیرلریوخ،خیاوانلار منی یولا وئرمیر. تیخاج خیاوانلارا گوز وئرسه ده -ایشیق وئرمیر. دورد نفر یالوار -یاخارلا موسافیر میندیرمیشم ،خط واحید لرین آرخاسیندا گازوئیل توستوسونو اودقونوب دوغال حیات یادداشیمدان سیلینیب
اوءزومه، خیاوانلارا، پرایدیما یازیغیم گلیر،
خیاوانلار -خیاوانلار سیز آغلاشانداچوپلو شیرنی یئرینه دوز یالادیب ساکیت لشدیرمک ایسته ینلر نئچه ایل لردیر باشینیزا اویون قالمایب آچماسینلار ،بیزه ده یولچولوق، دیلنچی لیک دونو تیکیب مثلا یاشادیبلار، من ایسه یاشاماق یوخ پرایدیملا بیرلیکده دورد ال -ایاق ایمک له میشم.
پرایدیم قوجالیب، اوءزومو هله گنج حساب ائتمک مومکوندور، ایشیمی آواندا سالا بیلمیرم.
ایل بایرامیندا نئیلدیمسه آناما بیر دارایی (1 )آلیم ییغدیغیم پول لار اونون دگرینی اوءده مه دی، (قیز بس دی )بازاریندا نیشانلادیغیم شال نئچه گون منی گوزله دیکدن اوجوز -ا وجوز ساتیلیب کوسوب گئتدی.
اونو دئیردیم :مکتبی بیتیردیکدن آتا - آنا م بویوما اوخشادیلار چالیش یونیورسیته داخل اول همی اوءزونه بیر گون آغلا همی ده بیزه باشی اوجالیق گتیر .اونلار باشی اوجا اولدوقلاریندان خبریم اولمادی، آنجاق من دوزونودئسم هئچ گون گورمه دیم، ائله اونون -بونون کولگه سینده دالدالاندیم.
البته بیلیگیم آرتدی، اما ایش -گوجوم اولمادی، هئچ سوراغیمی دا توتمادیلار، بئکارلیقدان داریخدیم. آتام ایداره لریندن آلدیغی (بازنشستگی )پاداشی منه باغیشلادی، اونونلا بئله بو قوجا پرایدی بیزه گلین گتیردیلر.
خیاوانا چیخارتدیقدا هامی منه ریشخند له باخیب کئچدیلر. (گئده نئچه ایل درس اوخویاندان سورا شوفر اولدو )(به فراساتین بیری به فراسات )(باشیوا داش سالیم )اوزومه دئمیردیلر ها آنجاق باخیشلاری منه هر نه یی آنلاتیردی.
یاواش -یاواش , من ده قوجالیردیم، یازیق پراید اپریدی، موسافیر لر الدن دوشوب آوارا خیاوانلارا قوناق اولدولار.
دونن آخشام بیر سوروجویه توش گلدیم، بودونه من اونون موسافیری اولدوم. ناغیلینی منه دانیشدی : 40 ایل عومور کیتابیمدان واراقلامیشام، بوماشینی دا نئچه ایل لر باشقا -باشقا شهرلرده فهله ایشله دیکدن آلمیشام، اوتاندیغمدان تبریزین ساعات قاباغیندا دورماقدان چکینمیشم، آخی بیلیرسن ساعات قاباغی منه فهله مئیدانی یوخ بلکه تبریزیمین کئچمیش آنلارینی یادداشیمدا جانلاندیریر. بوراتبریزین دوءیونن اوره یی ،قالاق -قالاق یاندیریلان کیتابلار ین تونقال یئری اولوب. چوخ ماراقلی دانیشیردی آدینی سوردوم سعیدم دئدی.
سعیدین موسافیری بیر من، بیرده آرخادا بیر یاشلی وطنداش ایدی. سعیدین وضعیتی منیمله عینی استقامتده آددیملاییردی. آرخادا ایله شن آغا آغزینی آچیب :ایکی قیز بیر اوغلان دا من بویودوب اوخوتموشام، اونلاردا سیزین وضعیتینیزی کئچیریرلر
الله اوزو کومیمیزه دورسون، پیس یئرده گونو باتیرمیشیق دئیب دوشدو، آز آرا آچمامیشدیق منده دوشوب پرایدیمین قاپی قاباغیندا چتین دن نفس آلدیغینی دویدوم
1 _ بیر چئشیدلی شال دیر
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
Forwarded from ادبیات سئونلر
اوشاق ادبیاتی
اوشاق ادبیاتی هر هفته پنجشنبه گونو ادبیات سئونلر کانالیندا .
اوشاق ادبیاتینا دایر یازیلارینیزی بیزه گوندرین .
https://t.me/Adabiyyatsevanlar
اوشاق ادبیاتی هر هفته پنجشنبه گونو ادبیات سئونلر کانالیندا .
اوشاق ادبیاتینا دایر یازیلارینیزی بیزه گوندرین .
https://t.me/Adabiyyatsevanlar
اوشاق ادبیاتی
🐴 کوراوغلویلا کچل حمزه
یازار:« صمد بهرنگی»
چئویرن:« منیژه جم نژاد»
۱۴- حسن پاشا هؤلهسک سوروشدو: آت نئجه؟ حالی دو٘زهلدی؟ کوراوغلو دئدی: لاپ دو٘زهلدی. او گو٘ندن کوراوغلو چالیب اوخوماق او٘یرندی. دئییللر ایندی ده اون اون بئش گوندن بیر آتین توتماجاسی توتار. اوندا کوراوغلو سازینی گؤتوروب اوخویار آتین حالی دو٘زه لر. گئنه پاشالارین بیری دانیشماق ایسته دی، حسن پاشا گؤزون برلدیب سسین کسیب دئدی: آشیق هله بیرآز چال اوخو ائشیدهک. کور اوغلو دئدی: نه اوخویوم؟ حسن پاشا دئدی: سن کی قیرآتی گؤروبسن، دئ گؤروم بوی بوخونو نه جوردو؟ نشانه لری نه دی؟ کوراوغلو دئدی: پاشا ساغ اولسون: لعنته گلمیش یاخجی آتدی، حاییف کی هردن دلی لییی توتور. سونرا سازینی باغرینا باسیب اوخودو: پاشا قیرآتین نشانه لرین مندن سوروشورسان، قیرآت ایپک یاللی بیر آتدی. اوزون بوینو ساواش میدانیندا ساقین اییلمز. بئلی دایچادان اینجه، قورد کیمی یئییمجیل دیر. قارانلیق گئجه ده ده یولون تاپار. ساواش مئیدانیندا مینرین ساقین بوراخماز. کوراوغلونون آتی اؤزو کیمی دلی اولمالی.
حسن پاشا دئدی: بئله اؤیدویون قیرآت ایندی منیم طؤیله مده دی. دئ گؤروم کوراوغلو قوچو دور یوخسا من کی اونون آتین چالمیشام؟
کوراوغلو دئدی: گئرچکدن اونون آتین چالمیش اولسان کی قوچوسان. آما قوچو آدامین باشقا نیشانه لری ده وار. ائشیت گؤر بو نیشانهلردن سنده وار؟ : قوچو آدام تک جانینا دوشمانین قوشونونا یو٘گورر، نعره چکیب میدانا گیرنده دوشمانین قاچماقدان سونرا باشقا چاره سی اولماز. قوچو اودور کی باشی اییلمز، اؤلومون قاباغیندا بئله اؤز یار یولداشیندان او٘ز چئویرمز. دوشمان، کیشی لیک، قوچولوق لافی وورار، آما قویونو قوردون آغزیندان آلماغا قورخماز بیر ایگید گرکیر.
حسن پاشا دئدی: آشیق، منده دئدییین نیشانه لر وار. اؤزونده گؤره جکسن. ایندی دور قیرآتین یانینا گئدهک گؤر اونو درمان ائده بیلرسن یا یوخ. کوراوغلو بو سوزو ائشیدیب سئویندی، او٘زونه گتیرمه دی. دئدی: اولسون، گئده ک. آما منیم شرطیم وار، من اوتوروم ائشیکده سازیمی چالیم، سیز ده طؤیله نین قاپیسیندان باخین. منیم سازیمین اثری اولورسا سؤز یوخ، ایچری گدیب، گئنه ساز چالارام. آما تاثیری اولماسا، بوینومو دا وورسانیز طویله یه گیرمه یه جه یم. آخی من بیلیرم نئجه نانجیب حئیواندی! پاشا راضی لاشیب دوروب یولا دوشوب طویله یه گئتدیلر. کوراوغلو قاپینین آراسیندان باخیب گؤردو، سانکی قیرآت قوخوسونو آلیب، گوزلرین قاپیا تیکیب، قولاقلارین شوش له ییب. چکیلیب دئدی: یاخجی، ایندی سیز آتا باخین، من سازیمی چالیم.
پاشا لار قار قاریشقا کیمی ییغینیب، قاپینین آراسیندان گؤز لرین طویله یه تیکدیلر. کوراوغلو سازینی باغرینا باسیب اوخودو: منیم یوردومون ایگید لری میداندا قوچو کیمی دایانیر، اؤلونجه دوشمانین قاباغیندان قاچمازلار. یالنیز نامردلر آتماجا سؤزلردن اینجیمزلر. چاققال ساقین قورد کیمی قورخماز اولا بیلمز. منیم یولداشلاریم جووقا جووقا ارگون( تندرو) آتلارین بئلینده، هره سینین بئلینده بیر مصری قیلینج باشقا بیر کوراوغلودورلار.
قیرآت کوراوغلونون سسین ائشیتدیکده ائله سئویندی کی آیاق چالیب اوینامایا باشلادی. سانکی طویله نی یئریندن قوپاراجاق. حسن پاشا سئویندییندن بیلمیردی نه ائتسین. یولداشلارینین بؤیرونه ووروب دئییردی: باخ، گور نئجه اویناییر. کوراوغلو آوازین قورتاریرکن حسن پاشا دئدی: آشیق تئز ایچری گیر، اونو درمان ائتسن، سنی دونیا مالیندان دویورارام. ایندی کوراوغلو بیلر دونیا کیمین الینده دیر. داها ایگید لیک، کیشی لیک لافی وورماز.
قاپینی آچیب کوراوغلونو ایچری سالدیلار. کوراوغلو سازینی باغرینا باسیب، بیر سئوگی ماهنیسی اوخودو، ائله کی سسینی یالنیز قیرآت دویوردو. سونرا اللرین قیرآتین بوینونا سالیب، او٘ز گؤزوندن اؤپدو. قیرآت دا سئوینجدن آیاق او٘سته دورانمیردی. او٘زونو کوراوغلونون او٘زونه سو٘رتور، ائله اییله ییردی کی سانکی اینک بالاسینی اییله ییر.
آردی وار...
https://t.me/Adabiyyatsevanlar
🐴 کوراوغلویلا کچل حمزه
یازار:« صمد بهرنگی»
چئویرن:« منیژه جم نژاد»
۱۴- حسن پاشا هؤلهسک سوروشدو: آت نئجه؟ حالی دو٘زهلدی؟ کوراوغلو دئدی: لاپ دو٘زهلدی. او گو٘ندن کوراوغلو چالیب اوخوماق او٘یرندی. دئییللر ایندی ده اون اون بئش گوندن بیر آتین توتماجاسی توتار. اوندا کوراوغلو سازینی گؤتوروب اوخویار آتین حالی دو٘زه لر. گئنه پاشالارین بیری دانیشماق ایسته دی، حسن پاشا گؤزون برلدیب سسین کسیب دئدی: آشیق هله بیرآز چال اوخو ائشیدهک. کور اوغلو دئدی: نه اوخویوم؟ حسن پاشا دئدی: سن کی قیرآتی گؤروبسن، دئ گؤروم بوی بوخونو نه جوردو؟ نشانه لری نه دی؟ کوراوغلو دئدی: پاشا ساغ اولسون: لعنته گلمیش یاخجی آتدی، حاییف کی هردن دلی لییی توتور. سونرا سازینی باغرینا باسیب اوخودو: پاشا قیرآتین نشانه لرین مندن سوروشورسان، قیرآت ایپک یاللی بیر آتدی. اوزون بوینو ساواش میدانیندا ساقین اییلمز. بئلی دایچادان اینجه، قورد کیمی یئییمجیل دیر. قارانلیق گئجه ده ده یولون تاپار. ساواش مئیدانیندا مینرین ساقین بوراخماز. کوراوغلونون آتی اؤزو کیمی دلی اولمالی.
حسن پاشا دئدی: بئله اؤیدویون قیرآت ایندی منیم طؤیله مده دی. دئ گؤروم کوراوغلو قوچو دور یوخسا من کی اونون آتین چالمیشام؟
کوراوغلو دئدی: گئرچکدن اونون آتین چالمیش اولسان کی قوچوسان. آما قوچو آدامین باشقا نیشانه لری ده وار. ائشیت گؤر بو نیشانهلردن سنده وار؟ : قوچو آدام تک جانینا دوشمانین قوشونونا یو٘گورر، نعره چکیب میدانا گیرنده دوشمانین قاچماقدان سونرا باشقا چاره سی اولماز. قوچو اودور کی باشی اییلمز، اؤلومون قاباغیندا بئله اؤز یار یولداشیندان او٘ز چئویرمز. دوشمان، کیشی لیک، قوچولوق لافی وورار، آما قویونو قوردون آغزیندان آلماغا قورخماز بیر ایگید گرکیر.
حسن پاشا دئدی: آشیق، منده دئدییین نیشانه لر وار. اؤزونده گؤره جکسن. ایندی دور قیرآتین یانینا گئدهک گؤر اونو درمان ائده بیلرسن یا یوخ. کوراوغلو بو سوزو ائشیدیب سئویندی، او٘زونه گتیرمه دی. دئدی: اولسون، گئده ک. آما منیم شرطیم وار، من اوتوروم ائشیکده سازیمی چالیم، سیز ده طؤیله نین قاپیسیندان باخین. منیم سازیمین اثری اولورسا سؤز یوخ، ایچری گدیب، گئنه ساز چالارام. آما تاثیری اولماسا، بوینومو دا وورسانیز طویله یه گیرمه یه جه یم. آخی من بیلیرم نئجه نانجیب حئیواندی! پاشا راضی لاشیب دوروب یولا دوشوب طویله یه گئتدیلر. کوراوغلو قاپینین آراسیندان باخیب گؤردو، سانکی قیرآت قوخوسونو آلیب، گوزلرین قاپیا تیکیب، قولاقلارین شوش له ییب. چکیلیب دئدی: یاخجی، ایندی سیز آتا باخین، من سازیمی چالیم.
پاشا لار قار قاریشقا کیمی ییغینیب، قاپینین آراسیندان گؤز لرین طویله یه تیکدیلر. کوراوغلو سازینی باغرینا باسیب اوخودو: منیم یوردومون ایگید لری میداندا قوچو کیمی دایانیر، اؤلونجه دوشمانین قاباغیندان قاچمازلار. یالنیز نامردلر آتماجا سؤزلردن اینجیمزلر. چاققال ساقین قورد کیمی قورخماز اولا بیلمز. منیم یولداشلاریم جووقا جووقا ارگون( تندرو) آتلارین بئلینده، هره سینین بئلینده بیر مصری قیلینج باشقا بیر کوراوغلودورلار.
قیرآت کوراوغلونون سسین ائشیتدیکده ائله سئویندی کی آیاق چالیب اوینامایا باشلادی. سانکی طویله نی یئریندن قوپاراجاق. حسن پاشا سئویندییندن بیلمیردی نه ائتسین. یولداشلارینین بؤیرونه ووروب دئییردی: باخ، گور نئجه اویناییر. کوراوغلو آوازین قورتاریرکن حسن پاشا دئدی: آشیق تئز ایچری گیر، اونو درمان ائتسن، سنی دونیا مالیندان دویورارام. ایندی کوراوغلو بیلر دونیا کیمین الینده دیر. داها ایگید لیک، کیشی لیک لافی وورماز.
قاپینی آچیب کوراوغلونو ایچری سالدیلار. کوراوغلو سازینی باغرینا باسیب، بیر سئوگی ماهنیسی اوخودو، ائله کی سسینی یالنیز قیرآت دویوردو. سونرا اللرین قیرآتین بوینونا سالیب، او٘ز گؤزوندن اؤپدو. قیرآت دا سئوینجدن آیاق او٘سته دورانمیردی. او٘زونو کوراوغلونون او٘زونه سو٘رتور، ائله اییله ییردی کی سانکی اینک بالاسینی اییله ییر.
آردی وار...
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
4_6016892261323806425.mp4
5.5 MB
اوشاق ادبیاتی
کارتون
اوشاق ادبیاتی هر هفته پنجشنبه گونو ادبیات سئونلر کانالیندا .
اوشاق ادبیاتینا دایر یازیلارینیزی بیزه گوندرین .
https://t.me/Adabiyyatsevanlar
کارتون
اوشاق ادبیاتی هر هفته پنجشنبه گونو ادبیات سئونلر کانالیندا .
اوشاق ادبیاتینا دایر یازیلارینیزی بیزه گوندرین .
https://t.me/Adabiyyatsevanlar
«اوشاق ادبیاتی»
«پیترپن»
«یازار: جیمز متیو بری»
کؤچوروب، اولغونلاشدیران «ویدا حشمتی»
ایکینجی یؤلوم
پیترپن وئندیدن تشککور ائتدی و
گیردهکاندان بیر بویون باغی تؤحفه وئردی. وئندی، جون و میشئلی اویاندیریب، پیترپن ایله تانیش ائتدی. جون و میشئل پیترپنی چوخ سئودیلر. اونلار پیترپن ایله یولا دوشوب، گئتمکلری اوچون صبیرسیز ایدیلر. اونلار اوچا بیلمهیهجکلرینی بیلیردیلر، آنجاق پیترپن اونلارا دئدی:
-اوچماغا اینانساز، اوچا بیلرسیز.
سونرا تینکئربئلدن پری توزونو ایستهدی. تینکئر بئل اؤنجه بو ایشی گؤرمکده ایکی اورهکلی قالدی آمما سونرا پری توزونو سپدی.
پری توزو ایله هامیسی بیرلیکده اوچاراق یولچولوقلارینا باشلادیلار.
لندندهکی ساعات بیناسیندان کئچدیلر. یوخاریدان باشقا شکیلده ایدی. بیر آز اوچدوقدان سونرا بولودلارین اوستونه چیخدیلار. گونش دوغوردو و بولودلارین اوستوندن دونیا اوزوندهکی لاپ بؤیوک بینانی گؤردولر. بیر مدت بو شکیلده یولچولوقلارینا داوام ائتدیلر. بیراز کئچدیکدن سونرا، پیترپنین آنلاتدیغی اؤلکه گؤروندو. منظره چوخ گؤزل ایدی...
بو یازینین آردینی ادبیات سئونلر کانالیندا اوخویون.
https://t.me/Adabiyyatsevanlar
«پیترپن»
«یازار: جیمز متیو بری»
کؤچوروب، اولغونلاشدیران «ویدا حشمتی»
ایکینجی یؤلوم
پیترپن وئندیدن تشککور ائتدی و
گیردهکاندان بیر بویون باغی تؤحفه وئردی. وئندی، جون و میشئلی اویاندیریب، پیترپن ایله تانیش ائتدی. جون و میشئل پیترپنی چوخ سئودیلر. اونلار پیترپن ایله یولا دوشوب، گئتمکلری اوچون صبیرسیز ایدیلر. اونلار اوچا بیلمهیهجکلرینی بیلیردیلر، آنجاق پیترپن اونلارا دئدی:
-اوچماغا اینانساز، اوچا بیلرسیز.
سونرا تینکئربئلدن پری توزونو ایستهدی. تینکئر بئل اؤنجه بو ایشی گؤرمکده ایکی اورهکلی قالدی آمما سونرا پری توزونو سپدی.
پری توزو ایله هامیسی بیرلیکده اوچاراق یولچولوقلارینا باشلادیلار.
لندندهکی ساعات بیناسیندان کئچدیلر. یوخاریدان باشقا شکیلده ایدی. بیر آز اوچدوقدان سونرا بولودلارین اوستونه چیخدیلار. گونش دوغوردو و بولودلارین اوستوندن دونیا اوزوندهکی لاپ بؤیوک بینانی گؤردولر. بیر مدت بو شکیلده یولچولوقلارینا داوام ائتدیلر. بیراز کئچدیکدن سونرا، پیترپنین آنلاتدیغی اؤلکه گؤروندو. منظره چوخ گؤزل ایدی...
بو یازینین آردینی ادبیات سئونلر کانالیندا اوخویون.
https://t.me/Adabiyyatsevanlar
«اوشاق ادبیاتی»
«پیترپن»
«یازار: جیمز متیو بری»
کؤچوروب، اولغونلاشدیران «ویدا حشمتی»
ایکینجی یؤلوم
پیترپن وئندیدن تشککور ائتدی و
گیردهکاندان بیر بویون باغی تؤحفه وئردی. وئندی، جون و میشئلی اویاندیریب، پیترپن ایله تانیش ائتدی. جون و میشئل پیترپنی چوخ سئودیلر. اونلار پیترپن ایله یولا دوشوب، گئتمکلری اوچون صبیرسیز ایدیلر. اونلار اوچا بیلمهیهجکلرینی بیلیردیلر، آنجاق پیترپن اونلارا دئدی:
-اوچماغا اینانساز، اوچا بیلرسیز.
سونرا تینکئربئلدن پری توزونو ایستهدی. تینکئر بئل اؤنجه بو ایشی گؤرمکده ایکی اورهکلی قالدی آمما سونرا پری توزونو سپدی.
پری توزو ایله هامیسی بیرلیکده اوچاراق یولچولوقلارینا باشلادیلار.
لندندهکی ساعات بیناسیندان کئچدیلر. یوخاریدان باشقا شکیلده ایدی. بیر آز اوچدوقدان سونرا بولودلارین اوستونه چیخدیلار. گونش دوغوردو و بولودلارین اوستوندن دونیا اوزوندهکی لاپ بؤیوک بینانی گؤردولر. بیر مدت بو شکیلده یولچولوقلارینا داوام ائتدیلر. بیراز کئچدیکدن سونرا، پیترپنین آنلاتدیغی اؤلکه گؤروندو. منظره چوخ گؤزل ایدی. پیترپن دنیز قیزی گولونو گؤرستدی. بیر یئردن دومان گؤیه ساری یوکسهلیردی. وئندی بو دومانین نه اولدوغونا ماراقلانمیشدی. پیترپن اوراداکیلارین بیر کمپلری اولدوغونو دئدی و کاپیتان جئیمز کانجانین و دنیز اوغرولارینین (دزدان دریایی) یاشادیقلاری گمینی گؤرسهدیب، چوخ مواظب اولدوقلارینی ایستهدی.
کاپیتان کانجا «جولی روگئر» آدینداکی گمیده یاشاردی. پیترپن کاپیتان کانجا ایله دانیشماغا باشلادی.
کاپیتان کانجا، دنیز اوغرولارینین آراسیندا لاپ دوزگون اوغرو ایدی.
آردی وار...
https://t.me/Adabiyyatsevanlar
«پیترپن»
«یازار: جیمز متیو بری»
کؤچوروب، اولغونلاشدیران «ویدا حشمتی»
ایکینجی یؤلوم
پیترپن وئندیدن تشککور ائتدی و
گیردهکاندان بیر بویون باغی تؤحفه وئردی. وئندی، جون و میشئلی اویاندیریب، پیترپن ایله تانیش ائتدی. جون و میشئل پیترپنی چوخ سئودیلر. اونلار پیترپن ایله یولا دوشوب، گئتمکلری اوچون صبیرسیز ایدیلر. اونلار اوچا بیلمهیهجکلرینی بیلیردیلر، آنجاق پیترپن اونلارا دئدی:
-اوچماغا اینانساز، اوچا بیلرسیز.
سونرا تینکئربئلدن پری توزونو ایستهدی. تینکئر بئل اؤنجه بو ایشی گؤرمکده ایکی اورهکلی قالدی آمما سونرا پری توزونو سپدی.
پری توزو ایله هامیسی بیرلیکده اوچاراق یولچولوقلارینا باشلادیلار.
لندندهکی ساعات بیناسیندان کئچدیلر. یوخاریدان باشقا شکیلده ایدی. بیر آز اوچدوقدان سونرا بولودلارین اوستونه چیخدیلار. گونش دوغوردو و بولودلارین اوستوندن دونیا اوزوندهکی لاپ بؤیوک بینانی گؤردولر. بیر مدت بو شکیلده یولچولوقلارینا داوام ائتدیلر. بیراز کئچدیکدن سونرا، پیترپنین آنلاتدیغی اؤلکه گؤروندو. منظره چوخ گؤزل ایدی. پیترپن دنیز قیزی گولونو گؤرستدی. بیر یئردن دومان گؤیه ساری یوکسهلیردی. وئندی بو دومانین نه اولدوغونا ماراقلانمیشدی. پیترپن اوراداکیلارین بیر کمپلری اولدوغونو دئدی و کاپیتان جئیمز کانجانین و دنیز اوغرولارینین (دزدان دریایی) یاشادیقلاری گمینی گؤرسهدیب، چوخ مواظب اولدوقلارینی ایستهدی.
کاپیتان کانجا «جولی روگئر» آدینداکی گمیده یاشاردی. پیترپن کاپیتان کانجا ایله دانیشماغا باشلادی.
کاپیتان کانجا، دنیز اوغرولارینین آراسیندا لاپ دوزگون اوغرو ایدی.
آردی وار...
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
اوشاق ادبیاتی
«تایماز پیوندی» بیزه بیر ناغیل گوندریب گلین تایمازین ناغیلین بیرلیکده ائشیده ک.
https://t.me/Adabiyyatsevanlar
«تایماز پیوندی» بیزه بیر ناغیل گوندریب گلین تایمازین ناغیلین بیرلیکده ائشیده ک.
https://t.me/Adabiyyatsevanlar
اوشاق ادبیاتی
«آراز پیوندی» بیزه بیر ناغیل گوندریب گلین بیرلیکده آرازین ناغیلین ائشیده ک.
https://t.me/Adabiyyatsevanlar
«آراز پیوندی» بیزه بیر ناغیل گوندریب گلین بیرلیکده آرازین ناغیلین ائشیده ک.
https://t.me/Adabiyyatsevanlar
This media is not supported in your browser
VIEW IN TELEGRAM
اوشاق ادبیاتی
تایمازجان، آراز جان آد گونوز قوتلو وموتلو اولسون.
کمانچا:« تایماز پیوندی»
تار:«آرازپیوندی»
https://t.me/Adabiyyatsevanlar
تایمازجان، آراز جان آد گونوز قوتلو وموتلو اولسون.
کمانچا:« تایماز پیوندی»
تار:«آرازپیوندی»
https://t.me/Adabiyyatsevanlar
«قشم نجف زاده»
منی آلدادایدین پاییزا کیمی
سولان یارپاقلارا چاتایدیم باری
منی آپارایدین پاییزا کیمی
منه آغلایایدی پاییز تویلاری!
ائله باهار کیمی سئوهیدین منی
بیر آغاج اولایدیم باخیشلاریندا
آچیب حس لریمی قیز ساچی کیمی
آخیب دورولایدیم باخیشلاریندا.
بیر مکتوب یازایدین منیم آدیما
توفانلی دنیزده آدا تاپایدیم.
بیر مکتوب یازایدین منیم آدیما
یئریمی مکتوبدا سالیب یاتایدیم.
یاشیل یارپاقلاردا اؤله بیلمیرم
منی بو باهاردا دۆشورمهیهیدین.
منی آپارایدین پاییزا کیمی
اوردا یاغیشلارلا اؤلوب گئدهیدیم.
اوردا بیر قاتارا مینیک باشلانیب
منی آلدادایدین پاییزا کیمی.
اوردا یوللار تویلو، گؤیلر یاغیشلی
اۆزهیدیم، اۆزهیدیم دنیزه کیمی..
https://t.me/Adabiyyatsevanlar
منی آلدادایدین پاییزا کیمی
سولان یارپاقلارا چاتایدیم باری
منی آپارایدین پاییزا کیمی
منه آغلایایدی پاییز تویلاری!
ائله باهار کیمی سئوهیدین منی
بیر آغاج اولایدیم باخیشلاریندا
آچیب حس لریمی قیز ساچی کیمی
آخیب دورولایدیم باخیشلاریندا.
بیر مکتوب یازایدین منیم آدیما
توفانلی دنیزده آدا تاپایدیم.
بیر مکتوب یازایدین منیم آدیما
یئریمی مکتوبدا سالیب یاتایدیم.
یاشیل یارپاقلاردا اؤله بیلمیرم
منی بو باهاردا دۆشورمهیهیدین.
منی آپارایدین پاییزا کیمی
اوردا یاغیشلارلا اؤلوب گئدهیدیم.
اوردا بیر قاتارا مینیک باشلانیب
منی آلدادایدین پاییزا کیمی.
اوردا یوللار تویلو، گؤیلر یاغیشلی
اۆزهیدیم، اۆزهیدیم دنیزه کیمی..
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
فریباابراهیمی»(آفاق)
تله سیره م
زامان داریسقال دیر
حیات اؤته ری
پارلاق گله جه یه تله سیره م من
او قیزلی،اوغلانلی ، نوه لی چاغا
دانیشدیغیم دیلده یازیب پوزماغا
بخته ور آنلارا، بخته ور گونه
دره یه، تپه یه، باغچایا، باغا
گولوش لو اوزلره، بولبول سسینه
روحومون ان گؤزل مرتبه سینه
پاییزیارپاغی تک زاغ- زاغ اسیره م
سئویملی صاباحا من تله سیره م
*
https://t.me/Adabiyyatsevanlar
تله سیره م
زامان داریسقال دیر
حیات اؤته ری
پارلاق گله جه یه تله سیره م من
او قیزلی،اوغلانلی ، نوه لی چاغا
دانیشدیغیم دیلده یازیب پوزماغا
بخته ور آنلارا، بخته ور گونه
دره یه، تپه یه، باغچایا، باغا
گولوش لو اوزلره، بولبول سسینه
روحومون ان گؤزل مرتبه سینه
پاییزیارپاغی تک زاغ- زاغ اسیره م
سئویملی صاباحا من تله سیره م
*
https://t.me/Adabiyyatsevanlar
«ناصرداوران»
بیر سؤز بویور
دئییلنلره چوخ قولاق آسما
سن ائله یاسمن قال
دیبچک یئترلی دئییل آشیلاسین سنی
لاپ بئله تیکانلی، زهرلی تورپاقدا دا
سرگیله کؤینهیینی، عطیرلی بویالارینی.
اؤپوشوندن قوپان آرخایینلیق
نئچه قات گوجلودور قورخودان
بیر آز دانیش
بیر آز گول
ساعاتسیز یاشاماغی باشار
سیل یادداشیندان
الده ائتدییین آکادمیلری
گونده نئچه یول آنادان دوغول
یاماقسیز، قویروقسوز
پایلاش منیمله الوداعسیز فلسفهنی.
یوزلرله کؤرپو دایانیب قاپیدا
نه بویورورسان؟
https://t.me/Adabiyyatsevanlar
بیر سؤز بویور
دئییلنلره چوخ قولاق آسما
سن ائله یاسمن قال
دیبچک یئترلی دئییل آشیلاسین سنی
لاپ بئله تیکانلی، زهرلی تورپاقدا دا
سرگیله کؤینهیینی، عطیرلی بویالارینی.
اؤپوشوندن قوپان آرخایینلیق
نئچه قات گوجلودور قورخودان
بیر آز دانیش
بیر آز گول
ساعاتسیز یاشاماغی باشار
سیل یادداشیندان
الده ائتدییین آکادمیلری
گونده نئچه یول آنادان دوغول
یاماقسیز، قویروقسوز
پایلاش منیمله الوداعسیز فلسفهنی.
یوزلرله کؤرپو دایانیب قاپیدا
نه بویورورسان؟
https://t.me/Adabiyyatsevanlar
«سحرحیاوی»
اؤلو دیریلر!!
آداملار حوزونلو، آداملار سویوق
آداملار ائله بیل قبیر داشی دیر
آداملار حئیرتلی، آداملار هویوخ
آداملار ائله بیل صبیر داشی دیر
پالتارلار گؤرموشم آدامسیز گئدیر
سانکی گول تؤکولوب گول بوداقیندان
آداملار گؤرموشم پالتارسیز گئدیر
گولوشو قاچیبدیر دیل دوداقیندان
آداملار گؤرموشم اؤلمهمیش اؤلوب
چیگینینده داشیییر مزار داشینی
چوخدان دیر ایتیریب ظالیم شَهَرده
دومانلی باشینی، سرسَم باشینی
اؤلونو یُوخلاییر هر جوماخشامی
شَهَر اهلی گئدیر مزارلیقلارا
چیبانلی شَهَرده، دردلی شَهَرده
خیاوان، خیاوان دئشیلیر یارا
بو «اؤلو دیریلر» قبریستانینی
داش دؤیوب دیندیرن اولماییر نهدن؟
شرمنده آتالار قبریستانینا
صاباح بازارلیغا یوخدومو گئدن؟!
اوتانیم یئرینه آی اوتانمایان**
شهر گؤرونمهین مظلوم قانی دیر
یاشام بال دا اولسا جانیما سینمیر
بازارلار آرزولار قبریستانی دیر
#سحر_خیاوی
**بیر میصراع شاهمار اکبرزادهدن دیر.
https://t.me/Adabiyyatsevanlar
اؤلو دیریلر!!
آداملار حوزونلو، آداملار سویوق
آداملار ائله بیل قبیر داشی دیر
آداملار حئیرتلی، آداملار هویوخ
آداملار ائله بیل صبیر داشی دیر
پالتارلار گؤرموشم آدامسیز گئدیر
سانکی گول تؤکولوب گول بوداقیندان
آداملار گؤرموشم پالتارسیز گئدیر
گولوشو قاچیبدیر دیل دوداقیندان
آداملار گؤرموشم اؤلمهمیش اؤلوب
چیگینینده داشیییر مزار داشینی
چوخدان دیر ایتیریب ظالیم شَهَرده
دومانلی باشینی، سرسَم باشینی
اؤلونو یُوخلاییر هر جوماخشامی
شَهَر اهلی گئدیر مزارلیقلارا
چیبانلی شَهَرده، دردلی شَهَرده
خیاوان، خیاوان دئشیلیر یارا
بو «اؤلو دیریلر» قبریستانینی
داش دؤیوب دیندیرن اولماییر نهدن؟
شرمنده آتالار قبریستانینا
صاباح بازارلیغا یوخدومو گئدن؟!
اوتانیم یئرینه آی اوتانمایان**
شهر گؤرونمهین مظلوم قانی دیر
یاشام بال دا اولسا جانیما سینمیر
بازارلار آرزولار قبریستانی دیر
#سحر_خیاوی
**بیر میصراع شاهمار اکبرزادهدن دیر.
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
مهدی عارفی اسکویی (ایشیق) ادبیات سئونلرگوزگوسونده
زمان: بو گئجه: 1400/8/4
ساعات: 21
آپاریجی:«کریم قربانزاده»
https://t.me/Adabiyyatsevanlar
زمان: بو گئجه: 1400/8/4
ساعات: 21
آپاریجی:«کریم قربانزاده»
https://t.me/Adabiyyatsevanlar
مجازی انجمن " سسلی شعیر گئجه سی "
سایین کانالداشلار
شنبه گئجه: 1400/8/1
ساعات : 21
ادبیات سئونلر قوروپوندا مجازی انجمن ( سسلی شعیر گئجه سی) اولاجاق بو وئرلیش عینی زاماندا ادبیات سئونلر کانالیندان یایلاجاق سئویملی شاعیرلری ، گوزل سسلی دیکلاماتورلاری آذربایجان شعرینین هوسکارلارین سیجاق قاتیلماغا دعوت ائدیریک .
https://t.me/Adabiyyatsevanlar
سایین کانالداشلار
شنبه گئجه: 1400/8/1
ساعات : 21
ادبیات سئونلر قوروپوندا مجازی انجمن ( سسلی شعیر گئجه سی) اولاجاق بو وئرلیش عینی زاماندا ادبیات سئونلر کانالیندان یایلاجاق سئویملی شاعیرلری ، گوزل سسلی دیکلاماتورلاری آذربایجان شعرینین هوسکارلارین سیجاق قاتیلماغا دعوت ائدیریک .
https://t.me/Adabiyyatsevanlar