اوشاق ادبیاتی

https://t.me/Adabiyyatsevanlar

اوشاق ادبیاتی

بئش داشچیلار اللر وار، یولونوز آچیق بو گوزل ایشلرینیزدواملی اولسون.

جمعه 1400/7/16 جشنواره نین بیریمجی گونو بئش داشین غرفه سی☝️☝️☝️☝️(غرفه بئش داش در روز اول جشنواره)


https://t.me/Adabiyyatsevanlar

اوشاق ادبیاتی
کوراوغلویلا کچل حمزه
یازار:« صمد بهرنگی»
چئویرن:«منیژه جم‌نژاد»

۱۳- گئجه گئتدی، گوندوز گئتدی، باشی یاستیق گؤرمه دی، گؤزو یوخو، تا یئتیشدی توقاتا. قارانلیق چؤکوردو. کور اوغلو بیر قاری نین قاپیسینی چالدی. قاری قاپینی آچدی. کوراوغلو قاریا بیر آووج پول وئردی اونا یئمک پیشیرسین، گئجه اونون ائوینده قالا بیلسین دئیه. گئجه شام یئییب سوفرانی ییغدیلار، قاری کوراوغلونون سازینا باخیب دئدی: آشیق، ایندی سازینی گؤتور بیرآز اوخو ائشیده‌ک. کوراوغلو دئدی: ننه جان ایندی یوخو واقتیدی. صاباح سحر اوخویارام. قاری دئدی: من صاباح حمزه بیگین تویونا گئده جه یم. ایسترسن ایندی اوخو ایستمزسن ده اوخوما. کوراوغو دئدی: حمزه بی کیمدی ننه؟ قاری دئدی: حمزه بی حسن پاشانین دامادی دیر.... قوخماز بیر ایگید دیر. دئییللر بیری وار کواوغلو نه... سن تانییرسان؟ کوراوغلو دئدی: آدین ائشیتمیشم. هه؟ قاری دئدی: حمزه گئدیب اونون آتین آلیب گتیریب، حسن پاشا اونا بی لیک مقامی وئریب، بیرده دونا خانیم قیزینی. صاباح تویلاریدی. منده قیزلارینا، گلینه، قوللوغ ائده جم، سحر گرک تئز دوروب گئدم. کوراوغلو دئدی: ننه جان کوراوغلونون آتینی هاردا ساخلاییرلار سن بیلیرسن؟ قاری دئدی: حسن پاشانین طویله سینده. دئییللر دلی آتدی، کیمسه نی یانینا قویماییر. حسن پاشانین بوتون آخیرچی لارین یارالاییب. دا ایندی یئمین زادین طویله نین دامینین باجاسیندان تؤکورلر. کوراوغلو اؤیرنه بیله جکلرین اؤیرندی، سونرا دئدی: ننه جان من یورقونام، یاتسام یاخجی اولار. قاری دئدی: گؤر نه دئییرم، یاخجی سنده صاباح تویا گلسن، بیرآز ساز چالیب اوخویاسان، بیرآز پول مول قازاناسان، شوخلوق دئییل، پاشانین قیزینین تویودو!
قیساجاسی گئجه یاتدیلار. سحر کوراوغلو دوردو کئچن گون کیمی گئیینیب، بیرآز قاریا پول وئریب دئدی: گئجه گلسم بو پول لار لا بیرآز یئمک حاضیرلا، یوخسا سنین اولسون.
کوراوغلو گلیب حسن پاشانین سارایینا یئتیشدی. اوردا نه گؤردو؟ گؤردو بیر شنلیک یولا سالیبلار کی دونیادا تایی گؤرونمییب. مجلس ده کی لر بیر قریب آشیقین گلدیینی ائشیدیب، چوخ سئویندیلر. کوراوغلونو چکن چکن ایله توی مجلیسینه آپاردیلار. حسن پاشا کوراوغلونون بوی بوخونونا باخیب گؤردو: اوجا بویلو انلی کو٘ره‌ک بیر آشیق دی، بوینو اؤکوز بوینو کیمی، بیغلاری قولاقلاریندا. قیساجا گؤردویو آشیقلارا بنزه میر. سوروشدو: آشیق هارالیسان؟ کوراوغلو دئدی: قاف داغینین اوتاییندانام. پاشا دئدی: کوراوغلونو تانییرسان؟ کور اوغلو دئدی: چوخ دا یاخجی تانیرام. منیم باشیما بیر اویون گتیریب، دونیا وارکن اونوتمارام. حسن پاشا دئدی: نه بلاسی؟ کوراوغلو دئدی: پاشا ساغ اولسون، کوراوغلونون بیر لعنته گلمیش دلی آتی وار. آدی قیرآتدی. پاشالارین بیری دانیشماق ایسته دی، حسن پاشا قویمادی. سونرا کوراوغلویا دئدی: هه، دئییردین. - بلی قوربان اولوم، یاخجی آتدی حاییف کی دلی دیر. گو٘نلرین بیر گو٘نونده گئدیردیم، بو ساز دا چیینیم ده ایدی. بیردن بیری لری توکولوب گؤزلریمی باغلییب، منی آپاردیلار. دا ایندی نئجه گئتدیک، هارا گئتدیک بیلمیرم. گؤزلریمی آچاندا گؤردوم بیر داغین باشیندایام، بیر بوینو یوغون جوان دا قارشیمدا دوروب. دئمه اوراسی چنلی بئلدی، اوجوان دا کوراوغلونون اؤزودور. ایندی منی نیه اورایا آپارمیشلار، اوزو ائشیتمه لی عجیب بیر ناغیلدی. دئمه بو دلی آتین دلی لییی توتوب. هر نه داوا درمان وئریبلر، توختامییب، کیمسه نی قویمور اونا مینسین. بیری ده قورخمییب یاخینلاشاندا، تپیک له دیشی له دیدیب داغیدیر. کوراوغلونون بیر حکیم کیمیا چی یولداشی واریدی، گئدیب اونو تاپیرلار. گوربا گور اولموش حکیم ده آت جین گؤروب، دئییر. بیریسی گرک گلیب او٘چ گون او٘چ گئجه اونا ساز چالیب اوخویا، جین گئتسین دئیه. اوندا کوراوغلو اؤزو ساز چالیب اوخوماق باجارمازدی. او او٘زدن بیر آشیق آختاریردیلار، من یازیغی تاپدیلار.
آنجاق باشیزی آغریتماییم. منی ایته له‌ییب آتین قاباغینا آتدیلار. او او٘چ گون او٘چ گئجه ده باشیما نه لر گلدی، آللاه بیلیر. دوغرودان دده‌م یاندی.
آردی وار...

https://t.me/Adabiyyatsevanlar

اوشاق ادبیاتی
لایلالار
بئشيک نغمه لری:

قيزيل گول بوتام، لايلای
عطرينه باتام، لايلای
بالام عرسييه گله
تويونو توتام، لايلای.
*
لايلای دئديم ياتاسان
قيزيل گوله باتاسان
گول ياستيغين ايچينده
شيرين يوخو تاپاسان.
*
لايلای دئديم هميشه
کاروان گئدر ائنيشه
ياستيغيندا گول بيتسين
دؤشه گينده بنؤوشه.
*
لايلای دئديم گونده من
کؤلگه ده سن، گونده من
ايلده بير قوربان اولار
سنه قوربان گونده من.
*
لايلای بئشيگيم، لايلای
ائويم-ائشيگيم، لای-لای
سن گئت شيرين يوخويا
چکيم کئشيگين، لايلای.
*
لايلای قوزوم، آغلاما
اوره گيمی داغلاما
يات، يوخون شيرين اولسون
يوخوما داش باغلاما.
*
لايلای، آ گلين بالا
يوخوسو درين بالا
تانريدان عهديم بودور
تويونو گؤروم، بالا.
***
لايلای امگيم بالا
دوزوم، چؤرگيم بالا
گؤزله رم بؤيويه سن
گؤروم کؤمگين بالا

https://t.me/Adabiyyatsevanlar

فریبا ابراهیمی(آفاق)

ساچلاریم پاییزا یولوخوب دن – دن
   قهوه یی،
          ساری،
                بوز...
                       آلا بزه یلی....
خسته جانیمی گل ، آشیلا یازلا
                  خیالیمدان سوزول،
                              آخ اوره ییمه
چیله ن یاناغیما ، سرینجه سینه
        هوپ جانیما ، یاییل
                              دامارلاریمدا
                       *
صاباح چتین گوندور،
                      قیش قاباقدادیر
                                  تومارلا تئلیمی ، اوخشا الیمی
منی باغرینا باس ، مؤحکم قوجاقلا
                            سانکی قیراجاقسان
                                                 سوموکلریمی
                       *
گل یئنه تامسیناق،
                   کؤهنه سئوگینی
                               سیجاق دوداقلارلا، دادیب ، منی اؤپ.....
 
اؤپوش ائتگیسیندن اوزایلاردا اوز
     سون دفه اولاراق،
                        منی بیرده ......اؤؤؤؤپ....
هله ده هرسحر.....
          هربیر گؤزومدن
                       مینلرجه" آفرودیت "،دوغور...
                                                        دیرچه لیر...
https://t.me/Adabiyyatsevanlar

📃 اؤز آبامی بئله حالدا گؤرمه میشدیم
🖌 ع . ن «چاپار»

اؤزآبامی بئله حالدا گؤرمه میشدیم دوننه چاغ
محبتین بؤلوشدوروب پای وئریردی قوجاق-قوجاق

سیغیندیریب هئیکلینی تمامیله بیر بوجاغدا
خلوتیجه، خیسین-خیسین آغلاییردی بوش اوتاقدا

گؤزدن ایراق، گؤزلریندن دنه-دنه یاش آخیردی
بیلنمیردیم گؤزلرینی هارا دیکیب، نه باخیردی

خیالیمدا او یول چکن گؤزلرینی بیر ایزله دیم
اوره ییمده حسرت آدلی یوللارینی تمییزله دیم

ائله بیل کی بیلیردیم او،حسرتینه پئشواز ائدیر
اولان گوندن بویوللاری او هئی گلیر، هئی ده گئدیر

هله ده وار قیزلیغینی گؤزلریندن اوخویورام
ناخیشینی قلمیمله اؤزشعریمده توخویورام

گلین گولون اؤزباشینا تاخان چاغین آختاریری
شوه کیمی ساچلارینی گاه هورورو، گاه داریری

ایندی ده وار ائله بیل کی منیم آبام او گونده دیر
من ده بئله حیس ائدیرم اوطویدادیر،دویونده دیر

گؤزلریندن قان دئییل کی،سئوینجی دیر آخیراونون
اوره یینی سئوینج اییلی حسرت اودو یاخیر اونون:

«دئنه بیزی حسرت ایچره بیر کیمسه لر سیناماسین،
سیناقلاردان چیخماساقدا اونلار بیزی قیناماسین»

اوز-گؤزوندن تؤکولورو بو اینجی سؤز، گؤرورم من
اوخویورام بیر خط کیمی، مارال باخیش گؤزلریندن

بیلنمیرم، بلکه آجی خاطره نی سالیر یادا
بلکه غملر دنیزینده اودا تاپمیش یئنی آدا

دیرسکله نیب چنه سینی اؤز اووجوندا نه یه قویوب
باخیشیندان بلله نیرکی حیاتیندان بئزیب دویوب

اونون حیسی-هیجانی گؤزلرینده دیک اویانیر
حیات آدلی،خیال ناخیش شعریت ده بویالانیر

گاهدان گؤزو هوپوناراق بیر نره یه جومولوردا
باشی اسیر، دوداقلاری نسه آچیر- یومولوردا

زمانه یه قار-قیشمی دیر دوداغیندا؟یابیر دوعا؟
بئینینده می دونموش فیکیر؟ یاچالغانیر مین بیر دوها؟

ائله گلیر منه گویا غیابی بیر محکمه ده
دوغما آبام گؤرونمه ین، بیلینمه ین همهمه ده

قار-قیش دئیه ثبوت ائدیروارلیق آدلی دوهاسینی
استجابت ائیله ییری بیر بوش اوتاق دوعاسینی

یازیق، هانسی قاراگونون یادا سالیرگؤره م بو آن
یوخ، قییمادی اونا عؤمور، نه گون، نده آجی زمان

داری-دونیا داراچکدی آرزولارین بوتؤو اونون
بیرشادخبرهئیکلیندن چیخارمادی قارا دونون

ساری ایرنگ،بیژجیل هاوا نفه سینی سیخیب بوغدو
آنجاق اونون طالعیندن آجی-آجی کدر دوغدو

پنجره نین قیراغیندان او اوتاقدا گزیر گؤزوم
تیخانیبدیر بوغازیمدا قالاق-قالاق حسرت سؤزوم

آبا دئیه، سیتقاییرام. آجیغیما گلیرم من
داردا گره ک نه یه قالسین حیات دئیه، حیات سئون

یوخ، آباجان دئمیشلر کی قاراگونون صاباحی وار
یازاولارمی پاییزکؤچوب،شاختا دوشوب، یاغماساقار؟

اوتاقداکی دینج بوجاقدان باش قووزاییب بیردن باخیر
«یوماق»دئیه،بیر تهرله کلفچه نی شویه تاخیر

گؤزلریندن دونوق-دونوق قان دامیزیر اوره ییمه
گؤز یاشیلا آمالینی دویونله ییر دیله ییمه

بودا منیم سهمیم اولور پاک عشقیندن اؤز آبامین
بو ایرثی دیر منه چاتیر، هم طایفامین، هم اوبامین

https://t.me/Adabiyyatsevanlar