عؤمور
✍:«توککول-بوی سونار»
کؤچورن:«سحر- خیاوی»
حاضیرلایان:«ادبیات سئونلر»

منیم یئتمیش دؤرد، آروادیمین ایسه آتمیش سکگیز یاشی وار. عؤمروموزون آخیرلارینی یاشاییریق. بونو ایکیمیز ده حیس ائله‌ییریک. بیر آی اؤنجه رایوندا کی خسته‌خانادان قاییدیب ائوه گلنده آروادیم دیشلرینین چتینلیک له کسدیگی لاواشی بیر تهر قوپاریب چئینه‌یه- چئینه‌یه: دئیه‌سن آخیریمیز چاتیب هه؟-- دئدی.
او مندن داها خسته‌دیر. آغریسی توتاندا نه ائده‌جه‌ییمی بیلمیرم. قیزیم گیلین ائوی بیزدن ائله‌ده اوزاق دئییل.
آرادا نوه‌لردن کیمسه گلیب بیزده قالیر. باشقا واختلاردا ائوده آنجاق ایکیمیز اولوروق. سحرلر اویانیب، مال- حئیوانی یئربه یئر ائدندن سونرا بیر یئرده شیرین چای ایچیریک.
آخشاملار ایسه قارانلیق دوشَندن سونرا اوغلومون کئچن پاییز آلدیغی تئلویزورا بیرآز باخیب یاتیریق.
آروادیمین آیاقلاری شیشیر. بیرآز ایینه- درمان ائدندن سونرا کئچیب گئدیر. سونرا یئنه ائله اولور. بؤیرکلری سالامات دئییل. منیم تضییقیم(فشار خون) هردن چوخ قالخیر. حکیم‌لرین دئدییینه گوره، اوره‌ییمه گئدن دامارلاردا دا ناسازلیق وار.
ایکیمیز ده بو کندده دوغولموشوق. عؤمور بویو بوردا یاشامیشیق. کئچن آی اوغلوم باکیدان گلمیشدی. بیزی آپارماق ایسته‌دی. گئتمه‌دیک. ایندی بوردان بیر گئجه اوزاقدا قالسام، منه ائله گلیر کی، نفسیم کسیلیر. ایکی ایل اؤنجه یازدا بیزی باکی‌یا آپاردیلار. حکیم معالجه‌میزی یازاندان سونرا قاییدیب گلمک ایسته‌دیک. دئدیلر: بیرآز دا قالین. قاییداندا گؤردوم کی، کؤهنه حامامین یانیندا کی جویز آغاجی قوروماغا باشلاییب. مندن اوّل آرواد گؤردو. دیزلرینه دویوب های چکنده ائله بیلدیم ائیوان اوچوب. چونکو ائیواندا کی دیرک‌لر چوخدان چوروموشدو. آمما حیطه گیریب گوردوم کی یوخ، جویزه نسه اولوب. یارپاقلاری قارالماغا باشلاییب. هر گون سحر دیبینه سو تؤکدوم. بیرآز پئیین وئردیم. آمما خئیری اولمادی. اوتوز ایل قاباق خسته‌له نیب یاتاغا دوشَن، ارییه- ارییه آریقلاییب اؤلن اوغلوموز کیمی، جویز ده بیر ایکی هفته‌یه تامام سووولوب گئتدی. قورویوب حئییف اولدو.
...یاغیش یاغاندا ائیوانداکی شیفِرلر* دامیر. بو یاز هله هاوالار تام آچیلماییب. حیطده بیرآز گؤیرتی اکمیشیک. لوبیا، یئرآلما، بادیمجان اکمیشیک.
...دونن یعقوب گلمیشدی. نوه‌م. عسکرلیک واختی چاتیب، دئییرلر. نسه سند گتیرمه‌لی ایمیش. بیزله گؤروشدو. صوحبتلشدیک. ننه‌سی" آخشاما تویوغ بیشیرمیشم" دئدی. ساخلاماق ایسته‌دی. آمما‌ حیس ائدیردیک کی داریخیر. قالمادی. چیخیب گئتدی. آخشام مال- حئیوانی یئر به یئر ائله‌دیک. یئمه‌یه اوتوراندا یئنه یاغیش باشلادی. ایلدیریم چاخدی. درمانلاریمیزی آتدیق. بیرآز تئلویزیورا باخیب یاتدیق.
...حکیم اوره‌ییمده خسته‌لیک اولدوغونو دئیه‌ن گوندن بَری، گئجه‌لر رحمتلیک دده‌می یوخودا گؤرورم.
گؤرورم یئنه ناماز قیلیر. باشینا آغ، نازیک بیر پاپاق کئچیریب. اَییلیر، قالخیر، دیلینده آستا سسله نسه دئییر. سونرا باشینی ساغا- سولا چئویرنده چیینینه باخماق یئرینه منه باخیر. من اونون باخماغیندان قورخورام. حیس ائدیرم کی اؤلمک واختیم چاتیب. سونرا یوخودان آییلیرام.
اَینیمه نسه گئیینیب حیطه چیخیرام. توآلته گئدیب قاییدیرام. تزه‌دن یئریمه گیریرم.
هردن اؤلمه‌ییمیزی فیکیرلشیرم.
آروادیم بیرینجی اؤله‌جک یوخسا من؟!
من اؤلسم او یقین بیر موددت قیزی گیلده قالاجاق. بئله اولاندا فیکیرلشیرم کی، کاش تئز اؤلک. جانیمیز قورتارسین. او بیرینجی اؤلسه... بیلمیرم.
اوشاقلارا تاپشیرمیشیق کی، بیزی اوغلوموزون یانیندا باستیرسینلار.
بو نوروز قبرینه گئتدیک. آرواد یئنه آغلادی. دئدی کی: آللاه بیزی اؤلدورسون. بیز ائله‌دیک سنین اؤلمه‌یینی.اونسوز دا سندن سونرا عؤمروموزو چوروتموشوک-- دئدی، یاشامامیشیق. کاش ائله داش اولاردیم من، نه سنی دوغاردیم، نه ده اؤلمه‌یینی گورردیم. سونرا هاردان آغلینا گلدی سه، قاییدیب دئدی کی: جویز ده قورودو. حامامین یانیندا کی جویز.
اونون اؤلمه‌ییندن اوتوز ایل کئچیب. اوّ‌ل لر تئز- تئز فیکیرلشیردیم کی، بلکه واختیندا خسته‌خانادا یاتیرسایدیق، نسه ائلییه بیلردیک. آمما ایندی او آغری منیم اوره‌ییمده کئی‌لشیب. اوّل کی کیمی، یادیما دوشَنده، تاثیرلنمیرم.
هاوا گونشلی ایدی بو گون. آرواد چای قویوب. ائیواندا اوتورموشوق. بیرآز اؤنجه قاپی‌نین سسینی ائشیدنده سئویندیک، ائله بیلیردیک کیمسه گلیر. آمما هئچ کس دئییلمیش.
بیرآزدان آخشام دوشه‌جک. حیطه چیخیب هینین قاپیسینی دوزلتملی‌یم. تؤوله‌ده کی لامپانی دَییشمه‌لی یم.
سونرا مال- حئیوانی یئربه یئر ائتمه‌لی یم. آرواد مطبخده دی. من قندانین آغزینی اؤرتوب، حیطه چیخیرام.

*شیفِرلر: دام اؤرتوکلری.(روسجا)دیر.


https://t.me/Adabiyyatsevanlar

Eldar Muğanlı - t.meAdabiyyatsevanlar.pdf


بیلدیریش


سایین کانالداشلار!
وئردیگیمیز وعده اساسیندا، بوگون «ادبیات سئونلر گوزگوسونده» وئرلیشی‌نین ایکینجی الکترون کیتابینی ادبیات سئونلر عائیله‌سینه تقدیم ائدیریک. بو کیتاب «ائلدار موغانلی»‌نین آد گونو مناسیبتیله گروهوموزدا تشکیل ائدیلن تدبیرین اساسیندا حاضیرلانیبدیر.

 کیتابین آدی: «60 یاشین شرفلی حیات یولو» / ائلدار موغانلی
‌ الکترون نشر: «ادبیات سئونلر» گروهو
 رئداکتور: همت شهبازی
 امکداش‌لار:
- کریم قربانزاده
- مرجان منافزاده
- ویدا حشمتی
 جیلدین طرحی و صفحه دوزومو: ایشیق
 نشر تاریخی: مهر1400

بو کیتابی « ادبیات سئونلر» کانالیندان، «ایشیق» و «زنگین یول» سایتلاریندان یئندیره بیلرسینیز.
t.me/Adabiyyatsevanlar
www.ishiq.net
www.zanginyol.ir

https://t.me/Adabiyyatsevanlar

اوشاق ادبیاتی
اوشاق ادبیاتی هر هفته پنجشنبه گونو ادبیات سئونلر کانالیندا .
اوشاق ادبیاتینا دایر یازیلارینیزی بیزه گوندرین .

https://t.me/Adabiyyatsevanlar

«اوشاق ادبیاتی»
«پیترپن»
یازار:« جیمز متیو بری»
کؤچوروب اویغونلاشدیران:«ویدا حشمتی»
بیرینجی بؤلوم

قدیم زامانلاردا، لندن شهرینده دارلینگ آدیندا بیر عاییله یاشاییردی. دارلینگ عاییله‌سی‌نین اوچ اوشاغی واریدی. میشئل، جون بیر ده وئندی.
وئندی عاییله‌نین ان بؤیوک قیزی ایدی. وئندی باجی-قارداشلارینا چوخ دوشگون و سئوگی دولو بیر قیز ایدی‌. باجی-قارداشلاریندان، یالقیز قالدیقلاری زامان موغایات اولاردی. اونلاری قوروماق اوچون بیر ده ایتلری واریدی. بو ایت چوخ بؤیوک ایت ایدی. آدی دا نانا ایدی.
بو یازینین آردینی ادبیات سئونلر کانالیندا اوخویون.

https://t.me/Adabiyyatsevanlar

«اوشاق ادبیاتی»
«پیترپن»
یازار:«جیمز متیو بری»
کؤچوروب اویغونلاشدیران:«ویدا حشمتی»
بیرینجی بؤلوم



قدیم زامانلاردا، لندن شهرینده دارلینگ آدیندا بیر عاییله یاشاییردی. دارلینگ عاییله‌سی‌نین اوچ اوشاغی واریدی. میشئل، جون بیر ده وئندی.
وئندی عاییله‌نین ان بؤیوک قیزی ایدی. وئندی باجی-قارداشلارینا چوخ دوشگون و سئوگی دولو بیر قیز ایدی‌. باجی-قارداشلاریندان، یالقیز قالدیقلاری زامان موغایات اولاردی. اونلاری قوروماق اوچون بیر ده ایتلری واریدی. بو ایت چوخ بؤیوک ایت ایدی. آدی دا نانا ایدی.
گونلرین بیر گونو اونلارین آتا-آنالاری قوناق گئتدیلر. گئجه اولدو. اوشاقلار یاتاقلاریندا یاتمیشدیلار. بیردن دامدان موحتشم بیر ایشیق گلدی. ایشیقلا برابر پیترپن و تینکئربئل پنجره‌دن ایچری گلدیلر. تینکئربئله دئدی:
- سوس و سس سالما.
تینکئربئل ایسته‌دی، پیترپن‌ین کؤلگه‌سینی توتوب، چکمه‌جه‌نین ایچینده ساخلاسین‌. آما ائله‌یه بیلمه‌دی. سسیندن وئندی اویاندی و اولانلاری گؤروب، چاشیب قالدی. پیترپن، یاخالانماغین قورخوسوندان بیر یئرده دونوب، قالمیشدی.
وئندی ماراقلانیب سوروشدو:
- سیز کیم‌سیز؟ بورادا نه ایشیز واردی؟
پیتر پن اؤزونو تانیتدیریب، کؤلگه‌سینی چکمه‌جه‌یه باغلاماق ایسته‌دیگینی آچیقلادی. وئندی دئدی:
- من سیزه یاردیم ائده‌رم. بیر ایینه بیر ده ساپ لازیمدی. من کؤلگه‌نی چکمه‌جه‌یه تیکه‌ بیله‌رم.
وئندی پیترپن‌ین کؤلگه‌سینی تیکرکن، پیتر پن خیالی بیر اؤلکه‌دن گلدیکلرینی دئدی. او دئدی:
-بو خیالی اؤلکه‌ده، ایتن اوشاقلار یاشاییرلار. من ده ایتن اوشاقلارین لیدری‌یم. هر اوشاغین ایتمک حئکایه‌سی باشقادیر.
بو سؤزلری ائشیدن وئندی چوخ چاشمیشدی. او حئکایه‌لری دینلرکن پیترپن ایله یولداش اولموشدو.
تینکئربئل اولدوقجا بو یولداشلیغی قیسقانمیشدی. وئندی ایسه پیترپن‌ین دانیشدیغی اؤلکه‌ اوچون چوخ ماراقلانمیشدی و قارداشلاری ایله اورا گئتمکلری‌نین مومکون اولدوغونو سوروشدو. پیترپن ده اونلارین گلمک ایسته‌ییب، ایسته‌مه‌دیکلرینی سوروشدو.
پیترپن اونلاردان موغایات اولوب، حیکایه‌لر آنلاداجاغینا سؤز وئردی. وئندی کؤلگه‌نین تیکمه‌یینی باشا چاتدیرمیشدی. جون و میشئل هله یاتمیشدیلار. وئندی اونلاری اویاندیرماغا گئتدی.
آردی وار

https://t.me/Adabiyyatsevanlar

اوشاق ادبیاتی
«ویدا حشمتی»
داستانجا قوروپو مهر آیی‌نین ۱۶-جی گونو اوشاقلارین بین‌الخالق مودافعه گونونو قوتلاییر.
اوشاقلارا گووه‌نلی و باریش ایچینده بیر حیات دیله‌ییریک🌻

دونیا اوشاقلاری اوچون💝

اینجه دیر بارماقلاریم
هر دویونو آچماغا
کاش قانادیم اولایدی
اوزاقلارا اوچماغا

کئشگه قونشوموزدا دا
شنلیک اولسون گول اولسون
بیز اوشاقلارین ایشی
اوُیرنمک ، اوخول اولسون

بئله دئییب گولک کی
اینجیمه سین بیر کیمسه
هر بیر چیچک آچاندا
بیزه دئییر : گولومسه

آغلاماسین هئچ اوشاق
بوتون دونیا شن اولسون
هر دیلده هر دیلکده
مندن قاباق سن اولسون

حاضیرلایان:«داستانجا قوروپو»

https://t.me/Adabiyyatsevanlar

اوشاق ادبیاتی

https://t.me/Adabiyyatsevanlar