آی منیم طالعیم، آی منیم باختیم،
سؤیله بو نه حالدی سن گلمز اولدون.
دردیمی آهسته چالدیم، سئوگیلیم،
سوسدولار چایلاردا، سن گلمز اولدون.
آخی نئجه دئییم، هئچ گلمیر دیلیم،
دئ، بس قالدین هاردا سن گلمز اولدون؟
سن دؤنوک دئییلدین، دؤنوک دئیلسن،
یقین... اَه نه دئییم، سن گلمز اولدون.
دؤزوملو اولسام دا، داریخیر هردن،
اوونمور اورییم- سن گلمز اولدون.
فقط اینانیرام، بیر گون اولاجاق
من دئمه‌یه‌جم سن گلمز اولدون،
قمیم او حسرتلی گونده قالاجاق.
کیم دئییر سن بیر خیال، یا بیر سس اولدون.
گون گلر دئمرم سن گلمز اولدون.

https://t.me/Adabiyyatsevanlar

شوشا «بولبولون» یاشام ائوینده

https://t.me/Adabiyyatsevanlar

اوشاق ادبیاتی
اوشاق ادبیاتی هر هفته پنجشنبه گونو ادبیات سئونلر کانالیندا .
اوشاق ادبیاتینا دایر یازیلارینیزی بیزه گوندرین .

https://t.me/Adabiyyatsevanlar

اوشاق ادبیاتی
کوراوغلویلا کچل حمزه
یازار:«صمد بهرنگی»
چئویرن:«منیژه جم‌ نژاد»

۱۲- دئیرلر کوراوغلو داها بیر سؤز دئمه دی. اؤز یانلیشیندان ائله پئشمان اولموشدو کی. باشین آشاغا سالیب گئدیب بیریاندا گؤیرتی لرین او٘ستونده او٘زو او٘سته دو٘شدو. او٘چ گو٘ن او٘چ گئجه آج به سوسوز ترپنمه دن یاتدی. بو یاندان دا یولداشلار ایشلریندن پئشمان اولدولار. اوتوروب بیرلیکده شور مشورت ائدیب، دئدیلر: بیزده پیس ایش گؤردوک، کوراوغلویا او٘ره‌ ک وئرمک دن، اونو دانلاییب حالین پوزوب، او٘ره یین سیندیردیق. نه قدر کوراوغلونون یان یؤوره سینده گئت گل ائتدیلر، اویانمادی. سونوندا نیگار خانیما او٘ز سالدیلار. دمیرچی اوغلو دئدی: نیگار، دا ایندی سن گرک چیرمالاناسان. سندن سونرا کیمسه کوراوغلونون او٘ره گین اله گتیره بیلمز. نیگار دئدی: اولسون. هله ایندی قویون یاتسین. اویانماق ایسته ینده، هامینیز داغیلین، اوندا ایواز اونو منیم یانیما گتیرر، من کوراوغلونون اوره یین اله گتیریب، هامینی دا
باریشدیرارام. یولداشلار هره سی اؤز منزلینه گئتدی. ایندی ائشیدین کوراوغلودان. او٘چونجو گو٘ن یوخو گؤردو توقاتدا قیرآتین بئلینده، حسن پاشانین یانیندا دوروب، نعره چکیر، میدان اوخویور. بیردن یوخودان آییلیب، ایوازی باشینین او٘ستونده گؤردو سانکی دونیانین دردین او٘ره یینه دولدوروبلار،ایکی سؤز دئسن، باهار بولودو کیمی آغلایاجاق. کوراوغلو ایوازی گؤروب، او٘ره یی اود توتدو. سازی باغرینا باسیب بیر شورلو کدرلی ماهنی اوخودو: ایواز نیه بئله پوزغونسان؟ باشیمی ایستیرسن؟ جانیمی ایستیرسن؟ نه ایستیرسن دئ. بئله توتقون، کدرلی اوتورما. کور اوغلو دیری کن چنلی بئله غم توزو اوتورمیاجاق.
ایواز دئدی: دورکوراوغلو، دور گئده‌ک، هامی سنی گؤزله ییر. کوراوغلو سازی یئره قویوب، دئدی: ایواز، اولار کی چنلی بئلین کیشی لری، قادینلاری بیرده منی گوزله یه؟ من اولاری ائله اینجیتمیشم، کیمسه منیم او٘زومه باخمیاجاق. ایواز دئدی: کوراوغلو بو نه سؤزدو؟ سن بیزیم باشچیمیز سان. کوراوغلو دئدی: قیرآتی گتیرمه دن یولداشلارین یانینا گئده بیلمرم. ایواز دئدی: اوندا نه یی گؤزله ییرسن؟ دور گئیین، سلاح گؤتور، گئت. کوراوغلو دوردو. بیر ایکی آتدیم گؤتورممیش، چالیب اوخوماق سسی گلدی، ائله یانیقلی، ائله حسرت دولو کی، گؤیده قوشلار اوچماقدان قالیردیلار. کوراوغلو یان یؤوره یه باخیب نیگاری گؤردو، سازی باغریندا، اوجالیقدا بیر آغاجین آلتیندا دوروب، چالیب اوخویور، کوراوغلونو چاغیریر. کور اوغلو دؤزه بیلمه ییب نیگارا ساری گئتدی. اوجالیغا یئتیشیب چمن لیغا آیاق قویاندا، نه گؤردو؟ بیر دوستجا مجلس چنلی بئلین بوتون قادینلی کیشی لی یولداشلاریندان قورولوب. سوفرا آچیق، یئمک له شراب حاضیردی، پهلوانلار کیشی لی قادینلی، دووره دن اوتوروبلار. کیمسه نه دانیشیر، نه چوره‌یه ال اوزالدیر. هامی کوراوغلونو گؤزله ییر. کوراوغلو مجلسه گیردی. اؤپوش گؤروش بازاری قیزیشدی. کوراغلویلا پهلوانلاری هره سی بیر تهر دوستلوغونو، باریشما سینی گؤستردیلر. ایواز مجلسین آراسینا گلیب، ساقی اولدو. هامی یئییب ایچدی. هامینین کئفی سازالدی. اینجیک لیک لر، گیلئی لیک لر اونودولدو. کوراوغلو حمزه ایله باشینا گلنلری اولارا دئدی. پهلوانلار هره سی بیر طرفدن دئدیلر: ایندیجه من گئدیب قیرآتی قایتاریب، حسن پاشانین باشینی نیزه باشیندا پئش کئش گتیررم. کوراوغلو هامینی سوسدوروب، دئدی: یاخجی دی اؤزوم آتی گتیر مه یه گئدم. ایندی قیرآت منی گؤزله ییر. کوراوغلو دوروب باشدان آیاغا ساواش پالتاری گئییب، شمشیرین بئلینه باغلییب قالخانین، چوماغین، باشقا ساواش یاراقلارین گؤتوروب، کو٘رکونو گئییب، سازی چیینینده، تک تنها، یایان یاپیلداق، توقاتا ساری یولا دوشدو.
آردی وار...

https://t.me/Adabiyyatsevanlar

اوشاق ادبیاتی
@beshdashlarوعده دیدار 16 مهرماه لغایت 19 مهرماه پارک اداره ارشاد شهرستان مرند

قایناق: بئش داش درگی سی.

https://t.me/Adabiyyatsevanlar

‏کارلین یاشامی
سسلندیرن:«فاطمه محمودی»

https://t.me/Adabiyyatsevanlar

اوشاق ادبیاتی
اوخوتمـورام ال چکین
شعیر:«میرزاعلی اکبر طاهیرزاده»( صابیر)

«هوپ‌هوپ‌نامه»
https://t.me/Adabiyyatsevanlar

اوشاق ادبیاتی

نقاشی لاریمدان اوچان دئویم «مهدیه_پایدار»
نقاشی:«آراز_عابدین پور» اون_یاشیندا
منیم بیر آغ دئویم واریدی. اما اونو منله قارا قارغامدان سونرا کیمسه گؤره بیلمزدی. منله قارغام گئدردیک اونونلا اوتوروب دانیشاردیق. قارغام چوخ سئوردی اوچسون اما اوچا بیلمزدی. دئویم یئکه‌پر اولسا دا بیرآز قورخاق ایدی. کوچه‌میزین دیبینده بیر کهنه دام واریدی. یئکه بیر حیط ‌ایدی، اوچ-دؤرد آغاج‌لا. دیب‌ده ده بیر-ایکی اوتاغی واریدی. منیم اوجور یئردن چوخ خوشوم گلردی. اما قورخاردیم گئدم باش چکم. قورخاردیم جن‌دن زاددان اولا منی توتا.
دئویم کوچه‌نین دیبینه چؤنن یئرده اوتوراردی. بئلی اَیری ‌ایدی اونا گؤره من ده اول‌لر ائله بیلردیم او بیر سوواق دوواردی کی قار-یاغیش‌دا سو چکیب اَیریلیب. سونرالار بیلدیم یئکه بیر دئودی، بئلی اَیریلیب اوتوروب اوردا. هردن ده سیگار چکردی؛ من باشین گؤرمزدیم اما سیگار چکنده توستوسون گؤرردیم. بیر گون قارغاما گؤسترنده «قاش گئت بابا اورا قونشونون دورباسی‌نین توستوسودو» دئمیشدی. اما من او قدر دئدیم کی سونوندا دئویم‌ ده دیله گلیب، قارغاما «دوز دئییر دا» دئدی. بئله‌لیک‌له او واختدان اوچوموز یولداش اولدوق.
او سیگار چکنده دانیشمازدی، قارغامین سؤزلرینه قولاق آساردی. قارغامین گؤوده‌سی(تنه) یوخ ‌ایدی یالنیز دمیر کله‌ ایدی؛ آتام اونو منه وئرمیشدی. هر واخت اونونلا بیرلیک‌ده پله‌لریمیزین باشیندا اوتوروب گؤیده اوچان قارغالارا باخاردیق، قارغام اوچماق ایسته‌یردی. دئویم اوردا اوتورماقدان یورولوب بئزمیشدی. او دا یورویوب گئتمک ایسته‌ییردی. بیر گون قارغام دانیشاندا من ده دئویمین بئلینده بیر نقاشی چکمیشدیم. من، دئویم، قارغام، اوچوموزده اوچوردوق.
من ائویمیزین قاباغیندا کی مدرسه‌ده درس اوخویوردوم. بیزیم کوچه قاباقجا قبریستان ایمیش. سحرلر من درسه گئدنده قارغام یاتاردی. دئویمین گؤوده‌سین تومارلاییب گئدردیم. بیر گون کنکان‌لارلا فهله‌لر گلمیشدیلر کوچه‌نی قازیردیلار. بیز سیاحت زنگی حیطه چیخاندا پنجره‌لردن ائشییه باخیردیق. هر یئر کوزه‌ ایله سوموک‌له دولو ایدی. قازان‌لار اؤلولرین سوموک‌لرین چیخادارکن بیزه گؤستریب گولوردولر. اوشاق‌لارین چوخو قورخوردولار. اما سئوینه سئوینه «کنکان‌لار کهنه ائولری ‌ده سؤکه‌جکلر» دئییردیلر. من ده سئویندیم -آخی اوندا قورخمالی جن‌لر ده قورخوب قاچاردیلار، داها منی توتوب آپاریب یئیر‌لر دئیه قورخمازدیم.
@beshdashlar:قاینا

https://t.me/Adabiyyatsevanlar

اوشاق ادبیاتی

#قارتال(حیکایه توپلوسو)
یازار: گنجعلی صباحی

📖 اوچونجو حیکایه: کئفلی


🎧 حاضیرلایان: صباحی درنه‌یی
🎙 سس: لیلا پورعلی
تنظیم: رضا حسینی مرند

https://t.me/Adabiyyatsevanlar

اوشاق ادبیاتی

ماهنی: سئرچه

https://t.me/Adabiyyatsevanlar

«صیاد_زیادپور»
یاد ساناراق من هرکیمی
گؤزله‌ییرم سن گله‌سن
ایری قوْیارام بؤرکۆمۆ
گلنده ده شن گله‌سن

دور عزیزیم! دور یوْلا چیخ
اوغورون بوْل، یوْلون آچیق
اومورام غم ائوی اوچوق_
آرزیلاری چین گله‌سن

توتا بیلسه ایز آدامدان
گؤتۆرمز کی گؤز آدامدان
ایز آرایان هیز آدامدان
آغاج_آغاج گئن گله‌سن

عؤمرۆمۆزه یوْخ اعتیبار
گئجیکریک توْرپاق اودار
لۆطفۆن اوْلسا، بیر ریجام وار
اؤلمه‌میشدن من، گله‌سن

https://t.me/Adabiyyatsevanlar

‏آخ اویانا دوندرمنی...

https://t.me/Adabiyyatsevanlar

«اسماعیل خرمی»

اوره ییمین سنه
چه رتن دوداقلاری-
منه آتدیغین الوداع اؤپوجویونده؛
دیکسینیر.

ایچیم ایچیمدن کئچسه ده،
چؤلومومو ایچیمه داشییرام.

ایچیمده-
مین یئرده قاناساندا،
چؤلومده کی، سنی
درین بیر نفسله،
توپلاییرام.

قانایان نفسیمده،
هر اسن یئلین آدی،
یوخلوقدور.
اؤلو آدیمیزدی،
گیزلیجه اؤپوشدویوموز کوچه لرده،
آدی چکیلیر.


بیلمیرم هارام آغرییر.
بیلمیرم هارامدان منی
بیر ایت لئشی چاغیریر.

اؤز سسیمی سوموروب،
بیر داها چالیشیرام
منده قالان،
ازینتیلره ال وورمایام.



سنی مندن اؤزگورلویه آپاران،
پیچاغین آدی،
ایکی کیپریین، بیر - بیرینه چاتیشماسیدیر.


ال چک دئدیم آخی.
گئدیرسنسه،
اؤپوجوکلرینی ییر- ییغیش ائله.
بیر اسگی یه بوک
اؤزونله آپار.

https://t.me/Adabiyyatsevanlar



.

غربت قايساق‌لاری 
شعر توپلوسو
زاهد ساری‌تورپاق
کؤچورن: ائلیار پولاد
رسام: مصطفی پروین
گرافیست: مهدی میمندی
نشر آواز، تهران، ۱۴۰۰
#یاشماق_سیرا_کیتابلاری

#شعرلر
اوشاقلار

 هر دفعه‌‌
قیلینجینی کؤينه‌يیمیزه سیلنده مغلوبیت،
 قارغالار لئشینی دیدیر صاباحلارین.
هر دفعه‌‌ 
کفرون ضیاف اَتیندن آيریلماغا
 وقت تاپماياندا سرخوش بؤيوکلر 
حکمون يیرتیق کیسه‌سیندن 
اؤلو اوشاقلار تؤکولور جهنمینه ياشامین
و اونلار خارابالیغیندا رحمیمیزین 
انتحار ائتمیش گونلرین اؤلوسويله اوينايیرلار
هئچ نه اولمايیبمیش کیمی...

ا🌺ا

کاماندا اوخ يئرینه بیر لَلک 
نشانگاهدا جان يئرینه بیر گول 
فرمانداسا اؤلوم يئرینه بیر عشقدی گويا 
بئله اولمور آخی 
بو اوخچو ساده‌جه سرخوشدو 
قوربانینا ناغیل دانیشیر 
قتل اؤنجه‌سی...

ا🌺ا
بیر اوووج دَنین حسابی

اوستومه دوشموش عزرايیل کؤلگه‌سی قورخوتدومو؟ 
چیرپیلدی قوببه‌يه صاباحین گؤيرچینلری 
آرتیق قوشلارا دئيیل 
ياشانمامیش بیر گونون تارلاسینا سپیله‌سی 
بیر اوووج دنین حسابی قالدی منده...


@yashmaq:قایناق

https://t.me/Adabiyyatsevanlar

نوبل ادبیات ۲۰۲۱ به عبدالراق گورنا نویسنده آفریقایی اهل تانزانیا اهدا شد

آکادمی سوئدی نوبل «عبدالراق گورنا» نویسنده آفریقایی اهل تانزانیا را به عنوان جدیدترین برنده نوبل ادبیات معرفی کرد. روز پنج‌شنبه (هفتم اکتبر برابر با ۱۵ مهرماه) «عبدالرزاق گورنا» نویسنده تانزانیایی برای «نفوذ سازش‌ناپذیر و دلسوزانه او در تاثیراث استعمار و سرنوشت پناهندگان در شکاف میان فرهنگ‌ها و قاره‌ها» به عنوان برنده نوبل ادبیات ۲۰۲۱ معرفی…

https://t.me/Adabiyyatsevanlar

پاییز " بو دونیا بیر سامان چؤپونه ديَمز "
ادبی تنقید
«جاوانشیر یوسیفلی»
کؤچورن:«ذکیه ذولفقاری»
حاضیرلایان:«ادبیات سئونلر»
ندنسه، همیشه آداما ائله گلیرکی، پوئزییا نومونه‌لری ایچینده، خوصوصاً فصیللردن بحث ائدن شعرلرده پاییز ناخیشلی اولانلار اورَگییمیزه فرقلی شکیلده، باشقا بیر مقامدا هئچ زامان اویانمایاجاق نیسگیللری یئریندن ترپه‌دن فورمادا تأثیرائدیر، بئله‌جه، بو نومونه‌لری اوخودوقجا اینسان اؤزونو داها یاخیندان تانیماق، هم ده فرقلی شکیلده دویماق ایمکانی اَلده ائدیر. آنجاق منجه، بو فیکرین عکسینی ده سؤیله مک مومکوندور، او نومونه لر اورَگییندن کئچدیکجه، اؤزونو داها چوخ ایتیریرسن، اؤزونو آزجا اولسا بئله، تانیماق اؤزونه بلد اولماق ایمکانی بوسبوتون اَلدن گئدیر. نییه؟ پوئزییا نومونه‌سینی اوخودوقجا سنه یاخین گؤرونن، آز قالا اورَگیی‌نین باشینا توخوناجاق مسافه‌ده اولان نسنه، یاخود دویغو بلکه ده اَلی‌نین هئچ چاتمادیغی بیریئرده‌دیر. ایلک دفعه‌ پاییزناخیشلی، یاخود نیسگیللی شعر نومونه‌سی کیمی اوشاقلیقدا آ.س. پوشکینین"پاییز شعرینی" اوخوموشام، ازبرله‌میشم و عومروم بویو یادیمدان چیخماییب. باخمایاراق کی، او شعردن ایندی یادداشیمدا بیرجه میصراع دا قالماییب. بس قالان، گئتمه‌ین‌نه دیر؟ البته‌‌کی، او شعرین ایچینه عومورلوک، ابديّاً هوپان نیسگیل، بو ناخیش سیلینمه‌ین بیر شئیدیر و او درجه‌‌ده کی، ترجومه اولماسینا باخمایاراق او شعرین میصراعلاری‌نین آراسیندان شاعرین سسینی، البته،‌‌ ایچینین درینلیکلرینده باتان، اؤزونون، اطرافین هئچ ائشیتمه‌دییی، آنجاق شعرله اوخوجونون ائشیده بیله‌جیی سسی ائشیتمیشم. بلی، شعر او زامان شعر اولورکی، مولّیفین قالا کیمی قوردوغو، تیکدییی، اوجالتدیغی تیکیلی بیر گؤز قیرپیمیندا( اوخوپروسئسینده) "ییخیلسین"، میصراعلار آراسینا هؤرولن سس بوتون عرضی، یئر کوره سینی بوروسون. شعرین فیزیکی بویوتو اوّل -آخیر ییخیلیر، بو هارداسا بیر شابلوندور، مووقّتیدیر و بیر تیکیلی کیمی" اوزقابیغی" (" تیتول"ورقی) زامان- زامان سؤکولور، قوپوب سوروشوب دوشور، قالانسا سسدیر. بایاق دئدیییمیز کیمی، مولّیفین و اطرافی‌نین دویا ائشیده بیلمه‌دییی، اونون اورَگیینده تانری‌نین اوندان گیزلی ساخلادیغی یئرده یاتان سس انیشتن‌نین کشف ائتدییی ایشیق سرعتی‌ایله زامانلاری یاریب کئچیر، کئچدییی یولدا، هر کسین اورَگیینه بیر جور توخونور و اونا گؤره ده "سیملر" ديَیشدیکجه، آواز، راهیییه‌ده ديَیشیر، بو خلوت یئردن گلن سسین رنگی هر آن ديَیشیر، یئرینده دورمور، اولان و اولمایان بوتون رنگلرین ایچیندن کئچیب اوستوندن بوتون زامانین یوکونو چیرپماق ایسته‌سه ده بونا نایل اولمور، آمّا دایانمیر، دونیانین اوّلیندن سونونا باش‌گیجللندیریجی بیر یوروش، زامانی، مکانی بیر- بیرینه قاتیب کوله دؤنده رر. بو معنادا همین سسین کئچدییی یولون تصویرینده، حؤکمن"قاییق"، یاخود "آوار"، اوبرازلاری‌نین اولماسی لابودّور، مثلا، آ. بلوکون آدسیز شعرلری‌نین بیرینده بونا راست گلیریک:
کدرلر، سئوینجلر، اومو-کوسولر،
کؤرفزی بؤلدویون او قیزیل آوار،
سنین آغ قامتین، یاسداکی سسلر،
سولوب یوخ اولدولار، اوزاقلاشدیلار.
بورادا ماراقلی جهتلردن بیری مولّیفله حیات حادثه‌‌سی آراسینداکی موناسیبتلرین فورما واسطه‌‌سیله اشیالاشماسی، فورما ایله مولّیف آراسیندا ابدی، دؤنمه‌ین، دایانمایان بحثلشمه‌نین و قووغانین گئتمسیدیر. عادتاً بو" قانسیزموحاریبه"‌‌ کادردان کناردا قالیر. کادرین ایچینده اولانلار باشیمیزی او قدر قاتیرکی، معلوم فورمانین مولّیفه نئجه مقاومت گؤسترمه‌سی‌نین فرقینده اولموروق. بو قووغانین فورماسی و رئاللاشما مودوسو هر بیر بؤیوک صنعتکاردا اؤزونه‌مخصوص رنگ و چالارقازانیر، اونلارین بدیعی تفکّورلری‌نین ان فرقلندیریجی و اؤزوملو خوصوصيّتلری ده محض بو مقامدا مئیدانا چیخیر.
فورمانین مولّیفی اؤز ایچینده اریتمک، حلّ ائتمک اِحتیراسی هئچ بیر شعرده بیتمیر، بوتون یارادیجیلیق بویو داوام ائدیر، هر بیر یئنی شعر بو قووغانین داها آغیر فورماسینا چئوریلیر. قارشیسی آلینماز حیات آخینی ایچیندن حادثه‌‌نین سئچیله‌رک گؤتورولمه‌سی دونیانین میلیون- میلیون تصادوفلریندن بیریدیر. بوحادثه‌‌نین، اورکده قفیل دوغولان دویغونون نئجه دئیرلر، " اوبرازی‌نین چیخاریلماسی" صیرف، اشیالاشماسی فوضولی‌نین بدیعی تفکّورونده بیر قلیبین ایچینده دوغولور، بو قلیبین ایچینده‌کی" حاکیميّت اِحتیراسی" دونیانین اوستونه یئریییر، وار گوجو ایله دونیانی اؤز رنگینه بویاماق ایسته‌ییر. فوضولینین بدیعی تفکّورو دونیانی مورکّب، قیریشلار آلتیندا گیزله‌نن سیرلر کیمی قاوراییر و اونونلا قووغادا چوخ مورکّب، بضا باش آچیلماز مئتافورالار ایشله دیر.

فوضولی‌نین حادثه‌‌نی اولوب- بیتمیش(حاضر) بیر نسنه کیمی گؤتوروب تحلیل ائتمه‌سی( داها دوغروسو، سورغو -سوالا توتماسی)، هر بیر شعرینده گئتدیکجه داها چوخ قلیبلشیر، بیر محبسین قاپیسی او بیری محبسه آچیلی
ر و سونا قدر فورمانین مولّیفین ایراده سینی اؤزونه تابع ائتمک ایستیی بئله‌جه، " یئرینده ساییر" ایرلیله‌میر. " بوتون مؤوجود و تاریخاً اولموش بدیعی فورمالار بو زوراکیلیغین واسطه‌‌ و اوصوللاری ایله بیر- بیرلریندن فرقلنمیشلر، مادام کی، اونلارین اؤزلری فورمانین ایچینه تؤکولموش حاکیميّت پرینسیپیندن ایمتیناع ائده بیلمزلر وایستمزلر. محض بونا گؤره‌ده حیاتین بوینونداکی بویوندوروغو توللاماغا جهد گؤسترن ایستنیلن "اؤزونوایفاده" اوستانووکاسی فورما ایله قاچیلمازکونفلیکته، داها سونرا ایسه اونا قارشی رومانتیک و پوست رومانتیک پارادیقما داخیلینده ان آزی ایکی ایستیقامتده جریان ائدن عصیانا گتیریب چیخاریر. اوّلا، بو، فورمانی بوتون بیرباشالیغی و قدیملییی ایله، هئچ بیر توپوسدان اِحتیاطلانمادان سوبیئکتیو ائموسیوناللیغین گوجلو تضییقی ایله سیندیرماق جهدیدیر. بو " ایلکین یادداشا" (م.م.باختین)، ایلکین آدمین دیلینه، ( ر. بارت) قاییتماق آرزوسودور، هر دفعه‌ اؤز تمیزلییینده فردین سوبیئکتیولییینی شئیلرین اؤزلری‌نین گوناهسیز و ایلکین معنالاری ایله بیرلشدیرن موطلق آودئنتیک، واحید و تکرارسیز یارادیجیلیق آکتینی آرزولاماقدیر، هله روسسوایزمین آغوشوندا دوغولموش، اوّلجه رومانتیکلری بسله‌ین، داها سونرا ایسه وئرلئنی، رئمبونو، بیر چوخ سیموولیستلری و سوررئالیستلری ایلهاملاندیران آرزودور. آنجاق بئله آرزونون گئرچکلشمه‌مه‌سی ائله بیر ساده فاکتلا شرطلنیرکی، ایستنیلن، سؤز ایچینده ایفاده ائدیلمیش( یعنی فورمایا داخیل اولموش) قوی لاپ ان اونیکال هیجان گئتدیکجه برکی‌یَن و اونو یارادان اوزه رینده حاکیميّتی اَله آلماقلا اؤز توپوسونا"چئوریلیر.
یوخاریدا آ. بلوکدان تقدیم ائدیلن شعری ائیواز بورچالی ترجومه ائدیب، حاقیندا آزیازیلان، همیشه اؤز ایشیله مشغول اولان کؤرکملی ادیب، اونون شعرلرینده ده همین خلوت یئردن یوکسه‌لن سسین ماجراسی قریبه‌دیرکی، عادی شکیلده، هم ده اوست- اوسته"یوکله‌نن" مئتافورالارسیز ایفاده اولونور، بلکه ائله بو سببدن ائیواز بورچالی‌نین همین خلوت یئردن گؤتوردویو سؤزلربیر- بیرینی هانسی فؤوق‌لطبیعی گوجون حِسابینا گتیریر، بو بیچیمده منالار دا آز قالا( بئله دئمک اولارمی؟) حیصّه-‌‌ حیصّه‌‌ قوپوب گلیر، هانسیسا مقامدا بیرلشیر، سونرا یئنیدن آیریلیر، بو دونیادا نه قدر گؤزل اولسادا، بوتون معنالارین پوچ اولدوغو، یاخود پوچ اولاجاغی آنلامینی، کوله‌یین، یاغیشین و ان اساسی پاییزین دیلیله، پاییز مئتافوراسی ایله جانلاندیریر. بیر کؤزسوزاوجاغام، اوجاقسیز کؤزم
تکلیکده هئچ بیری آلیشمیر، نئینیم
بیر سؤزسوز،نغمه یم نغمه سیز سؤزم
تکلیکده هئچ بیری،دانیشمیر نئینیم
ترس دوشوب کؤنلومده قمین دویونو
کؤلگه‌سی گؤزومدن سیلینمز اولوب
فصیللر ديَیشیب ثابتلییینی
نؤوبه‌هانسینیندیر، بیلینمز اولوب
باخیرام قول- بویون بخته ورلره
آیاغیم یئریمیر، سانکی چولاغام
سسله‌میر کؤنلومو هئچ نه هئچ یئره
بو سسلی دونیادا باتمیش قولاغام
بولّور قدمینین سسیندن اؤزگه
هئچ نه ائشیتمیرم، هئچ نه دونیادا
حسرت جیغیریندا لنگیمه، تئز گل
بیر ده سهو ائلسم، کئچمه دونیادا!
موسا یاقوب‌دا ایسه پاییز شعرلری خوصوصی بیر حادثه‌‌ کیمی مئیدانا چیخیر.
لال سوکوت ایچینده سسسیز کئچیرم،
ایلک دفعه‌ پاییزدان سنسیز کئچیرم،
من ده اَرییه‌رم، من ده ایتَرم،
بیر خزان یئلینده اوتدان بیِتَرم،
سؤیکنیم هانسی بیر گوجه بیلمیرم،
کئچیرم، دئییرم کئچه بیلمیرم
منی بو پاییزین ایچیندن کئچیرت.
بو نومونه‌دن ده گؤروندویو کیمی( بدیعی متنی باشدان سونادک تکرار- تکراراوخودوقدا)، هر شئی، یالنیز بئله دئیک، میکروسکوپ آلتیندا گؤرونن شئیله بئله بلیرلی شکیلده، سانکی مسافه‌دن تصویر ائدیلیر کیمی آیریجا تقدیم ائدیلیر، خیالاً همین صحنه‌‌لرین مرزلرینی گؤرورسن، او مرزلر آراسیندا گاه ساکیت، گاه دا دلی چاغلاییشلا کئچن سولارین سسینی ائشیده بیلیرسن، آنجاق بیر مقام حؤکمن گلیر، ائله بیر مقام کی، هر شئی بیر- بیرینه قاریشیر، یعنی تصویرده، بدیعی اوبرازین تقدیمینده آییریب فرقلندیرمکله بیر- بیرینه سارماشما حادثه‌‌سی اصلینده بدیعی متنین آرخیتئکتونیکاسی‌نین اؤزللیییدیر. هم ائیوازبورچالیدا، هم ده موسا یاقوب‌دا بو آییریب فرقلندیرمه و سارماشما حادثه‌‌سی چوخ فرقلی شکیلده ایفاده ائدیلیر، چونکی بدیعی اوبرازین یارانیب -فورمالاشما، مئتافورانین شعرین دیلینه یییه‌لنمه تئکنیکاسی اونلارین اوسلوبلارینی بلله‌ین چوخ فرقلی سس تونو، اینتوناسییا و ریتمیک آردیجیللیقلا باش وئریر.

اصلینده، بدیعی اوبرازین شعرین بدیعی مکانینا "شوعالاندیردیغی" آیریجالیق، تصویرده فرقلی، بنزرسیز ایلمه‌لره یئر وئریلمه‌سی لابود حادثه‌‌دیر، حادثه‌‌نین، ایکینجی موهوم حیصّه‌‌سی، یعنی ایندییه دک یئر اوزونده گؤزون سئچدییی و شعرده آکتوال اولاراق ایشتیراک ائدن و ائتمه‌ین نسنه‌لرین بیر- بیرینه سارماشماسی فردی اوسلوبون اؤزوملولویونو بلله‌ین بیر شئیدیر. باشقا سؤزله، بونسوز بدیعی متن، ،سادجه مؤوجود دئییلدیر. بدیعی‌لییی فورمالاشدیران بو مؤحتشم حادثه‌‌نین آیریلیب- قوووشدوغو یئر تاماشا اِففِکتی دوغورور، بایاقدان اینجه دن اینجه، نازیکدن نازیک ساپلار کیمی آیریلان خطلری سئچن، بیر- بیرینه قاریشدیرمایان، داها سونرا اونلارین چوغلاشماسینی، سارماشیب سون درجه‌‌ کیچیک نؤقطه‌‌نین ایچینده بوتون اِنِرژی شولوزلری‌نین سارماشماسینی گؤرن گؤزلرین اؤنونده دونیانین اوّلیندن سونونا اوزانان بیر تاماشانی گؤرور. بو فیکره دستک کیمی پ.آ. فلورئنسکی‌نین" کیلسه تاماشاسی اینجه‌صعنتلرین سینتئزی کیمی "اثریندن سیتات وئره بیلریک :" پرینسیپیال شکیلده دئییله‌سی اولسا، کیلسده هر شئی بیر- بیرینه سارماشیر: کیلسه آرخیتئکتوراسیندا، ،مثلا حتی فرئسکالار اوزه رینده گزن و گونبذین بورجلرینی قوجاقلایان، اؤز حرکتی و سارماشماسی ایله کیلسه‌نین آرخیتئکتورا مکانینی سونسوز شکیلده گئنیشلندیرن، خطلرین قورولوغونو و سرتلییینی یومشالدان و اونلاری بیر نؤوع اریده رک حیاتی دا حرکته گتیرن ماویه‌ چالان بوخور کیمی ان کیچیک اِففِکتلر نظره آلینیر.. .
دین خادیملری‌نین گزرکن حرکتلری‌نین پلاستیکاسی و ریتمینی، قیمتلی پارچالارین اویونو و قاریشماسینی، عطیرلی ماده‌لری، مینلرله یانان شامین ایشیغینا بلنمیش آتموسفئری، داها سونرا کیلسه تاماشاسی‌نین اؤز دایره سینه تکجه تصویری اینجه‌صعنت ساحه‌‌لرینی دئییل، هم ده ووکال موسیقینی و پوئزییانی جلب ائتمه‌سینی خاطیرلاداق، اونون اؤزو ایسه موسیقیلی درام ائستئتیکاسی‌نین موستویسینده یئرلشیر". پاییز عونوانلی شعرلرده بیزی ماراقلاندیران جهتلردن بیری ده قیسا شکیلده دئسک" معنا کوندئنساتی" دیر. دقت ائدین:
قیش گئتدی، یئنه باهار گلدی، گول بیتدی و لاله‌زار گلدی.
قوشلار قاموسو فغانه دوشدو، عشق اودو یئنه بو جانه دوشدو.
...دورنا اوچوبان هوایه دوشدو، لاچین اولوبان اووایه دوشدو.
آلما آغاجی دیبیندن سایه،
تن ائیلر ایدی بولودا، آیه.. .
تصویری یارادان اینتوناسییا، اینتوناسییانی رنگ-رنگ، پارچا -پارچا گؤسترن نومایش ائتدیرن ریتم. سئوینجین، اورکده‌کی، اونون بوتون گیزلین، خلوت گوشه‌لرینده‌کی دویغولاری اویادان اووقات نئجه جیلولیدیرسه، کدرین اورَگیی سیخدیغی، گؤینتدییی مقامی بلله‌ین اووقات او قدرنیسگیللی، فانیلییی آیریلیغی گؤز یاشی‌نین ایچینده گؤستره‌جک درجه‌‌ده آمانسیزدیر. بیر فیکره گؤره، "... اگر یئنی صنعتکار کؤهنه صنعت نومونه سیندن اؤزوملو شکیلده ایستیفاده ائده بیلیرسه، بئله بیر مولیف اؤز اثرینده اَن زنگین ایمکانلارا مالیک معنا کوندئنساتی تاپا بیلر". بو اووقاتی موسا یاقوبدان گؤزل کیم ایفاده ائده بیلر؟ بوداقلار ایچیندن چیخیب قفلتی،
یوخ، چینار یارپاغی دئییل اودوشن،
مهستی خانیمین تانیش صورتی
گؤردوم کی، پاییزا باخیر پریشان.
بلکه ده او، باخیر منم سِحرده،
اونون دا پاییزا باخدیغی یئرده،
" فلگین دامیندان اوجالدی بیرسس،
بو دونیا بیر سامان چؤپونه ديَمز"
https://t.me/Adabiyyatsevanlar

‏گوزلرین آلدی منی...

https://t.me/Adabiyyatsevanlar

اوزل وئرلیش؛
قونو: کینایه‌لرین یارانیشی (25)
آسیلقان کینایه‌لر
بو گئجه : 1400/7/19
ساعات: 21 «ادبیات سئونلر کانالیندا»
اوزمان: «میرحسین دلدار بناب»

https://t.me/Adabiyyatsevanlar