*📄 یئنه بیزه پاییز گلیر!…*
*🖊️ ع. ن «چاپار»*

یئنه بیزه پاییز گلیر؛
نغمه‌سینی دینله‌ییرم –
بیر سیزغینین.
ائله گلیر منه گویا
هر بیر نسنه سیزیلداییر؛
– سانکی نه‌یه یاس توتاجاق بیر کیمسه تک!…

گؤزه چارپیر کوچه‌لرده
کوچه‌لرین سوکوت – سوکوت استقبالی؛
بودور بیزیم کوچه‌لرین –
ساری طالع، بوز اقبالی!…

یئنه بیزه پاییر گلیر؛
سحر سالیب چؤهره‌سینه
دومان – دومان اؤرپه‌یینی.
اوره‌ییمله ائشیدیرم –
هر بیر گولون اوره‌یینی.
دینله‌ییرم
آغاجلارین ساریلیقدا ایتیب – باتان
یاشیل – یاشیل دیله‌یینی!…

بولاقلارین زینه – زینه آخار سویو
بیزیم بوگون اوجا – اوجا
متانتله سوسوب باخان داش داغلارین
ایلیق – ایلیق گؤزیاشی تک اوره‌یینی
یای چؤللره،
یای مئشه‌یه!
قوی دونماسین اوره‌یینده
یاشیل – یاشیل آرزیلاری آغاجلارین؛
چؤل گوللری –
نفس آلسین بو داغلارین نفسیندن؛
هاوا دویسون یارپاقلارین
یاز قوخولو نغمه‌سیندن!…

یئنه بیزه پاییز گلیر؛
اؤزلویونو اؤز الی‌له
شاختالارا بئیعه وئره‌ن ساری اوره‌ک،
ساری ساچلی بیر قیز گلیر؛
پاییز گلیر
پاییز گلیر!…

https://t.me/Adabiyyatsevanlar

اوزل وئرلیش
قونو: ادبی تنقید (آلچا گوزوندن گلسین)
یازان: حافظ خیاوی
آراشدیریجی: شریف مردی
بوگئجه: سه شنبه 1400/6/30
ساعات: 22

https://t.me/Adabiyyatsevanlar

اوزل وئرلیش: 1400/6/30
قونو: ادبی تنقید (آلچا گوزوندن گلسین)
یازان: حافظ خیاوی
آراشدیریجی: شریف مردی

https://t.me/Adabiyyatsevanlar

اوزل وئرلیش: 1400/6/30
قونو: ادبی تنقید (آلچا گوزوندن گلسین)
یازان: حافظ خیاوی
آراشدیریجی: شریف مردی

https://t.me/Adabiyyatsevanlar

اوزل وئرلیش: 1400/6/30
قونو: ادبی تنقید (آلچا گوزوندن گلسین)
یازان: حافظ خیاوی
آراشدیریجی: شریف مردی

https://t.me/Adabiyyatsevanlar

اوزل وئرلیش: 1400/6/30
قونو: ادبی تنقید (آلچا گوزوندن گلسین)
یازان: حافظ خیاوی
آراشدیریجی: شریف مردی

https://t.me/Adabiyyatsevanlar

اوزل وئرلیش: 1400/6/30
قونو: ادبی تنقید (آلچا گوزوندن گلسین)
یازان: حافظ خیاوی
آراشدیریجی: شریف مردی

https://t.me/Adabiyyatsevanlar

اوزل وئرلیش: 1400/6/30
قونو: ادبی تنقید (آلچا گوزوندن گلسین)
یازان: حافظ خیاوی
آراشدیریجی: شریف مردی

https://t.me/Adabiyyatsevanlar

اوشاق ادبیاتی
اوشاق ادبیاتی هر هفته پنجشنبه گونو ادبیات سئونلر کانالیندا .
اوشاق ادبیاتینا دایر یازیلارینیزی بیزه گوندرین .

https://t.me/Adabiyyatsevanlar

✅ادبی تنقید و نثر موناسیبتلری

دونندن-بوگون

یازان:« ائلناره آکیم‌اووا»
کؤچورن:«ذکیه ذولفقاری»
حاضیرلایان:«ادبیات سئونلر»

ترانه‌‌ توران رحیملی‌نین" آذربایجان نثری وتنقید مونوقرافییاسی" سووئت ائپوخاسی داخیلینده خوصوصی مرحله‌‌ تشکیل ائدن1960-1970- جی ایللر نثری‌نین ادبی تنقید ده‌کی منظره‌سینی گؤروکدورمک، بوتؤو دؤوره، دؤورون ادبيّاتیندا موعيّن تبدّولاتلارا معروض قالمیش نثرین اینکیشاف اؤزللیک‌لرینه، همچینین هم نثرین، هم ده ادبی تنقیدین کئیفيّت ديَیشیمینه وئریلن علمی- نظری باخیشین آسپئکتلرینی مئیدانا قویماق باخیمیندان علامت‌دارایشدیر. اوّلجه اونو قئید ائتمک لازیمدیرکی، بوسون درجه‌‌ قیمتلی تدقیقات اثری ادبيّاتشوناسلیغیمیزدا بحث ائدیلن دؤورون نثری‌نین و ادبی تنقیدین بوتؤو منظره‌سی‌نین یارانماسینا ایمکان وئریر. اوسته‌لیک...

بو یازینین آردینی ادبیات سئونلر کانالیندا اوخویون.

https://t.me/Adabiyyatsevanlar

✅ادبی تنقید و نثر موناسیبتلری

دونندن-بوگون

یازان:« ائلناره آکیم‌اووا»
کؤچورن:«ذکیه ذولفقاری»
حاضیرلایان:«ادبیات سئونلر»

ترانه‌‌ توران رحیملی‌نین" آذربایجان نثری وتنقید مونوقرافییاسی" سووئت ائپوخاسی داخیلینده خوصوصی مرحله‌‌ تشکیل ائدن1960-1970- جی ایللر نثری‌نین ادبی تنقید ده‌کی منظره‌سینی گؤروکدورمک، بوتؤو دؤوره، دؤورون ادبيّاتیندا موعيّن تبدّولاتلارا معروض قالمیش نثرین اینکیشاف اؤزللیک‌لرینه، همچینین هم نثرین، هم ده ادبی تنقیدین کئیفيّت ديَیشیمینه وئریلن علمی- نظری باخیشین آسپئکتلرینی مئیدانا قویماق باخیمیندان علامت‌دارایشدیر. اوّلجه اونو قئید ائتمک لازیمدیرکی، بوسون درجه‌‌ قیمتلی تدقیقات اثری ادبيّاتشوناسلیغیمیزدا بحث ائدیلن دؤورون نثری‌نین و ادبی تنقیدین بوتؤو منظره‌سی‌نین یارانماسینا ایمکان وئریر. اوسته‌لیک، نه‌اینکی1960-70 -جی ایللر، همچینین سووئت ائپوخاسی‌نین اوندان اوّلکی بیر نئچه اون‌ایللیک دؤورونون نثر تصرّوفاتی دا تدقیقات پرئدمئتینه چئوریلمیش اولور. همچینین مولّیف بو ایللرده یازیلمیش، شرح ائدیلمیش نثر اثرلری ایله باغلی موستقیلّیک ایللرینده داوام تاپمیش پولئمیکالارا، تنقیدی مقاله‌لره دقت یؤنلتمک‌له مؤوضونون احاطه‌‌ سپئکترینی داها دا بؤیوتمیه، پروبلئم راکورسونو گئنیش چئوره لره داشیماغا چالیشیر. بوایسه، عینی زاماندا"1990- جی ایلدن اعتباراً توتالیتار رئژیمین ایدئولوژی"بوخوو"ندان آزاد اولان-ادبی ائستئتیک فیکرین بیر واخت یازیلانلارا یئنیدن قاییتماق احتیاجی ایله یاناشی، سونونادک دئیه بیلمه‌دییی فیکیرلری تاماملاماق ضرورتی، نه ده ایمکان یارادیرکی، بو عامل نتیجه‌ده موستقیلّیک ایللری ادبی تنقیدی‌نین اؤزونون‌ده اوبرازینی عیانیلشدیرمیه خیدمت ائدیر. بونو کیتابین اؤنملی مزیّتی کیمی قئید ائتمه‌لیییک. اصلینده، مؤوضو60-70-جی ایللر نثری‌نین ادبی تنقیدده علمی- نظری درکیدیرسه، پروبلئم یالنیز دؤورون ادبی تنقیدینی دئییل، همچینین چاغیمیزین ادبی تنقید نومونه‌لرینی‌ده چئوره‌لمه‌لیدیرنییه؟ بونو مولّیف مونوقرافییادا اطرافلی ایضاح ائدیر:" اصلینده تنقید نثرین بدیعی تصویر و تحلیل پرینسیپلری‌نین ديَیشدییی‌نین ،حیاتا حادثه‌‌لره درین آنالیتیک موداخیله، جدّی و دوشوندوروجوکونفلیکت، اؤنه‌چیخان اینسان عاملی، معنوی-اخلاقی، پروبلئملر بدیعی زامان ائکسپئریمئنتلری، فورما آختاریشلاری کیمی سجّیه‌وی خوصوصيّتلرین اونو کئیفيّت‌جه نه درجه‌‌ده یئنیله‌دییی‌نین فرقینده ایدی. لاکین بونو درحال ایظهار ائتمکده چتینلیک چکیردی. چونکی تنقید ديَیشن نثره ديَیشمه‌ین مئتودلا، سوسرئالیزم علمی- نظری پرینسیپلری مؤوقئییندن قیمت وئرمیه چالیشیر، بونا گؤره ده یئنی ادبی مرحله‌‌نین باشلاندیغینی موشاهیده ائدیب تصدیقله‌دییی حالدا، اونون سپئسیفیکاسینی آچماق جهدلری باش توتموردو. تنقیدده "ایستی باشلا" یازیلان مقاله‌لرین اوبیئکتیو قیمتینی وئرمکده چتینلیک چکدییی بویئنیلشمه‌نین، بوتؤولوکده بو ادبی مرحله‌‌نین داها آیدین علمی- نظری درکی عصرین سونراکی اون‌ایللیک‌لرینده گئرچکلشیر". نظره آلساق کی، حتی80 -جی ایللرین ادبی تنقیدی بئله تام ائستئتیک قوطبون تنقیدی دئییل، او زامان پروبلئمین موستقیلّیک ایللرینه‌ده شاخه‌لنمه‌سی ضرورتی لابودلشیرکی، ترانه‌‌ رحیملی‌ده بو موهوم مقامی گؤزآردی ائتمیر. تدقیقات ایشینده هر بیر تحلیل ائدیلن نثر نومونه‌سی‌نین چاغداش دؤور تنقیدینده علمی- نظری شرحی آنالوژی شکیلده مئیدانا قویولور. بو بینار یاناشما تنقیدین کئچدییی اینکیشاف قانون اویغونلوغونو گؤرمیه ایمکان یاراتماقلابرابر، نثرین اؤزونون درک اولونماسی باخیمیندان هانسی تکامول مرحله‌‌لریندن کئچدییینه ایشیق سالیر. -1960-1970 جی ایللر نثری‌نین تنقیدچی قلمینده عیانیله‌شن اوبرازی...زامانین، دؤورون، ادبيّاتین و تنقیدچی دوشونجه‌له‌ری‌نین اینکیشاف ترایئکتورییاسی...
کیتابدا بو دوزومه‌لرین هر بیر‌ی‌نین یئری آیدین و چالارلیدیر. چوخ‌سسلی ادبيّات دومانی‌نین ایچیندن هر کس اؤز سؤزو ایله اوبیئکتیوه فوکوسلانیر. قوس- قوجامان تنقیدچی- ادبيّاتشوناس پلئیاداسی- م.عاریف، م .جعفر م.حسین ،ک. طالیبزاده، م.جلال، آ. زامانوو ب.نبیی‌ائو، ا.میرحمدوو، ک.مممدوو، ی. قارایئو، گ.علی بیووا، ی.سئیدوو پ. خلیلوو، ا.حسینوو ق.خلیلوو، خ.علی‌میرزیئو، آ.افندییئو، آ.حسینوو، آ.مممدووائلچین، ک.عابدوللا، ن.جابباروو، م.علی اوغلو، ن.بابایئو، ر.علی‌ائو، ک.و. نریمان اوغلو، و. یوسیفلی تنقیدی، اوسته‌لیک نثرین اینکیشاف خطتینی دایم نظرده ساخلایان، اونوعلمی- نظری تدقیقاتلارین پرئدمئتینه چئویرن- ت.علیشان‌اوغلو، ش.آلیشانلی، ئ.آکیمووا ، ت.سلام‌اوغلو، ه.انوراوغلو، ای. موسایئوا تنقیدی و.س

البته‌‌ کؤنول ایستردی کی، بو سیرایا کیتابدا آدی چکیلن اثرلرله باغلی موختلیف واختلاردا فیکیر سسلندیرن ج.یوسیفلی، م. عثمان‌اوغلو، ر.کمال، ا.جاهانگیر، ب.علی‌بیلی، س. آغابالایئوانین دا، ایمضاسی علاوه‌ اولونایدی. بو، هر ایکی

دؤورون تنقیدچی یاناشماسینی، متنه موناسیبتده ایدئیا- ائستئتیک ایستیقامتی داها آیدین شکیلده مئیدانا قویار، دینامیزمی مؤحکملندیره‌ردی. مولّیفین هر بیر ادبی مرحله‌‌ حاقیندا فیکیرلری بیتکین کاراکتئرداشیییر. مثلا، اساس تدقیقات پرئدمئتی60-70 -جی ایللرنثریدیرسه بو گون بلکه‌ده آرتیق آکتواللیغینی ایتیرن چوخ‌تمایوللو"60-جیلار" ادبی نسلی‌نین یئنیلیکلری‌ایله باغلی اثرده سسلندیریلن قناعت دقیقدیر:" یئنی نثرین یارانماسیندا اهميّتلی خیدمتلری اولان، " یئنی دالغا" ادبی ایصطیلاحینی علمی لئکسیکونا داخیل ائدن"آلتمیشینجیلار" میلّی بدیعی فیکره مؤحتشم یئنیلیکلر گتیردیلر. لاکین1960-70-جی ایللرده نثرین یئنیلنمه‌سی حادثه‌‌سینی تکجه"آلتمیشینجیلار" ین نائیلیّتلری ایله ایضاح ائتمک داها تجروبه‌لی ادبی نسیللرین خیدمتلرینه کؤلگه سالماغا گتیریب چیخاریر. بو باخیمدان دؤورون نثرینی، اونون فؤوقلاده یئنیلیکلرینی بیر ادبی نسلین دئییل، بوتؤولوکده چاغداش میلّی ادبيّاتیمیزین نائیلیّتلری فونوندا آراشدیرماق ادبی عدالت رعایت ائتمکله یاناشی، داها دقیق نتیجه‌لره گلمک ایمکانی یارادیر". مونوقرافییادا بو قناعت اونا گؤره توتارلی ایفاده‌سینی تاپیرکی، ترانه‌‌ خانیم پروبلئمی" بوتؤولوکده چاغداش میلّی ادبيّاتیمیزین نایلیّتلری فونوندا" آراشدیریر. و بو زامان همین نسله موناسیبتده دؤورون ادبی تنقیدی‌نین یاناشماسینداکی ایدئولوژی موناسیبتین بوتون چالارلاری اوزه چیخیر. ای. افندیی‌ائوین"کؤرپو‌سالانلار"، "والئه‌له ساری‌کؤینه‌یین ناغیلی"، آنارین"آغ‌لیمان" کیمی اثرلره تنقیدین موناسیبتی بونو بللی ائدیر. بو یئرده تنقیدچی ت.علیشان‌اوغلونون آشاغیداکی فیکیرلرینه ایستیناد ائدن مولّیف ضديّتین دقیق قوطبلرینی نیشان وئریر:" ادبی تنقید باشلیجا تئندئنسییالاریندا" یئنی‌نثر"ی محض" کئیفيّت ديَیشمه‌سی" کیمی قئیده آلیرسا دا، همیشه بونون تثبیتینه نایل اولابیلمیر، هم اوبیئکتیو اولاراق:- یئنی نثرین ماهیّتینه وارماق، ایستر-ایستمز اونو سوسیالیزم رئالیزمی ادبيّاتی‌نین حودودلاریندان کنارا چیخاریردی، رسمی سوسیالیزم ایدئولوژیسی‌نین حاکم اولدوغو، بوتون" سووئت مکانی" ندا واحید مئتودلو ادبيّاتین مؤوجودلوغو آکسیوم کیمی تلقین ائدیلدییی شرایطده بونو ائتمک حقیقتاً ده چتین ایدی. هم ده سوبیئکتیو اولاراق:- یعنی یئنی نثردن فرقلی اولاراق، آذربایجان ادبی تنقیدی اساساً سوسرئالیزم مجراسیندا دوشونمکده داوام ائدیر"کئیفيّت ديَیشمه‌سی"! فاکتینی دا بومؤوقعدن ساده‌جه" مرحله‌‌ ديَیشمه‌سی"، "آرتیم"، " اینکیشاف وس. کاتئقورییالارا مونجرائدیردی. " آذربایجان نثری و"تنقید کیتابیندا هر زامان موقایسه‌لره یول آچان تنقیدین یاناشما آسپئکتلری اطرافلی علمی شرحینی تاپیر. هاردا نثرین حادثه‌‌لریندن، پروسئسلریندن صؤحبت گئدیرسه، تنقیدین ده بو ديَیشیمه اویغون تظاهورو وار: گوجلو، یاخود ضعیف، زامانا آدئکوات، یاخود آردینجا گلن، ،ائستئتیک ، یاخود ایدئولوژی. بو، دؤورون ادبی منظره‌ سیدیر. بو دفعه‌ ایرلی گئتمک و تنقیدی آردینجا آپارماق یوکو نثرین اوزه رینه دوشوب:" نثرین ديَیشن پروبلئماتیکاسی، ایدئیا ومؤوضولاری، بدیعی اوبرازلارسیستمی، ائله‌جه‌ده ستروکتور یئنیلیکلری تنقیدین تکجه فعال تحلیل پرئدمئتینه چئوریلمکله قالمادی، تنقیدده یئنی ائستئتیک معیارین یارانماسینی شرطلندیردی. بئله‌لیکله، یئنی ادبی نسیل یاراتدیقلاری ديَرلی نثر نومونه لریله تنقیدین ادبی پروسئسه سون درجه‌‌ فعال موداخیله‌سینی تأمین ائتمکله تنقیدین اؤزونون ده اینکیشافینی یئنی مجرایا سالدی. "ترانه‌‌ توران رحیملی60 - جیلار ادبی نثرینین یارانماسینداکی زامان عاملینه خوصوصی توخونور، نثرین کئیفيّت ديَیشیمی قارشیلیغینداکی تنقیدین سوسماسی، یاخود یئنیلیکلردن کنارداقالماسی، متنلری آوانقارد ائستئتیک فیکرین پرینسیپلری باخیمیندان شرح ائتمیه یوبانماسینی گئنیش موستویده آراشدیریر. بو زامان سئچدییی ادبی پرییوم دا ماراقلیدیر: تنقیدین تنقیدی ائله تنقیدچیلرین اؤزلری- م.آ.داداشزاده، ک.طالیبزاده، ائلچین، ت. عالیشان اوغلو، و. یوسیفلی و ب. طرفیندن ائدیلیر. یاخود دیگرمسئله‌. دانماق اولمازکی، 60 -جیلارا نیسبتاً70 -جی ایللر نثرینین ادبی مرحله‌‌ کیمی کئیفيّت اؤزللیکلری آیریجا تدقیقات پرئدمئتینه چئوریلمه‌ییب. هر حالدا گئنیش سالینان نظرین ایشیغیندا نثرین قوصورلارینا، ایرلی- گئری‌دؤنوم آراسیندا اولان گئدیشلرینه باخیش سرگیله مک داها آسان اولاردی.

-60 جیلا یؤنه‌لن ماراغین سایه‌سینده دیگر مرحله‌‌لر داها چوخ"اوزاق یاشیل آدا" قیسمینده، -60 جیلارین کؤلگه‌سی اولاراق تقدیم اولونموشلار:" اکثر حاللاردا ادبيّاتین ایییرمی ایللیک نایلیّتلری یالنیز"آلتمیشینجیلار"ین آدی‌ایله باغلانیر، بونونلا دااوّلکی تجروبه‌لی ادبی نسلین60-70 -جی ایللرده یازدیقلارینا بیر ادبی لاقئیدلیک نومایش ائتدیریلیردی. دیگرطرفدن، تنقید اساس دقتی اوبرازلارین یئنیلییینه، پوئتیک

زنگینلیک و اوریژیناللیغا یؤنلتمک‌له، نثرین مؤوجود قوصورلارینا موناسیبت بیلدیرمکدن یایینیر، اونون70 -جی ایللرین سونونا دوغرو کوتلوی حال آلان نئقاتیو اوبرازلاری‌نین استئرئوتیپله‌شدییینی "-60 -جی ایللرین شتامپی" آدلانان تهلوکه‌‌نی گؤره بیلمیردی". تدقیقاتچی بوباخیمدان، موختلیف ادبی مرحله‌‌لر آراسیندا مئدیوم رولواویناییر. هر ادبی مرحله‌‌ اؤزحودودلاری، نثرایمکانلاری، قویولان سواللار و اونا وئریلن جاوابلارین موختلیفلییی ایله ديَرلندیریلیر. نثرده میلّیلیک و تاریخیلیک عاملی، بو آنلاییشلارا سؤوئت دؤورو ادبی تنقیدینده یانلیش موناسیبت مسئله‌سینی مولّیف اساساً ائپیک پانورام تصویرلری‌نین احاطه‌‌لییی ایله سئچیلن بیر نئچه اثرین- ای. شیخلی‌نین" دلی کور"، ف. کریمزاده نین" قارلی آشیریم، ای. حسینووون"محشر"، م.ایبراهیمووون "پروانه "رومانلاری‌نین اوزه رینده دایانماقلا آیدینلاشدیریر. موعاصیر مؤوضولو نثرده ایسه مولّیفین تحلیله چکدییی اثرلر داها چوخ اونونلا فرقله‌نیرکی، جاهاندار، آغا کربلایی ایسماییل اوبرازی اطرافیندا اولدوغوکیمی، دده‌ بهمن، قیلینج قوربان، سريّه‌، تهمینه، زلیمخان و باشقا اوبرازلارلا باغلی پولئمیکا یارادیب، دیسکوسییالارا یول آچیبلار:ای. افندی‌یئوین"کؤرپو‌سالانلار"، افقانین"گولیاناق" و"کاتیب" رومانلاری، ای. حسینووون"تئلئقرام"، " توتک سسی"، "ساز"، ب. بایرامووون"سرینلیک"، آنارین" آغ لیمان"، ائلچینین" بیر گؤروشون تاریخچهه‌سی"، م. سولئیمانلی‌نین"دَ‌ییرمان"، چ. حسینووون" منیم باجیم"، ای. ملیک زاده‌نین"قویو"، "ائوین کیشیسی"، س. احمدلی‌نین" یاماجدانیشانه"، " قان‌کؤچورمه استانسیاسی" پووئستلری وس. بو اثرده گئنیش ایشلنمک ضرورتی دوغوران بیر مؤوضو وار: همین ایللرین حِکایه‌ ژانری. چونکی1960-1970 -جی ایللرده یازیلان او قدر ماراقلی حِکایه‌لر وارکی، اونلار حاقیندا آیریجا و گئنیش تدقیقات اوخوماق ایستیی یارانیر. ترانه‌‌ توران اونلارین اکثريّتی اوزه رینده دایانسا دا تأسف کی، گئنیش تحلیللره وارمیر، بو مؤوضو آغیرلیق مرکزینه گتیریلمیر. بونا اونون رومان و پووئست ژانریندا موراجعت ائتدییی اثرلرین کیفایت قدر چکیلی اولماسی و اؤزو ایله باغلی گئنیش پولئمیک راکورس یاراتما سببی مانع اولور. دؤور چتین ومورکّبدیر، یازیلان اثرلر ده یئنیلیک روحو ایله آشیلانیب. اوسته‌گل مسئله‌یه بیر ده ادبی تنقیدین موناسیبتی پریزماسیندان باخماق، ادبی- ائستئتیک دوشونجه‌ده حلّی مسئله‌سی‌نین درکینی وئرمک لازیمدیر. دوزدور، مولّیف70 -جی ایللر نثرینده‌کی" حِکایه‌آخینی" مسئله‌سینی قالدیریر و بو زمینده ائلچین، خ.علی‌میرزیئو، ب. نبی‌یئوین پروبلئمله باغلی فیکیرلرینه موناسیبت بیلدیریر، پولئمیکالارا گئدیر، آنار، ائلچین، ای.ملیک زاده، س. احمدلی حِکایه‌لری‌نین صنعتکارلیق خوصوصيّتلری اوزه‌رینده گئنیش دایانیر. آمّا،عومومیلیکده، تدقیقاتچی رومان و پووئست ژانری‌نین نظری تحلیلی اوزه رینه داها چوخ فوکوسلانیرکی، بو دا قئید ائتدیییم کیمی، حجم، توتوم عاملینه و اثرلرله باغلی-موباحیثه موذاکیره متنلری‌نین گئنیشلییینه باغلی مسئله‌دیر. " آذربایجان نثری وتنقید" مونوقرافییاسی احاطه‌‌لییی و فاکتولوژی توتومو ایله قناعت‌بخش تأثیرباغیشلاییر. مولّیف بدیعی تجروبه باخیمیندان میلّی و خاریجی ادبيّاتشوناسلیغین تانینمیش ایمضالارینا، اونلارین نثرله باغلی سسلندیردیکلری فیکیرلره ایستیناد ائدیر. بونونلا برابر، کیتابدا دقتیمی جلب ائدن ایکی مسئله‌ ایله باغلی ایرادیمی بیلدیرمک ایسته ردیم:
1. تدقیقات ایشینده دؤورون دئمک اولار بوتون ديَرلی نثر نومونه‌لری‌نین تحلیلی، اونلارین ادبی تنقیدده نظری شرحی اوزه رینده گئنیش دایانان مولّیفین بو گون آدی آزچکیلن، حتی هئچ خاطیرلانمایان بیر چوخ یازیچیلارین دالاییقلی، زامانیندا نثر فاکتی کیمی قبول اولونان اثرلرینه موراجعتی راضیلیق دوغورور. مثلا، یازیچی افقانین"گول اندام"، بایرام بایرامووون"سرینلیک اثری" بوقبیلدندیر. آمّا ادبی تنقیده موناسیبتده بئله بیر درین حساسلیغا شاهیداولموروق. نَیه گؤره‌سه، 60-70 -جی ایللر نثری‌نین اکثر نومونه لری حاقیندا سیلسیله مقاله‌لر یازان ایمام‌وئردی ابیلووون یازیلارینا ایستیناد اولونمور. هئچ بیر یئرده تنقیدچی کیمی آدی چکیلمیر.

حال‌بوکی کیتابدا اثرلری گئنیش تحلیل ائدیلن صابیر احمدلی‌نین حِکایه‌لری حاقیندا ایلک یازینی یازان ائله ایمام‌وئردی ابیلوو اولموشدور( باخ: ایماموئردی.ابیلوو بئش حِکایه‌ حاقیندا " ادبيّات واینجه‌صعنت" قزئتی ،1962 1 مای) . یاخود ایماموئردی ابیلووون حیات و یارادیجیلیق یولونون عیانیله شدییی، اؤن سؤزونون مولّیفی و علمی رئداکتورو اولدوغوم" علمین و عومرون رومانتیکاسی" کیتابینا اساساً امینلیک‌له دئیه بیله رم کی، یوخاریدا آدینی چکدیییم یازیچی افقانین اثرلری حاقیندا دؤورون" ادبيّات واینجه‌صعنت" قزئتینده اَن آزی اوچ مقاله‌نی ائله ای. ابیلوو یازیب( باخ:

معنوی گؤزللیک موقدّسدیر). افقانین"دونیاگؤزللیییندیر" اثری بارده. " ادبيّات و اینجه‌صعنت قزئتی"، 1969 2مای، افسانه‌وی حقیقتلر. افقانین" قارتال افسانسی" حاقیندا. " ادبيّات و اینجه‌صعنت قزئتی"، 1970 21مارت، موعاصیر کندیمیز حاقیندا رومان. افقان عسگرووون"گولیاناق رومانی"بارده. " ادبيّات و اینجه‌صعنت قزئتی"، 1970 19دئکابر.
2 . ترانه‌‌ توران رحیملی صابیر احمدلی‌نین اثرلرینی تحلیل ائدرکن نه‌دنسه بئله بیر مولاحیظه‌ سسلندیریر:" صابیر احمدلی یارادیجلیغی هله ده سیستملی، شکیلده بوتون پارامِترلری، یارادیجیلیق پروبلئملری ایله بیرلیکده آراشدیریلمامیش، بو قیمتلی بدیعی ایرثین ماهیّتی یئترینجه اوزه چیخاریلمامیشدیر. گؤرکملی نثر اوستاسی عوموم‌میللی پروسئسلرین فعال تبلیغاتچیسی، ادبيّاتیمیزین اؤنملی بیر اینکیشاف مرحله‌‌سی‌نین آپاریجی سیمالاریندان بیری اولماسینا باخمایاراق، موعاصیر دؤورده اونون حاقیندا یازیلانلار یازیچی‌نین یارادیجیلیغی‌نین" حاقینی وئره بیلمیر". صابیر احمدلی ایرثی‌نین ادبی تنقیده‌دکی اوبرازی چوخ سؤنوک"گؤرونور. بو فیکیرله راضیلاشماق چتیندیر. اونا گؤره کی، یازیچی‌نین اثرلری موستقیلّیک ایللرینده هئچ ده نظردن کناردا قالمامیش، بیر چوخ تنقیدی مقاله و ائسسئلرده لاییقلی قیمتینی آلمیشدیر. هرحالدا، مولیفین کیتابدا ایستیناد ائتدییی بعضی ایمضالارا من دقتدن کناردان قالمیش بو آدلاری دا علاوه‌ ائدیب"دقتسیزلیک" حؤکمونو بیر قدر تنقیدین خئیرینه ديَیشردیم: سودابه آغابالایئوا" بو عومور دئییلن بیر کیچیک مؤحنت" (1999) تهران عالیشان اوغلو" صابیر احمدلی‌نین قاراباغ تریلوگییاسی" (2008)، اسد جاهانگیر" کیتابی دده‌-صابیر" (2010)، آزاد قارادرلی" قوروب دؤورونون جنگاورادیبی" (2019)، رامیله قوربانلی" سووئت اتفاقی قهرمانی‌نین قارداشی... قاراباغ شهیدینین آتاسی... خالق یازیچیسی..." (2018)، روحیّه‌ ناغی‌یئوا" موعاصیر آذربایجان نثرینده قهرمان و موحیط پروبلئمی( صابیر احمدووون یارادیجیلیغی)اساسیندا" ، ائلناره آکیمووا" آغریلارینا سیغینیب یاشایان یازیچی" (2020)وس. البته،‌‌ آدینی چکدیییم بو مقاله‌لرله یازیچی‌نین یارادیجیلیغی‌نین" حاقینین وئریلدییینی" ادعا ائتمیرم. آمّا" تنقیدده‌کی اوبرازی چوخ سؤنوک گؤرونور" فیکرینه قارشی عدالتلی مؤوقئ سرگیله‌میی اؤزومه بورج حِساب ائدیرم.
ترانه‌‌ توران رحیملی‌نین" آذربایجان نثری و"تنقید مونوقرافییاسینی ادبی تنقید تاریخیمیزله باغلی مئیداندا اولان بیر قیسم کیتابلارلا عینی سیرادا آلماق اولار. آذربایجان ادبی تنقید تاریخی‌نین، ائله‌جه ده نثرین کئچدییی یولون سیستملی شکیلده اؤیرنیلمه‌سی بو جور اثرلرده‌کی علمی- نظری یاناشمانین وعلمی -فیلولوژی بازانین تملی اوزه رینده مومکوندور.


https://t.me/Adabiyyatsevanlar

تبریک لر اوغورلار
ادبی تنقید ایشیق اوزو گوردو.
بو اثری تانینمیش ادبیات شوناس «دوکتورصمد رحمانی خیاوی» یازیبلار.
ادبی تنقیدین ناشری: نشر اختردی.
ادبیات سئونلر اوخوجوسو بول اولسون دئیه ادبیات سئونلر عائیله سینی بو اثری اوخوماغا دعوت ائدیر.
https://t.me/Adabiyyatsevanlar

بین الخالق باریش گونو قوتلو وموتلو اولسون.
روز جهانی صلح گرامی باد.

https://t.me/Adabiyyatsevanlar

‏اوزل وئرلیش ادبیات سئونلر کانالیندا

اگز یستانسیالیسم« اروین یالومون» باخیشیندا
بئش اینجی بولوم
اوزمان: «حسین سلیمان پناه»
بو گئجه: 1400/6/31
ساعات: 22


https://t.me/Adabiyyatsevanlar

‏اوزل وئرلیش ادبیات سئونلر کانالیندا

اگز یستانسیالیسم« اروین یالومون» باخیشیندا
بئش اینجی بولوم1400/6/31
اوزمان: «حسین سلیمان پناه»


https://t.me/Adabiyyatsevanlar