شعر:شعر از محمد رضا عبدالملکیان
سس : خسرو شکیبائی
https://t.me/Adabiyyatsevanlar

🔴🔴🔴🔴سایین کانالداشلار
بو گئجه ادبیات سئونلر گروپوندا دیکلمه یاریشماسی اولدو بو یاریشمانین غالیب لری بوتون فنی مسله لری نظرده آلاندان سونرا خانیم الناز کریمپور , جناب بهروز صدیق , جناب سالار بی بیرینجی غالیب لر اولدولار
جناب تایماز میانالی و خانیم پریسا حیدری ایکنجی عالیب لر اولدولار.
سازاق خانیم اوچونجو لوک عنوانین قازاندیلار .
یاریشمادا اشتراک ائدنلره اوغورلار آرزوائدیب نائلیت لر دیله یریک .
عزیز دوستلار بو یاریشمانین غالیب لرینین دیکلمه سین ادبیات سئونلر کانالیندا ائشیدین.
https://t.me/Adabiyyatsevanlar

دیکلمه یاریشماسینین بیرینجی غالیب لرینین دیکلمه لری
https://t.me/Adabiyyatsevanlar

یاریشمانین ایکینجی غالیب لری
جناب تایماز میانالی
خانیم پریسا حیدری
https://t.me/Adabiyyatsevanlar

شعر : حسین رزمی
سس : الناز کریمپور -1 بیرینجی غالیب
https://t.me/Adabiyyatsevanlar

شعر : حسین رزمی
سس: بهروز صدیق بیرینجی غالیب
https://t.me/Adabiyyatsevanlar

شعر : حسین رزمی
سس : سالار بی بیرینجی غالیب
https://t.me/Adabiyyatsevanlar

شعر: حسین رزمی
سس : تایماز میانالی ایکینجی غالیب
https://t.me/Adabiyyatsevanlar

شعر: حسین رزمی
سس : پریسا حیدری ( گونش ) ایکینجی غالیب
موسیقی : اصغر علی نژاد
https://t.me/Adabiyyatsevanlar

شعر : حسین رزمی
سس: سازاق
اوچونجو غالیب
https://t.me/Adabiyyatsevanlar

بیر باخیشلیق
بوغدا سپدین
تارلا – تارلا
اورک بیچیدین
گورنه برکت لی گوزلرین وار
رند ماکویی
https://t.me/Adabiyyatsevanlar

توحید آدلیم
بیز
قاریشیق آدامـلاریق
کرم کؤچدو هاواسیندا
فیلامنکو اویناریق.

واپورلار کئچر
شعیرلریمیزدن
گؤمولمه دن چامورلارینا
دایازلیق لارین.

قاتارلار کئچر
بؤیله جه راحات
هئچ بیر ریل چکیلمه دن

بیز شعیرلریمیزده
کاناپه لرده اوتوردوق ،
ترن لرده گزیندیک.

بیز
بؤیله می ییک ذاتن
حیاتیمیز بؤیله می
کاناپه لی
واپورلو
ترن لی

اوجقار کندلریمیزده
شوم یئرلرینی
اؤکوزلر سوره ر هله ده...
و
آنالاریمیز
یاییلیق لارینی
بورونـلارینین اوجونا قدر چکر...

همت افندینین
مودئرن
و مودئرنیته سی
ساده جه بیر گؤرونتو دئییلمی
کیتاب رفـلریمیزده؟!
https://t.me/Adabiyyatsevanlar

استاد!

خریدار برای خرید طوطی به پرنده فروشی رفت. قیمت طوطی را سؤال کرد. فروشنده گفت ۵ میلیون تومان! خریدار گفت چه خبره! چقدر گران! مگر این طوطی چه می‌کند! جواب شنید که او دیوان حافظ را از حفظ دارد! خریدار گفت خوب آن طوطی دیگر چقدر می‌ارزد؟ پاسخ شنید آن هم ده میلیون قیمت دارد، چون دیوان مولوی را حفظ کرده!
خریدار که دیگر مأیوس شده بود از قیمت طوطی سوم سؤال کرد و پاسخ شنید ۲۰ میلیون تومان! سؤال کرد این یکی، دیگر چه هنری دارد؟
پاسخ شنید این طوطی هیچ هنری ندارد! فقط دو طوطی دیگر به او می‌گویند استاد!!

حکایت بعضی افراد در روزگار ماست...
https://t.me/Adabiyyatsevanlar

نصرت کسمنلی
دئديم، سون خاطيرم قورو شكيلدي ،
يازدين ، اونوداندا باخارسان آنجاق.
من سني اونوتسام، دوشوندون مو بير ،
شكلين سندن اوول اونودولاجاق...

بيليرم بير داها دؤنمه يه جك سن ،
عكسين - يانان عشقين بير اوووج كولو...
اؤزون ياد اوره يي دينله يه جك سن ،
شكلينسه قلبيمين دؤيونتوسونو.

سني ساخلاماغا چاتمادي گوجوم،
آچيلان نه واختسا سولمالي ايميش.
شكليني واراغا كؤچورمك اوچون
آرادا نئقاتيو اولمالي ايميش.

بو سويوق كاغيذدا سئوينج دونوبدور ،
كده رين هارداسا يول گلير هله .
اوزونه خفيف بير گولوش قونوبدور ،
هيجرانا باخيرسان سن گوله - گوله...

بير آنين حؤكمويله ده ييشير اينسان،
نئجه عزيز ايدي باياق بو شكيل.
سن اؤزون بير سئوگي خومارينداسان،
هميشه اوياقدير ،
                  اوياق بو شكيل.

بير كاغيذ اوستونده دونان اومودون
غملي گؤزلرينده ابدي اوجاق،
شكلين واختي سايان ساعات كيميدي ،
ياديما دوشنده باخيرام آنجاق.!
https://t.me/Adabiyyatsevanlar

مهناز صابونی ( آیتای )

منده بیر قوش یووالانماقدادی تبریز دییه رک
دامغالار ایچره بوتون وارلیغا یالقیز دییه رک

قورو گول دن چایا اوچماقدادی سون دویغولاری
آجی دردین بو غریب اولکه ده سس سیز دییه رک

و سوکوت تورمه له ییب گوزگو تک آیدین دیلینی
نیسگیل ایله قه هرین هر گئجه گوندوز دییه رک

اویونور قوچ نبی، ستار خانا مشروطه چی تک
تاریخین چیینینه گورکملی مین اولدوز دییه رک

داریخیر، چیپچالاییر هئی اوزونو دام_ دووارا
ارک ائدیب حسرتینی "ارگینه " سیز _ سیز دییه رک

ائل گولونده اوتوروب اورمویا دیز چوکمه دیر
گوز یاشین آخماسینی دوزلاغینا ایز دییه رک

گوی مچید دن اوجالیر آخ واییمیز عینالیا
چن ده ، چووغوندا ایترکن سونا ، کهریز دییه رک

تبریزین بیتگی لرین قیرماسین "آیتای" بو قدر
باسیریق آغریمیز اوسته نانا ، پارپیز دییه رک.

https://t.me/Adabiyyatsevanlar

ارشد نظری
آنامین شعری


ایسته دیم آناما بیر شعیر یازام
اویاندی شیرین یوخودان،
شعریمین گئجه یاریلاری؛
قولاق سانجیسینا.
قونداق قوخوسونا.
سیزیلدادی شعریمین سوت سوز دؤشلری؛
آجیقمیش دوداقلاریما.
ایسته دیم آناما بیر شعیر یازام
پیچاق کسدی،
بارماغیمین کؤرپه لیگین؛
سارقی ائتدی بارماقیما ساچلارینی شعریم.
ایسته دیم آناما بیر شعیر یازام
قیزیلجا چیخاردیب سپدی اوشاقلیقیم.
کوت گئتدی شعریمین یاناقلاری،
تندیرینین اوره یینده.
آیاقیم بودره مه میش دامین قیرناسیندان،
اوچوقلادی شعریمین دوداقلاری.
ایسته دیم آنامین سون شعرین یازام
یومدو گؤزلرینی خاطیره لردن
گئییب آغ پالتارین
یوخ اولدو شعریم!..
https://t.me/Adabiyyatsevanlar

🔴🔴🔴🔴سایین کانالداشلار
چهارشنبه گونلری ادبیات سئونلر کانالیندا یالنیز نثر اثرلری پایلاشیلیر ،نقد ادبی ، داستان ، کیتاب تاندیمی ، ادبی مقاله ...
https://t.me/Adabiyyatsevanlar

پاییز گلدی
امین ثابت اوغلو
https://t.me/Adabiyyatsevanlar

طنز
بویوک آغا افندی
آگهی استخدام
ادبیات سئونلر گروپو یئنی اداره هیتینین مودورنه 4 نفر سهمان گوزل گویچک منشی استخدام ائدیر .

شرایط:
1- خانیم منشی لرین گرک روابط عمومی لری چوخ چوخ یوخاری اولسون .
2- ایکینی ساینجا رابطه قورماغا قادیراولسونلار
3- چوخ آریخ و چوخ پوتا اولماسینلار .کوله لر , جیدانلار خصوصیله اتی آجیلار قبول اولونمورلار .خانیملارکی بویلاری 180 دان آشاغی دیر لوطفن فورم دولدورماسینلار .
4- ادبی دانیشیغا بتر مسلط اولسونلار .چادیرالی-مادیرالی , سپگیلی-مپگیلی اولماسینلار
5- مهربان , قانی ایستی ,سوز ساخلیان اولسونلار .
تئز گلیب بئواخت گئتمه یه چتینلیک لری اولماسین . گوزل گویچک , خوش گئیملی ,خوش گولوشلو خانیملار70 امتیازلاری وار.
لازیم اولان سابقه لر:
حد اقل بئش ایل فیس بوک دا , اوچ ایل باشقا گروهلاردا و هئچ اولماسا ایل یاریم تلگرامدا فایدالی فعالیت لری اولموش اولسون .
یاش شرایطی : ان آزی 18یاش ،ان چوخ 28 یاشدا اولمالی.
ارلی اوشاقلی خانیملاری قبول ائلمکدن عذر ایستیریک .دول اولماغین 50 امتیازی وار
حضوری مصاحیبه بوتون خانیملارا اجباری دیر .مصاحبه یه تک گلمک لازیم و ضروری دیر .
مصاحبه نین زامانی هرگون ساعات بیر دن ایکی یاریما قدر اولاجاق .
مصاحبه دن قبول اولان خانیم منشی لره حقوق , بیمه , اضافه کار , پاداش , روزکاری و حتا شب کاری و بوتون جانبی مزایالار تعلق تاپاجاق.
آغالاردان ریجا اولونور، اصلن , ابدن به هیچ عنوان تماس توتماسینلار. حتی او آغالارکی قاشلارین آلدیریبلار بورونلارین عمل ائلیب لر و پروتئز حکیمیندن کاغذلاری وار.
https://t.me/Adabiyyatsevanlar

🔸 صاباح اوشاقلاريندير
🔸يازار : مهدخت كشكولی

• چئویرن : بهروز صديقی

سيرلی ـ سئحيرلی كيتاب


هله گونش چيخماميشدي. اوشاق‌لار قاچاراق داغ باشينا يئتيشديلر. داغ آغ بؤركونو باشينا تاخیب ، دینمز دانیشماز اَيلشميشدي. اوشاق‌لار آراسيندا اولان بیر قیز اوشاغی داغا اوز توتاراق سؤيلهﺩي: بؤركونو منه بورج وئررسنﻣﻲ؟
داغ سوروشدو: « نه‌يينه لازيمدير؟» قيز جاواب وئردي: «بؤركونو باشيما قوياجاغام، سونرا هئچ كيم مني گؤرمهﻳﻪجك. او واخت ايشيق‌ليق باغينا سئيره گئدهﺟﻪيم.» داغ سوروشدو: «سونرا »، قيز جاواب وئردي: «سيرلر اوتاغينا گئديب و اؤز كيتابيمي اوردا تاپاجاغام.» داغ بير آز فيكره داليب سونرا دئدي: « ايكي شرط‌له بؤرکومو وئرﻩرم، بيري بودور كي گون باتماميشدان قاباق بؤركومو اؤزومه قايتاراسان. ايكينجيسي ده بودوركي اگر بير سيرري بيلدين مني ده خبردار ائدﻩسن. سونرا بؤركونو گؤتوروب قيزا وئردي، قيز بؤركو باشينا قويوب، گؤزلردن ايتدي. كولك‌له، دنيزلردن و دوزلاق‌لاردان كئچدي و يئددي قاپي‌لي بير قالايا يئتيشدي كي هر بير قاپيدا بير گودوكجو وار ايدي.
سونونجو گودوكجو سئحيرلي آچاري قيزا وئردي، او قاپي‌لاري آچدي، آچاري جيبينه قويوب، قالانين ايچينه داخيل اولدو. قالانين ايچينده بير باغ وار ايدي، باغين ايچه‌ریسينه كئچدي. باغدا ” قوم “ يئرينه اولدوز تؤكموشدولر. باغين ايچه‌ریسينده بير كرپيچي گونش نوروندان ، او بيري كرپيچي ايسه آي ايشيغيندان اولان بير ائو و اونون قاﭘﻲسيندا دا ايكي زنگ وار ايدي، بيري سيرر، بيري نغمه.
قيز بير آز دوردو، نغمهﺳﻴﻨﻲ سينهﺳﻴﻨﺪه گيزلهﺩركن، ياواشجاسينا سيرر زنگيني چالدي، قاپي آچيلدي. اوتاق‌لارا فرش‌لر سريلميشدي و اوستونده ناخيشلانميش چيچك‌لر و گول‌لره مين باغين گولو چيچه‌يي ده اونون طراوتينه يئتيشمزدي و مين دنه ده قوش اونون بوداق‌لاريندا نغمه اوخويوردولار.
قيزين چوخ كؤنلو ايستهﻳﻴﺮدي كي او باغدان بير چلنگ قيرميزي گول درسين آمما قورخوردو كي گئجيكسين. آستا ـ آستا اوتاق‌لاردان كئچدي و بير اوتاغا يئتيشدي كي قاﭘﻲسينا يئددي قيفيل وورموشدولار.
بالاجا قيز آچارلاري جيبيندن چيخارديب قيفيلﻻري آچاراق اوتاغا گيردي سئوينجيندن قيشقيردي . او اوتاقدا ، بوتون دونيا اوشاق‌لارينا گؤره كيتاب وار ايدي.
قيز ، اؤز ايستهﺩييي كيتابي تاپماق اوچون كيتاب قفسهﺳﻲنين قاباغيندان كئچدي. گزدي… گزدي… گؤزو بيردن اوتاغين كونجونده اولان بؤيوك بير كيتابا ساتاشدي و اونا طرف گئتدي، كيتابين اوستونده بئله يازميشديلار سيرلر كيتابي.
قيز كيتابي واراقلادي، بيرينجي صحيفهﺳﻴﻨﺪه گؤزو بير خريطهﻳﻪ ساتاشدي. خریطه، ظولمتدن چيخيش يولونو و ايشيق زیر وﻩسينه چاتماغي گؤستريردي. سونرا كي صحيفهﺩه « آيدان نپتونا » گئتمهﻳﻴﻦ كسه يولونو نيشان وئريردي و زؤهره آدلي گيزلين اولان چايين اوستونه نيشان قويموشدولار.
قيز، كيتابي واراقلادي. كيتابين اورتا صحيفهﻟﺮيندﻩ ايسه خستهﻟﻴﻜﺪن و اونون درماني حاقدا بير پارا شئي‌لر يازميشديلار.
بو خستهﻟﻴﻚ آراسيندا نادان‌ليق خسته لييي و اونون درماني حاقدا دا سؤزلر يازيلميشدي، قيز دوداق آلتي دئدي: « نه ياخشي، كيتابي اؤزوم‌له آپاريم » آمما كيتاب، او قدر آغير ايدي كي هر نه قدر چاليشدي اونو قالخيزا بيلمهﺩي.
پئنجرﻩدن چؤله باخدي، گون باتماق ايستهﻳﻴﺮدي . قيز ایسه گلدييي يوللاري قاییتمالی ایدی. قيز يوبانيردي و داغ اينتيظار چكيردي كي بؤركونو گون باتماميشدان قاباق آلسين. بيرده سورعت‌له كيتابي واراقلادي و اونون سون صحيفهﺳﻴﻨﺪه اوخودو كي : « صاباح اوشاقلاريندير و بير اوشاق كي بو سيري بيله قارانليقدان قورخماياجاق » كيتابي بوشلادي و حسرت‌له باغدان چيخيب يئلين بئلينه مينيب قاييتدي، اوشاقلار داغين دؤشونده اونون يولونو گؤزلهﻳﻴﺮديلر. قيز داغا سالام وئريب و اونون بؤركونو قايتاردي، داغ گولومسهﻳﻴﺐ دئدي: « سفر خوش كئچديمي؟ اؤزونله نه گتيريبسنﻣﯽ ؟» قيز سئوينجك حالدا دئدي: « چوخ يئكه بير كيتاب وار ايدي بلکه ده سن بؤيوك‌لوك ده، اوندا چوخ شئي‌لر يازيلميشدي. ايستهﺩيم اونو اؤزوم‌له گتيرم ائلهﻳﻪ بيلمهﺩيم.» داغ سوروشدو: «ياخشي، اوندا نه‌لر يازيلميشدي؟» قيز فيكيرلشدي و دئدي :آخير صحيفهﺳﻴﻨﺪه بئله يازيلميشدي: « صاباح اوشاقلاريندير» داغ كدرلندي و باشيني آشاغي سالدي. آمما آزسونرا باشيني قالديريب بئله دئدي: «ياخشي، كئچميش؛ داغ‌لارين، دوزلرين و دنيزلرين ايدي،
قوي گله جك ده اوشاقلارين اولسون.




https://t.me/Adabiyyatsevanlar