اگزیستانسیالیسم اروین یالومون باخیشیندا
1400 /5 /13
اوزمان: "حسین سلیمان‌پناه" 7

https://t.me/Adabiyyatsevanlr

اگزیستانسیالیسم اروین یالومون باخیشیندا
1400 /5 /13
اوزمان: "حسین سلیمان‌پناه" 8

https://t.me/Adabiyyatsevanlr

اگزیستانسیالیسم اروین یالومون باخیشیندا
1400 /5 /13
اوزمان: "حسین سلیمان‌پناه" 9

https://t.me/Adabiyyatsevanlr

اگزیستانسیالیسم اروین یالومون باخیشیندا
1400 /5 /13
اوزمان: "حسین سلیمان‌پناه" 10

https://t.me/Adabiyyatsevanlr

اگزیستانسیالیسم اروین یالومون باخیشیندا
1400 /5 /13
اوزمان: "حسین سلیمان‌پناه" 11

https://t.me/Adabiyyatsevanlr

اوشاق ادبیاتی
اوشاق ادبیاتی هر هفته پنجشنبه گونو ادبیات سئونلر کانالیندا .
اوشاق ادبیاتینا دایر یازیلارینیزی بیزه گوندرین .

https://t.me/Adabiyyatsevanlar

‍ ‍
اوشاق ادبیاتی

«فاطمه_معصومه_بهبودی»۱۲یاشیندا
#سایی_حسابی_یوخ

من بیر اوشافام.... اوتورموشام دنه-دنه اؤلدوز لاری ساییرام
آمما سایدیقجا اوبیر سینده گؤرورم چوخلو سایدیم آمما... باشا یتیره بیلمدیم
اؤز-اؤزومه دئدیم: باخ اللاهین بؤیوکلویونه.
نئجه گئجه اولور؟ اؤلدوز لار نئجه او اۆزاقلیقدان گؤزه دییرلر؟
چوخ چوخ فیکر ائله‌دیم آمما بیر یئره چاتابیلمدیم. بیردن گؤردوم قاپی آچیلدی آتام گلدی.
قاچدیم آتامین یانینا تئز سوروشدوم کی: آتاجان اؤلدوزلارین سایی نه‌قدردیر؟ آخی من چوخ ساییرام، آمما باشا چاتا بیلمیرم.
آتام دئدی: قیزیم! اؤلدوزلارین سایی- حسابی یوخدور نقدر ده سایارسان باشا چاتا بیلمسن .
صاباحیسی اوتورموشدوم بولوت‌لارین آلتیندا.
من باشلادیم بولوت‌لاری سایماغا چوخلو سایدیم آمما قورتارمادی.
گئنه آخشام کی آتام گلدی ائوه، تئز سوروشدوم کی آتا بولوت‌لارین سایی نه قدردی؟ دئدی قیزیم بولوت لارین دا سایی-حسابی یوخدور اوندان سونرا هروقت کی ایسته‌دیم بیر شئی سایام آمما سایین بیلمدیم، تو دابانا قووت اؤزومه دئییردیم «سایی حسابی یوخ» تکجه تانری بیلیر.

https://t.me/Adabiyyatsevanlar

اوشاق ادبیاتی

🐴 کوراوغلویلا کچل حمزه

یازار: صمد بهرنگی
چئویرن: منیژه جم‌نژاد

🕔 حسن پاشا بو سؤزو ائشیدیب آجیقلاندی، یومروغونو برکدن تختین قولونا چیرپیب دئدی: بو دیَرسیز آبتالی قووون. کچل بابانین بیری ایستیر منیم دامادیم اولا. آخیرچی تومروز کچلین فریادینا یئتیشمه‌سه یدی، جلادلار او دیقه اونو پارالاردیلار. آخیرچی مورتوز جلادلارین قاباغینی آلیب حسن پاشایا دئدی: قوربانین اولوم پاشا، مگر خانین فرمانین اونوتدونوز؟ هارداندی کوراوغلونون ایشینی بیتیرمه لییک. حسن پاشا آرام اولدو. اؤز یانیندا حسابلادی گؤردو کچل حمزه نی راضی سالماقدان سونرا آیری چاره سی یوخدو. او او٘زدن حمزه یه دئدی: آخی آخماق آدام، سن بو قیزدا نه گورموسن هامی دان یوخاری توتورسان؟ حمزه دئدی: پاشا اؤزون بیلیرسن کچل لر مین بیر اویون باشارارلار. منده حساب کیتاب ائلییب گؤرورم، سن بولارین اوچونو بیر یئرده منه وئرمزسن، هم مال وار وئر‌ه‌سن، هم بیگ آدی وئریب، هم ده اؤزونه اوغول ائده‌سن. حال بوکی قیزین لا ائولنسم، دامادین اولارام. داماد دئدییین اوغول کیمی دیر. سونرا دا مال، وار، مقام اؤز اؤزونه گلر. مجلیسده کی لر حمزه نین هوش باشینا آفرین دئدیلر. حسن پاشا فیکره گئتدی. قیزی حمزه یه وئرمه‌یه آصلا قییمیردی. او یاندان دا بئله دو٘شونوردو کی قیرآتی اله گتیرسه لر، کوراوغلو دارماداغین اولوب، او دا باش وزیر اولاجاق. اونا گوره دئدی: اولسون حمزه، قبولومدو. حمزه دئدی: یوخ پاشا، بئله اولماز. زحمت چک ایکی خط یاز باشینی باغلا، آیاغینی دا امضالا. وئر من قویوم جیبیمه، سونرا مهلت وئر، ایَر مهلتین سونوناجان قیرآتی گتیرسم، قیزی منه وئر، یوخسا وئر منیم بوینومو وورسونلار. حسن پاشا چاراسیز ایکی خط یازیب، آیاغینی مؤهورله ییب، وئردی کچل حمزه نین الینه، مهلت قویدو. کچل حمزه کاغاذی آلیب قاتلایب یان جیبینه قویوب، یئکه سانجاق لا برکیدیب دئدی: پاشا ایندی منه ایذن وئر چیخیم.
ایندی بیز حسن پاشایلا باشقالارینی اؤتوروروک، چنلی بئله قوشون چکمه یه حاضیر لانسینلار دئیه، گئدیریک کچل حمزه نین دالیسی جا. کچل چاریقلارین گئییب، زنگال لارین برکدن باغلاییب، بیر آووج چوره ک دسمالینا قویوب، بئلینه باغلاییب، بیر دیه نک الینه آلیب یولا دو٘شدو. گئجه گوندوز یول گئتدی، آز گئتدی چوخ گئتدی، تیکان کوللارینین کولگه سینده آزجیق دینجلیب، داغلاردان دره لردن چیخیب ائندی، بیر آخشام چنلی بئلین اته‌یینه چاتدی. کوراوغلو بؤیوک بیر قایانین او٘ستونده دورموشدو، کروان کئچن یوللارا باخارکن گؤردو بیریسی چنلی بئله دوغرو گلیر، سونرا دؤرد ال آیاقلی داغدان یوخاری چیخیر. کوراوغلو اوقدر گؤزله دی کی کچل حمزه قایانین آلتینا یئتیشیب، باشلادی اؤزونو قایادان یوخاری چکمه‌یه. کوراوغلو اؤزو ائنیب حمزه نین قاباغینی آلیب دئدی: ترپشمه! دئ گوروم کیم سن، هاردان گلیرسن، هارا گئدیرسن؟ حمزه بیردن باشینی قووزاییب گؤردو قارشیندا بیر جوان دوروب، ائله کی آدام او٘زونه باخماغا جسارت ائتمیر. گوزلری کین دولو، بیغلاری قوچ بوینوزو تک بوروق بوروق، باتیب سوکمه یه حاضیر! بئلینه ائله بیر شمشیر باغلامیشدی کی آدام اؤز اؤزونه دئییردی: بو شمشیر خانلارین، خالقین دوشمانلارینین قانینی تؤکمکدن دویمایاجاق. گؤرنه قینیندا بوغولور! بو شمشیرین پولادینی کین ایله قاینادیبلار. سانکی کور اوغلونون شمشیری همشه سنه دئییردی: " آه آی کینه، سن ده محبت کیمی قوتسال سان! بیز خالقین دوشمانلارینا کین دویمادان خالقا سئوگیمیزی ایناندیرا بیلمریک. سن ظالیم لارین قانینی تؤکمک له مظلوم لارا یاخجیلیق ائدیرسن. "
کچل حمزه ایلک باخیشدا کوراوغلونو تانیدی، آما بیردن کلک ووروب، اؤزونو بیلمز لییه ووروب دئدی: کوراوغلونو آختاریرام. کوراوغلو دئدی: کوراوغلونو نئیله‌ییرسن؟ حمزه دئدی: قادان آلیم، من ایلخیچیام. گئجه گوندوزومو شاهلارین، خانلارین، پاشالارین نوکرچیلیینده کورلامیشام. قورباغالی گؤلمجه دن سو ایچمکدن، دوداقلاریم زیییل باسیب. کئشگه آنام منی دوغونجا بیر قارا ایت دوغایدی. دا من بیر بئله باشی بلالی اولمایایدیم. باشیم کل اولدوغوندان، هئچ یئرده دایانا بیلمیرم، نه قدر ده جان یاندیریب، ایشله ییرم، باشیمین کچل اولدوغونو بیلنده، قووورلار. کچل ام دئیه بو گن گله واز دونیا منه دار گلیر. دا بیلمیرم باشیما نه داش سالیم. ایندی کوراوغلونو گؤرمه یه گلمیشم. آیاقلارینا قوربان اولوم، چوخ باغیشلایان، جومرد اولدوغونو دویموشام، بیر تیکه چوره‌یی کیمسه یه چوخ گؤرمز. قوی سوفراسینین آرتیغینی یئییم، بیر داش دیبینده عومرومون سون گونلرینی کئچیریم. یوخسا بوینومو وورسون، همشه لیک درد دن تاسه دن قورتولوم. کوراوغلونون آیاقلارینا قوربان اولوم، بو دیَر سیز باش اونا قابل دئییلدیر.
آردی وار...

https://t.me/Adabiyyatsevanlar

اوشاق ادبیاتی
«ویدا حشمتی»
اوشاق لا سئیره

-منیم گؤزل سئیره‌*جیم
سنه قوردوم بیر یووا
بزه‌دیم اونو الوان
منی ائده‌سن دووا(دعا).

آرخایین‌لیق‌لا یئ-ایچ
بو سویون، بو شاه‌دنه
پامبیقدان یئر-دؤشه‌یین
نه اسگیکین وار دئنه!

یئرله‌شدیردیم بیر حؤووض
ایچینده اوز، هم اوینا
ایچیب، آرین، سرینله
قوربان اولوم بویونا.


-بیر قفسدیر بیر زیندان
سنین دئدییین بو یئر
اوچماق ایسته‌ییرم من
اؤزگورلویو منه وئر!

چایلاردا سو ایچه‌رم،
یئم تاپارام بوداقدا
چیممک ایسته‌ییرم سه،
اوزه‌رم چای-بولاقدا.

منیم عزیز یولداشیم
ایسته‌مم بو حیاتی
اوچورت منی گؤیلره
اوخویوم مین بایاتی:

عزیزیم کولک اسیر
اورک تیتره‌ییر، اسیر
گؤتور منی قفسدن
اولماییم بوردا اسیر.

*سئیره قوشو سئرچه بویدا بیرقوشدو، گؤزل سسله اوخویار

https://t.me/Adabiyyatsevanlar

اوشاق ادبیاتی
گلین بئش داش اوخویاق
@beshdashlar

https://t.me/Adabiyyatsevanlar

اوشاق ادبیاتی

اوشاق‌لارین نقاشی‌لاریندا یاشایان شعرلر
و
اؤیکولر*

«محمد_عابدین‌_پور»
#نقاشی‌لار:«آرازعابدین‌پور» 8 یاشیندا


انسان دوشونمه‌یه باشلایاندان یازماق ایسته‌یی و احتیاجی دا اوندا یاراندی. منجه، اوشاق‌لارین رسیم‌لری و چکدیک‌لری اَیری بوروق جیزیق‌لار، بیر جوره یازماق ‌دیر؛ اؤز ذهنیندن قایناقلاناراق او آن یاراتدیغی اؤزل دیل و الفبا ایله ثبت ائتدیگی اورجینال بیر یازیم.
اؤز اوشاق‌لاریمین نقاشی چکمک‌لرینه دقیق اولاراق بو سونوجا چاتمیشام کی، اوشاغین احتیاجی نقاشی چیزمه‌یه دوزدور هردن ائلییه بیلر پایلاشماق‌لا ایلیشگی قورماق اوچون ده اولسون‌؛ آنجاق چوخراق ایچ‌قودو(غریزی) اولاراق داخیلی کومپلئکس‌لری بوشالتماق، اَیلنمک‌له لذت آپارماق اوشاق‌لارین رسیم چکمه‌یه قاتلاشمالارینا بیر بؤیوک ندن ‌دیر. اوشاق بو احتیاج‌لارینی یانیتلاماق(جاوابلاماق) اوچون رسیم چکمه‌یین سوراغینا گئدیر و ائله دالیر اوندا سانکی تام آیری ایلگینج(جالب) بیر عالمده یاشاییر او گیزَملی(اسرارآمیز) آن‌لاردا. نه قدر موتلودولار او اوشاق‌لار کی نقاشی چکمک‌له روح‌لارینی آریندیریرلار و باریندیریرلار. یارادان‌لار کیمی اؤز یاراتدیق‌لاریندان لذت آپاریرلار. من بو بایقین حال(خلسه) ایله لذتی اوغلوم «آراز»دا(3دن 12یاشیناجان) آیدینجاسینا گؤرموشم. آراز همیشه نقاشی چکمه‌یین سوراغینا گئتمزدی؛ گئتدییینده دوغوردان ایچینده بو ایشه بیر ایستک وارمیش کیمی ایدی؛ نقاشی چکمک‌له سانکی اؤزو ایله خلوتله‌ییب، هئچ کیمین الی چاتمادیغی و گئده بیلمه‌دیی دونیادا گزیشه‌رک اَیله‌نیب خوشلانیردی. هئچ بیر قایدا قورالا باغلی دئییلدی. هئچ بیر اوسلوبلا چرچیوه‌یه سیخیشمیردی. اصلا و ابدا تقلید و کپی ائتمه‌ییردی. یالنیز اؤزو و اؤزو ایدی. بویادان آزاراق فایدالانیردی. بیر میداد، خودکار، شمعی میداد و یا ماژیک‎له نقاشی‌لارینی الی‌نین قاباغیندا اولان کاغاذلاردا چکیردی. کاغاذین نه بویدا اولدوغو اونون اوچون هئچ اؤنملی دئییلدی؛ هردن چوخ کیچیک کاغاذلاردا اؤز اؤزل اوسلوبو ایله نقاشی‌سینی چکیردی. چوخ واخت‌لار بیر نقطه‌دن باشلایارکن الینی گؤتورمه‎‌دن و باشقا یئردن باشلامادان نقاشی‌سینی چکیب بیتیریردی. بئله‌لیک‌له اؤز یارادیق‌لارینی یارادیب اؤیکولرینی یازیردی. ایندی ایل‌لر سونرا اونون نقاشی‌لارینا بیرداها باخدیقدا هر بیرینده بیر گؤزل اؤیکو(داستان) اوخویورام.
و آما بو گون‌لر سؤزلری و ایش‌لری ایله منیم ایلهام قایناغیم اولان «سونای»؛ قارداشی ایله چوخلو یؤن‌لردن فرقیلی‌ دیر. اونون نقاشی‌یا ماراغی نظره گلیر آرازین ماراغی ایله فرقیلی‌ اولاراق آرازدان داها آز نقاشی‌نین سوراغینا گئدیر و داها آز نقاشی چکمک‌له حال ائدیر، و آرازدا اولان یارادیجیلیق ایله ذهنیت سونای‌دا آز گؤرونور؛ آما اودا نقاشی‌لاریندا، اؤز کیملیگی ایله اؤزلویونو داشییاراق اؤزونه عایید بیر دیل ایله، نقاشی‌سیندا شعرینی سؤیله‌ییر، اؤیکوسونو یازیر و اؤز کاراکتئرلری ایله یارادیق‌لارینی یارادیر. داورانیش‌لاریندا آرازدن ائتگی‌لنسه بئله، نقاشی‌لاریندا دینقیلی بیر قیزجیغاز گؤروروک کی، اؤز ایش‌لری و دغدغه‌لری ایله مشغول‌دور؛ سونای‌ین امضاسی اولان قیزیانا رومانتیک و اوشاقجا شیطان‌لیق‌لارلا بیرگه!

قایناق بئش داش

https://t.me/Adabiyyatsevanlar

اوشاق ادبیاتی
یازان:« متانت واحید»
کوچورن:« ویدا حشمتی»
حاضیرلایان:ادبیات سئونلر

" اوشاغین"دوعاسی - بؤیوکلر اوچون اوشاق-کیتابی  "بیری وار، بیری یوخ"

اوشاق ادبيّاتیندان بحث ائدرکن1) یئنی یئتمه یاشینا قدر اوشاقلار اوچون یازیلمیش، 2) بؤیوکلر اوچون یازیلسا دا هم ده اوشاقلارین اوخویا بیلجیی و 3) قهرمانلاری اوشاقلار اولان اثرلر نظرده توتولور. خوصوصاً سون ایکی‌سینده متنین نه درجه‌‌ده اوشاق ادبيّاتی نمونه‌سی اولماسی مسئله‌سی، دئمک اولار کی چوخ واخت موباحیثه‌لی اولاراق قالیر. فیدان نیظام‌الدین قیزی ‌نین اؤتن ایلین سونلاریندا چاپدان چیخمیش"اوشاغین دوعاسی" کیتابی دا دقتیمی، ایلک نؤوبه‌ده، بو جهتی ایله جلب ائتدی. آننوتاسییادا "گئنیش اوخوجو کوتله‌سی اوچون نظرده توتولور" ایفاده‌سیندن داها اؤنجه کیتابین اوشاقلار اوچون یازیلدیغی قئید اولونور. لاکین کیتابی اوخوماغا باشلایاندا ایلک تأثّراتیم بو اولدو کی،" اوشاغین دوعاسی" کیتابینداکی اکثر متنلر اوشاقلار اوچون یازیلماییب و سونا قدر ده بو قناعتیم ديیشمز اولاراق قالدی...
بویازینین آردینی ادبیات سئونلر کانالیندا اوخویون.
https://t.me/Adabiyyatsevanlar

اوشاق ادبیاتی
یازان:« متانت واحید»
کوچورن:« ویدا حشمتی»
حاضیرلایان:ادبیات سئونلر

" اوشاغین"دوعاسی - بؤیوکلر اوچون اوشاق-کیتابی  "بیری وار، بیری یوخ"

اوشاق ادبيّاتیندان بحث ائدرکن1) یئنی یئتمه یاشینا قدر اوشاقلار اوچون یازیلمیش، 2) بؤیوکلر اوچون یازیلسا دا هم ده اوشاقلارین اوخویا بیلجیی و 3) قهرمانلاری اوشاقلار اولان اثرلر نظرده توتولور. خوصوصاً سون ایکی‌سینده متنین نه درجه‌‌ده اوشاق ادبيّاتی نمونه‌سی اولماسی مسئله‌سی، دئمک اولار کی چوخ واخت موباحیثه‌لی اولاراق قالیر. فیدان نیظام‌الدین قیزی ‌نین اؤتن ایلین سونلاریندا چاپدان چیخمیش"اوشاغین دوعاسی" کیتابی دا دقتیمی، ایلک نؤوبه‌ده، بو جهتی ایله جلب ائتدی. آننوتاسییادا "گئنیش اوخوجو کوتله‌سی اوچون نظرده توتولور" ایفاده‌سیندن داها اؤنجه کیتابین اوشاقلار اوچون یازیلدیغی قئید اولونور. لاکین کیتابی اوخوماغا باشلایاندا ایلک تأثّراتیم بو اولدو کی،" اوشاغین دوعاسی" کیتابینداکی اکثر متنلر اوشاقلار اوچون یازیلماییب و سونا قدر ده بو قناعتیم ديیشمز اولاراق قالدی.

اوشاقلار حاقیندا، یاخود اونلارین دیلیندن یازیلماسی هئچ ده بوتون اثرلری اوشاق متنینه چئویرمه‌ییر. ایستر دوشونجه‌لرین آغیرلیغی، درینلییی، ایسترسه ده دیل باخیمیندان "اوشاغین دوعاسی" داها چوخ بؤیوکلر اوچون یازیلمیش بیر کیتابدیر اونلارا اوشاقلاری خاطیرلاتماق، بالاجالارین دونیاسینا نفوذ ائده‌بیلمک، نه ایستدیکلری بارده دوشونمک، آرزو و خیاللاری ایله تانیش اولماق اوچون تأثیر گؤسترمک مقصدی داشیییر. تأسف کی، والدین‌لر اولادلاری اوچون بیر تیکه چؤرک قازانماق مقصدیله اذيّتلره قاتلاشارکن بعضا اونلارین معنوی، پسیخولوژی دورومونو گؤز آردی ائدیر، اوشاقلارلا صحبت ائتمه‌یی دوشونجه و خیاللارینی پایلاشماغی اونودورلار. فیکریم‌جه فیدانین کیتابی بؤیوکلره اوشاقلارین نه ایسته‌دییینی گؤسته‌رن متنلر توپلوسودور، منجه مولیف آلت‌ شعوردا اوشاقلارین دوشونجه صاف‌لیغینا داها چوخ گووه‌ندیییندن بؤیوکلره دئیه‌جکلرینه اونلاری، بیر نوع واسطه‌‌چی ائدیب.

بو حئکایه‌لرین چوخوندا دونیانی اوشاقلارین گؤزو ایله گؤرور، اونلارین دیلیندن دویوروق. چوخو اوشاق گونده‌لیک‌لریندن بیر صحیفه‌‌یه بنزه‌ین بو متن‌لرین تحکیه‌چیلری (بلکه ده بوتون حکایه‌لرین بیرجه تحکیه‌چی‌سی) دایم ایچینده‌کی اوشاغین سسینی ائشیدن بؤیوکلردیر. بورادا مؤلفین اساس مقصدی اوشاغین دانیشدیقلاری اساسیندا بؤیوکلری"تربیه‌له‌ندیرمک معاریف‌لندیرمک" اونلارین بالاجالارا مناسبتینی باخیشینی ديیشمکدیر. بؤیوکلر همیشه هر شئیی اوشاقلاردان داها یاخشی بیلدییینی دوشونور، اونلاری یؤنله‌ندیرمکدن ذؤوق آلیر. فیدان نیظام‌الدین‌قیزی‌نین بو متنلرینده اوشاق سانکی ساکیتجه عصیان ائدیر، "منی ده گؤرون، دینله یین، آنلایین دویون" دئییر.



دونیا ادبيّاتیندان اوشاقلار حاقیندا یازیلسا دا یالنیز اوشاقلارا دئییل، داها چوخ بؤیوکلره عنوانلانان، اونلارلا اثر آدی چکمک اولار. لاکین" اوشاغین دوعاسی" کیتابی منه داها چوخ آننا قاوالدانین " 35 کیلو اومید" و آنتوان دئ-سئنت ائکزوپئری‌نین "بالاجا شاهزاده" اثرینی خاطیرلاتدی. اوشاقلار حاقیندا اولسا دا بؤیوکلری اوشاق دونیاسینا، باشقا سؤزله، اؤز ایچینه یئنی‌دن بویلانماغا وادار ائتدی‌یینه گؤره. آخی بوتون بؤیوکلر نه واختسا مطلق اوشاق اولوب و بیزیم بیر چوخوموز بو حیاتی ائله ایچیمیزده‌کی اوشاقلا بیرگه یاشاییریق.

" اوشاغین دوعاسی" کیتابینداکی متنلر موضوع‌لار اوزره قروپلاشدیریلماسا دا، فصیللره آیریلماسا دا، اونلارین بیر قیسمی، کوروناویروس پاندئمییاسیندان، بیر نئچه‌سی قاراباغ موحاریبه‌‌سیندن بحث ائدیر، دیگرلری ایسه داها چوخ خاطیره‌لر اوزه‌رینده قورولور. کیتابین عرصه‌‌یه‌ گلدییی عرفه‌ده ایکی بؤیوک امتحان قارشیسیندایدیق. بو گون ده داوام ائتمکده اولان کوروناویروس پاندئمییاسی و اوزون مدت‌دیر کی، گؤزله‌نی‌لن و جمعی 44 گون سوره‌رک خالقیمیزین غلبه‌سی ایله بیتن وطن موحاریبه‌‌سی هر ایکی بؤیوک امتحان اینساندان گوجلو اراده، گوج، صبر ایسته‌ییر. فیدان نیظام‌الدین قیزی دونیانین هر جور بلالاردان خلاصی‌نین ایمان، اینانج واریانتینی تکلیف ائدیر خلاصی" اوشاقلارین دوعاسی" حئکایه‌سینده ده خصوصی وورغولاندیغی کیمی، یارادانا اومیدله باغلانماقدا گؤرور.

یئنی و سرعتله ديیشن رئال‌لیقلار آیری-آیری اینسانلاری و اجتماعی قوروملاری اوپئراتیولییه، دوشونجه و عملده چئویکلییه سؤوق ائدیر. مثلا، کئچن ایل پاندئمییانین اعلان اولونماسیندان بیر آی اؤتر-اؤتمز دونیادا-50 دن آرتیق هومانیتار تشکیلاتین ایشتیراکی ایله 6-11 یاشلی اوشاقلار اوچون "منیم قهرمانیم سن‌سن" آدلی حئکایه‌لر توپلوسو حاضرلاندی.

بوراداکی حئکایه‌لر یوزلرله والدین موعلّیم و اوشاغین پاندئمییا ایله موباریزه اوصوللاری اساسیندا یازیچی هئلئن پاتوک طرفیندن قلمه آلینمیشدی.

1

باشقالاری‌نین تجروبه‌لری اساسیندا عرصه‌‌یه‌ گلمیش کیتابین مقصدی بالاجالاری ویروسدان و داها دا چوخو، پاندئمییا دؤنه‌مینده‌کی نئقاتیو ائموسییالاردان قوروماق‌ایدی. قیسا مدتده کیتاب تورک، روس، ایسپان، عرب، فیرانسیز، آلمان دیللری ده داخی اولماقلا 9 دیله ترجومه اولونوب دونیا اوشاقلارینا چاتدیریلدی.

-نئچه-نئچه اؤلکلرده کورونا ویروسا قالیب گلمه‌یین یوللاری ایله باغلی اوشاقلار اوچون ائیلنجه‌لی اومید و ایشیق دولو، نیک‌بین احوالی روحیّه‌یه کؤکلنمیش کیتابلار چاپ اولوندو "اوشاغین دوعاسی" کیتابینداکی کورونا ویروس موضوعسونداکی حئکایه‌لر ایسه خوصوصاً اوشاقلارین بو دؤنه‌می، ایزولیاسییا مرحله‌‌سینی نئجه کئچیرمه‌سی‌نین، همین دؤورده‌کی مادی سیخینتیلارین معنوی-پسیخولوژی سارسینتی‌لارین تصویریندن عبارتدیر. ف. نیظام‌الدین‌قیزی بو حئکایه‌لرده داها چوخ حیاتین سرت اوزونو گؤسته‌ریر. بو متنلرده بوتون دونیانی ساران پاندئمییا فونوندا جمعيّتین، همچینین بشریّتین پروبلئملری، تحصیل سیستمیمیزده‌کی، چاتیشمازلیقلار، والدین‌لرین داورانیشینداکی قوصورلار قاباردیلیر، مؤلف اونلارا اوشاق گؤزو ایله باخماغا چالیشیر.

کیتابداکی بوتون متنلر اوچون حلّ‌ ائدیجی مقام هومانیزم‌له، داها دا چوخو ائمپاتییا دویغوسو ایله باغلیدیر، گوجلو ائموسییالار یارادیر، دوشوندورور و یقین کی، هر بیر بؤیوک اؤزونون اوشاقکن بو و یا دیگر مسئله‌ ایله باغلی حیسّ و دوشونجه‌لرینی یادا سالیر. عینی زاماندا اوشاقلارا، اولادلارینا بیر داها بیر باشقا نظرله باخماغا سوق ائدیر "اوشاغین دوعاسی" توپلوسو، هر شئیدن اؤنجه اینسانلارا دویارلی اولماغی، اؤزونو باشقاسی‌نین یئرینه قویا بیلمه‌یی تلقین ائدیر.

فیدانین حئکایه‌لرینده یئری گلدیکجه موختلیف افسانه‌لر، روایتلر، خاطیرلاناراق بو اوصوللا معنوی-اخلاقی ديَرلره وورغو ائدیلیر. معنوی ديَرلر آشیلایان حئکایه‌لردن بیری یئنه اوشاغین دیلیندن خاطیره کیمی یازیلان"بابامین گؤزلری"دیر. اوشاغین باباسی معلّیم اولدوغوندان اونلار ۳ ایل عرضینده مکتب یولونو بیرلیکده گئدیب، گلیرلر و بابا یول بویونجا یئرده گؤردویو چؤرک پارچالارینی گؤتوروب اؤپوب، گؤزو اوستونه قویور. بیر گون بابا خسته‌له‌نیر. آرتیق نوه مکتبه اونونلا بیرلیکده گئده بیلمیر. بیردن فرقینده اولور کی، باباسی کیمی یئرده گؤردویو چؤرک، شیرنیّات پارچالارینی قالدیریب اؤپوب گؤزو اوستونه قویور: "بابام او قدر منیم یانیمدا یئردن چؤرکلری گؤتوروب اؤپوب گؤزونه قویموشدو کی، ایندی یوللارا تؤکولموش چؤرکلری گؤرنده ائله بیلیرم کی، اونلار بابامین گؤزلری‌دیر". بورادا بیر دقت چکن مقام دا وار: اوشاق دانیشیر کی، بابام بوتون مکتب یولو بویونجا منه چوخلو اؤیود-نصیحت وئره‌ردی. امّا اوشاق اوچون باباسی‌نین عملی نمونه ایدی. او، باباسی ائتدییی زامان حؤوصله‌سی‌نین دارالدیغی حرکتی غئیری ایرادی تکرارلاییر. حئکایه‌ بئله بیر دوغرو قناعتی آشیلاییر کی، اصلینده بؤیوکلر اوشاقلارا اؤیود-نصیحتله یوخ اؤز، نمونه‌لرینده تربیه‌ وئریرلر.

آتاسی موحاریبه‌‌ده شهید اولموش بالاجانین وطنپرورلی‌یینی، آتا سئوگی‌سینی عکس ائتدیرن"سون گئدیش" حئکایه‌سینی کؤوره‌لمه‌دن اوخوماق اولمور. فیکریم‌جه، فیدان بو حئکایه‌ده وطن سئوگی‌سینی، شهادتی، صداقتی آنلاتماغین اوغورلو بدیعی حلّینی وئره بیلیب. "معصوم دیلنچی" حیکایه‌سینده کوچه‌لرده زورلا دیله‌ندیریلن کؤرپه‌لرین عومومی‌لشمیش طالعییندن بحث اولونور. اونلارین مجبورا کوچه لره دوشورولمه‌سی، ایستیثمار اولونماسی مسئله‌سی آکتوال‌لاشدیریلیر.

ائله تئکنولوژی اینکیشاف دؤورونده یاشاییریق کی، اینسانلارین اکثريّتی حیاتی رئاللیقدان چوخ، ویرتوال عالمده کئچیریرلر، خوصوصاً اوشاقلار تلفونا، کامپیوتره، سوسیال شبکه‌لره آلوده اولورلارسا، اونلارین رئاللیغا"قاییتماسی"چتینله‌شیر. گونوموزون بو بشریّتی سارمیش داها بیر پروبلئمی"نا بلد" حئکایه‌سینده نجاتین سیماسیندا عکس اولونور. بو حئکایه‌لرده هئچ ده بوتون والدین‌لر ایدئال، همیشه اوشاق متن‌لرینده تصویر اولوندوغو کیمی قایغی‌کئش و تمنّاسیز آتا-آنالار دئییل‌لر(" پورتاغال بایرامی"). بو حئکایه‌لر بعضا ناغیل دیلی ایله یازیلسا دا، رئال‌لیغی بوتون چیلپاقلیغی ایله عکس ائتدیریر.

" اوشاغین دوعاسی" کیتابینداکی حئکایه‌لرین پروتوقونیستی ان چوخ اوشاقلیق خاطیره‌لرینی بؤلوشور. بونلارین ان شیرینی ننه‌لی-بابالی خاطیره‌لردیر. تندیرله آس‌سوسیاسییا اولونان ننه("تندیرین یوخلوغو ایله ننه مین ده یوخلوغونو قبول ائتدیم. ننه‌م ساغ اولسایدی، تندیری داغیلمازدی"). یاخشی عمل‌لری ایله نمونه اولان بابا و س.

آرتیق بؤیوموش نوه‌نین ننه-باباسینا معنوی باغلیلیغی اوزه چیخیر: اونلار داها حیاتدا اولماسالار دا، اونون عؤمور یولوندا، کاراکتئرینده ایزینی قویان خاطیره‌لری وار و بو خاطیره لر ایشیقلی‌دیر.

2

شرقیّه ننه‌نین خاطیره‌لریندن دوغولان"آغداما گئدن قاتارلار" حئکایه‌سی اونون نوه‌لری کنعان‌لا سنانین یالنیز بؤیوکلردن ائشیدیب، خیالینی قوردوغو آغداما گئتمک آرزوسو اوزه‌رینده قورولوب. یئری گلمیشکن، بو کیتاب آذربایجان خالقی‌نین منفور ائرمنی فاشیزمی اوزه‌رینده‌کی مؤحتشم غلبه‌سیندن آز اوّل عرصه‌‌یه‌ گلیب، و نه گؤزه‌لدیر کی، بیز آغدام‌لا باغلی بو نیسگیللی حئکایه‌نی اوخویارکن آرتیق اوّل‌کی کیمی کدرلنمه‌ییریک. هر بیریمیزین او دوغما یورد یئرلرینه گئتمک آرزوموز خیالدان داها چوخ، گئرچه‌یه یاخیندیر. حِکایه‌ ایله باغلی ایسه اونو قئید ائدیم کی، بورادا اونوتماماق اونوتدورماماق مقصدیله دوغما آغدام حاقیندا اطرافلی معلومات وئریلیر لاکین معلوماتلار حئکایه‌ ژانری‌نین اؤلچولرینی آشیر. ائستاتیک‌له‌شیر.

عمومیّتله، "اوشاغین دوعاسی" کیتابیندا"حئکایه‌لر" آدی آلتیندا توپلانمیش بو متنلرین بعضیلری تحکیه بویونجا اینتوناسییاسینی ديَیشیر، تامامیله پوبلیسیستیک اوسلوبا کئچید
آلیر(" کوکلا تئاتریندا"، " آغداما گئدن قاتارلار"، "نيّت" و س.)، سونا یاخین ایسه یئنیدن اوّل‌کی آهنگینه قاییدیر. فیکریمجه، بو، مؤلفین پروبلئم سیتوآسییایا اولان موناسبتیندن ایرلی گلن مقامدیر. خوصوصاً موحاریبه‌‌ و کوروناویروس پاندئمییاسی ایله باغلی فیکیرلری متنده بدیعی حلّ شکلینده دئییل، اکثراً پوبلیسیستیک دوشونجه شکلینده مئیدانا چیخیر.

بس کیتاب نییه" اوشاغین دوعاسی" آدلانیر؟ فیدانین حئکایه‌لرینده اینانج مسئله‌سی اوزه‌رینه خصوصی وورغو ائدیلیر. مئنتال تفکّروموزدا اوشاق دوعاسی‌نین آللاها داها یاخشی چاتاجاغی دوشونجسی یئر آلیر. دوعا اومیددیر، اینامدیر، اینسانین معنوی حیاتی‌نین بؤیوک بیر پارچاسی، ایمانین تظاهورودور. دوعا هر شئیدن چوخ سئوگی آکتی‌دیر. دوعا آنیندا اینسان یارادانلا ان صمیمی، ایچدن اونسيّت‌ده اولا بیلیر، اونا سئوگی‌سینی بیلدیره، روحونو تسلیم ائده‌بیلیر. دوعا آددیمدیر، روحون قانادلانماسی‌دیر. دوعا محض بو آنلاردا یارادانین سنه موطلق" قولاق کسیلدی‌یینه، اینامدیر. بو اوزدن یالنیز بنده‌نین مراجعتی دئییل، هم ده بنده‌یه مراجعت کیمی قارشیلیقلی آکت‌دیر. دوعا ائتمک آرتیق ایمان گتیرمیش اولماق دئمکدیر، اینسان اینانمادیغیندان اومیدله ساریلا بیلمه‌دیییندن نسه ایستیه بیلمز. یقین بو اوزده‌ندیر کی، اعتراف و ایستکلرین ان صمیمی‌سی اولان دوعا اینسانلارین ان صمیمی‌سی اولان اوشاق دیلینده قلبینده ان اوجا مقامیندادیر. بو کیتابداکی بعضی متنلر محض بئله بیر ایچدن، صمیمی سئوگینی، روحانيّت و تسلیمیییتی تلقین ائدیر. " اوشاغین دوعاسی" دئییر کی، اینسانین خلاصی سئوگیده، اومیدده، اینامدا و ایماندادیر. کیتابین مؤلفی دئییر کی، مندن بؤیومک، اوجالماق ایسته‌ییرسن‌سه، دونیایا بیر ده دؤن، اوشاق نظرلری ایله باخ، ایچینده‌کی اوشاغی زورلا بؤیوتمه‌یه چالیشما.

https://t.me/Adabiyyatsevanlar

اوشاق ادبیاتی

«سحر_خیاوی»
قورخماغا نه وار؟!☺️

آلیب‌دیر آنام منه
یاشیل بیر گؤزل چیراغ
اونلا اولور اوتاغیم
سان کی یاشیل باغچا- باغ

یاندیریرام یاتاندا
ایشیق ساچیر هر یانا
پنجره‌مدن بویلانیر
اولدوزلار باخیر اونا

اونلا قورخمورام داها
تک یاتیرام اوشاقلار
آنام دئییر: هئچ اونسوز
قیزیم قورخماغا نه وار؟!

آخشاملار چیراغیملا
آی گلیر قوناق منه
شیرین- شیرین رویالار
باخ آچیر قوجاق منه

قاپاییرام گؤزومو
اوره‌ییم شَنه باتیر
آی آللاه چیراغیم دا
گؤره‌سن منلن یاتیر؟!
https://t.me/Adabiyyatsevanlar

اوشاق ادبیاتی
کارتون

اوشاق ادبیاتی هر هفته پنجشنبه گونو ادبیات سئونلر کانالیندا .
اوشاق ادبیاتینا دایر یازیلارینیزی بیزه گوندرین .

https://t.me/Adabiyyatsevanlar

«مهیار»

🟣 یاسدی بالابان

بالابان یئلینن آغیزدا چالینان موسیقی آلتلرین بیریدی . بالابان اوچ بولمدن دوزه لیر .
1 - بیر اینجی حصه سی یونولموش لوله شکیلینده اولان دودوک دور.
دودوک لرین ایلک دفه آلتی دلیگی واریمیش. سونرابو دلیکلرین سایی 7 و 8 ایزه چاتیب . بالابانین دودوگو توت، گیردکان، اریک و آرمید آغاجیننان دوزه لیر. دودوگون ایچین دئشندن سونرا اونا بیتگی یاغی ووروب قیزاردیللار . یاغ ووراننان سورا گونون قاباغینا قویوب قورودوللار . بالابانین اوزوننوغو 35 سانتیمتره قدر اولور .

2- بالابانین ایکی اینجی حیصه سی سومسودو.
سومسو قامیشدان دوزه لیر. قارغیدان دوزلمیر. قامیش قارغیدان یوموشاق اولور. بو سومسونون آغیزدا یئرلشن حیصه سی نزیک و یاسدیدی( تخت است ) اونا گورا یاسدی بالاباندا دئیللر.
سومسونون اوبیری طرفی دودوگون باشینا تاخیلیر.
نزیک سسلی بالابانلارین سومسوسونون دیلی نزیک و اینجه دیر . قالین سسلی بالابانلارین دیلی یوغون و یئکه دیر.

3- بالابانین اوج اینجی حیصه سی
( دیل قاپاغی یا دیل اورتوگو) دور .
دیل قاپاغین کانسرت و چالغی قورتاراندان سونرا سومسونون باشینا کیچیردیللرکی . سومسونون نزیک دیلی
چوخ قوروماسین .
دیل قاپاغی بیر نزیک ایپ یا زنجیریله بالابانین باش طرفینه باغلانیر.

تورکوده بالا ، یانی (خیردا ) + ( بان )
یانی ( سس ) بونا گورا بالابان یانی نزیک و اینجه سسلی .
تانرینین رحمتینه گئتمیش و ایلاهی سسی اولان آشیق اکبر جعفرفون حیاتدا قالان بالابانچی سی موصیب کیشینین
بالابانین دا ایلاهی سسی واریدی . آشیق اکبرین قیزیل بوغازی و بالابانچی موصییب کیشینین قیزیل بارماخلاری واریدی.
آنجاق تاسف اولسون بوبالابانچی آشیق اکبر دونیاسین دییشندن سونرا بالابانین دامین گویوندن آسلاییب اونو الینه آلیب چالمیر.

بالابان قوزئی و گونئی آذربایجاندا و تورکییده بوتونلوکله تورک اولکه لرینده ایستکلی یئری وار.

چوخلو زامان آشیقلار چالاندا ایکی بالابانچی تویدا ماغاردا چیخیش ائدیللر.
بوبالابانچینین بیرینه ( زویچو ) دئییلیر.
زویچو بارماخلارین بالابانین دلیکلرینین
اوستونده ایشلتمیر. زویچو بارماخلارین
بالابانین دلیکلرینه قویوب و اونو اینجه سسیله پولویور . زویچونون بالابانینین سسی اوستا بالابانچینین سسینه قاریشیب اوننان قوشالاشیب ( رزونانس ) ائتمگینن بالابانین سسین داهادا گوزللشدیریر. اوندا آشیقین چیخیشی
و ایفاسی داهاداگوزللشیر.
کوردوستاندا بالابانا ( باله وان) شوشترده ( بلبون ) دئیللر.
بیز کئچه جکده( قوشابالابان ) چالغی آلتلریندن بیری شاهسونده قلمه چکدیک.
بیوک و آغیللی خانیم ( سوسن نواده رضی) (مهدتمدن ) درگیسینین ) مودورو ( قوشا بالابان ) یازیسین
یوکسک سویده ( مهد تمدن ) درگیسینده یایدیلار.

قوشا بالابانین هم دودوگو همده سومسوسو هر ایکیسی ده قارغیدان دوزلیر .

بیزدن سایین یولداشلارا بالاباندان بوقدر
بیلگی.

https://t.me/Adabiyyatsevanlar

تبریزیم
«حاجی هریزلی»

دولان با دولان کوچه لریندن
چکیلمیر کیفلنمیش دومان.
تؤزلو و هیسلی
نوودان بوزلاری نین-
عؤمرو بیر فصیل یوخ،
بیر نسیل دیر.
قارا گیله لر
قارا گؤزلوک لر آرخاسیندا دالدالانیر
هاوا
زهرلی بیر قهر کیمی
دوستاق اولموش بوغازیندا.
بعضأ منی ده
آلداتماق ایسته ییر
تهرانین ایلیق هاواسی.
آمما
اوره ییم
سارماشیق کیمی ساریلیب
ساعاتی نین ثانیه لرینه
عزیزیم
تبریزیم.

https://t.me/Adabiyyatsevanlar

‏اوخویور:« مسعود امیر سپهری»

https://t.me/Adabiyyatsevanlar

تبریزیم
شعیر : صالح سجادی
ایفا : مسعود امیرسپهر

https://t.me/Adabiyyatsevanlr