باباسی‌نین قبرینی گوجله تاپدی. سینه داشی سالامات قالسا دا، باش داشیندا "توککول اوغ..." دان باشقا یازی قالمامیشدی. گؤزلرینی یوموب یومشاق نویابر هاواسینی جییرینه چکدی.
عمی اوغلوسو مددله باباسینین نیمداش سیریقلیسی‌نین دؤش جیبیندن اکیب اوغرون- اوغرون سوموردوغو ایلک و سون سیگارئت کیمی...
-- گلدیم بابا، گلدیم آتا..‌.-- دییه بیلدی. سیلاحینی یئره قویوب دیز اوسته چؤکدو. یاغیش دؤیجه‌له مکدن اوولموش ییرمی سکگیز ایل قاباق آتاسینین اعدام کؤتویو اولموش بوز سینه داشینا ذره‌بین‌له باخمیش کیمی باخدی. یادداشیندا کی آجی خاطیره‌دن باشقا هئچ بیر نیشانه او گوندن قالمامیشدی.
او گون آلاتوراندا کندین بوتون قاپیلاری ضربله چیرپیلدی. آوتوماتلاردان آچیلان گولله‌لرین سسی، تانکلارین عئیبه‌جر اوغولتوسونا قاریشدی. نه باش وئردییندن خبرسیز، یاری یوخولو جاماعات، چاشقلینلیق و قورخو ایچینده کوچه‌یه چیخدی. عسکردن چوخ، ییرتیجییا بنزه‌ین سرخوش ارمنی‌لر باغیرا- باغیرا هامینی کولخوز حیطینه ییغیلماغی امر ائتدیلر. گؤزلری قان چاناغینا دؤنموش ارمنی قولدورلاری آوتوماتلاردان هاوایا گولله آتیر، ائله هئی" بو تورپاقلار بیزیمدی، اؤز خوشونوزلا چیخین، یوخسا هامینیزی جهنمه گوندره‌جه‌ییک!" دئییردیلر.
اعتیراض ائدن جاماعاتین باشی اوستونه گولله یاغدیردیلار. عمیم‌له کند سووئتی رضا معللیمی تانکین دالینا قوشوب کند ایچی سورودولر. عئیبه‌جر حالا دوشموش جسدلرینه یاخین گئده‌نی باشیندان آوتوماتین قونداقی ایله ووروردولار. هامی کئیلشمیشدی. آتام دؤزه بیلمه‌دی. بیلیرم‌ سن ده دوزمه‌دین بابا. او گؤز قیرپیمیندا ائوه جومدو. هاندان- هانا سنین بئش آتیلانلا چیخیب یاراقلیلارین باشچیسی‌نین قارنینی گولله‌یله دولدوردو.
ائله بو آن، تانکین لوله‌سینی آت کیمی مینن ارمنی، آتامین آیاقلارینی نیشان آلماقیلا اونون یئره سریلمه‌یی بیر اولدو. آمما هئچ اوفولدامادی دا. دونوب قالمیشدیق. نه ائده‌جه‌ییمیزی بیلمیردیک. آتامین آیاقلاریندان قان فیشقیریردی.آناملا یاردیم اوچون اونا یاخینلاشاندا ایکی قولدور بیزی توتوب ساخلادی.
باشقا ایکیسی- داها هیبتلی‌لری آتامین چیینیندن یاپیشیب قبریستانلیغا ساری سورومه‌یه باشلادی. آتامی قان آپاریر، سرخوش ارمنی‌لر حیاسیز- حیاسیز گولوشور، جاماعاتین آه- ناله‌سی عرشه قالخیردی. بو، دهشت ایدی بابا!.... سیفعلی دایی‌نین اوغلونو بئل دالینجا گؤندردیلر. سونرادا سنین باخ، سول طرفینده چالا قازدیردیلار...
ائشیدیرسن بابا؟... آناملا منی دیز چؤکورتدوردیلر. من آغلاییردیم. آنام آند- آمان ائله‌ییردی. یالواریردی... آتام ایسه" آرواد- اوشاغا گوجونوزو گؤسترمه‌یین آلچاقلار!" دئییب، یاراقلیلاردان بیرینین اوزونه توپوردو.
او عوضینده باغیریب ارمنی دیلیجه سؤیه- سؤیه آوتوماتینین قونداغینی وار گوجو ایله آتامین چیینینه ائندیردی.
بابا، همن آن روحون اورالاردایدی سا، اوغلونون مغرور دوروشونو گؤرمه‌میش اولمازدین. ائله بیل اونون بدنی پولاددان تؤکولموشدو. آغری حیس ائتمیردی. دوشمنه نیفرت دولو او باخیشلار هله ده گؤزومون اونوندن چکیلمه‌ییب....ییرتیجی خیصلتلی دوشمن ایسه آمانسیز اولور... خائین و آمانسیز...هله ده آیاقلاریندان قان آخان آتامی سنین سینه داشینا اوزاتدیلار. چوخ قان ایتیرن آتامین احوالی دییشدی. رنگی آغاردی. آنام نه ایسه دویموشدو. منی قوجاقلاییب" قوربان اولوم اوغلوم باخما!" دئدی. قیرمیزی گؤزلو شیشمان ارمنی ایسه بوندان حظ آلیرمیش کیمی ایکیمیزین ده ساچیندان توتوب باخماغی طلب ائتدی. ائله بو آن قودوز صیفتلی، قیرمیزی ساققال ارمنی ایره‌لی گلدی. بئلینده کی خنجری سیییردی. گؤزومه باخدی، غضبله ایریشه- ایریشه آتامین بوغازینی تویوق بوغازی کیمی اوزوب او چالایا توللادی.
بابا...سونرالار من اؤزومه گلنده بیلدیم کی، قورخموش، ایکی ساعات عرضینده کنددن قووولان جاماعات آتامین جسدینی دفن ائتمه‌یه ماجال تاپمامیشدیلار. منه" بو قیصاصی سن آلاجاقسان!" دئیه- دئیه هاوالاندی آنام. و اؤلدو. بو گونو گؤرمه‌دن اؤلدو، بابا...
ایندی گلمیشم، سنه گؤز آیدینلیغی وئرمه‌یه گلمیشم.
بیز دوشمنی قووودوق. محو ائتدیک. آرتیق تورپاغیمیز آزاد دیر بابا! گؤزلرین آیدین. گؤزلریمیز آیدین! نیگاران اولما بیز تئزلیک‌له یوردوموزا دؤنوروک ائشیدیرسن؟ قاییدیریق".

البته اینانیردی کی باباسی‌نین روحو دیریدی، باخ بو قیریلمیش، اوولموش باش داشی‌نین یانیندا دوروب تمکین‌له اونو دینله‌ییر. حتا ساچیندا بارماقلارینین تومارینی دا حیس ائدیردی.... چوخ راحاتلاندی. یاراسی دا سیزیلدامیردی ائله بیل. دریندن آه چکیب سینه داشینا ساری اَییلدی. قوجاقلادی باباسینی...
اوفوقدا باتان گونش گؤی اوزونو قیرمیزییا بله‌ییردی. آخشامین سرینی تورپاغا چؤکوردو. سنگر باریت قوخولو پالتارلاری کیمی نملنمیشدی. بیردن بیره غیرعادی سسلر دولدو قولاغینا.

بو نه قیرخ دؤرد گونده یان- یوره‌سینده پارتلایان مرمی‌لرین، نه ده آرامسیز آچیلان گولله‌لرین سسی ایدی. باشینی قالدیریب اطرافی دینله‌دی. سمتینی آییرد ائده بیلمه‌دییی سسلر گئتدیکجه یاخینلاشیردی. اوولجه لاپ اوشاقلیغیندا کی کیمی باباسی‌نین سینه‌سینه قیسیلیب اویودوغونو، یوخو گؤردویونو ظن ائتدی. گؤزلرینی یوموب- آچدی. قبریستانلیق بویو تانیدیغی، تانیمادیغی اونلارجا اینسان قوللارینی آچاراق غالیب اُردونون یارالی عسکرینی قوجلاقلاماق اوچون اونا ساری گلیردی. گؤردوکلرینین ایلغیمی گرچک اولدوغونو آیدینلاشدیرماق اوچون بوتون آغری- آجیسینی اونودوب آیاغا دوردو. اختیارسیز اولاراق قوللارینی گلن‌لره ساری آچدی. دییه‌سن باباسی، آتاسی، آناسی دا اونلارین آراسیندایدی...

آخشام آیازییاندا بیر دسته قوش قاناد چالیب باشی اوستونده دؤوره ووروردو...
غالیب عسکر خوشبخت ایدی.

https://t.me/Adabiyyatsevanlar

«ثریا_خلیق_خیاوی»
اورک_بیزدن_قاناد_سیزدن

...و بیر گون یوخودان دوروب گؤره‌سن قوناغین وار. یئر ایله گؤی آراسیندا، پنجره‌ ایله آغاج آراسیندا اوتوروب. بو قوناق ائوینی ده اؤزو‌یله گتیریب...بیر آن گؤرورسن او بالاجا مونجوق کیمی قارا گؤزلرینی زیل‌لَییب سنه باخیر...سن‌ ده باخیرسان، یئنه باخیرسان. «خوش گلیبسن قهوه رنگلی گؤزل قوش! آمما گلر-گلمز اوره‌ییمیزی ده آپاردین...گل بیر آز صؤحبت ائدک...
بیلیرمی‌سن...؟ بیزده چوخداندیر یئرله گؤی آراسیندا یاشاییریق. «یاشاماق» کی نه دئییم! بلکه ده «اؤلوب-دیریلمک» دئسم، داها دوز اولار.
نئچه ایل‌دی می؟ بیر ایل دئییل، ایکی ایل دئییل، قیرخ ...آخی «قیرخ قوتسال بیر سایی‌دیر» دئییرلر. نه‌دن بیز هله ده چیلله‌دن چیخمامیشیق؟
یوخ-یوخ سن دانیشما، گؤزلرین‌له آنلات! سن پنجره‌نین او تایینداسان‌، قورخورام بیر گون باخیب سنی ده الی-قولو باغلی آپاردیقلارینی گؤرم. به بیلمیرسن بوراسی قارغالیق دیر؟؟ من بورادا چوخ قوش گؤرموشم وورولوب. توتولوب. آسیلیب، اینانمازسان دئسم ایتیب، سو اولوب یئرین ایچینه گیریب بیرداها دا تاپیلماییب.

بویازینین آردینی ادبیات سئونلر کانالیندا اوخویون.
https://t.me/Adabiyyatsevanlar

«ثریا_خلیق_خیاوی»

اورک_بیزدن_قاناد_سیزدن

...و بیر گون یوخودان دوروب گؤره‌سن قوناغین وار. یئر ایله گؤی آراسیندا، پنجره‌ ایله آغاج آراسیندا اوتوروب. بو قوناق ائوینی ده اؤزو‌یله گتیریب...بیر آن گؤرورسن او بالاجا مونجوق کیمی قارا گؤزلرینی زیل‌لَییب سنه باخیر...سن‌ ده باخیرسان، یئنه باخیرسان. «خوش گلیبسن قهوه رنگلی گؤزل قوش! آمما گلر-گلمز اوره‌ییمیزی ده آپاردین...گل بیر آز صؤحبت ائدک...
بیلیرمی‌سن...؟ بیزده چوخداندیر یئرله گؤی آراسیندا یاشاییریق. «یاشاماق» کی نه دئییم! بلکه ده «اؤلوب-دیریلمک» دئسم، داها دوز اولار.
نئچه ایل‌دی می؟ بیر ایل دئییل، ایکی ایل دئییل، قیرخ ...آخی «قیرخ قوتسال بیر سایی‌دیر» دئییرلر. نه‌دن بیز هله ده چیلله‌دن چیخمامیشیق؟
یوخ-یوخ سن دانیشما، گؤزلرین‌له آنلات! سن پنجره‌نین او تایینداسان‌، قورخورام بیر گون باخیب سنی ده الی-قولو باغلی آپاردیقلارینی گؤرم. به بیلمیرسن بوراسی قارغالیق دیر؟؟ من بورادا چوخ قوش گؤرموشم وورولوب. توتولوب. آسیلیب، اینانمازسان دئسم ایتیب، سو اولوب یئرین ایچینه گیریب بیرداها دا تاپیلماییب.

گولمه دلی قوش! هاردان بیلیرسن من بیر قوش دئییلم؟ بلکه ده سن بیر اینسان‌سان. اینسانلارلا قوشلارین تقدیری بیر-بیرینه چوخ یاخیندیر.
سنی چوخ‌ سئودیم سئویملی قوناق! آدینی «اوغور» قویورام .«اوغور قوشو»...نئجه‌دی ؟بَیَندین‌می؟ قولاغینی بیر آز یاخین گتیر، بیر سؤز دئیه‌جم. بیلیرمی‌سن...؟ بیزیم میلیونلارجا قانادا احتیاجیمیز وار. قوش اولماقدان باشقا چاره‌میز یوخدور...
اوغور قوشو! من اینسانلارا خبر وئریرم، سن ده قوشلارا خبر وئر!
اورَک بیزدن، قاناد سیزدن
بیز بیر گون بیرگه اوچاجاغیق...»

https://t.me/Adabiyyatsevanlar

اوزل وئرلیش ادبیات سئونلر کانالیندا

اگز یستانسیالیسم« اروین یالومون» باخیشیندا
اوزمان: «حسین سلیمان پناه»
بو گئجه: 1400/5/13
ساعات: 22

https://t.me/Adabiyyatsevanlar

اگزیستانسیالیسم اروین یالومون باخیشیندا
1400/5/13
اوزمان: "حسین سلیمان‌پناه" 1

https://t.me/Adabiyyatsevanlr

اگزیستانسیالیسم اروین یالومون باخیشیندا
1400/5/13
اوزمان: "حسین سلیمان‌پناه" 2

https://t.me/Adabiyyatsevanlr

اگزیستانسیالیسم اروین یالومون باخیشیندا
1400 /5 /13
اوزمان: "حسین سلیمان‌پناه" 3

https://t.me/Adabiyyatsevanlr

اگزیستانسیالیسم اروین یالومون باخیشیندا
1400 /5 /13
اوزمان: "حسین سلیمان‌پناه" 4

https://t.me/Adabiyyatsevanlr

اگزیستانسیالیسم اروین یالومون باخیشیندا
1400 /5 /13
اوزمان: "حسین سلیمان‌پناه" 5

https://t.me/Adabiyyatsevanlr

اگزیستانسیالیسم اروین یالومون باخیشیندا
1400 /5 /13
اوزمان: "حسین سلیمان‌پناه" 6

https://t.me/Adabiyyatsevanlr

اگزیستانسیالیسم اروین یالومون باخیشیندا
1400 /5 /13
اوزمان: "حسین سلیمان‌پناه" 7

https://t.me/Adabiyyatsevanlr

اگزیستانسیالیسم اروین یالومون باخیشیندا
1400 /5 /13
اوزمان: "حسین سلیمان‌پناه" 8

https://t.me/Adabiyyatsevanlr

اگزیستانسیالیسم اروین یالومون باخیشیندا
1400 /5 /13
اوزمان: "حسین سلیمان‌پناه" 9

https://t.me/Adabiyyatsevanlr

اگزیستانسیالیسم اروین یالومون باخیشیندا
1400 /5 /13
اوزمان: "حسین سلیمان‌پناه" 10

https://t.me/Adabiyyatsevanlr

اگزیستانسیالیسم اروین یالومون باخیشیندا
1400 /5 /13
اوزمان: "حسین سلیمان‌پناه" 11

https://t.me/Adabiyyatsevanlr

اوشاق ادبیاتی
اوشاق ادبیاتی هر هفته پنجشنبه گونو ادبیات سئونلر کانالیندا .
اوشاق ادبیاتینا دایر یازیلارینیزی بیزه گوندرین .

https://t.me/Adabiyyatsevanlar

‍ ‍
اوشاق ادبیاتی

«فاطمه_معصومه_بهبودی»۱۲یاشیندا
#سایی_حسابی_یوخ

من بیر اوشافام.... اوتورموشام دنه-دنه اؤلدوز لاری ساییرام
آمما سایدیقجا اوبیر سینده گؤرورم چوخلو سایدیم آمما... باشا یتیره بیلمدیم
اؤز-اؤزومه دئدیم: باخ اللاهین بؤیوکلویونه.
نئجه گئجه اولور؟ اؤلدوز لار نئجه او اۆزاقلیقدان گؤزه دییرلر؟
چوخ چوخ فیکر ائله‌دیم آمما بیر یئره چاتابیلمدیم. بیردن گؤردوم قاپی آچیلدی آتام گلدی.
قاچدیم آتامین یانینا تئز سوروشدوم کی: آتاجان اؤلدوزلارین سایی نه‌قدردیر؟ آخی من چوخ ساییرام، آمما باشا چاتا بیلمیرم.
آتام دئدی: قیزیم! اؤلدوزلارین سایی- حسابی یوخدور نقدر ده سایارسان باشا چاتا بیلمسن .
صاباحیسی اوتورموشدوم بولوت‌لارین آلتیندا.
من باشلادیم بولوت‌لاری سایماغا چوخلو سایدیم آمما قورتارمادی.
گئنه آخشام کی آتام گلدی ائوه، تئز سوروشدوم کی آتا بولوت‌لارین سایی نه قدردی؟ دئدی قیزیم بولوت لارین دا سایی-حسابی یوخدور اوندان سونرا هروقت کی ایسته‌دیم بیر شئی سایام آمما سایین بیلمدیم، تو دابانا قووت اؤزومه دئییردیم «سایی حسابی یوخ» تکجه تانری بیلیر.

https://t.me/Adabiyyatsevanlar

اوشاق ادبیاتی

🐴 کوراوغلویلا کچل حمزه

یازار: صمد بهرنگی
چئویرن: منیژه جم‌نژاد

🕔 حسن پاشا بو سؤزو ائشیدیب آجیقلاندی، یومروغونو برکدن تختین قولونا چیرپیب دئدی: بو دیَرسیز آبتالی قووون. کچل بابانین بیری ایستیر منیم دامادیم اولا. آخیرچی تومروز کچلین فریادینا یئتیشمه‌سه یدی، جلادلار او دیقه اونو پارالاردیلار. آخیرچی مورتوز جلادلارین قاباغینی آلیب حسن پاشایا دئدی: قوربانین اولوم پاشا، مگر خانین فرمانین اونوتدونوز؟ هارداندی کوراوغلونون ایشینی بیتیرمه لییک. حسن پاشا آرام اولدو. اؤز یانیندا حسابلادی گؤردو کچل حمزه نی راضی سالماقدان سونرا آیری چاره سی یوخدو. او او٘زدن حمزه یه دئدی: آخی آخماق آدام، سن بو قیزدا نه گورموسن هامی دان یوخاری توتورسان؟ حمزه دئدی: پاشا اؤزون بیلیرسن کچل لر مین بیر اویون باشارارلار. منده حساب کیتاب ائلییب گؤرورم، سن بولارین اوچونو بیر یئرده منه وئرمزسن، هم مال وار وئر‌ه‌سن، هم بیگ آدی وئریب، هم ده اؤزونه اوغول ائده‌سن. حال بوکی قیزین لا ائولنسم، دامادین اولارام. داماد دئدییین اوغول کیمی دیر. سونرا دا مال، وار، مقام اؤز اؤزونه گلر. مجلیسده کی لر حمزه نین هوش باشینا آفرین دئدیلر. حسن پاشا فیکره گئتدی. قیزی حمزه یه وئرمه‌یه آصلا قییمیردی. او یاندان دا بئله دو٘شونوردو کی قیرآتی اله گتیرسه لر، کوراوغلو دارماداغین اولوب، او دا باش وزیر اولاجاق. اونا گوره دئدی: اولسون حمزه، قبولومدو. حمزه دئدی: یوخ پاشا، بئله اولماز. زحمت چک ایکی خط یاز باشینی باغلا، آیاغینی دا امضالا. وئر من قویوم جیبیمه، سونرا مهلت وئر، ایَر مهلتین سونوناجان قیرآتی گتیرسم، قیزی منه وئر، یوخسا وئر منیم بوینومو وورسونلار. حسن پاشا چاراسیز ایکی خط یازیب، آیاغینی مؤهورله ییب، وئردی کچل حمزه نین الینه، مهلت قویدو. کچل حمزه کاغاذی آلیب قاتلایب یان جیبینه قویوب، یئکه سانجاق لا برکیدیب دئدی: پاشا ایندی منه ایذن وئر چیخیم.
ایندی بیز حسن پاشایلا باشقالارینی اؤتوروروک، چنلی بئله قوشون چکمه یه حاضیر لانسینلار دئیه، گئدیریک کچل حمزه نین دالیسی جا. کچل چاریقلارین گئییب، زنگال لارین برکدن باغلاییب، بیر آووج چوره ک دسمالینا قویوب، بئلینه باغلاییب، بیر دیه نک الینه آلیب یولا دو٘شدو. گئجه گوندوز یول گئتدی، آز گئتدی چوخ گئتدی، تیکان کوللارینین کولگه سینده آزجیق دینجلیب، داغلاردان دره لردن چیخیب ائندی، بیر آخشام چنلی بئلین اته‌یینه چاتدی. کوراوغلو بؤیوک بیر قایانین او٘ستونده دورموشدو، کروان کئچن یوللارا باخارکن گؤردو بیریسی چنلی بئله دوغرو گلیر، سونرا دؤرد ال آیاقلی داغدان یوخاری چیخیر. کوراوغلو اوقدر گؤزله دی کی کچل حمزه قایانین آلتینا یئتیشیب، باشلادی اؤزونو قایادان یوخاری چکمه‌یه. کوراوغلو اؤزو ائنیب حمزه نین قاباغینی آلیب دئدی: ترپشمه! دئ گوروم کیم سن، هاردان گلیرسن، هارا گئدیرسن؟ حمزه بیردن باشینی قووزاییب گؤردو قارشیندا بیر جوان دوروب، ائله کی آدام او٘زونه باخماغا جسارت ائتمیر. گوزلری کین دولو، بیغلاری قوچ بوینوزو تک بوروق بوروق، باتیب سوکمه یه حاضیر! بئلینه ائله بیر شمشیر باغلامیشدی کی آدام اؤز اؤزونه دئییردی: بو شمشیر خانلارین، خالقین دوشمانلارینین قانینی تؤکمکدن دویمایاجاق. گؤرنه قینیندا بوغولور! بو شمشیرین پولادینی کین ایله قاینادیبلار. سانکی کور اوغلونون شمشیری همشه سنه دئییردی: " آه آی کینه، سن ده محبت کیمی قوتسال سان! بیز خالقین دوشمانلارینا کین دویمادان خالقا سئوگیمیزی ایناندیرا بیلمریک. سن ظالیم لارین قانینی تؤکمک له مظلوم لارا یاخجیلیق ائدیرسن. "
کچل حمزه ایلک باخیشدا کوراوغلونو تانیدی، آما بیردن کلک ووروب، اؤزونو بیلمز لییه ووروب دئدی: کوراوغلونو آختاریرام. کوراوغلو دئدی: کوراوغلونو نئیله‌ییرسن؟ حمزه دئدی: قادان آلیم، من ایلخیچیام. گئجه گوندوزومو شاهلارین، خانلارین، پاشالارین نوکرچیلیینده کورلامیشام. قورباغالی گؤلمجه دن سو ایچمکدن، دوداقلاریم زیییل باسیب. کئشگه آنام منی دوغونجا بیر قارا ایت دوغایدی. دا من بیر بئله باشی بلالی اولمایایدیم. باشیم کل اولدوغوندان، هئچ یئرده دایانا بیلمیرم، نه قدر ده جان یاندیریب، ایشله ییرم، باشیمین کچل اولدوغونو بیلنده، قووورلار. کچل ام دئیه بو گن گله واز دونیا منه دار گلیر. دا بیلمیرم باشیما نه داش سالیم. ایندی کوراوغلونو گؤرمه یه گلمیشم. آیاقلارینا قوربان اولوم، چوخ باغیشلایان، جومرد اولدوغونو دویموشام، بیر تیکه چوره‌یی کیمسه یه چوخ گؤرمز. قوی سوفراسینین آرتیغینی یئییم، بیر داش دیبینده عومرومون سون گونلرینی کئچیریم. یوخسا بوینومو وورسون، همشه لیک درد دن تاسه دن قورتولوم. کوراوغلونون آیاقلارینا قوربان اولوم، بو دیَر سیز باش اونا قابل دئییلدیر.
آردی وار...

https://t.me/Adabiyyatsevanlar

اوشاق ادبیاتی
«ویدا حشمتی»
اوشاق لا سئیره

-منیم گؤزل سئیره‌*جیم
سنه قوردوم بیر یووا
بزه‌دیم اونو الوان
منی ائده‌سن دووا(دعا).

آرخایین‌لیق‌لا یئ-ایچ
بو سویون، بو شاه‌دنه
پامبیقدان یئر-دؤشه‌یین
نه اسگیکین وار دئنه!

یئرله‌شدیردیم بیر حؤووض
ایچینده اوز، هم اوینا
ایچیب، آرین، سرینله
قوربان اولوم بویونا.


-بیر قفسدیر بیر زیندان
سنین دئدییین بو یئر
اوچماق ایسته‌ییرم من
اؤزگورلویو منه وئر!

چایلاردا سو ایچه‌رم،
یئم تاپارام بوداقدا
چیممک ایسته‌ییرم سه،
اوزه‌رم چای-بولاقدا.

منیم عزیز یولداشیم
ایسته‌مم بو حیاتی
اوچورت منی گؤیلره
اوخویوم مین بایاتی:

عزیزیم کولک اسیر
اورک تیتره‌ییر، اسیر
گؤتور منی قفسدن
اولماییم بوردا اسیر.

*سئیره قوشو سئرچه بویدا بیرقوشدو، گؤزل سسله اوخویار

https://t.me/Adabiyyatsevanlar