اوغورسوزلوق گیردابینا دوشرکن روستم دایینین سیلاحینین لولهسینی انگینه سیخدیغینا آند ایچیرم قارداشیم سوم!) دوخسان دؤردون قارلی موروووندا بوز توتموش جسدلرین گنجلیییندن حیدهتلهنهرک دوشمن سنگرلرینه
هوجوم چکیب، یارالانان هوسپیتالدا هوسله جبههیه دؤنهجهیینی گونو گؤزلهیرکن آتشکس خبرینی ائشیدیب ایچیندهکی دون کیخوتون اؤلدویونو دویان روستم دایی وار. روستم دایی ائوینده گزیشهرک بوتون اولانلاری سئویلن ماهنیلار کیمی یادداشیندا تکرار ائتدییی قوروبلارین بیرینده دؤیولن قاپیسینین آستاناسیندا ووجودلاشمیش اینتیحاردان خبرسیز ایدی.
آستانادا دایانمیش، قارشیداکی منزیلی یئنیجه کیرلهمیش، اویناق باخیشلارلا یومورتا ایستهین جین صیفتلی قادینا عاشقلییینین اون بیرینجی گونونده تماسسیز، ادبلی موناسیبتلرینی رسمیلهشدیرمک اوچون قارشیسینا قویولان شرطی(باخیمسیز ائوی تمیر ائتمک اوچون بانکدان کرئدیت گؤتورمک عهدهلییینی) یئرینه یئتیرن روستم دایی آیلارلا گؤزلسه ده، پولو بالاجا چانتاسینا تلاشلا یئرلهشدیریب بوش منزیلینین قاپیسینی کیلیدلهیهرک رفیقهسی ایله بازاردا ائو اوچون یئنی پردهلر سئچمک آدی ایله قاچان قادین هئچ واخت گئری قاییتمیر. قارداشیم موسی.(قوجالیقدا عاشقلیک تنهالیق یانیلماسیدیر سلیم. الله سنی آفوریزملریندن قالین جیلدی کیتابلار یازماق چارهسیزلییی ایله سیناسین قارداشیم سوم!) بئلجه، روستم دایی قازی آچیق قویاراق کؤهنه موندیرینی گئیینیب یاتاغینا اوزانیر و او واخت هر گون موحاریبه حبکایهلری دینلهمک اوچون گلدیییم ائوی اونوتماسایدیم، اونو خلاص ائده بیلردیممی قارداشیم سوم؟( اؤزونه حاقسیزلیق ائدیرسن سلیم!) بیر ده حسن وار! بیتیره بیلمهدییی شعرین حیسّی ناراحاتلیغیندان، ایشسیزلییینین حولقومونو سیخان ایتی جایناقلاریندان بئزیب اؤزونو یاشادیغی مسجیده بیتیشیک عرفان عطیرلی اوجاغین حیهطیندهکی انجیر آغاجیندان آسیب سون میصراعسینی یازدیغی صحیفه کولکلره قاریشان عزیز دوستوم!
بوتون دینی ساحهلردهکی شیطان آغاجلارینی (انجیر،قوز) کسن (نهدنسه اوجاقداکی آغاجلار اونودولموشدو) آخوند نه مسجیدین قبیریستانلیغیندا دفنینه ایجازه وئردی، نه ده دوعاسینی اوخودوغو دوستومون شعرینین سون میصراعسی تنهالیقدان اولاماق ایستهدیییم مسجیدین هندهورینده دولاشدیغیم ظولمتده بوداقلاری قیریب نیزه کیمی گؤیون نهایتسیزلییینه سانجان کولهیین پیچیلتیسیندا قولاقلاریما چیرپیلمامیشدیمی. موسی؟(قاریشدیریرسان، سلیم) آخی بوتون قریبلرین سوکوتو اینقیلابی ایدی قارداشیم سوم. ایسپان قادین ایسه (اورا گیرمه!)...
فرانکونون رئژیمیندن قاچیب موسکوادا ادبيّات فاکولتهسینی بیتیرن، اؤز جوغرافیاسینین خیالپرست هاواسی ایله قیدالاندیغیندان یئنی تیکیلمیش قصبهنین ایشیقلی گلهجهیینی قورماق اوچون آلتمیشینجی ایلده جنوبا گلیب بوردا یئرلی آداملاردان بیرینه سئودالانان ایسپان قادین ایسه... یوخ، قاریشدیریرام قاریشدیریرام موسی! بئینیمده اونلارا یاد قادینین اونلارلا یاد کیشینین خاطیرهلری وار. یاشایا بیلمیرم قارداشیم سوم!
-یاخشیسان سلیم عمی؟ گؤزویاشلی شرقلیلرده قالدیم من.
- باشیم آغریییر موسی بو گونلوک بسدی گئجه اینشانی یازیب سحر سن مکتبه گئتمهمیش چاتدیرارام.
قوروبدا قوجاق دولوسو قارغا سسی وار. موسانی یئنه اورکوتدوم قارداشیم سوم. حالبوکی اونا بؤیوک آدام اولماسی، یاشاماسی اوچون نصیحتلر وئرمهلییدیم هیجانلی گؤزلری مندن بونو اوموردو.
آنام یقین ایچهریده کارتوفلارین قابیغینی سویاراق قانی قارا آخیریمین هارا گئتدییینی دوشونور.( هارا گئدیریک قارداشیم سوم؟) دوشونور کی قصبهدن الی-اوزو خیردا سوکوتلو قیزلا ائولنسم سحر دوققوز آخشام آلتی مارشروتوندا اؤدهنمهمیش قازین کسیلهجهیینی قفیل خاطیرلاییب سوستلاشسام بایقوش اولایان خانامیزی اوشاقلارین جینگیلتیلی صدالاری ایله دولدوروب الیتوربالی اولسام (بؤیویونون قولاغینا آتانین آدینی پیچیلدایارسان) هر آخشام ائوه گلرکن اوشاقلار اوستومه قاچیب سئللوفانین ایچیندهکی عنعنهوی سورپریزلرله ماراقلانسا(اوتانجیم معاشین بیتدییی گونلرده یانیما قاچان اؤولادلاریمین اومان گؤزلری اولسا) هر شئی دوزلهجک گولومسیهجم سیقارئتی آتاجام و یولداشیم آلما دیلیملرینی بیچاق اوستونده ساکیتجه آغزیما اؤتوررکن منی"بئله اینسانا چئویرن(سن نییه"بئله اولدون آداملا هئچ دانیشمیرسان اوغلوم) قصبهدهکی آخشام گزینتیلریمین (هامیسینی تک گزمکلرین کیتابلار ائلهدی) کیتابلاریمین داشینی آتیب تئلئویزور دلیخاناسینا معیشت اویونلارینا قورشاناجام.
آنام آخشاملاری آتامین ساغلیغیندا توتون، ایندیلرده ایسه قوجالیق قوخان یاتاغینا اوزانیب آغلیمین باشینا گلمهسی اوچون دوعالار ائدیر. گئجهنین گئج ساعتلارینا قدر گؤزلهییر، سونرا گؤز قاپاقلاری یورغونلوغون خومارینا دؤزمهییب قاپانیر.
4
هوجوم چکیب، یارالانان هوسپیتالدا هوسله جبههیه دؤنهجهیینی گونو گؤزلهیرکن آتشکس خبرینی ائشیدیب ایچیندهکی دون کیخوتون اؤلدویونو دویان روستم دایی وار. روستم دایی ائوینده گزیشهرک بوتون اولانلاری سئویلن ماهنیلار کیمی یادداشیندا تکرار ائتدییی قوروبلارین بیرینده دؤیولن قاپیسینین آستاناسیندا ووجودلاشمیش اینتیحاردان خبرسیز ایدی.
آستانادا دایانمیش، قارشیداکی منزیلی یئنیجه کیرلهمیش، اویناق باخیشلارلا یومورتا ایستهین جین صیفتلی قادینا عاشقلییینین اون بیرینجی گونونده تماسسیز، ادبلی موناسیبتلرینی رسمیلهشدیرمک اوچون قارشیسینا قویولان شرطی(باخیمسیز ائوی تمیر ائتمک اوچون بانکدان کرئدیت گؤتورمک عهدهلییینی) یئرینه یئتیرن روستم دایی آیلارلا گؤزلسه ده، پولو بالاجا چانتاسینا تلاشلا یئرلهشدیریب بوش منزیلینین قاپیسینی کیلیدلهیهرک رفیقهسی ایله بازاردا ائو اوچون یئنی پردهلر سئچمک آدی ایله قاچان قادین هئچ واخت گئری قاییتمیر. قارداشیم موسی.(قوجالیقدا عاشقلیک تنهالیق یانیلماسیدیر سلیم. الله سنی آفوریزملریندن قالین جیلدی کیتابلار یازماق چارهسیزلییی ایله سیناسین قارداشیم سوم!) بئلجه، روستم دایی قازی آچیق قویاراق کؤهنه موندیرینی گئیینیب یاتاغینا اوزانیر و او واخت هر گون موحاریبه حبکایهلری دینلهمک اوچون گلدیییم ائوی اونوتماسایدیم، اونو خلاص ائده بیلردیممی قارداشیم سوم؟( اؤزونه حاقسیزلیق ائدیرسن سلیم!) بیر ده حسن وار! بیتیره بیلمهدییی شعرین حیسّی ناراحاتلیغیندان، ایشسیزلییینین حولقومونو سیخان ایتی جایناقلاریندان بئزیب اؤزونو یاشادیغی مسجیده بیتیشیک عرفان عطیرلی اوجاغین حیهطیندهکی انجیر آغاجیندان آسیب سون میصراعسینی یازدیغی صحیفه کولکلره قاریشان عزیز دوستوم!
بوتون دینی ساحهلردهکی شیطان آغاجلارینی (انجیر،قوز) کسن (نهدنسه اوجاقداکی آغاجلار اونودولموشدو) آخوند نه مسجیدین قبیریستانلیغیندا دفنینه ایجازه وئردی، نه ده دوعاسینی اوخودوغو دوستومون شعرینین سون میصراعسی تنهالیقدان اولاماق ایستهدیییم مسجیدین هندهورینده دولاشدیغیم ظولمتده بوداقلاری قیریب نیزه کیمی گؤیون نهایتسیزلییینه سانجان کولهیین پیچیلتیسیندا قولاقلاریما چیرپیلمامیشدیمی. موسی؟(قاریشدیریرسان، سلیم) آخی بوتون قریبلرین سوکوتو اینقیلابی ایدی قارداشیم سوم. ایسپان قادین ایسه (اورا گیرمه!)...
فرانکونون رئژیمیندن قاچیب موسکوادا ادبيّات فاکولتهسینی بیتیرن، اؤز جوغرافیاسینین خیالپرست هاواسی ایله قیدالاندیغیندان یئنی تیکیلمیش قصبهنین ایشیقلی گلهجهیینی قورماق اوچون آلتمیشینجی ایلده جنوبا گلیب بوردا یئرلی آداملاردان بیرینه سئودالانان ایسپان قادین ایسه... یوخ، قاریشدیریرام قاریشدیریرام موسی! بئینیمده اونلارا یاد قادینین اونلارلا یاد کیشینین خاطیرهلری وار. یاشایا بیلمیرم قارداشیم سوم!
-یاخشیسان سلیم عمی؟ گؤزویاشلی شرقلیلرده قالدیم من.
- باشیم آغریییر موسی بو گونلوک بسدی گئجه اینشانی یازیب سحر سن مکتبه گئتمهمیش چاتدیرارام.
قوروبدا قوجاق دولوسو قارغا سسی وار. موسانی یئنه اورکوتدوم قارداشیم سوم. حالبوکی اونا بؤیوک آدام اولماسی، یاشاماسی اوچون نصیحتلر وئرمهلییدیم هیجانلی گؤزلری مندن بونو اوموردو.
آنام یقین ایچهریده کارتوفلارین قابیغینی سویاراق قانی قارا آخیریمین هارا گئتدییینی دوشونور.( هارا گئدیریک قارداشیم سوم؟) دوشونور کی قصبهدن الی-اوزو خیردا سوکوتلو قیزلا ائولنسم سحر دوققوز آخشام آلتی مارشروتوندا اؤدهنمهمیش قازین کسیلهجهیینی قفیل خاطیرلاییب سوستلاشسام بایقوش اولایان خانامیزی اوشاقلارین جینگیلتیلی صدالاری ایله دولدوروب الیتوربالی اولسام (بؤیویونون قولاغینا آتانین آدینی پیچیلدایارسان) هر آخشام ائوه گلرکن اوشاقلار اوستومه قاچیب سئللوفانین ایچیندهکی عنعنهوی سورپریزلرله ماراقلانسا(اوتانجیم معاشین بیتدییی گونلرده یانیما قاچان اؤولادلاریمین اومان گؤزلری اولسا) هر شئی دوزلهجک گولومسیهجم سیقارئتی آتاجام و یولداشیم آلما دیلیملرینی بیچاق اوستونده ساکیتجه آغزیما اؤتوررکن منی"بئله اینسانا چئویرن(سن نییه"بئله اولدون آداملا هئچ دانیشمیرسان اوغلوم) قصبهدهکی آخشام گزینتیلریمین (هامیسینی تک گزمکلرین کیتابلار ائلهدی) کیتابلاریمین داشینی آتیب تئلئویزور دلیخاناسینا معیشت اویونلارینا قورشاناجام.
آنام آخشاملاری آتامین ساغلیغیندا توتون، ایندیلرده ایسه قوجالیق قوخان یاتاغینا اوزانیب آغلیمین باشینا گلمهسی اوچون دوعالار ائدیر. گئجهنین گئج ساعتلارینا قدر گؤزلهییر، سونرا گؤز قاپاقلاری یورغونلوغون خومارینا دؤزمهییب قاپانیر.
4
بیر زامانلار اونون اتهییندن یاپیشیب گؤزل گونلرده گولومسهیر، بایراملارا قوردوغوموز یولکالار و خونچالارلا بیرگه حاضرلاشاردیق. نئجه اولدو کی تنهالیغینی آنلادیغیم آنام منیم سیخینتیلاریمین بسیط معیشت اویونلاریندا ارییهجهیینه ایناندی؟ بیز نییه بئله اولدوق؟ سانکی بیر-بیریمیزه یادیق (آمّا یئنه ده اونو چوخ سئویر، اوندان اوّل اؤلمک ایستهییرم قارداشیم سوم).
اونا سیخینتیلاریمی آچسام، اسرارانگیز دونیامین محرمینی زدهلهجهییمدن قورخدوغوم ایلک آن بو تهلوکهلی یوللاردان گئری دؤنه بیلردیممی قارداشیمسوم؟ (آنالار همیشه ناراحاتدی، سلیم) من ایسه او اوزاق چووغونلو گونده یادداشیما باشقالارینین خاطیرهلری سیغیندیغی آندان اوّلیمین آختاریشیندا سرگردانام. قارداشیم سوم. باخ چ، حیهتین آسفالتلا چئورهلنمیش تورپاق ساحهسینده گوللر اکن، اطرافینی اوجا یارپاقلاری همیشه یاشیل، سیخ شام آغاجلار ایله چپرلهییب باغینا بوتون گؤزل قوشلارین، بؤجکلرین نغمهسینی دولدوران، همیشه ایچهریده ساماوار قاینادیب باهاری یاشایان او تنها قوجانین یئرینده اولماق ایستردیم (سن اؤز یئریندهسن، اوغلوم سلیم).
بو گئجه یئریمدن خبرسیز همین باغا کؤچهجم، قارداشیم سوم! کؤچوب بو قصبهنین ساکینلری ایله بیرگه الله غضبینین( نئجه اوجوز بنزتمه!) قاسیرغاسیندا توز کیمی خیردالانیب گؤیلره بلند اولماسینین خیالینی قوراجام!
سونرا یئر تقویمینین بوتون صحیفهلرینین بیتمهسی ایله ویجدانیما هانسیسا گوناهی یئدهکلهییب جنّتیمدن دونیانین پاک حالینا قووولارکن خاطیرهلری آرتیللئرییا آتشینی دؤنوب آچیقلیقدا قالمیش بختسیز سنگرلری دؤیدویو کیمی یادداشیمی پارتلادان آداملارلا، خاطیرهلرین صاحبلری ایله قارشیلاشاجام. نئجه اولدو کی، جنوبدان قافقازا یولداشی ایله شهر تیکمک، یاشاماق اوچون گلن، بلدچیلرین کئفجیللییی اوجباتیندان(بیز قالیریق، دوه یولو بیلیر، اؤزو سیزی آپاراجاق!) صحرادا آزدیقدان، بوردا باشی عمّامهلی، گؤزلری یاشیل، اوزو بورکودن جادارلانمیش قیرمیزی درویشله قارشیلاشدیقدان، اونلاری بیرینین قوربان گئتمسی، لاکین سئچیمی اؤزونون ائتمهسی شرطی ایله خلاصلارینا یئتیرجهییندن سوکوت سلتهنیندهکی قیزدیرمالی گئجهدن سونرا باغیر دئشن هؤنکورتولرله سئوگیلیسینی ایلغیملارا امانت ائدن آدام قارشیلاشدیغی چؤلون نهایتسیزلییینین، بیتیب توکنمزلییینین تعجبو ایله سئوداسینی اونوتموشدو؟
یا دا آخماق قافقاز عنعنهسینی سئوگیلرینه خ چکدییی، یلدانین سینهسیندهکی خاچی چیخارماقدان بویون قاچیردیغی، الینین مسجید مجلیسلریندهکی نئی صدالارینا مست اولدوغو، قارشیلیقلی اوغورسوز اینتیحار جهدلریندن سونرا باریشیب خزهرین کولَو سولاریندا گئجه گؤروشو اوچون وعدهلهشن بیرگه اینتیحاری قرارلاشدیران، لاکین حاق-حساب واختیندا رؤیالارا زنجیرلهنن الی، بئلینی یورغان-دؤشکده یاندیران یوخوسوندان اویاندیقدان سونرا یلدانی خاتیرلامیردی؟ یلدا ایسه چوخدان بوتون دفینهلرینی باغرینا گؤمن خزرده سو پریسی اولموشدو. باخ، بئلهجه اونلارلا حئکایه.
حافیظمده خاطیره سینین سونو کم گلن ایسپان قیزی ایسه.
آرتیق آتامین اؤلدویو گون اونو هیجانلاندیران شئیین بو اولدوغونا امینم. قارداشیم سوم. آتام و ایسپان قیزی. نه واختسا آتامین پاسلی عسگرلیک آلبومونداکی توکلو، قابا کیشی غلبهلییینین رسملری ایچینده گؤزلریندن ایلدیریم چاخان او قادین شکلینی آنامین یاندیردیغینی گؤرمه میشدیممی؟
عاجیزم، یورغونام قارداشیم سوم! روحونو ساکینلرینین روحونا اوفوروب بوش هالهلرده تهلوکهلی یادداشلارا (کیمسهسیز قالمیش خاطیرهلر پیشیکلر کیمی ایی توتوب صاحبلری نین اؤولادلارینین، یا دا تصادوفی آداملارین یادداشینا گئدیرمیش) مئیل ائدن خاطیرهلری منیم اورهگیمه دولدوران قصبهدن بو گئجه اینتیقامیمی آلیرام، قارداشیم سوم! اوستادلارین طلبهلرینه بئله اؤیرتمهیی سون فندی گؤستهریب بو اجلاف روحون سونونو گتیریرم! ظولمت گؤیو توتاندا موسانین اینشاسینین سونونا اینتیحار حکایتیمیزی و وصيّتیمیزی یازاجاق، پالتولاریمیزی آیاققابیلاریمیزی (سنینکیلری آنجاق من گؤرورم قارداشیم سوم). گئییب آنامین"یاغیشا" قالما نیداسینی جاوابلامادان اینتیحاریمیزین پراکتیکی ائکسکورسییاسینا گئجهنین سونونا سیاحته چیخاجاغیق.
محله ایچلرینده یئرلهشدییی اوچون تزهلنمهین دلی کولکده یئریندن قوپاجاقمیش کیمی جیریلدایان، یانیب-سؤنن کوچه لامپالارینین دؤورلهدییی، چالالاری دونندن قالما کیمیاوی یاغیشلارلا دولموش حیهطلر آراسی کوچهلرده زهرلی مایعلر ایچهرک قصبه ائولرینین بیرینده بیر گون او صدانی ائشیدجهییندن قورخان ایسپان قیزینین آدینی-باغیرا باغیرا کیمیاوی یاغیشلارا قاریشاجاغیق!
5
اونا سیخینتیلاریمی آچسام، اسرارانگیز دونیامین محرمینی زدهلهجهییمدن قورخدوغوم ایلک آن بو تهلوکهلی یوللاردان گئری دؤنه بیلردیممی قارداشیمسوم؟ (آنالار همیشه ناراحاتدی، سلیم) من ایسه او اوزاق چووغونلو گونده یادداشیما باشقالارینین خاطیرهلری سیغیندیغی آندان اوّلیمین آختاریشیندا سرگردانام. قارداشیم سوم. باخ چ، حیهتین آسفالتلا چئورهلنمیش تورپاق ساحهسینده گوللر اکن، اطرافینی اوجا یارپاقلاری همیشه یاشیل، سیخ شام آغاجلار ایله چپرلهییب باغینا بوتون گؤزل قوشلارین، بؤجکلرین نغمهسینی دولدوران، همیشه ایچهریده ساماوار قاینادیب باهاری یاشایان او تنها قوجانین یئرینده اولماق ایستردیم (سن اؤز یئریندهسن، اوغلوم سلیم).
بو گئجه یئریمدن خبرسیز همین باغا کؤچهجم، قارداشیم سوم! کؤچوب بو قصبهنین ساکینلری ایله بیرگه الله غضبینین( نئجه اوجوز بنزتمه!) قاسیرغاسیندا توز کیمی خیردالانیب گؤیلره بلند اولماسینین خیالینی قوراجام!
سونرا یئر تقویمینین بوتون صحیفهلرینین بیتمهسی ایله ویجدانیما هانسیسا گوناهی یئدهکلهییب جنّتیمدن دونیانین پاک حالینا قووولارکن خاطیرهلری آرتیللئرییا آتشینی دؤنوب آچیقلیقدا قالمیش بختسیز سنگرلری دؤیدویو کیمی یادداشیمی پارتلادان آداملارلا، خاطیرهلرین صاحبلری ایله قارشیلاشاجام. نئجه اولدو کی، جنوبدان قافقازا یولداشی ایله شهر تیکمک، یاشاماق اوچون گلن، بلدچیلرین کئفجیللییی اوجباتیندان(بیز قالیریق، دوه یولو بیلیر، اؤزو سیزی آپاراجاق!) صحرادا آزدیقدان، بوردا باشی عمّامهلی، گؤزلری یاشیل، اوزو بورکودن جادارلانمیش قیرمیزی درویشله قارشیلاشدیقدان، اونلاری بیرینین قوربان گئتمسی، لاکین سئچیمی اؤزونون ائتمهسی شرطی ایله خلاصلارینا یئتیرجهییندن سوکوت سلتهنیندهکی قیزدیرمالی گئجهدن سونرا باغیر دئشن هؤنکورتولرله سئوگیلیسینی ایلغیملارا امانت ائدن آدام قارشیلاشدیغی چؤلون نهایتسیزلییینین، بیتیب توکنمزلییینین تعجبو ایله سئوداسینی اونوتموشدو؟
یا دا آخماق قافقاز عنعنهسینی سئوگیلرینه خ چکدییی، یلدانین سینهسیندهکی خاچی چیخارماقدان بویون قاچیردیغی، الینین مسجید مجلیسلریندهکی نئی صدالارینا مست اولدوغو، قارشیلیقلی اوغورسوز اینتیحار جهدلریندن سونرا باریشیب خزهرین کولَو سولاریندا گئجه گؤروشو اوچون وعدهلهشن بیرگه اینتیحاری قرارلاشدیران، لاکین حاق-حساب واختیندا رؤیالارا زنجیرلهنن الی، بئلینی یورغان-دؤشکده یاندیران یوخوسوندان اویاندیقدان سونرا یلدانی خاتیرلامیردی؟ یلدا ایسه چوخدان بوتون دفینهلرینی باغرینا گؤمن خزرده سو پریسی اولموشدو. باخ، بئلهجه اونلارلا حئکایه.
حافیظمده خاطیره سینین سونو کم گلن ایسپان قیزی ایسه.
آرتیق آتامین اؤلدویو گون اونو هیجانلاندیران شئیین بو اولدوغونا امینم. قارداشیم سوم. آتام و ایسپان قیزی. نه واختسا آتامین پاسلی عسگرلیک آلبومونداکی توکلو، قابا کیشی غلبهلییینین رسملری ایچینده گؤزلریندن ایلدیریم چاخان او قادین شکلینی آنامین یاندیردیغینی گؤرمه میشدیممی؟
عاجیزم، یورغونام قارداشیم سوم! روحونو ساکینلرینین روحونا اوفوروب بوش هالهلرده تهلوکهلی یادداشلارا (کیمسهسیز قالمیش خاطیرهلر پیشیکلر کیمی ایی توتوب صاحبلری نین اؤولادلارینین، یا دا تصادوفی آداملارین یادداشینا گئدیرمیش) مئیل ائدن خاطیرهلری منیم اورهگیمه دولدوران قصبهدن بو گئجه اینتیقامیمی آلیرام، قارداشیم سوم! اوستادلارین طلبهلرینه بئله اؤیرتمهیی سون فندی گؤستهریب بو اجلاف روحون سونونو گتیریرم! ظولمت گؤیو توتاندا موسانین اینشاسینین سونونا اینتیحار حکایتیمیزی و وصيّتیمیزی یازاجاق، پالتولاریمیزی آیاققابیلاریمیزی (سنینکیلری آنجاق من گؤرورم قارداشیم سوم). گئییب آنامین"یاغیشا" قالما نیداسینی جاوابلامادان اینتیحاریمیزین پراکتیکی ائکسکورسییاسینا گئجهنین سونونا سیاحته چیخاجاغیق.
محله ایچلرینده یئرلهشدییی اوچون تزهلنمهین دلی کولکده یئریندن قوپاجاقمیش کیمی جیریلدایان، یانیب-سؤنن کوچه لامپالارینین دؤورلهدییی، چالالاری دونندن قالما کیمیاوی یاغیشلارلا دولموش حیهطلر آراسی کوچهلرده زهرلی مایعلر ایچهرک قصبه ائولرینین بیرینده بیر گون او صدانی ائشیدجهییندن قورخان ایسپان قیزینین آدینی-باغیرا باغیرا کیمیاوی یاغیشلارا قاریشاجاغیق!
5
منیم اؤلومومله تأسسوف کی سن ده غئیب اولاجاقسان، قارداشیم سوم! سس-کویلو، قزئتلرده چاپا وئریلهجک و تئلئویزونلاردا آخشام خبرلرینین دییرمی ماساسیندا مذاکیره ائدیلهجک. اینتیحاریمین آردیندان هاوادا قالمیش خاطیرهلریم آزغینلیقلا ایی توتوب صاحبلرینین، ساکینلرینین یادداشیندا جوجرهجک!
معمّالی اؤلومومون تاریخچهسینی موسانین وصيّتیمله چوخالدیب قصبه دیوارلارینا یاپیشدیردیغی اعلانلاردان اؤیرهنن ساکینلرین آلدادیلدیقلارینی دویماسی قصبه روحونون محشر گونونو یاخینلاشدیراجاق. او حاق-حساب گئجهسینده ایسه گلهجکده بؤیوک شهره دؤنجهیینه اومیدلرین بسلهنیلدییی قصبه، بینالاری ایله برابر غضبلی کوتلهلر طرفیندن یئرله يکسان ائدیلدیکدن، محشرینه قوووشدوقدان، کپهنکلرین قوروموش قانادلاری کیمی هاوایا هوپدوقدان سونرا قوراق چؤله توپلاشیب خاطیرهلرین
دؤزولمز آغریلاریندان کوتلهوی اینتیحارا حاضرلاشان آداملارین اینشا متنیندن ائشیتدییی چاغیریش موسانین دیلیندن سسلهنهجک!
" بیز ده واریق قارداشیمیز سلیم!" بیلهکلردن آخاجاق قانلارین قیرمیزیسینا غرق اولموش چؤلدهکی جسدلرین جیسمینه کیمیاوی یاغیشلار یاغاجاق و موسی بوتون خاطیرهلری باغرینا ییغیب یئگانه شاهید کیمی محو اولموش اینسان نسلینیدنن یئر اوزونه بیر داها گلهبیلمهیهجهیی حقیقتینی، روحون اؤلومونون مومکونسوزلویونو گلهجهیه او مشهور رومانلارین بَیاضلیغینا داشییاجاق.
https://t.me/Adabiyyatsevanlar
معمّالی اؤلومومون تاریخچهسینی موسانین وصيّتیمله چوخالدیب قصبه دیوارلارینا یاپیشدیردیغی اعلانلاردان اؤیرهنن ساکینلرین آلدادیلدیقلارینی دویماسی قصبه روحونون محشر گونونو یاخینلاشدیراجاق. او حاق-حساب گئجهسینده ایسه گلهجکده بؤیوک شهره دؤنجهیینه اومیدلرین بسلهنیلدییی قصبه، بینالاری ایله برابر غضبلی کوتلهلر طرفیندن یئرله يکسان ائدیلدیکدن، محشرینه قوووشدوقدان، کپهنکلرین قوروموش قانادلاری کیمی هاوایا هوپدوقدان سونرا قوراق چؤله توپلاشیب خاطیرهلرین
دؤزولمز آغریلاریندان کوتلهوی اینتیحارا حاضرلاشان آداملارین اینشا متنیندن ائشیتدییی چاغیریش موسانین دیلیندن سسلهنهجک!
" بیز ده واریق قارداشیمیز سلیم!" بیلهکلردن آخاجاق قانلارین قیرمیزیسینا غرق اولموش چؤلدهکی جسدلرین جیسمینه کیمیاوی یاغیشلار یاغاجاق و موسی بوتون خاطیرهلری باغرینا ییغیب یئگانه شاهید کیمی محو اولموش اینسان نسلینیدنن یئر اوزونه بیر داها گلهبیلمهیهجهیی حقیقتینی، روحون اؤلومونون مومکونسوزلویونو گلهجهیه او مشهور رومانلارین بَیاضلیغینا داشییاجاق.
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
Forwarded from ادبیات سئونلر
اوشاق ادبیاتی
اوشاق ادبیاتی هر هفته پنجشنبه گونو ادبیات سئونلر کانالیندا .
اوشاق ادبیاتینا دایر یازیلارینیزی بیزه گوندرین .
https://t.me/Adabiyyatsevanlar
اوشاق ادبیاتی هر هفته پنجشنبه گونو ادبیات سئونلر کانالیندا .
اوشاق ادبیاتینا دایر یازیلارینیزی بیزه گوندرین .
https://t.me/Adabiyyatsevanlar
اوشاق ادبیاتی
کوچهلری اؤلچوردوک
اکبر شفاعتی 15 یاشیندا، علیشاه(شبستر)
زهرمار گئجهنین یوخوسو چوخ شیرین اولار. قارداشیملا گئجه ساعات اوچهجن پلیاستیشن اویناییردیق. سحر صوبح آتامین موبایلی زنگ ووراندا، ائلهبیل منه یامان دئدیلر. گون اوزومه ووروب، قویمور یاتام، چوخ پیس یوخوم گلیر. آنام آییلدیب دئییر دور آیاغا مدرسه. آنامی بیر تهر یوللاندیریرام. پتونو اوزومه چکدیم. یاواش یاواش منی هوش توتور. آنام بیر تپیک منه ووردو! دیک قالخدیم. ایستیردیم مدرسهیه باهانا گلم، ائلهیهمهدیم. چتینلیکله آیاغا دوردوم. ال-اوزومو یویوب یوللاندیم. کوچهده یوخو منی سفئحلهتمیشدی، دییردیم الان بیر پتو اولسا یاتارام. مدرسهنین قاپیسینا یئتیشدیم، قاپی یئریندن چیخمیشدی. اونا باخیب گولمک توتدو بیر آز. یوخوم قاچدی. گیردیم ایچرییه گؤردوم مودور اوشاقلاری دفتر قاباغیندا ساخلاییب، وورور. یادیما دوشدو دونن مودور دئمیشدی باشیزی وورون. منیم توکلریم اوزونایدی، گیریردی گؤزلریمه. من ایستهدیم یاواشجانا اوشاقلارین دالیسیندان قاچام، آما مودور منی گؤروب، چاغیردی. اوشاقلارین باشینی قئیچیله ووروردو. منیم باشیمین توکو چوخایدو، نه قدر قئیچیلهدی، باشیمین توکو آزالمادی. دوستومون باشینی ائله وورموشدو، تنیس توپون آتسایدین ایچینده دوراردی. باشیمیزین باهاناسینا مودوره دئدیک قوی گئدهک باشیمیزی ووراق. اودا قبول ائلهدی. هئچ اولماسا اون نفر اولاردیق. مدرسهدن چیخیب هر یانی دولاندیق. مودور ده دئییر به باشیمیزی ووروروق. دارغاشاییرتلار کیمی کوچهلری اؤلچوردوک. دولانیب، قیز مدرسهسینه یئتیشدیک. باشلادیق اورانی داشا باسماغا! سونرا باش قیرخانین توکانینا گلدیک. هامیمیز باشیمیزی قیرخدیردیق. باش قیرخان او گون برک قازاندی. بونو دوشونموردوک کی مودور ایندی بیزی آختاریر. اوچ ساعات دولاندیق، مودور بیزی گؤرسه شیلانک ایله قووالایاجاق. سفئحلهمیشدیق! گلن گئدن دئییردی: «هارا گئدیرسیز؟» بیزده دییردیق: «گئدیریخ فهلهلیغا!» خلاصه گلدیق مدرسهیه، مودور دیللندی، بیر آز یالان دئدیک: «باش قیرخان گئتمیشدی تبریزه.» ائله اولدو قاییتدیق گلدیک.
*
منیم بیر سؤزوم وار: مرند اوشاقلارینان و عزیر معلیمیمنن چوخ ممنونام کی، بئشداش کیتابین منه تانیتدیردیلار.
یازماق نه ایشلر گؤرمز کی!
#محمد_عابدین_پور
منیم ده بیر سؤزوم وار: مرند و هابئله بئشداش اوشاقلارینین دا سنه و علیشاهین بوتون اوشاقلارینا سالاملاری وار و چوخ سئوینیرلر سنله تانیش اولدوقلاری اوچون. بیزه گؤندردیگین سنین بوگؤزل خاطیرهن بیزی چکدی گتیردی اورالارا. سنله گئتدیک مدرسهزه، کوچهلری اؤلچدوک، گئتدیک باش قیرخانا. سئفحلهدیک بیرگه. آنجاق هئچ آنلامادیق سنله یولداشلارین نییه قیز مدرسهسینی داشلادیز؟ بلکم ده بئشداشین اوچونجو ایله دؤردونجو ساییسینیدا قیزلارین اوغلانلارا یازدیقلاری سؤزلری اوخویوب آجیقلاندیز اونلاردان؟ یادا یوخ آرازدا آیری بیر سؤزلر، باشقا بیر حساب کیتاب وار؟ اولمایا اونلار سیزی گؤرنده دیللرینی چیخاردیرلار سیزه؟ بلکم ده هر یئرین عکسینه اوردا قیزلار سیزه ساتاشیرلار و آتماجا آتیرلار؟! بلکم ده تلگرامدا پیویزه گلیب پیس پیشنهادلار وئریرلر سیزه؟ اونلاردان بیزه یاز. شهرینیزدن، کوچهنیزدن، یولداشلاریندان بیزه یاز. ائله الیمیزدهکی بو یازینلا گؤرستدین یازماقلا راحاتسان و چوخ راحات ائلییه بیلیرسن تورکجهمیزده سؤزلریوی یازاسان و آنا دیلین کلمهلرینین دادینی بیرجه بیرجه آلیب داماغینی شاققیلداداسان. سن یازماسایدین بیز سنی هاردان تاپا بیلردیک؟ نئجه تانییا بیلردیک؟ بیز هله اؤز شهریمیزده چوخلارینی تانییا بیلمهمهشیک. هئچ واقت دا چوخونو تانیمایاجاییق. سنی تانیدیق آنجاق. چونکو یازماق سنین الیندن یاپیشیب قویدو بیزیم الیمیزه. بئلهلیکله دوست اولدوق بیز. »یازماق نه ایشلر گؤرمز کی.« قایناق: beshdashlar@
https://t.me/Adabiyyatsevanlar
کوچهلری اؤلچوردوک
اکبر شفاعتی 15 یاشیندا، علیشاه(شبستر)
زهرمار گئجهنین یوخوسو چوخ شیرین اولار. قارداشیملا گئجه ساعات اوچهجن پلیاستیشن اویناییردیق. سحر صوبح آتامین موبایلی زنگ ووراندا، ائلهبیل منه یامان دئدیلر. گون اوزومه ووروب، قویمور یاتام، چوخ پیس یوخوم گلیر. آنام آییلدیب دئییر دور آیاغا مدرسه. آنامی بیر تهر یوللاندیریرام. پتونو اوزومه چکدیم. یاواش یاواش منی هوش توتور. آنام بیر تپیک منه ووردو! دیک قالخدیم. ایستیردیم مدرسهیه باهانا گلم، ائلهیهمهدیم. چتینلیکله آیاغا دوردوم. ال-اوزومو یویوب یوللاندیم. کوچهده یوخو منی سفئحلهتمیشدی، دییردیم الان بیر پتو اولسا یاتارام. مدرسهنین قاپیسینا یئتیشدیم، قاپی یئریندن چیخمیشدی. اونا باخیب گولمک توتدو بیر آز. یوخوم قاچدی. گیردیم ایچرییه گؤردوم مودور اوشاقلاری دفتر قاباغیندا ساخلاییب، وورور. یادیما دوشدو دونن مودور دئمیشدی باشیزی وورون. منیم توکلریم اوزونایدی، گیریردی گؤزلریمه. من ایستهدیم یاواشجانا اوشاقلارین دالیسیندان قاچام، آما مودور منی گؤروب، چاغیردی. اوشاقلارین باشینی قئیچیله ووروردو. منیم باشیمین توکو چوخایدو، نه قدر قئیچیلهدی، باشیمین توکو آزالمادی. دوستومون باشینی ائله وورموشدو، تنیس توپون آتسایدین ایچینده دوراردی. باشیمیزین باهاناسینا مودوره دئدیک قوی گئدهک باشیمیزی ووراق. اودا قبول ائلهدی. هئچ اولماسا اون نفر اولاردیق. مدرسهدن چیخیب هر یانی دولاندیق. مودور ده دئییر به باشیمیزی ووروروق. دارغاشاییرتلار کیمی کوچهلری اؤلچوردوک. دولانیب، قیز مدرسهسینه یئتیشدیک. باشلادیق اورانی داشا باسماغا! سونرا باش قیرخانین توکانینا گلدیک. هامیمیز باشیمیزی قیرخدیردیق. باش قیرخان او گون برک قازاندی. بونو دوشونموردوک کی مودور ایندی بیزی آختاریر. اوچ ساعات دولاندیق، مودور بیزی گؤرسه شیلانک ایله قووالایاجاق. سفئحلهمیشدیق! گلن گئدن دئییردی: «هارا گئدیرسیز؟» بیزده دییردیق: «گئدیریخ فهلهلیغا!» خلاصه گلدیق مدرسهیه، مودور دیللندی، بیر آز یالان دئدیک: «باش قیرخان گئتمیشدی تبریزه.» ائله اولدو قاییتدیق گلدیک.
*
منیم بیر سؤزوم وار: مرند اوشاقلارینان و عزیر معلیمیمنن چوخ ممنونام کی، بئشداش کیتابین منه تانیتدیردیلار.
یازماق نه ایشلر گؤرمز کی!
#محمد_عابدین_پور
منیم ده بیر سؤزوم وار: مرند و هابئله بئشداش اوشاقلارینین دا سنه و علیشاهین بوتون اوشاقلارینا سالاملاری وار و چوخ سئوینیرلر سنله تانیش اولدوقلاری اوچون. بیزه گؤندردیگین سنین بوگؤزل خاطیرهن بیزی چکدی گتیردی اورالارا. سنله گئتدیک مدرسهزه، کوچهلری اؤلچدوک، گئتدیک باش قیرخانا. سئفحلهدیک بیرگه. آنجاق هئچ آنلامادیق سنله یولداشلارین نییه قیز مدرسهسینی داشلادیز؟ بلکم ده بئشداشین اوچونجو ایله دؤردونجو ساییسینیدا قیزلارین اوغلانلارا یازدیقلاری سؤزلری اوخویوب آجیقلاندیز اونلاردان؟ یادا یوخ آرازدا آیری بیر سؤزلر، باشقا بیر حساب کیتاب وار؟ اولمایا اونلار سیزی گؤرنده دیللرینی چیخاردیرلار سیزه؟ بلکم ده هر یئرین عکسینه اوردا قیزلار سیزه ساتاشیرلار و آتماجا آتیرلار؟! بلکم ده تلگرامدا پیویزه گلیب پیس پیشنهادلار وئریرلر سیزه؟ اونلاردان بیزه یاز. شهرینیزدن، کوچهنیزدن، یولداشلاریندان بیزه یاز. ائله الیمیزدهکی بو یازینلا گؤرستدین یازماقلا راحاتسان و چوخ راحات ائلییه بیلیرسن تورکجهمیزده سؤزلریوی یازاسان و آنا دیلین کلمهلرینین دادینی بیرجه بیرجه آلیب داماغینی شاققیلداداسان. سن یازماسایدین بیز سنی هاردان تاپا بیلردیک؟ نئجه تانییا بیلردیک؟ بیز هله اؤز شهریمیزده چوخلارینی تانییا بیلمهمهشیک. هئچ واقت دا چوخونو تانیمایاجاییق. سنی تانیدیق آنجاق. چونکو یازماق سنین الیندن یاپیشیب قویدو بیزیم الیمیزه. بئلهلیکله دوست اولدوق بیز. »یازماق نه ایشلر گؤرمز کی.« قایناق: beshdashlar@
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
4_6037432431315782311.docx
22.3 KB
اوشاق ادبیاتی
گونشه عاشیق اولان بوز
یازار؛ رضا موزونی
چئویره ن؛ حسین قربانزاده خیاوی
https://t.me/Adabiyyatsevanlar
گونشه عاشیق اولان بوز
یازار؛ رضا موزونی
چئویره ن؛ حسین قربانزاده خیاوی
https://t.me/Adabiyyatsevanlar
4_6039638373763647950.mp4
5 MB
اوشاق ادبیاتی
اوشاق ادبیاتی هر هفته پنجشنبه گونو ادبیات سئونلر کانالیندا .
اوشاق ادبیاتینا دایر یازیلارینیزی بیزه گوندرین .
https://t.me/Adabiyyatsevanlar
اوشاق ادبیاتی هر هفته پنجشنبه گونو ادبیات سئونلر کانالیندا .
اوشاق ادبیاتینا دایر یازیلارینیزی بیزه گوندرین .
https://t.me/Adabiyyatsevanlar
اوشاق ادبیاتی
🐴 کوراوغلو و کچل حمزه
یازار:«صمد بهرنگی»
چئویرن:« منیژه جمنژاد»
🕓 چنلی بئله لشکر چکمه لیییک. گو٘ن قارالدان بویوک بیر قوشون، دونیانین بو باشیندان او باشینا دک. گئنه ده سوز سیزین سؤزونوزدور. بیز سیزین ایتینیزیک، قوللوغونوزدا هو٘رمکدن باشقا سؤزوموز یوخدو.
حسن پاشا گئنه باش اییب، خودکارین آیاغینین آلتینین تورپاغینی اؤپوب، یئرینده اوتوردو. مجلس سس سیز ایدی. هامی گؤزونو خودکارین آغزینا تیکمیشدی. سونوندا خودکار دئدی: آفرین حسن پاشا! آفرین سنین هوش باشینا. دوغرودان کی اوسلو بیر ایت سن. حسن پاشا بو تعریفلری ائشیدیب، ایتلر سئویننده صاحابلارینا قویروق بولایان کیمی، گو٘لومسهییب، راضیلیقلا سئویندی. سونرا خودکار دئدی: بیز چنلی بئله قوشون چکمکدن باشقا چارامیز یوخدو. بو دفه قوشون کئچدی ائله اولمالی دی کی اونون بؤیوکلویو چنلی بئلین قایالارینی تیتره ده. حسن پاشا! بو ساعاتدان سن اختیار صاحابی سان، بیلدییین کیمی عسکر ییغ، حمله یه حاضیرلان، داغین ماجراچی لارینین ایشینی بیتیر. بؤیوک خان او٘زونو اوتورانلارا توتوب دئدی: حاضیر اولانلار! بیلدیریرم، بو ساعاتدان سونرا حسن پاشا بوتون قوشونون باشچیسی، اختیار صاحیبی دی. کیمسه اونون سؤزوندن چیخسا، دار آغاجی اونو گؤزله یه جک. مجلسده کی لر نه دئیه جکلرینی بیلمه دیلر. اوره کلری کین له، قیسقانج لا دولموشدو.
حسن پاشا خودکارین مجلسیندن چیخیب، تیر توپ توقاتا گئدیب، عسکر ییغماغا باشلادی. بو حین ده الینین آلتیندا کی ایگیدلرله، بویوک باشلارلا، چنلی بئله سالقین اوچون ساواش شوراسی دو٘زنله دی. بو شورالارین بیرینده آخیرچی مورتوز بویوک پهلوان، حسن پاشایا دئدی: پاشا ساغ اولسون، بیز خودکارین، سیزین آیاغینیزین آلتینین تورپاغیییک، سیزین بویروغونوز آللهین فرمانی دی، کیمسه نین حاققی یوخدو سیزین فرمانیزا قولاق آسمایا. آما بو دا وار کی کوراوغلو قیرآتین بئلینده اوتورودوغو سو٘ره، دونیا دا ییغیشسا، کوراوغلونون باشیندان بیر توک اسگیلدنمز. کوراوغلونو آرادان آپارماق ایسترسه نیز، اونجه آتینی الیندن آلمالیسینیز، یوخسا کوراوغلویلا ساواشماغین فایداسی اولمایاجاق.
آخیرچی مورتوزون سؤزو حسن پاشانین بئینینه باتدی. دئدی: مورتوز، دردی بیلن درماندا بیلر. دئ گوروم، قیرآتی کوراوغلونون الیندن نئجه چیخاردا بیلریک؟ آخیرچی مورتوز دئدی: پاشا ساغ اولسون، قیرآتی پول ایله آلماق اولماز، جاندان کئچن بیری گرک چنلی بئله گئدیب، یاخود باشین وئره یوخسا قیرآتی اوغورلاییب گتیره. حسن پاشا مجلس ده کی لره باخدی. هامینین باشی یئره تیکیلمیشدی. کیمسه دن سس چیخمادی، بیردن درنه دن بیر جیندیریقلی، آیاق یالین، کچل بیر اوغلان قالخدی. مجلیسده کی لر باخیب کچل حمزه نی تانیدیلار. کچل حمزه نین دده - ننه سی، ائوی ائشییی یوخویدو. هاردان یئییب هاردا یاتدیغی بللی دئییلدیر. هئچ مجلسه، مچیده قویمازدیلار، خالقین باشماغین اوغورلار دئیه. ایتین یئری واریدی، اونون یوخ. ایندی نئجه بو ساواش شوراسینا آیاق آچمیشدی، بیر اؤزو بیلیردی. قدیمنن دئیرلر، کچل لر مین بیر اویون باشارارلار.
آنجاق حمزه مجلیسین آراسینا گلیب دئدی: پاشا بو ایش منیم ایشیمدی. دا بوردا پهلوانلیق، بیلک زورو درده دیمز، اویون بازلیق ایستیر. اویون دا کی منیم دده بابا دان ایشیمدی. قیرآتی گتیره بیلسم، گتیرمیشم، گتیره بیلمزسم، کوراوغلویا یاخالانسام دا بیر شئی اولماز: قوی مملکتدن بیر کچل اسگیلسین. حسن پاشا دئدی: حمزه، قیرآتی گتیره بیلسن. دونیا مالی له دویوراجاغام سنی.
حمزه دئدی: پاشا تکجه دونیا مالی منیم دردیمه دیمز. پاشا دئدی: سنی حمزه بیگ ائلرم، سنه بیگ مقامی وئررم. حمزه دئدی: یوخ پاشا. تک بودا منیم دو٘یونومو آچماز. حسن پاشا دئدی: سنی اؤزومه اوغول ائدرم. حمزه دئدی: یوخ، بوردا کی لار سنه قوربان! من بولارین هئچ بیرینی تک لیکده ایسته میرم، سنده کی او٘چونو بیر یئرده وئرمزسن. قوی بیر شئی ایستهییم، بولارین او٘چوندن ده دیرلی، سنه ده هامیسیندان اوجوز اولسون. حسن پاشا دئدی: دئ گؤروم نه ایستهییرسن؟ حمزه دئدی: پاشا، من قیزینی ایستهییرم.
آردی وار...
https://t.me/Adabiyyatsevanlar
🐴 کوراوغلو و کچل حمزه
یازار:«صمد بهرنگی»
چئویرن:« منیژه جمنژاد»
🕓 چنلی بئله لشکر چکمه لیییک. گو٘ن قارالدان بویوک بیر قوشون، دونیانین بو باشیندان او باشینا دک. گئنه ده سوز سیزین سؤزونوزدور. بیز سیزین ایتینیزیک، قوللوغونوزدا هو٘رمکدن باشقا سؤزوموز یوخدو.
حسن پاشا گئنه باش اییب، خودکارین آیاغینین آلتینین تورپاغینی اؤپوب، یئرینده اوتوردو. مجلس سس سیز ایدی. هامی گؤزونو خودکارین آغزینا تیکمیشدی. سونوندا خودکار دئدی: آفرین حسن پاشا! آفرین سنین هوش باشینا. دوغرودان کی اوسلو بیر ایت سن. حسن پاشا بو تعریفلری ائشیدیب، ایتلر سئویننده صاحابلارینا قویروق بولایان کیمی، گو٘لومسهییب، راضیلیقلا سئویندی. سونرا خودکار دئدی: بیز چنلی بئله قوشون چکمکدن باشقا چارامیز یوخدو. بو دفه قوشون کئچدی ائله اولمالی دی کی اونون بؤیوکلویو چنلی بئلین قایالارینی تیتره ده. حسن پاشا! بو ساعاتدان سن اختیار صاحابی سان، بیلدییین کیمی عسکر ییغ، حمله یه حاضیرلان، داغین ماجراچی لارینین ایشینی بیتیر. بؤیوک خان او٘زونو اوتورانلارا توتوب دئدی: حاضیر اولانلار! بیلدیریرم، بو ساعاتدان سونرا حسن پاشا بوتون قوشونون باشچیسی، اختیار صاحیبی دی. کیمسه اونون سؤزوندن چیخسا، دار آغاجی اونو گؤزله یه جک. مجلسده کی لر نه دئیه جکلرینی بیلمه دیلر. اوره کلری کین له، قیسقانج لا دولموشدو.
حسن پاشا خودکارین مجلسیندن چیخیب، تیر توپ توقاتا گئدیب، عسکر ییغماغا باشلادی. بو حین ده الینین آلتیندا کی ایگیدلرله، بویوک باشلارلا، چنلی بئله سالقین اوچون ساواش شوراسی دو٘زنله دی. بو شورالارین بیرینده آخیرچی مورتوز بویوک پهلوان، حسن پاشایا دئدی: پاشا ساغ اولسون، بیز خودکارین، سیزین آیاغینیزین آلتینین تورپاغیییک، سیزین بویروغونوز آللهین فرمانی دی، کیمسه نین حاققی یوخدو سیزین فرمانیزا قولاق آسمایا. آما بو دا وار کی کوراوغلو قیرآتین بئلینده اوتورودوغو سو٘ره، دونیا دا ییغیشسا، کوراوغلونون باشیندان بیر توک اسگیلدنمز. کوراوغلونو آرادان آپارماق ایسترسه نیز، اونجه آتینی الیندن آلمالیسینیز، یوخسا کوراوغلویلا ساواشماغین فایداسی اولمایاجاق.
آخیرچی مورتوزون سؤزو حسن پاشانین بئینینه باتدی. دئدی: مورتوز، دردی بیلن درماندا بیلر. دئ گوروم، قیرآتی کوراوغلونون الیندن نئجه چیخاردا بیلریک؟ آخیرچی مورتوز دئدی: پاشا ساغ اولسون، قیرآتی پول ایله آلماق اولماز، جاندان کئچن بیری گرک چنلی بئله گئدیب، یاخود باشین وئره یوخسا قیرآتی اوغورلاییب گتیره. حسن پاشا مجلس ده کی لره باخدی. هامینین باشی یئره تیکیلمیشدی. کیمسه دن سس چیخمادی، بیردن درنه دن بیر جیندیریقلی، آیاق یالین، کچل بیر اوغلان قالخدی. مجلیسده کی لر باخیب کچل حمزه نی تانیدیلار. کچل حمزه نین دده - ننه سی، ائوی ائشییی یوخویدو. هاردان یئییب هاردا یاتدیغی بللی دئییلدیر. هئچ مجلسه، مچیده قویمازدیلار، خالقین باشماغین اوغورلار دئیه. ایتین یئری واریدی، اونون یوخ. ایندی نئجه بو ساواش شوراسینا آیاق آچمیشدی، بیر اؤزو بیلیردی. قدیمنن دئیرلر، کچل لر مین بیر اویون باشارارلار.
آنجاق حمزه مجلیسین آراسینا گلیب دئدی: پاشا بو ایش منیم ایشیمدی. دا بوردا پهلوانلیق، بیلک زورو درده دیمز، اویون بازلیق ایستیر. اویون دا کی منیم دده بابا دان ایشیمدی. قیرآتی گتیره بیلسم، گتیرمیشم، گتیره بیلمزسم، کوراوغلویا یاخالانسام دا بیر شئی اولماز: قوی مملکتدن بیر کچل اسگیلسین. حسن پاشا دئدی: حمزه، قیرآتی گتیره بیلسن. دونیا مالی له دویوراجاغام سنی.
حمزه دئدی: پاشا تکجه دونیا مالی منیم دردیمه دیمز. پاشا دئدی: سنی حمزه بیگ ائلرم، سنه بیگ مقامی وئررم. حمزه دئدی: یوخ پاشا. تک بودا منیم دو٘یونومو آچماز. حسن پاشا دئدی: سنی اؤزومه اوغول ائدرم. حمزه دئدی: یوخ، بوردا کی لار سنه قوربان! من بولارین هئچ بیرینی تک لیکده ایسته میرم، سنده کی او٘چونو بیر یئرده وئرمزسن. قوی بیر شئی ایستهییم، بولارین او٘چوندن ده دیرلی، سنه ده هامیسیندان اوجوز اولسون. حسن پاشا دئدی: دئ گؤروم نه ایستهییرسن؟ حمزه دئدی: پاشا، من قیزینی ایستهییرم.
آردی وار...
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
4_5767141970350759098.mkv
10.4 MB
اوشاق ادبیاتی
«کارتون»
اوشاق ادبیاتی هر هفته پنجشنبه گونو ادبیات سئونلر کانالیندا .
اوشاق ادبیاتینا دایر یازیلارینیزی بیزه گوندرین .
https://t.me/Adabiyyatsevanlar
«کارتون»
اوشاق ادبیاتی هر هفته پنجشنبه گونو ادبیات سئونلر کانالیندا .
اوشاق ادبیاتینا دایر یازیلارینیزی بیزه گوندرین .
https://t.me/Adabiyyatsevanlar
Audio
اوشاق ادبیاتی
#چاپیق_و_بابیش
دؤردونجو بؤلوم: بورنوندان قان گلیر، قیرمیزی پیکان گلیر!
یازان و سسلندیرن:« رضا حسینی مرند»
https://t.me/Adabiyyatsevanlar
#چاپیق_و_بابیش
دؤردونجو بؤلوم: بورنوندان قان گلیر، قیرمیزی پیکان گلیر!
یازان و سسلندیرن:« رضا حسینی مرند»
https://t.me/Adabiyyatsevanlar
اوشاق ادبیاتی
مهدی همت زاده (ائلدار) - ماکو
قیرمیزی گونش
بولوددان چیخار / گویده فیرنیخار
ظلمتی ییخار / قیرمیزی گونش
دوغودان قالخار / باتی دا باتار
سانماکی یاتار / قیرمیزی گونش
زولفونو آچار / داغیدار اوزه
نورساچار بیزه / قیرمیزی گونش
بیزاویانمامیش / یوخودان دورار
چارداغین قورار / قیرمیزی گونش
داغلارین قاری / اری دی گنه
آفرین سنه / قیرمیزی گونش
https://t.me/Adabiyyatsevanlar
مهدی همت زاده (ائلدار) - ماکو
قیرمیزی گونش
بولوددان چیخار / گویده فیرنیخار
ظلمتی ییخار / قیرمیزی گونش
دوغودان قالخار / باتی دا باتار
سانماکی یاتار / قیرمیزی گونش
زولفونو آچار / داغیدار اوزه
نورساچار بیزه / قیرمیزی گونش
بیزاویانمامیش / یوخودان دورار
چارداغین قورار / قیرمیزی گونش
داغلارین قاری / اری دی گنه
آفرین سنه / قیرمیزی گونش
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
«میرزه_علیاکبر_صابر»
ایستهسن كؤنلوم كیمی زولفون پریشان اولماسین،
اول قدر جور ائت منه، آه ائتمك امكان اولماسین!
درد عشقین قصد جان ائتدیسه، من هم شاكیرم،
ایستهرم جیسمیمده درد اولسون، دخی جان اولماسین.
قویما اغیار ائیلهسین كویونده جولان، ائی پری!
اهرمنلر مالك ملك سلیمان اولماسین
آتش رویونده افعی تك یاتیب گیسولرین،
طُرفه جادودور كی مار آتشده سوزان اولماسین.
دئرلر عاشق كش نیگاریم قتلیمه آمادهدیر
آللاه آللاه، بیر سبب قیل كی پشیمان اولماسین!
مبتلای درد عشقم، ال گؤتور مندن، طبیب!
ائیله بیر تدبیر کی، بو درده درمان اولماسین!
«صابر»ا امّید وصل ایله غم هیجرانه دؤز!
هانسی بیر مشكلدی كی صبر ایله آسان اولماسین...؟
https://t.me/Adabiyyatsevanlar
ایستهسن كؤنلوم كیمی زولفون پریشان اولماسین،
اول قدر جور ائت منه، آه ائتمك امكان اولماسین!
درد عشقین قصد جان ائتدیسه، من هم شاكیرم،
ایستهرم جیسمیمده درد اولسون، دخی جان اولماسین.
قویما اغیار ائیلهسین كویونده جولان، ائی پری!
اهرمنلر مالك ملك سلیمان اولماسین
آتش رویونده افعی تك یاتیب گیسولرین،
طُرفه جادودور كی مار آتشده سوزان اولماسین.
دئرلر عاشق كش نیگاریم قتلیمه آمادهدیر
آللاه آللاه، بیر سبب قیل كی پشیمان اولماسین!
مبتلای درد عشقم، ال گؤتور مندن، طبیب!
ائیله بیر تدبیر کی، بو درده درمان اولماسین!
«صابر»ا امّید وصل ایله غم هیجرانه دؤز!
هانسی بیر مشكلدی كی صبر ایله آسان اولماسین...؟
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
«ممد_آراز»
"سحر_سحر"
باهارین نه گؤزل چاغلاری گلمیش،
بولبولو چاغیریر گول سحر-سحر.
وطنین عشقییله دیل آچیب یئنه
کؤنلومون سازیندا تئل سحر-سحر.
چیخیر مئشهلیکدن تالایا الیک،
سکیر داشدان داشا خینالی ککلیک.
شئهدن مونجوق دوزور گوللوک، چیچکلیک،
گلینه بنزهییر چؤل سحر-سحر.
گئدیرم تلهسیک تارلایا ساری،
هامیدان تئز گله او قیز دا باری.
سینهسی قارتاللی قایالیقلاری
عکس ائدیر سونالی گؤل سحر-سحر.
سئودا یولچوسونون خیالینا باخ،
سنسیز افسانهدیر گؤزللیک آنجاق.
ائی گونش اوزلو یار، گونشدن قاباق
یولوما نور چیله، گل سحر-سحر.
https://t.me/Adabiyyatsevanlar
"سحر_سحر"
باهارین نه گؤزل چاغلاری گلمیش،
بولبولو چاغیریر گول سحر-سحر.
وطنین عشقییله دیل آچیب یئنه
کؤنلومون سازیندا تئل سحر-سحر.
چیخیر مئشهلیکدن تالایا الیک،
سکیر داشدان داشا خینالی ککلیک.
شئهدن مونجوق دوزور گوللوک، چیچکلیک،
گلینه بنزهییر چؤل سحر-سحر.
گئدیرم تلهسیک تارلایا ساری،
هامیدان تئز گله او قیز دا باری.
سینهسی قارتاللی قایالیقلاری
عکس ائدیر سونالی گؤل سحر-سحر.
سئودا یولچوسونون خیالینا باخ،
سنسیز افسانهدیر گؤزللیک آنجاق.
ائی گونش اوزلو یار، گونشدن قاباق
یولوما نور چیله، گل سحر-سحر.
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
«همت شهبازی»
🌿 ۲۲ ایول (ژوئیه = تیر آیینین ۳۱ده) ۱۸۷۵ ده #اکینچی قزئتی ایلک آنا دیللی قزئت اولاراق نشر اولور
✍️ #آذربایجان آیدینلانما دؤورونون ایلکینده فتحعلی آخوندزادهنی، اورتاسیندا « #اکینچی»لری، سونوندا ایسه «ملانصرالدین»چیلری گؤروروک. بونلار آنا دیللی یازان نمایندهلردیر. بوگروپلاشمانی دؤورون معین ائدیجی شخص و یا آخیملاری ایله آدلاندیرماق او معنادا دئییل کی بونلاردان سونرا، باشقالارینین تاثیری اولمامیشدیر. بونلارین ایچینده معین آیدینلاری دا یئرلشدیرمک اولار. اونلارین بعضیلرینه اشاره ائدیرم: آخوندزاده گروپو آذربایجان آیدینلانماسینین ایلکین گروپو اولاراق عباسقلی باکیخانوف، قاسیمبی ذاکیر، ایکینجی یعنی «اکینچی»لر گروپونا حسنبی زردابی، سیدعظیم شیروانی، محمدباقر خلخالی، و اوچونجو یعنی ملانصرالدینچیلر گروپونا جلیل محمدقلیزاده، میرزهعلیاکبر صابر، معجز شبستری و... داخیل ائتمک اولار. بونلارین ایچریسینه فارس دیلینده یازان آیدینلاریمیزی او جوملهدن: زینالعابدین مراغهای، طالبوف تبریزی و باشقالارینی دا ایستهسک آرتیراق، آیدینلانمانین سون دورومونا آرتیرماق اولار. بونلاردان ایلک و سونونجولار، داها چوخ کولتورل و انتئلئکتوال دوشونجهیه اوستونلوک وئریرلر. اورتادا قالانلار ایسه، داها چوخ صنایعلشمه و اقتصادی حرکتلره. بونلاری اثرلریندن ده سئزمک اولار: اکینچیلر عمومیتله فابریکالار حاقدا، تجاری علاقهلر و اقتصادی آلوئرچیلیکله ماراقلانیرلار. حتتا بعضا تعلیم تربیه حاقدا یازدیقدا دا، بو استقامتی آرخادا ساخلامیرلار. و یاخود طالبوف تبریزینین علمیکیتابلاری، سؤزونو ائتدییمیز اؤزللیکلری قاوراییرلار. مشروطه دؤورونون یئنیچیلرينه عاید اولان طالبوف، یئنیلیین اساسینی علمين ماهيتيني دَييشيدیريب گليشمهسي ايله باغلي بيلير. اونون فيكرينجه علم، عنعنهچیلييندن ال گؤتورمهلي و يئني ايلكهلرله و چاغين گئديشاتي ايله ايرهليلهمهليدير.
آذربایجان دوشونجه آخارینین دَییشیلمهسینده ایلک آیدینلانما متفکرلرینین اؤنملی رولو واردیر. بونلار، ایرهلیلهمهنین ضیددینه اولان بوتون شابلونلاشمیش ساحهلرین قورولوشونو پوزماق ایستهییرلر. اونلارین دوشونجهلری سیستماتیک اولماسا دا اساس ساحهلره او جوملهدن: تحصیل (اؤرنک اوچون «اکینچی» قزئتینده گئدن مباجثهلر) دینی خورافهلردن آرینماق (م.ف. آخوندزاده، ح. زردابی، ج.محمدقلیزاده)، علمی دیل یاراتماق (علیبَی حسینزاده، زردابی،...)، عمومکوتله خئیرینه اولان اساسی و اجتماعی قانونلار یاراتماق (حاجی زینالعابدین مراغهای، زردابی)، تجروبی علملری انکشاف ائتدیرمک (طالبوف تبریزی، زردابی)،... توخونورلار. بو متفکرلر آیدینلانما متفکرلری اولاراق عنعنهوی قورولوشون[ساختار سنتی] دَییشیلمهسینده و مدرنلشمهدؤورونه کئچید آلماسیندا اؤنملی رول اویناییرلار.
👇👇👇
#آذربایجان_شعرینده_مدرنیزم کیتابیمدان صص ۶-۴۵
قایناق: دوشرگه
https://t.me/Adabiyyatsevanlar
🌿 ۲۲ ایول (ژوئیه = تیر آیینین ۳۱ده) ۱۸۷۵ ده #اکینچی قزئتی ایلک آنا دیللی قزئت اولاراق نشر اولور
✍️ #آذربایجان آیدینلانما دؤورونون ایلکینده فتحعلی آخوندزادهنی، اورتاسیندا « #اکینچی»لری، سونوندا ایسه «ملانصرالدین»چیلری گؤروروک. بونلار آنا دیللی یازان نمایندهلردیر. بوگروپلاشمانی دؤورون معین ائدیجی شخص و یا آخیملاری ایله آدلاندیرماق او معنادا دئییل کی بونلاردان سونرا، باشقالارینین تاثیری اولمامیشدیر. بونلارین ایچینده معین آیدینلاری دا یئرلشدیرمک اولار. اونلارین بعضیلرینه اشاره ائدیرم: آخوندزاده گروپو آذربایجان آیدینلانماسینین ایلکین گروپو اولاراق عباسقلی باکیخانوف، قاسیمبی ذاکیر، ایکینجی یعنی «اکینچی»لر گروپونا حسنبی زردابی، سیدعظیم شیروانی، محمدباقر خلخالی، و اوچونجو یعنی ملانصرالدینچیلر گروپونا جلیل محمدقلیزاده، میرزهعلیاکبر صابر، معجز شبستری و... داخیل ائتمک اولار. بونلارین ایچریسینه فارس دیلینده یازان آیدینلاریمیزی او جوملهدن: زینالعابدین مراغهای، طالبوف تبریزی و باشقالارینی دا ایستهسک آرتیراق، آیدینلانمانین سون دورومونا آرتیرماق اولار. بونلاردان ایلک و سونونجولار، داها چوخ کولتورل و انتئلئکتوال دوشونجهیه اوستونلوک وئریرلر. اورتادا قالانلار ایسه، داها چوخ صنایعلشمه و اقتصادی حرکتلره. بونلاری اثرلریندن ده سئزمک اولار: اکینچیلر عمومیتله فابریکالار حاقدا، تجاری علاقهلر و اقتصادی آلوئرچیلیکله ماراقلانیرلار. حتتا بعضا تعلیم تربیه حاقدا یازدیقدا دا، بو استقامتی آرخادا ساخلامیرلار. و یاخود طالبوف تبریزینین علمیکیتابلاری، سؤزونو ائتدییمیز اؤزللیکلری قاوراییرلار. مشروطه دؤورونون یئنیچیلرينه عاید اولان طالبوف، یئنیلیین اساسینی علمين ماهيتيني دَييشيدیريب گليشمهسي ايله باغلي بيلير. اونون فيكرينجه علم، عنعنهچیلييندن ال گؤتورمهلي و يئني ايلكهلرله و چاغين گئديشاتي ايله ايرهليلهمهليدير.
آذربایجان دوشونجه آخارینین دَییشیلمهسینده ایلک آیدینلانما متفکرلرینین اؤنملی رولو واردیر. بونلار، ایرهلیلهمهنین ضیددینه اولان بوتون شابلونلاشمیش ساحهلرین قورولوشونو پوزماق ایستهییرلر. اونلارین دوشونجهلری سیستماتیک اولماسا دا اساس ساحهلره او جوملهدن: تحصیل (اؤرنک اوچون «اکینچی» قزئتینده گئدن مباجثهلر) دینی خورافهلردن آرینماق (م.ف. آخوندزاده، ح. زردابی، ج.محمدقلیزاده)، علمی دیل یاراتماق (علیبَی حسینزاده، زردابی،...)، عمومکوتله خئیرینه اولان اساسی و اجتماعی قانونلار یاراتماق (حاجی زینالعابدین مراغهای، زردابی)، تجروبی علملری انکشاف ائتدیرمک (طالبوف تبریزی، زردابی)،... توخونورلار. بو متفکرلر آیدینلانما متفکرلری اولاراق عنعنهوی قورولوشون[ساختار سنتی] دَییشیلمهسینده و مدرنلشمهدؤورونه کئچید آلماسیندا اؤنملی رول اویناییرلار.
👇👇👇
#آذربایجان_شعرینده_مدرنیزم کیتابیمدان صص ۶-۴۵
قایناق: دوشرگه
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
اوزل وئرلیش
رقیه کبیری ایله اوزاوزه دانیشیق.(2)
بوگئجه: 1400/5/12
ساعات: 22 «ادبیات سئونلر کانالیندا»
https://t.me/Adabiyyatsevanlar
رقیه کبیری ایله اوزاوزه دانیشیق.(2)
بوگئجه: 1400/5/12
ساعات: 22 «ادبیات سئونلر کانالیندا»
https://t.me/Adabiyyatsevanlar
اوزل وئرلیش؛
قونو: کینایهلرین یارانیشی (15)
حیوانلارا عایید اولان کینایهلر
بو گئجه : 1400/5/11
ساعات: 22«ادبیات سئونلر کانالیندا»
اوزمان:«میرحسین دلدار بناب»
https://t.me/Adabiyyatsevanlar
قونو: کینایهلرین یارانیشی (15)
حیوانلارا عایید اولان کینایهلر
بو گئجه : 1400/5/11
ساعات: 22«ادبیات سئونلر کانالیندا»
اوزمان:«میرحسین دلدار بناب»
https://t.me/Adabiyyatsevanlar
#«حسن_ریوندی» نین ایشلری طنزدیرمی؟
«ایلقار_موذن_زاده»
#طنز دوشونر #ادبیاتچیلارین مسئولیت و گؤرهولیلیک حیسسیدیر. اونلار کَسکین و ایتی گؤزلری ایله پرده آرخاسیندا اولان حقیقتلری گؤروب، اثرلرینده یئرلشدیریرلر. بیر مسالهلر کی عموم اینسانلار اونو بیان ائتمکدن قورخور.
طنز اینسانی دوشوندورمهلیدیر و اونون ویجدانینی تحریک ائدیب، اونون اویاقلیق و آییقلیغینا سبب اولمالیدیر. طنزده هدف گولدورمک و #تفریح دئییل، هدف عموم میللتی دوشوندورمک، حاکیم گوجلره ایسه بیر فیسکه(تلنگر) وورماقدیر.
حسن ریوندینین بیر چوخ ایشلرینده موضوع و هدف بدبختلیکلری #مسخره ائتمکدیر. طنز آدلاندیریلان ایشلرده هدف گولوب، تفریح ائدیب ائیلنمک دئییل؛ آماج خطاکارلاری متوجه ائتمکدیر.
اونون و بیر چوخ #طنزپردازلارین برنامهلرینده کی #بدبخت آداملار، اؤز بدبختلیکلرینه دیزلرینه وورور، گؤزلریندن یاش گلنه قدر گولوب، اورکلری کئچیر. بو هر بیر #جامعهنین فاجیعهوی شکیلده برباد وضعیتینه دوشمهسینین گؤسترگهسیدیر.
ایندیکی #سیاسی_اجتماعی اتمسفرده، بو و بونلارا تای طنز ایشینده چالیشانلارین ایشلرینین بیر چوخ قیسمی تاسسوف کی، قضیهیه یالنیز اقتصادی باخیب، اؤزلرینه قازانجلی بیر حرفه کیمی قاباغا آپارماقدیر؛ دئمک ایشین دهیهرینی یئندیرمهیه چالیشیب، باشقا پئرفورمانس تاپیشدیرماقدیر. بو سایاق پئرفورمانسلار جامعهدهکی بدبختلیکلری اعتیراضدان آییریب، اونو جوکا چئویریر.
دئمک طنزپردازین ایشی میللتی اؤز بدبختلیکلرینی مسخره ائتمهیه یؤنلندیرمک دئییل، میللتین شعورونو اونلارین یاخاسینی توتان دردلرله تانیش ائدیب، بو دوشونجهلرله «#مطالبه ائتمک» روحیهسینی تقویت ائتمکدیر.
#هجو ژانرینا گلدیکده، هجو مسخره ائدیب ایشده یامان یوووز ایشلهتمکدیر. #هزل دریده، آچیق ساچیق، آبارتیلمیش، کؤبود و چیلپاق بیر قالیبدیر کی هدفی یالنیز گولدورمک و موجود اولان هنجارسیزلیقلارلا ائیلهنمکدیر. باش قال ائتمک و محض شوخلوق بو ژانرین خصوصیتلریندن ساییلیر.
اؤزت اولاراق دئمک ایستهسک، هزل جامعهنین موجود هنجارسیزلیقلارینا یالنیز و یالنیز گولمکدیر، طنز ایسه اونلاری اورتادان قالدیرماقدیر و بو طنزدیر کی دهییشیکلیکلره سبب اولور. طنز داغیدیب تزهدن تیکلمکدیر، هجو هنجارسیزلیقلارا یامان دئمک، هزل ایسه اونلارا گولمک.
قایناق: بولاق درنگی
https://t.me/Adabiyyatsevanlar
«ایلقار_موذن_زاده»
#طنز دوشونر #ادبیاتچیلارین مسئولیت و گؤرهولیلیک حیسسیدیر. اونلار کَسکین و ایتی گؤزلری ایله پرده آرخاسیندا اولان حقیقتلری گؤروب، اثرلرینده یئرلشدیریرلر. بیر مسالهلر کی عموم اینسانلار اونو بیان ائتمکدن قورخور.
طنز اینسانی دوشوندورمهلیدیر و اونون ویجدانینی تحریک ائدیب، اونون اویاقلیق و آییقلیغینا سبب اولمالیدیر. طنزده هدف گولدورمک و #تفریح دئییل، هدف عموم میللتی دوشوندورمک، حاکیم گوجلره ایسه بیر فیسکه(تلنگر) وورماقدیر.
حسن ریوندینین بیر چوخ ایشلرینده موضوع و هدف بدبختلیکلری #مسخره ائتمکدیر. طنز آدلاندیریلان ایشلرده هدف گولوب، تفریح ائدیب ائیلنمک دئییل؛ آماج خطاکارلاری متوجه ائتمکدیر.
اونون و بیر چوخ #طنزپردازلارین برنامهلرینده کی #بدبخت آداملار، اؤز بدبختلیکلرینه دیزلرینه وورور، گؤزلریندن یاش گلنه قدر گولوب، اورکلری کئچیر. بو هر بیر #جامعهنین فاجیعهوی شکیلده برباد وضعیتینه دوشمهسینین گؤسترگهسیدیر.
ایندیکی #سیاسی_اجتماعی اتمسفرده، بو و بونلارا تای طنز ایشینده چالیشانلارین ایشلرینین بیر چوخ قیسمی تاسسوف کی، قضیهیه یالنیز اقتصادی باخیب، اؤزلرینه قازانجلی بیر حرفه کیمی قاباغا آپارماقدیر؛ دئمک ایشین دهیهرینی یئندیرمهیه چالیشیب، باشقا پئرفورمانس تاپیشدیرماقدیر. بو سایاق پئرفورمانسلار جامعهدهکی بدبختلیکلری اعتیراضدان آییریب، اونو جوکا چئویریر.
دئمک طنزپردازین ایشی میللتی اؤز بدبختلیکلرینی مسخره ائتمهیه یؤنلندیرمک دئییل، میللتین شعورونو اونلارین یاخاسینی توتان دردلرله تانیش ائدیب، بو دوشونجهلرله «#مطالبه ائتمک» روحیهسینی تقویت ائتمکدیر.
#هجو ژانرینا گلدیکده، هجو مسخره ائدیب ایشده یامان یوووز ایشلهتمکدیر. #هزل دریده، آچیق ساچیق، آبارتیلمیش، کؤبود و چیلپاق بیر قالیبدیر کی هدفی یالنیز گولدورمک و موجود اولان هنجارسیزلیقلارلا ائیلهنمکدیر. باش قال ائتمک و محض شوخلوق بو ژانرین خصوصیتلریندن ساییلیر.
اؤزت اولاراق دئمک ایستهسک، هزل جامعهنین موجود هنجارسیزلیقلارینا یالنیز و یالنیز گولمکدیر، طنز ایسه اونلاری اورتادان قالدیرماقدیر و بو طنزدیر کی دهییشیکلیکلره سبب اولور. طنز داغیدیب تزهدن تیکلمکدیر، هجو هنجارسیزلیقلارا یامان دئمک، هزل ایسه اونلارا گولمک.
قایناق: بولاق درنگی
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.