ادبیات سئونلر

"سؤز فیدانلاری" کیتابینداکی دقّتیمی چکن دیگر بیر مقاما توخونماق ایسته‌ییرم. عصرین دینامیکاسینا اویغونلاشماق ایسته‌یی، فانتاستیکایا مئیل، پلانئتار زیروه جان آتیمی، جغرافی گئنیشلیک نیّتی. بو باخیمدان، نرگیز والئحلی‌نین "کوسموسا گئتمک ایسته‌ین قیز" حکایه‌سی، شؤوکت اسماعیل‌زاده‌نین "ائیفئلین زیروه‌سینده" شعرینده‌کی ایدئا و اوبرازلار عالمی اونلارین گله‌جک یولونو معیّن‌لشدیرمه‌یه ایمکان یارادیر.

"قوپوز هارایی"(آی‌سو بایرام‌اووا)، "دده‌م قورقود"(نورانه اسماعیل اووا)، "چال تانری"(اؤلوی باغیراوو) شعرلرین ایسه عکسینه، ائپوس سیقلئه‌تی، درین‌لیک اؤلچولری ایله دقّت چکیر. کؤکله زیرون، منشأ ایله بو گون، تاریخ‌له چاغداشلیق آراسیندا علاقه‌لرین درکی، کئچمیشین قهرمانلیق و مودریک‌لیک یولونو چاغیمیزا اؤتورولمه‌سی چاباسی بو گون اولتورا معاصرلیک دبی‌نین، پوست مودئرن تمایولون تأثیری آلتیندا قالاراق میللی-معنوی دیرلریندن اوزاقلاشان بیر قیسم گنجلره قارشی لازیملی دیره‌نیش اوصولو، اؤرنه‌یی‌دیر.

بو کیتابدا منی ان چوخ دویغولاندیران عامل اوشاقلارین وطن سئوگیسی، قاراباغ مثل‌لرینه باخیش، محاربه ایله باغلی دوشونجه‌لری اولدو. کیتابداکی متنلر آراسیندا والدین(ژاسمین کریملی، مراد کریم اوو، نرمین جعفرزاده، نیگار علی‌یئوا، پروین احدزاده، آی‌سو بایرام اووا)، معللیم(نسرین حسنلی)، دوستلوق(فاطمه ایوب اووا، سئلجان اومود اووا، عایشه نقی‌یئوا)، حیات سئوگیسی(ارزو رضایئوا) موضوع‌لاری یئر آلسا دا، بؤیوک اکثریتی قاراباغا، اونو آزاد گؤرمک آرزوسونا حصر اولونوب. فیدان حاجی‌یئوا، مراد کرم اوو، نیگار امیر آسلان اووا، آیلین محمد اووا، آی‌سو بایرام اووا، شهلا علی‌یئوانین شعرلریندن آزاد آذربایجانی گؤرمک ایسته‌یی، مه‌پاره یوسفی‌نین "اونودولمایان گئجه" حکایه‌سینده‌کی قیسا یانغیسی، سولماز عسگرلی‌نین "شهید آناسی"، "اونودولماز گون" حکایه‌لرینده آوتوبیوقرافیک جیزگیلرین یئر آلدیغی مقاملار گنج‌لییین محاربه‌یه باخیشینی بوتون آلت شعور تصویرلری ایله مختلف امکان یارادیر.

وطن بو اوشاقلارین ان بؤیوک سئوگیلری‌نین آدی‌دیر. بیز قاراباغ‌سیز بیر نسلین یئتیشمه‌سیندن ناراحات ایدیک. آمما بوردور، همین او نسلی قاراباغی ازاد ائتدی، اوسته‌لیک، اوره‌یی، وارلیغی یورد سئوگیسی ایله دوپ-دولو یئنی بیر گنجلیک فورمالاشماقدادیر.
بو کیتاب ۲۰۱۹-جو ایلده چاپ اولونوب. او زامان هله نه ۲ قاراباغ ساواشی‌نین روزگارلاری اسیردی، نه دن ادبیاتیمیز وطن‌پرورلیک موضوعسونا مناسبته اوپتیمیستباخیش سرگیله‌ییردی. عموماً، ادبیاتیمیزدا ۳۰ ایله یاخین بیر دؤورده قاراباغ مسئله‌سی ایله باغلی حکم سورن مینور چالار داوام ائدیردی. بئله بیر مقامدا سن دئمه، "کاسپی" لیسئیی‌نین اغ شهر فیلییائی‌نین ۶ صینیف شاگردی ارزو قدیم اووا "گونایین خیالی"
آدلانان حکایه‌سینده اینانیر و ایناندیریردی کی، اونون آناسینا باغیشلادیغی ان گؤزل هدیه شوشادان دردییی ببر دسته خاری بوابول اولاجاق:

"- قیزیم، یقین، خاری بولبولون آذربایجاندا ان چوخ هارادا بیتمه‌سی خاققیندا دت معلوماتا راست گلدین.

-هه، آتا، کیتابدا ان چوخ قاراباغدا، شوشادا بیتمه‌سیندن یازمیشدیلار.

- ایندی همین اراضی‌لر ائرمنی تاپداغی آلتیندادیر. تئزلیک‌له توپراقلاریمیز ایشغالدان ازاد اولاجاق و من سنی اورایا آپاراجاغام.

-اینشالله، آتا، من او گونو صبیرسیزلیک‌له گؤزله‌ییرم.

گونای اوتاغینا گیتدی، آنجاق باشیندا خیال‌لار دولانیردی. گؤزلرینی یومان گونایین اوزوندن بیر تبسّوم واردی.
آرتیق او، خاری بولبول دریب آناسینا لیر دسته دوزه‌لتمیشدی".

بلی، بو اوشاقلار اوزاق گؤرن نوتلارلا شوشادان خاری بولبول دریب دسته دوزه‌لده‌جه‌یینه اینانیردیلار، دوشمانا قان اوددوروب شهید اولموش دوغمالاری‌نین قصاصینی آلیردیلا ، بیر اولوب مین دیریلن موباریزه‌لرین حرب مئیدانیندان قالیب چیخاجاقلاریندان اومیدلرینی کسمه‌ییردیلر. غریبه‌دیر کی، "سؤز فیدانلاری" کیتابیندا، بو کیچیک یاشلی وطن‌پرورلرین اود نفسینده من «ll» قاراباغ ساواشی‌نین روحونو، جوشقوسونو، معنوی قدرتینیگؤردوم.
حتّی اونلارین آراسیندا( نورچین اسدزاده‌نین "نورآی‌ین ان بؤیوک آرزوسو " حکایه‌سینده) ۲ قاراباغ ساواشی‌نین یگانه شهید خانیمی اولان آرسته باخیش اووانین اوبرازی بئله وار ایدی.

بو کیتاب گنجلرین - سؤز فیدانلاریمیزین یاشانتی‌لاری‌نین مقیاسی‌دیر و گله‌جک خوایالاری، تحت‌الشعاع‌لاریندان یازییا تؤکولموش ایستک و آرزولاری ایله عومور و کؤنول تجربه‌سی‌نین تظاهرودور.

https://t.me/Adabiyyatsevanlar