جناب غفور امامی‌زاده‌نین قیرمیزیم آدلی حیکایه توپلوسونون آراشدیرماسی

اوزمان:جناب شریف مردی

https://t.me/Adabiyyatsevanlar

جناب غفور امامی‌زاده‌نین قیرمیزیم آدلی حیکایه توپلوسونون آراشدیرماسی

اوزمان: جناب شریف مردی

https://t.me/Adabiyyatsevanlar

.

فایل pdf داستان کوتاه قیرمیزیم
اثر غفور امامی زاده خیاوی
برنده جایزه بهترین داستان جهان تورک در بزرگترین مسابقه ادبی جهان ترک « محمود کاشغری »

کتاب "قیرمیزیم" شامل مجموعه داستانهای برگزیده، در کتابفروشی دنیز ( آشاغی چهارراه ) مشکین شهر موحود است.

https://t.me/Adabiyyatsevanlar

اوُیکو
سو اوُزوُنده(روی آب)
گی‌دو موپاسان
چئویرمه: محمدرضا نوازی

کئچن یای، پاریس شَهَرینین نئچه آغاجلیغیندا "سِن" چایینین یاخینلیغیندا، بیر یئیلاق ائوی ایجاره ائله‌دیم، گئجه‌لر یاتماق ایچین اورا گئدیردیم. نئچه گون قالدیقدان سونرا، قونشولارین بیرایله تانیش اولدوم.
اوتوز-قیرخ یاشیندا بیر عجیب غریب کیشی، بئله بیر اینسان عومورده گورمه‌میشدیم. او بیر اوزمان قاییقچی، همیشه سویون قیراغیندا، ایچینده، یوخسا اوزونده اولاردی!
هئچ ده شوبهه ائتمیردیم او قاییق ایچینده دوغولوب، ائله عومرونون سون گونلریده قاییق ایچینده اولاجاق، عومورو اوردا بیته‌جک.
بیر گئجه سن چایینین قیراغیندا گزدیکده، اوندان ایسته‌دیم قاییقچیلیق اولای‌لاریندان بیر خاطیره سویله‌سین.
سئویندی، آرتیقجا هیجانلی اولدو، سَسی همده دانیشیق ترزی دئییشیلدی. سانکی بیر ادیب شاعیر اؤنومده دورموشدور.
او قیزغین جوشقون و سارسیلماز اوریی وارییدی. او سئودا اوره‌ک‌لی و سو وورغونویدو. منه ساری چوندو. دئدی:
آه، بئینیمده نه قدر آنیلار وار "سِن" چاییندان. ائله یانیمیزداکی بو چای، باخ بو آخار چای.
آخی سیز شهر خیاوانلاریندا یاشایان اینسانلار نه بیلیرسیز، چای ندیر!
ایندی اوتور بیر بالییقچیدان ائشیت. گور نه‌لر سویله‌یه‌جک"
چای" بیر بالیقچییا چوخ تانینماز، سئحیرلی اوهام‌لی بیر یئرلردیر. ائله بیر یئر کی، گئجه‌لر،اینانیلماز و اولمایان بیر شئی‌لر گوروروک. عومورده ائشیتمه‌دییمیز سسلر ائشیدیریک. بیر قبیرسیز قبریستانا بنزه‌ییر. قارانلیقدا آی باتان چاغدا، چای گورونمور. بیر گَمیچی هیچ واخت دریایا بئله حیسی اولمور. باخمایاراق کی دریا داش اورک‌لی و رحیم‌سیز دیر.
امما کوکره ییر اوُ.
اینیلده‌ییر. کوشولتو سالیر اوُ.
بویوک دریا دوغروجول دیر. دوز دانیشیر. بونا راغمن چای سسسیز، اعتبارسیز همده ساتقین دیر. چای گورولتو سالمیر. نعره چکمیر. همیشه سَسسیزجه آخیر.
بو سسسیزلیک آنا دنیز دالغالاریندان دا قورخونج دیر. خیالات‌چی اینسانلار ائله دوشونورلر، دریا دؤشونون اوستونده ماوی بویالی گئنیش یوردلاری گیزله‌ییب. بیر یئر کی بؤیوک بالیق لار آراسیندا غرق اولموش اینسان‌لار، اوردا گزیرلر.
چای بیر قارا قویویا بنزه‌ییر کی اینسان‌لار او قویو ایچینده قوخویورلار.
بونلارا باخمایاراق، چای گوزل دیر. او زامان کی پارلاق گون آلتیندا پارلاییر.

شاعیر آنادنیز(اقیانوس) حاقدا بئله دئییر:

ائی دالغالار!
یانیق‌لی اولای لاردان هر نه بیلرسیر،
ائی درین دالغالار!
دیز اوسته چوکموش قرارسیز آنالاردان هر نه بیلرسیز،
سو اوسته قالخان زامان،
سویله‌یین بیزه
بونلار سسنیزی حوزون‌لی ائدیر،
آخشام اوستو بورا قاییدان زامان.

هه....ناغیل‌لار کی اینجه نِی‌لَریله،یوموشاق سس‌له پیچیلداییر، نه قدر یوموشاق اولسادا، حوزون‌لی درام‌دان و کوکره‌یین دالغالاردان سویله ییرسه، یئنه ده قورخونج دیر.
ایندی کی ایسته‌ییرسن بیر خاطیره سویله‌ییم، اون ایل اؤنجه بوردا باش وئرمیش بیر اوزل اولای‌دان دانیشیرام.
او زامان دا ایندی‌دک "لافون" دا یاشاییردیق "لویی برنه" آدلا بیر دیرلی امکداشیم ایندی قاییقچیلیغی بوراخیب دولتی ایش ده چالیشیر، ایکی آغاجیلیق آشاغیدا بیر کند ده یاشاییردی.
گئجه‌لر بیرلیک ده شام یئییردیک.
هردن منیم ائویمده،هردن اونون ائوینده.
بیر گئجه‌ده یالنیزجا قاییدیردیم، ائله کی چتینلیک‌له قاییغی چکیردیم،بیر یئرده دایاندیم بیر آز دینجه‌لیم..
شانلی چاغ،
آی پارلاییردی
سو ایشیلداییردی،هاوا دا مولاییم و نَمیشلییدیر، بونلار منی آزدیردی.اوزوم له دئدیم،بئله هاوادا پیپ یاپیشار.
"هر اولای دوشونجه دن آسیلی دیر"
لنگری گوتوردوم،سویون ایچینه آتدیم.
قاییق سویون آخاریلا ،آشاغی گئدیردی،یئرینده دایاندی.آرخاسینا سوکندیم.هئچ بیر سس ائشیدیلمیردی.
سانکی دنیز قیراغیندا کیچیک بیر دالغا سسی حیس ائدیردیم.
آردی وار...

https://t.me/Adabiyyatsevanlar

چای‌دا سَس‌سیزجه آخیردی. آمما بو اینانیلماز سَسسیزلیک قاپسامیشدی منی، قرارسیز ائدیردی منی، بوتون حئیوان‌لار و بو گئجه چاغی باتلاق اوخویانلاری، یاشیل قورباغالار سوسموشدورلار.
بیردن، ساغ یانیمدان بیر قورباغا قورولداماغا باشلادی. تیتره‌دیم، قورباغا سوسدو. هئچ بیر سس ائشیتمه‌دیم داها. ایسته‌دیم بیر آز پیپ چکیم، بلکه باشیم قاریشسین. باخمایاراق کی توستو اوزومانییدیم، داوام ائده بیلمه‌دیم.
ایکینجی پوک ووران زامان حالیم قاریشدی. بوراخدیم. یاواشجا اوخوماغا باشلادیم.
سسیمین کوُیلتوسو تحمل ائتمه‌لی دئییل دیر.
قاییغین دیبینه اوزاندیم، گوُی اوزونه گوز تیکدیم. بیر آز ساکیت قالدیم.
امما چوخ چکمدی قاییغین حرکت ائتمه‌سی تشویشه سالدی منی. ساندیم کی گورونمز بیر شئی، قاییغی سَس‌سیزجه درینلیگه چکیر. یئنی‌دن اوسته چکیر و بیرداها بوشلاییر سونرا، ائله کی بوراخیلسین. سانکی قاسیرقا ایچینده گیر ائتمیشدیم. اویان بویانا چکیلیردیم. سسلر ائشیدیردیم.
آیاغا قالخدیم. سو پارلاییردی. هر یان سکوت ایچینده، سینیرلاریم سارسیلیب پوزولموشدور. یولا دوشمه‌گه باشلادیم. زنجیری چکدیم. قاییق ترپندی. هاما اوسته گلمه‌دی. بَرک چکدیم. لنگر چوله گلمه دی. سانکی بیر شئ‌یه ایلیشمیشدی، یوخاری گلمیردی. بیر داها یوخاری چکمک ایسته‌دیم. هاما یارارسیز.
هله ده لنگری قالدیرا بیلمه‌میشدیم. چوخ اوفکه‌لندیم. آجیق‌لی حالدا زنجیری لاخلاتدیم یئنه ده یئریندن ترپشمه‌دی.
اومیدسیز اولمادیم. اؤز حالیما فیکرلشدیم. زنجیری قیرماق ایسته‌میردیم. قاییق‌دان دا آییرماق ایستمیردیم. بونا گوره کی چوخ قالین زنجیری دیر. و قاباغیندان بیر تیکه یوغون زنجیر وورلموشدور. فیکرلشدیم هئچ ده گئج دئییل، گوزله‌ییم بیر بالیقچی گلسین. بئله آجیناجاق‌لی دوروم بوغموشدو منی. اوتوردوم. دینجلدیم بیر آز. ائله کی پیپ چکمه‌یی باجاردیم. بیر شوشه شکر قامیشی ساخلامیشدیم. ایکی-اوچ لیوان باشیما چکدیم، سونرا اؤز حالیما گولومسه‌دیم،
هاوا گئتدیکجه ایسینیردی. ائله کی گئجه، یونگول پالتارلا دولانا بیلیردیم.
بیر آندا قاییق یاواشجا ترپشدی. یئریمدن اوچدوم، سویوق آلین تَری بورودو منی. سانکی بو سس، سو گتیرمیش بیر تیکه چوبوق‌دان یوکسلمیشدیر. یئنه حیس ائدیردیم تشویش ایچینده بوغولموشام. زنجیردن یاپیشدیم، اومیدسیزجه چالیشماغا باشلادیم. لنگر سسلندی. یورغون اولدوغوما گوره اَل چکدیم. یئریمده دایاندیم. ائله بو آرادا، چای آغ دومان لا آز-آز دولوردو و سویون اوستونه سریلیردی، بیر حالداکی آیاغا دوران زامان، چایی گورموردوم. آیاقلاریمی دا گورموردوم، هئچ قاییغی دا گورموردوم. یالنیز قامیشلارین اوُجونو گوروردوم. و اوُزاقلاردان آرانلیق‌لاری گوروردوم او اوجالاردا ایتالیا قلمه‌لری قارا لکه کیمی گورونوردو. آی ایشیغینین آلتیندا چوللوق داها اوتوزموشدو
سانکی بئلیمه قَدَر بوخچایا سارینمیشدیم.
شاشیردیجی خیال‌لار اوستومه جوموردورلار. بئله دوشونوردوم بیری چالیشیر قاییغیمدا اوتورسون... قارانلیقدان هئچ بیر شئیی آییرد ائده بیلمیردیم.
حیس ائدیردیم اوستونه قارا دومان سریلمیش چای‌دا، شاشیردیجی حیوانلار منه ساری جومورلار. بیر داها شکر قامیشی شوشه‌نی گوتوردوم.. یئکه قورتوم باشیما چکدیم، سونرا بیر فیکیره دالدیم. باشلادیم اوجادان قیشقیرماغا بیر حالدا کی دورد-دوره‌مه فیرلانیردیم. قیشقیرماغا گوجوم قالمادان، اوزاقلاردان بیر ایت زینگیلتی‌سی ائشیتدیم. یئنه ایچدیم. قولاج-قولاج قاییغین دیبینده یاتدیم. بلکه بیر ساعاتلیق او حالدا قالدیم بلکه ده ایکی ساعات یاتمادان کابوسلو آچیق گوزلریمله یوخاری قالخا بیلمه‌دیم.
بونلارا باخمایاراق دلیجه دورماق ایسته‌ییردیم. تئز-تئز اؤزومه گلیب اؤزوم‌له دئییردیم: قالخ آیاغا!
آمما حرکت ائتمکدن قورخوردوم‌. سونرا چوخ احتیاط‌لا آیاغا دوردوم. سانکی آز سسلر ده قورخودوردو منی. دنیزین قیراغینا باخدیم
شاشیردیجی گورونتولری گوردوک‌ده حئیران اولدوم. واهیمه‌لی گورونتولر، پری‌لر یوردو، ائله بیر یئرلر کی اوزاق‌دان گلن یولچولارین سوزلرینه اینانمادان ،قولاق آسیردیم سوزلرینه.
ایکی ساعات اؤنجه سو اوزونده یاییلان چَن گئری چکیلیردی. و قیراقلاردا توپلانیردی. مِه چایین اوستوندن چکیلندن سونرا، آلتی-یئتدی مئتر اوجالیقلاردا بیر آشیریم دک گوُرونوردو.
اوجا آشیریم، آق قار و آی ایشیقی آلتیندا پارلاییردی، ائله کی ایکی داغ آراسیندا، پارلایان چای‌دان گئری بیر شئی گورونموردو. بؤیوک شانلی "آی" باشیمین اوستونده و ماوی گوی ده پوز وئریب اؤزونه اوُیونوردو.
بوتون سو سئور حئیوان‌لار اویانمیشدیرلار.
قورباغالار سئوینج‌له قورولداییردیلار.
ائله کی هر دن ساغ سولومدان قورباغالارین کیچیک و حزین سسلرینی ائشیدیردیم.
سسلری اولدوزلارا چاتیردی. ماراقلی بوراسی دیر،
داها قوخموردوم.
آردی وار...

https://t.me/Adabiyyatsevanlar

بئله شاشیردیجی گورونتولر آراسیندا تعجب ائتمیردیم داها. زامانین نئجه کئچدیگینی دوشونمه‌دیم.
آزجا مورگوله‌دیم.گوزومو آچاندان سونرا، آی گورونموردو. ..گیزلنمیشدی. ..گوُی چن له دولموشدور.
گوزل "سو" سیخینتیلی حالدا دالغالانیردی. یئل اسیردی. هاوا سویوق اولموشدور.
قارانلیق اوستونله‌میشدیر.دیبینده قالمیش شکر قامیشینی باشیما چکدیم. سونرا بوروشموش قامیش‌لارین و سویون شوم سسینی دینله‌دیم.چالیشیردیم گوره‌م، آمما قاییغی سئچه بیلمیردیم... گوزلریمه یاخینلاشمیش اَللریمی ده بئله گوره بیلمیردیم. هاما بونلارا باخمایاراق خیمیر-خیمیر قارانلیق آزالیردی. بیر آن حیس ائله‌دیم، بیر کوُلگه یانیمدا تیتره‌ییر.
باغیردیم.
-بیر سس جاواب وئردی منه.
بیر بالیقچییدی.
سسله‌دیم اونو
یاخینلاشدی منه.
تام اولایلاری بیلدیردیم اونا، سونرا او بالیقچی قاییغین منیم قاییغیم‌لا اوز-اوزه قویدو، ایکیمیزده قاندالی چکدیک.. .لنگر یئریندن دبریمه‌دی. گئجه سونا چاتاراق، ایشیقلاندی، دومانلی چنلی. توتقون همده سویوق گون، ائله بیر حوزون‌لی گون کی نیسگیل گتیریردی.
آیریجا بیر قاییق گوردوک.
بیرلیک ده سسله دیک.
او قاییغی دولاندیران کیشی ده بیزه قوشولدو.
سونرا یاواشجا دایاندی لنگر، یوخاری‌یا قالخدی.
چوخ آغیر اولدوغونو حیس ائدیردیک.
قارا بیر شئی گوردوک.
منیم قاییغیما گتیردیک اونو.

آه... آه....
بوینونا بیر بؤیوک داش باغلامیش، یاشلی بیر قادین جسدی!!


https://t.me/Adabiyyatsevanlar

اوُیکو
سو اوُزوُنده(روی آب)
گی دو موپاسان
چئویرمه: محمدرضا نوازی

کئچن یای،پاریس شَهَرینین نئچه آغاجلیقیندا "سِن" چایینین یاخینلیقیندا،بیر یئیلاق ائوی ایجاره ائله دیم،گئجه لر یاتماق ایچین اورا گئدیردیم.نئچه گون قالدیقدان سونرا،قونشولارین بیرایله تانیش اولدوم.
اوتوز-قیرخ یاشیندا بیر عجیب غریب کیشی،بئله بیر اینسان عومورده گورمه میشدیم.او بیر اوزمان قاییقچی،همیشه سویون قیراغیندا،ایچینده، یوخسا اوزونده اولاردی!
هئچ ده شوبهه ائتمیردیم او قاییق ایچینده دوغولوب، ائله عومرونون سون گونلریده قاییق ایچینده اولاجاق،عومورو اوردا بیته جک.
بیر گئجه سن چایینین قیراغیندا گزدیکده،...

بو گوزل حیکایه‌نی ادبیات سئونلر کانالیندا اوخویون.

https://t.me/Adabiyyatsevanlar

غفور امامی‌زاده‌نین "قیرمیزیم" آدلی اؤیکوسونه بیر باخیش#
"احمد رستم‌اوغلو"

1

قیرمیزیم اؤیکوسو بیر اوشاغین رئال باخیشیلا آنلادیلیر.
اوشاغین بیر خوروزو وار، خوروز اوشاغین گوجونه گوج قاتیبدیر، مرجلرده همیشه بونا غالیب گَلن چوروک نادر آدلی بیر اوغلانی خوروز اوستونده مرجله‌شرک اودوبدور..‌.
خوروزو کیچیک قارداشی کیمی سئویر، یئمه‌یینی بئله اونونلا بؤلوشور، اونو قوروماغا چالیشیر.
بیر گون بؤیوک قارداشی‌ ریضانین زئرزمی‌ده قیز دوستویلا سئویشدییینه گیزلینجه باخیب، سونرا دا قارداشی‌نین قیز دوستونا یازدیغی مکتوبو زئرزمی‌دن تاپیب گیزله‌دیر.
قارداشی بونو سئزیب، مکتوبو ایسته‌ییر، آمما بو اوشاق هر نه‌یی داناراق مکتوبو قایتارمیر.
بونا گؤره قارداشی‌لا چاتیشمادادیر، قارداشی مکتوبو منه قایتارماسان خوروزون باشینی کسه‌جه‌یم دئیه اونو هَده‌له‌ییر.
اوشاق، قارداشی‌نین هَده قورخوسونا ایناناراق قیرمیزی‌نین باشی‌نین کسیلمه‌یینی دوشوندوکجه اوزولور. چوخلو خوروزون نئجه آغری چکه‌جه‌یینی دوشونور.
مکتبده، معلملری ایله ده بو قونونو دانیشیر، سونرا ائوده بوغازینا بیر پیچاق دایایاراق باش کسیلمه‌یین آغریسینی اؤیرنمک ایسته‌ییر، بوغازینی آزاجیق کسیر، بوغازینین کَسیک یئریندن بیر ایکی دامجی قان دا آخیر.
بو سیناقلاردان، چکیش برکیش‌لردن سونرا، آرتیق دؤزه بیلمه‌ییب مکتوبو قارداشینا قایتاریر.

اولای‌لار نَدن_سونوج باغلانتی‌سیلا بیر بیرینه یاخشی‌جا هؤرولوبدور‌. تکجه بیر یئرده اولایین نَدنی بَللی دئییل؛ اوشاق قارداشی‌نین مکتوبونو نییه گیزله‌دیب؟ نییه قایتارماق ایسته‌میر؟
بو بیر اوشاقلیق عنادی‌دیرمی؟ قارداشی‌نین او ایشیندن‌می آجیقلانیب؟ بلکه بیر خاطره‌لر یادینا دوشوب، بئله بیر صحنه‌نی قاباقجا گؤروب‌مو؟ .‌..
متن‌اوستو باخیشلا دئسک، بونلارین هر بیریسی اولا بیلر.
اوخوجونو دوشوندورن ایکینجی قونو، اؤیکوده ریضانین(بؤیوک قارداشین) یئری‌دیر، بو کاراکتئری آنلاتماقلا یازیچی بیزه نه دئمک ایسته‌ییر؟ ریضانین سئوگی قاریشیق جینسل ایشلرینین بو اؤیکوده رولو نه‌دیر؟
بیر اوشاغین بیر خوروزا سئوگیسینی، اؤلومدن، اؤلدورمکدن قورخوسونو اؤیکوله‌مک اوچون ریضا کاراکتئری نه‌یه گَرکیر؟
بو سورغولارین هامیسی اؤیکوده یانیتلانسایدی، اوخوجونون دوشونمه‌یینه بیر قونو قالمازدی. اؤیکو اوخوجونون بئینینده بئله بئله سورغولار یاراتمالی‌دیر.

ایندی بیر اوخوجو اولاراق، باشقا بیر باخیشلا اؤیکونو اینجه‌له‌یک، متنین آلت قاتینا باخاق، آدینا متن‌آلتی باخیش دئمک اولار.

اوشاغین بیر قیرمیزی خوروزو وار، دوققوز آیلیق‌دی، خوروز اوشاغین گوجونه گوج قاتیبدیر، کوچه‌ده مرجله‌شیرلر، گیزله‌نیر، فیت سسی‌له خوروز بونو تاپمالی‌دیر، خوروز تاپیر، بو دا مرجی قازانیر‌.
بیزده خوروز، ایشیق، آیدینلیق، مبارزه، سئوگی ... سیمگه‌سی‌دیر.
قیرمیز رنگی ده خوروز سیمگه‌سینه چوخ اوخشاییر، مبارزه، ایشیق، سئوگی ..‌. و بیر باشقا میفولوژی آنلامی دا دونیانی دَییشمه، بیر دورومدان باشقا بیر دوروما کئچمه، دوزَن‌سیزلیکدن دوزَنه کئچمه‌دیر. مثال اولاراق اوشاقلیقدان یئتکین‌لییه(بلوغا) کئچمه کیمی. بونو ناغیللاریمیزدا و عاشیق داستانلاریمیزدا چوخ گؤروروک. ناغیللاردا اعدام صحنه‌لرینده شاه قیرمیزی پالتار گئیینیر، اصلی‌ کرم ده حکیم قادین، قیرمیزی دون ایسته‌ییر، دده قورقوددا قیرمیزی چادیر...
قیرمیزیم اؤیکوسونده اوشاق قارداشی‌نین قیز دوستویلا سئویشمه‌سینی گؤرور، اونون مکتوبونو دا آجیقلانیب قایتارماییر.
دئمک بؤیوک قارداشی‌ یئتکین‌له‌شیب، اوشاقلیق‌دان سوووشوب.

بؤیوک قارداش دانیشیغیندا، آتاسی‌نین نئجه چتینلیکله پول قازاندیغینی، خالق آجیندان اؤلرکن بو اوشاق خوروزونا قوزو اَتی یئدیرتدیگینی، خوروزون ائولرینه نئجه ضرر ووردوغونو ..‌. دئییرسه ده سؤزلری اوخوجو ساری‌دان جدی توتولمور، بؤیوک قارداشین سؤزلری اوشاغی ائتگی‌له‌ییب مکتوبو آلماق اوچوندور، تکجه قیز دوستونو دوشونور. خوروزو کسیب قیز دوستونا یئدیرتمک ده ذهنیندن کئچیر.

اوشاق خوروزون عؤمرونون آز اولدوغونا، دئمک اوشاقلیق چاغلاری آز اولدوغونا اوزولور،
آمما معلم‌لری دئمیشکن انسان یاشاسین دئیه بدنینه پروتئین گَرکیر، خوروزلاری کَسیب یئمه‌لی‌دیرلر.
بو کئچید دؤورو، اوشاقلیقدان یئتکین‌لییه کئچمک، آغری‌لی‌‌دیر، خوروزون باشی کسیلمه‌یی کیمی.
مکتوبو قارداشینا قایتارماق ایسته‌میر، یئتکین‌له‌شیب قارداشی کیمی آغ بیر زادی گؤرمک ایسته‌میر. بیر قارا ماژیک‌له زئرزمی‌ده گؤردویو قیزین آغ بدنی‌نی قارالاماق دا اوره‌ییندن کئچیر.
"تورک میفولوژیسینده آغ رنگی دوزنلی‌لیک و کیشی باشلانغیجی آنلامیندادیر، کوزموسو kozmos بیلدیریر‌.
قارا رنگ اؤلومو، خااوسو xaos بیلدیریر،
قیرمیزی بو ایکی‌سینین آراسینی، خااوسلا، کوزموس آراسینداکی آرالیق دونیانی و قادین باشلانغیجی‌نی بیلدیریر."۱
"آردی ایکنجی بؤلومده" 👇

غفور امامی‌زاده‌نین "قیرمیزیم" آدلی اؤیکوسونه بیر باخیش# 2

اوشاق، مکتوبو قارداشینا قایتارارکن اوندان خوروزون باشینی کسمه‌یه‌جه‌یی اوچون سؤز آلماق ایسته‌یه‌نده قارداشی دئییر:
"هله من سربازچیلیغا گئده‌جه‌یم، ایکی ایل سربازچیلیغیم چکه‌جک. اوندان سونرا ایش دالیسیندا اولاجییام، بلکه تاپدیم بلکه تاپمادیم، اَده کیمدی بو وضعیتده منه قیز وئره؟ اوناجان سنین خوروزون دا قوجالیب اؤلوب"

بو دا یئتکین‌لیگین چتینلیکلری، آمما خوروز گئج تئز اؤلمه‌لی‌دیر.

اؤیکوده‌کی اولای‌لار، صحنه‌لر بو یوروملا اویوشور. بو یوروم من کیمی بیر اوخوجونون باخیشی‌دیر، یازیچی بونو بلکه هئچ دوشونمه‌میش، بلکه ده دوشونوبموش.

یازیچی خوروز و قیرمیزی سیمگه‌سینی
دوشونوبموشسه اؤیکونو اوستالیقلا قورقولاییب، خوروز ائله یاشاییشدا گؤردویوموز خوروزلارا بنزه‌ییر، گارسیا مارکزین "آلبایا مکتوب یوخ" ( کسی به سرهنگ نامه نمی‌نویسد) رومانینداکی کیمی بیر خوروزدور، اورادا دا خوروزو کسمک ایسته‌ییرلر، و خوروز بوتون خوروزلار کیمی‌دیر، آمما رومانین آلت قاتینا باخدیقدا خوروزون مبارزه سیمگه‌سی اولدوغو دویولور.

بیزیم یوروملا اویوشمایان اوشاغین یاشینین بَللی اولماماغی‌دیر. البته بو یورومو قیراغا قویساق دا اوشاغین یاشی‌نین بَللی اولماماغی منجه اؤیکوده بیر چاتیشمازلیق‌دیر.

بو یوروما اویغون اون‌اوچ، اون‌دؤرد یاشیندا بیر اوشاق‌ اولمالی‌دیر.
اوشاغین یاشی اؤیکوده دئییلمه‌ییب، بیرینجی پاراگرافدا، کوچه‌ده خوروزو سینادیقلاری صحنه‌ده، اوشاغین دانیشیغیندان یئنی‌یئتمه‌لیک، داها بیر آز دا بؤیوک اولدوغو سئزیلیر:

"چؤپله گلسین پولو .‌..
... قوی یئکه‌لسین دئیه‌رم عمین کتده نه ساتیر...."

آمما سونراکی صحنه‌لرده، مثال اوچون بؤیوک قارداشی مکتبین قاباغیندان اوشاغین الیندن یاپیشاراق ائوه آپارماغی...، و قارداشیلا دانیشدیقلارینین بیر نئچه بؤلومو اوشاغین یاشینی اوخوجونون گؤزونده کیچیلدیر.
معلمله دانیشیغی، سونرا پیچاغی بوینونا دایاماغی، آزاجیق یاشینی بؤیودور.

سس‌ین(لحن‌ین) نئجه کاراکتئر یاراتماغی یاخشی دوشونولمه‌ییب.

بو اؤیکو کاشغرلی اؤیکو یاریشماسینین اؤدولونو قازانیبدیر، بو گؤزل اؤیکونو قیرمیزیم آدلی اؤیکو توپلوسو کیتابیندان اوخویا بیلرسیز.
قیرمیزیم#
غفور امامی‌زاده خیاوی#
ناشر: حکیم نظامی گنجوی
ایل: ۱۳۹۶
۱- Azərbaycan dastanlarında şaman-qəhrəman arxetipi#
Seyfəddin rzasoy#
Bakı- 2015

https://t.me/Adabiyyatsevanlar

✅✅✅سایین کانالداشلار
اوشاق ادبیاتینین امکداشی سفرده اولدغواوچون بوگون اوشاق ادبیاتین دوزمک مومکون اولمادی.ساغلیق اولسا گلن هفته دن گوزل بالا لارین خدمتینده اولاچاغیق.
ادبیات سئونلر.

https://t.me/Adabiyyatsevanlar

شوکت خانیم
کسمه‌ شیکسته

https://t.me/Adabiyyatsevanlar

شعیر:«کامیل قهرمان اوغلو»

بو اؤسگورکلی یولچو آغاجلار
هانسی قبیرلره قان قوساجاقلار
و هانسی بالتالار آنامین
قیسیر دؤشلرینی دوغرایاجاقلار
آخ...
کؤرپه گونش!
دووارلارین یازیق باغیرتیلاری سنی اوچور
اورلانمیش دویغولار
یئتیم کولک لره اکیلیرسه ده
دیلیمده گولل‍ه نن دویون قیشقیریر
بو یورغون دوه لر هارا گئدیرلر؟

ترجمه:«کاظم نظری بقا»

این درختان مسافر سرفه گرفته
به کدامین گور، خون قی خواهند کرد
و کدامین تبرها
پستان های عقیم مادرم را قطعه قطعه خواهند کرد
آخ... خورشید کوچک!
فریادهای بی نوای دیوارها
به سوی تو پرواز می کنند
احساس های خمیده
به سمت کولاک های یتیم اگر هم فرار می کنند
گره گل داده
بر زبان ام فریاد می کشد
این شترهای خسته کجا می روند؟!

https://t.me/Adabiyyatsevanlar

تحکیه‌ده سوکوت:«جوانشیر یوسف‌لی»
حاضیرلایان: ادبیات سئونلر
کوچورن:«ویدا حشمتی»

حکایه‌ده کومپوزیسیا ( ترکیب بندی ) باخیمیندان ایلک و سون جمله‌نین هانسی معنادا باغلی‌لیغیندان، یاخود معناجا آیریلماغیندان، یعنی دانیشیلان احوالاتی یاددان چیخارماق ضروریّتیندن بحث ائتمک اولار؟ یاخود ریتم باخیمیندان. بدیعی اثرده ریتم سس-کوی، آرا وئرمه‌دن دانیشیق یوخ، داها چوخ سوکوت، یعنی ائللیپس بلیرلیه بیلیر. ائللیپس تحکیه‌ده سکوتا یول وئرمه‌سی آنلامینا گلیر، آسانلیقلا آنلاشیلا بیله‌جک جمله، یاخود پاساژین اوستوندن سوکوتلا کئچیلیر. سونا قدر آستا-آستا، معیّن ریتم مدلی داخلینده نقل ائدیلن حادثه تحکیه‌نین بیر مقامیندا باشدان-آیاغا خلاصه ائدیله بیلیر، اولسون کی، بیز بو آنی نظردن قاچیریریق، آنجاق بو بیر واجب اشاره اولدوغوندان سوندا حکماً یادا دوشور و همین قیسادان قیسا خلاصه‌ایله احوالاتین سوندا "دییشن شکلی" اونیکال، هئچ زامان راستلاشا بیلمه‌یه‌جه‌ییمیز فورمدا اوز-اوزه گلیر و معنالارین آشکارلاندیغی یئرلری بیر-بیر گؤستریر. تحکیه‌ده سوکوت معنانین داها دریندن آنلاشیلماسی اوچون واجب کومپونئنت‌دیر ( مؤلفه ). عکس تقدیرده، هر بیر حکایه بدیعی‌لیکدن اوزاقلاشیب پوبیلیستیک ( عمومی ) آکتا دؤنه بیلیر. فیلولوگیولوژییادا ( ادبی اثرلری، دیللری تفحص و صرف، نحوینی تدقیق ائدن علم ) دا بئله‌دیر. زوران آکادئمیک اوسلوب‌دا یازیلان اثرلرده ماهیّت گیزلی قالدیغی، یاخود آنلاشیلمادیغی اوچون اثر عموماً فیلولوژی دوشونجه‌نین چرچیوه‌سیندن چؤله آتیلیر، یعنی لازم‌سیز بیر نسنه اولور.

"آزادلیق نه‌دیر؟" آدلی بیر حکایه وار، اونون ایلک جمله‌سی بئله‌دیر.
"-شاعر، من ها ایسته‌ییرم او احوالاتی یاددان چیخاردام، سن ده هر دفعه گلنده تزه‌دن دانیشماغا مجبور ائدیرسن. نه دانیشیم؟ آخی بیر شئیه نئچه دفعه قولاق آسماق اولار؟ تعجّب ائدیرم، هر دفعه عینی احوالاتا قولاق آسماقدان نئجه یورولمورسان؟". انسانلار چوخ آز حال‌لاردا گؤروشدوکلری زامان احوالاتلاری بیر-بیرینه دانیشماقدان واز کئچیرلر، همیشه عینی احوالات جزئی دییشیک‌لیک و رنگلرله نقل ائدیلیر، بو احوالاتا بعضاً بیر نئچه رنگ، بیر نئچه سس قامماسی، یاخود سوکوت علاوه ائدیلیر، اساس معنا همیشه عینی تونال‌لیقدا دانیشیلان احوالاتین معیّن فیراقمئنتی‌ ( پارچا، قطعه ) نین اوستوندن سکوتلا کئچیلمه‌سینده‌دیر، بئله کی، بو دانیشیلمایان، اوستوندن کئچیلن فیراقمئنتلرعؤمرون هانسی دؤنمینده بوتون احوالاتین ماهیّتینی عوض ائدیر. همین حکایه‌ده سون جمله‌نی خاطیرلایاق: "دوکتور پرت‌لییه سبب اولا بیله‌جک بوتون صحبت‌لردن آسانلیق‌لا یایینیر. بیر آز کئچمیش او، گوله-گوله بیر سئوگی ماجراسینی شن و گومراح حالدا ناغیل ائتمه‌یه باشلادی. لاکین بیز بو احوالاتی یازیریق، چونکی بو بیزیم اوچون ماراقلی دئییل".
هر بیر دانیشیلان احوالاتین حکایه‌یه چئوریلمه‌سی کونکرئت( وارلیغینی بئش دویغو اورقانی ایله قبول ائده بیلدیییمیز سؤزلر، کونکرئت سؤزلر دیر. مثلا رنگ، گؤرونوش، قوخو، سس، داد و س. ) مقامی گؤزله‌ییر، اؤزو ده حسرت‌له، هر بیر انسانین حیاتیندا ایلک و سون دفعه حسّ ائتدییی آغیر و اضطراب‌لا، بعضاً عذاب‌لا. ایلک و سون جمله آراسیندا دانیشیلان هر شئیین حکایه‌یه چئوریلمه‌سی ایله رسّامین چکدییی اثر آراسیندا پارالل‌لر وار. رسم اثری ( بیزیم نمونه‌ده حکایه) انسانین گؤزونه نه زامان، هانسی مقامدا "گؤرونور؟". مسئله تکجه سنین اونا نئجه باخماغیندا ( حکایه‌نی نئجه اوخوماغیندا ) دئییل، بو هم ده اثرین ایچینده حفظ اولونان سوکوت‌لا باغلی‌دیر. نه‌لرین‌سه، هانسی‌سا چوخ ضروری مقام‌لارین اوستوندن کئچیلمه‌سی، بعضی چوخ مهم مسئله‌لردن‌ واز کئچمه‌سی همین اثرین سنه محض بو آن اوچون لازم اولان گؤرونتوسونو تقدیم ائدیر. یعنی رسم اثری ( یاخود حکایه) شئی‌لری بیر دفعه عشق‌له، بوتون قلبین‌له باخدیغین نسنه کیمی گؤرمک امکانی یارادیر.

عادتاً، مونوتون ( یکنواخت ) شئی‌لر بئزگینلیک یارادیر، ایلک جمله دئییلن کیمی سن درحال سون جمله‌نین کؤلگه‌سینی گؤرورسن. "- شاعر، من ها ایسته‌دیم او احوالاتی یاددان چیخارام، سن ده هر دفعه گلنده تزه‌دن دانیشماغا مجبور ائدیرسن. نه دانیشیم؟ آخی بیر شئیه نئچه دفعه قولاق آسماق اولار؟ تعجب ائدیرم، هر دفعه عینی احوالاتا قولاق آسماقدان نئجه یورولمورسان؟".
حکایه‌ده ایکی شخص ( شرطی آنلامدا شاعر و دوکتور، یاخود تحکیه‌چی‌نین دیلی ایله دئسک، طبیب...) آیدا، یاخود ایکی آیدا بیر دفعه گؤروشور، شاعرین دیکته‌سی ایله دوکتور کئچمیشله باغلی بعضی احوالاتلاری نقل ائدیر، هر دفعه، ائله بیر گؤروش اولمور کی، بو عینی تونال‌لیق یادا سالینماسین، مسئله کئچمیشده باش وئرن، انسانلارین، ائله بو ایکی نفرین ده طالعینده درین بوشلوق یاراتمیش حادثه‌لرین معناسینی آنلاماقلا باغلی‌دیر.

حادثه او قدر دانیشیلیب کی (سوزولوب...)، هر بیر جمله‌سینده فینالی خلاصه ائدیلیر، هر بیر سؤز، هر بیر هجا، هر بیر سس عصیان ائدیر، قاچیب گیزلنمک، دیله گلمه‌مک اوچون قارانلیق یئردن دالدالانماق ایسته‌ییر، آنجاق عینی، دییشمه‌ین نسنه‌لر او قدر دئییلمه‌لی، او قدر سورتولمه‌لی‌دیر کی، بئزگین‌لییین ان سون، ان گرگین آنیندا سیرلر آچیلسین( میمئسی‌سین فلسفه‌سی...).
ایچینده اولدوغون بوشلوغون دیبی، ان سون دایاناجاق یئری گؤرونسون. چونکی انسان (دوکتور) تجربه‌سیندن درس آلمیش بیر فرددیر، اوزاق طلبه‌لیک ایل‌لرینی خاطرلاییر، غصه‌ایله نه‌لرسه یادا دوشور، تحصیلی اؤلکه‌ده میتینگ‌لرین گئتدیی ایل‌لره تصادف ائتدییینده گنجلیک شووقو، اؤیره‌نمک، اوخوماق، دونیا ایله تانیشلیق احتراصی باشقا سمته یؤنه‌لیر، زامانلا عؤمرون هانسی مودهیش آنینداسا حیاتین معناسیزلیغینی انلاییر، درین بیر اوچورومون، دیبسیز بیر اومیدسیزلییین ایچینده اولدوغونو درک ائدیر. گنجلیک ایل‌لرینده سرعت او قدر ایتی، او قدر بئجید اولور کی، یالنیز ایره‌لی آتماغی دوشونورسه، داها دوغروسو، دوشونمه‌یه مجال اولمادیغیندان فیکیرلشیرسن کی، هر شئی ایره‌لیده‌دیر، ان گؤزل باهاری گؤرمک سنه قسمت اولاجاق، آنجاق همین آندا پاییز (سون باهار) گلیر و باشا دوشور کی، داها گؤزله‌مه‌لی هئچ نه یوخدور. آبسورد پوئتیکاسی.
حکایه‌ده بونو وئرمک، ایفاده ائتمک ظاهراً آسان گؤرونور، آنجاق معنانین تام، بوتون درینلییی ایله آچیلماسی اوچون ساده، آنجاق کیمسه‌نین آغلینا گیرمه‌ین کئچیدلردن استفاده ائتمه‌لی‌سن.

سئیمور بایجانین حکایه‌سینده ("ازادلیق نه‌دیر؟")همیشه، ایکی نفرین (دوستون) هر بیر گؤروشونده عینی احوالات نقل ائدیلیر، هر دفعه بیر سیمین عینی یئرینه توخونولور، دونیایا گلمه‌سی و اوندان آیریلماسی‌نین بوتون فاجعه‌سی ائله بو نقطه‌ده‌دیر، بوتون آغری اوردادیر.
بو کونتئکستده حیات، عؤمور، آللاه، آزادلیقلا باغلی قناعتی کونکرئت‌له‌شن انسان کیمینله‌سه اونسیّت‌ده، یاخود اؤزویله حسب-حال زامانی آنجاق بیر جمله ایشله‌در: بئله‌دیر وضعیّت.


دقّت ائدین.:"دئدیم، هئچ نه. او فوتونو گؤره‌ندن سونرا هر شئی گؤزومدن دوشدو. حیات، تاریخ، خاطره‌لریم، هر شئی، حتی آزادلیق دا... منه ائله گلیر کی، هئچ کیم حیاتین معناسیزلیغینی منیم قدر دریندن دویماییب. بوتون حیاتیم، هم کئچیب گئدن، هم ده قارشیداکی حیاتیم منه معناسیز گؤرونور. او شئی‌لر کی، اوّل‌لر مندن هیجان، گولوش دوغوراردی، ایندی من لاقئید بیر سکوت ایچینده اونلاری سوزورم. آرتیق هئچ بیر شئی دقّتیمی جلب ائتمیر. بئله‌دیر وضعیّت". صحبت او فوتودان گئدیر... طلبه‌لیک ایل‌لرینده هامی میتینگ‌لره آخیشیر، مئیدانلار دولوب-بوشالیر، هامی، بیر نفردن باشقا. او طلبه تئز بیر زاماندا اونیوئرسیتئت رئکتورونون نمونه کیمی گؤستردییی آداما چئوریلیر.
یالنیز اغلی‌یلا حرکت ائدن بو طلبه آنجاق درس اوخویور، هئچ کسه قاریشمیر، اونا تیکانلی سؤز دئین، یاخود دئیه بیلن اوشاقلاردان گئن گزیر، مسافه ساخلاییر. بوتون بونلار طلبه‌لری مجبور ائدیر کی، اونو زورلا میتینگه آپارسینلار. آدامین حسّ‌سیز اولماسی میتینگده ده اؤزونو گؤستریر. "آزادلیق" قیشقیریب یوموروغونو یوخاری قالدیران انسانلارین ایچینده رئکسییاسیز، اونلاردان آیری دایانیر. زورلا یوموروغونو دا قالدیریر‌.
آنجاق سوساراق. اونا گؤره دوکتور دئییر کی، حیاتین معناسیزلیغینی هئچ کیم منیم قدر دریندن دویماییب. مجبوراً یوموروغونو گؤیه قالدیران طلبه‌نین فوتوسو تاریخ کتابلارینا دوشور، دوکتورون اوشاغی دا همین کتابدان تاریخ درسی آلیر.

حکایه‌دن آنالیز اوچون اساس وئرن بئله بیر جمله وار: بیر گون حیات حقّینده فیکیرلرین آلت-اوست اولور...
بو مقامدا نارراتیوین( روایت ) ایدئنتیک‌( بیر معنالی)لییی مسئله‌سیندن بحث ائدیلمه‌لی‌دیر. نظری اولاراق بونو بئله ایفاده ائتمک اولار: نارراتیو ایدئنتیک‌لییین ایلکین اهمیّتینی آنلاماق اوچون اونو خصوصاً ائمپریک(تجربی) عنعنه چرچیوه‌سینده ایشله‌نیب-حاضیرلانمیش شخصی ایدئنتیک‌لییین آراشدیریلماسی کونتئکستینده لازم‌دیر.
پروبلئمی آشاغیداکی شکیلده درست‌لشدیرمک اولار: یاشانتی‌لارین چوخلوغو و آردیجیلیغی سوبژئکتی دییشمزلییینی تأمین ائدیرمی؟
بو کونتئکستده "یاشانتی" آنلاییشینی "روحی تجربه" کیمی تصوّر ائتمک لازم گلیر‌.
حکایه‌ده عینی احوالات‌لارین اوسانمادان دانیشیلماسی روحی یاشانتی‌دا هر دفعه بیر جور انتباع دوغولور، اونون وضعیّتینی بیر شکیلده غلیظ‌لشدیریر، یاخود ساده فورما قالبینه سالیر.

احوالات‌لا، یعنی هم ده حیاتین معناسیزلیغی ایله باغلی سوژئت اصلینده، دییشمز اولانلا هر گون، هر ساعات، هر دقیقه دییشن، زنگین‌لشن، سون ذرّه‌سینه قدر سووزولوب سونرا اولمازین حصه‌جیکله دولان کومپونینت‌لر آراسیندا تعین ائدیلیر.

بونا گؤره ده حیات نه قدر ساده، پروبلئم‌سیز، بیر سؤزله، " آنلاشیلان" گؤرونسه ده، حکایه قهرمانی یاشام بویو بوشلوقدان بوشلوغا دوشور، "آغیل‌لی" طلبه‌نین فوتوسو ایله باغلی ائپیزود (بو ائپیزودون دوکتورون قارشی‌سینا قفیل، اؤزو ده ان حرصلی گونونده چیخماسی) بو بوشلوقلاردان آنجاق بیری‌دیر. یعنی عینی سوژئت خطّی‌نین فورمالاشدیران احوالات بو بوشلوقلار بیتنه قدر دانیشیلاجاق، آنجاق بیلیریک کی، بوشلوقلار بیتمیر، بیری او بیرینی یارادیر، عددی سلسله یئرینی تئز بیر زاماندا هندسی سلسله‌یه وئریر.

بونونلا تحکیه پروسه‌سینده (اونو "سکوت فرکانسیندا") بیرینجی جمله همیشه سون جمله‌دن سونرا گلیر. اونو ایضاح ائتمک، پروبلئمین ماهیّتینی آنلاماق اوچون ساده تاثّرات و نمونه‌لربن وئریلمه‌سی آنلامیندا یوخ، عینی‌لیک‌له دییشکن‌لییین تناسوبونو گؤسترمک ( اونلارین هر آن بیر-بیرینی دیدیب-پارچالاماسی پروسه‌سینی)، گؤزوموزدن قاچان، آنجاق مقامیندان قیرمیزی هیجان اشاره‌سی ایله کئچن واجب ( ««شتریخی»» ) ائکرانا گتیرمک، اونو بیرجه دفعه صحنه‌یه قویماق اوچون. بو معنادا تحکیه اصلینده، انسان عؤمروندن سرعت قاتاری کیمی کئچن حادثه‌لرین ایچیندن ان وئجسیزلرینی سئچیب صحنه‌لشدیرمک آنلامینی داشیییر.

حیاتدا راستلادیغین، آنجاق شرایط یئتیشمه‌دیییندن آنلامادیغین، یاخود اؤزونو سنه گؤسترمه‌ین حادثه ( احوالات ) بیر گون نه یوللاسا حیاتینا داخل اولور، حیاتی‌نین معناسینی اونو داغیتماقلا، سندن درین پئشمانلیق، غصّه، کدر یاراتماقلا اوزه چیخیر. و جوابلارینی تاپسان دا، هئچ بیرینه بونا قدر اینانمادیغین بیر اورتام یارادیر، بئله‌ده حکایه‌نین باشلیغی معیّن مقامدا بو سؤال‌لارین هامی‌سینی عوض ائدیر، ائله حکایه‌نی ده: آزادلیق نه‌دیر؟

https://t.me/Adabiyyatsevanlar

شعر:«ناصر داوران»
ترجمه:«رامیز تای نور»

کاری به کتاب‌هایم نداشته باشید
باید زخم‌های‌شان را ببندم.

من دیروز این‌جا درس‌می‌خواندم
چه‌کسی مدرسه‌ام را دزدید
آقا! خانم!
شما مدرسه‌ام را دیده‌بودید؟
دختران جوان در حیاط‌اش بازی می‌کردند
به یاد می‌آورید؟

اشک چشمان افغانستان کجایی‌ست؟ کسی می‌داند؟

من شکوفه‌ام،
با مین‌هائی که می‌کارید
هزارپاره‌ام نکنید!
الف‌باهایم چشم انتظارند.

انفجارهائی که هدیه‌کردید
دیروز به گهواره‌های قره‌باغ
و امروز به عروسکان شهید غزه،
خویشاوند بمب‌هائی‌اند
که مدرسه‌ام را برباد دادند.

یکی به این راهزنان بگوید
نامم بی‌وصله دوست‌داشتنی‌ست
و زنده‌گی بسیار به من بدهکار است
به بشقاب‌ام دست‌درازی نکنید!
قایناق:ایشیق سایتی

https://t.me/Adabiyyatsevanlar

مجازی انجمن " سسلی شعیر گئجه سی "

سایین کانالداشلار
بو گئجه: 1400/3/1
ساعات : 22
ادبیات سئونلر قوروپوندا مجازی انجمن ( سسلی شعیر گئجه سی) اولاجاق بو وئرلیش عینی زاماندا ادبیات سئونلر کانالیندان یایلاجاق سئویملی شاعیرلری ، گوزل سسلی دیکلاماتورلاری آذربایجان شعرینین هوسکارلارین سیجاق قاتیلماغا دعوت ائدیریک .

https://t.me/Adabiyyatsevanlar

اوخویور:«سارا قدیم اووا»
کوسوب گئتدی...

https://t.me/Adabiyyatsevanlar

«اسماعیل خرمی»

اوره ییمین سنه
چه رتن دوداقلاری-
منه آتدیغین الوداع اؤپوجویونده؛
دیکسینیر.

ایچیم ایچیمدن کئچسه ده،
چؤلومو ایچیمه داشییرام.

ایچیمده-
مین یئرده قاناساندا،
چؤلومده کی، سنی
درین بیر نفسله،
توپلاییرام.

قانایان نفسیمده،
هر اسن یئلین آدی،
یوخلوقدور.
اؤلو آدیمیزدی،
گیزلیجه اؤپوشدویوموز کوچه لرده،
آدی چکیلیر.


بیلمیرم هارام آغرییر.
بیلمیرم هارامدان منی
بیر ایت لئشی چاغیریر.

اؤز سسیمی سوموروب،
بیر داها چالیشیرام
منده قالان،
ازینتیلره ال وورمایام.



سنی مندن اؤزگورلویه آپاران،
پیچاغین آدی،
ایکی کیپریین، بیر - بیرینه چاتیشماسیدیر.


ال چک دئدیم آخی.
گئدیرسنسه،
اؤپوجوکلرینی ییر- ییغیش ائله.
بیر اسگی یه بوک
اؤزونله آپار.

https://t.me/Adabiyyatsevanlar




.

«هوشی‌مین»

ما از مرگ قوی‌تریم،
ما همچون برنجزارهای "چه‌هوا"
هرسال درو میشویم و سال دیگر
دوباره با ساقه‌های پربارتری
می‌روئیم.
https://t.me/Adabiyyatsevanlar

گئتمه‌دی، گئتمه‌دی
«سخاوت عزتی«(عندلیب)

عؤمروموزون ذیروه سیندن،
دومان گئتمَدی، گئتمه‌دی،
خوش گون اوچون باشیمیزدان،
گومان گئتمَدی، گئتمه‌دی،

بو نه حؤكوم، نه فرماندی،
یاخشی گونلر لحظه آندی،
پیس گونلرده برك دایاندی،
زامان گئتمَدی، گئتمه‌دی،

سیز منی دلی سایمایین،
ائشیدین كؤنلومون هایین،
یاخشی لار گئتدی قویمایین،
یامان گئتمَدی، گئتمه‌دی،

« عندلیب » آغریلار دیزدن،
نه آختاریر فلك بیزدن،
عؤمور گئتدی دیلیمیزدن،
آمان گئتمَدی، گئتمه‌دی،

https://t.me/Adabiyyatsevanlar