«سعید ندائی»
باسمه تعالیٰ

نیم‌نگاهی سریع به ساختار استاندارد جمله‌ی ترکی
و مسائل مرتبط با آن

https://t.me/Adabiyyatsevanlar

سایین کانالداشلار

«غفور امامی‌زاده» خیاوی‌نین «قیرمیزیم» آدلی حیکایه توپلوسو اوردیبهشت‌ین ییرمی‌دوققوزوندا (۱۴۰۰/۲/۲۹) ادبیات سئونلرکانالیندا نقد اولوناجاق. بو کیتابا علاقه‌لری اولانلار و تنقیدیمیزه قاتیلماق ایسته‌یین دوستلار لوطفن نظرلرینی یازیب، یا اگر بعضی‌لری سس‌لی دانیشماق ایسته‌سه‌لر حاضیرلیق گؤروب نظرلرینی بیزه گوندرسینلر.
الیمیزه چاتان تنقیدلر وعده وئردیییمیز گون نشر اولاجاق.

https://t.me/Adabiyyatsevanlar

🍁🍂🍁🍂🍁🍂🍁



▫️باشقا فصیل

✅✅حسن ریاضی ( ایلدیریم )


گونش بوزاریر

تورپاق بوزاریر

گؤز ایشله‌دیكجه بوزلوق

پوزغونلوق!

جانیما ساریلان قیزیل گول‌لرین عطری

هاردان، هارالاردان ساچیلمیش

 گؤره سن؟

بوز داغ‌لاردان قوپموش بوز كولك‌لز

اولاشیر چیلپاق باغ‌لاردا

اوره‌گیمدن كئچن یاشیل آیاقلی باهار –

هاردان ،هارالاردان جانیما یول آچمیش

گؤره سن؟

بیر- بیرینه قاریشیب

كولك‌لر، للك لر، قاریلتی لار….

باغلارین قولاغینا دولوب

خزان سسی، قارغا سسی، كولك سسی….

یاز نغمه‌لی بو سس‌لر، بو قاناد سس‌لری….

هاردان، هارالاردان گلیر

گوره‌سن؟

سحردن بری

باشقا فصیل ایچینده‌یم:

كؤنلومده،توراغای‌لار اوخوشور

جانیمدا قوشلار اوچوشور

اوره‌گیمده باهار دیرچه‌لیر

خیالیمدا سن گولورسن

ایچیمده كی آخار باخاری

بوروموش الوانلیق،

آیدین لیق…

https://t.me/Adabiyyatsevanlar

سایین کانالداشلار

«غفور امامی‌زاده» خیاوی‌نین «قیرمیزیم» آدلی حیکایه توپلوسو اوردیبهشت‌ین ییرمی‌دوققوزوندا (۱۴۰۰/۲/۲۹) ادبیات سئونلرکانالیندا نقد اولوناجاق. بو کیتابا علاقه‌لری اولانلار و تنقیدیمیزه قاتیلماق ایسته‌یین دوستلار لوطفن نظرلرینی یازیب، یا اگر بعضی‌لری سس‌لی دانیشماق ایسته‌سه‌لر حاضیرلیق گؤروب نظرلرینی بیزه گوندرسینلر.
الیمیزه چاتان تنقیدلر وعده وئردیییمیز گون نشر اولاجاق.

https://t.me/Adabiyyatsevanlar

«شریف مردی»
«غفور امامی‌زاده» خیاوی‌نین «قیرمیزیم» آدلی حیکایه توپلوسونا تنقید.
https://t.me/Adabiyyatsevanlar

«شریف مردی»
«غفور امامی‌زاده» خیاوی‌نین «قیرمیزیم» آدلی حیکایه توپلوسونا تنقید.
https://t.me/Adabiyyatsevanlar

«شریف مردی»
«غفور امامی‌زاده» خیاوی‌نین «قیرمیزیم» آدلی حیکایه توپلوسونا تنقید.
https://t.me/Adabiyyatsevanlar

سایین کانالداشلار
وئردیمیز وعده اساسیندا بوگون «غفور امامی زاده‌نین» «قیرمیزیم» آدلی حیکایه‌سینه عاید تنقیدلری نشر ائده‌جه‌ییک.

https://t.me/Adabiyyatsevanlar

خالق ماهنیسی

https://t.me/Adabiyyatsevanlar

قیرمیزیم حئکایه توپلوسونا بیر باخیش:
✍غفور امامی‌زاده خیاوی
سحرخیاوی

قیزیم حیکایه توپلوسو، اون بیر قیسا حیکایه‌دن عیبارت دیر. بو کیتاب یوز اون سکگیز صفحه‌ده، نظامی گنجه‌ای کیتاب یاییم ائوی واسطه‌سیله ایشیق اوزو گؤروب.
بو کیتابدا هر نمنه‌دن آرتیق منی اینجیدن دیل سورونلاری اولدو:
۱)سوزجوکلرین تورکجه قارشیلیقلاری اولا- اولا یئرلرینه عربجه و فارسجا سؤزجوکلر ایشلتمک.
۲)فارسجا تومجه(جمله) قورولوشلاری.

اؤزو ده بو سورون بیر- ایکی اولسایدی بلکه واز کئچمک اولایدی. کیتابین باشا- باشیندا حدسیزجه تیکرار اولوب.
بوردا بیر نئچه اؤرنک وئریب قالانی‌نی دوستلارین یارغیسینا تاپشیریرام:

سؤزجوکلر: اتفاقی.هیجان.همکلاسلار.ناظیم.معللیم.عکس العمل.حنجره. تیز موقع‌لر.رسالتیم.تجویز.مزخرف.آبی ایش پالتاری. مکانیزم قرن.روزنامه.رابطه.مصنوعی.شولوق.مخاطب‌لر. و...و...و..‌.

بونلاردان علاوه فارسجا جومله قورولوشلاری. یانی سایین امامی‌زاده اصیل تورکجه ادبی یازماغا هئچ جوره چالیشماییب و بوتون محاوره دیلده یازیب:
فیکر ائله‌ییرم آیری آدام اولمالیدیم(فکر می‌کنم بایستی آدم دیگری می‌بودم)
ایستیرم گئدم(می‌خواستم برم)
شاید ده ایسته‌میرم تانییام(شاید هم نمیخوام بشناسم)
دئییرم به دانیشماق اولموشام(می‌گم بلکه حرف زدن شده‌ام)
سئوینیردیم مجبور دئییلدیم( شاد بودم که مجبور نبودم)
منظوروم بودور کی..‌(منظورم اینه که)
کی تاسوفله کافی‌دیر ده(که متاسفانه کافی هم هست)
دئییردیم او گون ایچیمدن سئوینیردیم(می‌گفتم اون روز از درون خوشحال بودم)
ایسته‌میردیم او آداملاردان اولام کی بیلمیرلر اوزلری ایله، ال آیاقلاری ایله نه ایش گوره‌لر(نمی‌خواستم از اون آدمهایی باشم که نمیدونن با خودشون و دست و پاشون چه کنند)
ایسته‌میرم آلتمیش یاشدان چوخ عؤمور ائله‌یم(نمیخوام بیش از شصت سال عمر کنم)
هله قیسمت اولماییب گئدم(حالا قسمت نشده برم)
ایستیردیم بوردا فیلمی کسیب هر شئیین دوزونو دئیه‌م(می‌خواستم اینجا فیلمو قطع کنم و راست همه چیو بگم)
گودوردوم ساعات دؤرد اولا عادی یاشاماغیمی باشلایام(منتظر بودم ساعت چهار بشه به زندگی معمولیم برگردم)
گیرم شولوق خیاوانلارا(وارد شوم به خیابانهای شلوغ) و..‌‌.و..‌. و....
بو فارس قورولوشو ایله تومجه‌لر او قدر چوخدو، کیتابی بوتون بورا کپی ائله‌مک گره‌کیر.

بونلاردان واز کئچیب بو توپلونون "چئوریلمه"آدیندا ایکینجی حیکایه‌سینه بیر باخیش یازیرام:
چئوریلمه"مسخ" بیر کارخانادا ایشله‌ین ایشچی‌نین حیکایه‌سی دیر. او هر گون ساعات یئددی ده کارخانانین سرویسینه مینیب، دؤرده‌‌دک کارخانادا ایشله‌ییر. اونون ایشی بیر فورمادا قطعه‌لری دستگاهدان چیخارتماق دیر. هر گون بو ایش تیکرار اولور. بو آدام سانکی بیر ماشینا چئوریلیر.
بو حیکایه هر نمنه‌دن چوخ منه"عصر جدید" چارلی چاپلین‌"ین آدلیم فیلمینی خاطیرلاتدی. اوردا دا بیر ایشچی او قدر ماشینا چئوریلیب حتا آداملارین پالتارلارینین دویمه‌سینی، بورونلارینی پیچ گورور و اونلاری آچارلا برکیتمک ایسته‌ییر.
(منجه سایین امامی‌زاده‌ بو داستانی یازماغا حتمن او فیلمدن و کافکانین"مسخ" حیکایه‌سیندن ائتگیله‌نیب).
بیر گون کارخانا تعطیل دیر دئییرلر. چونکو وزیر (حتمن ده ایش وزیری)گلیب.
ایشچی‌لر او گون آزاد بوراخیلیر. بیزیم حیکایه‌نین ایشچیسی اوز الینده آوارا قالیر. یئددی‌دن دؤرده‌دک نئجه یاشاماغی باجارمیر. واختینی بیر شیکیل گوزل قیزلارا باخماقلا، پارکدا بیر قوجا کیشی‌نی اله سالماقلا کئچیریر، آمما بونلاردان سونرا یئنه ساعات اون بیردیر گؤرور. هله دؤرده بئش ساعات قالیر.
کاپیتالیسم ائله بو یازیغی مسخ ائدیب و اوزونده بوغوب، بو آدام اؤزونه یاشاماقی و تفریحی باجارمیر. یاشامی ایکی دیرناق آراسی محدودلاشیب(ائو- کارخانا) هردن بیر ایکی خیاوان. گونده‌لیک دکه‌سی و....
او یاشاماغی ائله اؤلونجه ماشین کیمی کارخانادا ایشله‌مک بیلیر. حتا او تعطیل گونونه اؤزنو سوچلو حساب ائدیب قیناییر. دئییر:
- من کارخانادا ایشله‌مک یئرینه واختیمی بوش یئره خیاواندا، پارکدا کئچیرمیشم.
یانی باشقا جور یاشاماغا اؤزو ده اؤزونو حاقلی بیلمیر. و... کاپیتالیسمین اینسانا وئردییی یاشام پایی بئله‌دیر!!

کؤنلومدن کئچه‌ن کئشکه سایین یازیچی کیتابینی چاپدان قاباق بیر دیلچی ائدیتورا تاپشیرسایدی.

سون سوز:
"قیرمیزیم" حیکایه توپلوسونو اوسته یازدیغیم دیل سورونلاری اوزه‌ره بینمه‌دیم و اونو تورکجه دوزگون بیر نثر کیمی اوخوماغا اؤنری وئرمیرم. آمما حیکایه‌لری اورتا(متوسط) حالدا اوخوماغا دَیَر.
البته من تانیدیغیم سایین امامی‌زاده‌نین، دونیا باخیشلی مطالعه‌لرینه بلد اولدوغوم اوچون، بوندان آرتیق قلم یئته‌نکلرینه اینانیرام.

دوغروسو"سوموکلری قالمیشدی" ایکینجی حیکایه توپلوسونو هله اوخومامیشام، او کیتابدا دیل سورونلاری حل اولماسینی اومورام.
سایین قلمداشیم امامی‌زاده جنابلارینا داها اوغورلار آرزولاییرام.
https://t.me/Adabiyyatsevanlar

«منیژه جم نژاد»

" قیرمیزیم " اؤیکو توپلوسو
چوخ دیرلی غفور امامی زاده جنابلارینا اوغورلار دیله‌ییب، قیرمیزیم اؤیکو توپلوسونون ایشیق او٘زو گورمه سینی قوتلاییرام. قلملری همشه یازار اولسون.
بیر اوخوجو آدینا کتابدا گؤزومه دَین لری ، یازیلاریمیز داها آخیجی، داها گوزل اولسون دئیه، سونورام.
هامیمیزین اورتاق سورونوموز، هانسی سوزجوک لری ایشلتمک دیر. بودا اوناملی(رسمی) یازیب اوخوماغیمیز اولمادان مومکون دئییلدیر. گئنه ده منجه باشاردیغیمیز جان نابلد کلمه لری سیلیب، دوغما کلمه لری قوللانماق لا، یازینی، اوخوجونو راحاتلادا بیلریک.
اوزون جمله لر منجه قیسالیب گوزلله شه بیلر.
" داوا ائله دییم گون دفتریمین آراسیندان جیردیغیم بیر کاغیذ دا....
منجه چوخ اوزون جمله دی.
اتفاقی حالتده...یوخوموزدو
عمدا یئرینه بیله رک، بیله بیله...
آرتیق جمله لری سیلمک له یازی داها آخیجی، موسیقی لی اولا بیلر.
"بعضن فیکر ائله ییرم چئوریلمیشم"
گوزل جمله دئییل، منجه یازیلماسا دا بیر شئی دئیشیلمز.
فیکر ائله ییرم ...سانیرام اولا بیلر
بعضا یئرینه ....گاهدان، گاه بیر اولا بیلر
ایکی صندل بیربیری ایله آز فاصله ده...یئرینه
بیربیرینه یاخین ایکی صندل
او٘زونده کی قیریشلار سویوچکیلمیش ساری آلمایا بنزیر...
سانکی قیریشلار.. بنزیر
"قیریشمیش او٘زو سویو چکیلمیش ساری آلمایا بنزیر.." منجه
اؤزونه مخصوص...اوزه ل
ایسته دیی موقع ده....ایسته ینده
فوق لیسانسینی تزه قورتاریب..
فوق لیسانس مدرک آدیدیر. فوق لیسانسینی ینی آلیب...
موحاکیمه....یارقیلاماق
"احتیمالن مغزینده بیر اتفاقلار دوشموشدو کی نتیجه سینده باشینی دوندریب منه باخدی"....
آغیر، نابلد جومله قورولوشو
اصلی عیللتی... دانیشیقدا، یازی دا یوخوموزدو
گوناه سنده دئییل:
اوشاقلیق زامانیندان...
اوشاقلیقدان
نه نه؟......ننه
سسینی یوخاری قووزاییردی...
سسینی اوجالدیردی
فیکیرلشیردی...دوشونوردو
ایکینجی ترمدن ایدی یولومو دوز گلمه دییمی باشا دوشدوم...
ایکینجی تئرمده یولون یانلیش اولدوغونو آنلادیم...
اوزونه متاسف دیر....
یوخوموزدو
آپبانماق؟؟
آتیلماق
ماشا یحیی....؟
سانیرام بو نئچه اؤرنک له سوزومو یئتیره بیلدیم. البتده بیری ده منیم یازیلاریمی الشدیریرسه، بئله ایراد لار چوخ تاپا بیلر. جناب قربان زاده دن بئله الشدیرمه بئشیینی یاراتماق اوچون چوخ تشککور ائدیرم. بوتون دوسلارا باشاریلار آرزو لاییرام.

https://t.me/Adabiyyatsevanlar

غفور امامی‌زاده‌نین قیرمیزیم آدلی حیکایه توپلوسونون آراشدیرماسی

اوزمان: جناب شریف مردی

https://t.me/Adabiyyatsevanlar

جناب غفور امامی‌زاده‌نین قیرمیزیم آدلی حیکایه توپلوسونون آراشدیرماسی

اوزمان:جناب شریف مردی

https://t.me/Adabiyyatsevanlar

جناب غفور امامی‌زاده‌نین قیرمیزیم آدلی حیکایه توپلوسونون آراشدیرماسی

اوزمان: جناب شریف مردی

https://t.me/Adabiyyatsevanlar

.

فایل pdf داستان کوتاه قیرمیزیم
اثر غفور امامی زاده خیاوی
برنده جایزه بهترین داستان جهان تورک در بزرگترین مسابقه ادبی جهان ترک « محمود کاشغری »

کتاب "قیرمیزیم" شامل مجموعه داستانهای برگزیده، در کتابفروشی دنیز ( آشاغی چهارراه ) مشکین شهر موحود است.

https://t.me/Adabiyyatsevanlar

اوُیکو
سو اوُزوُنده(روی آب)
گی‌دو موپاسان
چئویرمه: محمدرضا نوازی

کئچن یای، پاریس شَهَرینین نئچه آغاجلیغیندا "سِن" چایینین یاخینلیغیندا، بیر یئیلاق ائوی ایجاره ائله‌دیم، گئجه‌لر یاتماق ایچین اورا گئدیردیم. نئچه گون قالدیقدان سونرا، قونشولارین بیرایله تانیش اولدوم.
اوتوز-قیرخ یاشیندا بیر عجیب غریب کیشی، بئله بیر اینسان عومورده گورمه‌میشدیم. او بیر اوزمان قاییقچی، همیشه سویون قیراغیندا، ایچینده، یوخسا اوزونده اولاردی!
هئچ ده شوبهه ائتمیردیم او قاییق ایچینده دوغولوب، ائله عومرونون سون گونلریده قاییق ایچینده اولاجاق، عومورو اوردا بیته‌جک.
بیر گئجه سن چایینین قیراغیندا گزدیکده، اوندان ایسته‌دیم قاییقچیلیق اولای‌لاریندان بیر خاطیره سویله‌سین.
سئویندی، آرتیقجا هیجانلی اولدو، سَسی همده دانیشیق ترزی دئییشیلدی. سانکی بیر ادیب شاعیر اؤنومده دورموشدور.
او قیزغین جوشقون و سارسیلماز اوریی وارییدی. او سئودا اوره‌ک‌لی و سو وورغونویدو. منه ساری چوندو. دئدی:
آه، بئینیمده نه قدر آنیلار وار "سِن" چاییندان. ائله یانیمیزداکی بو چای، باخ بو آخار چای.
آخی سیز شهر خیاوانلاریندا یاشایان اینسانلار نه بیلیرسیز، چای ندیر!
ایندی اوتور بیر بالییقچیدان ائشیت. گور نه‌لر سویله‌یه‌جک"
چای" بیر بالیقچییا چوخ تانینماز، سئحیرلی اوهام‌لی بیر یئرلردیر. ائله بیر یئر کی، گئجه‌لر،اینانیلماز و اولمایان بیر شئی‌لر گوروروک. عومورده ائشیتمه‌دییمیز سسلر ائشیدیریک. بیر قبیرسیز قبریستانا بنزه‌ییر. قارانلیقدا آی باتان چاغدا، چای گورونمور. بیر گَمیچی هیچ واخت دریایا بئله حیسی اولمور. باخمایاراق کی دریا داش اورک‌لی و رحیم‌سیز دیر.
امما کوکره ییر اوُ.
اینیلده‌ییر. کوشولتو سالیر اوُ.
بویوک دریا دوغروجول دیر. دوز دانیشیر. بونا راغمن چای سسسیز، اعتبارسیز همده ساتقین دیر. چای گورولتو سالمیر. نعره چکمیر. همیشه سَسسیزجه آخیر.
بو سسسیزلیک آنا دنیز دالغالاریندان دا قورخونج دیر. خیالات‌چی اینسانلار ائله دوشونورلر، دریا دؤشونون اوستونده ماوی بویالی گئنیش یوردلاری گیزله‌ییب. بیر یئر کی بؤیوک بالیق لار آراسیندا غرق اولموش اینسان‌لار، اوردا گزیرلر.
چای بیر قارا قویویا بنزه‌ییر کی اینسان‌لار او قویو ایچینده قوخویورلار.
بونلارا باخمایاراق، چای گوزل دیر. او زامان کی پارلاق گون آلتیندا پارلاییر.

شاعیر آنادنیز(اقیانوس) حاقدا بئله دئییر:

ائی دالغالار!
یانیق‌لی اولای لاردان هر نه بیلرسیر،
ائی درین دالغالار!
دیز اوسته چوکموش قرارسیز آنالاردان هر نه بیلرسیز،
سو اوسته قالخان زامان،
سویله‌یین بیزه
بونلار سسنیزی حوزون‌لی ائدیر،
آخشام اوستو بورا قاییدان زامان.

هه....ناغیل‌لار کی اینجه نِی‌لَریله،یوموشاق سس‌له پیچیلداییر، نه قدر یوموشاق اولسادا، حوزون‌لی درام‌دان و کوکره‌یین دالغالاردان سویله ییرسه، یئنه ده قورخونج دیر.
ایندی کی ایسته‌ییرسن بیر خاطیره سویله‌ییم، اون ایل اؤنجه بوردا باش وئرمیش بیر اوزل اولای‌دان دانیشیرام.
او زامان دا ایندی‌دک "لافون" دا یاشاییردیق "لویی برنه" آدلا بیر دیرلی امکداشیم ایندی قاییقچیلیغی بوراخیب دولتی ایش ده چالیشیر، ایکی آغاجیلیق آشاغیدا بیر کند ده یاشاییردی.
گئجه‌لر بیرلیک ده شام یئییردیک.
هردن منیم ائویمده،هردن اونون ائوینده.
بیر گئجه‌ده یالنیزجا قاییدیردیم، ائله کی چتینلیک‌له قاییغی چکیردیم،بیر یئرده دایاندیم بیر آز دینجه‌لیم..
شانلی چاغ،
آی پارلاییردی
سو ایشیلداییردی،هاوا دا مولاییم و نَمیشلییدیر، بونلار منی آزدیردی.اوزوم له دئدیم،بئله هاوادا پیپ یاپیشار.
"هر اولای دوشونجه دن آسیلی دیر"
لنگری گوتوردوم،سویون ایچینه آتدیم.
قاییق سویون آخاریلا ،آشاغی گئدیردی،یئرینده دایاندی.آرخاسینا سوکندیم.هئچ بیر سس ائشیدیلمیردی.
سانکی دنیز قیراغیندا کیچیک بیر دالغا سسی حیس ائدیردیم.
آردی وار...

https://t.me/Adabiyyatsevanlar

چای‌دا سَس‌سیزجه آخیردی. آمما بو اینانیلماز سَسسیزلیک قاپسامیشدی منی، قرارسیز ائدیردی منی، بوتون حئیوان‌لار و بو گئجه چاغی باتلاق اوخویانلاری، یاشیل قورباغالار سوسموشدورلار.
بیردن، ساغ یانیمدان بیر قورباغا قورولداماغا باشلادی. تیتره‌دیم، قورباغا سوسدو. هئچ بیر سس ائشیتمه‌دیم داها. ایسته‌دیم بیر آز پیپ چکیم، بلکه باشیم قاریشسین. باخمایاراق کی توستو اوزومانییدیم، داوام ائده بیلمه‌دیم.
ایکینجی پوک ووران زامان حالیم قاریشدی. بوراخدیم. یاواشجا اوخوماغا باشلادیم.
سسیمین کوُیلتوسو تحمل ائتمه‌لی دئییل دیر.
قاییغین دیبینه اوزاندیم، گوُی اوزونه گوز تیکدیم. بیر آز ساکیت قالدیم.
امما چوخ چکمدی قاییغین حرکت ائتمه‌سی تشویشه سالدی منی. ساندیم کی گورونمز بیر شئی، قاییغی سَس‌سیزجه درینلیگه چکیر. یئنی‌دن اوسته چکیر و بیرداها بوشلاییر سونرا، ائله کی بوراخیلسین. سانکی قاسیرقا ایچینده گیر ائتمیشدیم. اویان بویانا چکیلیردیم. سسلر ائشیدیردیم.
آیاغا قالخدیم. سو پارلاییردی. هر یان سکوت ایچینده، سینیرلاریم سارسیلیب پوزولموشدور. یولا دوشمه‌گه باشلادیم. زنجیری چکدیم. قاییق ترپندی. هاما اوسته گلمه‌دی. بَرک چکدیم. لنگر چوله گلمه دی. سانکی بیر شئ‌یه ایلیشمیشدی، یوخاری گلمیردی. بیر داها یوخاری چکمک ایسته‌دیم. هاما یارارسیز.
هله ده لنگری قالدیرا بیلمه‌میشدیم. چوخ اوفکه‌لندیم. آجیق‌لی حالدا زنجیری لاخلاتدیم یئنه ده یئریندن ترپشمه‌دی.
اومیدسیز اولمادیم. اؤز حالیما فیکرلشدیم. زنجیری قیرماق ایسته‌میردیم. قاییق‌دان دا آییرماق ایستمیردیم. بونا گوره کی چوخ قالین زنجیری دیر. و قاباغیندان بیر تیکه یوغون زنجیر وورلموشدور. فیکرلشدیم هئچ ده گئج دئییل، گوزله‌ییم بیر بالیقچی گلسین. بئله آجیناجاق‌لی دوروم بوغموشدو منی. اوتوردوم. دینجلدیم بیر آز. ائله کی پیپ چکمه‌یی باجاردیم. بیر شوشه شکر قامیشی ساخلامیشدیم. ایکی-اوچ لیوان باشیما چکدیم، سونرا اؤز حالیما گولومسه‌دیم،
هاوا گئتدیکجه ایسینیردی. ائله کی گئجه، یونگول پالتارلا دولانا بیلیردیم.
بیر آندا قاییق یاواشجا ترپشدی. یئریمدن اوچدوم، سویوق آلین تَری بورودو منی. سانکی بو سس، سو گتیرمیش بیر تیکه چوبوق‌دان یوکسلمیشدیر. یئنه حیس ائدیردیم تشویش ایچینده بوغولموشام. زنجیردن یاپیشدیم، اومیدسیزجه چالیشماغا باشلادیم. لنگر سسلندی. یورغون اولدوغوما گوره اَل چکدیم. یئریمده دایاندیم. ائله بو آرادا، چای آغ دومان لا آز-آز دولوردو و سویون اوستونه سریلیردی، بیر حالداکی آیاغا دوران زامان، چایی گورموردوم. آیاقلاریمی دا گورموردوم، هئچ قاییغی دا گورموردوم. یالنیز قامیشلارین اوُجونو گوروردوم. و اوُزاقلاردان آرانلیق‌لاری گوروردوم او اوجالاردا ایتالیا قلمه‌لری قارا لکه کیمی گورونوردو. آی ایشیغینین آلتیندا چوللوق داها اوتوزموشدو
سانکی بئلیمه قَدَر بوخچایا سارینمیشدیم.
شاشیردیجی خیال‌لار اوستومه جوموردورلار. بئله دوشونوردوم بیری چالیشیر قاییغیمدا اوتورسون... قارانلیقدان هئچ بیر شئیی آییرد ائده بیلمیردیم.
حیس ائدیردیم اوستونه قارا دومان سریلمیش چای‌دا، شاشیردیجی حیوانلار منه ساری جومورلار. بیر داها شکر قامیشی شوشه‌نی گوتوردوم.. یئکه قورتوم باشیما چکدیم، سونرا بیر فیکیره دالدیم. باشلادیم اوجادان قیشقیرماغا بیر حالدا کی دورد-دوره‌مه فیرلانیردیم. قیشقیرماغا گوجوم قالمادان، اوزاقلاردان بیر ایت زینگیلتی‌سی ائشیتدیم. یئنه ایچدیم. قولاج-قولاج قاییغین دیبینده یاتدیم. بلکه بیر ساعاتلیق او حالدا قالدیم بلکه ده ایکی ساعات یاتمادان کابوسلو آچیق گوزلریمله یوخاری قالخا بیلمه‌دیم.
بونلارا باخمایاراق دلیجه دورماق ایسته‌ییردیم. تئز-تئز اؤزومه گلیب اؤزوم‌له دئییردیم: قالخ آیاغا!
آمما حرکت ائتمکدن قورخوردوم‌. سونرا چوخ احتیاط‌لا آیاغا دوردوم. سانکی آز سسلر ده قورخودوردو منی. دنیزین قیراغینا باخدیم
شاشیردیجی گورونتولری گوردوک‌ده حئیران اولدوم. واهیمه‌لی گورونتولر، پری‌لر یوردو، ائله بیر یئرلر کی اوزاق‌دان گلن یولچولارین سوزلرینه اینانمادان ،قولاق آسیردیم سوزلرینه.
ایکی ساعات اؤنجه سو اوزونده یاییلان چَن گئری چکیلیردی. و قیراقلاردا توپلانیردی. مِه چایین اوستوندن چکیلندن سونرا، آلتی-یئتدی مئتر اوجالیقلاردا بیر آشیریم دک گوُرونوردو.
اوجا آشیریم، آق قار و آی ایشیقی آلتیندا پارلاییردی، ائله کی ایکی داغ آراسیندا، پارلایان چای‌دان گئری بیر شئی گورونموردو. بؤیوک شانلی "آی" باشیمین اوستونده و ماوی گوی ده پوز وئریب اؤزونه اوُیونوردو.
بوتون سو سئور حئیوان‌لار اویانمیشدیرلار.
قورباغالار سئوینج‌له قورولداییردیلار.
ائله کی هر دن ساغ سولومدان قورباغالارین کیچیک و حزین سسلرینی ائشیدیردیم.
سسلری اولدوزلارا چاتیردی. ماراقلی بوراسی دیر،
داها قوخموردوم.
آردی وار...

https://t.me/Adabiyyatsevanlar

بئله شاشیردیجی گورونتولر آراسیندا تعجب ائتمیردیم داها. زامانین نئجه کئچدیگینی دوشونمه‌دیم.
آزجا مورگوله‌دیم.گوزومو آچاندان سونرا، آی گورونموردو. ..گیزلنمیشدی. ..گوُی چن له دولموشدور.
گوزل "سو" سیخینتیلی حالدا دالغالانیردی. یئل اسیردی. هاوا سویوق اولموشدور.
قارانلیق اوستونله‌میشدیر.دیبینده قالمیش شکر قامیشینی باشیما چکدیم. سونرا بوروشموش قامیش‌لارین و سویون شوم سسینی دینله‌دیم.چالیشیردیم گوره‌م، آمما قاییغی سئچه بیلمیردیم... گوزلریمه یاخینلاشمیش اَللریمی ده بئله گوره بیلمیردیم. هاما بونلارا باخمایاراق خیمیر-خیمیر قارانلیق آزالیردی. بیر آن حیس ائله‌دیم، بیر کوُلگه یانیمدا تیتره‌ییر.
باغیردیم.
-بیر سس جاواب وئردی منه.
بیر بالیقچییدی.
سسله‌دیم اونو
یاخینلاشدی منه.
تام اولایلاری بیلدیردیم اونا، سونرا او بالیقچی قاییغین منیم قاییغیم‌لا اوز-اوزه قویدو، ایکیمیزده قاندالی چکدیک.. .لنگر یئریندن دبریمه‌دی. گئجه سونا چاتاراق، ایشیقلاندی، دومانلی چنلی. توتقون همده سویوق گون، ائله بیر حوزون‌لی گون کی نیسگیل گتیریردی.
آیریجا بیر قاییق گوردوک.
بیرلیک ده سسله دیک.
او قاییغی دولاندیران کیشی ده بیزه قوشولدو.
سونرا یاواشجا دایاندی لنگر، یوخاری‌یا قالخدی.
چوخ آغیر اولدوغونو حیس ائدیردیک.
قارا بیر شئی گوردوک.
منیم قاییغیما گتیردیک اونو.

آه... آه....
بوینونا بیر بؤیوک داش باغلامیش، یاشلی بیر قادین جسدی!!


https://t.me/Adabiyyatsevanlar