«سولماز_نصرآبادی»

#ایشچی_قادینین_ساچیندا_آداخلی_یارالار

گلن گئدنی چکیرم
چکیرم گلن گئدنی
منیسه بیر رسسام
خیاوان دولو "داریخیر دار"


بارماقلاریندا سولوق تظاهوراتین
کیمسه ایزله میر
بو سریالین بورنوندان قان گلیر
کیمسه نین ایلگیسین قورخو ژانری چکمیر
کانال سوسور
دیرناغ آراسیندا آغاریر آغابگیمین ایزوله کل/ایاغیسی
دیرناغ آراسیندا چورویور ال/ایاغ/باش
دیرنآغ آراسیندا سوغان دوغراییر ساققالیمیزا آلین یازیسی

ایچیمده اویناییر لابیرنت کرتنکله سی
کئچیرم
ایشچی قادین
یارالارینین مانیفستین باغلاییر
ماهیت
باجادان بویلانیر قابیغیندان چیخان آلووا

یاتا بیلرسین آغزینی باغرینا باسان اوتاق
یاتا بیلرسین آغری گوزلرینده گویره ن باغیرتی
آجیندان قارنینا داش باغلایان قوجاق
قولچاقدا قیریشان اوپوجوک
تریبون لاردا سورگون آرزی ایلبیزی
قادینلیقینا داشینان قزئت

مزارینی
داشیییر
یاریمچیلیق سربست
یاریمچیلیق آرشه
یاریمچیلیق قادین
بیز یالنیز
گوزگوده اوز به اوز گلمیشیک جانیم
چئویر
بو کانالین قولاقلاریندان حالوا قوخیسی گلیر...


دیندیرمه یین بو رسمی
گوزلری دولوب
موقددس دوستاقلارسا
شوملاییب
https://t.me/Adabiyyatsevanlar

بو دونیا

https://t.me/Adabiyyatsevanlar

#اولدوزلار_بزمینده
(ورژن ترکی آهنگ #غوغای_ستارگان اثر استاد «همایون_خرم»
خواننده:«فرغانه_قاسیم_اوا»
ترانه سرا:«صالح_سجادی»
تنظیم:«فارایم_صدیق»
ضبط:«استودیو_طوفان»
با تشکر از ابتکار عمل دوست هنر پرور جناب #حیدر_شوکتی

https://t.me/Adabiyyatsevanlar

اوزه‌ل وئرلیش؛
قونو: کینایه‌لرین یارانیشی (3)
انسانین گؤوده‌سینه عایید اولان کینایه‌لر
بو گئجه: 1400/2/20
ساعات: 22«ادبیات سئونلر کانالیندا»
اوزمان:«میرحسین دلدار بناب»

https://t.me/Adabiyyatsevanlar

هر قولاغیمدا بیرقیزیل آلما حئکایه توپلوسو ایشیق اوزو گوردو.
ناشر: اختر
یازار:«رقیه کبیری»
جیلد طرحی: «مهیار علیزاده»
ویراستار:« مرتضی سلمانی»


https://t.me/Adabiyyatsevanlar

داغ باشماغیم
نریمان ناظیم

https://t.me/Adabiyyatsevanlar

داغ باشماغیم
نریمان ناظیم

بیر الیمده چؤره‌ک، بیرینده بیر پاکات مئیوه، قولتوغومدا ایسه گونده‌لیک، چیینیم‌له قاپینی ایته‌له‌ییب ایچری کئچیرم. سوپورگه الینده، ائیواندا دایانمیش آروادین توز-تورپاغا بویانمیش اوز- گؤزونو گؤرجک دویورام کی ائوده کؤهنه ایلین هیسی آلینیر. ائو یئنی ایلی قارشیلاماغا حاضیرلانیر. آرواد یورغون- آرغین منه یاناشیر. الیمده‌کی‌لری آلیب، باشی ایله بیر نئچه زیر- زیبیل ییغیلمیش کارتونا اشاره ائده‌رک «دای واللاه منده اینجار قالماییب؛ زحمت اولماسا بولاری قوی ائشییه.» – دئییر.
کارتون‌لاری بیر به بیر داشییب، قاپی قاباغینا قویورام. قاپینی اؤرتر- اؤرتمز گؤزوم زیبیل ایچیندن بویلانان «داغ باشماغی»ما ساتاشیر. قیناییجی باخیش‌لا منی سوزور. شماتت ائدیجی گؤزلریندن دیکسینیرم. گوناهکار بیر اوشاق تک ال- ایاغیمی داغیدیرام. بیر آن، قاپینی اؤرتوب اؤزومو اونون باخیشیندان قورتارماق ایسته‌ییرم، آمما اووسونلانمیش ایلان کیمی ترپنمه‌یه امکان تاپمیرام. دایاندیغیم یئرده قورویوب قالیرام. باشماق اوزون زامان منی سوزور. من گؤزومو یئره تیکیرم؛ سونرا اونون آجی – آجی گولومسه‌ییب، دیله گلمه‌سینی دویورام؛ قهرلی سسینی ائشیدیرم:
«سنین بو قده‌ر وفاسیز اولماغینا هله‌ده اینانا بیلمیرم. نئجه اوره‌ییندن گلیر منی زیر- زیبیله قاتیب چؤله آتاسان؟! کئچمیش‌لری، بیرلیکده کئچیرتدیگیمیز گئجه – گوندوزلری نه تهر اونودورسان؟! آخی ایستی‌ده، سویوقدا، قاردا، یاغیشدا من سنه یول یولداشی اولموشام؛ من شاختادا، بوراندا دؤنه – دؤنه دونوب آچیلمیشام؛ آمما سنین ایاقلارینی قورویوب ساخلامیشام. سهندده، ساوالان‌دا، توچال‌دا …. هانسیسینی دئییم، هاراسیندان دانیشیم؟! بیرجه منه باخ! اؤتن اون – اون ایکی ایلده یاغلانمادان قورویوب قاخا چئوریلمیشم. آی‌لار ایل‌لر گؤزوم قاپی‌یا تیکیلیب کی هاچان گله‌جکسن؛ هاچان منی یئنی‌دن یاغلاییب، گئییب یولا چیخاجاقسان. بس سن بئله گله‌جکمیشسن؟! اؤتن گون‌لری بیر داها خاطیرلا!، او اوچوروم‌لاری، او سیلدیریم‌لاری … من داش‌لاری، قایالاری جایناقلایا – جایناقلایا هر آددیم باشی مین کره اؤلوب دیریلمیشم؛ آمما سنی ذیروه‌ده گؤرجک یورغونلوق دویمادان، باشی اوجالیغیندان غرور دویموشام؛ سئوینجیندن سئوینمیشم. من سنه تکجه باشماق دئییل، یول یولداشی اولموشام. بیلمیرم … آخی باشماقسیز، یولداشسیز یولچو دا اولارمی؟ آآه آغیزیمدان وار گلمیر. نئجه دئییم یوخسا… یوخسا، سن یولوندان …»
داها تابلاشا بیلمیرم. دیزه چؤکورم. الیمی باشماغین آغیزینا قویوب، گؤزومدن اله‌نن داملالارلا توزغون یاناقلارینی یویورام. اونو گؤتوروب باغریما باسیرام. آیاغا قالخیرام. اوره‌ییمین دؤیونتو سسی اونو کؤورلدیر. یئنی‌دن دیللندیریر. حزین نغمه‌سینی ائشیدیرم:
قالانین دیبینده ییخیلدیم یاتدیم
آینالی توفنگی دولدوروب آتدیم
وطنین یولوندا …..
نغمه‌دن سیلکه‌له‌نیرم. قوشولماغا چاغیریر. سسیمی سسینه قاتیرام. قایناییب یئنی‌دن قوووشورام. سس گئت- گئده اوجالیر. نغمه گورلاییر. باشیمی قالدیریب قاباغا باخیرام. یوزلرله داغچی گؤرورم الوان چانتالار کورک‌لرینده، سیرا ایله بیر – بیری‌نین آردینجا قاتارلاشیب، بیر جیغیری توتوب، سارسیلمادان اوزو یوخاری ذیروه‌یه دوغرو آغیر – آغیر آددیم‌لارلا ایره‌لی‌له‌ییرلر. دؤنوب آرخاما باخیرام. سایسیز – حسابسیز داغچی گؤرورم. سینه گریب، گؤزلرینی ذیروه‌دن چکمه‌دن بیرگه آغیزدان، بیرگه بوغازدان اوخویورلار:
یاشا داغچی، یاشا، سن مین‌لر یاشا!
داغیتدین دؤیوشچو ….
مؤحتشم ذیروه قارشیمیزدادیر. آغیر آرخایین، متانت‌له دایانیب، داغچی‌لارین قوووشماسینی گؤزله‌ییر…

آرواد قولومدان یاپیشیب سیلکه‌له‌ییر. «به سن نییه بئله ائدیرسن؟» – دئیه منی اؤزومه قایتاریر. قیزدیرمادان آلیشان گؤزلریم هئچ نه‌یی گؤرمور. آستانادا اوتوردورلار منی. اوشاق‌لار دؤره‌می آلیر. اونلارین سورغو – سووالینا جاواب وئره بیلمیرم. نهایت قهردن بیچیلمیش بوغازیمدان آنجاق بیر جومله‌نین چیخماسینی دویورام: «منی کئچمیشیمدن آییرمایین، آییرمایین …!»

قایناق: ایشیق سایتی

https://t.me/Adabiyyatsevanlar

قارا کولگه لرین آراشدیرماسی
ادبیات سئونلر کانالیندا
سه شنبه: 1400/2/21
ساعات: 22
اوزمان: ایلقارموذن زاده

https://t.me/Adabiyyatsevanlar

‏پنجره دن داش گلیر
بولبول ممد اوف
https://t.me/Adabiyyatsevanlar

«موسا یعقوب»

دونیا داها بیزیم اوچون نیله سین

بیز دونیادان دونیا بیزدن گیلئی لی
مجنون کوسوب وفاسیز دیر کی لیلی
عالم بیزیم بوتون قوزئی_گونئیلی
دونیا داها بیزیم اوچون نئیله سین

دریاسینا بالیق وئریب قیرمیشیق
چوءللرینه توراج وئریب ،وئرمیشیک
قالانلارین جله سینی قورموشوق
دونیا داها بیزیم اوچون نئیله سین

بولاغینین ،یارپاغینین دیلی بیر
مئشه سینین بوداق –بوداق قولو بیر
بیز اَیمه سک،حاققا گئدن یولو بیر
دونیا داها بیزیم اوچون نئیله سین

بیر ناخئری بوراخمیشیق تایایا
سویا زهر،دینامیتی قایایا
شاققا ائدیر ،کئچیرمیشیک پایایا
دونیا داها بیزیم اوچون نئیله سین

اوزوموزچون یاراتمیشیق بو دردی
سرحد لری یولوموزا سپردی
بوءلن اولسا هاواسینی بوءلردی
دونیا داها بیزیم اوچون نئیله سین

نه گونشین ،نه یئرین دی بو علت
قالخ گویدن باخ ،توز قوپاریب بو ملت
نه ویرهاویر ،نه قیامت،نه ذلت
دونیا داها بیزیم اوچون نئیله سین


افسارینی وئردیک نامرد الینه،
چوخو سالدی بیزی اوءلوم سئلینه
مزار-مزار یوکلنمیشیک بئلینه
دونیا داها بیزیم اوچون نئیله سین

خمیریمیز ،قاتیغیمیز ،دوزوموز
مایا توتدو،توتمادی چوخ سوءزوموز
اوءزوموزه ائیله میشیک اوءزوموز
دونیا داها بیزیم اوچون نئیله سین

  https://t.me/Adabiyyatsevanlar

سایین کانالداشلار

«غفور امامی‌زاده» خیاوی‌نین «قیرمیزیم» آدلی حیکایه توپلوسو اوردیبهشت‌ین ییرمی‌دوققوزوندا (۱۴۰۰/۲/۲۹) ادبیات سئونلرکانالیندا نقد اولوناجاق. بو کیتابا علاقه‌لری اولانلار و تنقیدیمیزه قاتیلماق ایسته‌یین دوستلار لوطفن نظرلرینی یازیب، یا اگر بعضی‌لری سس‌لی دانیشماق ایسته‌سه‌لر حاضیرلیق گؤروب نظرلرینی بیزه گوندرسینلر.
الیمیزه چاتان تنقیدلر وعده وئردیییمیز گون نشر اولاجاق.

https://t.me/Adabiyyatsevanlar

«روان_ممدلی»

سیلمک دیرسه، سیل هر شئیی بو گۆندن
اونوت بیر-بیر یادداشیندا نه وارسا
چوخ آساندیر حیاتیمدان چیخماغین
باجاریرسان اۆره‌ییمدن چیخارسان

داش‌می قویدون او قلب‌ینین یئرینه؟
چوخ‌مو گؤردون سالامات قال دئمه‌یی؟
سئون انسان سئودییندن گئدرکن
ذرّه قدر سیزلامازمی اۆره‌یی؟

گؤر نه قدر آسان ایمیش آیریلیق
گؤر نه قدر آسان ایمیش گئتمه‌یین
دۆشونورم سن گؤره‌سن نه واختدان
گؤزلویورسن بو سئوگی‌نین بیتمه‌یین؟

گؤزون آیدین، هر شئی بیتیر بو گۆندن
غرورونلا آیاقلاشیب گئدیرسن
بیر یاد کیمی گؤزلریمین اؤنوندن
آددیم-آددیم اوزاقلاشیب گئدیرسن

https://t.me/Adabiyyatsevanlar

کور عربین ماهنی‌سی
ایفا: عالیم قاسیم‌اوو

https://t.me/Adabiyyatsevanlar

اوستاد یحیی شیدانین دوغوم گونو قوتلو اولسون: 1303/2/20


بوموناسیبته اوستادین ساری کوینک شعیرین تقدیم ائدیریک.

https://t.me/Adabiyyatsevanlar

:یحیی شیدا»
آی ساری کوینک


آی خسته گوش ، آواره گزیرسن،بو دییاری

زنداندی،قفس دی،چمنی،باغی،باهاری

گوزله اوزونو،آوچو دور هر یانی بو،یوردون

قوزغون کیمی دورد گوزلو گزیر،کورپه شیکاری

فرصت دالیسینجا گزیری،ال یئری تاپسا

ویران قویاجاق یوردونو،آی کوینه یی ساری

تيک اوز يوواوي، قويما سنه ال تاپا اوچو

سن بو يووانين مالکی سن، قانگیله باری

جهد ائيله کي، جان قورتاراسان،آوچو اليندن

دوشسن تورا، فرياد ائله مه ،چک بو فشاری


گولشنده کي ،يوخ ذوق و صفا، آي ساري کوينک

قاچ -قاچ بو يئرين زهرلي دور، دار و نداری 


ديللنسن اگر،آوچو ائده ر قانيناغلطان

اوچسان آيازيق ! تير جفا ،قلبيني ياری


مين فيرتينا قالخيب،دويه جک باشينا طوفان

هر کيمده اولا داغ کيمي تمکین و ویقاری 


گلسه نه قدر درد و بلا داغ کيمي دور، باخ!

آيديندي بو سوز،توستو گئده ر گويچه یه ساری 


ايستیر سني آوچو اوزونه رام ائده،آمما

اویقودا گورر آج تويوق البتده کي، داری

سندن ده هله خسته سی،آواره سی واردیر

یوخ ذرٍّه جه آسایشی،یوخ ذرّه قراری


بو ياخشي مثل دير کي، بيزیم ائلده دئیه رلر:

((باخ بیر آشاغي، باخما اوزوندن ده يوخاری)) 


غم-غصه کيچيک قلبيني گر دويسه،سيخيلما

بو گوند ه کئچه ر آخيري ،غم لر ده قوتاری


اوندا کي دوغار گون، ياييلار عالمه بيردن

اوندا کي قارا دان يئري صبح اولجاق آغاری


داغي- داشي آسوده خياليله گزه رسن

گولشنده نه شاختا گوره سن ،داغدا نه قاری


ظلمون ائوي ويران اولی، ظاليم دوشر الدن

قان دورماز،اگر کس سه پيچاق ،قيرسا داماری 


بختين قاپيسي ايندي قيفيللانسا ،داريخما!

هر بير قيفيلين واردي طبيعتده آچاری 


اوز جانيويلن اویناما بو عرصه ده ((شيدا ))

ليلاج دغلبازايله، قيزديرما قوماری

https://t.me/Adabiyyatsevanlar

اوزه‌ل وئرلیش؛
قونو: کینایه‌لرین یارانیشی (3)
انسانین گؤوده‌سینه عایید اولان کینایه‌لر
بو گئجه: 1400/2/20
ساعات: 22«ادبیات سئونلر کانالیندا»
اوزمان:«میرحسین دلدار بناب»

https://t.me/Adabiyyatsevanlar

دخترک افغان پس از انفجار دیروز که به کشته شدن ۵۰ دانش آموز انجامید وحشت زده کتاب و نوشت افزارش را محافظت می کند !!!!

چشم کدام انسان است که بر چنین دردی، نگرید !!!

نفرین بر جهل ، نفرین بر خشونت...


https://t.me/Adabiyyatsevanlar

اوزه‌ل وئرلیش؛
قونو: کینایه‌لرین یارانیشی (3)
انسانین گؤوده‌سینه عایید اولان کینایه‌لر
بو گئجه: 1400/2/20
ساعات: 22«ادبیات سئونلر کانالیندا»
اوزمان:«میرحسین دلدار بناب»

https://t.me/Adabiyyatsevanlar

اوزه‌ل وئرلیش؛
قونو: کینایه‌لرین یارانیشی (3)
آپاریجی:کریم قربانزاده

https://t.me/Adabiyyatsevanlar