ادبیات سئونلر

من گله‌جه‌یین یازیسی‌یام
«مسعود آذر»

“بیر مای‌ین عشقینه”
یارانمیش کایینات بیر ماییس‌لا برابر.
ای انسان اوغلو دوشون منی،
اینان منه.
من حیاتین شیرینی، آجیسی‌یام،
من گله‌جه‌یین یازیسی‌یام.
ابدیت زیروه‌لرینین یولچوسو منم،
چیخ منیمله سئیره بو جهانی
گل گزه‌ک قاریش با قاریش دونیانی.
آیاقلاشسان منیمله بو زیروه‌لره دوغرو
سئوینه‌رم
یوخ، تؤشویوب قایدیرسان،
سینمارام سندن
اینان کیسمه‌دن اوموب
کیمسه‌نی قینامارام.
بو منیم یازیم‌دیر، بو منیم قده‌ریم!
من وارام، یقین یاشاییر حیات،
دولانیر کائینات.
دونوب سوساجاق بوتون وارلیق
دایانارسا اوره‌ییم،
دایاناجاق فلکین چرخی،
یوخ اولارسام
سؤنه‌جک حیاتین اوجاغی.
ای انسان؛
منیم سسیم، حیاتین شیرین نغمه‌سی،
منیم سؤزیم، شعرین آخارتیسی
سئوگی ماهنیسی.
منیم سئوگیم؛ داغدیر، مئشه‌دیر، دنیز،
اولدوزلاری سانا گلمه‌ین گئجه‌دیر،
سماسی ماوی گؤل.
سرویلر شه‌هری‌دیر، سئوگیمین شه‌هری.
گل پایلاشاق؛ سئوینجیمیزی، کدریمیزی.
بیرگه یئییک چؤره‌ییمیزی. بیرلیکده ایچک شرابیمیزی،
ایکییه بؤلک بهشتدن آتیلان قیزیل آلمانی دا.
ای انسان اوغلو دوشون منی
اینان منه،
حیاتین شیرینی، آجیسی منم.
گله‌جه‌یین یازیسی منم.

https://t.me/Adabiyyatsevanlar

ادبیات سئونلر

بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.

834 views03:04

ادبیات سئونلر

«حسن بابایی» عجبشرلی

وجدانین نه پولا،نده کی زورا
هئچ نه یه ساتمایب، ساتماز معلم
ائلیندن آیریلیب نانکور اوولاد تک
درین دویغولارین آتماز معلم

خیالی اینجه دیر،معناسی درین
خالقی نین دوشونر خئیرین -شرین
او قبول ائیلیر ائل دردسرین
اوءزگه دالداسیندا یاتماز معلم

ظلمتین باغرینی اویاریب کئچر

علمین مشعلینی او بایراق سئچر.
بیلیک دن اوءزونه یئنی دون بیچر
جهالت کامینا باتماز معلم

من تعریف یازاندا قلم آغلادی
بو کوورک اوره ییم چای تک چاغلادی
بیر گول چلنگینی سنه باغلادی
دئدی(حسن )یده آتماز معلم.

https://t.me/Adabiyyatsevanlar

ادبیات سئونلر

630 views13:47

About

Blog

Apps

Platform