قادین ادبیاتی
"آینار تبریزلی"

سونرا گؤزونو یوموب
اؤزونه یاخشی بیر تسللی آختاریرسان!
دئییرسن آی منده‌کی یالنیز آدام
داریخمالارین ائینیمه سیغمیر...
قوجاغینا یاتیردیغین تک بیر آدام بئله قالماییر...
سانکی روحون بد‌‌نینه داها آغیردیر
کوله‌یه چئوریلیرسن زامانلا!
گؤزونو یومورسان
قارا، بورانا، یئلین چیرپینتیسینا بئله...
ان تهلوکه‌لی و درین اوچوروملاری دوشونورسن
سونرا سنی بیر زیبیل سایاق توللایان آداما لعنت اوخویورسان...
من اونو نییه سئویرم هله‌ده!؟

بئینینین آغ کاغاذی
دولودور بالاجا بیر ایملا یالنیشی ایلا
چیچک لرین، آغاج لارین سولماسینی
کاغاذلارین دولماسینی
یئنه فصیل‌لردن پاییز اولماسینی
ان چوخدا حوووضداکی بالیقلارین داریخماسینی دوشونورسن...
پیشیک‌لرین ائوسیز قالدیغینی،
سنین یئرینی کیمین آلدیغینی،
سئوگینین سنی بو گونه سالدیغینی دوشونورسن...
سئوگین نیفرته بنزه‌ییر زامان زامان
نفرتین‌سه اَن بؤیوک سئوگی‌لره!

کولک‌ده بوتون نامردلیک‌لری ایله
اوزونو تومارلاییر...
بیلیرسن کی یالنیزلیغین تک ماهنیسی‌دیر کولک...
اؤزونو یئرده و گؤیده قوشلاری داریخیرسان...
سن، دونیانین بوتون گؤزللیک‌لرینی بوراخیب
و داریخیرسان یئنه ده...
یئنه ده داریخیرسان...!

http://t.me/Adabiyyatsevanlar

قادین ادبیاتی

"آینار تبریزلی"

گؤز یاشلاریم سوزمه سین دئیه
یومدوم سئوگی گؤزلریمی!
سنی قاتیرام قهوه مین درینلیگینده
اودورام شکر سیز سئوگینین بوغومتول دادینی!
بوغولور تیروئیدیم ده قیرمز یالانلارین...
اون بیر خبریندن ائشیتدیم،
جیزقلانیب منه دوءندویون یوللار
هله ده دوروشوقلو
هله ده دیک دیر ازیلمیش قادینلیغیم!
ائله آجیقلی سئویرم کی سنی!!......

‌‌https://t.me/Adabiyyatsevanlar

قادین ادبیاتی
"آینار تبریزلی"

هله ده بؤیویورم اؤز باشیما
آیاق لاریم دا تیکانلانان یارالار کیمی
قاپی_قاپی دولانیرام یاشامین یولسوز_یوللارینی‌...
هله ده چیچک له نیر ایچیم ده چارمیخا چکیلن درین یارالار..
و بوتون آغریلاریملا دانیشیرام سنه!
دوشونورم
بوندان سونرا کی ایللریمی؛
گله جه ییم ده قوجا قادین لیغیمی
کئچمیش ده قالان دلی قانلی قیزلیغیمی...
بویلانیر ایچیم ده گئدیشین،بئله جه یالقیزلاشیرام!
ایل به ایل
یالقیز کافه لرده اسپئرسولارلا
سلاملاشیب،سونرا ویداع لاشیرام!
یورغونام
آیاقلاریمدا ازیلن کیلومئتره لرین سانجیسی وار
بو یولون سونو نه دیرمی گؤرن؟!
گوزگوده کی گؤزلریمدن دویدوم

"داریخما شاعیر آدام،
بیر آلماییق ۲ پارچا!
سنه کؤچن داریخمالار
سیخیلیر منده..."

https://t.me/Adabiyyatsevanlar

قادین ادبیاتی
"آینار تبریزلی"

باخیرام چئورم‌ده پوزغون گؤرونتویه
و گؤرورم کی بوینوما بیچیلیب یالقیر یاشاماق..
گؤرورم کی پاییز آجینین سون مئوسیمیدیر
بیرده ساریمتیل یاپراقلار وار عؤمرومدن سوپورولمه‌ین
و منی داریخدیران قوجا چینار آغاجی...
یالنیزلیغیم کیمی‌ اوجادیر کؤلگه‌سی!
ائله یالنیزلیغیم کیمی سس‌سیزجه کئچیر گئدیر
عؤموردن گوندن‌...

باخیرسان چئورن‌ده پوزغون گؤرونتویه
تومورسان بیردن
گؤرورسن کی
اوستونه اوزونه یاغیر قار!
بومو ایدی یاشاماق؟ آلین سیزین اولسون
یاشاماغا گوجون یوخ آرتیق
و گوجون ساده‌جه فنده‌یه چاتیر
هله بیر سیقارئت آلیشدیر...
دوشون بیراز!

دار گلیر اَینینه بیچیلمیش زور یاشام!
آغ جییه‌رینین زهرلنمه‌سینی نفس نفس اؤسگورورسن
هر باخیشدا سونونو گؤرورسن
سیقارئت سونا چاتیر و دَییشیر مئوسیم...
اؤز ساغلیغینا وورورسان بارداغی
سوویویان چایینی کیمین ساغلیغینا ایچیرسن!؟
......اینانماسی زور آما...
بوراخیب گئدن دئییل سنی بو داریخما!


https://t.me/Adabiyyatsevanlar

قادین ادبیاتی
"آینار تبریزلی"

یاشلانیرام!
او سن بوراخدیغین کیمی دئییلم آرتیق...
بیر کره ده سن منیم گؤزلوگوم له باخسانا دونیایا!
توزلومو بوتون گؤردوک لرین؟
ده ییشمه لی یم گؤزلریمین نؤمره سینی
یادا شهریمی...
بیلمیرم...
اینجیدیر منی
سنی باشقاسی ایله گؤسته رن شهر...
آجیغیم گلیر بوتون گؤرونتولردن
آجیغیم گلیر آیدین گؤزلوک لردن،
سنی منسیز گؤسته رن هر نه دنسه آجیغیم گلیر!


https://t.me/Adabiyyatsevanlar

قادین ادبیاتی
"آینار تبریزلی"
شعیر و سس: آینار تبریزلی


https://t.me/Adabiyyatsevanlar

قادین ادبیاتی
"آینار تبریزلی"
شعیر و سس: آینار تبریزلی

https://t.me/Adabiyyatsevanlar

قادین ادبیاتی
"آینار تبریزلی"
شعیر: آقشین ائورن
سس: آینار تبریزلی

https://t.me/Adabiyyatsevanlar

قادین ادبیاتی
"آینار تبریزلی"

بوتونلوک ده
اؤلچرسم گوجومو، سونوجسوز اینقیلابا قالخان اعتیراضام!
فیزیکسل باخیمیندان بوتون جیسمیم له ازیلمیش بیریسی یم!
یورغون
دوشگون
اؤفگه لی...
عصب دامارلاریما یومروق آتان سن می سن؟!
باخ!!
دؤرد فصیلیم ده بوزلانیر گوزونون ماویلییینده!
باخیرسان منه سرین_سرین
دئییرسن عاغلین ترپه نیب سنین
یاشام بیر یوخودور !
مووَقت بیر یوخو...!
نه ایسه
سن منی سئومه یه گئج قالارسان همیشه!
اویوشموشام بونلارا؛
میللتین بو اؤلکه یه آلدانماسی کیمی!
بوراسی یالقیزلیغین یئددینجی قاتی دیر
سنی جیزیقلادیغیم ن ‌و ق ط ه...
بوراخ...
آغزیم بنزین له دولودور
و بیر کیبریت له اودا چکمه لییه م بوتون گنجلیییمی!

https://t.me/Adabiyyatsevanlar

قادین ادبیاتی
"آینار تبریزلی"
حاضیرلایان :مرجان منافزاده

https://t.me/Adabiyyatsevanlar

قادین ادبیاتی
"آینار تبریزلی"

ساپآ ساغلام
آیاقلاریم دایام هله ده...
قوللاریما یاراشان هر قول باغیمین
جینگیلتیسی دیر آزادلیق
قادینام
قاراباغ بویاسیندا،
اسدیرین بایراغیمی تبریزین گیزلین وولقانیندا...
قیزجیغاز اعتراضیما آی اولدوز چکین!


https://t.me/Adabiyyatsevanlar

قادین ادبیاتی
"آینار تبریزلی"

سنی سن سیزجه گزن کور خییاوان‌لار داریخیر
و ایچیم‌دن سوووشان وحشی بوران‌لار داریخیر

بو سیخیلمیش دووارین‌دان قوپا بیلمیر اوره‌ییم
جانا حسرت قالالی جانیما جانلار داریخیر

داریخان گؤیلره باخ، یوللارا سرمیش اوره‌یین
بوینو چیینین ده قالان یولدا قالان‌لار داریخیر

بئله پوزغون دو ایچیم، زیل سسیمی بَم قیناییر
منی تصویره چکن شعره اوزان‌لار داریخیر

نئچه مین‌لر یالانین قوربانی اولموش سئوگیم
سن گئدیرسن منه بو دادلی یالان‌لار داریخیر

داها سینمیر دوداغیم‌دان گولوشوم بیر پارچا
سنلی چاغلاریما بو یاخشی یامان‌لار داریخیر

دئ آنام دا هله‌لیک ساچلاریمی اوخشاماسین
آینارام شعریمه سس سیزجه جومان‌لار داریخیر

https://t.me/Adabiyyatsevanlar

قادین ادبیاتی
"آینار تبریزلی"

اسکی کاناپه‌مین اوجوزلوغون‌دا
توزلانیب عؤمرومون سون باهارلیغی
گؤتوروب اؤزومو قاچماق ایسته‌رم
چوخ سیخیر کؤنلومو ائوین دارلیغی

ایللردیر آچیلمیر اسکی پنجره‌م
بویلودور ایچیم‌ده سونونجو سؤزلر
دوغاجام ائویمین دووارلیغینا
سؤزلریم ایللردیر یولونو گؤزلر

سون باهار گئجیک دی،بیلیرم بونو
نه یامان داریخیر بو آخشام تئراس
اسیر اوموزوما آیریلیق یئلی
اوچوشان ساچیم‌دان کولک منی آس

یارالار دوزلودور اوستوده آچیق
سربستجه من سنی آغلایانمیرام
یورغانسیز قالسادا سئوگی‌سیز شهر
داها سئوگی سیزله قوجاقلانمارام

بو دؤنه سونلوغون سونسوزلوغوم دور
چکیلیب کؤنلومه یوخلوغون ایزی
پنجره قارشیندان قاچا بیلمیرم
سن سیزجه اوشویور ائویمین دیزی

https://t.me/Adabiyyatsevanlar

طنز
بویوک آغا افندی.

یاریم ساعات اوتوراندان سونرا نوبت مولودا چاتدی ، فالچی قویون دریسی نین اوستونده اوتورموشدو،قیرمیزی شاپا- شاپا گوللو میتککه لره سویکنمیشدی, الینده ایری دنه شاه مقصود تسبئیحی, قاباغیندایئکه بیر کیتاب, تاس,ساری اوستورلاب صفحه سی وارایدی. ساققالین سهمانلایا - سهمانلایا دئدی : خانیم باجیم نئیه باخدیراجاقسینیز ؟
مولود اوتانا -اوتانا دئدی : واللاه آللاهدان گیزلین دئییل سیزدن نه گیزلین بوشهرده دوکتورقالمادی گئتمه یک تهرانادا گئتدیک اینیمیزدن قارنیمیزدان کسدیک تاپدیغیمیزین هامیسینی وئردیک داوا درمانا آمما اوشاغیمیز اولمادی دوکتورلر دئیرلرگئدین حیلال احمردن اوشاق گتیرین .
فالچی نه آلدی نه ساتدی بیردن قیشقیردی , په آللاه بو دوکتورلرین ائوین یخسین جماعاتین دریسین سویورلار,واریوخونو الریندن آلیرلار آخیردا دا اللریندن بیر ایش گلمیر گوندریرلر بیزیم باشیمیزا .ارین نه دئیرهله ؟
مولود آغلایا- آغلایا دئدی : اریم موخالیف دیر . دئییر من اولوسم ده یوز ایل سونسوز قالسامدا گئدیب اوزگئنین تانیمادیغیم آدامین اوشاغین گتیرمرم ائویمه, نه معلوم اونون دده ننه سی کیمدی نه چی کاره دیر.
فالچی یئریندن آیاغا قالخدی اللرین اولچه- اولچه دئدی : آللاه او کیشینین آتاسینا رحمت ائلسین ,معلومدو حلال سوفرانین باشیندا اوتوروب ,بیری یوخدودئییه آغای دوکتور کوپک اوغلو, ایتین اوغلوایت اولار بئیه آدم گئده اوزگئنین قودوغون کی معلوم دئییل هانسی ایتین توره مه سی دیر گئتیره ائوینه ؟ بیه زینازاده دیر ؟ آدامین اوز اوشاغی نه پوخ اولورکی گئده سن خالقین قور -قودوغون گتیرسن کی بللی دئییل کیمین توخومودور ,معلوم دئییل هاردان توتوبلار, نجورتوتوبلار. ائله بو ایشلری گوروسونوزکی بو گونه قالیریق .
فالچی قایدیب اوتوردویئرینده تسبئحین سیغارلییا- سیغارلییا دئدی: بوایش بیرزاد دئییل خانیم من بیر دعا یازارم ایش دوزلر .
یئردن کیتابی گوتوردواوجادان بیر صلوات چئویردی، باخدی مولودون اوزونه سوردو :
آدینیز ندیر؟
مولود .
آتانین آدی ندیر ؟
میر احمد .
فالچی بیر ایکی صحیفه کیتابی اویان بویان ائله دی دئدی : من یالان دییمرم کیتابدا سیزین باره نیزه ده بیرزاد یوخدو ائله بیل بیر آزایش چتین اولدو گرک جین چاغیرام گورم سنین اصلی دردین ندیر ، جینین آدین ائشیدجک مولودون آز قالدی باغری چاتلاسین .
فالچی دئدی: قورخماین سیز جین لری نه گوره جکسینیز، نه ده سسینی ائشیده جکسینیز
یالنیز بو ایشین بیر آز خرجی چوخدو.
مولودون اوره یی بیر آز یئرینه گلندن سونرا دئدی : سن آللاه فقط ایرانی جین گتیرمه یین خانیملار دئیرلر ایرانی جین لرین ائله باشی چیخمیر. فالچی دئدی: موطمعن اولون بیزیم جین لریمیزین هامیسی خارجی دیر .اصلی ژاپون دولار، یئرین آلتیندان ،اوستوندن ،آدامین ایچیندن، ائشیین دن ده خبرلری وار.
مولود یئنی دن سوردو :حاجی آغا باغیشلایین جین لرین خرجی نئچه اولار؟
فالاچی دئدی : نه دیم واللاه سیزی دوکتورلرائله سویوب لارآدامین اوزوندن گلمیر بیر سوز دئسین , سیز اوچ یوزمین وئرسه نیز گورر .
فالچی باشین سالدی آشاغی بیر آز میزیلدیاندان سونرا دئدی : سیز قاپیدان گیرنده من بیلدیم نه یه گلیب سینیز جین لرده ائله من گورنی دئدیلر , جین لر دئیرلر طایفانیزدالاپ یاخین آداملارینیزدا قاراشین بیر آرواد وار اصلن سنی گوزوگوتورمور, ایسته میر سنین اوزون گولسون هامان آدام توی گئجه سی سیزی جادولایب , پیسیدیب ساری دستمالا یئدی دیرماندا دارتیب توکوب یییم لرینیزه پولچوک گئدیب اوشاق یولون توتوب اونا گوره سیزین اوشاغینیز اولمور. سیز ایجازه وئرین من اونابیرایش گوروم تیفاغی داغیلسین . اوزسوزلوک، دورچوخ باغیشلایین خانیم باجی، سن گرک گئجه قارانلیقدا توالته گئدسن ،اوردا میس تشته سیچاسان، فقط یادیندا قالسین تشت حتمن میس اولسون بیردن اولمایاها بو پیلاستکی تشت لره سیچاسان، سونرا ائله قارانلیقدا اوتوردوغونو اون ایکی یئره بوله جکسن یادیندا ساخلا هئچ بیری نوخودان خیردا اولماسین سونرا ال ایاق بارماقلارنین دیرناغیندان توتوب اون ایکی یئره بولوب اوتوردوغورنا قاتیب پوخ مازیسی دوزلده جکسن چوخدا یومورو اولمادی عیبی یوخدو سودیمه میش ایپک قوماشا باغلایاجاقسان گئجه آی ایشیغینداپوخ مازیلارین آپارین اوچون قویون طرفین دووارینین دلیک دئشیینه، ائله قویون ائشیک دن گورنمه سین کسیرین آتین حیط لرینین دورد بوجاغینا، سونرا بیر دوعا یازدی دورد قات بوکوب نارینجی ساپینان موحکم باغلادی بیر ایستکان دا سوگتیردی ایکی دفه توپوردو ایچینه توکدو بالاجا بیر نوشابه شوشه سینه دئدی : بو گئجه بو دوعانی سالین بو سویون ایچینه چالخالایین ار آرواد ایچین سونرا مشغول اولون... اینشاآللاه گلن ایل بوزامان بیری اوغلان بیری قیز قوجاغینزدا بیر قویون بیر قوتو شیرینی ایله گلرسینیز بورا.
https://t.me/Adabiyyatsevanlar

«حسین سليمان پناه»
روانکاو اگزیستانسیالیست
# یالوم در آستانه مرگ

اروین یالوم روانکاو اگزیستانسیالیسم در بیمارستان بستری شده و خودش را درآستانه مرگ می بیند
جردن مایکل اسمیت نویسنده در دوره ای که یالوم نقاهتش را می گذراند به عیادتش رفته و با او سخن می گوید و آن را در وب سایت آتلانتیک منتشر می کند
که نشریه وزین و فرهیخته « ترجمان» با ترجمه سجاد سر گلی در شماره ششم، زمستان ۱۳۹۶ با عنوان « وقتی یالوم گریست» منتشر کرده است
در این مجال اندک به گزین گزینشی از ان نوشته کرده ام
۱ _ یالوم ۸۶ ساله مشتاقانه منتظر است جدید ترین کتابش « من شدن» را منتشر کند
۲ - در بیمارستان که بستری است وقتش را به تماشای فیلم های ودی آلن و خواندن رمان های نویسندگان کانادایی، رابرتسو دیوس می گذراند .
۳ - یالوم درباره ترسش از ( مرگ) می گوید « ترس بر من غلبه نکرده... چون با کتاب‌هایش ترس از مردن را کم کرده است و دل‌مشغولی به مرگ کار را راحت تر کرده
۴ - مردم سراسر جهان به او ایمیل می زنندو از ترس های اگزیستانسیالیشانمی گویند تا بر طرف شود یالوم به آنها پاسخ می دهد که درمانگر محلی پیدا کنند
۵ - کتاب « من شدن» مشخصا خاطرات زندگی یک درمانگر است در باره تاثیرات و عواملی است که دوران نوجوانی بر زندگی اش داشته خصوصا رابط با مادرش . و کابوس یالوم که در کودکی به دختری توهین کرده
۶ - ویلایش مدل کوچک شده از غار انسانی است که پر شده از کتاب‌های نیچه و فیلسوفان رواقی و باغی که در آن
۷ - ( یالوم ادامه دهنده نوشته های موردی از مطالعات روانشناسی فروید است) که منتقدی به نام لورا میلر د سال ۲۰۰۳ نوشته است این گونه نوشته ها چیزی به خوانندگان ارائه می دهد که داستان های کوتاه امروزی به خوانندگان
نمی دهد
۸ - یالوم برای خوانندگان مذهبی می تواند انسانی مخوف باشد زیرا به جهان پس‌از مرگ اعتقادی ندارد
۹ - زنش با ایشان قرابت فکری زیادی داردو امید زندگی یالوم است. و می گوید « همسرم کتاب به کتاب هم سنگ من است.»
۱۰ - یالوم به واسطه کتاب‌هایش در جهان مشهور تر از آمریکاست. روان درمانی اگزیستانسیالیسم با همه هولناک بودنش عمیقا تأیید گر زندگی است و بدین جهت
دریافت یالوم از مرگ با این حس تسکین پیدا می کند که خوب زندگی کرده است... و می گوید حسرت های کمی دارم»

https://t.me/Adabiyyatsevanlar

ساز ایفاسی
سیاوش روحی

https://t.me/Adabiyyatsevanlar

شهناز آزاد «رشدیه»

«ذکیه ذولفقاری»

شهناز آزاد(رشدیّه)
میرزا حسن رشدیه‌نین قیزی، میرزا ابولقاسم آزاد مراغه ای‌نین حیات یولداشی، شهناز آزاد خانیم 1280-جی ایلده آنادان اولوب . او قزئته‌چیلیگی آتایلا قاین‌آتاسیندان اؤرگنمیشدیر. " زبان زنان" قزئته‌سی اصفهاندا نشر اولاندان بیر ایل سونرا، دوردونجو قادین قزئته سی " نامه بانوان" آدیلا( ش.ه 1299)-جی ایلده یایماغا باشلادی. شهناز خانیم بو قزئته‌نی چوخ گنج یاشلاریندا چیخاردیردی. بو قزئته‌نین ایلک سایی " قادینلار کیشیلرین ایلک معلملریدیرلر" شعاریلا، سگگیز صفحه‌ده، حکیمان تهران چاپخاناسیندا چاپ اولوب و یایلدی.
" نامه بانوان" باشلیغی‌نین آلتیندا یازیلمیشدی:
" بو گوندلیک، چاره سیز و مظلوم قادینلاری اویاندیرماق اوچوندور"
"نامه بانوان" دانش وشکوفه قزئته‌لری تک، فقط قادین مسئله‌له‌رینه یاناشمیردی، "زبان زنان" کیمی باشقا ساحه‌لرده –ده یازیلار و مختلف مطلبلری اولوردو. شهناز خانیم، درگی‌نین چاپیندان اؤنجه‌کی تانیتیمدا ، اونون مختلف بؤلوملرین بئله سیرالاییر:"
1- سامباللی بیر مقاله.2-اداری گیریشلر.3 - خارجی و داخلی اؤنملی اتفاقلار( اؤزلیکله قادینلارا گؤره).4- هر سایدا دونیا تاریخی قادینلاردان بیر تانیتما .5- آلت یازیدا اخلاقی بیر شاشیردیجی و کدرلی رمان ایرانین شوش خرابه لریندن.6 - سون صفحه سی، آزاد کولتور، حاج میرزا ابوالقاسم خان آزاددان"
شهناز خانیم ورغولادیغی رمان ، میرزاده عشقی‌نین مشهور شعری" قارا کفن یا مداینین قاپیسیندا اولان شاهزدا خانم" آدیندادیر .بو یازی او زاماندا حجابا قارشی اولان أن اونملی ادبی متنلریندندیر.
شهناز آزاد چوخ اومودلویدو کی، "نامه بانوان" آیلیق شکلینده وسونرا ایکی هفته‌دن بیر و یا گوندلیک شکیلده یایلسین. آنجاق تاسسوفله مختلف سورونلار، اذیتلر، زندانلار، تبعیدلر و همچنین مالی سورونلاردان دولایی بو درگی اون بیرآی نشردن سونرا تعطیل اولدو.

شهناز آزاد "نامه بانوان"ین نشریندن علاوه ابولقاسم آزاد تشکیل ائدن "قادینلار انجمنی" و" بانوئیان" کیمی انجمنلرده فعال حضورو واریدی. بو انجمنین مرامنامه‌سینده یازیلیر:
" ایران هر یؤندن علیمسیز اوتونا یانیر، اؤیرتیم ایسه آنالاردان باشلامالیدیر. آنجاق عائله‌نین بوتون گئری قالماغی، ایرانین سوسیال، اقتصادی و سیاسی سورونلاری قادینلارین اؤرتولو اولدوغونداندیر. چون اونلارین قاپالی اولماغی توپلومدا فعال حوضور تاپماقلارینا مانع اولور. بو ندنله بانوان و بانوائیان گوروهو1293- جی ایلدن ، تهران و باشقا ایالت- ولایتلرین دیققتینی داها آرتیق بو قونویا جلب ائتمک اوچون، قورولوبدور و ایندیه دک(1304) دوام ائدیر..."
حیجاب آزادلیغی‌نین اهمییتی، اونلاحیات یولداشینی1302- جی ایلده،" حیجاب کشف درنه‌یی" قورماسینا سبب اولدو. آنجاق حوکومتین حیجابین سربست بوراخیلماسییلا باغلی هله بیر فیکری اولمادیغی اوچون، ابوالقاسم آزاد سورگون وحبس ائدیلدی. بو درنگین فعالیتی ایسه همن ایلده دایاندی.
شهناز خانیم ایران تاریخی‌نین بؤیوک وطن‌سئور و ضیالی قیزلارینداندیر.آما تاسسفوله "نامه بانوان "باغلاناندان سونرا، اونون حیاتیندان ائله بیلگی یوخدور. بلکه ده اونون آدی ایکی بؤیوک آدین آراسیندا گیزلی قالیب "میرزا حسن رشدیه، ایرانین یئنی مدرسه‌لری‌نین بانی سی و ابولقاسم ازاد، قزئته چی و مشروطه طلب..."!
نهایت شهناز خانیم 1340-جی ایلده 60 یاشیندا وفات ائتدی.

https://t.me/Adabiyyatsevanlar

خبر

راه اندازی سامانه "سنا" و دسترسی رایگان به تمام متن مجلات

@interdisciplinarity


سامانه سنا (سامانه نشریات ایران)، توسط سازمان اسناد و کتابخانه ملی ایران راه‌اندازی و در دسترس قرار گرفته است.

در این سامانه متن کامل نشریات ایران از دوره قاجار تا کنون به صورت تمام متن در دسترس کاربران قرار دارد.
این پروژه بخشی از پروژه کتابخانه ملی تحت عنوان «حافظه ملی در خانه هر ایرانی» با هدف «توزیع عادلانه» و «دسترسی آزاد به اطلاعات» است. پژوهشگران، دانشجویان و هر ایرانی علاقمند به گذشته و تاریخ این سرزمین می‌تواند از متن کامل نشریات اسکن شده در این سامانه استفاده نماید.

پایگاه‌های موجود در این سامانه عبارتند از:
نشریات دوره قاجاریه (۱۱۹۳ - ۱۳۰۴ ق.)
نشريات دوره پهلوی اول (۱۳۰۴ - ۱۳۲۰ ش.)
نشريات دوره پهلوی دوم (۱۳۲۰ - ۱۳۵۷ ش.)
نشریات دوره پس از انقلاب (۱۳۵۷ ش. - )
و نشریات لاتین.
علاقه مندان میتوانند از طریق سایت زیر به این مجموعه ارزشمند دسترسی یابند.

https://sana.nlai.ir/


https://t.me/Adabiyyatsevanlar