بیلدیریش
عزیز و حؤرمتلی ادبیات سئونلر، ادبیات و مدنیتیمیزله ماراقلانان‌ شخص‌لر
«ادبیات سئونلر گروهو» آذربایجان مدنیتینه و ادبیاتینا خدمت ائدن شخص‌لری دیرلندیرمک و اونلارین امک‌لریندن تجلیل ائتمک مقصدیله، اونلارا سانال بیر ییغینجاق اولاراق تدبیر کئچیرمه‌یی نظره آلیبدیر. کئچن هفته آذربایجان شاعر و ژورنالیستی «ائلدار موغانلی» حقینده بو تدبیر کئچیریلدی و بیر سیرا دوستلار اونون ادبی و ژورنالیستیک خدمت‌لری و یارادیجیلیغی حقینده دانیشدیلار. بو تدبیرین ماتریال‌لارینی سندلشدیرمک اوچون اونلاری بیر «خاطره دفتری» شکلینده الکترون نشر کیمی یایماغا قرار وئرمیشیک. بونون اوچون، تدبیرده اؤز دانیشیق‌لاری ایله اشتراک ائدن دوستلاردان و «ائلدار موغانلی» حقینده سؤز دئمک ایسته‌ین باشقا شخص‌لردن ایسته‌نیلیر اؤز یازیلارینی و دئمک ایسته‌دیگی سؤزلری‌نین تایپ اولونموشونو اردیبهشت آیی‌نین 15نجی گونونه‌دک تلگرام، واتساپ و ایمیل واسطه‌سیله «ادبیات سئونلر گروهو»نا چاتدیرسینلار. الیمیزه چاتان بوتون یازی‌لار رئداکته اولوب، کتاب شکلینده حاضیرلاناجاقدیر.
یازی‌لارین گؤندریلمه تاریخی: 15/02/1400
واتساپ:
تلگرام:
ایمیل:
علاقه نومره‌سی:
حؤرمتله: «ادبیات سئونلر گروهو: 1400/2/5


https://t.me/Adabiyyatsevanlar

گل گل قارا گوز...

‏https://t.me/Adabiyyatsevanlar

«احمد هاشیم»

ظن ائتمه کی گولدور، نه ده لاله،
آتش دولودور، توتما یانارسان.
قارشیندا شو گولگون پیاله
ایچمیشدی فضولی بو آلوودان،
دوشموشدو بو اکسیر ایله مجنون،
شعرین سنه آنلاتدیغی حاله.
یانماقدا بو ساغردن ایچن لر،
دولدورموش اونونچون شب عشقی
باشدان باشا افغان ایله ناله
آتش دولودور، توتما یانارسان
قارشیندا شو گولگون پیاله

https://t.me/Adabiyyatsevanlar

اوزه‌ل وئرلیش؛
قونو: کینایه‌لرین یارانیشی (۱)
انسانین گؤوده‌سینه عایید اولان کینایه‌لر
بو گئجه : 1400/2/6
ساعات: 22«ادبیات سئونلر کانالیندا»
اوزمان:«میرحسین دلدار بناب»

https://t.me/Adabiyyatsevanlar

‏https://t.me/Adabiyyatsevanlar

مرضیه احمدی اوسکویی«دالغا»

خیرداجا اینجه آخیردیم
مئشه‌لردن، داغلاردان، دره‌لردن آخیردیم

بیلیردیم دورقون سولار
اؤز ایچینده بوغولار
بیلیردیم دریالاردا، دالغالار قوجاغیندا
خیرداجا آرخلار اوچون یئنی حیات دوغولار

نه یولون اوزاقلیغی، نه قارانلیق چوخورلار
نه دورقونلوق هوه‌سی، منی یولدان قویمادی
ایندی قاریشمیشام من، قورتولماز دالغالارا
وارلیغیمیز چالیشماق
یوخلوغوموز دایانماق
پائیز 1352

https://t.me/Adabiyyatsevanlar

مرضیه احمدی اسکویی «دالغا»
اولار کی
 
گؤره سن اولار کى دؤرد ال آیاقلى
قیسسا آرزولارا٬ کیچیک وارلیغا
مؤحکم یاپیشیبلار٬ هئچ دوشونورلر
بؤیوک اینسانلارا٬ درین وارلیغا
دَیه رلى یاشاییب٬ بؤیوک اؤلمه یه؟

 
بهار ۱۳۵۱

 https://t.me/Adabiyyatsevanlar

مرضیه احمدی اسکویی

مرضيه احمدی اسکويی 1324- جی ايلده اسکو شهرينده اکينچي عايله سينده دوغولموشدور. او، تبريز تربیت معلّم مکتبينی بيتيرندن سونرا معلم اولدو. م.ا.اسکويی نين ادبی ياراديجيليغی حکايه و شعر مجموعه سيندن عبارتديرکی، دفعه لرله نشر اولونوب. يازيچي جمعيتين ان ايچري قاتلاريندان حکايه يازماغا امکان تاپا بيليبدير. او کتابينين مقدمه سينده يازير:
"بو يازيلار منیم يالنيز بير قيسم خالقيمين بلالي ياشاييشينين شرحيدير کي، من گؤزومله گؤرموشم. بونلارين هئچ ده تازاليغي يوخدور، چونکي هر آدديمدا بو وارليغي تالانميش اؤلکه ده آيري- آيري محنتلرله راستلاشارسان. بو يادداشلاري يازماقلا ايسته ييرم خالقيم بيلسين کي، بيز هانسي سببلره گؤره ديشينين ديبينه جن سیلاحلانميش دوشمنه قارشي دؤيوش ميدانينا گيرميشيک.(38- احمدی اسکویی مرضیه، خاطراتی از یک رفیق، ص 145)
بو کتابدا سککيز حکايه، چوخلو خاطره و شعر درج اولونوبدور. حکايه لرين چوخو خاطره ساياغي يازيليب. نمونه اولاراق بو مجموعه دن ان دَيَرليسينه کی "ايلک اؤلومون تجربه سي " آدي ايله يازيليب، نظر ساليريق:
حکايه بير يتيم، يوخسول قيز اوشاغينين ماجراسيدير. او بالاجا قارداشيلا بير خارابادا ياشاييرلار. يازيچي اؤزو ده بير اوشاق باخيشيلا اونونلا دوستلوق ائدير و اونون بدبختليکلريندن اوخوجولار اوچون خبر وئرير:
" نوبار، طاهره – عيبه جر طاهره- و بير ياشلي جلالين مرضيه سي منيم دوستلاريم ايديلار کي، ائولري بابامين ائوينين يانيندايدي. قونشولوغوموزدا اولان يولداشلاريملا کوسولوشنده، ائودن اکيليب اونلارين يانينا گئدرديم. اوينايان يئريميز ملا گنجي ميدانچاسيدي. نوبارين دا ائوي همين ميدانچادا ايدي. بيلميرم، اورانين آدي نيیه ملا گنجي ايدي، لاکين اوشاقلار اوچون اورانين اوچ حقيقي بوجاغي وار ايدي. بيرينجي ميدانچانين او گوشه سيدي کي، خالق، زيبيللريني اورا تؤکردي و بيز او زيبيللرين ايچيندن ميخ، شيش، چرخ و س. چوخلو درده دين شئيلر تاپارديق. ايکينجيسي بؤيوک توت آغاجي ايدي کي، کئچميش واختلاردان ارث قاليردي و ايندي ده قالير. اوچونجوسو نار آغاجي ايدي کي، باهاردا گوللريني دررديک.
نوبارين اللري منيم اللريمدن ده پارتلاغ ايدي. ساچلاري داراق اوزو گؤرمه ميشدي. کؤينگي و شالواري بير اندازه جيريق و ييرتيق ايدي. ساچلاري بيت و سيرکه ايله دولو ايدي. من آرزو ائدرديم کي، نوبارين ائويني ياخيندان گؤرم. بير گون بو خوشبختليک منه اوز وئردي. قاپيدان بؤيوک بير مطبخه کئچديک کي، ديوارلاري و ديرکلريني هيس باسميشدي. مطبخين ييخيلميش ديوارلاريندان دا اوتاقا يول وار ايدي. اوتاقين دؤشه مه سينده هئچ نه يوخ ايدي و گوشه سينده کورسو قويولموشدو. لاکين نه موتکّه دن خبر وار ايدي، نه دؤشکدن. کورسونو بير جيندير يورقان اؤرتموشدو کي، او يان- بو يانيندان قارين- باغيرساغي ائشييه تؤکولموشدو. يورغانين آلتيندا جيندا پارچاسي کيمي ياماقلي بير چارشاب دا سالينميشدي. اوتاغين بير گوشه سينده زيبيل قابيندان تاپديغيميز شئيلر گؤرونوردو کي، اوست- اوسته قالانميشدي. اونلارين ايچينده من بير چرخ بَيَنديم و گيزلتمه دن نوبارا دئديم. او دوروخمادان دئدي:
- سنين اولسون.
من چوخ تعجب ائله ديم، چونکي من اؤزوم اولسايديم وئرمزديم. او گون اؤزومو، پاخيل و آجگؤز حسّ ائله ديم.
نوبارين قيوير- زيويرينی اللشديرديگيميز حالدا بيردن او آغزيني برک باغلاييب بير اليني ده دوداقلارينا قوياراق او بيري اليله باغلي آغزيندان بوغونوق سسله منه آنلاتدي کي آغزيمي باغليام. سونرا نوبار الي ایله ديوارين کنارينه اشاره ائتدي. اورادا اوزون بير قيرخ اياق يئرييردي. من اييرنديم، حتّی قورخديم و ديواردان اوزاقلاشديم. قيرخ اياق گئتدي بير آيري دئشيکده گؤزدن ايتدي. نوبار دوداقلاريني آچيب دئدي:
- بَیَم سن بيلميرسن کي، قيرخ اياق آدامين ديشلريني سايسا آدام اؤلر؟
- يوخ.
- !!!
- هه، بيم گؤرمه دين من آغزيمي تئز باغلاديم؟ مني قورخو گؤتوردو، اختيارسيز دئديم:
- من داها گئديرم.
- هارا گئديرسن؟ گل اوتوراق کورسونون آلتيندا. سونرا او منيم اليمي توتوب کورسويه طرف چکدي.
- کورسو چوخ سويوقدو.
- يوخ او قدر ده سويوق دَييل، ائشيکدن ياخشيدير. دونن قونشوموزدا چؤرک ياييرديلار، تنديرلريندن اود گتيريب کورسوموزه تؤکدوم. داها بير آدام اود گتيرمه ميشدير.
من ائويميزه قاييتديم. قيرخ اياقين فيکري مني بوراخميردي.
گئجه برک قار ياغدي. داملاردان کوچه يه تؤکولن قار او قدر چوخ ايدي کي، من ايکي گون "ملا گنجييه" گئده بيلمه ديم. اوچونجو گون اورا گئدنده خالام قونشوسونا سويوق قانليليقلا دئييردي:

- باجي، ائوده تک قالماقدان جاني قورتاردي، اؤزو ده کي، قيز اوشاغي، صاباح بؤيوسيدي باشينا مين بلا گلردي. خالامين دئديگينه گؤره نوبار سويوقدان قوروموشدور. آنجاق بونلار بوش سؤزدور، اونون اؤلوم سيرريني من بيليرم، هئ


https://t.me/Adabiyyatsevanlar

مرضیه احمدی اسکویی «دالغا»
 سحر سحر یوردوموزدان
قارانلیق گئجه قاچمامیش
هله گونش قیزیل ساچین
اوجا داغ لاردا آچمامیش
بئش قهرمان٬ یاددا قالان
تاپشیریلدى جللادلارا
مین لر تمیز سئوه ن قلبه
ووردو جللاد درین یارا
تازا قانلار قورومامیش
گئنه توکولدو ناحاق قان بوردا
بو جور ایستى٬ قیرمیز قانلار
بزه ک وئریر بیزیم یوردا
قانماز توفان بیله بیلمز
باهاردا٬ لاله فصلینده
بیر گول چمن دن سولدورسا
مین لر تازا لاله لر آچار
سونسوز دوشمن٬ نئجه قانسین؟
ائللر٬ آزادلیق یولوندا
بیر قهرمان شهید اولسا
مین اوره ک دن قورخو قاچار
پائیز ۱۳۵۰

https://t.me/Adabiyyatsevanlar

«آنیرقوجام»

نه آغلاتماق نده گولدورمک ایستیرم سنی
سندن آنجاق آغلاماق ، گولمک گوزلرم.
سنی سنلی آغلاماق
سنی سنلی گولمک
اولورسا او سعادتین
آغلارام گول_گول گولرک
آغلارام های_های دئیه لی.

گولدورمک ندیر ، ندیر آغلاتما
دوغال گولوشون
اوز گوز یاشین هانی

منلیگین له گول ، آغلا یاشا
لعنت گلسین بو قارا داشا
بولودلاندیر ایچینی
گونشلندیر اوزونو
آغلا ، آغلا
گول گول ... یاشا

سینسین بو ساختالیق
بو آجی اووسون
هر نه اولورسا اولسون
قوی اوره یین دولسون
گوزون شاخسین
بلکه بلکه
اوز دوداغین قاچسین
اوز گوزون آخسین ...

https://t.me/Adabiyyatsevanlar

«کریم_احمدیان»(شاهید)
بیزدن آیریْ قالان بیر کیمسه‌لیک وار
ایتیبدیر روزگاریْن یامانلیْغیْندا
تامارزی قالیْبدیْر دۇیغولاریْمیْز
یوْخ اوْلۇب شهرین دۇمانلیْغیْندا

آچدیْقجا دورانیْن قابار ایزلرین
ایلان تک سانجاجاق هر کسین گؤزۆن
بیریسی قانماسا کئچه‌جک نه‌دی
ایه‌جک باشینی کسه‌جک سؤزۆن

اؤفکه‌سیز، غصه‌سیز، بیر کیمسه یوْخدۇ
دالغالار سیْناغا چکیر سۇلاریْ
باغیْرماق گئجه‌نین کامان سلاحیْ
آتیرسا سؤکه‌جک بوْغۇنتۇلاریْ

بۇلۇدلۇ اینسانلار ، دردلی اینسانلار
قصه‌سی کدرله دوْلۇ اینسانلار
زامانلا، چؤره‌یی چیی پیشنلرین
نیسگیلی شله‌یله بوْللۇ اینسانلار

یئکلدیر آرزونو سرحدسیز باخیْش
کوچه‌دیر، شهردیر یا بیر اؤلکه‌دیر
اۇجالدیْر بۇ باخیْش اینسانیتی
قارادیْر ، بیاضدیْر ،سانماییْر نه‌دیر

بیزی «شاهید» چکن قارانلیْقلارا
دۆشه‌جک گئجه‌نین آیاقلاریْنا
سۆرۆنۆب یوْلاغیْن چیرکین سۇیۇنا
سۆرته‌جک لجنی دوْداقلاریْنا

بیزلری سیْناغا چکن روزگار
هم ساغا هم سوْلا سیْخاجاق یقین
سئوینجلی گۆنلره آیدیْن باخماساق
سالاجاق قۇیویا درین‌سه درین


https://t.me/Adabiyyatsevanlar

سایین کانالداشلار

«غفور امامی‌زاده» خیاوی‌نین «قیرمیزیم» آدلی حیکایه توپلوسو اوردیبهشت‌ین ییرمی‌دوققوزوندا (۱۴۰۰/۲/۲۹) ادبیات سئونلرکانالیندا نقد اولوناجاق. بو کیتابا علاقه‌لری اولانلار و تنقیدیمیزه قاتیلماق ایسته‌یین دوستلار لوطفن نظرلرینی یازیب، یا اگر بعضی‌لری سس‌لی دانیشماق ایسته‌سه‌لر حاضیرلیق گؤروب نظرلرینی بیزه گوندرسینلر.
الیمیزه چاتان تنقیدلر وعده وئردیییمیز گون نشر اولاجاق.

https://t.me/Adabiyyatsevanlar

اوزه‌ل وئرلیش؛
قونو: کینایه‌لرین یارانیشی (۱)
انسانین گؤوده‌سینه عایید اولان کینایه‌لر
بو گئجه : 1400/2/6
ساعات: 22«ادبیات سئونلر کانالیندا»
اوزمان:«میرحسین دلدار بناب»

https://t.me/Adabiyyatsevanlar

کینایه‌لرین یارانیشی یارانیشی
آپاریجی: کریم قربانزاده
اؤزمان: میر حسین دلدار بناب

https://t.me/Adabiyyatsevanlar

کینایه‌لرین یارانیشی (۱)
انسان گؤوده‌سینه عایید کینایه‌لردن: توک‌‌ایله باغلی کینایه‌لر
اؤزمان: میر حسین دلدار بناب

https://t.me/Adabiyyatsevanlar

کینایه‌لرین یارانیشی (۱)
انسان گؤوده‌سینه عایید کینایه‌لردن: باش ایله باغلی کینایه‌لر
اؤزمان: میر حسین دلدار بناب

https://t.me/Adabiyyatsevanlar

کینایه‌لرین یارانیشی (۱)
انسان گؤوده‌سینه عایید کینایه‌لردن: آلین‌ایله باغلی کینایه‌لر
اؤزمان: میر حسین دلدار بناب

https://t.me/Adabiyyatsevanlar

کینایه‌لرین یارانیشی (۱)
انسان گؤوده‌سینه عایید کینایه‌لردن: قاش‌ایله باغلی کینایه‌لر
اؤزمان:میر حسین دلدار بناب

https://t.me/Adabiyyatsevanlar

قادین ادبیاتی: اوزه ل وئرلیش؛
تبریزمکتبینین یئتیردیی قادین یازیچیلاری، شاعیرلریله تانیش اولاق.

سه شنبه:1400/1/7« ادبیات سئونلر کانالیندا»

حاضیرلایان:«مرجان منافزاده»

https://t.me/Adabiyyatsevanlar