ادبیات سئونلر

«کبری میرحسینی»

عزيزينم ائله یان
بولبوله یان گوله یان
کیشی وار ائوینه یانار
کیشی وار ائلینه یانار

♦قدیمدن بری، ادبیات دونیاسیندا قلم أله آلان انسان‌لارین بیرچوخو، بیر یاشدان سونرا، اؤزلرينه آتا-آنالاري قويدوغو آددان باشقا بیر آد ايسه سئچمه‌لرینی و باشقا سؤزله دئسک، تخلص ائتمه‌لرینی دوشونوبلر؛ هره اؤزونه بیر آد سئچیر آما چوخ نادیر حاللاردا سئچیلن آدلار طرف‌لرین شخصیت‌لرینه اویغون گلیر. من دوشونوردوم کی، عجبا! سیز اؤزونوزه "ائلدار" آدینی سئچدیکده، نه قدر بو سئچیمینیزه اینامیز واریمیش!.

دوغروسو من سیزین حاققینیزدا قلم گؤتوروب يازماق حدينده اولان بیریسی دئييلم. آنجاق سسلنديرمه‌لره گؤره تشكر ائتمه‌نیز و بو گؤزل اولایدان سونرا مندن ده آد چکمه‌نیز، منی اوتاندیرسادا، بونلاری یازماغا منه جسارت وئردی.

♦من ده اؤز نؤوبه‌مده، بیر داها دوغوم گونوزو تبریک ائدیب، دئمک ایستردیم کی،
بیرینجی‌سی بو ترتیبین حیاتا کئچیریلمه‌سینی قوربانزاده جنابلارینا و ادبیات سئونلر گروهوندا چالیشانلارا بورجلویوق. نه یاخشی کی، سیزین ائلیمیزه تانیتدیریلماسيندا، بو کیچیک آددیمین گؤتورولمه‌سینه ساحه حاضیرلاندی.
ایکینجیسی بو کی، من اوزون سوره سیزین مدنی و ادبی فعالیتلریز حاقدا، سونرالار اوخویوب معلومات کسب ائتسم ده، ایلک باشدا، چوخ سئودییم معنوی آنامیز زهرا خانیم آبداردان چوخ دَیرلی سؤزلر ائشیتمیشم و سیزی بیر قدر تانیماغیمی اونلارا بورجلویام. اودور کی، ترتیب ائدیلن بو برنامه‌ده، زهرا خانیمین دا سؤزلريني ائشيتمک تکلیفینی وئردیم. البته بعضی ندنلره گؤره، زهرا خانیم سیزین یاخشی‌لیقلاریزدان بیر چوخ حیصه‌سینی دیله گتیرمه‌یی مصلحت بیلمه‌دیلر.
نه ایسه سیزین ایل‌لر بویو بو قدر ائلیمیز اوچون تمناسیز چالیشمالارینیز قارشی‌سیندا حؤرمتله آیاغا قالخیب و دئییرم کی، بوقدر یاخشی‌لیقلارینیز قارشی‌سیندا، بو دا منیم الیمدن گلن أن کیچیک بیر ایش‌ایدی.

ائلمیزه قالین و ائلیمیز اوچون کول اولمادان یانین
۱۴۰۰/۲/۳

https://t.me/Adabiyyatsevanlar