قادین ادبیاتی

"مریم گوزلی"

«دوداق دَیمَز»

هانکی ائلدن آرالی کئچدی نیگارین آیاغی
خزانا دؤندۆ یازی سولدو خزانلار سایاغی

سنی عشق ایچره آیاق‌لارا سالان داش اۆریین
جانینا جانینی قییدین نه‌دن اولدون دایاغی

عاشقین چؤکدۆ دیزه قالدی یاری جان، چاراسیز
آغلادی حسرت‌ایله، گؤزلرینین گئتدی یاغی

اینتیظاردان تالانیر عشقینین اول تَر چیچه‌یی
قورودو کؤکدن ایچی، حسرته داللاندی تاغی

سن دییه‌ن اول یانار اود کی کؤزه‌ریر عشقین‌ایله
داهی دردی داغ اَییر، داغلارا اویغوندو داغی.

https://t.me/Adabiyyatsevanlar

باهاردا بیر چیچک سولدو!

آلدیغیمیز آجی خبر اساسیندا "پریسا اسلام وند" حیاتا گوز یومدو.
پریسا اسلام وند 1358_نجی گونش ایلین‌ده تبریزین طالقانی خیاوانیندا دونیا گوزآچدی. پریسا خانیم گنج یاشلاریندان شعیر یازماغا ماراق گوستردی. تأسوفلرله سربست شعیریمیزین استعدالی نوماینده‌سی فروردین آیی‌نین اونوندا سکته‌ی مغزی اثرینده ایگیرمی گون خسته خانادا، کومادا قالاندان سونرا واخت سیز-وعده سیز بیزدن آیریلدی. ادبیات سئونلر بو،آجی و حسرتلی آیریلیغی سایین اسلام وند عائیله‌لرینه خصوصیله الناز خانیم اسلام ونده، شاعیرین سئونلرینه، آذربایجانین ادبی جمعیت‌لرینه تسلیت دئییب؛ باش ساغلیغی وئریر.

ادبیات سئونلر 1400/1/31

https://t.me/Adabiyyatsevanlar

پريسا اسلام‌وند


بوراخ دوستوم بوراخ
بوتون دمیر سئوگی‌لری بوراخ
قوی یئتیم قالسین سئوگی‌لر
قوی داشا دونسون اوره‌ک‌لریمیز
بوغ بوتون نیسگیل‌لرینی، بوراخ دوستوم بوراخ
‌"کیمسه دویمه‌سین قاپینی کیمسه آچماسین"
داها سئوگینین داشینی آتیب، یالقیزلیغی قوجاقلامالییق بیز
بوراخ دوستوم بوراخ
بیز تانرینین یاشیل گونلریندن بیرینی اوغورلایا بیلمه‌دیک
توستولو-قوخولو شهرده گورونمه‌یه‌جک دومانلی یاشایشیمیز
و سیقناللارین وارلیغی‌ایله ائشیدیلمه‌یه‌جک هارایمیز
بوراخ دوستوم بوراخ
قوی ایچیمیزده قالسین آرزولاریمیز
بلکه بیرگون یئنی بومبالارلا پاتلایا اوره‌گیمیر.



https://t.me/Adabiyyatsevanlar

بو هفته نین اوزه ل وئرلیشی

قونو:«حیکایه‌جیک و اؤزللیک‌لری؛ بیر حیکایه‌جیک‌ین چؤزمو»2
چهارشنبه :1400/2/1ادبیات سئونلرکانالیندا
ساعات: 21/30
اوزمان:«شریف مردی»

https://t.me/Adabiyyatsevanlar

«حسن بابایی عجبشرلی»
آیاقلاریم

بیر - بیرینه دولاشیب، یئریمک دن قالیردیم. اوشاق لیقدا دوزگون اوءیرنیلمه دییم دن بئله بیر چتین لیک لییه توتولموشدوم. دیلیم اوزون اولدوغوندان دیرناقلاریمی چئینه یب قورتارمیشدیم. ال لریمی آغزیما کومگه چاغیراردیم . اوءزوم دن قورتارا بیلمیردیم. یان -یووره مه کیچیک جیزیق چکیب نه بیرینه ایجازه وئریردیم ایچری کئچسین، نه ده اوءزوم چکدییم جیزیق دان ائشییه چیخیردیم.باشیم باش بارماغیمی گوروب سئوینردی. .قونشودا دئیشیک لیک اوز وئرمیشدی، ائله گوزه گلیم دئیلدی آخی کئچی گئدیب یئرینه. ....گلمیشدی. منه گوره قویون - کئچی، .....اوچوده بیر آنلام داشییردی بئله اوزونتولو ایشلری اوءزوم ده آچیقلایا بیلمه دییم دن ،اوءزوم دن اوزاقلاشیردیم. نه قازانمیشدیم آیاقلاریما ییغیلمیشدی، داها وارلیغیما هئچ نه آرتیرا بیلمیردیم. اوءزومو بوغدا بازاریندا گوردویومده تکجه اوءزومه فیکیرلشنمیردیم.آرابیر باشیم آیاقلاریما قوناق اولوردو. آیاقلاریمین باش بارماقلاریلا قونوشوب بوش - بوش دئیب گولوب واخت ایتیریردیلر. بیر دوءنه آیاقلاریمی قوناق چاغیرمیشدیلار.دلی شئیطانین سوزونه باخیب گئتمیشدی ،سوز -صحبتین قیزغین یئرینده بیر مصرع شعر قولاغینی اوخشامیشدی :ایاق دان دوشموشم ساقی الیم دن توت ایاغ ایله (1)آیاقلاریمی گوتوروب قاچدیم. دیزلریمی قوجاقلایب باشیمی دیزیم اوسته آلیب اوءزوم دن گئتدیم، همن شعر بیر داها سوراغیمی توتوب ائوه گلمیشدی. منی پوزغون دوروم دا گوروب آیاقلاریم دان یاپیشیب باشیمی سیلکه دی، اوءزومه گلرک اوءزومو آیاق -باش اولموش حیس ائتدیم. داها اوتورمادان گزیشدیم بلکه آیاغیم داش دان داشا توخوندو.دولانان آیاقلاریم دوشونمه دن قابارا اوغرامیشدی. من ایسه آییلمادیم عومور بویو، هله ده چوخ شئیی لره اینانیرام من باشی داشلی. ...

1-گتیریلمیش مصرع اوءلمز شاعیر خازن دن دیر.

https://t.me/Adabiyyatsevanlar

یومور

https://t.me/Adabiyyatsevanlar

سایین کانالداشلار

«غفور امامی‌زاده» خیاوی‌نین «قیرمیزیم» آدلی حیکایه توپلوسو اوردیبهشت‌ین ییرمی‌دوققوزوندا (۱۴۰۰/۲/۲۹) ادبیات سئونلرکانالیندا نقد اولوناجاق. بو کیتابا علاقه‌لری اولانلار و تنقیدیمیزه قاتیلماق ایسته‌یین دوستلار لوطفن نظرلرینی یازیب، یا اگر بعضی‌لری سس‌لی دانیشماق ایسته‌سه‌لر حاضیرلیق گؤروب نظرلرینی بیزه گوندرسینلر.
الیمیزه چاتان تنقیدلر وعده وئردیییمیز گون نشر اولاجاق.

https://t.me/Adabiyyatsevanlar

بو هفته نین اوزه ل وئرلیشی

قونو:«حیکایه‌جیک و اؤزللیک‌لری؛ بیر حیکایه‌جیک‌ین چؤزمو»2
چهارشنبه :1400/2/1ادبیات سئونلرکانالیندا
ساعات: 21/30
اوزمان:«شریف مردی»

https://t.me/Adabiyyatsevanlar

بو هفته نین اوزه ل وئرلیشی

قونو:«حیکایه‌جیک و اؤزللیک‌لری؛ بیر حیکایه‌جیک‌ین چؤزمو»2
آپاریجی:«کریم قربانزاده»

https://t.me/Adabiyyatsevanlar

بو هفته نین اوزه ل وئرلیشی

قونو:«حیکایه‌جیک و اؤزللیک‌لری؛ بیر حیکایه‌جیک‌ین چؤزمو»2

اوزمان:«شریف مردی»

https://t.me/Adabiyyatsevanlar

«شریف مردی»
بیرینجی اؤیکوجوک: قوروشغا (پیاله)

«یول آیریجیندا یازیلمیش حیکایه‌جیک‌لر» کیتابیندان - ۱۳۹۵ بوتا یاییم ائوی - شریف مردی

قوروشغانی ترپه‌تدی. چایین قالانی قوروشغانین دیبینده قوروموشدو. یئل اسیردی. دیزلَرینده نارین بیر سانجی چابالادی. بارماقلارینین آراسیندا قوتولان سیگار کؤتویونه دونوخدو. بارماقلاری کؤتوک کؤتوک ایدی. باش بارماغینین دیرناغی سینیق چیخیردی یادینا گلندن. بیر ده قوروشغانی گؤتوروب ایچینه باخدی، چایین قالانی قیرمیزی شیریغا دؤنموشدو. بارماغی میزین اوستونده جیزیق چکدی. دونن ده یئل اسمیشدی. دوردو.
یول شهَره گئدیردی. سؤیودون آلتیندا اوتوروب یولا باخدی. توستونو یولون اوزونلوغونا پیله‌دی. چوخدان ایدی بیری کئچمه‌میشدی بوردان. قهوه خانانین لامپی یانیردی. بلکه یئکه بیر تابلو قویمالی ایدی بورا. اوزگؤزونو سورتوب گرنه‌شدی. دورمالی ایدی.
لامپی سؤندوردو. ایچَری قارانلیق گؤروکدو گؤزونه. لامپی یاندیردی. میلچه‌یین ویزیلتیسینه قولاق آسیردی. سس کسیلدی. سماور دولو ایدی دونندن. ویزیلتی باشلاندی، قولاغی اوندا ایدی. ایکینجی میزین دالیندا اوتوردو.
قارالتی گؤروکوردو یولون بویوندا. دوروب قاپییا چیخدی. هئچ نه یوخ ایدی. میزه دؤنوب، سماوره باخدی. آلتی یانمیردی. دیزی سانجدی. توز بوروموشدو میزی. توستونو یولا ساری پیله‌دی. ویزیلتی سسی گلیردی.
سیگارین کؤتویونو باسدی قاریشغانین اوستونه. یئل سؤیودو یولا ساری چکیردی. چای قوورشغادا قوروموش دو.

https://t.me/Adabiyyatsevanlar

«شریف مردی»

ایکینجی اؤیکوجوک: آتا

«یول آیریجیندا یازیلمیش حیکایه‌جیک‌لر» کیتابیندان - ۱۳۹۵ بوتا یاییم ائوی - شریف مردی

قولوندان یاپیشیب یئرینده اَیلشدیردیم. بؤرکونو اَلینه وئردیییمدن سونرا قویدو باشینا. جیبیندن پاکئتی چیخاریب ایچیندن بیر سیقار گؤتوردو. دیلینین اوجویلا اونو باشدان باشا یالاییب تاخدی موشلویونه. الی اسه اسه موشلویو قالدیریب دوداقلاری آراسیندا یئرلَشدیردی. دوداقلاری آچیلار آچیلاماز، «بالا او کیربیتی وئر منه» دئدی. «آتا.. قوی من آلیشدیریم» او آنجاق «اؤلمه‌میشم هله.. دئدیم وئر منه» دئدی. کیبریتی وئردیم اونا. ایچیندن بیر چؤپ آراییب، گؤتوردو. سونرا، سیقارینی آلیشدیرماغا چالیشدی. اولمادی کی اولمادی. من دینمز سؤیله‌مز اوتورموشدوم. باشینی قالدیریب منه باخدی. کیبریتی بوراخدی دؤشه‌یینین اوستونه. گولومسه‌دی. بیر سؤز دئمه‌دن موشلویونو یئره قویوب یئنه اوزاندی.

https://t.me/Adabiyyatsevanlar

اوشاق ادبیاتی
اوشاق ادبیاتی هر هفته پنجشنبه گونو ادبیات سئونلر کانالیندا .
اوشاق ادبیاتینا دایر یازیلارینیزی بیزه گوندرین .

https://t.me/Adabiyyatsevanlar

اوشاق ادبیاتی

سحیرلی تلویزیون
سسلندیرن:«آیسوکریمی»

https://t.me/Adabiyyatsevanlar

«سحر زارعان پور» 11یاشیندا مرند شهرینده.
بئش داش اوشاقلاری.

https://t.me/Adabiyyatsevanlar

اوشاق ادبیاتی
«سحر زارعان پور» 11یاشیندا مرند شهرینده

«سحرزارعان پورون» ماجرالاری...
قایناق: بئش داش درگیسی


https://t.me/Adabiyyatsevanlar

اوشاق ادبیاتی
بئش داش اوشاق درگیسی
@beshdashlar

https://t.me/Adabiyyatsevanlar