«اردشیر رستمی»
صلح؛


https://t.me/Adabiyyatsevanlar

«گاربو ماته»
فرهنگ چگونه مارا بیگانه میکندـ

https://t.me/Adabiyyatsevanlar

طنز

https://t.me/Adabiyyatsevanlar

«سحر_خیاوی»

چوخ چکمیه‌جک

چوخ چکمیه‌جک آل گونشه یول چکه‌جکلر
سئوگی عَلَمین اُودلو دؤشونده اکه‌جکلر

چوخ چکمیه‌جک گولله‌نه جک غملی دوداقلار
قیزلار یئنه‌ده داغ- دره‌دن گول بیچه‌جکلر

چوخ چکمیه‌جک خط چکه‌ریک باطیلین اوسته
حاق ساغلیغینا حاققی سئونلر ایچه‌جکلر

چوخداندی آلیب کؤنلوموزو قاره بولودلار
نور یولچولاری، داندا قارانلیق سؤکه‌جکلر

روزگار قانادیلا اوچاجاق آتلی قوچاقلار
یئردن گونَشه بیر تاماشا یول چکه‌جکلر

قارقا تویودور، بیلدیگین ائتسین بو دومانلیق
قارتاللاریمیز گؤیلره آسفالت تؤکه‌جکلر

چوخ چکمیه‌جک آل گونَشه یول چکه‌جکلر
دوستلوق، باریشیق، بوللوغا مین قول چکه‌جکلر

سیل گؤزلرینی کؤنلونو سیخما گؤزو یاشلیم
آغ ائولی‌لره گؤر نئجه طوفان اسه‌جکلر.

قول: امضا

https://t.me/Adabiyyatsevanlar

«علی_جوادپور»

گئتمک ایسته‌میرسه اۆره‌یین سنین،
زورلا آپاردیغین آیاقلار یازیق
گئدنده آیاغین، یوللاری دییل
یازیق اۆره‌یینی آیاقلار، یازیق

باشینی باسدیران چیچه‌یین، اوتون،
پایینی گۆنش‌دن آییرماق چتین
یوخوسو داغلاردان آغیر ملت-ین،
یۆکونو داشییان اویاقلار یازیق

بو دنیا قوروتماز آلین ترینی
داغیدار اوچورار هؤردوکلرینی
گۆندوز گؤزلری‌یله گؤردوکلرینی،
گئجه یوخوسوندا سایاقلار یازیق

ایندی آرابایا قوشولان آتدان،
"قیرآت"لیق اوموسو چیخیبدی یاددان
ایچینی یاندیران آلوودان، اوددان
نئجه قیزارماسین یاناقلار یازیق...؟!

https://t.me/Adabiyyatsevanlar

ا. ف (اوياق)

بو قارانليق گئجه گؤزدن ايته‌جك‌دير بيلرم
ياياجاق نازلي گونش ساچلاريني بوينوموزا
بو ياشام يولارينا گوجلو اوغول- قيز گركير
گله‌جكسن بيليرم جان ياييلا قوينوموزا.

https://t.me/Adabiyyatsevanlar

اوزه‌ل وئرلیش؛
قونو: کینایه‌لر نه‌لردن یارانیرلار؟ (کینایه‌لر نئجه دوغولورلار؟)
کینایه‌لرین یاشامی هاچانادک اولا بیلر؟ ( کنایه‌لر نئجه اؤلورلر؟)
بو گئجه دوشنبه : ۱۴۰۰/۰۱/۳۰
ساعات: 22«ادبیات سئونلر کانالیندا»
اوزمان:«میرحسین دلدار بناب»

https://t.me/Adabiyyatsevanlar

اوزه‌ل وئرلیش؛
قونو: کینایه‌لر نه‌لردن یارانیرلار؟ (کینایه‌لر نئجه دوغولورلار؟)

آپاریجی:کریم قربانزاده : ۱۴۰۰/۰۱/۳۰


https://t.me/Adabiyyatsevanlar

اوزه‌ل وئرلیش؛
قونو: کینایه‌لر نه‌لردن یارانیرلار؟ (کینایه‌لر نئجه دوغولورلار؟)

اوزمان:«میرحسین دلداربناب» ۱۴۰۰/۰۱/۳۰


https://t.me/Adabiyyatsevanlar

اوزه‌ل وئرلیش؛
کینایه‌لرین یاشامی هاچانادک اولا بیلر؟ ( کنایه‌لر نئجه اؤلورلر؟)

آپاریجی :کریم قربانزاده ۱۴۰۰/۰۱/۳۰


https://t.me/Adabiyyatsevanlar

اوزه‌ل وئرلیش؛
کینایه‌لرین یاشامی هاچانادک اولا بیلر؟ ( کنایه‌لر نئجه اؤلورلر؟)

اوزمان :«میرحسین دلداربناب» ۱۴۰۰/۰۱/۳۰


https://t.me/Adabiyyatsevanlar

«داود اهری»
" آدا "

الینده فانیس
آی به نیزلی قیز ،
صاباح مزاریم اوستونه
نه گتیره جکسن؟
ساحیلسیز ده نیزده
کونلومدور آدا ،
گل دینجل
رویادا
قیزیل گولونو ده ر ؛
صاباح
اویوم - اویوم
لچک لرینی ،
مزاریم اوستونده
آی ایشیغینا
سر ... !
https://t.me/Adabiyyatsevanlar

قادین ادبیاتی: اوزه ل وئرلیش؛
تبریزمکتبینین یئتیردیی قادین یازیچیلاری، شاعیرلریله تانیش اولاق.

سه شنبه:1400/1/31« ادبیات سئونلر کانالیندا»

حاضیرلایان:«مرجان منافزاده»

https://t.me/Adabiyyatsevanlar

اؤزل وئرلیش
قادین ادبیاتی
مریم گوزلی
تبریزین
حاضیرلایان: مرجان منافزاده

https://t.me/Adabiyyatsevanlar

قادین ادبیاتی

"مریم گوزلی"

اؤره‌یی ایچینه اوچان ای قادین
نه اوچون حسرته کؤنلۆنۆ وئردین
حایات اؤز غمین داشیسا بسدیر
کؤچه‌جک اؤزۆنله مزارا دردین

دردینی کیم قانیب باشا دۆشه‌جک!؟
بۆتۆن حئسابینی حایاتدان آییر
خاللارین بختین‌له ائکیز دوْغولوب
هؤرۆیۆنه، غملی گئجه اوْخشاییر

یانان اۆره‌یینی سؤندۆرمک اۆچۆن
یالنیز گؤزلریندن پای اوممالیسان
حاقسیزلار قارشیندا حالال حاقینا،
چاراسیز-چاراسیز گؤز یوممالیسان

یانیب-یاخیلیبسان یانار اودلارا
گۆلمز دوْداغلارین، آچیلماز عئینین
اومودسوز یاشاییب دۆشدۆن آیاقدان
دوْلوبدور قارانلیق صاباحلا بئینین.

https://t.me/Adabiyyatsevanlar

قادین ادبیاتی

"مریم گوزلی"


لال آخارلی آراز کیمی
ایچیم دولو قالماقالدی
آجی حسرت قوجاغیندا
آرزولاریم گؤزده قالدی

یولون آزان دومان کیمی
چنگه_چنگه سؤکۆلۆرم
منی ساغیر داریخمالار
دنیـــزلره تؤکۆلۆرم

کلمه_کلمه سیرالانیب
غزللره دۆزۆلۆرم
سطیر_سطیر جیناسلانیب
رومانلاردان سۆزۆلۆرم

سئوگی یوخسا، یاشاماق زوْر
طبعیم، شئعریم مندن کۆسۆر
واراغلارین اۆسته قلــم
ماتم توتوب، قانلار قوسور.

https://t.me/Adabiyyatsevanlar

قادین ادبیاتی

"مریم گوزلی"

«دوداق دَیمَز»

هانکی ائلدن آرالی کئچدی نیگارین آیاغی
خزانا دؤندۆ یازی سولدو خزانلار سایاغی

سنی عشق ایچره آیاق‌لارا سالان داش اۆریین
جانینا جانینی قییدین نه‌دن اولدون دایاغی

عاشقین چؤکدۆ دیزه قالدی یاری جان، چاراسیز
آغلادی حسرت‌ایله، گؤزلرینین گئتدی یاغی

اینتیظاردان تالانیر عشقینین اول تَر چیچه‌یی
قورودو کؤکدن ایچی، حسرته داللاندی تاغی

سن دییه‌ن اول یانار اود کی کؤزه‌ریر عشقین‌ایله
داهی دردی داغ اَییر، داغلارا اویغوندو داغی.

https://t.me/Adabiyyatsevanlar

باهاردا بیر چیچک سولدو!

آلدیغیمیز آجی خبر اساسیندا "پریسا اسلام وند" حیاتا گوز یومدو.
پریسا اسلام وند 1358_نجی گونش ایلین‌ده تبریزین طالقانی خیاوانیندا دونیا گوزآچدی. پریسا خانیم گنج یاشلاریندان شعیر یازماغا ماراق گوستردی. تأسوفلرله سربست شعیریمیزین استعدالی نوماینده‌سی فروردین آیی‌نین اونوندا سکته‌ی مغزی اثرینده ایگیرمی گون خسته خانادا، کومادا قالاندان سونرا واخت سیز-وعده سیز بیزدن آیریلدی. ادبیات سئونلر بو،آجی و حسرتلی آیریلیغی سایین اسلام وند عائیله‌لرینه خصوصیله الناز خانیم اسلام ونده، شاعیرین سئونلرینه، آذربایجانین ادبی جمعیت‌لرینه تسلیت دئییب؛ باش ساغلیغی وئریر.

ادبیات سئونلر 1400/1/31

https://t.me/Adabiyyatsevanlar

پريسا اسلام‌وند


بوراخ دوستوم بوراخ
بوتون دمیر سئوگی‌لری بوراخ
قوی یئتیم قالسین سئوگی‌لر
قوی داشا دونسون اوره‌ک‌لریمیز
بوغ بوتون نیسگیل‌لرینی، بوراخ دوستوم بوراخ
‌"کیمسه دویمه‌سین قاپینی کیمسه آچماسین"
داها سئوگینین داشینی آتیب، یالقیزلیغی قوجاقلامالییق بیز
بوراخ دوستوم بوراخ
بیز تانرینین یاشیل گونلریندن بیرینی اوغورلایا بیلمه‌دیک
توستولو-قوخولو شهرده گورونمه‌یه‌جک دومانلی یاشایشیمیز
و سیقناللارین وارلیغی‌ایله ائشیدیلمه‌یه‌جک هارایمیز
بوراخ دوستوم بوراخ
قوی ایچیمیزده قالسین آرزولاریمیز
بلکه بیرگون یئنی بومبالارلا پاتلایا اوره‌گیمیر.



https://t.me/Adabiyyatsevanlar

بو هفته نین اوزه ل وئرلیشی

قونو:«حیکایه‌جیک و اؤزللیک‌لری؛ بیر حیکایه‌جیک‌ین چؤزمو»2
چهارشنبه :1400/2/1ادبیات سئونلرکانالیندا
ساعات: 21/30
اوزمان:«شریف مردی»

https://t.me/Adabiyyatsevanlar