«پرویز_عاریف»

کوچوردو:«آیسو_زنگانلی»


من هله ده بو قدر داریخمامیشدیم
میلیون ایل آیریلیق گونوندن کئچیب
لعنته گله سی بو قارا پیشیک
یئنه طالئعیمین اؤنوندن کئچیب

بو نه داریخماقدیر قوربانین اولوم؟
من هارا بو قدر داریخماق هارا ؟
اؤپورم گئجه نین قارانلیغیندان
یومورام گؤزومو آی ایشیغینا
دئیه سن گئدیرم چوخ اوزاق لارا

سیز ائی اوزاق لاردان گلن آدام لار
سیز ائی اوزاقلیقدان اؤلن آدام لار
اوردا دا داریخماق اولورمو بئله؟
اوردا دا گونشی قارشیلایانلار
گئجه لر علاج سیز قالیر می بئله؟

داش دوشسون باشینا بو داریخماغین
من بویدا آدامین سسینی کسیر
من بویدا آدام دا دئییرم اما
هله ده قونشونون قارا پیشییی
یانیمدان اؤتنده دیزلریم اسیر...

https://t.me/Adabiyyatsevanlar