اوشاق ادبیاتی
اوشاق ادبیاتی هر هفته پنجشنبه گونو ادبیات سئونلر کانالیندا .
اوشاق ادبیاتینا دایر یازیلارینیزی بیزه گوندرین .

https://t.me/Adabiyyatsevanlar

اوشاق ادبیاتی
کیتاب تانیتیمی

کتابین آدی: دادلی چورک ( اوشاقلار اوچون ناغیل -شعر)
توپلایان : نیره جاهد
رسملر: آیسان شیوا
ناشر: آیدین ساو نشریاتی
بیچیم: خشتی، ۱۲ص.رنگی
چاپ نوبت، یئر و ایلی: ۱.جی، تبریز، ۱۳۹۹
قیمت: ۱۲ مین تومن.
آدرس: تبریز ، خیابان شهید جدیری. پ.۳۷۳ تلفن: ۰۹۱۴۳۰۵۹۷۱۵
https://t.me/Adabiyyatsevanlar

اوشاق ادبیاتی
جئیران بالامیز «سوزان بردبار» بیزه شعیر اوخویوب گلن بیر لیکده قولاق آساق.
سنده شعیراوخوبیز ه گوندر. 👇👇👇

https://t.me/Adabiyyatsevanlar

اوشاق ادبیاتی

اوشاقلار شعر توپلوسو.عباس صحت.

شمالی آذربایجان نین ۲۰ اینجی عصرده یاشایان، پارلاق سیماسی دکتر عباس صحت و اونون اوشاق شعرلریندن سونولور.

عباس صحت(۱۸۷۴، شاماخی - ۱۱ ژوئیه ۱۹۱۸ گنجه)
شاعیر،یازار،دراماتورق،حکیم و..

عباس صحت طب دکتری اولدوقدان سونرا ایرانین جنوب حیسه سینده، بیر مدت حکیم لیک ائتمیشدیر.
او ایرمینجی عصرین ان گورکملی رومانتیک شاعیرلریندن اولموشدور.
فرانسیز و روس شاعیرلریندن گوزل ترجمه لر ائتمیشدیر.
صحت گله جه یین قورتولوشونو علم و مدنیت ده گورردگو ایچین یئنی نسلین اوزل جه اوشاقلارین تعلیم - تربیه سی اوغوروندا چوخ چالیشمیشدیر.
بویازینین آردینی ادبیات سئونلر کانالیندا اوخویون.

https://t.me/Adabiyyatsevanlar

اوشاق ادبیاتی

اوشاقلار شعر توپلوسو.عباس صحت.

شمالی آذربایجان نین ۲۰ اینجی عصرده یاشایان، پارلاق سیماسی دکتر عباس صحت و اونون اوشاق شعرلریندن سونولور.

عباس صحت(۱۸۷۴، شاماخی - ۱۱ ژوئیه ۱۹۱۸ گنجه)
شاعیر،یازار،دراماتورق،حکیم و..

عباس صحت طب دکتری اولدوقدان سونرا ایرانین جنوب حیسه سینده، بیر مدت حکیم لیک ائتمیشدیر.
او ایرمینجی عصرین ان گورکملی رومانتیک شاعیرلریندن اولموشدور.
فرانسیز و روس شاعیرلریندن گوزل ترجمه لر ائتمیشدیر.
صحت گله جه یین قورتولوشونو علم و مدنیت ده گورردگو ایچین یئنی نسلین اوزل جه اوشاقلارین تعلیم - تربیه سی اوغوروندا چوخ چالیشمیشدیر.
او اوشاق ادبیاتی یارادیجیلارین ان فعال لاریندان اولموشدور
روس مشهور یازاری ،ایوان کریلوف دان ائتدیگی ترجمه لردن باشقا، اصیل پارچالاری(جهالت ثمره سی)آدلی پیئس یازمیشدیر

اثرلری:
«وولگا سیاحتی» رومانی
«مغرب گونش‌لری ترجمه اولموش اثر»
«سینیق ساز»
«یوخسول‌لوق عیب دئییل» و «گاراگونلو حلیمه»
اوشاقلار شعر توپلوسو
"کوچ" اوشاق لار و یئنی یئتمه لر ایچین شعرلر

"اویان اوغلوم"
آغیللی اوغلوم اویان
قیمتلی دیر هر زامان
تئز اول دور گئت مکتبه
ساریل علمه-ادبه
سحر زیاندیر یوخو
مکتبه گئت درس اوخو
آل شفقلی گونش وار
پنجره دن پاریلدار
قالخ کی هامی اویانمیش
سحر زیاندیر یوخو
مکتبه گئت درس اوخو

"آنا - اوغول" شعریندن بیر پارچا

آ گوزل سئومه لی اَلی نورلو بَبَک
اویقو سوندان اویانار اسنه یه رَک
دیده مخمور اوزو مثل مَلَک
مادری اوندا ائدر بویله دیلَک
یاتما بو پایه ده راحت آجوجوق
ائتمه تنبل لیه عادت آجوجوق

آییل اوغلوم بوقدر ایله مه خواب
دور گوتور قولتوغونا ایندی کیتاب
مکتبین واختی کئچیر ایله شتاب
جهد اله علم اوخو هنگام شباب
یاتما بو پایه دا راحت ،آجوجوق
ائتمه تنبل لیه عادت،آجوجوق


"قوشلار"
قوشلار،قوشلار، آقوشلار
قارانقوشلار،آقوشلار
جَه جَه وورون بورادا
گاه یئرده گاه یووا دا
قونون بو تک بوداغا
چوخ گئتمه یین اوزاغا
آقوشلاریم گئتمه یین
منی غمگین ائتمه یین
قوشلار،نئچین گئدیرسیز؟
یوخسا کی سئیر ائدیرسیز؟
قوشلار اوچدو،اکیلدی
وای سسلری کسیلدی
بیر سی گلیر اوزاقدان
من دینله ییم بایاقدان
سویله ر کی قیش یاووقدور
سیزین یئرلر سویوقدور
وار ایستی جه اولکه لر
فیشدا بیزه خوش گلر
صبر ائله قوی یاز اولسون
بیر قار-یاغیش آز اولسون
سوقات گتیره ر قوشلار
سیزه گوزل ماهنی لار

"تنبل"
چوخ یاتما دور آتنبل
یاتسان اولار ایش انگل
گون داغلارا یاییلدی
هر بیر یاتان آییلدی
یار یولداشین سحرلر
تئز مکتبه گئدرلر
سن چاشتاتک یاتیرسان
پال-پالتارین آتیرسان
خیرو شرین قان اوغلوم
اوز حالینا یان اوغلوم
بیر آزجا همت ائیله
بیر آزجا غیرت ائیله
هر کیم دیلر شاد اولسون
گئتسین چالیشقان اولسون

قایناق:
"کوچ" اوشاق شعلری.عباس صحت.انتشارات شمس تبریز یاز آیی.۱۳۵۸


https://t.me/Adabiyyatsevanlar

اوشاق ادبیاتی
اوشودوم ها اوشودوم... زنگان دئییمی
سسلندیرن:« آیسو زنگانلی»

اوشاق ادبیاتی هر هفته پنجشنبه گونو ادبیات سئونلر کانالیندا .
اوشاق ادبیاتینا دایر یازیلارینیزی بیزه گوندرین .

https://t.me/Adabiyyatsevanlar

اوشاق ادبیاتی
باغیشچی آغاج
یازار:« شئل سیلوئر ائستاین»
چئویرن:« ویدا حشمتی»
بیر زامانلار بیر آغاج واریدی. او کیچیک اوغلانی چوخ سئودی.
هر گون کیچیک اوغلان آغاجین یانینا گلیردی، اونون گؤوده‌سینه دیرماشیب، بوداقلاریندان کوف گئدردی، آلمالارینی دریب، یئییردی. یورولاندا کؤلکه‌سینده، دینجه‌لیردی. اوغلان دا آغاجی سئویردی.
آغاج بو دورومدان چوخ سئوینجلی ایدی.
زامان کئچیر، اوغلان بؤیویور. او آغاجین گؤروشونه آز گله‌بیلیردی. اونا گؤره آغاج چوخ زامانلار یالقیز قالیردی.
بیر گون اوغلان آغاجین یانینا گلدی. آغاج چوخ سئوینیب دئدی:
گل گؤوده‌مدن اوسته چیخ! بوداقلاریمدان کوف گئت و آلمالاریمدان یئ، کؤلگه‌مده اوینا و سئوین...
اوغلان دئدی:
-یوخ! گؤوده‌ندن یوخاری چیخیب، اویناماق اوچون، داها بؤیوموشم. ایندی باشقا ایستکلریم وار. اونلاری آلیب، باشیمی قاتماق ایستیرم. منه پول لازیمدیر، سن منه پول وئره‌بیلرسن‌می؟
آغاج دئدی:
- منی باغیشلا. پولوم یوخدو. آلمالاریمی دریب، شهرده ساتا بیلرسن. اوندان قازانان پول‌لا ایسته‌دییینی آلا بیلرسن.
اوغلان آغاجا چیخیب...
بویازینین آردینی ادبیات سئونلر قوروپوندا اوخویون.
https://t.me/Adabiyyatsevanlar

اوشاق ادبیاتی
باغیشچی آغاج
یازار:« شئل سیلوئر ائستاین»
چئویرن:« ویدا حشمتی»

بیر زامانلار بیر آغاج واریدی. او کیچیک اوغلانی چوخ سئودی.
هر گون کیچیک اوغلان آغاجین یانینا گلیردی، اونون گؤوده‌سینه دیرماشیب، بوداقلاریندان کوف گئدردی، آلمالارینی دریب، یئییردی. یورولاندا کؤلکه‌سینده، دینجه‌لیردی. اوغلان دا آغاجی سئویردی.
آغاج بو دورومدان چوخ سئوینجلی ایدی.
زامان کئچیر، اوغلان بؤیویور. او آغاجین گؤروشونه آز گله‌بیلیردی. اونا گؤره آغاج چوخ زامانلار یالقیز قالیردی.
بیر گون اوغلان آغاجین یانینا گلدی. آغاج چوخ سئوینیب دئدی:
گل گؤوده‌مدن اوسته چیخ! بوداقلاریمدان کوف گئت و آلمالاریمدان یئ، کؤلگه‌مده اوینا و سئوین...
اوغلان دئدی:
-یوخ! گؤوده‌ندن یوخاری چیخیب، اویناماق اوچون، داها بؤیوموشم. ایندی باشقا ایستکلریم وار. اونلاری آلیب، باشیمی قاتماق ایستیرم. منه پول لازیمدیر، سن منه پول وئره‌بیلرسن‌می؟
آغاج دئدی:
- منی باغیشلا. پولوم یوخدو. آلمالاریمی دریب، شهرده ساتا بیلرسن. اوندان قازانان پول‌لا ایسته‌دییینی آلا بیلرسن.
اوغلان آغاجا چیخیب، آلمالاری دریب، آپاردی.
آغاج چوخ سئوینیردی.
اما اوغلان اوزون زامان آغاجین گؤروشونه گلمه‌دی.
آغاج چوخ کدرلی ایدی.
بیر گون اوغلان آغاجین گؤروشونه گلدی. آغاج سئویندیگیندن تیر-تیر اسیردی. اوغلانا دئدی:
-گل اوغلان! گل گؤوده‌مه چیخ، بوداقلاریمدان کوف گئت، آلمالاریمدان یئ.... و سئوینجلی اول!
اوغلان دئدی:
-من آرتیق بؤیوموشم. اوجور ایشلره واختیم یوخدو. ایستیرم بیر عاییله‌م اولسون. اوشاقلاریم اولسون. منه بیر ائو لازیمدی. منه ائو وئره بیلرسن‌می؟
آغاج دئدی:
منیم ائویم یوخدو. مئشه منیم ائویمدی. اما بوداقلاریمی کسیب، اؤزونه بیر ائو دوزه‌لده بیلرسن. اوندا سئوینجلی اولارسان.
اوغلان بوداقلاری کسیب، آپاردی.
آغاج چوخ سئوینیردی. اما اوغلان گئنه اوزون زامانا دک قاییتمادی.
بیر گون اوغلان آغاجین گؤروشونه گلدی. آغاج گئنه چوخ سئویندی. دیلی توتولدو. پیچیلتی ایله دئدی:
- او...غلا...ن...گل اوینا!
اوغلان دئدی:
-من قوجالمیشام. آرتیق اوینایا بیلمیرم. منه بیر تکنه(قایق) لازیمدی. ایستیرم اوزاقلارا گئدم. منه بیر تکنه وئره بیلرسن‌می؟
آغاج دئدی:
-منیم تکنه‌م یوخدو آمما گؤوده‌می کسیب، تکنه دوزه‌لده بیرلرسن. اونونلا اوزاقلار گئت، سئوینجلی اول!
اوغلان آغاجین گؤوده‌سینی کسیب، تکنه دوزه‌لتدی، اوزاقلارا گئتدی.
آغاج سئوینجلی ایدی.
آما گئرچکده سئوینجلی دئییلدی...
گونلر کئچیب، گئتدی. بیر گون اوغلان قاییتدی. آغاج دئدی: باغیشلا اوغلان! سنین اوچون هئچ نه‌ییم قالماییبدی. آلمام دا یوخدو.
اوغلان دئدی:
-ایندی دیشلریمده آلما یئمک گوجو قالماییبدیر.
آغاج دئدی:
-کوف گئتمک اوچون بوداغیم دا یوخدو.
اوغلان دئدی:
-کوف گئتمه‌یه ده گوجوم یوخدو. چوخ قوجالمیشام.
آغاج دئدی:
-اوستومه چیماغا، گؤوده‌م ده یوخدو.
اوغلان دئدی:
-اوستونه چیخا بیلمه‌رم. چوخ یورغونام. چوخ...
آغاج آه چکیب دئدی:
-باغیشلا منی! کئشگه سنه وئره‌جک بیر شئییم اولسایدی. ایندی هئچ نه‌ییم یوخدو....بیرجه کؤتویوم قالیبدیر. منی باغیشلا...
اوغلان دئدی:
-چوخ یورولموشام. ایندی اوتورماق اوچون بیر یئر ایستیرم.
آغاج باجاردیغی قدر کؤتویونو یوخاری چکیب، دئدی:
- بیر قوجا کؤتوک اوتورماغا یاخشی اولار. گل اوتور اوستومده، دینجل.
اوغلان آغاجین کؤتویونده اوتوردو. آغاج چوخ سئوینیردی.

https://t.me/Adabiyyatsevanlar

اوشاق ادبیاتی
«تیموری»
منیم جئیرانیم

گؤزو قارا جئيرانيم

يولون   هارا   آی جانيم؟


داغي    گه زه ن   نازييلا

بوينوزو   تك   تاجييلا


ياواش- ياواش   يئريركن 

داغي- داشي   سئويرسن


بو داغ  سنين  مسكنين

هم   منيم دي    هم   سنين


منيم   ائويم   "سولدوزوم"

گؤيده   بير تك    اولدوزوم


سنين    ائوين   ده ره دي 

قاشين- گؤزون   قه ره دي


بيز   بير- بيري    سئويريك

وطن     ياشا    دئييريك

https://t.me/Adabiyyatsevanlar

 

اوشاق ادبیاتی
کارتون

اوشاق ادبیاتی هر هفته پنجشنبه گونو ادبیات سئونلر کانالیندا .
اوشاق ادبیاتینا دایر یازیلارینیزی بیزه گوندرین .

https://t.me/Adabiyyatsevanlar

اوشاق ادبیاتی
🍑 بیر هولی، مین هولی
یازار:«صمد بهرنگی»
چئویرن:« منیژه جم‌نژاد»

🕔 صاحابعلی منی طؤوله‌یه آپاریب، بیر گوشه ده پئیین‌لرین ایچینده قویلادی. قارانلیق لا پئیینین آجی قوخوسوندان باشقا بیر شئی بیلمدیم. نئچه ساعات اوردا اولدوغومو دا بیلمیرم. پئیینین ایتی ایییندن آز قالا خفه‌لنیردیم. سونوندا پئیینلرین اوستومدن گؤتورولمه‌سینی دویدوم. صاحابعلی ایدی. منی چیخاریب، بیرایکی یول اللرینده اؤوکه‌لییب، شالوارینا چکدی؛ تمیزله‌نیم دئیه. گلدیییمیز یولدان قاییدیب پولاد گیلین ائوینین دامینا یئتیشدیک. پولادین آناسی‌له باجیسی یاپما یاپیر، قونشونون خانیمی‌‌له دانیشیردیلار، او دا قوروموش یاپمالاری دوواردان قوپاریب اوست اوسته قالاییردی. صاحابعلی پولادین آناسیندان اونون هاردا اولدوغونو سوروشدو. پولادین آناسی دئدی: پولاد کئچینی چؤله چیخاریب، ائوده دئییل. پولادی تپه‌نین باشیندا تاپدیق. قارا کئچی‌نی تپه‌نین دالینا بوراخمیش، اؤزو ده ایتی‌‌ ایله بیزی گوزله‌ییردی. من بیردن پولاد لا صاحابعلینین دریسی دوز منیم قابیغیم رنگده‌ اولدوغونو...
بو یازینین آردینی ادبیات سئونلر قوروپوندا اوخویون.

https://t.me/Adabiyyatsevanlar

اوشاق ادبیاتی
🍑 بیر هولی، مین هولی
یازار:«صمد بهرنگی»
چئویرن:« منیژه جم‌نژاد»

🕔 صاحابعلی منی طؤوله‌یه آپاریب، بیر گوشه ده پئیین‌لرین ایچینده قویلادی. قارانلیق لا پئیینین آجی قوخوسوندان باشقا بیر شئی بیلمدیم. نئچه ساعات اوردا اولدوغومو دا بیلمیرم. پئیینین ایتی ایییندن آز قالا خفه‌لنیردیم. سونوندا پئیینلرین اوستومدن گؤتورولمه‌سینی دویدوم. صاحابعلی ایدی. منی چیخاریب، بیرایکی یول اللرینده اؤوکه‌لییب، شالوارینا چکدی؛ تمیزله‌نیم دئیه. گلدیییمیز یولدان قاییدیب پولاد گیلین ائوینین دامینا یئتیشدیک. پولادین آناسی‌له باجیسی یاپما یاپیر، قونشونون خانیمی‌‌له دانیشیردیلار، او دا قوروموش یاپمالاری دوواردان قوپاریب اوست اوسته قالاییردی. صاحابعلی پولادین آناسیندان اونون هاردا اولدوغونو سوروشدو. پولادین آناسی دئدی: پولاد کئچینی چؤله چیخاریب، ائوده دئییل. پولادی تپه‌نین باشیندا تاپدیق. قارا کئچی‌نی تپه‌نین دالینا بوراخمیش، اؤزو ده ایتی‌‌ ایله بیزی گوزله‌ییردی. من بیردن پولاد لا صاحابعلینین دریسی دوز منیم قابیغیم رنگده‌ اولدوغونو سئزدیم. بس کی ایکیسی ده لوتو پوت گون قاباغیندا دولانمیش، قاپ قارا قارالمیشدیلار. پولاد صبیرسیزلیکله دئدی: یاخچی، نقشه نی دئ. صاحابعلی دئدی: ایستیرسن بیر هولو آغاجین اولسون؟ پولاد دئدی: دلی‌ام میر ایسته‌مه‌یم! صاحابعلی دئدی: ائله‌ده گئده‌ک. پولاد دئدی: کئچینی نه ائده‌ک؟ صاحابعلی دئدی: ائوه بوراخاریق. پولاد دئدی: آنام دئییب گون باتمادان اونو قایتارمیام. صاحابعلی دئدی: اوندا ایتی کئچینین یانیندا قویاریق. پولاد الینی ایتین باش قولاغینا چکیب دئدی: من گلینجن کئچیه گٔوز اول، یاخچی؟ اوچوموز قاچا - قاچا گئدیب باغین دووارینا یئتیشدیک. صاحابعلی دئدی: آتیل اوسته. پولاد دئدی: نقشه‌نی گیزلتمه‌یه گرک یوخدو. اؤزوم بیلدیم. هولوموزون چرده‌یینی اکمک ایسته ییریک. صاحابعلی دئدی: ائله دی. چرده‌ییمیزی باغین دیبینده تورپاق قالاغینین دالیسیندا اکه‌ریک. نئچه ایل دن سونرا اؤزوموزون هولو آغاجیمیز اولار. نیه آیری یئرده اکمه‌دییمیزی اؤزون بیلیرسن. پولاد دئدی: تپه باشیندا، داشلارین ایچینده کی هولی بیتمز، آغاج سو ایستر، یوموشاق تورپاق ایستر. صاحابعلی دئدی: داها ماللا کیمی مرثیه دئمه کی، من چیخیرام او٘سته گورم باغوان قاییتماییب. باغوان حله شهردن قاییتمامیشدی. پولاد لا صاحابعلی باغین خلوت بیر گوشه‌سینده، تورپاق قالاغینین دالیسیندا، یئری قازیب منی قویلادیلار، او٘ستومه ده بیر ال چکیب قویوب گئتدیلر. قارانلیق، سویوق تورپاق منی قوجاقلاییب سیخیب، گووده‌مه یاپیشدی. البتده من هله گویرنمزدیم. گویرمک اوچون گوجلنمک، بیرآز چکردی. سویوق، تورپاغین آلتینا کئچدیینه گوره، قیشین گلمه‌سینی، قار تورپاغین او٘ستونو توتماسینی آنلادیم. تورپاق منه بیر قاریش قالاناجان دوندو. آما تورپاغین آلتی ائله ایستی ایدی کی من اوشویوب دونمازدیم. بئله سینه من ایندیلیک ترپنیش دن دوشوب تورپاغین آلتیندا شیرین یوخلادیم. یاتیردیم کی باهاردا سازلانیب، داها گوجلو اویانیب، گویرم؛ تورپاقدان چیخیب پولاد لا صاحابعلیه بول مئیوه‌لی آغاج اولام. ایری، سولو، گوزل، اوتانقاج قیزلار کیمی قیرمیزی یاناقلی هولو آغاجی. قیشدا گوردویوم یوخولاردان بیر شئی یادیما گلمیر آنجاق بیر یول یوخودا گوردوم بویوک بیر آغاج اولموشام، پولاد لا صاحابعلی منه دیرماشیب بوداقلاریمی سیلکه‌له‌ییرلر، کندین بوتون لوت اوشاقلاری ییغیشیب منیم هولولاریمی گویده قاپیر، لذت‌له یئییرلر؛ آغیزلارینین سویو آخیر، لوت گؤیسلری، قارینلاری، گؤبک لری ایسلانیر. کچل بیر اوشاق هئی پولادی سسله‌ییب دئییردی: پولاد، بو یئدیییمیزین آدینی دئمه دین؟ آخی من ایستیرم ائوه قاییداندا بویوک ننه‌مه نه یئدییمی دئیه‌م. چوخ دا یئدیم، ائله لذت‌لییدی کی هله ده دویمامیشام. حاضیرام گئنه ده یئیه‌م. باغلاشیرام گئنه دویمایاجاغام. ایکی بالاجا اوشاقدا واریدی کی اَیینلرینده پالتار یوخویدو. آغیز بورونلارینین دؤره‌سینه ده چوخلو میلچک قونموشدو. اوشاقلارین هره‌سینین الینده ایری بیر هولو واریدی، لذت‌له دیشله‌ییب به‌به دئییردیلر. بو منیم یوخولاریمین بیری ایدی. سون گز بادام گولونو یوخودا گوردوم. ناخوش بایقین دوشموشدوم، بیردن یوموشاق بیر سس قووزاندی، ائله دویدوم کی سسله بیرلیکده چوخلو تانیش قوخولار تورپاغین آلتینا گیردی. سس دئدی: بادام گولو، قاباغا گل، قوخونو گوزل هولونون او٘زونه وور. گئنه اویانماسا الینی او٘زونه، گؤده‌سینه چک، قوی گولون قوخوسونو یاخچی آلسین. قیساجا، اونو تئز اویات، گؤیریب تومورجوقلانما واختی دیر. چردک‌لرین هامیسی اویانیرلار...
آردی وار

https://t.me/Adabiyyatsevanlar

اوشاق ادبیاتی
شعیر:« ویدا حشمتی»
سسلندیرن: سکینه تاران.

اوشاق ادبیاتی هر هفته پنجشنبه گونو ادبیات سئونلر کانالیندا .
اوشاق ادبیاتینا دایر یازیلارینیزی بیزه گوندرین .

https://t.me/Adabiyyatsevanlar

اوشاق ادبیاتی
شعیر«میر مهدی سیدزاده»

تیکان و قیزیل گول


تیکان چوخ تعجوبله،
سویله‌دی قیزیل گوله:

بیر کول‌دا، بیر بوداق‌دا
یئتیشیریک بیر باغ‌دا!

بس سبب نه‌دیر کی سن،
هامی‌یا سئویلمیسن

منی سئومه‌ییر هئچ کس؟
گول دئدی: دئییل عبث،

بیر یئرده اولساق‌ دا بیز
آیری‌دیر خیصلتیمیز

سن هر اَله باتیرسان،
اینجیدیب، قانادیرسان،

من کونول اوخشاییرام!
قلب‌لرده یاشاییرام.

https://t.me/Adabiyyatsevanlar

اوشاق ادبیاتی
https://t.me/Adabiyyatsevanlar

هر چیچک دن بیر یارپاق
موسیقی آچیقلامالاری
زمان: بوگئجه: 99/12/21
ساعات: 21
اوزمان: دوکتور احمد ستاری

https://t.me/Adabiyyatsevanlar

هر چیچک دن بیر یارپاق
موسیقی آچیقلامالاری
اوزمان:« دوکتور احمد ستاری»
موسیقی سنتی جمهوری خودمختار آلتای
آلتای ها همان اویراقها هستند به دلیل اینکه در کنار کوههای آلتای زندگی میکنند امروزه به آلتای ها مشهورند جمعیت آنها تقریبا ۱۲۰هزار نفر میباشد زبان آنها ترکی قبچاق میباشد چون نحوه آواز آنها متفاوت است ما متن آواز آنها را متوجه نمیشویم ولی حین صحبت اکثر کلمات و جمله های آنها را متوجه میشویم آلتای ها و یا همان اویراقها آلات موسیقی خاص خودشان را دارند

https://instagram.com/ahmadsattariofficial?igshid=1vcvylwgh2mu8

https://t.me/Adabiyyatsevanlar

قیرمیز دریلی چالقیچی سئوگی سینی سازیلا سئوگیسینه تقدیم ائدیر.

https://t.me/Adabiyyatsevanlar

«صائب تبریزی»
جوشِ بهار رخنه به دیوار می‌کند
بیهوده باغبان درِ گلزار بسته است


https://t.me/Adabiyyatsevanlar

شعیر:«اسمر_حوسئین_خان»

کوچورن:«آیسو_زنگانلی«

داغ لار کیمی ایدی سئوینج لر
شیلتاق
جوشغون...
داغ لار ایزلری،
سئوینج لر کدرلری یویوردو ...
قومسال لار کیمی ایدی کدرلر،
سای سیز ،
آغری لی ...
قومسال لار آیاغیمیزی ،
کدرلر سون یانیمیزی
یاندیردی...
سولار کیمی ایدی حیات ،
گاه ایستی ،
گاه سویوق...
سولار گوناه لاریمیزدان ،
حیات ثواب لاریمیزدان
قوپاردی...
گؤی اوزو کیمی ایدی سئوگی،
قوصورسوز،
ال چاتماز...
گؤی اوزو دوعالاریمیزی،
سئوگی قانادلاریمیزی
آپاردی...
دنیز کیمی ایدی قادین،
درین ،
بنزرسیز،
دنیز اونو بوغوردو
قادین هر گون بوغولدوغو ساحیلده
یئنی دن دوغولوردو
گونش کیمی ایدی قادین...

https://t.me/Adabiyyatsevanlar