«سحر_خیاوی»

قیسقانج

ایلک کره باغدا گؤزلرینی آچارکن اونو گؤرموشدو.
سرو بویلو اوجا قامتی، بولودلارا مئیدان اوخویوردو. یام یاشیل آچیق اللری سانکی مَلَک‌لره یاشیللیق تعارف ائدیردی.
گونه باخان اؤز اوره‌یینده اونو چوخ سئویردی.
دوغرو کی او گونشین سئوگیلیسی ایدی. اونون ایستی‌سینی جانینا چکیب،قوورولوب دَنه دولماق آرزوسوندا ایدی.
آمما سرو آغاجینی دا دوستجا سئویردی.
آااای...بوینونو قالخیزیب سَروین خول- بوداقلارینین آراسیندان گونَشینه باخاندا نه کئف ائله‌ییردی.
سانکی گوندوزلر سَرو گونَش میوه‌سی گتیریردی.
گونَش آغاجین خول- بوداقلارینین آراسیندان اونلا گیزلَن- قاچ اویناییردی. اونا شئیطانجا هئی گؤز ووروردو.
بو حادیثه‌دن اوره‌یی یاغ کیمی اریییردی. سئوگی بوتون دامارلاریندا گزیشیردی.
گئجه‌لر آغاج آی- اولدوز میوه‌سی گتیریردی. گئجه‌نین گونه باخانا باشقا سیرلی- سئحیرلی عالمی واریدی.
بوداقلارین آراسیندان پارلایان آی‌ا، سایریشان اولدوزلارا باخیردی. غریبه حیسلر اوندا اویانیردی.
دفعه‌لرجه آغاجین گؤوده‌سینه ساریلماق ایسته‌سه ده بو ایشدن چکینیب، سئوگیسینی اوره‌یینده گیزلتمیشدی. آخی آغاجلار- گوللر، چمنلر هامیسی بیلیردیلر او گونشین سئوگیلیسی دیر.
اونا ساریلیب گونشدن اونا دانیشماق ایسته‌ییردی. گئجه اوزونو قیزغین سئوگیسی‌نین ناغیلینی اونون قولاغینا پیچیلداماق ایسته‌ییردی.
گونه باخان بو سئوگیدن هئچ کیمه دانیشا بیلمیردی. نه خبرچی کولَکه، نه باشقا آغاجلارا، گوللره. سئوگیسینه قیسقانماقدان قورخوردو. آمما اوره‌یی سئوگی ماجراسیندان آشدیم- داشدیم گوللری کیمی آشیب داشیردی.
بیر گون یادینا دوشدو قوجا چینار دئمیشدی:"سو آیدینلیق و ایشیقلیق سیمگه‌سی دیر. دونیادا دوپ- دورو اوره‌کلری سووا اوخشادارلار. یوخولار آیدین یوزولسون دئیه آخار سولارا دییرلر".
اوره‌کله‌نیب بیر جیغیر آیاغینین آلتیندان کئچه‌ن سووا اوره‌یینین سیررینی آچدی. سَرو و گونشی سئودیگینی دئدی. گونَشین ایستیسیندن نئجه قوورولماق و دَنه دولماغی آرزوسونو سؤیله‌دی.
او سو بیرآز قارا و بولاندیق اولسایدی دا سو ایدی. بلکه آرخدا گلرکن یول اوزونو توزا- تورپاغا بلشمیشدی.
سو سؤزلرینی ائشیتدی. آمما او قَدَر ده ماراق گؤسترمه‌دی.
بلکه اونا او قَدَر اؤنملی اولان سئوگی ماجراسی هئچ باشقالارا او قَدَر ده اؤنملی دئییلمیش!! - اؤزونه دئدی.
سئوگی سیررینی سو ایله دانیشماغینا پئشمان اولدوسا دا ایش- ایشدن کئچمیشدی. گئدن سو بیر داها آرخا قاییتمازدی.
بو سؤزدن نئچه موددت سووشدو.
سرو آغاجی داها او سئودیگی یام- یاشیل سرو آغاجی دئییلدی.
آزار دَیمیش کیمی گون به گون یارپاقلاری خزلله‌ییب یئره تؤکولوردو.
گونه باخان اؤزونه:" به بونا نه گلدی یا ربیم؟!"- دئییردی. سرو اوچون هر گون گیزلیجه آغلاییب سیتقاییردی.
آمما هر نه واریدی ایش او سودا ایدی. او سیررینی سووا آچاندان بری آغاج بو گونه قالمیشدی. بئله کی قوروماق و اَلدن گئتمک قورخوسو واریدی.
بیر گون باغمان بؤیروندن کئچه‌نده:"کیم بو خارابالارین یاغلی، اَروولو فاضیلاب سویونو منیم باغیما اؤتوروب؟! هانسی خائین ال؟! هانسی نامرد؟! هانسی ظالیم بالاسی؟!
‌دئییرم نه دن آغاجلاریم گون به گون سارالیر، میوه‌لریم چورلاییر، گول- چیچگیم اؤلوشگه‌ییر!!» -دئیینیردی.
گونه باخان بونو ائشیدرکن نه بؤیوک سهو ائتدییندن اوره‌یی دیکسینیب، رنگی آتدی. الینده بئل اولان باغمانین سویون باشینی باشقا یئره دؤندردیگینی گوده بیلمه‌دی.
هؤوللو زوغلارینی ایشه چکیب وار گوجو ایله اَروولو سویو ایچینه چکدی.
آغزی قورت-قوشلو قوخوموش سودان آجیییردی. اؤدو آغزینا گلیردی. اؤزو اؤلسه‌یدی ده سرو بویلو سَروینی سارالیب سولموش ایسته‌میردی....
بو ماجرانی اؤزو بیر تهر قورتارمالی ایدی. بئله قورتاردی...
گؤره‌سن سرو آغاجی بیلدیمی؟!!

https://t.me/Adabiyyatsevanlar

«حسن عجبشرلی»

کوچه

واخت اولاردی یولومو تاپمادان ائویمیزه
گلیب چیخا بیلمزدیم. دار-دودوک یولاقلارین اییری اویرو دونگه لرینده ایتیب قالاردیم. یاواش - یاواش بوءیودوم. آیاقلاریم یول آچدیلار اوزومدن یئکه یوللارا، دوشدوم اونون- بونون آردینجا گئتمیه.دئین اولمادی نه یاخشی اوءزون یول سئچمیرسن. منده بیلمه دن اوجو-بوجاقی گورونمه ین یولون یولچو سو اولدوم گئده-گئده فیکیرلشه بیلمه دیم. آرتیق بره نی سویا وئرمیشدیم فیکیریمی ده یر-دیمزه ساتمیشدیم یولدادا دوشونجه سیز فیکیرسیز آددیم آتیردیم. او اوءزدن کورلار سایاغی الیمی هارداسا دووار،سویکه نجک اولوردو آتیردیم.سیغیناجاغیم اولمادان باش آلیب گئدر-گلمز یولا دوشموشدوم .نئچه ایل لر بو یولون یولچو سو اولدوم. یولون یاریسینی بیتیرمیشدیم.اوزاقدان بیر سس قولاغیما ده یدی. نئیلدیمسه بیلمه دیم هانسی طرفدن بو سس گلیر. ایستر-ایستمز یولومو داوام ائتدیردیم. بو دونه او سس منی گئری دن چاغیردی.باشا دوشدوم دوءنوب آرخایا باخمالیام دونن کیمی کیچیک قارداشیمی دوشوندوم.
{داداش توتدوغون یول یانلیش دیر ده دی}
آغزیندان اوءپوب الینی سیخیب کوچه میزه قاییتدیق. گوردوک آز یاشلی اوشاقلار اوشاق اویون لاریندان بیرینی اویناییرلار . {ال - اله دویمه -دله بیز گئدیریک بابام گیله،بابام گئدیر باشماق آلا، بیر تای سنه بیر تای منه}آیاقلاریما باخدیقدا گوردوم آیاقلاریم یالیندیر،نئچه واختی آیاق قابی سیز گزیشمیشم،داها کوچه میزدن ال چکمه دیم.

https://t.me/Adabiyyatsevanlar

بو هفته نین اوزه ل وئرلیشی

قونو:«تنقید» نه‌دیر؟ «ادبی تنقید» نه دئمک‌دیر؟
چهارشنبه : 99/12/6 ادبیات سئونلرکانالیندا
ساعات: 21
اوزمان:«شریف مردی»

https://t.me/Adabiyyatsevanlar

بو هفته نین اوزه ل وئرلیشی

قونو:«تنقید» نه‌دیر؟ «ادبی تنقید» نه دئمک‌دیر؟
اوزمان:«شریف مردی»1

https://t.me/Adabiyyatsevanlar

بو هفته نین اوزه ل وئرلیشی

قونو:«تنقید» نه‌دیر؟ «ادبی تنقید» نه دئمک‌دیر؟
اوزمان:«شریف مردی»2

https://t.me/Adabiyyatsevanlar

بو هفته نین اوزه ل وئرلیشی

قونو:«تنقید» نه‌دیر؟ «ادبی تنقید» نه دئمک‌دیر؟
اوزمان:«شریف مردی»3

https://t.me/Adabiyyatsevanlar

بو هفته نین اوزه ل وئرلیشی

قونو:«تنقید» نه‌دیر؟ «ادبی تنقید» نه دئمک‌دیر؟
اوزمان:«شریف مردی»4

https://t.me/Adabiyyatsevanlar

بو هفته نین اوزه ل وئرلیشی

قونو:«تنقید» نه‌دیر؟ «ادبی تنقید» نه دئمک‌دیر؟
اوزمان:«شریف مردی»5

https://t.me/Adabiyyatsevanlar

بو هفته نین اوزه ل وئرلیشی

قونو:«تنقید» نه‌دیر؟ «ادبی تنقید» نه دئمک‌دیر؟
اوزمان:«شریف مردی»6

https://t.me/Adabiyyatsevanlar

اوشاق ادبیاتی
اوشاق ادبیاتی هر هفته پنجشنبه گونو ادبیات سئونلر کانالیندا .
اوشاق ادبیاتینا دایر یازیلارینیزی بیزه گوندرین .

https://t.me/Adabiyyatsevanlar

اوشاق ادبیاتی
کیتاب تانیتیمی

کتابین آدی: دادلی چورک ( اوشاقلار اوچون ناغیل -شعر)
توپلایان : نیره جاهد
رسملر: آیسان شیوا
ناشر: آیدین ساو نشریاتی
بیچیم: خشتی، ۱۲ص.رنگی
چاپ نوبت، یئر و ایلی: ۱.جی، تبریز، ۱۳۹۹
قیمت: ۱۲ مین تومن.
آدرس: تبریز ، خیابان شهید جدیری. پ.۳۷۳ تلفن: ۰۹۱۴۳۰۵۹۷۱۵
https://t.me/Adabiyyatsevanlar

اوشاق ادبیاتی
جئیران بالامیز «سوزان بردبار» بیزه شعیر اوخویوب گلن بیر لیکده قولاق آساق.
سنده شعیراوخوبیز ه گوندر. 👇👇👇

https://t.me/Adabiyyatsevanlar

اوشاق ادبیاتی

اوشاقلار شعر توپلوسو.عباس صحت.

شمالی آذربایجان نین ۲۰ اینجی عصرده یاشایان، پارلاق سیماسی دکتر عباس صحت و اونون اوشاق شعرلریندن سونولور.

عباس صحت(۱۸۷۴، شاماخی - ۱۱ ژوئیه ۱۹۱۸ گنجه)
شاعیر،یازار،دراماتورق،حکیم و..

عباس صحت طب دکتری اولدوقدان سونرا ایرانین جنوب حیسه سینده، بیر مدت حکیم لیک ائتمیشدیر.
او ایرمینجی عصرین ان گورکملی رومانتیک شاعیرلریندن اولموشدور.
فرانسیز و روس شاعیرلریندن گوزل ترجمه لر ائتمیشدیر.
صحت گله جه یین قورتولوشونو علم و مدنیت ده گورردگو ایچین یئنی نسلین اوزل جه اوشاقلارین تعلیم - تربیه سی اوغوروندا چوخ چالیشمیشدیر.
بویازینین آردینی ادبیات سئونلر کانالیندا اوخویون.

https://t.me/Adabiyyatsevanlar

اوشاق ادبیاتی

اوشاقلار شعر توپلوسو.عباس صحت.

شمالی آذربایجان نین ۲۰ اینجی عصرده یاشایان، پارلاق سیماسی دکتر عباس صحت و اونون اوشاق شعرلریندن سونولور.

عباس صحت(۱۸۷۴، شاماخی - ۱۱ ژوئیه ۱۹۱۸ گنجه)
شاعیر،یازار،دراماتورق،حکیم و..

عباس صحت طب دکتری اولدوقدان سونرا ایرانین جنوب حیسه سینده، بیر مدت حکیم لیک ائتمیشدیر.
او ایرمینجی عصرین ان گورکملی رومانتیک شاعیرلریندن اولموشدور.
فرانسیز و روس شاعیرلریندن گوزل ترجمه لر ائتمیشدیر.
صحت گله جه یین قورتولوشونو علم و مدنیت ده گورردگو ایچین یئنی نسلین اوزل جه اوشاقلارین تعلیم - تربیه سی اوغوروندا چوخ چالیشمیشدیر.
او اوشاق ادبیاتی یارادیجیلارین ان فعال لاریندان اولموشدور
روس مشهور یازاری ،ایوان کریلوف دان ائتدیگی ترجمه لردن باشقا، اصیل پارچالاری(جهالت ثمره سی)آدلی پیئس یازمیشدیر

اثرلری:
«وولگا سیاحتی» رومانی
«مغرب گونش‌لری ترجمه اولموش اثر»
«سینیق ساز»
«یوخسول‌لوق عیب دئییل» و «گاراگونلو حلیمه»
اوشاقلار شعر توپلوسو
"کوچ" اوشاق لار و یئنی یئتمه لر ایچین شعرلر

"اویان اوغلوم"
آغیللی اوغلوم اویان
قیمتلی دیر هر زامان
تئز اول دور گئت مکتبه
ساریل علمه-ادبه
سحر زیاندیر یوخو
مکتبه گئت درس اوخو
آل شفقلی گونش وار
پنجره دن پاریلدار
قالخ کی هامی اویانمیش
سحر زیاندیر یوخو
مکتبه گئت درس اوخو

"آنا - اوغول" شعریندن بیر پارچا

آ گوزل سئومه لی اَلی نورلو بَبَک
اویقو سوندان اویانار اسنه یه رَک
دیده مخمور اوزو مثل مَلَک
مادری اوندا ائدر بویله دیلَک
یاتما بو پایه ده راحت آجوجوق
ائتمه تنبل لیه عادت آجوجوق

آییل اوغلوم بوقدر ایله مه خواب
دور گوتور قولتوغونا ایندی کیتاب
مکتبین واختی کئچیر ایله شتاب
جهد اله علم اوخو هنگام شباب
یاتما بو پایه دا راحت ،آجوجوق
ائتمه تنبل لیه عادت،آجوجوق


"قوشلار"
قوشلار،قوشلار، آقوشلار
قارانقوشلار،آقوشلار
جَه جَه وورون بورادا
گاه یئرده گاه یووا دا
قونون بو تک بوداغا
چوخ گئتمه یین اوزاغا
آقوشلاریم گئتمه یین
منی غمگین ائتمه یین
قوشلار،نئچین گئدیرسیز؟
یوخسا کی سئیر ائدیرسیز؟
قوشلار اوچدو،اکیلدی
وای سسلری کسیلدی
بیر سی گلیر اوزاقدان
من دینله ییم بایاقدان
سویله ر کی قیش یاووقدور
سیزین یئرلر سویوقدور
وار ایستی جه اولکه لر
فیشدا بیزه خوش گلر
صبر ائله قوی یاز اولسون
بیر قار-یاغیش آز اولسون
سوقات گتیره ر قوشلار
سیزه گوزل ماهنی لار

"تنبل"
چوخ یاتما دور آتنبل
یاتسان اولار ایش انگل
گون داغلارا یاییلدی
هر بیر یاتان آییلدی
یار یولداشین سحرلر
تئز مکتبه گئدرلر
سن چاشتاتک یاتیرسان
پال-پالتارین آتیرسان
خیرو شرین قان اوغلوم
اوز حالینا یان اوغلوم
بیر آزجا همت ائیله
بیر آزجا غیرت ائیله
هر کیم دیلر شاد اولسون
گئتسین چالیشقان اولسون

قایناق:
"کوچ" اوشاق شعلری.عباس صحت.انتشارات شمس تبریز یاز آیی.۱۳۵۸


https://t.me/Adabiyyatsevanlar

اوشاق ادبیاتی
اوشودوم ها اوشودوم... زنگان دئییمی
سسلندیرن:« آیسو زنگانلی»

اوشاق ادبیاتی هر هفته پنجشنبه گونو ادبیات سئونلر کانالیندا .
اوشاق ادبیاتینا دایر یازیلارینیزی بیزه گوندرین .

https://t.me/Adabiyyatsevanlar

اوشاق ادبیاتی
باغیشچی آغاج
یازار:« شئل سیلوئر ائستاین»
چئویرن:« ویدا حشمتی»
بیر زامانلار بیر آغاج واریدی. او کیچیک اوغلانی چوخ سئودی.
هر گون کیچیک اوغلان آغاجین یانینا گلیردی، اونون گؤوده‌سینه دیرماشیب، بوداقلاریندان کوف گئدردی، آلمالارینی دریب، یئییردی. یورولاندا کؤلکه‌سینده، دینجه‌لیردی. اوغلان دا آغاجی سئویردی.
آغاج بو دورومدان چوخ سئوینجلی ایدی.
زامان کئچیر، اوغلان بؤیویور. او آغاجین گؤروشونه آز گله‌بیلیردی. اونا گؤره آغاج چوخ زامانلار یالقیز قالیردی.
بیر گون اوغلان آغاجین یانینا گلدی. آغاج چوخ سئوینیب دئدی:
گل گؤوده‌مدن اوسته چیخ! بوداقلاریمدان کوف گئت و آلمالاریمدان یئ، کؤلگه‌مده اوینا و سئوین...
اوغلان دئدی:
-یوخ! گؤوده‌ندن یوخاری چیخیب، اویناماق اوچون، داها بؤیوموشم. ایندی باشقا ایستکلریم وار. اونلاری آلیب، باشیمی قاتماق ایستیرم. منه پول لازیمدیر، سن منه پول وئره‌بیلرسن‌می؟
آغاج دئدی:
- منی باغیشلا. پولوم یوخدو. آلمالاریمی دریب، شهرده ساتا بیلرسن. اوندان قازانان پول‌لا ایسته‌دییینی آلا بیلرسن.
اوغلان آغاجا چیخیب...
بویازینین آردینی ادبیات سئونلر قوروپوندا اوخویون.
https://t.me/Adabiyyatsevanlar

اوشاق ادبیاتی
باغیشچی آغاج
یازار:« شئل سیلوئر ائستاین»
چئویرن:« ویدا حشمتی»

بیر زامانلار بیر آغاج واریدی. او کیچیک اوغلانی چوخ سئودی.
هر گون کیچیک اوغلان آغاجین یانینا گلیردی، اونون گؤوده‌سینه دیرماشیب، بوداقلاریندان کوف گئدردی، آلمالارینی دریب، یئییردی. یورولاندا کؤلکه‌سینده، دینجه‌لیردی. اوغلان دا آغاجی سئویردی.
آغاج بو دورومدان چوخ سئوینجلی ایدی.
زامان کئچیر، اوغلان بؤیویور. او آغاجین گؤروشونه آز گله‌بیلیردی. اونا گؤره آغاج چوخ زامانلار یالقیز قالیردی.
بیر گون اوغلان آغاجین یانینا گلدی. آغاج چوخ سئوینیب دئدی:
گل گؤوده‌مدن اوسته چیخ! بوداقلاریمدان کوف گئت و آلمالاریمدان یئ، کؤلگه‌مده اوینا و سئوین...
اوغلان دئدی:
-یوخ! گؤوده‌ندن یوخاری چیخیب، اویناماق اوچون، داها بؤیوموشم. ایندی باشقا ایستکلریم وار. اونلاری آلیب، باشیمی قاتماق ایستیرم. منه پول لازیمدیر، سن منه پول وئره‌بیلرسن‌می؟
آغاج دئدی:
- منی باغیشلا. پولوم یوخدو. آلمالاریمی دریب، شهرده ساتا بیلرسن. اوندان قازانان پول‌لا ایسته‌دییینی آلا بیلرسن.
اوغلان آغاجا چیخیب، آلمالاری دریب، آپاردی.
آغاج چوخ سئوینیردی.
اما اوغلان اوزون زامان آغاجین گؤروشونه گلمه‌دی.
آغاج چوخ کدرلی ایدی.
بیر گون اوغلان آغاجین گؤروشونه گلدی. آغاج سئویندیگیندن تیر-تیر اسیردی. اوغلانا دئدی:
-گل اوغلان! گل گؤوده‌مه چیخ، بوداقلاریمدان کوف گئت، آلمالاریمدان یئ.... و سئوینجلی اول!
اوغلان دئدی:
-من آرتیق بؤیوموشم. اوجور ایشلره واختیم یوخدو. ایستیرم بیر عاییله‌م اولسون. اوشاقلاریم اولسون. منه بیر ائو لازیمدی. منه ائو وئره بیلرسن‌می؟
آغاج دئدی:
منیم ائویم یوخدو. مئشه منیم ائویمدی. اما بوداقلاریمی کسیب، اؤزونه بیر ائو دوزه‌لده بیلرسن. اوندا سئوینجلی اولارسان.
اوغلان بوداقلاری کسیب، آپاردی.
آغاج چوخ سئوینیردی. اما اوغلان گئنه اوزون زامانا دک قاییتمادی.
بیر گون اوغلان آغاجین گؤروشونه گلدی. آغاج گئنه چوخ سئویندی. دیلی توتولدو. پیچیلتی ایله دئدی:
- او...غلا...ن...گل اوینا!
اوغلان دئدی:
-من قوجالمیشام. آرتیق اوینایا بیلمیرم. منه بیر تکنه(قایق) لازیمدی. ایستیرم اوزاقلارا گئدم. منه بیر تکنه وئره بیلرسن‌می؟
آغاج دئدی:
-منیم تکنه‌م یوخدو آمما گؤوده‌می کسیب، تکنه دوزه‌لده بیرلرسن. اونونلا اوزاقلار گئت، سئوینجلی اول!
اوغلان آغاجین گؤوده‌سینی کسیب، تکنه دوزه‌لتدی، اوزاقلارا گئتدی.
آغاج سئوینجلی ایدی.
آما گئرچکده سئوینجلی دئییلدی...
گونلر کئچیب، گئتدی. بیر گون اوغلان قاییتدی. آغاج دئدی: باغیشلا اوغلان! سنین اوچون هئچ نه‌ییم قالماییبدی. آلمام دا یوخدو.
اوغلان دئدی:
-ایندی دیشلریمده آلما یئمک گوجو قالماییبدیر.
آغاج دئدی:
-کوف گئتمک اوچون بوداغیم دا یوخدو.
اوغلان دئدی:
-کوف گئتمه‌یه ده گوجوم یوخدو. چوخ قوجالمیشام.
آغاج دئدی:
-اوستومه چیماغا، گؤوده‌م ده یوخدو.
اوغلان دئدی:
-اوستونه چیخا بیلمه‌رم. چوخ یورغونام. چوخ...
آغاج آه چکیب دئدی:
-باغیشلا منی! کئشگه سنه وئره‌جک بیر شئییم اولسایدی. ایندی هئچ نه‌ییم یوخدو....بیرجه کؤتویوم قالیبدیر. منی باغیشلا...
اوغلان دئدی:
-چوخ یورولموشام. ایندی اوتورماق اوچون بیر یئر ایستیرم.
آغاج باجاردیغی قدر کؤتویونو یوخاری چکیب، دئدی:
- بیر قوجا کؤتوک اوتورماغا یاخشی اولار. گل اوتور اوستومده، دینجل.
اوغلان آغاجین کؤتویونده اوتوردو. آغاج چوخ سئوینیردی.

https://t.me/Adabiyyatsevanlar

اوشاق ادبیاتی
«تیموری»
منیم جئیرانیم

گؤزو قارا جئيرانيم

يولون   هارا   آی جانيم؟


داغي    گه زه ن   نازييلا

بوينوزو   تك   تاجييلا


ياواش- ياواش   يئريركن 

داغي- داشي   سئويرسن


بو داغ  سنين  مسكنين

هم   منيم دي    هم   سنين


منيم   ائويم   "سولدوزوم"

گؤيده   بير تك    اولدوزوم


سنين    ائوين   ده ره دي 

قاشين- گؤزون   قه ره دي


بيز   بير- بيري    سئويريك

وطن     ياشا    دئييريك

https://t.me/Adabiyyatsevanlar

 

اوشاق ادبیاتی
کارتون

اوشاق ادبیاتی هر هفته پنجشنبه گونو ادبیات سئونلر کانالیندا .
اوشاق ادبیاتینا دایر یازیلارینیزی بیزه گوندرین .

https://t.me/Adabiyyatsevanlar