لاکین " ورزیل الی چوماقلیلاری " پیئسینده هئچ بیر تانینمامیش گوج، هئج بیر نامعلوم زامان و مکاندان سؤز گئتمیر. اثر ساده دیلده تانیش رئاللیقلاری عکس ائتدیریر. حتّی، وحشی قابانلارین کنده هوجومو دا طبیعیدیر. اونا گؤره کی، ورزیل قصبهسی داغلارین اتگینده یئرلشیر و بو مکان اونلارین گیزلندیگی یئردیر.
ساعدینین بو پیئسینده ده باشقا اثرلرینده اولدوغو کیمی قهرمانلار عادی اینسانلاردیر. هامیسی او کندلیلردیر کی، ایران و یا دونیانین باشقا اؤلکهلرینین کندلرینده یاشاییرلار. ائله بونا گؤره ده ساعدینین اثرلرینین اوخوجوسو چوخدور. اثر ایرانین شهرلرینین اکثریتینده تاماشایا قویولدو. ایرانین بؤیوک یازیسیچی جلال آل احمد بو اثرله تانیش اولدوقدان سونرا سؤیلهمیشدی کی، قلم صنعتی عالمینده عبانی باغیشلاماق اولسایدی، من اؤز عبامی چیخاریب ساعدینین چیینینه سالاردیم.
"ورزیل الی چوماقلیلاری" آدلی پیئسی شؤهرت قازاندیقدان اثر اساسیندا رئژیسسور جعفر والی فیلم چکدی.آرادان آز کئچمهدی کی، ایرانین مشهور رئژیسسورو داریوش مهرجویی ساعدینین " بیلده یاس" حئکایهلر توپلوسوسدان "اؤکوز" آدلی بیر فیلمی ائکرانلاشدیردی. بوفیلم بوگون ده ایرانین کینو صنعتینده اؤزونهمخصوص یئر توتور. کینو تنقیدچیلرینین بیر چوخو بئله فیکیردهدیرلر کی، " اؤلکهنین کینو صنعتینین اوسلوبونون دییشمهسینده هئچ بیر کینوفیلم "اؤکوز"" قدر تاثیر ائدیجی گوچه مالیک اولماییب."اؤکوز" فیلمینین یارانماسیندان سونرا ایرانین کینوتئاترلاری ایجتیماعی-سیاسی مضمون کسب ائتدی.عومومیتله، غ.ساعدینین اثرلری اؤلکهنین ادبی-مدنی موحیطینده بیر اینقیلابا سبب اولموشدو. اثر ضیالیلارین باخیشلارینا درین تاثیر ائتمیشدی؛ علی الخصوص رئژیسسورلار داها یونگول و دایاز مضمونلو سوژئتلردن ایستیفاده ائتمیردیلر.
مؤعتبر ادبیاتشوناسلار اونون"بیلده یاس" سیلسیله حئکایهلرینی سئحیرلی رئالیزمین پارلاق نومونهسی کیمی قییمتلندیرمیشلر.
"چئخوو هئچ واخت یاخشی بیر رومان یازا بیلمهدی. او، اؤز ایتی درّاکهسی ایله موشاهیده ائتدیکلرینی ذهنینده ساخلاماغی باجارمیردی. او،پارچالانمیش روح و جانلاری او یئره قدر ساخلاماغی باجاریردی کی، یالنیز اونلاردان قیسا حئکایهلر یاراتسین. ائله بو سببدن او رومان یازماغی باجارمیردی" ائله بیل کی، نابوکوو بو سؤزلری چئخوو دئییل، ساعدی حاقدا یازمیشدی. دوغرودان دا ساعدینین رومانلاری دیگر ژانردا یازدیغی اثرلری کیمی اوغورلو آلینمیردی. ساعدینی یاخیندان تانییانلارین سؤیلهدیگینه گؤره ساعدی تلَسکن و حؤوصلهسیز ایدی. چالیشیردی کی، اثری تئز بیتیرسین. ائله بونا گؤره ده سونرادان رومانلارینین اوزرینده ایشلهییب اینکیشاف ائتدیرمهیه صبری چاتمیردی.
موصاحیبهلریندن بیرینده بو بارهده یازمیشدی کی،حقیقتن من هله ده خیاللاریمین میندن بیرینی یازا بیلمهمیشم. اونا گؤره کی، همیشه یاشاییشیم تلاتوملو اولموشدور. نه قدر خیاللاریمین قارشیسینی آلماق ایستهییرمسه، یئنه ده اونلار ذهنیمی بیر قورخونج کابوس کیمی مشغول ائدیرلر… دوکتور ساعدی جمعی 49 ایل عؤمور سوروب.او ائله بیل اؤنجهدن آز یاشایاجاغینی بیلیردی، اونا گؤره ده همیشه تلهسیردی.بو حاقدا دوستو فرج اله شفایا یازیردی:" تلسمک همیشه منه آغیر ضربه وورموشدور. هر ایشی باشلایارکن ایستهمیشم کی،اونو تئز قورتاریم، اوندان تئز خیلاص اولوم. بیر حامیله قادین کیمی دوغماغا تلسمیشم. ائله بو سببدن ده اؤلو اوشاق دوغموشام. ایندی قرارا گلمیشم کی، تلسمهیم."
ق.مارکئس،ف.کافکا، و قی دئ موپاسسان و غ. ساعدی
ساعدینین یازدیقلاری ایله ق. مارکئس کافکا ،ساموئل بئکت و قی دئ موپاسسانین یازدیغی اثرلر آراسیندا بیر اوخشارلیق وار. بو اثرلرلر فاناتیزم، جهالت، قورخو و فلاکت بورولغانینا دوشموش اینسانلارین وضعیتینی تصویر ائدیر. اونلار یالنیز طالعیین حؤکمونه تسلیم اولاراق یاشاییرلار.ساعدینین یارادیجیلیغینی آراشدیران دوکتور غلامرضا تبریزی ساعدینی باشقا یازیچیلاردان فرقلندیرن اساس جهتلردن بیری کیمی اونون ایجتیماعی و اینسانی دگرلره حاق وئرمهسینی اؤنه چکیر.بونونلا یاناشی یازیر کی، اونون تنقیدی-ساتیریک اوسلوبا سؤیکهنن یازیلاری کوتلهنی حرکته گتیریر، اونو آییلدیر، اؤز حاقی-حوقوقو اوغروندا موباریزهیه سسلهییر.
غلامحسین ساعدینین اثرلرینین چوخو فارس دیلینده اولسا دا اونون یاخین دوستو اولان دوکتور فرنودون قئید ائتدیگینه گؤره، مرحوم یازیچی اوچون آذربایجان تورکجهسینده یازماق داها راحات ایدی. دوکتور فرنودا گؤره اونون آذربایجان دیلینده کیتابلاری و تدقیقاتلاری اولسا دا، او دؤورده آذربایجان دیلینده یازی و نشرله باغلی پروبلئملره اولدوغو اوچون ساعدی اثرلرینین چوخونو فارس دیلینده یازیماق مجبوریتینده ایدی
ساعدینین بو پیئسینده ده باشقا اثرلرینده اولدوغو کیمی قهرمانلار عادی اینسانلاردیر. هامیسی او کندلیلردیر کی، ایران و یا دونیانین باشقا اؤلکهلرینین کندلرینده یاشاییرلار. ائله بونا گؤره ده ساعدینین اثرلرینین اوخوجوسو چوخدور. اثر ایرانین شهرلرینین اکثریتینده تاماشایا قویولدو. ایرانین بؤیوک یازیسیچی جلال آل احمد بو اثرله تانیش اولدوقدان سونرا سؤیلهمیشدی کی، قلم صنعتی عالمینده عبانی باغیشلاماق اولسایدی، من اؤز عبامی چیخاریب ساعدینین چیینینه سالاردیم.
"ورزیل الی چوماقلیلاری" آدلی پیئسی شؤهرت قازاندیقدان اثر اساسیندا رئژیسسور جعفر والی فیلم چکدی.آرادان آز کئچمهدی کی، ایرانین مشهور رئژیسسورو داریوش مهرجویی ساعدینین " بیلده یاس" حئکایهلر توپلوسوسدان "اؤکوز" آدلی بیر فیلمی ائکرانلاشدیردی. بوفیلم بوگون ده ایرانین کینو صنعتینده اؤزونهمخصوص یئر توتور. کینو تنقیدچیلرینین بیر چوخو بئله فیکیردهدیرلر کی، " اؤلکهنین کینو صنعتینین اوسلوبونون دییشمهسینده هئچ بیر کینوفیلم "اؤکوز"" قدر تاثیر ائدیجی گوچه مالیک اولماییب."اؤکوز" فیلمینین یارانماسیندان سونرا ایرانین کینوتئاترلاری ایجتیماعی-سیاسی مضمون کسب ائتدی.عومومیتله، غ.ساعدینین اثرلری اؤلکهنین ادبی-مدنی موحیطینده بیر اینقیلابا سبب اولموشدو. اثر ضیالیلارین باخیشلارینا درین تاثیر ائتمیشدی؛ علی الخصوص رئژیسسورلار داها یونگول و دایاز مضمونلو سوژئتلردن ایستیفاده ائتمیردیلر.
مؤعتبر ادبیاتشوناسلار اونون"بیلده یاس" سیلسیله حئکایهلرینی سئحیرلی رئالیزمین پارلاق نومونهسی کیمی قییمتلندیرمیشلر.
"چئخوو هئچ واخت یاخشی بیر رومان یازا بیلمهدی. او، اؤز ایتی درّاکهسی ایله موشاهیده ائتدیکلرینی ذهنینده ساخلاماغی باجارمیردی. او،پارچالانمیش روح و جانلاری او یئره قدر ساخلاماغی باجاریردی کی، یالنیز اونلاردان قیسا حئکایهلر یاراتسین. ائله بو سببدن او رومان یازماغی باجارمیردی" ائله بیل کی، نابوکوو بو سؤزلری چئخوو دئییل، ساعدی حاقدا یازمیشدی. دوغرودان دا ساعدینین رومانلاری دیگر ژانردا یازدیغی اثرلری کیمی اوغورلو آلینمیردی. ساعدینی یاخیندان تانییانلارین سؤیلهدیگینه گؤره ساعدی تلَسکن و حؤوصلهسیز ایدی. چالیشیردی کی، اثری تئز بیتیرسین. ائله بونا گؤره ده سونرادان رومانلارینین اوزرینده ایشلهییب اینکیشاف ائتدیرمهیه صبری چاتمیردی.
موصاحیبهلریندن بیرینده بو بارهده یازمیشدی کی،حقیقتن من هله ده خیاللاریمین میندن بیرینی یازا بیلمهمیشم. اونا گؤره کی، همیشه یاشاییشیم تلاتوملو اولموشدور. نه قدر خیاللاریمین قارشیسینی آلماق ایستهییرمسه، یئنه ده اونلار ذهنیمی بیر قورخونج کابوس کیمی مشغول ائدیرلر… دوکتور ساعدی جمعی 49 ایل عؤمور سوروب.او ائله بیل اؤنجهدن آز یاشایاجاغینی بیلیردی، اونا گؤره ده همیشه تلهسیردی.بو حاقدا دوستو فرج اله شفایا یازیردی:" تلسمک همیشه منه آغیر ضربه وورموشدور. هر ایشی باشلایارکن ایستهمیشم کی،اونو تئز قورتاریم، اوندان تئز خیلاص اولوم. بیر حامیله قادین کیمی دوغماغا تلسمیشم. ائله بو سببدن ده اؤلو اوشاق دوغموشام. ایندی قرارا گلمیشم کی، تلسمهیم."
ق.مارکئس،ف.کافکا، و قی دئ موپاسسان و غ. ساعدی
ساعدینین یازدیقلاری ایله ق. مارکئس کافکا ،ساموئل بئکت و قی دئ موپاسسانین یازدیغی اثرلر آراسیندا بیر اوخشارلیق وار. بو اثرلرلر فاناتیزم، جهالت، قورخو و فلاکت بورولغانینا دوشموش اینسانلارین وضعیتینی تصویر ائدیر. اونلار یالنیز طالعیین حؤکمونه تسلیم اولاراق یاشاییرلار.ساعدینین یارادیجیلیغینی آراشدیران دوکتور غلامرضا تبریزی ساعدینی باشقا یازیچیلاردان فرقلندیرن اساس جهتلردن بیری کیمی اونون ایجتیماعی و اینسانی دگرلره حاق وئرمهسینی اؤنه چکیر.بونونلا یاناشی یازیر کی، اونون تنقیدی-ساتیریک اوسلوبا سؤیکهنن یازیلاری کوتلهنی حرکته گتیریر، اونو آییلدیر، اؤز حاقی-حوقوقو اوغروندا موباریزهیه سسلهییر.
غلامحسین ساعدینین اثرلرینین چوخو فارس دیلینده اولسا دا اونون یاخین دوستو اولان دوکتور فرنودون قئید ائتدیگینه گؤره، مرحوم یازیچی اوچون آذربایجان تورکجهسینده یازماق داها راحات ایدی. دوکتور فرنودا گؤره اونون آذربایجان دیلینده کیتابلاری و تدقیقاتلاری اولسا دا، او دؤورده آذربایجان دیلینده یازی و نشرله باغلی پروبلئملره اولدوغو اوچون ساعدی اثرلرینین چوخونو فارس دیلینده یازیماق مجبوریتینده ایدی
بو هفته نین اوزه ل وئرلیشی
قونو: الیف. نورانلی (احمد صادقی اشرافی)نین نثری و اؤیکولری.
چهارشنبه : 99/12/13 ادبیات سئونلرکانالیندا
ساعات: 21
اوزمان:«شریف مردی»
https://t.me/Adabiyyatsevanlar
قونو: الیف. نورانلی (احمد صادقی اشرافی)نین نثری و اؤیکولری.
چهارشنبه : 99/12/13 ادبیات سئونلرکانالیندا
ساعات: 21
اوزمان:«شریف مردی»
https://t.me/Adabiyyatsevanlar
«شریف مردی»
سلام
بئش هفته رومان و نثر حاققیندا دانیشیقلار گئتدی. رومان ژانرینین اوزه گلیب، زامان سورهجینده دییشرک زامانیمیزا قدر گلمهسیندن، اینسانلیق دونیاسینی تمثیل ائدن رومانلاردان دانیشدیم. کئچن ایکی هفتهده ایسه نثریمیزین ایکی اؤنملی رومانینا توخوندوم. ایلک توخوندوغوم رومان نثریمیزین گوجلو اؤرنهیی، رومانیمیزین زیروهسینده دایانان «بوغاناق» ایدی. سونرا ایکینجی اوزهرینده دانیشدیغیم رومان دا، ییرمی بئش ایل اؤنجه یازیلمیش «قاراچوخا» اولدو. نثریمیزه گؤزل اؤرنکلر وئرن باشقا بیر یازار ایسه، احمد صادقی اشرافی یا الیف. نورانلیدیر. الیمیزده یالنیز دوققوز اؤیکوسو ایله نثریمیزین ترتمیز و سوموکلو اؤرنکلرینی گؤسترن الیف. نورانلینین «قیزیل آتیم و باشقا اؤیکولری» عنوانلی کیتابیندا گلن ایلک اؤیکوسونون اوخونوشونو، بیر پارا آچیقلامالارلا آشاغیداکی ویدیودا سونورام.
آنجاق ویدیونو ایزلهمهدن اؤنجه بیر نئچه نوکتهنین وورغولاماغینی ایستهییرم.
1- ادبیات سئونلر گوروهوندا، اؤز دیلینه و فرهنگینه قایغی گؤسترن، دونیا آنادیلی گونونو قوتلایان، ساوادلی اولان، اوخویوب یازما بیلن، اینجهصنعتله ایلگیده اولان، شعر اوخویوب شعر دینلهین، تورکم تورکم دئین ۸۰ "ادبیات سئور" وار. نثریمیزین اؤنملی اثری اولان، ساده دیلده یازیلان، ییرمی بئش ایل بویو الیمیزده بولونان، یاساق اولمایان، اوخوماغی لذت باغیشلایان، «قاراچوخا» رومانینین اوخوماغینین دورومو بللی اولما آماجی ایله سادهجه بیر سورغو اورتایا قویولدو. ۷۵ نفر بو سورغونو یانیتلادی. سادهجه ۲۱ نفر اوخوموش! بیهنیب بیهنمهمک بیر قیراقدا قالسین، سادهجه اؤز ادعالاری اوزره 20 نفر ۷۵ نفردن! (۷۵ یازینسان اثرلرله اوغراشان اینسان!)
2- اوستهکی گیلئیلی سؤزلری «هارای هارای... من تورکم!» دئین اینسانلار، یوخسا «تیراختورچو»لارلا هئچ زامان آرایا قویمارام. اینانیرام ادبیات شعاردان سونسوزا قدر آرانی ساخلامالی.
3- اوخومایان شاعیرلر یالنیز پیغمبرلردیر!
4- چتینلیک چکمهکسیزین باشاری الده ائدیلمز! «نییه رومان یوخوموز؟» سورغوسونا «شعر وارمی؟» یا بوتونلوکده، «"اثر" وارمی؟» اویغون جاواب. یا اصلا، مگر اوخوجو وارکی اثر اولوشا؟!
5- دیل اؤیرهتیمی یاساق! آنجاق اؤرگهشمهیی یاساق دئییل! اوخوماغی دا!
https://t.me/Adabiyyatsevanlar
سلام
بئش هفته رومان و نثر حاققیندا دانیشیقلار گئتدی. رومان ژانرینین اوزه گلیب، زامان سورهجینده دییشرک زامانیمیزا قدر گلمهسیندن، اینسانلیق دونیاسینی تمثیل ائدن رومانلاردان دانیشدیم. کئچن ایکی هفتهده ایسه نثریمیزین ایکی اؤنملی رومانینا توخوندوم. ایلک توخوندوغوم رومان نثریمیزین گوجلو اؤرنهیی، رومانیمیزین زیروهسینده دایانان «بوغاناق» ایدی. سونرا ایکینجی اوزهرینده دانیشدیغیم رومان دا، ییرمی بئش ایل اؤنجه یازیلمیش «قاراچوخا» اولدو. نثریمیزه گؤزل اؤرنکلر وئرن باشقا بیر یازار ایسه، احمد صادقی اشرافی یا الیف. نورانلیدیر. الیمیزده یالنیز دوققوز اؤیکوسو ایله نثریمیزین ترتمیز و سوموکلو اؤرنکلرینی گؤسترن الیف. نورانلینین «قیزیل آتیم و باشقا اؤیکولری» عنوانلی کیتابیندا گلن ایلک اؤیکوسونون اوخونوشونو، بیر پارا آچیقلامالارلا آشاغیداکی ویدیودا سونورام.
آنجاق ویدیونو ایزلهمهدن اؤنجه بیر نئچه نوکتهنین وورغولاماغینی ایستهییرم.
1- ادبیات سئونلر گوروهوندا، اؤز دیلینه و فرهنگینه قایغی گؤسترن، دونیا آنادیلی گونونو قوتلایان، ساوادلی اولان، اوخویوب یازما بیلن، اینجهصنعتله ایلگیده اولان، شعر اوخویوب شعر دینلهین، تورکم تورکم دئین ۸۰ "ادبیات سئور" وار. نثریمیزین اؤنملی اثری اولان، ساده دیلده یازیلان، ییرمی بئش ایل بویو الیمیزده بولونان، یاساق اولمایان، اوخوماغی لذت باغیشلایان، «قاراچوخا» رومانینین اوخوماغینین دورومو بللی اولما آماجی ایله سادهجه بیر سورغو اورتایا قویولدو. ۷۵ نفر بو سورغونو یانیتلادی. سادهجه ۲۱ نفر اوخوموش! بیهنیب بیهنمهمک بیر قیراقدا قالسین، سادهجه اؤز ادعالاری اوزره 20 نفر ۷۵ نفردن! (۷۵ یازینسان اثرلرله اوغراشان اینسان!)
2- اوستهکی گیلئیلی سؤزلری «هارای هارای... من تورکم!» دئین اینسانلار، یوخسا «تیراختورچو»لارلا هئچ زامان آرایا قویمارام. اینانیرام ادبیات شعاردان سونسوزا قدر آرانی ساخلامالی.
3- اوخومایان شاعیرلر یالنیز پیغمبرلردیر!
4- چتینلیک چکمهکسیزین باشاری الده ائدیلمز! «نییه رومان یوخوموز؟» سورغوسونا «شعر وارمی؟» یا بوتونلوکده، «"اثر" وارمی؟» اویغون جاواب. یا اصلا، مگر اوخوجو وارکی اثر اولوشا؟!
5- دیل اؤیرهتیمی یاساق! آنجاق اؤرگهشمهیی یاساق دئییل! اوخوماغی دا!
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
4_5906681347514042759.MP4
86.5 MB
بوهفته نین اوزه ل وئرلیشی
قونو: الیف. نورانلی (احمد صادقی اشرافی)نین نثری و اؤیکولری.: 99/12/13
اوزمان:«شریف مردی»
https://t.me/Adabiyyatsevanlar
قونو: الیف. نورانلی (احمد صادقی اشرافی)نین نثری و اؤیکولری.: 99/12/13
اوزمان:«شریف مردی»
https://t.me/Adabiyyatsevanlar
«شریف مردی»
سعی ائلهمیشم اوخونوشومدا متنله اوغراشدیغیمی و معاشقه ائتدیییمی ده گؤسترم! گؤزللیک و البته گؤزل نثر و یازی آدامی چیلدیریب اؤزونه چاغیرار! الیف. نورانلینین نثری ایسه بئله بیر قونومدادیر.
سعی ائلهمیشم اوخونوشومدا متنله اوغراشدیغیمی و معاشقه ائتدیییمی ده گؤسترم! گؤزللیک و البته گؤزل نثر و یازی آدامی چیلدیریب اؤزونه چاغیرار! الیف. نورانلینین نثری ایسه بئله بیر قونومدادیر.
ای مقدس مسکنیم، ای شانلی آذربایجان!
بیز سنینله فخر قیللیق یئر اوزونده هر زامان.
قوی وار اولسون ای وطن، اصلان صفت اوغلانلارین!
اؤپسون آلنیندان آنا! اونلار سنین، سن اونلارین.
***
قیزیل آتیم
احمد صادقی اشرفی (الیف نورانلی)
جمدهییندن آخان تر، یول اوزونو بوروین توزلا قاتیشیب، بوکوکلرینده یاپیشقانلیق تؤرتمیشدی. یوکون حددن آرتیق آغیرلیغی، زامان بویو یاشاییش آدینا دییرمان باشیندا دارتدیغی دنلرین قاتقات جانیندا توپلادیغی یورغونلوقلار، یایین بوغاناق هاواسییلا ال بیر اولوب آمانسیز هجوما باشلامیشدیلار. هاماردان قورخموردو، جانینی دیشینه آلیب سورونه بیلردی، لاکین اوزاقلاردا گؤرونن یوققوش قیییق کیمی سانجیلمیشدی گؤزونه. گونش پول تکین ساجا چئوریلیب گلیب دیک قونموشدو آلنینا، شیرپاناقلی گؤزلرینی قوجاقلایان ایرینلر، پؤهره وئرن میلچکلره گل – گل دئییردی.
دییرمان آرخینا یئتیشدی. ایللردن بری وریانی ییخیلان آرخین آخار سویو قوروسایدی دا، یاتاغی لؤهمهلی گؤلمهچهلرله دولویدو. آغزینا آلدیغی قوخولو سویو اودا بیلمهییب جینگلریندن سوزولوب اپریمیش چیملرین اوسته تؤکولدو.
دینجهلمهدن یولا دوشدو. آرخدان کئچنده برک دارتیندی. اؤز ایچریسینده باش وئرن دییشیکلییی دویدو. سببینی بیلمهدی، آنجاق دیزلرینین تیترهمهسینی گؤردو. پاپی اولماییب میلچکلردن قورتارسین دئیه باشینی سیلکهلهدی.
“هیملاوار”دا دایاندی. پیه دیوارینین کؤلگهسینده آج اولا – اولا، یئمهیه رغبت تاپمادی. یوکون آغیرلیغی داغلار کیمی کورهیینده آغیرلیق تؤرتمیشدی. کاش اولوردو یوکدن قورتارا، دیزه چؤکه، قول – قیچینی اوزادا. کاش اولوردو حیاتدان اوساناراق، اؤلوم دروازاسیندان سورغو – سؤالسیز کئچه بیلیردی. آرزویلا حقیقت آراسیندا سونسوز اوچوروم اولسایدی دا گؤزلرینی یومدو. یارانمیش قارانلیقدا حقیقت گولونو آرزو تئلینه تاخماق ایستهدی، لاکین کیپریکلرینین آراسیندان سوخولان میلچکلرین سانجدیغی تیکانلار اونا بیلدیردی کی آرزو قوشو ایللر بوندان اول چالاغانلار دیرناغیندا قاناد چالمادان بوغولوب. تکجه آجی حقیقت وارلیغینی بولاندیرا – بولاندیرا چوروتمکدهدیر.
آلت دوداغی اختیارسیز بوراخیلیب ساللاندی، اوزون ساری دیشلری گؤروندو. آغزیندان آخان شیرهجه سو دوداغیندان سوزولوب قیریلمادان یئره چاتیردی. گؤرکملی، یئلکنه اوخشار بوینو ایلدیریم وورموش پالید تک ییخیلیب قینیندان آسیلمیشدی. قیچلاری جانا گلدی. ایلک دفعه ساغ قیچی دؤزومدن دوشوب بوکولدو. شوملایان دیوار کیمی اؤزونو بوراخیب یئره سرهلندی. خامیت دایاندی خیرخیراسینا، ناراکی قویروغونو دا قاهاریب شاققیلتییلا ائندیردی. قارنینین آلتیجا سوروشدو. داشقانین سول قولو قابیرغاسینی قیردی. داراما دوران یوگن چال کئچیرتدن آیریلیب اوردونا زولاق سالدی. ایکی آغیر مرجی چووالی دا قابیرغاسینین آلتیندا اولان بوشلوغو دولدوردو.
داشقاچی صفر یوگوروب خامیتین باغلارینی کسدی. تلهسیک کندچیلره های باسیب داشقانین یوکونو بوشالتدیردی. داشقانین قولونو قابیرغاسیندان گؤتورولندن سونرا، مرجی تایلاری قیراغا قویولاندان سونرا، بیر یاریم نفس آلا بیلدی. تیترهین قیچلاریندان اؤلوم – اولوم محاربهسیندن قالخان کولک، اورهییندهکی سون کؤزلری آلیشدیریب، چاتلاییب پارتلایان قلبینین آلوولاریندان قوپان هنیرتینی بئینینه توپلادی.
بئلیندن گؤتورولن یوک، بوینوندان آچیلان خامیت، قیریلان یوگن، چیخان ناراکی، ها بئله حیات آدینا گور شلالهنین سون دامجیلاری اوندا خولیالار یاراتدی. خاطیرهلر دیله گلدی: ساوالان دؤشونده قورولان آلاچیقلار آراسیندا “باغیش بی”ین آلاچیغی داها هوندور، داها گؤرکملی اوجالمیشدی. “حمزه بی”ین اوغلونون سنت تویوندا دویون قارین ساج ایچی یئین باغیش بی، بو گون سحر چاغی چای – چؤرهیه ال گزدیرمکده ایدی کی ایلخیچی “زامان” ایچهری گیریب اللری دؤشونده قورودو.
بی گؤزلرینی قییا – قییا، باخیب امر ائلهدی: ـ «دیللن!»
زامان اودقونوب دئدی: ـ «بی ساغ اولسون! “کهرمایدان” دوغدو…»
باغیش بی نوخوددان ایری تیریهکی یاپیشدیریب سوموردو. جیزلیغینی چیخارداندان سونرا آغزیندان، بورنوندان توستونو پؤسکوره – پؤسکوره بوغونوق سسله دئدی: ـ «رد اول گلیرم!»
ساوالان اتهیینده “بوز بولاغی”نین دیکینده، دوغرودان دا کهر مایدان مخمل توکلو جئیران گؤزلو بیر قولان دوغموشدو. آنا یالاغیندان سونرا ایکینجی چالیشمادا سیترهیه – سیترهیه آیاقلاری اوسته دوران قولان، اینجه حرکتله سیلکهلهنیب اؤزونو آنانین نوازشینه تاپشیران قولان، دوداقلارا شیرین تبسم قوندورموشدو.
بیز سنینله فخر قیللیق یئر اوزونده هر زامان.
قوی وار اولسون ای وطن، اصلان صفت اوغلانلارین!
اؤپسون آلنیندان آنا! اونلار سنین، سن اونلارین.
***
قیزیل آتیم
احمد صادقی اشرفی (الیف نورانلی)
جمدهییندن آخان تر، یول اوزونو بوروین توزلا قاتیشیب، بوکوکلرینده یاپیشقانلیق تؤرتمیشدی. یوکون حددن آرتیق آغیرلیغی، زامان بویو یاشاییش آدینا دییرمان باشیندا دارتدیغی دنلرین قاتقات جانیندا توپلادیغی یورغونلوقلار، یایین بوغاناق هاواسییلا ال بیر اولوب آمانسیز هجوما باشلامیشدیلار. هاماردان قورخموردو، جانینی دیشینه آلیب سورونه بیلردی، لاکین اوزاقلاردا گؤرونن یوققوش قیییق کیمی سانجیلمیشدی گؤزونه. گونش پول تکین ساجا چئوریلیب گلیب دیک قونموشدو آلنینا، شیرپاناقلی گؤزلرینی قوجاقلایان ایرینلر، پؤهره وئرن میلچکلره گل – گل دئییردی.
دییرمان آرخینا یئتیشدی. ایللردن بری وریانی ییخیلان آرخین آخار سویو قوروسایدی دا، یاتاغی لؤهمهلی گؤلمهچهلرله دولویدو. آغزینا آلدیغی قوخولو سویو اودا بیلمهییب جینگلریندن سوزولوب اپریمیش چیملرین اوسته تؤکولدو.
دینجهلمهدن یولا دوشدو. آرخدان کئچنده برک دارتیندی. اؤز ایچریسینده باش وئرن دییشیکلییی دویدو. سببینی بیلمهدی، آنجاق دیزلرینین تیترهمهسینی گؤردو. پاپی اولماییب میلچکلردن قورتارسین دئیه باشینی سیلکهلهدی.
“هیملاوار”دا دایاندی. پیه دیوارینین کؤلگهسینده آج اولا – اولا، یئمهیه رغبت تاپمادی. یوکون آغیرلیغی داغلار کیمی کورهیینده آغیرلیق تؤرتمیشدی. کاش اولوردو یوکدن قورتارا، دیزه چؤکه، قول – قیچینی اوزادا. کاش اولوردو حیاتدان اوساناراق، اؤلوم دروازاسیندان سورغو – سؤالسیز کئچه بیلیردی. آرزویلا حقیقت آراسیندا سونسوز اوچوروم اولسایدی دا گؤزلرینی یومدو. یارانمیش قارانلیقدا حقیقت گولونو آرزو تئلینه تاخماق ایستهدی، لاکین کیپریکلرینین آراسیندان سوخولان میلچکلرین سانجدیغی تیکانلار اونا بیلدیردی کی آرزو قوشو ایللر بوندان اول چالاغانلار دیرناغیندا قاناد چالمادان بوغولوب. تکجه آجی حقیقت وارلیغینی بولاندیرا – بولاندیرا چوروتمکدهدیر.
آلت دوداغی اختیارسیز بوراخیلیب ساللاندی، اوزون ساری دیشلری گؤروندو. آغزیندان آخان شیرهجه سو دوداغیندان سوزولوب قیریلمادان یئره چاتیردی. گؤرکملی، یئلکنه اوخشار بوینو ایلدیریم وورموش پالید تک ییخیلیب قینیندان آسیلمیشدی. قیچلاری جانا گلدی. ایلک دفعه ساغ قیچی دؤزومدن دوشوب بوکولدو. شوملایان دیوار کیمی اؤزونو بوراخیب یئره سرهلندی. خامیت دایاندی خیرخیراسینا، ناراکی قویروغونو دا قاهاریب شاققیلتییلا ائندیردی. قارنینین آلتیجا سوروشدو. داشقانین سول قولو قابیرغاسینی قیردی. داراما دوران یوگن چال کئچیرتدن آیریلیب اوردونا زولاق سالدی. ایکی آغیر مرجی چووالی دا قابیرغاسینین آلتیندا اولان بوشلوغو دولدوردو.
داشقاچی صفر یوگوروب خامیتین باغلارینی کسدی. تلهسیک کندچیلره های باسیب داشقانین یوکونو بوشالتدیردی. داشقانین قولونو قابیرغاسیندان گؤتورولندن سونرا، مرجی تایلاری قیراغا قویولاندان سونرا، بیر یاریم نفس آلا بیلدی. تیترهین قیچلاریندان اؤلوم – اولوم محاربهسیندن قالخان کولک، اورهییندهکی سون کؤزلری آلیشدیریب، چاتلاییب پارتلایان قلبینین آلوولاریندان قوپان هنیرتینی بئینینه توپلادی.
بئلیندن گؤتورولن یوک، بوینوندان آچیلان خامیت، قیریلان یوگن، چیخان ناراکی، ها بئله حیات آدینا گور شلالهنین سون دامجیلاری اوندا خولیالار یاراتدی. خاطیرهلر دیله گلدی: ساوالان دؤشونده قورولان آلاچیقلار آراسیندا “باغیش بی”ین آلاچیغی داها هوندور، داها گؤرکملی اوجالمیشدی. “حمزه بی”ین اوغلونون سنت تویوندا دویون قارین ساج ایچی یئین باغیش بی، بو گون سحر چاغی چای – چؤرهیه ال گزدیرمکده ایدی کی ایلخیچی “زامان” ایچهری گیریب اللری دؤشونده قورودو.
بی گؤزلرینی قییا – قییا، باخیب امر ائلهدی: ـ «دیللن!»
زامان اودقونوب دئدی: ـ «بی ساغ اولسون! “کهرمایدان” دوغدو…»
باغیش بی نوخوددان ایری تیریهکی یاپیشدیریب سوموردو. جیزلیغینی چیخارداندان سونرا آغزیندان، بورنوندان توستونو پؤسکوره – پؤسکوره بوغونوق سسله دئدی: ـ «رد اول گلیرم!»
ساوالان اتهیینده “بوز بولاغی”نین دیکینده، دوغرودان دا کهر مایدان مخمل توکلو جئیران گؤزلو بیر قولان دوغموشدو. آنا یالاغیندان سونرا ایکینجی چالیشمادا سیترهیه – سیترهیه آیاقلاری اوسته دوران قولان، اینجه حرکتله سیلکهلهنیب اؤزونو آنانین نوازشینه تاپشیران قولان، دوداقلارا شیرین تبسم قوندورموشدو.
بییه یول آچدیلار. گؤرن کیمی راضیلاشیب دیل – دوداق آراسیندا دئدی: ـ «ایه پؤروز! تاپشیریرام سنه. بیر توکو اسکیک اولسا، اؤلنلریوی قاتارام قامچی قاباغینا!»
پؤروز باش ایهرک، سؤیلهدی: ـ «آی بی! قادان منه، آدی؟»
بی کهره باخدی، دایچایا باخدی، دایچانین گونش تئللرینده قیزاران، رنگی داغ دؤشونو بزهین لالهیه بنزهدییینه گؤره دئدی: ـ «آدینی قویورام قیزیل.»
پؤروز گولومسهییب دئدی: ـ «موبارکدیر! آدییجا اولسون!»
قیزیل آدییجا اولدو. چئوریلدی اولدو ایلخینین گؤزو. تپهدن دیرناغادک قیزاران قیزیل، دئمک اولار، تکلییینه دهیردی بیر ایلخییا. بئلهلیکله قیزیل قد آتدی، بویا میندی. تای – توشلاریندان داها هوندور، داها قیوراق اولدو. قارالتیدان شوبههلهنیب قولاقلارینی شکلهینده، گؤز ایستهمیردی اوندان آیریلا بئله. ایلخی قاباغیندا قاچاندا، یال – قویروغو یئللهنیب شیغییان قارتالا بنزهییردی.
بیین تاپشیریغینا گؤره، پؤروز قیزیلی ایلخیدان آییریب قوروقدا بوخولادی. بوینونو تومارلایا – تومارلایا، اوچ بوجاق مئشین جوت قیطانیندان آسیلی پتییی ده سالدی بوینونا. ایلیخدان آیریلماق چوخلو ناز و نعمت باغیشلاسایدی دا تای – توشو یئرینده قالان بوشلوغو دولدورا بیلمهدی. ازدیرن قیزیلین ایلک نیسگیلی ایلیخدان آیریلماق اولدو. بو نیسگیل، عؤمور بویو اورهیینده یووا سالان نیسگیللرین آناسی اولدو.
تکلیک باشلادی قیزیلی سیخماغا. سیخینتییا دؤزه بیلمهییب دارتیندی. کرن – کرن کیشنهدی، هارینلاشدی. دمیر، بوخؤولا گؤتورولن قیزیلین بیلهیینده ایز قویدو. پؤروزه ده باش ایمهدی. اونا چپچی دا ووردولار، قوروقدا هؤروکلهدیلر. لاکین اونو یوموشالدان بوخوو، چپچیدا، هؤروکلهمک یوخ، پؤروزون محبتی اولدو.
بییین الینده بوغولان آیاغیندا بوخو اولماسایدی، بوینوندا مین – مین اسارت زولاغی گؤرونوردو. گونلر، آیلار پؤروزون بار باسمیش دوداقلاریندان ماهنی یئرینه ماتم نوحهسییله شیکایت زمزمهسینی ائشیدن قیزیل، اؤز تکلییینی پؤروزون درد عمانیندا سامانجیق ساییردی. هله ده قولاغیندادیر پؤروزون یالواریجی سسی:
یئ قیزیلیم، ایچ قیزیلیم!
سو ایچمهسن، یئم یئمهسن، آریقلارسان!
سنی سولغون گؤرن باغیش آجیقلانار
منی آلار آت دؤشونه
قووار کؤوشندن کؤوشنه
سالار تیکانلیق ایچینه
یالار تیکانلار قیچیمی
بیچر قامچیلار بئلیمی
آغلارام، سیتقارام، آی بی!
قیزیلین بیر آزاد قوشدور
قفس یاراماز قیزیلا!
ـ «کس!» دئیر بی، آچار میندار آغزینی
اؤلو، دیری قالماز سؤیمهیه قودوز
آخشام، اؤلوم ـ ظولوم چاتارام ائوه
آرواد اوشاق گؤروب آغلاشار حزین
قارغیشلار باشلانار یانان اورکدن
گؤز یاشیندان مرهم وورار یاراما،
باغلایاندا طیفیل قیزیم یارامی.
یئه قیزیلیم! ایچ قیزیلیم!
منلیک اولسایدی بو ایشلر
دوغرایاردیم چپ چیدارینی
یئه جئیرانیم! ایچ مارالیم!
بالامین گؤزو یولدادیر
هئچ بیلیرسن شیکوهلهنیب
گؤیچک قیزیم آناسین
هیچقیرا – هیچقیرا دئییب
کاشکی من ده آت اولایدیم
آتام منی اوخشایایدی قیزیل قدهر
قیزیل چپچیدارا بویون قویدو. گئتگئده دادلی یئمک، سرین ایچکی، نارین قشوو، ناخیشلی چول اؤز ایشینی گؤردو؛ او یوگنه بویون ایدی. یادینا گلن، گونلرین بیر گونو همیشهکی کیمی پؤروز گلدی یانینا. آیاغیندان بوخووو آچیب اؤزویله آپاردی بییین حضورونا. بی، بیزادهلر آلاچیق قاباغیندا جومالاشیب قیزیلی گؤزلهییردیلر. پؤروز بوینونو تومارلایا – تومارلایا اوغانی یوگنی سالدی باشینا، دهنهنی کئچیرتدی آغزینا. دهنهنین دادی آغزینا خوش گلمهدی. توپورمک ایستهدی، لاکین دمیر آغزیندان آیریلمادی. عصبیلشدی. باشینی سیلکهلهدی، آنجاق دمیر ایکی انگینین آراسیندان ترپنمهدی. یوگن دهنه ایله چالیشان قیزیل، گیرهوه آختاران گنجه فورصت وئردی کی یههری باسسین بئلینه. قارنینین آلتینی برکیدنده، اؤزوندن چیخدی. دیرناغییلا یئری قازدی، غضب وجودونو بورودو. گؤزلری دولدو قانلا، وار قوهسییله ایکی آیاغی اوسته قالخدی. آغزی کؤپوکلندی، کیشنهدی. پؤروز یوگندن آسلانمیشدی. قیزیلین اللری یئره گلنده قیوراق بیر گنج قوندو یههرین قاشینا، آیاقلارینی کئچیرتدی اوزنگییه، یوگهنین اوجونو پؤروزدن قاپدی. قیزیلا ائله گلدی کی دونیادان اوزولور. سیلکهلندی، آیاقلاری اوسته قالخدی. اللری بوشلوقلاری گزیب یئره چاتاندا، گؤتورولدو. قیزیل دؤرد ال آیاق… یوخ دئمک اولار اوچوردو. “تهله” درهسیـندن “آغ مام”ـین یاخینلیغینا قدهر بیر باش یوگوردو. اوردا ایستر – ایستهمز، یوگهنینین ساغ یانا چکیلمهسینه گؤره گئنیش بیر ساحهده بورولوب آلاچیقلارا ساری یوللاندی. دایانمادان، اوخ کیمی آلاچیقلاری، بییی، بیزادهلری اؤتوب، “یئددی بؤلوک” یوققوشوندا یوگهنه آرتیق تمکین ائدیب قاییدیش باشی یورغالادی. آلاچیقلارا یاخین اوینایا – اوینایا، آددیملادی.
پؤروز باش ایهرک، سؤیلهدی: ـ «آی بی! قادان منه، آدی؟»
بی کهره باخدی، دایچایا باخدی، دایچانین گونش تئللرینده قیزاران، رنگی داغ دؤشونو بزهین لالهیه بنزهدییینه گؤره دئدی: ـ «آدینی قویورام قیزیل.»
پؤروز گولومسهییب دئدی: ـ «موبارکدیر! آدییجا اولسون!»
قیزیل آدییجا اولدو. چئوریلدی اولدو ایلخینین گؤزو. تپهدن دیرناغادک قیزاران قیزیل، دئمک اولار، تکلییینه دهیردی بیر ایلخییا. بئلهلیکله قیزیل قد آتدی، بویا میندی. تای – توشلاریندان داها هوندور، داها قیوراق اولدو. قارالتیدان شوبههلهنیب قولاقلارینی شکلهینده، گؤز ایستهمیردی اوندان آیریلا بئله. ایلخی قاباغیندا قاچاندا، یال – قویروغو یئللهنیب شیغییان قارتالا بنزهییردی.
بیین تاپشیریغینا گؤره، پؤروز قیزیلی ایلخیدان آییریب قوروقدا بوخولادی. بوینونو تومارلایا – تومارلایا، اوچ بوجاق مئشین جوت قیطانیندان آسیلی پتییی ده سالدی بوینونا. ایلیخدان آیریلماق چوخلو ناز و نعمت باغیشلاسایدی دا تای – توشو یئرینده قالان بوشلوغو دولدورا بیلمهدی. ازدیرن قیزیلین ایلک نیسگیلی ایلیخدان آیریلماق اولدو. بو نیسگیل، عؤمور بویو اورهیینده یووا سالان نیسگیللرین آناسی اولدو.
تکلیک باشلادی قیزیلی سیخماغا. سیخینتییا دؤزه بیلمهییب دارتیندی. کرن – کرن کیشنهدی، هارینلاشدی. دمیر، بوخؤولا گؤتورولن قیزیلین بیلهیینده ایز قویدو. پؤروزه ده باش ایمهدی. اونا چپچی دا ووردولار، قوروقدا هؤروکلهدیلر. لاکین اونو یوموشالدان بوخوو، چپچیدا، هؤروکلهمک یوخ، پؤروزون محبتی اولدو.
بییین الینده بوغولان آیاغیندا بوخو اولماسایدی، بوینوندا مین – مین اسارت زولاغی گؤرونوردو. گونلر، آیلار پؤروزون بار باسمیش دوداقلاریندان ماهنی یئرینه ماتم نوحهسییله شیکایت زمزمهسینی ائشیدن قیزیل، اؤز تکلییینی پؤروزون درد عمانیندا سامانجیق ساییردی. هله ده قولاغیندادیر پؤروزون یالواریجی سسی:
یئ قیزیلیم، ایچ قیزیلیم!
سو ایچمهسن، یئم یئمهسن، آریقلارسان!
سنی سولغون گؤرن باغیش آجیقلانار
منی آلار آت دؤشونه
قووار کؤوشندن کؤوشنه
سالار تیکانلیق ایچینه
یالار تیکانلار قیچیمی
بیچر قامچیلار بئلیمی
آغلارام، سیتقارام، آی بی!
قیزیلین بیر آزاد قوشدور
قفس یاراماز قیزیلا!
ـ «کس!» دئیر بی، آچار میندار آغزینی
اؤلو، دیری قالماز سؤیمهیه قودوز
آخشام، اؤلوم ـ ظولوم چاتارام ائوه
آرواد اوشاق گؤروب آغلاشار حزین
قارغیشلار باشلانار یانان اورکدن
گؤز یاشیندان مرهم وورار یاراما،
باغلایاندا طیفیل قیزیم یارامی.
یئه قیزیلیم! ایچ قیزیلیم!
منلیک اولسایدی بو ایشلر
دوغرایاردیم چپ چیدارینی
یئه جئیرانیم! ایچ مارالیم!
بالامین گؤزو یولدادیر
هئچ بیلیرسن شیکوهلهنیب
گؤیچک قیزیم آناسین
هیچقیرا – هیچقیرا دئییب
کاشکی من ده آت اولایدیم
آتام منی اوخشایایدی قیزیل قدهر
قیزیل چپچیدارا بویون قویدو. گئتگئده دادلی یئمک، سرین ایچکی، نارین قشوو، ناخیشلی چول اؤز ایشینی گؤردو؛ او یوگنه بویون ایدی. یادینا گلن، گونلرین بیر گونو همیشهکی کیمی پؤروز گلدی یانینا. آیاغیندان بوخووو آچیب اؤزویله آپاردی بییین حضورونا. بی، بیزادهلر آلاچیق قاباغیندا جومالاشیب قیزیلی گؤزلهییردیلر. پؤروز بوینونو تومارلایا – تومارلایا اوغانی یوگنی سالدی باشینا، دهنهنی کئچیرتدی آغزینا. دهنهنین دادی آغزینا خوش گلمهدی. توپورمک ایستهدی، لاکین دمیر آغزیندان آیریلمادی. عصبیلشدی. باشینی سیلکهلهدی، آنجاق دمیر ایکی انگینین آراسیندان ترپنمهدی. یوگن دهنه ایله چالیشان قیزیل، گیرهوه آختاران گنجه فورصت وئردی کی یههری باسسین بئلینه. قارنینین آلتینی برکیدنده، اؤزوندن چیخدی. دیرناغییلا یئری قازدی، غضب وجودونو بورودو. گؤزلری دولدو قانلا، وار قوهسییله ایکی آیاغی اوسته قالخدی. آغزی کؤپوکلندی، کیشنهدی. پؤروز یوگندن آسلانمیشدی. قیزیلین اللری یئره گلنده قیوراق بیر گنج قوندو یههرین قاشینا، آیاقلارینی کئچیرتدی اوزنگییه، یوگهنین اوجونو پؤروزدن قاپدی. قیزیلا ائله گلدی کی دونیادان اوزولور. سیلکهلندی، آیاقلاری اوسته قالخدی. اللری بوشلوقلاری گزیب یئره چاتاندا، گؤتورولدو. قیزیل دؤرد ال آیاق… یوخ دئمک اولار اوچوردو. “تهله” درهسیـندن “آغ مام”ـین یاخینلیغینا قدهر بیر باش یوگوردو. اوردا ایستر – ایستهمز، یوگهنینین ساغ یانا چکیلمهسینه گؤره گئنیش بیر ساحهده بورولوب آلاچیقلارا ساری یوللاندی. دایانمادان، اوخ کیمی آلاچیقلاری، بییی، بیزادهلری اؤتوب، “یئددی بؤلوک” یوققوشوندا یوگهنه آرتیق تمکین ائدیب قاییدیش باشی یورغالادی. آلاچیقلارا یاخین اوینایا – اوینایا، آددیملادی.
پؤروز یوگوروب یوگهنی گنجین الیندن آلیب قیزیلین بوینونو تومارلادی. یههری بئلیندن گؤتوردولر. چئر اولماسین دئیه باشلادیلار گزدیرمهیه. تری سویویاندان سونرا، بی اؤز الییله بزکلی یوم – یوموشاق چولو سالدی بئلینه. او گوندن قیزیل اولدو بییین سئوگیلیسی. اوبالاردان اوبالارا، یایلاقلاردان یایلاقلارا گئدن بییی، چیینیندهکی بالا بئرنو، بئلیندهکی جوت قاطار، الیندهکی صدفلی قامچی، ترکیندهکی قارا باغ خورجونو اونا آز – چوخ یاراشیق وئرسهیدی ده، آنجاق باغیش بیین اصیل یاراشیغی قیزیل ایدی.
اوولاردا قاباقچیلیغینا گؤره اونا “جئیرانباسان قیزیل” دا دئییردیلر. مرجلهشنلر آراسیندا قیزیل اوسته سککیز بیره ده باغلاشاردیلار.
گونلر کئچدی، آیلار اؤتدو. نئچه دفعه نوروز گولو چیچکلندیردی داغلاری. گونلرین بیر گونو، افتیخار زیروهسینده یاشایان قیزیل، اؤزونده نقصان دویدو. بو نقصان قیزیلین ساغ قیچیندا داوام تاپدی. اوللر پاپی اولماییب، فیکیرلشدی: اولمایا نالی دییشنده میخ مایایا ایشلهییب، یا دا کی نال آلتینا قوم گیریب، لاکین آغری توکنمهدی. بیر ایکی گون وقارینی پوزماییب دؤزدو. اولمادی. باشلادی آخساماغا.
پؤروز بونو گؤرجک، رنگی آتدی. تلهسیک قیزیلین قیچینی دیزی اوسته آلیب دقتله باخدی. اونون ایتی گؤزلری فاجعهنین درینلییینی بللندیردی. دیزلری اسیب قیزیلین قیچینی بوراخیب ایکی اللی ووردو باشینا. زاریلدادی، ـ «دده یاناسان! ائویم ییخیلدی!»
قیزیلین ساغ توپوغونداکی آزاجیق شیش، پؤروزه گؤستردی کی بیین سئوگیلیسینین ایشی بیتیبدیر. ائله کی بیه خبر وئردیلر قیزیلین ساغ توپوغوندا باغا وار، چرچیوهدن چیخدی. ایکی گون مانقال باشیندان دورمادی. اوچونجو گون پؤروزون باشینی قامچییا دولایاندان سونرا، دئدی: ـ «ساتین گئتسین!»
قیزیل ساتیلدی. جئیرانباسان قیزیل، چولاق قیزیل آدینا، چوخ دا اوجوز، دیهرین دیمزینه ساتیلدی. آلان، داشقاچی صفر ایدی.
موغان دؤشونده بئجرن، ساوالان اتهیینده گول ـ چیچک قوخوسوندا اوتلایان قیزیل، بوز ـ بولاقدان، آرازدان ایچن قیزیل، ایلک گئجه آخیرا تؤکولن ساماندان، قورو خشهدن، اییرهنیب یئیه بیلمهدی. وئدرهدهکی سودان دا ایچمهدی… هئچ زاد اونو ماراقلاندیرمادی. سحر تئزدن شبئه باشلاندی. قیزیلی دارتا – دارتا، کئچیرتدیلر داشقانین ایکی قولونون آراسینا. خامیتی بوینونا سالاندا، قیزیل قویمادی. اونا آغیر گلیردی بو تئزلیکله بوسبوتون شوکتینی الدن وئره. آغزینا لاواشا ووردولار، ییرتیق سییهزی سالدیلار باشینا، قارین آلتینی برکیتدیلر…
هیملاواردا پئیه دیوارینین کؤلگهسینده اوزانان قیزیلی، صفرین آمانسیز قامچیلاری دا اؤلوم قوجاغیندان آییرا بیلمهدی.
https://t.me/Adabiyyatsevanlar
اوولاردا قاباقچیلیغینا گؤره اونا “جئیرانباسان قیزیل” دا دئییردیلر. مرجلهشنلر آراسیندا قیزیل اوسته سککیز بیره ده باغلاشاردیلار.
گونلر کئچدی، آیلار اؤتدو. نئچه دفعه نوروز گولو چیچکلندیردی داغلاری. گونلرین بیر گونو، افتیخار زیروهسینده یاشایان قیزیل، اؤزونده نقصان دویدو. بو نقصان قیزیلین ساغ قیچیندا داوام تاپدی. اوللر پاپی اولماییب، فیکیرلشدی: اولمایا نالی دییشنده میخ مایایا ایشلهییب، یا دا کی نال آلتینا قوم گیریب، لاکین آغری توکنمهدی. بیر ایکی گون وقارینی پوزماییب دؤزدو. اولمادی. باشلادی آخساماغا.
پؤروز بونو گؤرجک، رنگی آتدی. تلهسیک قیزیلین قیچینی دیزی اوسته آلیب دقتله باخدی. اونون ایتی گؤزلری فاجعهنین درینلییینی بللندیردی. دیزلری اسیب قیزیلین قیچینی بوراخیب ایکی اللی ووردو باشینا. زاریلدادی، ـ «دده یاناسان! ائویم ییخیلدی!»
قیزیلین ساغ توپوغونداکی آزاجیق شیش، پؤروزه گؤستردی کی بیین سئوگیلیسینین ایشی بیتیبدیر. ائله کی بیه خبر وئردیلر قیزیلین ساغ توپوغوندا باغا وار، چرچیوهدن چیخدی. ایکی گون مانقال باشیندان دورمادی. اوچونجو گون پؤروزون باشینی قامچییا دولایاندان سونرا، دئدی: ـ «ساتین گئتسین!»
قیزیل ساتیلدی. جئیرانباسان قیزیل، چولاق قیزیل آدینا، چوخ دا اوجوز، دیهرین دیمزینه ساتیلدی. آلان، داشقاچی صفر ایدی.
موغان دؤشونده بئجرن، ساوالان اتهیینده گول ـ چیچک قوخوسوندا اوتلایان قیزیل، بوز ـ بولاقدان، آرازدان ایچن قیزیل، ایلک گئجه آخیرا تؤکولن ساماندان، قورو خشهدن، اییرهنیب یئیه بیلمهدی. وئدرهدهکی سودان دا ایچمهدی… هئچ زاد اونو ماراقلاندیرمادی. سحر تئزدن شبئه باشلاندی. قیزیلی دارتا – دارتا، کئچیرتدیلر داشقانین ایکی قولونون آراسینا. خامیتی بوینونا سالاندا، قیزیل قویمادی. اونا آغیر گلیردی بو تئزلیکله بوسبوتون شوکتینی الدن وئره. آغزینا لاواشا ووردولار، ییرتیق سییهزی سالدیلار باشینا، قارین آلتینی برکیتدیلر…
هیملاواردا پئیه دیوارینین کؤلگهسینده اوزانان قیزیلی، صفرین آمانسیز قامچیلاری دا اؤلوم قوجاغیندان آییرا بیلمهدی.
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
Forwarded from ادبیات سئونلر
اوشاق ادبیاتی
اوشاق ادبیاتی هر هفته پنجشنبه گونو ادبیات سئونلر کانالیندا .
اوشاق ادبیاتینا دایر یازیلارینیزی بیزه گوندرین .
https://t.me/Adabiyyatsevanlar
اوشاق ادبیاتی هر هفته پنجشنبه گونو ادبیات سئونلر کانالیندا .
اوشاق ادبیاتینا دایر یازیلارینیزی بیزه گوندرین .
https://t.me/Adabiyyatsevanlar
اوشاق ادبیاتی
🍑 بیر هولی، مین هولی
یازار: صمد بهرنگی
چئویرن: منیژه جمنژاد
🕓 صاحابعلی دئدی: ائله ایکیسی ده اولا بیلر. منده اؤزومدن سؤز چیخارمیرام. آتامدان ائشیتمیشم. پولاد یاواشجا منه توخونوب دئدی: اللریم دوندو، سانیرام یئمک واختی دیر. صاحابعلی ده چکینجهیله منه توخونوب دئدی: هه، بوم بوزدور؛ منی سودان چیخاردی. چیخینجا ائشییین ایستیسینی دویدوم. ایندی سئویردیم منی تئز یئسینلر، دوشوندوکلریندن ده لذتلی اولدوغومو اونلارا گوسترم. سئویردیم گونش له آنامدان آلدیغیم بوتون گوجو، ایستینی بو ایکی کندلی اوشاغین جانینا یئتیرم. پولاد لا صاحابعلی منی یئمهیه قرار وئریرکن، من نئچه یول حالدان حالا قالیب، نئچه یول دا قالاجاغیمی دو٘شونوردوم. اؤزومه دییردیم: " بیرگون جانیمین ذرهلری تورپاقلا سو ایدی، بیر آزی دا گونشین ایشیغی. آنام اونلاری آز- آز یئردن امیب بوداقلارینین اوجوناجان گتیرردی. سونرا آنام قونچا وئردی، سونرا گول آچدی، یاواش یاواش من دوزلدیم. جانیمین ذرهلرینی آز - آز آنامین جانیندان امیب گونش ایشیغینین ذرهلریله قاتدیم؛ چردهییم...
بویازینین آردینی ادبیات سئونلر کانالیندا اوخویون.
https://t.me/Adabiyyatsevanlar
🍑 بیر هولی، مین هولی
یازار: صمد بهرنگی
چئویرن: منیژه جمنژاد
🕓 صاحابعلی دئدی: ائله ایکیسی ده اولا بیلر. منده اؤزومدن سؤز چیخارمیرام. آتامدان ائشیتمیشم. پولاد یاواشجا منه توخونوب دئدی: اللریم دوندو، سانیرام یئمک واختی دیر. صاحابعلی ده چکینجهیله منه توخونوب دئدی: هه، بوم بوزدور؛ منی سودان چیخاردی. چیخینجا ائشییین ایستیسینی دویدوم. ایندی سئویردیم منی تئز یئسینلر، دوشوندوکلریندن ده لذتلی اولدوغومو اونلارا گوسترم. سئویردیم گونش له آنامدان آلدیغیم بوتون گوجو، ایستینی بو ایکی کندلی اوشاغین جانینا یئتیرم. پولاد لا صاحابعلی منی یئمهیه قرار وئریرکن، من نئچه یول حالدان حالا قالیب، نئچه یول دا قالاجاغیمی دو٘شونوردوم. اؤزومه دییردیم: " بیرگون جانیمین ذرهلری تورپاقلا سو ایدی، بیر آزی دا گونشین ایشیغی. آنام اونلاری آز- آز یئردن امیب بوداقلارینین اوجوناجان گتیرردی. سونرا آنام قونچا وئردی، سونرا گول آچدی، یاواش یاواش من دوزلدیم. جانیمین ذرهلرینی آز - آز آنامین جانیندان امیب گونش ایشیغینین ذرهلریله قاتدیم؛ چردهییم...
بویازینین آردینی ادبیات سئونلر کانالیندا اوخویون.
https://t.me/Adabiyyatsevanlar
اوشاق ادبیاتی
🍑 بیر هولی، مین هولی
یازار: صمد بهرنگی
چئویرن: منیژه جمنژاد
🕓 صاحابعلی دئدی: ائله ایکیسی ده اولا بیلر. منده اؤزومدن سؤز چیخارمیرام. آتامدان ائشیتمیشم. پولاد یاواشجا منه توخونوب دئدی: اللریم دوندو، سانیرام یئمک واختی دیر. صاحابعلی ده چکینجهیله منه توخونوب دئدی: هه، بوم بوزدور؛ منی سودان چیخاردی. چیخینجا ائشییین ایستیسینی دویدوم. ایندی سئویردیم منی تئز یئسینلر، دوشوندوکلریندن ده لذتلی اولدوغومو اونلارا گوسترم. سئویردیم گونش له آنامدان آلدیغیم بوتون گوجو، ایستینی بو ایکی کندلی اوشاغین جانینا یئتیرم. پولاد لا صاحابعلی منی یئمهیه قرار وئریرکن، من نئچه یول حالدان حالا قالیب، نئچه یول دا قالاجاغیمی دو٘شونوردوم. اؤزومه دییردیم: " بیرگون جانیمین ذرهلری تورپاقلا سو ایدی، بیر آزی دا گونشین ایشیغی. آنام اونلاری آز- آز یئردن امیب بوداقلارینین اوجوناجان گتیرردی. سونرا آنام قونچا وئردی، سونرا گول آچدی، یاواش یاواش من دوزلدیم. جانیمین ذرهلرینی آز - آز آنامین جانیندان امیب گونش ایشیغینین ذرهلریله قاتدیم؛ چردهییم، قابیغیم، اتیم دوزلیب، سولو، یئتیشمیش بیر هولو اولونجا. آما ایندی پولاد لا صاحابعلی منی یئییرلر، سونرالار جانیمین ذرهلری اولارین اتینه، تو٘کونه، سوموکلرینه قاریشاجاق. البتده اولاردا بیرگون اؤلهجکلر، اوندا منیم جانیمین ذرهلری نه اولاجاق؟ "
اوشاقلار منی یئمهیه قرار وئردیلر. صاحابعلی منی پولادا وئریب دئدی: بیر دیش وور. پولاد بیر دیش گؤتوروب منی صاحابعلییه وئریب اؤزوده دوداقلارینی سورماغا باشلادی. صاحابعلی ده بیر دیش ووروب منی پولادا وئردی. اؤزومه دئدییم کیمی آغیزلاریندا چوخ داد وئردیم. ایندی منیم جانیمین اتی آرادان گئدیردی آما چردهییم یئنی بیر یاشامی دو٘شونوردو. بیر دیقه سونرا من آدلی هولودان ایز قالمیاجاقدیر، حال بوکی چردهییم نئجه، نه واخت گویرمهیه نقشه چکیردی. من عئینی حالدا هم اؤلور هم ده دیریلیردیم. سون کز پولاد منی آغزینا قویوب اتیمین سون ذرهلرینی سوروب اوددو، منی یئنیدن چیخاراندا، داها من هولو دئییلدیم، دیری بیر چردهییدیم کی برک بیر قابیغیم واریدی، ایچینده ده یئنی یاشامین توخومونو گیزلتمیشدیم. تکجه بیر آز دینجلمک بیر آز دا شئه تورپاق ایستیردیم، چردهییمی یاریب جوجرم. اوشاقلار بارماقلاریله دوداقلارینی نئچه یول یالایاندان سونرا پولاد دئدی: ایندی نه ائدهک؟ صاحابعلی دئدی: گیرهک سویا. پولاد دئدی: چردهیینی یئمیریک؟ صاحابعلی دئدی: قوی قالسین، اونا نقشهم وار. پولاد منی بیر سؤیود آغاجینین دیبینه قویوب، دال دالی گئدیب آتیلیب، قیچلارینی قارنینا ییغیب، اللرین اولارا حلقه لهییب، دالیسی اوسته سویا دوشدو. بیر آن سویون آلتینا گئدیب، ال آیاق چالیب آیاق اوسته دوردو، سویون چومورو یان یوره سیندن او٘سته قالخدی. سو چنهسینهجن یئتیشیردی. سویون مامیرلاری باش قولاغیندان آسلانیردی. صاحابعلی دئدی: پولاد، او٘زونو توت اویانا. پولاد دئدی: شالوارینی چیخاریرسان؟ صاحابعلی دئدی: هه، ایستیرم آتام گئنه گلیب او٘زمهییمیزی بیلمهسین. دؤیر منی. پولاد دئدی: هله کی گون اورتا چاغینا، ائوه قاییتماغیمیزا چوخ قالیر. صاحابعلی دئدی: اولمایا گونو باشینین او٘ستونده گورمورسن؟ پولاد داها بیر سوز دئمهییب، او٘زونو چئویردی. صاحابعلینین سویا دو٘شمک سسی گلینجه پولاد دؤندو، باشلادیلار اوزمهیه، سو آلتی گئتمه یه، بیر بیرلرینین او٘ز گوزونو سولاماغا. سونرا ایکیسی ده دئدیلر: گئج اولدو. سودان چیخدیلار. پولاد شالوارینین قیچلارینی نئچه یول سیخدی. منی ده سؤیودون دیبیندن گؤتوروب یولا دو٘شدولر. باغین دیبینده کی دوواردان دیرماشیب اویانا آتیلدیلار. کندین ائولری اربابین باغیندان اوزاقدایدی. پولاد دئدی: یاخجی، دئدین اونا نقشهن وار. صاحابعلی دئدی: کولگه دوشنده گلیب چاغیرارام گئدیب تپهنین باشیندا اوتوراریق نقشهمی دئیهرم. کندین کوچه لری خلوت آما میلچکله، پئیین ایییله دولویدو. یئکه بیر ایت دووارین باشیندان یئکه بیر ایت قاباغیمیزا آتیلدی. پولاد الینی ایتین باش گؤزونه چکیب، اییلیب ائولرینه گئتدی. ایت ده اونون دالیسی جان ائوه تپیلدی. کوچه او٘زو یوخارییدی. بئله کی کوچهنین تکی پولاد گیلین ائوینین دامی له بیریدی. صاحابعلی ائله او دامدان یولونو چکیب گئتدی. نئچه ائو اویانلیق دا اولارین ائوی ایدی. منی اووجوندا محکم سیخیب حیطلرینه آتیلدی، دیزلرینه جن گیردی یاش یوموشاق تزهیین ایچینه کی آناسی بیر ساعات اؤنجه اورا توکموش صاحابعلینین ده خبری یوخویدو. آناسی دوشمک سسینه، باشینی ائوین باجاسیندان چیخاریب دئدی: صاحابعلی، تئز اول گل آتانا بیر تیکه چورک دن سو دان آپار...
آردی وار
https://t.me/Adabiyyatsevanlar
🍑 بیر هولی، مین هولی
یازار: صمد بهرنگی
چئویرن: منیژه جمنژاد
🕓 صاحابعلی دئدی: ائله ایکیسی ده اولا بیلر. منده اؤزومدن سؤز چیخارمیرام. آتامدان ائشیتمیشم. پولاد یاواشجا منه توخونوب دئدی: اللریم دوندو، سانیرام یئمک واختی دیر. صاحابعلی ده چکینجهیله منه توخونوب دئدی: هه، بوم بوزدور؛ منی سودان چیخاردی. چیخینجا ائشییین ایستیسینی دویدوم. ایندی سئویردیم منی تئز یئسینلر، دوشوندوکلریندن ده لذتلی اولدوغومو اونلارا گوسترم. سئویردیم گونش له آنامدان آلدیغیم بوتون گوجو، ایستینی بو ایکی کندلی اوشاغین جانینا یئتیرم. پولاد لا صاحابعلی منی یئمهیه قرار وئریرکن، من نئچه یول حالدان حالا قالیب، نئچه یول دا قالاجاغیمی دو٘شونوردوم. اؤزومه دییردیم: " بیرگون جانیمین ذرهلری تورپاقلا سو ایدی، بیر آزی دا گونشین ایشیغی. آنام اونلاری آز- آز یئردن امیب بوداقلارینین اوجوناجان گتیرردی. سونرا آنام قونچا وئردی، سونرا گول آچدی، یاواش یاواش من دوزلدیم. جانیمین ذرهلرینی آز - آز آنامین جانیندان امیب گونش ایشیغینین ذرهلریله قاتدیم؛ چردهییم، قابیغیم، اتیم دوزلیب، سولو، یئتیشمیش بیر هولو اولونجا. آما ایندی پولاد لا صاحابعلی منی یئییرلر، سونرالار جانیمین ذرهلری اولارین اتینه، تو٘کونه، سوموکلرینه قاریشاجاق. البتده اولاردا بیرگون اؤلهجکلر، اوندا منیم جانیمین ذرهلری نه اولاجاق؟ "
اوشاقلار منی یئمهیه قرار وئردیلر. صاحابعلی منی پولادا وئریب دئدی: بیر دیش وور. پولاد بیر دیش گؤتوروب منی صاحابعلییه وئریب اؤزوده دوداقلارینی سورماغا باشلادی. صاحابعلی ده بیر دیش ووروب منی پولادا وئردی. اؤزومه دئدییم کیمی آغیزلاریندا چوخ داد وئردیم. ایندی منیم جانیمین اتی آرادان گئدیردی آما چردهییم یئنی بیر یاشامی دو٘شونوردو. بیر دیقه سونرا من آدلی هولودان ایز قالمیاجاقدیر، حال بوکی چردهییم نئجه، نه واخت گویرمهیه نقشه چکیردی. من عئینی حالدا هم اؤلور هم ده دیریلیردیم. سون کز پولاد منی آغزینا قویوب اتیمین سون ذرهلرینی سوروب اوددو، منی یئنیدن چیخاراندا، داها من هولو دئییلدیم، دیری بیر چردهییدیم کی برک بیر قابیغیم واریدی، ایچینده ده یئنی یاشامین توخومونو گیزلتمیشدیم. تکجه بیر آز دینجلمک بیر آز دا شئه تورپاق ایستیردیم، چردهییمی یاریب جوجرم. اوشاقلار بارماقلاریله دوداقلارینی نئچه یول یالایاندان سونرا پولاد دئدی: ایندی نه ائدهک؟ صاحابعلی دئدی: گیرهک سویا. پولاد دئدی: چردهیینی یئمیریک؟ صاحابعلی دئدی: قوی قالسین، اونا نقشهم وار. پولاد منی بیر سؤیود آغاجینین دیبینه قویوب، دال دالی گئدیب آتیلیب، قیچلارینی قارنینا ییغیب، اللرین اولارا حلقه لهییب، دالیسی اوسته سویا دوشدو. بیر آن سویون آلتینا گئدیب، ال آیاق چالیب آیاق اوسته دوردو، سویون چومورو یان یوره سیندن او٘سته قالخدی. سو چنهسینهجن یئتیشیردی. سویون مامیرلاری باش قولاغیندان آسلانیردی. صاحابعلی دئدی: پولاد، او٘زونو توت اویانا. پولاد دئدی: شالوارینی چیخاریرسان؟ صاحابعلی دئدی: هه، ایستیرم آتام گئنه گلیب او٘زمهییمیزی بیلمهسین. دؤیر منی. پولاد دئدی: هله کی گون اورتا چاغینا، ائوه قاییتماغیمیزا چوخ قالیر. صاحابعلی دئدی: اولمایا گونو باشینین او٘ستونده گورمورسن؟ پولاد داها بیر سوز دئمهییب، او٘زونو چئویردی. صاحابعلینین سویا دو٘شمک سسی گلینجه پولاد دؤندو، باشلادیلار اوزمهیه، سو آلتی گئتمه یه، بیر بیرلرینین او٘ز گوزونو سولاماغا. سونرا ایکیسی ده دئدیلر: گئج اولدو. سودان چیخدیلار. پولاد شالوارینین قیچلارینی نئچه یول سیخدی. منی ده سؤیودون دیبیندن گؤتوروب یولا دو٘شدولر. باغین دیبینده کی دوواردان دیرماشیب اویانا آتیلدیلار. کندین ائولری اربابین باغیندان اوزاقدایدی. پولاد دئدی: یاخجی، دئدین اونا نقشهن وار. صاحابعلی دئدی: کولگه دوشنده گلیب چاغیرارام گئدیب تپهنین باشیندا اوتوراریق نقشهمی دئیهرم. کندین کوچه لری خلوت آما میلچکله، پئیین ایییله دولویدو. یئکه بیر ایت دووارین باشیندان یئکه بیر ایت قاباغیمیزا آتیلدی. پولاد الینی ایتین باش گؤزونه چکیب، اییلیب ائولرینه گئتدی. ایت ده اونون دالیسی جان ائوه تپیلدی. کوچه او٘زو یوخارییدی. بئله کی کوچهنین تکی پولاد گیلین ائوینین دامی له بیریدی. صاحابعلی ائله او دامدان یولونو چکیب گئتدی. نئچه ائو اویانلیق دا اولارین ائوی ایدی. منی اووجوندا محکم سیخیب حیطلرینه آتیلدی، دیزلرینه جن گیردی یاش یوموشاق تزهیین ایچینه کی آناسی بیر ساعات اؤنجه اورا توکموش صاحابعلینین ده خبری یوخویدو. آناسی دوشمک سسینه، باشینی ائوین باجاسیندان چیخاریب دئدی: صاحابعلی، تئز اول گل آتانا بیر تیکه چورک دن سو دان آپار...
آردی وار
https://t.me/Adabiyyatsevanlar
Telegram
ادبیات سئونلر
بوکانال ادبیات سئونلر قوروپونون سئچیلمیش اثرلری دیر
کانالدا کی یازیلاری کانالین لینکینی وئرمک شرطی ایله پایلاشماق اولار.
کانالدا کی یازیلاری کانالین لینکینی وئرمک شرطی ایله پایلاشماق اولار.
4_5906840991448462547.mp4
14.2 MB
اوشاق ادبیاتی
کارتون: جیک جیک خانیم
اوشاق ادبیاتی هر هفته پنجشنبه گونو ادبیات سئونلر کانالیندا .
اوشاق ادبیاتینا دایر یازیلارینیزی بیزه گوندرین .
https://t.me/Adabiyyatsevanlar
کارتون: جیک جیک خانیم
اوشاق ادبیاتی هر هفته پنجشنبه گونو ادبیات سئونلر کانالیندا .
اوشاق ادبیاتینا دایر یازیلارینیزی بیزه گوندرین .
https://t.me/Adabiyyatsevanlar
4_5868627404695538131.mp4
40.9 MB
اوشاق ادبیاتی
باهار گلیر:سسلندیرن: فاطمه محمودی
اوشاق ادبیاتی هر هفته پنجشنبه گونو ادبیات سئونلر کانالیندا .
اوشاق ادبیاتینا دایر یازیلارینیزی بیزه گوندرین .
https://t.me/Adabiyyatsevanlar
باهار گلیر:سسلندیرن: فاطمه محمودی
اوشاق ادبیاتی هر هفته پنجشنبه گونو ادبیات سئونلر کانالیندا .
اوشاق ادبیاتینا دایر یازیلارینیزی بیزه گوندرین .
https://t.me/Adabiyyatsevanlar
اوشاق ادبیاتی
«ویدا حشمتی»
گوموشو سئرچه
پنجره قیراغیندا
اوتورموشام باخیرام
قوشلاری دسته-دسته
گؤی اوزونه تاخیرام
بیردن شاخیر بولودلار
گور-گور بابا گورولدور
باخ گؤر کیچیک اورهییم
قوپوب، نئجه گوپبولدور
قوشلار قورخوب قاچدیلار
آما قهرمان سئرچه
پنجرهمیزه قوندو
اللری اینجه-اینجه
بارماغیمی یاواشجا
چکدیم جامین اوستونه
مونجوق گؤزلو او سئرچه
باخدی گؤیون اوزونه
دئدیم: گوموشو سئرچه!
گلمهسن بیزه قوناق
باری مینیم آرخانا
بولودلار اوسته قوناق
گزک گؤی-چیمنلری
داغی-باغی، چؤللری
گؤی قورشاغین پای وئرک
سئویندیرک ائللری.
https://t.me/Adabiyyatsevanlar
«ویدا حشمتی»
گوموشو سئرچه
پنجره قیراغیندا
اوتورموشام باخیرام
قوشلاری دسته-دسته
گؤی اوزونه تاخیرام
بیردن شاخیر بولودلار
گور-گور بابا گورولدور
باخ گؤر کیچیک اورهییم
قوپوب، نئجه گوپبولدور
قوشلار قورخوب قاچدیلار
آما قهرمان سئرچه
پنجرهمیزه قوندو
اللری اینجه-اینجه
بارماغیمی یاواشجا
چکدیم جامین اوستونه
مونجوق گؤزلو او سئرچه
باخدی گؤیون اوزونه
دئدیم: گوموشو سئرچه!
گلمهسن بیزه قوناق
باری مینیم آرخانا
بولودلار اوسته قوناق
گزک گؤی-چیمنلری
داغی-باغی، چؤللری
گؤی قورشاغین پای وئرک
سئویندیرک ائللری.
https://t.me/Adabiyyatsevanlar
اوشاق ادبیاتی
قوردلا قویون
یازار: صمد بهرنگی
چئویرن: ویدا حشمتی
گونلرین بیر گونونده، بیر قارا قویون واریدی. بیر گون قارا قویون باشین آشاغی سالیب، دولانیردی. بیردن باشینی قالخیزیب، گؤردو؛ ائی داد نه چوبان واردی نه ده سورو. هله بیر ده آج بیر قورد بونا ساری گلیر. قوردون گؤزلری قان چاناغیدیر.
قویون دئدی: سلام علیکوم.
قورد دیشلرینی قیجیردادیب، دئدی:
-سالاملا زهریمار! سن بوردا نه قایریسان؟ بیلمیرسن بورالار منیم آتامدان قالان میراثدیر؟ ایندی گلیب سنی یئیهرم!...
قویون اؤزونه دئدی، وای دده، وای ننه! غریبه ایشه قالدیم. گرک بیر اویون دوزهنلهیم، بونون الیندن قاچام. اونا گؤره دئدی:
-آخی قارداش! من اینانمیرام بورالار سنین آتانیندیر. بیلیرسن؟ من گئج اینانان بیرییم. اگر دوز دئییرسن گل گئدک اوجاقباشینا(زیارتگاه). سن قبره الینی قویوب، آند ایچ! اوندا من اینانارام. البته اوندا منی یئیهبیلرسن.
قورد اؤزو-اؤزونه دئدی، بودا چوخ آخماقدیر. گئدیب، آند ایچهرم، سونرا دا بوداییب، یئیهرم.
ایکیسی گلیب، بیر آغاجا چاتدیلار چوبان ایتی همیشه او..
بویازینین آردینی ادبیات سئونلر کانالیندا اوخویون.
https://t.me/Adabiyyatsevanlar
قوردلا قویون
یازار: صمد بهرنگی
چئویرن: ویدا حشمتی
گونلرین بیر گونونده، بیر قارا قویون واریدی. بیر گون قارا قویون باشین آشاغی سالیب، دولانیردی. بیردن باشینی قالخیزیب، گؤردو؛ ائی داد نه چوبان واردی نه ده سورو. هله بیر ده آج بیر قورد بونا ساری گلیر. قوردون گؤزلری قان چاناغیدیر.
قویون دئدی: سلام علیکوم.
قورد دیشلرینی قیجیردادیب، دئدی:
-سالاملا زهریمار! سن بوردا نه قایریسان؟ بیلمیرسن بورالار منیم آتامدان قالان میراثدیر؟ ایندی گلیب سنی یئیهرم!...
قویون اؤزونه دئدی، وای دده، وای ننه! غریبه ایشه قالدیم. گرک بیر اویون دوزهنلهیم، بونون الیندن قاچام. اونا گؤره دئدی:
-آخی قارداش! من اینانمیرام بورالار سنین آتانیندیر. بیلیرسن؟ من گئج اینانان بیرییم. اگر دوز دئییرسن گل گئدک اوجاقباشینا(زیارتگاه). سن قبره الینی قویوب، آند ایچ! اوندا من اینانارام. البته اوندا منی یئیهبیلرسن.
قورد اؤزو-اؤزونه دئدی، بودا چوخ آخماقدیر. گئدیب، آند ایچهرم، سونرا دا بوداییب، یئیهرم.
ایکیسی گلیب، بیر آغاجا چاتدیلار چوبان ایتی همیشه او..
بویازینین آردینی ادبیات سئونلر کانالیندا اوخویون.
https://t.me/Adabiyyatsevanlar